Avyakt murli for Sunday 16 March 1986

>

16-03-86om shanti avyakt baapdaadaamdhuban

roohaani drill

aavaaj ki duniya se paar le jaane vaale baapdaada bole

baapdaada sabhi bachchon ki sweet silence ki sthiti ko dekh rahen hain। ek second mein silence ki sthiti mein sthit ho jaana yeh practice kahaan tak ki hai। is sthiti mein jab chaahen tab sthit ho sakte hain va samay lagta hai? kyonki anaadi swaroop‘sweet silence’hai। aadi swaroop aavaaj mein aane ka hai। lekin anaadi avinaashi sanskaar - ‘silence’hai। to apne anaadi sanskaar, anaadi swaroop ko, anaadi svabhaav ko jaante hue jab chaaho tab us swaroop mein sthit ho sakte ho? 84 janma aavaaj mein aane ke hain isliye jyaada abhyaas aavaaj mein aane ka hai। lekin anaadi swaroop aur phir is samay chakra poora hone ke kaaran vaapis silence hom mein jaana hai। ab ghar jaane ka samay sameep hai। ab aadi madhya ant teenon hi kaal ka part samaapta kar apne anaadi swaroop, anaadi sthiti mein sthit hone ka samay hai। isliye is samay yahi abhyaas jyaada aavashyak hai। apne aapko check karo ki karmendriy-jeet bane hain? aavaaj mein nahin aane chaahen to yeh mukh ka aavaaj apni taraph kheenchata to nahin hai? isi ko hi roohaani drill kaha jaata hai।

jaise vartamaan samay ke pramaan shareer ke liye sarva beemaariyon ka ilaaj ‘exercise’sikhaate hain,to is samay aatma ko shaktishaali banaane ke liye yeh roohaani exercise ka abhyaas chaahiye। chaaron or kitna bhi vaataavran ho,halchal ho lekin aavaaj mein rehte aavaaj se pare sthiti ka abhyaas abhi bahut kaal ka chaahiye। shant vaataavran mein shanti ki sthiti banaana yeh koi badi baat nahin hai। ashaanti ke beech aap shant raho, yahi abhyaas chaahiye। aisa abhyaas jaante ho? chaahe apni kamzoriyon ki halchal ho,sanskaaron ke vyartha sankalpon ki halchal ho। aisi halchal ke samay svayan ko achal bana sakte ho va time lag jaata hai? kyonki time lagna yeh kabhi bhi dhokha de sakta hai। samaapti ke samay mein jyaada samay nahin milna hai। final result ka paper kuchh second aur minute ka hi hona hai। lekin chaaron or ki halchal ke vaataavran mein achal rahne par hi number milna hai। agar bahutkaal halchal ki sthiti se achal banne mein samay lagne ka abhyaas hoga to samaapti ke samay kya result hogi?isliye yeh roohaani exercise ka abhyaas karo। man ko jahaan aur jitna samay sthit karna chaaho utna samay vahaan sthit kar sako। final paper hai bahut hi sahaj। aur pahle se hi bata dete hain ki yeh paper aana hai। lekin number bahut thode samay mein milna hai। stage bhi powerful ho।

