Avyakt murli for Wednesday 13 November 1985

>

13-11-85om shanti avyakt baapdaadaamdhuban

sankalp, sanskaar,sambandh,bol aur karma mein naveenta laao

avyakt baapdaada bole

aaj nai duniya ke, nai rachna ke rachayita baap apne nai duniya ke adhikaari bachchon ko arthaat nai rachna ko dekh rahe hain। nai rachna sada hi pyaari lagti hai। duniya ke hisaab se puraane yug mein naya varsha manaate hain। lekin aap nai rachna ke naye yug ki nai jeevan ki anubhooti kar rahe ho। sab naya ho gaya। puraana samaapta ho naya janma, nai jeevan praarambha ho gai। janma naya hua to janma se jeevan svatah hi badalti hai। jeevan badalna arthaat sankalp, sanskaar,sambandh sab badal gaya arthaat naya ho gaya। dharma naya, karma naya। woh sirf varsha naya kehte hain। lekin aap sabke liye sab naya ho gaya। aaj ke din amritvele se naye varsha ki mubaarak to di lekin sirf mukh se mubaarak di va man se?naveenta ka sankalp liya?in vishesh teen baaton ki naveenta ka sankalp kiya?sankalp,sanskaar aur sambandh। sanskaar aur sankalp naya arthaat shreshtha ban gaya। naya janma, nai jeevan hote hue bhi ab tak puraane janma va jeevan ke sankalp,sanskaar va sambandh rah to nahin gaye hain?agar in teenon baaton mein se koi bhi baat mein ansh maatra puraanaapan raha hua hai to yeh ansh nai jeevan ka naye yug ka,naye sambandh ka,naye sanskaar ka sukh va sarva praapti se vanchit kar dega। kai bachche aise baapdaada ke aage apne man ki baaten rooh-roohaan mein kehte rehte hain। baahar se nahin kehte। baahar se to koi bhi poochhta hai - kaise ho?to sab yahi kehte hain ki bahut achha। kyonki jaante hain baahrayaami aatmaayen andar ko kya jaanen। lekin baap se rooh-roohaan mein chhipa nahin sakte। apne man ki baaton mein yeh zaroor kehte - brahman to ban gaye, shoodra pan se kinaara kar liya lekin jo brahman jeevan ki mahaanta, visheshta sarvashreshtha praaptiyon ki va ateendriy sukh pharishtepan ki, double light jeevan, aisa vishesh anubhav jitna hona chaahiye utna nahin hota। jo varnan is shreshtha yug ke shreshtha jeevan ka, aisa anubhav aisi sthiti bahut thoda samay hoti। iska kaaran kya? jab brahman bane, brahman jeevan ka adhikaar anubhav nahin hota, kyon? hai raaja ka bachcha lekin sanskaar bhikhaareepan ke hon to unko kya kahenge? raajkumaar kahenge? yahaan bhi naya janma,nai brahman jeevan aur phir bhi puraane sankalp va sanskaar emerge hon va karma mein hon to kya use brahmaakumaar kahenge va aadha shoodra kumaar aur aadha brahmaakumaar। drama mein ek khel dikhaate ho na aadha saphed aadha kaala। sangamayug isko to nahin samjha hai। sangamayug arthaat naya yug। naya yug to sab naya।

