Avyakt murli for Monday 2 September 1985

>

02-09-85om shanti avyakt baapdaadaamdhuban

daadi ji ko videsh yaatra par jaane ki chhutti dete samay avyakt baapdaada ke mahaavaakya

aaj murbi bachchon ke sneh ka return dene aaye hain। madhuban vaalon ko athak seva ka vishesh phal dene ke liye sirf milan manaane aaye hain। ye hai sneh ka pratyaksha pramaan swaroop। brahman parivaar ka vishesh foundation hai hi yeh vishesh sneh। vartamaan samay sneh har seva ke kaarya mein saphalta ka sahaj saadhan hai। yogi jeevan ka foundation to‘nishchay’hai lekin parivaar ka foundation sneh hai। jo sneh hi kisi ke bhi dil ko sameep le aata hai। vartamaan samay yaad aur seva ke balance ke saath ‘sneh aur seva’ ka balance saphalta ka saadhan hai। chaahe desh ki seva ho,chaahe videsh ki seva ho,donon ki saphalta ka saadhan roohaani sneh hai। gyaan aur yog shabd to bahuton se suna hai। lekin drishti se va shreshtha sankalp se aatmaon ko sneh ki anubhooti hona yeh visheshta aur naveenta hai। aur aaj ke vishwa ko sneh ki aavashyakta hai। kitni bhi abhimaani aatma ko sneh sameep la sakta hai। sneh ke bhikhaari shanti ke bhikhaari hain lekin shanti ka anubhav bhi sneh ki drishti dvaara hi kar sakte hain। to sneh, shanti ka svatah hi anubhav karaata hai। kyonki sneh mein kho jaate hain। isliye thode samay ke liye ashareeri svatah hi ban jaate hain। to ashareeri banne ke kaaran shanti ka anubhav sahaj hota hai। baap bhi sneh ka hi respaanda deta hai। chaahe rath chale na chale phir bhi baap ko sneh ka saboot dena hi hai। bachchon mein bhi yahi sneh ka pratyaksha roop baapdaada dekhna chaahte hain। koi (guljaar behen,jagdeesh bhaai,nirvair bhaai) videsh seva kar laute hain aur koi (daadi ji aur mohini behen) ja rahe hain। ye bhi un aatma ke sneh ka phal unhon ko mil raha hai। drama anusaar sochte aur hain lekin hota aur hai। phir bhi phal mil hi jaata hai। isliye programme ban hi jaata hai। sabhi apna-apna achha hi part baja kar aaye hain। bana banaaya drama noondha hua hai to sahaj hi return mil jaata hai। videsh bhi achhi lagan se seva mein aage badh raha hai। himmat aur umang unheen mein chaaron or achha hai। sabhi ke dil ke shukriya ke sankalp baapdaada ke paas pahunchte rehte hain। kyonki woh bhi samajhte hain। bhaarat mein bhi kitni aavashyakta hai phir bhi bhaarat ka sneh hi humein sahayog de raha hai। isi bhaarat mein seva karne vaale sahayogi parivaar ko dil se shukriya karte hain। jitna hi desh door utna hi dil se paalna ke paatra banne mein sameep hain isliye baapdaada chaaron or ke bachchon ko shukriya ke return mein yaadapyaar aur shukriya de rahe hain। baap bhi to geet gaate hain na।

bhaarat mein bhi achhe umang utsaah yaatra ka bahut hi achha part baja rahe hain। chaaron or seva ki dhoomdhaam ki raunak bahut achhi hai। umang-utsaah thakaavat ko bhulaay saphalta praapta kara raha hai। chaaron or ki seva ki saphalta achhi hai। baapdaada bhi sabhi bachchon ke seva ke umang-utsaah ka swaroop dekh harshit hote hain।