deh, deh ke sambandh,deh-sanskaar,vyakti ya vaibhav, vibration,vaayumandal sab hote hue bhi aakarshit na kare। isi ko hi kehte hain - ‘nashtomoha samartha swaroop’। to aisi practice hai?log chillaate rahen aur aap achal raho। prakriti bhi,maaya bhi sab last daanv lagaane liye apne taraph kitna bhi kheenche lekin aap nyaare aur baap ke pyaare banne ki sthiti mein lavleen raho। isko kaha jaata- dekhte hue na dekho। sunte hue na suno। aisa abhyaas ho। isi ko hi ‘sweet silence’swaroop ki sthiti kaha jaata hai। phir bhi baapdaada samay de raha hai। agar koi bhi kami hai to ab bhi bhar sakte ho। kyonki bahutkaal ka hisaab sunaaya। to abhi thoda chance hai। isliye is practice ki taraph full attention rakho। paas with honour banna ya paas hona iska aadhaar isi abhyaas par hai। aisa abhyaas hai?samay ki ghanti baje to taiyaar honge ya abhi sochte ho taiyaar hona hai। isi abhyaas ke kaaran ‘ashta ratnon ki maala’ vishesh chhoti bani hai। bahut thode time ki hai। jaise aap log kehte ho na second mein mukti va jeevanmukti ka varsa lena sabhi ka adhikaar hai। to samaapti ke samay bhi number milna thode samay ki baat hai। lekin jara bhi halchal na ho। bas bindi kaha aur bindi mein tik jaayen। bindi hile nahin। aise nahin ki us samay abhyaas karna shuru karo - main aatma hoon…main aatma hoon… yeh nahin chalega। kyonki sunaaya - vaar bhi chaaron or ka hoga। last trial sab karenge। prakriti mein bhi jitni shakti hogi,maaya mein bhi jitni shakti hogi, trial karegi। unki bhi last trial aur aapki last karmaateet,karmabandhan mukta sthiti hogi। donon taraph ki bahut powerful scene hogi। woh bhi fullforce, yeh bhi fullforce। lekin second ki vijay, vijay ke nagaade bajaayegi। samjha last paper kya hai! sab shubh sankalp to yahi rakhte bhi hain aur rakhna bhi hai ki number one aana hi hai। to sabmen chaaron or ki baaton mein win honge tabhi one aayenge। agar ek baat mein jara bhi vyartha sankalp, vyartha samay lag gaya to number peechhe ho jaayega। isliye sab check karo। chaaron hi taraph check karo। double videshi sabmen teevra jaane chaahte hain na! isliye teevra purooshaartha va full attention is abhyaas mein abhi se dete raho। samjha! question ko bhi jaante ho aur time ko bhi jaante ho। phir to sab paas hone chaahiye! agar pahle se question ka pata hota hai to taiyaari kar lete hain। phir paas ho jaate hain। aap sabhi to paas hone vaale hona! achha!

yeh season baapdaada ne harek se milne ka khula bhandaara khola hai। aage kya hona hai woh phir bataayenge। abhi khule bhandaar se jo bhi lene aaye hain woh to le hi lenge। drama ka drishya sada badalta hi hai lekin is season mein chaahe bhaaratvaasiyon ko, chaahe double videshiyon ko,sabhi ko vishesh vardaan to mila hi hai। baapdaada ne jo vaayda kiya hai woh to nibhaayenge। is season ka phal khaao। phal hai - milan,vardaan! sabhi season ka phal khaane aaye ho na! baapdaada ko bhi bachchon ko dekh khushi hoti hai। phir bhi saakaari srishti mein to sab dekhna hota hai। abhi to mauj mana lo। phir season ki last mein sunaayenge।

seva ke sthaan bhale alag-alag hain lekin seva ka lakshya to ek hi hai। umang ullaas ek hi hai isliye baapdaada sabhi sthaanon ko vishesh mahatva dete hain। aise nahin ek sthaan mahatva vaala hai, doosra kam hai। nahin। jis bhi dharni par bachche pahunche hain usse koi na koi vishesh result avashya nikalni hai। phir chaahe koi ki jaldi dikhaai deti, koi ki samay par dikhaai degi। lekin visheshta sab taraph ki hai। kitne achhe-achhe ratna nikle hain। aise nahin samajhna ki ham to saadhaaran hain। sab vishesh ho। agar koi vishesh na hota to baap ke paas nahin pahunchta। visheshta hai lekin koi visheshta ko seva mein lagaate hain, koi seva mein lagaane ke liye abhi taiyaar ho rahe hain, baaki hain sab vishesh aatmaayen। sab mahaarthi mahaaveer ho। ek ek ki mahima shuru karen to lambi chaudi maala ban jaayegi। shaktiyon ko dekho to har ek shakti mahaan aatma, vishwa-kalyaankaari aatma dikhaai degi। aise ho na ya sirf apne-apne sthaan ke kalyaankaari ho! achha।