Avyakt murli for Thursday 14 January 1988

>

14 - 01 - 88 om shanti avyakt baapdaadaamdhuban

udaasi aane ka kaaran - chhoti - moti avagyaaen

apne bachchon ke dil ka haal chaal sun sada halka rahne ki vidhi bataate hue oonch te oonch baap bole

aaj behad ke bade te bade baap,oonche te oonche banaane vaale baap apne chaaron or ke bachchon mein se vishesh aagyaakaari bachchon ko dekh rahe hain। aagyaakaari bachche to sabhi apne ko samajhte hain lekin nambarvaar hain। koi sada aagyaakaari aur koi aagyaakaari hain, sada nahin hain। aagyaakaari ki list mein sabhi bachche aa jaate hain lekin antar zaroor hai। aagya dene vaala baap sabhi bachchon ko ek samay par ek hi aagya dete hain, alag - alag, bhinna - bhinna aagya bhi nahin dete hain। phir bhi nambarvaar kyon hote hain? kyonki jo sada har sankalp va har karma karte baap ki aagya ka sahaj smritisvaroop bante hain, woh svatah hi har sankalp, bol aur karma mein aagya pramaan chalte aur jo smritisvaroop nahin bante, aneko baar - baar smriti laani padti hai। kabhi smriti ke kaaran aagyaakaari ban chalte aur kabhi chalne ke baad aagya yaad karte hain। kyonki aagya ke smritisvaroop nahin, jo shreshtha karma ka pratyaksha phal milta hai woh pratyaksha phal ki anubhooti na hone ke kaaran karma ke baad yaad aata hai ki yeh result kyon hui? karma ke baad check karte to samajhte hain jo jaisi baap ki aagya hai us pramaan na chalne kaaran,jo pratyaksha phal anubhav ho, woh nahin hua। isko kehte hain aagya ke smritisvaroop nahin hain lekin karma ke phal ko dekhkar smriti aai। to number one hain - sahaj, svatah smritisvaroop aagyaakaari। aur doosra number hain - kabhi smriti se karma karne vaale aur kabhi karma ke baad smriti mein aane vaale। teesre number ki to baat hi chhod do। do maalaayen hain। pahli chhoti maala hai,doosri badi maala hai। teesron ki to maala hi nahin hai। isliye do ki baat kar rahe hain।

‘aagyaakaari number one' sada amritvele se raat tak saare din ki dincharya ke har karma mein aagya pramaan chalne ke kaaran har karma mein mehnat nahin anubhav karte lekin aagyaakaari banne ka vishesh phal baap ke aasheervaad ki anubhooti karte hain। kyonki aagyaakaari bachche ke oopar har kadam mein baapdaada ki dil ki duyaaen saath hain,isliye dil ki duaaon ke kaaran har karma phaldaai hota hai। kyonki karma beej hai aur beej se jo praapti hoti hai woh phal hai। to number one aagyaakaari aatma ka har karma roopi beej shaktishaali hone ke kaaran har karma ka phal arthaat santushtata,saphalta praapta hoti hai। santushtata apne aap se bhi hoti hai aur karma ke result se bhi hoti hai aur anya aatmaon ke sambandh - samparka se bhi hoti hai। number one aagyaakaari aatmaon ke teenon hi prakaar ki santushtata svatah aur sada anubhav hoti hai। kai baar kai bachche apne karma se svayan santushta hote hain ki mainne bahut achha vidhipoorvak karma kiya lekin kahaan saphalta roopi phal jitna svayan samajhte hain, utna dikhaai nahin deta aur kahaan phir svayan bhi santushta, phal mein bhi santushta lekin sambandh - samparka mein santushtata nahin hoti hai। to isko number one aagyaakri nahin kahenge। number one aagyaakaari teenon hi baaton mein santushtata anubhav karega।