(nerobi mein jagdeesh bhaai pope se milkar aaye hain) pope ko bhi drishti di na। yeh bhi aap ke liye vishesh vi.aai.pi. ki seva mein saphalta sahaj hone ka saadhan hai। jaise bhaarat mein vishesh raashtrapti aaye। to abhi kah sakte hain ki bhaarat mein bhi aaye hain। aise hi vishesh videsh mein videsh ke mukhya dharma ke prabhaav ke naate se sameep samparka mein aaye to kisi ko bhi sahaj himmat aa sakti hai ki ham bhi samparka mein aayen। to desh ka bhi achha seva ka saadhan bana aur videsh seva ka bhi vishesh saadhan bana। to samay pramaan jo bhi seva mein sameep aane mein koi bhi rookaavat aati hai, woh bhi sahaj samaapta ho jaayegi। prime minister ka milna to hua na। to duniya vaalon ke liye, ye egjaampil bhi madad dete hain। sabhi ke question khatma ho jaate hain। to ye bhi drama anusaar isi varsha seva mein sahaj pratyakshata ke saadhan bane। abhi sameep aa rahe hain। inhon ka to sirf naam hi kaam karega। to naam se jo kaam hona hai uski dharni taiyaar ho gai। aavaaz ye nahin phailaayenge। aavaaz phailaane vaale mike aur hain। ye mike ko light dene vaale hain। lekin phir bhi dharni ki taiyaari achhi ho gai hai। jo videsh mein pahle vi.aai.pi. ke liye mushkil anubhav karte the,abhi woh chaaron or sahaj anubhav karte hain, ye result abhi achhi hai। inhon ke naam se kaam karne vaale taiyaar ho jaayenge। abhi dekho woh kab nimitta banta hai। dharni taiyaar karne ke liye chaaron or sab gaye। bhinna-bhinna taraph dharni ko paanv dekar taiyaar to kiya hai। abhi phal pratyaksha roop mein kis dvaara hota hai, uski taiyaari ab ho rahi hai। sabhi ki result achhi hai।

padayaatri bhi ek bal ek bharosa rakhkar ke aage badh rahe hain। pahle mushkil lagta hai। lekin jab practical mein aate hain to sahaj ho jaata hai। to sabhi deshvidesh aur jo bhi seva ke nimitta ban seva dvaara anekon ko baapdaada ke snehi sahayogi banaakar aaye hain, un sabhi ko vishesh yaadapyaar de rahe hain। har bachche ka vardaan apna-apna hai। vishesh bhaarat ke sab padayaatra par chalne vaale bachchon ko aur videsh seva arth chaaron or nimitta bane hue bachchon ko aur madhuban nivaasi shreshtha seva ke nimitta bane hue bachchon ko,saath-saath jo sabhi bhaaratvaasi bachche yaatra vaalon ko umang-utsaah dilaane ke nimitta bane hain, un sabhi chaaron or ke bachchon ko vishesh yaadapyaar aur seva ki saphalta ki mubaarak de rahe hain। harek sthaan par mehnat to ki hai, lekin ye vishesh kaarya arth nimitta bane। isliye vishesh jama ho gaya। harek desh moreesiyash, nairobi,amreeka ye sab example taiyaar ho rahe hain। aur ye example aage pratyakshata mein sahayogi banenge। amreeka vaalon ne bhi kam nahin kiya hai। ek-ek chhote sthaan ne bhi jitna umang-ullaas se apni haisiyat (taakat) ke hisaab se bahut jyaada kiya। foreign mein majority krishchayan ka phir bhi raajya to hai na। abhi chaahe woh taakat khatma ho gai hai, lekin dharma to nahin chhoda hai। church chhod di hai lekin dharma nahin chhoda hai। isliye pope bhi vahaan raaja ke samaan hai। raaja tak pahunche to praja mein svatah hi regard baithat hai। jo kattar Christian hain unhon ke liye bhi ye example achha hai। example Christian ke liye nimitta banega। krishna aur Christian ka connection hai na। bhaarat ka vaataavran phir bhi aur hota hai। sikyooriti aadi ka bahut hota hai। lekin ye pyaar se mila ye achha hai। royalty se time dena, vidhipoorvak milna uska prabhaav padta hai। ye dikhaata hai ki abhi samay sameep aa raha hai।

landan mein bhi videsh ke hisaab se bahut achhi sankhya hai aur vishesh murli se pyaar hai, padhaai se pyaar hai,ye foundation hain। ismen landan ka number one hai। kuchh bhi ho jaae, kab class miss nahin karte hain। chaar baje ka yog aur class ka mahatva sabse jyaada landan mein hain। iska bhi kaaran sneh hai। sneh ke kaaran khinche hue aate hain। vaataavran shaktishaali banaane par attention achha hai। vaise bhi door desh jo hain vahaan vaayumandal hi sahaara samajhte hain। chaahe sevaakendra ka va apna। jara bhi agar koi baat aati hai to phauran apne ko check kar vaataavran shaktishaali banaane ka prayatna achha karte hain। vahaan vaataavran powerful banaane ka lakshya achha hai। chhoti-chhoti baat mein vaataavran ko kharaab nahin karte hain। samajhte hain ki vaataavran shaktishaali nahin hoga to seva mein saphalta nahin hogi। isliye yeh attention achha rakhte hain। apne purooshaartha ka bhi aur centre ke vaataavran ka bhi। himmat aur umang mein koi kam nahin hain।

