Avyakt murli for Monday 10 March 1986

>

10-03-86om shanti avyakt baapdaadaamdhuban

bephikra baadshaah banne ki yukti

phikar se phaarig karne vaale baapdaada bole

aaj baapdaada bephikar baadshaahon ki sabha dekh rahe hain। ‘‘yeh raajya sabha saare kalpa mein vichitra sabha hai। baadshaah to bahut hue hain lekin bephikar baadshaah, yeh vichitra sabha is sangamayug par hi hoti hai। yeh bephikar baadshaahon ki sabha satayug ki raajya sabha se bhi shreshtha hai। kyonki vahaan to phikar aur phakhur donon ke antar ka gyaan emerge nahin rehta hai। phikar shabd ka maaloom nahin hota। lekin abhi jabki saari duniya koi na koi phikar mein hai - savere se uthte apna, parivaar ka,kaarya vyavhaar ka, mitra-sambandhiyon ka koi na koi phikar hoga lekin aap sabhi amritvele se bephikar baadshaah ban din aarambha karte aur bephikar baadshaah ban har kaarya karte। bephikar baadshaah ban aaraam ki neend karte। sukh ki neend, shanti ki neend karte ho। aise bephikar baadshaah ban gaye। aise bane ho ya koi phikar hai? baap ke oopar jimmevaari de di to bephikar ho gaye। apne oopar jimmevaari samajhne se phikar hota hai। jimmevaari baap ki hai aur main nimitta sevaadhaari hoon। main nimitta karmayogi hoon। karaavanhaar baap hai, nimitta karanhaar main hoon। agar yeh smriti har samay svatah hi rehti hai to sada hi bephikar baadshaah hai। agar galti se bhi kisi bhi vyartha bhaav ka apne oopar bojh utha lete ho to taaj ke bajaae phikar ke anek tokre sir par aa jaate hain। nahin to sada light ke taajdhaari bephikar baadshaah ho। bas baap aur main,teesra na koi। yeh anubhooti sahaj bephikar baadshaah bana deti hai। to taajdhaari ho ya tokredhaari ho?tokra uthaana aur taaj pahanna kitna pharka ho gaya। ek taajdhaari saamne khada karo aur ek bojh vaala, tokre vaala khada karo to kya pasanda aayega! taaj ya tokra? anek janmon ke anek bojh ke tokre to baap aakar utaar kar halka bana deta। to bephikar baadshaah arthaat sada double light rahne vaale, jab tak baadshaah nahin bane hain tab tak yeh karmendriyaan bhi apne vash mein nahin rah sakti hain। raaja bante ho tab hi maayaajeet,karmendriy-jeet,prakriti jeet bante ho। to raajya sabha mein baithe ho na! achha –

aaj Europe ka tarna hai। Europe ne achha vistaar kiya hai। Europe ne apne pados ke deshon ke kalyaan ka plan achha banaaya hai। jaise baap sada kalyaankaari hai vaise bachche bhi baap samaan kalyaan ki bhaavna rakhne vaale hain। abhi kisi ko bhi dekhenge to raham aata hai na ki yeh bhi baap ke ban jaaen। dekho baapdaada sthaapna ke samay se lekar videsh ke sabhi bachchon ko kisi na kisi roop se yaad karte rahe hain। aur baapdaada ki yaad se samay aane par chaaron or ke bachche pahunch gaye hain। lekin baapdaada ne aahvaahan bahut samay se kiya hai। aahvaahan ke kaaran aap log bhi chumbak ki tarah aakarshit ho pahunch gaye ho। aise lagta hai na ki naamaaloom kaise ham baap ke ban gaye! ban gaye yeh to achha lagta hi hai, lekin kya ho gaya,kaise ho gaya yeh kabhi baithkar socho, kahaan se kahaan aakar pahunch gaye ho to sochne se vichitra bhi lagta hai na! drama mein noondh noondhi hui thi। drama ki noondh ne sabhi ko kone-kone se nikaalkar ek parivaar mein pahuncha diya। abhi yahi parivaar apna lagne ke kaaran ati pyaara lagta hai। baap pyaare te pyaara hai to aap sabhi bhi pyaare ban gaye ho। aap bhi kam nahin ho। aap sabhi bhi baapdaada ke sang ke rang mein ati pyaare ban gaye ho। kisi ko bhi dekho to har ek,ek-do se pyaara lagta hai। har ek ke chehre par roohaaniyat ka prabhaav dikhaai deta hai। foreigners ko make up karna achha lagta hai! to yeh pharishtepan ka make up karne ka sthaan hai। yeh make up aisa hai jo pharishta ban jaate hain। jaise make up ke baad koi kaisa bhi ho lekin badal jaata hai na। make up se bahut sundar lagta hai। to yahaan bhi sabhi chamakte hue pharishte lagte ho। kyonki roohaani make up kar liya hai। us make up mein to nuksaan bhi hota hai। ismen koi nuksaan nahin। to sabhi chamakte hue sarva ke snehi aatmaayen ho na! yahaan sneh ke bina aur kuchh hai hi nahin। utho to bhi sneh se good morning karte,khaate ho to bhi sneh se ‘brahma bhojan’khaate ho। chalte ho to bhi sneh se baap ke saath, haath me haath milaakar chalte ho। foreigners ko haath mein haath milaakar chalna achha lagta hai na! to baapdaada bhi kehte hain ki sada baap ko haath mein haath de, phir chalo। akele nahin chalo। akele chalenge to kabhi bor ho jaayenge aur kabhi kiski najar bhi pad jaayegi। baap ke saath chalenge to ek to kabhi bhi maaya ki najar nahin padegi aur doosra saath hone ke kaaran sada hi khushi-khushi se mauj se khaate chalte mauj manaate jaayenge। to saathi sabko pasanda hai na! ya aur koi chaahiye! aur koi companion ki jaroorat to nahin hai na! kabhi thoda dil bahlaane ke liye koi aur chaahiye?dhokhe dene vaale sambandh se chhoot gaye। usmein dhokha bhi hai aur duhkh bhi hai। abhi aise sambandh mein aa gaye jahaan na dhokha hai, na duhkh hai। bach gaye। sada ke liye bach gaye। aise pakke ho - koi kachche to nahin। aise to nahin vahaan jaakar patra likhenge ki kya karen, kaise karen,maaya aa gai।