vartamaan samay ke pramaan kai shreshtha aagyaakaari bachchon dvaara kabhi - kabhi koi - koi aatmaaen apne ko asantushta bhi anubhav karti hain। aap sochenge aisa to koi nahin hai jisse sabhi santushta hon! koi na koi asantushta ho bhi jaate hain lekin woh kai kaaran hote hain। apne kaaran ko na jaanne ke kaaran misunderstand (galatphahmi) kar dete hain। doosri baat - apni buddhi pramaan badon se chaahna, ichchha jyaada rakhte hain aur woh ichchha jab poorn nahin hoti to asantushta ho jaate। teesri baat - kai aatmaon ke pichhle sanskaar - svabhaav aur hisaab - kitaab ke kaaran bhi jo santushta hona chaahiye woh nahin hote। is kaaran number one aagyaakaari aatma ka va shreshtha aatmaon dvaara santushtata na milne ka kaaran hota nahin hai lekin apne kaarnon se asantushta rah jaate hain। isliye kahaan - kahaan dikhaai deta hai ki har ek se koi asantushta hai। lekin usmein bhi majority95 pratishat ke kareeb santushta honge। 5pratishat asantushta dikhaai dete। to number one aagyaakaari bachche majority teenon hi roop se santushta anubhav karenge aur sada aagya pramaan shreshtha karma hone ke kaaran har karma karne ke baad santushta hone kaaran karma baar - baar buddhi ko, man ko vichlit nahin karega ki theek kiya va nahin kiya। second number vaale ko karma karne ke baad kai baar man mein sankalp chalta hai ki pata nahin theek kiya va nahin kiya। jisko aap log apni bhaasha mein kehte ho - man khaata hai ki theek nahin kiya। number one aagyaakaari aatma ka kabhi man nahin khaata,aagya pramaan chalne ke kaaran sada halke rehte। kyonki karma ke bandhan ka bojh nahin। pahle bhi sunaaya tha ki ek hai karma ke sambandh mein aana,doosra hai karma ke bandhan vash karma karna। to number one aatma karma ke sambandh mein aane vaali hai,isliye sada halki hai। number one aatma har karma mein baapdaada dvaara vishesh aasheervaad ki praapti ke kaaran har karma karte aasheervaad ke phalasvaroop sada hi aantarik will power anubhav karegi। sada ateendriy sukh ka anubhav karegi, sada apne ko bharpoor arthaat sampanna anubhav karegi।

kabhi - kabhi kai bachche baap ke aage apne dil ka haalchaal sunaate kya kehte hain - na maaloom kyon ‘aaj apne ko khaali - khaali samajhte hain', koi baat bhi nahin hui hai lekin sampannata va sukh ki anubhooti nahin ho rahi hai। kai baar us samay koi ulta kaarya ya koi chhoti - moti bhool nahin hoti hai lekin chalte - chalte anjaan va albelepan mein samay prati samay aagya ke pramaan kaam nahin karte hain। pahle samay ki avagya ka bojh kisi samay apne taraph kheenchata hai। jaise pichhle janmon ke kade sanskaar, svabhaav kabhi - kabhi na chaahte bhi apne taraph kheench lete hain, aise samay prati samay ki ki hui avagyaaon ka bojh kabhi - kabhi apne taraph kheench leta hai। woh hai pichhla hisaab - kitaab, yeh hai vartamaan jeevan ka hisaab। kyonki koi bhi hisaab - chaahe is janma ka, chaahe pichhle janma ka,lagna ki agni - swaroop sthiti ke bina bhasma nahin hota। sada agni - swaroop sthiti arthaat shaktishaali yaad ki sthiti,beejroop,light house, might house sthiti sada na hone ke kaaran hisaab - kitaab ko bhasma nahin kar sakte hain। isliye raha hua hisaab apne taraph kheenchata hai। us samay koi galti nahin karte ho ki pata nahin kya hua! kabhi man nahin lagega - yaad mein, seva mein va kabhi udaasi ki lahar hogi। ek hota hai gyaan dvaara shanti ka anubhav, doosra hota hai bina khushi,bina aananda ke sannaate ki shanti। woh bina ras ke shanti hoti hai। sirf dil karega - kahaan akele mein chale jaaen, baith jaaen। yeh sab nishaaniyaan hain koi na koi avagya ki। karma ka bojh kheenchata hai।

