Avyakt murli for Wednesday 6 January 1988

> 06 - 01 - 88 om shanti avyakt baapdaadaamdhuban

dil ke gyaani tatha snehi bano aur leakage ko banda karo

sada yogi ban saadhna ki sthiti se saadhnon ko kaarya mein laane vaale parmaatma snehi bachchon prati sneh ke saagar baapdaada bole –

aaj sneh ke saagar baapdaada apne snehi bachchon se milne ke liye aaye hain। yeh roohaani sneh,parmaatma - sneh nihsvaartha sachcha sneh hai। sachche dil ka sneh aap sarva aatmaon ko saara kalpa snehi bana deta hai। kyonki parmaatma - sneh, aatmik sneh, avinaashi sneh - yeh roohaani sneh brahman jeevan ki phaaunde - shan hai। roohaani sneh ka anubhav nahin to brahman jeevan ka sachcha aananda nahin। parmaatma - sneh kaisi bhi patit aatma ko parivartan karne ka chumbak hai, paritarvan hone ka sahaj saadhan hai। sneh - adhikaari banaane ka, roohaani nashe ka anubhav karaane ka aadhaar hai। sneh hai to ramneek brahman jeevan hai। sneh nahin to brahman jeevan sookhi (neeras) hai,mehnat vaali hai। parmaatma - sneh dil ka sneh hai। laukik snehdil ka tukda - tukda kar deta hai kyonki bant jaata hai। anekon se sneh nibhaana padta hai। alaukik sneh dil ke anek tukdon ko jodne vaala hai। ek baap se sneh kiya to sarva ke sahayogi svatah ban jaate। kyonki baap beej hai। to beej ko paani dene se har patte ko paani svatah mil jaata hai, patte - patte ko paani dene ki aavashyakta nahin hoti। aise roohaani baap se sneh jodna arthaat sarva ke snehi banna। isliye dil ke tukde - tukde nahin hote hain। sneh har kaarya ko sahaj bana deta hai arthaat mehnat se chhuda deta hai। jahaan sneh hota hai vahaan yaad svatah, sahaj aati hi hai। snehi ko bhulaana mushkil hota hai, yaad karna mushkil nahin hota। chaahe gyaan arthaat samajh kitni bhi buddhi mein ho lekin yathaartha gyaan arthaat sneh sampanna gyaan ho। agar gyaan hai aur sneh nahin hai to woh rookha gyaan hai। sneh sarva sambandhon ka dil se anubhav karaata hai। sirf gyaani jo hain woh dimaag se yaad karte hain aur snehi dil se yaad karte hain। dimaag se yaad karne vaalon ko yaad mein, seva mein, dhaarna mein mehnat karni padti hai। woh mehnat ka phal khaate hain aur woh muhabbat ka phal khaate hain। jahaan sneh nahin,dimaagi gyaan hai, to gyaan ki baaton mein bhi kyon, kya,kaise…dimaag ladta rahega aur ladaai lagti rahegi apne aap se। vyartha sankalp jyaada chalenge। jahaan kyon - kyon hogi,vahaan kyon ki queue hogi। aur jahaan sneh hai vahaan yuddha nahin lekin lavleen hai, samaaya hua hai। jisse dil ka sneh hota hai to sneh ki baat mein kyon, kya… nahin uthta hai। jaise parvaana shama ke sneh mein kyon, kya nahin karta, nyochhaavar ho jaata hai। parmaatma - snehi aatmaayen sneh mein samaai hui rehti hain।

