Avyakt murli for Wednesday 25 December 1985

>

25-12-85om shanti avyakt baapdaadaamdhuban

bade din par avyakt baapdaada ke mahaavaakya

sada gyaan ratnon se buddhi roopi jholi bharne vaale ratnaagar shiv baap bole

aaj bade te bade baap, grand father apne grand children lovely bachchon se milne aaye hain। great-great grand father brahma gaaya hua hai। niraakaar baap ne saakaar srishti ki rachna ke nimitta brahma ko banaaya। manushya srishti ka rachayita hone ke kaaran, manushya srishti ka yaadgaar vriksha ke roop mein dikhaaya hai। beej gupta hota hai, pahle do patte, jisse tana nikalta hai - vo hi vriksha ke aadi dev aadi devi maata pita ke swaroop mein vriksha ka foundation brahma nimitta banta hai। us dvaara brahman tana prakat hota hai। aur brahman tana se anek shaakhaayen utpanna hoti hain। isliye great-great grand father brahma gaaya hua hai। brahma ka avatran hona arthaat bure din khatma ho bade din shuru hona। raat khatma ho brahma muhoorta shuru ho jaata vaastav mein hai brahma muhoorta, kahne mein brahm muhoorta aata hai। isliye brahma ka bujurga roop dikhaaya hai। grand father niraakaari baap grand children ko itni saugaat dete jo 21janma liye khaate rehte। daata bhi hai to vidhaata bhi hai। gyaan ratnon ki thaaliyaan bhar bharkar de dete hain। shaktiyon ki golden gift anginat swaroop mein de dete hain। gunon ke gahne box bhar-bhar kar dete hain। kitne shringaar box hain aapke paas! roj naya shringaar karo to bhi anginat hain। yeh gift sada saath chalne vaali hai। woh sthool gift to yahaan hi rah jaati। lekin yeh saath chalegi। itna godly gift se sampanna ho jaate ho jo kamaane ki darkaar hi nahin padegi। gift se hi khaate rahenge। mehnat se chhoot jaayenge।

sabhi vishesh Christmas de manaane aaye hain na। baapdaada ‘kismis de’ kehte hain। kismis de arthaat madhurta ka din। sada meetha banne ka din। meetha hi jyaada khaate aur khilaate hain na। mukh meetha to thode samay ke liye hota hai lekin svayan hi meetha ban jaae to sada hi mukh mein madhur bol rahen। jaise meetha khaane aur khilaane se khush hote ho na aise madhur bol svayan ko bhi khush karta doosre ko bhi khush karta। to isse sada sarva ka mukh meetha karte raho, sada meethi drishti, meetha bol, meethe karma। yahi kismis de manaana hua। manaana arthaat banaana। kisi ko bhi do ghadi meethi drishti de do। meethe bol bol lo to us aatma ko sada ke liye bharpoor kar denge। in do ghadi ki madhur drishti, bol us aatma ki srishti badal lenge। yeh do madhur bol sada ke liye badalne ke nimitta ban jaayenge। madhurta aisi vishesh dhaarna hai jo kadvi dharni ko bhi madhur bana deti hai। aap sabhi ko badalne ka aadhaar baap ke do madhur bol the na! meethe bachche,tum meethi shuddh aatma ho। in do madhur bol ne badal liya na। meethi drishti ne badal liya। aise hi madhurta dvaara oron ko bhi madhur banaaa। yeh mukh meetha karo। samjha - Christmas de manaaya na। sada in saugaaton se apni jholi bharpoor kar li? sada madhurta ki saugaat ko saath rakhna। isi se sada meetha rehna aur meetha banaana। achha-

sada gyaan ratnon se buddhi roopi jholi bharne vaale, sada sarva shaktiyon se shaktishaali aatma ban shaktiyon se sada sampanna banne vaale, sarva gunon ke gahnon se sada shringaar hue, shreshtha aatmaon ko,sada madhurta se mukh meetha karne vaale meethe bachchon ko baapdaada ka yaadapyaar aur namaste।

vidaai ke samay yaadapyaar - sabhi desh-videsh donon taraph ke bachchon ke is vishesh din ke prati card bhi paaye, patra bhi paaye aur yaad bhi paai। baapdaada sabhi meethe te meethe bachchon ko is bade din par sada madhurta se shreshtha bano aur shreshtha banaao,isi vardaan ke saath svayan bhi vriddhi ko praapta hote raho aur seva ko bhi vriddhi mein laate raho। sabhi bachchon ko bade-bade baap ki badi-badi yaadapyaar aur saath-saath sneh bhari mubaarak ho। goodmorning ho। sada meethe banne ki badhaai ho।