avagya - ek hoti hai paap karma karna va koi badi bhool karna aur doosri chhoti - chhoti avagyaayen bhi hoti hain। jaise baap ki aagya hai - amritvele vidhipoorvak shaktishaali yaad mein raho। to amritvele agar is aagya pramaan nahin chalte to usko kya kahenge?aagyaakaari ya avagya? har karma karmayogi bankar ke karo,nimitta bhaav se karo, nirmaan banke karo - yeh aagyaaen hain। aise to bahut badi list hai lekin drishtaanta ki reeti mein suna rahe hain। drishti, vritti sabke liye aagya hai। in sab aagyaaon mein se koi bhi aagya vidhipoorvak paalan nahin karte to isko kehte hain - chhoti - moti avagyaaen। yeh khaata agar jama hota rehta hai to zaroor apni taraph kheenchega na, isliye kehte hain ki jitna hona chaahiye, utna nahin hota। jab poochhte hain, theek chal rahe ho to sab kahenge - haan। aur jab kehte hain ki jitna hona chaahiye utna hai,to phir sochte hain। itne ishaare milte, knowledgeful hote phir bhi jitna hona chaahiye utna nahin hota, kaaran? pichhla va vartamaan bojh double light banne nahin deta hai। kabhi double light ban jaate, kabhi bojh neeche le aata। sada ateendriy sukh va khushi sampanna shant sthiti anubhav nahin karte hain। baapdaada ke aagyaakaari banne ki vishesh aasheervaad ki lift ke praapti ki anubhooti nahin hoti hai। iseelie kis samay sahaj hota,kis samay mehnat lagti hai। number one aagyaakri ki visheshtaaen spashta suni! baaki number tu kaun hua? jismen in visheshtaaon ki kami hai, woh number tu aur doosre number maala ke ho gae। to pahli maala mein aana hai na? mushkil kuchh bhi nahin hai। har kadam ki aagya spashta hai, usi pramaan chalna sahaj hua ya mushkil hua? aagya hi baap ke kadam hain। to kadam par kadam rakhna to sahaj hua na। vaise bhi sabhi sachchi seetaaen ho, sajniyaan ho। to sajniyaan kadam par kadam rakhti hain na? yeh vidhi hai na। to mushkil kya hua! bachche ke naate se bhi dekho - bachche arthaat jo baap ke footstep par chale। jaise baap ne kaha aise kiya। baap ka kehna aur bachchon ka karna - isko kehte hain number one aagyaakaari। to check karo aur change karo। achha!

chaaron or ke sarva aagyaakaari shreshtha aatmaon ko,sada baap dvaara praapta hui aasheervaad ki anubhooti karne vaali vishesh aatmaon ko, sada har karma mein santushtata,saphalta anubhav karne vaali mahaan aatmaon ko,sada kadam par kadam rakhne vaale aagyaakaari bachchon ko baapdaada ka yaadapyaar aur namaste।''

party se avyakt baapdaada ki madhur mulaakaat

1. sabhi apne ko sahajyogi, raajayogi shreshtha aatmaayen anubhav karte ho?sahajyogi arthaat svatah yogi। yog lagaane se yog lage nahin, to yogi ke bajaae viyogi ban jaaen isko sahajyogi nahin kahenge। sahajyogi jeevan hai। to jeevan sada hoti hai। yogi jeevan arthaat sada ke yogi, do ghante, chaar ghante yog lagaane vaale ko yogi jeevan nahin kahenge। jab hai hi ek baap doosra na koi, to ek hi yaad aaega na? ek ki yaad mein rehna - yahi sahajyogi jeevan hai। sada ke yogi arthaat yogi jeevan vaale। doosre jo yog lagaate hain, woh jab yog lagaate hain tab lagta hai aur brahman aatmaaen sada hi yog mein rehti hain kyonki jeevan bana li hai। chalte - phirte, khaate - peete yogi। hai hi baap aur main। agar doosra koi chhipa hua hoga to woh yaad aaega। sada yogi jeevan hai arthaat nirantar yogi hain। aise to nahin kahenge ki yog lagta nahin, kaise lagaaen? sivaae baap ke jab kuchh hai hi nahin,to lagaaen kaise - yeh question hi nahin। jab doosre taraph buddhi jaati hai to yog tootta hai aur jab tootta hai to lagaane ki mehnat karni padti hai। lagaane ki mehnat karni hi na pade, second mein baba kaha aur yaad swaroop ho gae। aise to kahne ki bhi aavashyakta nahin, hain hi - aisa anubhav karna yogi jeevan hai। to sada sahajyogi aatmaaen hain - is anubhooti se aage badhte chalo।