baapdaada aaj sabki aavaaz sun rahe the - naye varsha ki mubaarak ho। kaardsa bhi bhejte, patra bhi likhte lekin kehna aur karna donon ek hai? mubaarak to di, bahut achha kiya। baapdaada bhi mubaarak dete hain। baapdaada bhi kehte sabke mukh ke bol mein avinaashi bhav ka vardaan। aap log kehte ho na - mukh mein gulaab! baapdaada kehte mukh ke bol mein avinaashi vardaan ho। aaj se sirf ek shabd yaad rakhna - ‘‘naya’’। jo bhi sankalp karo,bol bolo,karma karo yahi check karo yaad rakho ki naya hai? yahi potaamel chaupda, register aaj se shuru karo। deepmaala mein chaupde par kya karte hain?svaastika nikaalte hain na। ganesh। aur chaaron hi yug mein bindi zaroor lagaate hain। kyon lagaate hain? kisi bhi kaarya ko praarambha karte samay svaastika va ganesh namah zaroor kehte hain। yeh kiski yaadgaar hai। svaastika ko bhi ganesh kyon kehte? svaastika - svasthiti mein sthit hone ka aur poori rachna ki knowledge ka soochak hai। ganesh arthaat knowledgeful। svaastika ke ek chitra mein poori knowledge samaai hui hai। knowledgeful ki smriti ka yaadgaar ganesh va svaastika dikhaate hain। iska arth kya hua? koi bhi kaarya ki saphalta ka aadhaar hai -knowledgeful arthaat samajhdaar,gyaan swaroop banna। gyaan swaroop samajhdaar ban gaye to har karma shreshtha aur saphal hoga na! vo to sirf kaagaj par nishaani yaadgaar ko laga dete hain lekin aap brahman aatmaayen svayan knowledgeful ban har sankalp karengi to sankalp aur saphalta donon saath-saath anubhav karenge। to aaj se yeh dridh sankalp ke rang dvaara apne jeevan ke chaupde par har sankalp,sanskaar naya hi hona hai। hoga, yeh bhi nahin। hona hi hai। svasthiti mein sthit ho yeh shreegnesh arthaat aarambha karo। svayan shreegnesh ban karke aarambha karo। aise nahin socho yeh to hota hi rehta hai। sankalp bahut baar karte,lekin sankalp dridh ho। jaise foundation mein pakka seementa aadi daalkar majboot kiya jaata hai - na। agar ret ka foundation bana den to, kitna samay chalega? to jis samay sankalp karte ho us samay kehte karke dekhenge,jitna ho sakega karenge। doosre bhi to aise hi karte hain। yeh yeh ret mila dete ho। iseelie foundation pakka nahin hota। doosron ko dekhna sahaj lagta hai। apne ko dekhne mein mehnat lagti hai। agar doosron ko dekhne chaahte ho, aadat se majboor ho to brahma baap ko dekho। woh bhi to doosra hua na। isliye baapdaada ne deepaavli ka potaamel dekha। potaamel mein vishesh kaaran, brahman bante bhi brahman jeevan ki anubhooti na hona। jitna hona chaahiye utna nahin hota। iska vishesh kaaran hai - pardrishti,paraachintan,parpanch mein jaana। paristhitiyon ke varnan aur manan mein jyaada rehte hain। isliye svadarshan chakradhaari bano। sva se par khatma ho jaayega। jaise aaj naye varsha ki sabne milkar mubaarak di aise har din naya din, nai jeevan, naya sankalp, naye sanskaar, svatah hi anubhav karenge। aur man se har ghadi baap ke prati, brahman parivaar ke prati badhaai ke shubh umang svatah hi utpanna hote rahenge। sabki drishti mein mubaarak,badhaai, greetings ki lahar hogi। to aise aaj ke ‘mubaarak’ shabd ko avinaashi banaao। samjha। log potaamel rakhte hain। baap ne potaamel dekha। baapdaada ko bachchon par raham aata hai ki saara milte bhi adhoora kyon lete? naam naya brahmaakumaar va kumaari aur kaam mix kyon? daata ke bachche ho,vidhaata ke bachche ho, vardaata ke bachche ho! to naye varsha mein kya yaad rakhenge? sab naya karna hai। arthaat brahman jeevan ki maryaada ka sab naya। naya ka arth koi mixture nahin karna। chatur bhi bahut ban gaye hain na। baap ko bhi padhaate hain। kai bachche kehte hain na, baba ne kaha tha na naya karna hai to yeh naya ham kar rahe hain। lekin brahman jeevan ki maryaada pramaan naya ho। maryaada ki lakeer to brahman jeevan, brahman janma se baapdaada ne de di hai। samjha, naya varsha kaise manaana hai। sunaaya na - 18 aghyaay shuru ho raha hai।

golden jubilee ke pahle vishwa vidyaalay ki golden jubilee hai। aise nahin samajhna ki sirf 50varsha vaalon ki golden jubilee hai। lekin yeh eeshvareey kaarya ki golden jubilee hai। sthaapna ke kaarya mein jo bhi sahayogi ho chaahe, do varsha ke hon chaahe 50varsha ke hon lekin do varsha vaale bhi apne ko brahmaakumaar kehte hain na ya aur koi naam kehte। to yeh brahma dvaara braahmanon ke rachna ki golden jubilee hai। ismen sab brahmaakumaar-kumaariyaan hain। golden jubilee tak apne mein golden aged arthaat satopradhaan sankalp, sanskaar emerge karne hain। aisi golden jubilee manaani hai। yeh to nimitta maatra rasam-rivaaj ki reeti se manaate ho lekin vaastavik golden jubilee golden aged banne ki jubilee hai। kaarya saphal hua arthaat kaarya arth nimitt aatmaayen saphalta swaroop bane। abhi bhi samay pada hai। in 3 maas ke andar duniya ki stage ke aage niraali golden jubilee manaake dikhaao। duniya vaale sammaan dete hain aur yahaan ‘samaan’ ki stage ki pratyakshata karni hai। sammaan dene ke liye kuchh bhi karte ho yeh to nimitta maatra hai। vaastavikta duniya ke aage dikhaani hai। ham sab ek hain, ek ke hain, ekras sthiti vaale hain। ek ki lagan mein magan rah ek ka naam pratyaksha karne vaale hain। yeh nyaara aur pyaara golden sthiti ka jhanda lahraao। golden duniya ke najaare aapke naynon dvaara, bol aur karma dvaara spashta dikhaai de। aisi golden jubilee manaana। achha-

aise sada avinaashi mubaarak ke paatra shreshtha bachchon ko, apne har sankalp aur karma dvaara naye sansaar ka saakshaatkaar karaane vaale bachchon ko, apni golden aged sthiti dvaara golden duniya aai ki aai aisa shubh aasha ka deepak vishwa ki aatmaon ke andar jagaane vaale,sada jagamgaate sitaaron ko,saphalta ke deepkon ko, dridh sankalp dvaara naye jeevan ka darshan karaane vaale,darshaneey moortta bachchon ko baapdaada ka yaadapyaar, avinaashi badhaai, avinaashi vardaan ke saath namaste।’’