Europe vaalon ne vishesh kaun-si kamaal ki hai? baapdaada sada dekhte rahe hain ki baap jo kehte hain ki har varsha baap ke aage guldasta le karke aana woh baap ke bol practical mein laane ka sabhi ne achha attention rakha hai। yeh umang sada hi raha hai aur abhi bhi hai ki har varsha naye-naye bichhude hue baap ke bachche apne ghar mein pahunche,apne parivaar mein pahunche। to baapdaada dekh rahe hain ki Europe ne bhi yeh lakshya rakh karke vriddhi achhi ki hai। to baap ke mahaavaakyon ko, aagya ko paalan karne vaale aagyaakaari kahlaaye jaate hain। aur jo aagyaakaari bachche hote hain unhon par vishesh baap ki aasheervaad sada hi rehti hai। aagyaakaari bachche svatah hi aasheervaad ke paatra aatmaayen hote hain। samjha! kuchh varsha pahle kitne thode the lekin har saal vriddhi ko praapta karte,bade te bada parivaar ban gaya। to ek se do, do se teen, abhi kitne centre ho gaye। yu. ke. to alag bada hai hi,connection to sabka yu. ke. se hai hi। kyonki videsh ka foundation to vahi hai। kitni bhi shaakhaayen nikal jaaen, jhaad vistaar ko praapta karta rahe lekin connection to foundation mein hota hi hai। agar foundation se connection nahi rahe to phir vistaar ko, vriddhi ko kaise praapta karen। london me vishesh ananya ratan ko nimitta banaaya kyonki foundation hai na। to sabhi ka connection, direction sahaj milne se purooshaartha aur seva donon mein sahaj ho jaata hai। baapdaada to hai hi। baapdaada ke bina to ek second bhi nahin chal sakte ho aisa combined hai। phir bhi saakaar roop mein,seva ke saadhnon mein,seva ke programmes-plans mein aur saathsaath apni svaunnati ke liye bhi kisi ko bhi koi bhi direction chaahiye to connection rakha hua hai। yeh bhi nimitta banaaye hue maadhyam hai। jisse sahaj hi hal mil saken। kai baar aise maaya ke toofaan aate hain jo buddhi ko clear na hone ke kaaran baapdaada ke direction ko,shakti ko catch nahin kar sakte hain। aise time ke liye phir saakaar maadhyam nimitta banaaye hue hain। jisko aap log kehte ho - ‘daadiyaan,deediyaan।’yeh nimitta hain। jisse time vesta na jaave। baaki baapdaada jaante hain ki himmat vaale hain। vahaan se hi nikalkar aur vahaan hi seva ke nimitta ban gaye hain to charity begins at hom ka paath achha pakka kiya hai,vahaan ke hi nimitta vriddhi ko praapta karaana yeh bahut achha hai। kalyaan ki bhaavna se aage badh rahe ho to jahaan dridh sankalp hai vahaan saphalta hai hi। ‘kuchh bhi ho jaae lekin seva mein saphalta paani hi hai’ - is shreshtha sankalp ne aaj pratyaksha phal diya hai। abhi apne shreshtha parivaar ko dekh vishesh khushi hoti hai aur vishesh paandav hi teacher hain। shaktiyaan sada madadgaar to hain hi। paandavon se sada seva ki vishesh vriddhi ka pratyakshaphal milta hai। aur seva se bhi jyaada sevaakendra ki rimjhim, sevaakendra ki raunak shaktiyon se hoti hai। shaktiyon ka apna part hai, paandavon ka apna part hai। isliye donon aavashyak hain। jis centre par shaktiyaan nahin hoti ya paandav nahin hain to powerful nahin hote। isliye donon hi zaroori hain। abhi aap log jage ho to ek do se sahaj hi anek jagte jaayenge। mehnat aur time to laga lekin abhi achhi vriddhi ko pa rahe ho। dridh sankalp kabhi saphal na ho yeh ho nahin sakta। yeh practical proof dekh rahe hain। agar thoda bhi dil-shikasta ho jaate ki yahaan to hona hi nahin hai to apna thoda sa kamzor sankalp seva mein bhi pharka le aata hai। dridhta ka paani phal jaldi nikaalta hai। dridhta hi saphalta laati hai।