Avyakt murli for Wednesday 22 January 1986

>

22-01-86om shanti avyakt baapdaadaamdhuban

baapdaada ki aasha - sampoorn aur sampanna bano

vardaata, divya buddhi daata baapdaada bole

aaj vishesh doordeshvaasi doordesh nivaasi bachchon se milne ke liye aaye hain। itne door se kis lagan se aate hain। baapdaada bachchon ki lagan ko jaante hain। ek taraph dil ke milan ki lagan hai। doosre taraph baap se milne ke liye dhairya bhi dhara hai। isliye dhairya ka phal vishesh roop mein dene ke liye aaye hain। vishesh milne ke liye aaye hain। sabhi double videshi bachchon ke sneh ke sankalp, dil me milan ke umang har samay baapdaada dekhte aur sunte rehte hain। door baithe bhi sneh ke kaaran sameep hain। baapdaada har samay dekhte hain ki kaise raat-raat jaagran kar bachche drishti aur vibration se sneh aur shakti catch karte rehte hain। aaj vishesh murli chalaane nahin aaye hain। murliyaan to bahut suni - ab to baapdaada ko yeh varsha vishesh pratyaksha swaroop, baapdaada ke sneh ka pramaan swaroop, sampoorn aur sampanna banne ke sameepta ka swaroop, shreshtha sankalp, shreshtha bol, shreshtha karma, shreshtha sambandh aur samparka aisa shreshtha swaroop dekhna chaahte hain। jo suna, sunna aur swaroop banna yeh samaanta dekhna chaahte hain। practical parivartan ka shreshtha samaaroh dekhne chaahte hain। is varsha mein silver,golden jubilee to manaai aur manaayenge lekin baapdaada sachche bedaag,amoolya heeron ka haar banaane chaahte hain। aisa ek-ek heera amoolya chakamta hua ho jo uske light might ki chamak had tak nahin lekin behad tak jaae। jab baapdaada ne bachchon ke had ke sankalp, had ke bol,had ki sevaayen, had ke sambandh bahut samay dekhe,lekin abhi behad ka baap hai - behad ke seva ki aavashyakta hai। uske aage yeh deepkon ki roshni kya lagegi। abhi light house might house banna hai। behad ke taraph drishti rakho। behad ki drishti bane tab srishti parivartan ho। srishti parivartan ka itna bada kaarya thode samay mein sampanna karna hai। to gati aur vidhi bhi behad ki fast chaahiye।

aapki vritti se desh videsh ke vaayumandal mein yeh ek hi aavaaj goonje ki behad ke maalik, vishwa ke maalik, behad ke raajya adhikaari, behad ke sachche sevaadhaari,hamaare dev aatmaayen aa gaye। abhi yeh behad ka ek aavaaj deshvidesh mein goonje। tab sampoornata aur samaapti sameep anubhav hogi। samjha! achha –

chaaron or ke shreshtha bhaavna, shreshtha kaamna poorn karne vaale, pharishta so devta aatmaon ko, sada oonch sthiti mein sthit rahne vaale light house, might house vishesh aatmaon ko,baapdaada ke sookshm ishaaron ko samajhne vaale vishaal buddhi bachchon ko baapdaada ka yaadapyaar aur namaste।’’

desh videsh ke sabhi bachchon prati baapdaada ne sandesh ke roop mein yaadapyaar di - chaaron or ke snehi sahayogi aur shaktishaali bachchon ke bhinna-bhinna lahron ke patra baapdaada ke sneh ke saagar mein sama gaye hain। sabhi ki bhinna-bhinna lahren apne-apne umang utsaah ke anusaar shreshtha hain aur baapdaada un lahron ko dekh harshit hote hain। umang bhi bahut achhe hain, plan bhi bade achhe hain। abhi practical ki marks baapdaada se leni hai, aur bhavishya khaata jama karna hai। is samay baapdaada practical course ki marks har bachche ki note kar rahe hain। aur yeh varsha vishesh practical course aur practical force ki extra marks lene ka hai। isliye jo ishaare samay prati samay mile hain un ishaaron ko har ek svayan prati samajh practical mein laaye to number one le sakte hain। videsh ke va desh ke bachche jinhon ko door baithe bhi sameep ke sneh ka sada anubhav hota hai aur sada umang rehta hai, kuchh karke dikhaayen,yeh karen- aisa karen… yeh umang hai to abhi behad ki seva ka saboot ban umang ko practical mein laane ka vishesh chance hain। isliye udti kala ki race karo। yaad mein,seva mein,divya gun moorta banne mein aur saathsaath gyaan swaroop ban gyaan charcha karne mein, chaar hi subject mein udti kala vi race mein number vishesh lene ka yeh varsha ka chance hai। yeh vishesh chance le lo। naya anubhav kar lo। naveenta pasanda karte ho na! to yeh naveenta karke number le sakte ho। abhi is varsha mein extra race ki extra marks hai। samay extra mila hai। purooshaartha anusaar praalabdha to sada hi hai। lekin yeh varsha vishesh extra ka hai। isliye khoob udti kala ke anubhvi ban aage badhte, auron ko bhi aage badhaao। baap sabhi bachchon ke gale mein baanhon ki maala daal dete hain। dil badi karenge to saakaar mein pahunchna bhi sahaj ho jaayega। jahaan dil hai vahaan dhan aa hi jaata hai। dil dhan ko kahaan na kahaan se laata hai। isliye dil hai aur dhan nahin hai yeh baapdaada nahin maante hain। dil vaale ko kisi na kisi prakaar se touching hoti hai aur pahunch jaate hain। mehnat ka paisa ho, mehnat ka dhan padmaguna laabh deta hai। yaad karte-karte kamaate hain na। to yaad ke khaate mein jama ho jaata hai। aur pahunch bhi jaate hain। achha - sabhi apne-apne naam aur visheshta se baanho ki maala sahit yaadapyaar sveekaar karna।