padayaatriyon tatha saaikil yaatriyon se avyakt baapdaada ki mulaakaat - yaatra dvaara seva to sabhi ne ki। jo bhi seva ki us seva ka pratyaksha phal bhi anubhav kiya। seva ki vishesh khushi anubhav ki hai na! padayaatra to ki, sabhi ne aapko padayaatri ke roop mein dekha। abhi roohaani yaatri ke roop mein dekhen। seva ke roop mein to dekha lekin abhi itni nyaari yaatra karaane vaale alaukik yaatri hain, yeh anubhav ho। jaise is seva mein lagan se saphalta ko paaya na। aise abhi roohaani yaatra mein saphal hona hai। mehnat karte hain, bahut achhi seva karte hain, sunaate bahut achha hain, inhon ki jeevan bahut achhi hai, yeh to hua। lekin abhi jeevan banaane lag jaaen,aisa anubhav karen ki isi jeevan ke bina aur koi jeevan hi nahin hai। to roohaani yaatra ka lakshya rakh roohaani yaatra ka anubhav karaao। samjha kya karna hai! chalte-phirte aise hi dekhen ki yeh saadhaaran nahin hai। yeh roohaani yaatri hain to kya karna hai! svayan bhi yaatra mein raho aur doosron ko bhi yaatra ka anubhav karaao। padayaatra ka anubhav karaaya,abhi pharishte pan ka anubhav karaao। anubhav karen ki yeh is dharni ke rahne vaale nahin hain। yeh pharishte hain। inhon ke paanv is dharti par nahin rehte। din pratidin udti kala dvaara auron ko udaana। abhi udaane ka samay hai। chalaane ka samay nahin hai। chalne mein samay lagta aur udne mein samay nahin lagta। apni udti kala dvaara auron ko bhi udaao। samjha। aise drishti se, smriti se sabhi ko sampanna banaate jaao। woh samjhen ki hamko kuchh mila hai। bharpoor hue hain। khaali the lekin bharpoor ho gaye। jahaan praapti hoti hai vahaan second mein nyochhaavar hote hain। aap logon ko praapti hui tab to chhoda na। achha laga, anubhav kiya tab chhoda na। aise to nahin chhoda। aise oron ko praapti ka anubhav karaao। samjha! baaki achha hai! jo bhi seva mein din bitaaye woh apne liye bhi auron ke liye bhi shreshtha banaayen। umang-utsaah achha raha! result theek rahi na। roohaani yaatra sada rahegi to saphalta bhi sada rahegi। aise nahin, padayaatra poori ki to seva poori hui। phir jaise the vaise। nahin। sada seva ke kshetra mein seva ke bina brahman nahin rah sakte। sirf seva ka part change hua। seva to ant tak karni hai। aise sevaadhaari ho na ya teen maas do maas ke sevaadhaari ho! sada ke sevaadhaari sada hi umang-utsaah rahe। achha। drama mein jo bhi seva ka part milta hai usmein visheshta bhari hui hai। himmat se madad ka anubhav kiya! achha। svayan dvaara baap ko pratyaksha karne ka shreshtha sankalp raha। kyonki jab baap ko pratyaksha karenge tab is puraani duniya ki samaapti ho,apna raajya aayega। baap ko pratyaksha karna arthaat apna raajya laana। apna raajya laana hai yeh umang-utsaah sada rehta hai na! jaise vishesh programme mein umang-utsaah raha aise sada is sankalp ka umang-utsaah। samjha।

party se - suna to bahut hai! abhi usi suni hui baaton ko samaana hai। kyonki jitna samaayenge utna baap ke samaan shaktishaali banenge। master ho na। to jaise baap sarvashaktivaan hai aise aap sabhi bhi master sarvashaktivaan arthaat sarva shaktiyon ko samaane vaale। baap samaan banne vaale ho na। baap aur bachchon mein jeevan ke aadhaar se antar nahin dikhaai de। jaise brahma baap ki jeevan dekhi to brahma baap aur bachche samaan dikhaai den। saakaar mein to brahma baap karma karke dikhaane ke nimitta bane na। aise samaan banna arthaat master sarvashaktivaan banna। to sarvashaktiyaan hain? dhaaran to ki hai lekin percentage hai। jitna hona chaahiye utna nahin hai। sampanna nahin hai। banna to sampanna hai na! to percentage ko badhaao। shaktiyon ko samay par kaarya mein lagaana, isi par hi number milte hain। agar samay par kaarya mein nahin aati to kya kahenge?hote bhi na hona hi kahenge kyonki samay par kaam mein nahi aai। to check karo ki samay pramaan jis shakti ki aavashyakta hai woh kaarya mein laga sakte hain? to baap samaan master sarvashaktivaan pratyaksha roop mein vishwa ko dikhaana hai। tab to vishwa maanega ki haan! sarvashaktivaan pratyaksha ho chuke। yahi lakshya hai na! abhi dekhenge ki golden jubilee tak kaun lete hain। achha-