jahaan bhi kadam rakhte hain vahaan avashya vishesh praapti braahmanon ko bhi hoti hai aur desh ko bhi hoti hai। sandesh bhi milta hai aur braahmanon mein bhi vishesh shakti badhti aur paalna bhi milti। saakaar roop se vishesh paalna paakar sabhi khush hote hain। aur usi khushi mein seva mein aage badhte aur saphalta ko paate hain। door desh mein rahne vaalon ke liye paalna to zaroori hai। paalna paakar udte hain। jo madhuban mein aa nahin sakte woh vahaan baithe madhuban ka anubhav karte hain। jaise yahaan svarga ka aur sangamayug ka aananda, donon anubhav karte hain। isliye drama anusaar videsh mein jaane ka part bhi jo bana hai woh aavashyak hai aur saphalta bhi hai। harek videsh ke bachche apne-apne naam se vishesh seva ki mubaarak aur vishesh seva ki saphalta ka return yaadapyaar sveekaar karen। baap ke saamne ek- ek bachcha hai। harek desh ka harek bachcha nainon ke saamne aa raha hai। ek-ek ko baapdaada yaadapyaar de rahe hain। jo tadapte hue bachche hain unhon ki bhi kamaal dekh baapdaada sada bachchon ke oopar sneh ke pushpon ki varsha karta hai। buddhibal unhon ka kitna tej hai। doosra vimaan nahin hai to buddhi ka vimaan tej hai। unhon ki buddhibal par baapdaada bhi harshit hote hain। harek sthaan ki apni-apni visheshta hai। sindhi log bhi ab sameep aa rahe hain। jo aadi so ant to hona hi hai।

ye bhi jo bhraanti baithi hui hai ki ye social work nahin karte hain woh bhi is padayaatra ko dekh, ye bhraanti bhi mit gai। ab kraanti ki taiyaari jor shor se ho rahi hai।

dilli vaale bhi ab padayaatriyon ka aahvaan kar rahe hain। itne brahman ghar mein aayenge। aise brahman mehmaan to bhaagyavaan ke paas hi aate hain। dehli mein sabko adhikaar hai। adhikaari ko satkaar to dena hai। dehli se hi vishwa mein naam jaayega। apni-apni area mein to kar hi rahe hain। lekin desh-videsh mein to dehli ke hi T.vi., radio nimitta banenge।

(aaj nirmalshaanta daadi bhi aa pahunchi hain) ye aadi ratnon ki nishaani hai। ‘haan ji’ paath sada yaad hote hue shareer ko bhi shakti dekar pahunch gayi। aadi ratnon mein ye natural sanskaar hai। kab na nahin karte। sadaiv haan ji karte hain। aur haan ji ne hi bada hajoor banaaya hai। isliye baapdaada bhi khush hain। himmate bachchi ko madad de baap ne sneh milan ka phal diya।

(daadi ko) sabhi ko seva ke umang-utsaah ki mubaarak dena। aur sada khushi ke jhoole mein jhoolte rehte, khushi se seva mein pratyakshata ki lagan se aage badhte rehte hain। isliye shuddh shreshtha sankalp ki sabko mubaarak ho। chaarle,ken aadi jo ye pahla phal nikla, ye group achha return de rahe hain। nirmaanta nirmaan ka kaarya sahaj karti hai। jab tak nirmaan nahin bane tab tak nirmaan nahin kar sakte। ye parivartan bahut achha hai। sabka sunna aur samaana aur sabhi ko sneh dena ye saphalta ka aadhaar hai। achhi progress ki hai। naye-naye paandavon ne bhi achhi-mein achha parivartan laaya hai। sab taraph vriddhi achhi ho rahi hai। abhi aur naveenta karne ka plan banaana। itne tak to sabhi ki mehnat karne ka phal nikla hai jo pahle sunte hi nahin the,woh sameep aaye - brahman aatmaayen ban rahi hain। abhi aur pratyakshata karne ka koi naya seva ka saadhan banega। braahmanon ka sangathan bhi achha hai। abhi seva vriddhi ki or badh rahi hai। ek baar vriddhi shuru ho jaati hai to phir lahar chalti hai। achha।