party se baapdaada ki mulaakaat - kumaaron se - kumaar arthaat teevragti se aage badhne vaale। rookna-chalna, rookna-chalna aise nahin। kaisi bhi paristhitiyaan hon lekin svayan sada shaktishaali aatma samajh aage badhte chalo। paristhiti va vaayumandal ke prabhaav mein aane vaale nahin,lekin apna shreshtha prabhaav doosron par daalne vaale। shreshtha prabhaav arthaat roohaani prabhaav। doosra nahin। aise kumaar ho?paper aave to hilne vaale to nahin! paper mein paas hone vaale ho na! sada himmatvaan ho na! jahaan himmat hai vahaan baap ki madad hai hi। himmate bachche madde baap। har kaarya mein svayan ko aage rakh auron ko bhi shaktishaali banaate chalo।

2. kumaar hain hi udti kala vaale। jo sada nirbandhan hain vahi udti kala vaale hain। to nirbandhan kumaar ho। man ka bhi bandhan nahin। to sada bandhanon ko samaapta kar nirbandhan ban udti kala vaale kumaar ho?kumaar apni shareer ki shakti aur buddhi ki shakti donon ko saphal kar rahe ho? laukik jeevan mein apne shareer ki shakti ko aur buddhi ki shakti vinaashkaari kaaryon mein lagaate rahe। aur ab shreshtha kaarya mein lagaane vaale। halchal machaane vaale nahin। lekin shanti sthaapan karne vaale। aise shreshtha kumaar ho? kabhi laukik jeevan ke sanskaar emerge to nahin hote hain? alaukik jeevan vaale, naye janma vaale। to naye janma mein puraani baaten nahin rahteen। aap sabhi naye janma vaali shreshtha aatmaayen ho। kabhi bhi apne ko saadhaaran na samajh shaktishaali samjho। sankalp mein bhi halchal mein na aana। aise to question nahin karte ho ki vyartha sankalp aate hain kya karen? bhaagyavaan kumaar ho। 21 janma bhaagya ka khaate rahenge। sthool-sookshm donon kamaai se chhoot jaayenge।

3. kumaar arthaat kamzori ko sada ke liye talaak dene vaale। aadhaakalpa ke liye kamzori ko talaak de diya na। ya abhi nahin diya hai?jo sada samartha aatmaayen hain unke aage kamzori aa nahin sakti। sada samartha rehna arthaat kamzori ko samaapta karna। aisi samartha aatmaayen baap ko bhi priy hain। parivaar ko bhi priy hain। kumaar arthaat apne har karma dvaara anekon ki shreshtha karmon ki rekha kheenchane vaale। svayan ke karma auron ke karma ki rekha banaane ke nimitta ban jaayen। aise sevaadhaari ho। to har karma mein yeh chaik karo ki har karma aisa spashta hai jo auron ko bhi karma ki rekha spashta dikhaai de। aise shreshtha karmon ke shreshtha khaate ko sada jama karne vaali vishesh aatmaayen - isko kaha jaata hai - sachche sevaadhaari। yaad aur seva yahi sada aage badhaane ka saadhan hai। yaad shaktishaali banaati hai aur seva khajaanon se sampanna banaati hai। yaad aur seva se aage badhte raho aur badhaate chalo।

teachers bahinon se - teachers sada svasthiti se svayan bhi aage badhne vaali aur doosron ko bhi aage badhaane vaali, badhna hai aur badhaana hai - yahi teachers ka vishesh lakshya hai। aur lakshan bhi hain। sada baap samaan master sarvashaktivaan aatma ban aage badhte aur badhaate chalo। tyaag se bhaagya praapta karne vaali shreshtha aatma ho sada tyaag hi bhaagya hai। shreshtha bhaagya, shreshtha karma aur shreshtha phal… sada is pratyaksha phal se svayan aur doosron ko udaate chalo। apne ko har karma mein nimitta samajhna yahi shreshtha banne ka sahaj saadhan hai। sevaadhaari banna yeh bhi sangamayug par vishesh bhaagya ki nishaani hai। seva karna arthaat janma-janma ke liye sampanna banna। kyonki seva se jama hota hai aur jama hua anek janma khaate rahenge। agar seva mein jama ho raha hai,yeh smriti rahe to sada khushi mein rahenge। aur khushi ke kaaran kabhi thakenge nahin। seva athak banaane vaali hai। khushi ka anubhav karaane vaali hai।

sevaadhaari arthaat baap samaan। to samaanta ko check karte baap samaan ban auron ko bhi baap samaan banaate chalo। centre ke vaayumandal ko shaktishaali banaane ke liye ek do chakra lagaate hue shaktishaali yaad ki anubhootiyon ka programme banaao। shaktishaali vaataavran kai baaton se svatah door kar deta hai। abhi svayan quality vaale ban, quality vaale banaate chalo। achha।