kai bachche baap se roohrihaan karte yeh complaint (shikaayat) karte hain ki ‘‘gyaan to buddhi mein hai,brahman bhi ban gaye, aatma ko bhi jaan gaye,baap ko bhi poore parichay se jaan gaye, sambandhon ka bhi pata hai,chakra ka bhi gyaan hai, rachayita aur rachna ka bhi saara gyaan hai - phir bhi yaad sahaj kyon nahin hoti? aananda ka va shakti ka, shanti ka sada anubhav kyon nahin hota hai? mehnat se kyon yaad aati, nirantar kyon nahin yaad rehti? baar - baar yaad bhoolti kyon?''iska kaaran - kyonki gyaan dimaag tak hai, gyaan ke saath - saath dil ka sneh kam hai। dimaagi sneh hai। main bachcha hoon, woh baap hai,daata hai, vidhaata hai - dimaagi gyaan hai। lekin yahi gyaan jab dil mein sama jaata hai, to sneh ki nishaani kya dikhaate hain? dil। to gyaan aur sneh combined ho jaata hai। gyaan beej hai lekin paani sneh hai। agar beej ko paani nahin milega to phal nahin dega। aise, gyaan hai lekin dil ka sneh nahin to praapti ka phal nahin milta। isliye mehnat lagti hai। sneh arthaat sarva praapti ke,sarva anubhav ka saagar mein samaaya hua। jaise laukik duniya mein bhi dekho - sneh ki chhoti - si gift (saugaat) kitni praapti ka anubhav karaati hai! aur vaise svaartha ke sambandh se len - den karo to karod bhi de do lekin karod milte bhi phir bhi santushtata nahin hogi, koi na koi kami phir bhi nikaalte rahenge - yeh hona chaahiye,yeh karna chaahiye। aajkal kitna kharcha karte hain, kitna show karte hain! lekin phir bhi sneh sameep aata hai ya door karta hai? karod ki len - den itna sukh ka anubhav nahin karaati lekin dil ke sneh ki ek chhoti - si cheez bhi kitne sukh ki anubhooti karaati hai! kyonki dil ke sneh mein hisaab - kitaab ko bhi chuktu kar leta hai। sneh aisi vishesh anubhooti hai। to apne aapse poochho ki gyaan ke saath - saath dil ka sneh hai?dil mein leakage (risaav) to nahin hai?jahaan leakage hota hai to kya hota hai?agar ek baap ke sivaae aur kisi se sankalp maatra bhi sneh hai, chaahe vyakti se,chaahe vaibhav se, vyakti ki bhi chaahe shareer se sneh ho, chaahe unki visheshta se ho, had ki praapti ke aadhaar se ho lekin visheshta dene vaala kaun , praapti karaane vaala kaun?

kisi bhi prakaar se sneh arthaat lagaav chaahe sankalp - maatra ho,chaahe vaani maatra ho va karma mein ho,isko leakage kaha jaayega। kai bachche bahut bholepan mein kehte hain - lagaav nahin hai lekin achha lagta hai, chaahte nahin hain lekin yaad aa jaati hai। to lagaav ki nishaani hai - sankalp, bol aur karma se jhukaav। isliye leakage hone ke kaaran shakti nahin badhti hai। aur shaktishaali na hone ke kaaran baap ko yaad karne mein mehnat lagti hai। aur mehnat hone ke kaaran santushtata nahin rehti hai। jahaan santushtata nahin, vahaan abhi - abhi yaad ki anubhooti se masti mein masta honge aur abhi - abhi phir dilshikasta honge। kyonki leakage hone ke kaaran shakti thoda time bharti hai, sada nahin rehti। isliye sahaj nirantar yogi ban nahin sakte। to check karo - koi vyakti va vaibhav mein lagaav to nahin hai arthaat leakage to nahin hai?yeh leakage lavleen sthiti ka anubhav nahin karaayegi। vaibhav ka prayog bhale karo lekin yogi ban prayog karo। aisa na ho ki jisko aap aaraam ke saadhan samajhte ho woh man ki sthiti ko beaaraam karen। kyonki kai bachche vaibhvon ke vash hote bhi man ke lagaav ko jaan nahin sakte। royal bhaasha yahi kehte ki hathayogi nahin hain, sahajyogi hain। sahajyogi banna to achha lekin yogi ho?jo baap ki yaad ko halchal mein laave arthaat apni taraph aakarshit kare, jhukaav kare to yogi banke prayog karne vaale nahin kahenge। kyonki baap ke banne kaaran samay prati samay prakriti daasi arthaat vaibhvon ke saadhnon ki praapti badhti ja rahi hai। abhi - abhi 18 - 19 varsha ke andar kitni praapti ho rahi hai! sab aaraam ke saadhan badhte ja rahe hain। lekin yeh praaptiyaan baap ke banne ka phal mil raha hai। to phal ko khaate beej ko nahin bhool jaana। yeh saadhan badhte jaayenge thoda samay। lekin aaraam mein aate ‘raam'ko nahin bhool jaana। sachchi seeta rehna। maryaada ki lakeer se sankalp roopi angootha bhi nahin nikaalna। kyonki yeh saadhan bina saadhna ke use karenge to svarna - hiran ka kaam kar lega। isliye vyakti aur vaibhav ke lagaav aur jhukaav se sada apne ko safe rakhna, nahin to baap ke snehi banne ke bajaae, sahajyogi banne ke bajaae kabhi sahayogi,kabhi sahajyogi,kabhi viyogi - donon anubhav karte rahenge। kabhi yaad, kabhi phariyaad - aisi anubhooti mein rahenge aur complain bhi kabhi poori nahin hogi।

vyakti aur vaibhav ke jhukaav ki nishaani ek to sunaai - kabhi sahajyogi, kabhi yogi, kabhi phariyaadi। doosri baat, aisi aatma ko praapta sab hoga - chaahe saadhan,chaahe sahayog,chaahe sneh lekin leakage vaali aatma praapti hote bhi kabhi santushta nahin hogi। unke mukh se sadaiv kisi na kisi prakaar ki asantushtata ke bol, na chaahte bhi nikalte rahenge। doosre aise anubhav karenge ki inko bahut milta,in jaisa kisko nahin milta। lekin woh aatma sada apne apraapti ka,duhkh ka varnan karti rahengi। log kahenge - in jaisa sukhi koi nahin aur woh kahenge - mere jaisa duhkhi koi nahin। kyonki gas ka gubbaara hai। jab badhta hai to bahut ooncha jaata hai। jab khatma hota hai to kahaan girta hai! dekhne mein kitna sundar lagta hai udta hua lekin alpakaal ka hota hai। kabhi apne bhaagya se santushta nahin hoga। sadaiv koi na koi ko apne bhaagya ke apraapti ka nimitta banaate rahenge - yeh aisa karta,yeh aisa hota,isliye mera bhaagya nahin। bhaagyavidhaata bhaagya banaane vaala hai। jahaan bhaagyavidhaata bhaagya bana raha hai, us parmaatma - shakti ke aage aatma ki shakti bhaagya ko hila nahin sakti। yeh sab bahaanebaaji hai। udti kala ki baaji nahin aati to bahaane - baaji bahut karte hain। ismen sab hoshiyaar hain। isliye yeh check karo - chaahe sneh se jhukaav ho, chaahe hisaab - kitaab chuktu hone ke kaaran jhukaav ho।

jisse eershya va ghrina hoti hai vahaan bhi jhukaav hota hai। baar - baar vahi yaad aata rahega। baithenge yog mein baap ko yaad karne aur yaad aayega ghrina va eershya - vaala। sochenge main svadarshan chakradhaari hoon aur chalega pardarshan chakra। to jhukaav donon taraph ka neeche le aata hai। isliye donon check karna। phir baap ke aage arja daalte hain ki ‘vaise main bahut achha hoon, sirf yeh ek hi baat aisi hai, isko aap mita do।'baap muskaraate hain ki hisaab banaaya aapne aur chuktu baap kare! chuktu karaave - yeh baat theek hai lekin chuktu kare - yeh baat theek nahin। banaane ke samay baap ko bhool gaye aur chuktu karne ke time baba - baba kehte! karnakraavanhaar karaane ke liye bandha hua hai lekin karna to aapko padega। to suna, bachchon ka kya - kya samaachaar baapdaada dekhte hain? saar kya hua?sirf rookhe gyaani nahin bano, dimaag ke gyaani nahin bano। dil ke gyaani aur snehi bano aur leakage ko check karo। samjha!

18January aa rahi hai na। isliye pahle se smriti dila rahe hain jo 18 January ke din sada ka samartha divas mana sako। samjha?sirf jeevan kahaani sunaake nahin manaana lekin samaan - jeevan banne ka manaana। achha!

sada vyakti aur vaibhav ke jhukaav se nyaare,baap ke sneh mein samaaye hue, sada yathaartha gyaan aur dil ke sneh - donon mein combined sthiti ka anubhav karne vaale,sada yogi ban saadhna ki sthiti se saadhnon ko kaarya mein laane vaale,sada snehi,dil mein samaaye hue bachchon ko dilaaraam baap ki yaadapyaar aur namaste।''

party se avyakt baapdaada ki mulaakaatah - double hero samajhte ho?heere tulya jeevan ban gai। to heere samaan ban gaye aur srishti drama ke andar aadi se ant tak hero part bajaane vaale ho। to double hero ho gaye na। koi bhi had ke drama mein part bajaane vaale hero actor gaaye jaate hain lekin double hero koi nahin hota। aur aap double hero ho। baap ke saath part bajaana - yeh kitna bada bhaagya hai! to sada is shreshtha bhaagya ko smriti mein rakh aage badh rahe ho na। rookne vaale to nahin ho na?jo thakta nahin hai woh rookta bhi nahin hai, badhta rehta hai। to aap rookne vaale ho ya thakne vaale?akele hote hain to thakte hain। bor (oobna) ho jaate hain to thak jaate hain। lekin jahaan saath ho vahaan sada hi umang - utsaah hota hai। koi bhi yaatra par jaate hain to kya karte hain?sangathan banaate hain na। kyon banaate hain? sangathan se, saath se umang - utsaah se aage badhte jaate। to aap sabhi bhi roohaani yaatra par sada aage badhte rehna kyonki baap ka saath, brahman parivaar ka saath kitna badhiya saath hai! agar koi achha saathi hota hai to kabhi bhi bor nahin hote, thakte nahin। to sada aage badhne vaale sada hi harshit rehte hain, sada khushi mein naachte rehte hain। to vriddhi ko paate rehte ho na! vriddhi ko praapta hona hi hai kyonki jahaan bhi, jis kone mein bichhude hue bachche hain,vahaan woh aatmaayen sameep aani hi hai। isliye seva mein bhi vriddhi hoti rehti hai। kitna bhi chaaho - shant karke baith jaaen, baith nahin sakte। seva baithne nahin degi, aage badhaayegi kyonki jo aatmaayen baap ki thi, woh baap ki phir se banni hi hain। achha!

mukhya bhaaiyon se avyakt baapdaada ki mulaakaatah - paandav sochte hain ki shaktiyon ko chance achha milta hai, daadiyaan banna achha hai! lekin paandav agar planning buddhi nahin hon to shaktiyaan kya karengi! antim janma mein bhi paandav banna kam bhaagya nahin hai! kyonki paandavon ki visheshta to brahma baap ke saath hi hai। to paandav kam nahin। paandavon ke bina shaktiyaan nahin, shaktiyon ki bina paandav nahin। chaturbhuj ki do bhuja woh hain,do bhuja woh hain। isliye paandavon ki visheshta apni। nimitta seva inhon ko (daadiyon ko) mili hui hai,isliye yeh karti hain। baaki sada paandavon ke liye shaktiyon ko aur shaktiyon ke liye paandavon ko sneh hai,regard hai aur sada rahega। shaktiyaan paandavon ko aage rakhti hain - ismen hi saphalta hai aur paandav shaktiyon ko aage rakhte - ismen hi saphalta hai। ‘pahle aap' ka paath donon ko pakka hai। ‘pahle aap', ‘pahle aap' kehte khud bhi ‘pahle aap' ho jaayenge। baap beech mein hai to jhagda hai hi nahin। paandavon ko buddhi ka vardaan achha mila hua hai। jis kaarya ke nimitta bane hue hain unko vahi visheshta mili hui hai। aur harek ki visheshta ek do se aage hain। isliye aap nimitta aatmaayen ho। achha!