2. sada apne ko roohaani yaatri samajhte ho? yaatra karte kya yaad rahega? jahaan jaana hai vahi yaad rahega na। agar aur koi baat yaad aati hai to usko bhulaate hain। agar koi devi ki yaatra par jaaenge to ‘jay maata - jay maata' kehte jaaenge। agar koi aur yaad aaegi to achha nahin samajhte hain। ek do ko bhi yaad dilaaenge - ‘jay maata' yaad karo, ghar ko va bachchen ko yaad nahin karo,maata ko yaad karo। to roohaani yaatriyon ko sada kya yaad rehta hai? apna ghar - paramdham yaad rehta hai na? vahaan hi jaana hai। to apna ghar aur apna raajya svarga - donon yaad rehta hai ya aur baaten bhi yaad rehti hain? puraani duniya to yaad nahin aati hai na? aise nahin - yahaan rehte hain to yaad aa jaati hai। rehte hue bhi nyaare rehna,kyonki jitna nyaare rahenge utna hi pyaar se baap ko yaad kar sakenge। to check karo puraani duniya mein rehte puraani duniya mein phans to nahin jaate hain?kamal - pushpa keechad mein rehta hai lekin keechad se nyaara rehta hai। to seva ke liye rehna padta hai,moh ke kaaran nahin। to maataaon ko moh to nahin hai?agar thoda dhotre - potre ko kuchh ho jaae,phir moh hoga?agar woh thoda roe to aapka man bhi thoda roega? kyonki jahaan moh hota hai to doosre ka duhkh bhi apna duhkh lagta hai। aise nahin - usko bukhaar ho to aapko bhi man ka bukhaar ho jaae! moh kheenchata hai na। paper to aate hain na। kabhi potra beemaar hoga, kabhi dhotra। kabhi dhan ki samasya aaegi, kabhi apni beemaari ki samasya aaegi। yeh to hoga hi। lekin sada nyaare rahen,moh mein na aaen - aise nirmohi ho?maataaon ko hota hai sambandh se moh aur paandavon ko hota hai paise se moh। paisa kamaane mein yaad bhi bhool jaaegi। shareer nirvaah karne ke liye nimitta maatra kaam karna doosri baat hai lekin aisa lage rehna jo na padhaai yaad aae,na yaad ka abhyaas ho…usko kahenge moh। to moh to nahin hai na! jitna nashtomoha honge utna hi smritisvaroop honge।

kumaaron se - kamaal karne vaale kumaar ho na? kya kamaal dikhaaenge? sada baap ko pratyaksha karne ka umang to rehta hi hai lekin uski vidhi kya hai? aajkal to youth ke taraph sabki najar hai। roohaani youth apne mansa shakti se, bol se, chalan se aise shanti ki shakti anubhav karaayen jo woh samjhen ki yeh shanti ki shakti se kraanti karne vaale hain। jaise jismaani youth ki chalan aur chehre se josh dikhaai deta hai na। dekhkar hi pata chalta hai ki yeh youth hain। aise aapke chehre aur chalan se shanti ki anubhooti ho - isko kehte hain kamaal karna। har ek ki vritti se vibration aae। jaise unhon ke chalan se, chehre se vibration aata hai ki yeh hinsak vritti vaale hain, aise aapke vibration se shanti ki kirnen anubhav hon। aisi kamaal karke dikhaao। koi bhi kraanti ka kaarya karta hai to sabka attention jaata hai na। aise aap logon ke oopar sabka attention jaae - aisi vishaal seva karo। kyonki gyaan sunaane se achha to lagta hai lekin parivartan anubhav ko dekhkar anubhvi bante hain। aisi koi nyaari baat karke dikhaao। vaani se to maataaen bhi sevaaen karti hain, nimitta bahnen bhi seva karti hain lekin aap naveenta karke dikhaao jo government ka bhi attention jaae। jaise soorya uday hota hai to svatah hi attention jaata hai na - roshni aa rahi hai! aise aapke taraph attention jaae। samjha?

ghaatkopar (bambai) sevaakendra ki nalini behen ke laukik pitaaji kaaku bhaai ne 14.1.1988 praatah3.15 baje apna puraana shareer chhoda, unke nimitta praan pyaare avyakt baapdaada ne mahaavaakya uchchaaran kie

drama mein jo bhi drishya hote hain woh sabhi apne - apne samay pramaan bahut hi rahasyayukta hote hain। jo bhi ananya snehi aatmaaen jaati hain,har ek aatma ke jaane mein bhi bhinna - bhinna raaz hote hain। ananya aatmaayen sada jahaan bhi jaati hain seva ke nimitta jaati hain। jaise sangamayug ki brahman jeevan mein seva ke sangathan se seva saphal hoti ja rahi hai, aise nai duniya ki sthaapna ke raaj mein bhi sangathan dvaara kaarya vriddhi ko praapta kar saphalta ko praapta kar raha hai। to is sthaapna ke part mein jin aatmaon ka jis samay part hai, woh drama anusaar aatmaon ka jaana aur usi kaarya ke nimitta banna - yeh rahasya kuchh samay se chal raha hai aur chalta rahega। isliye,ananya aatmaon ka jaana aisa hi hai jaise seva ka part badalna va seva ke part anusaar shareer roopi vastra badli karna। jaisa part vaise vastra chaahien, vaise sambandh chaahiye, vaisa sthaan chaahiye। to yeh to seva ke part se aana - jaana chalta hi rehta hai। to is aatma ka bhi seva ka part hai aur is shareer se bhi hisaab - kitaab poora hone ka time aata hai। isliye,aise kamaai karke jaane vaali aatmaon ke liye koi aatmaon ko phikar karne ki to baat hi nahin। seva par jaane ki to khushi hai। kyonki puraane shareer se to itni seva kar nahin paate। to naya part bajaaenge। aur jaana to sabko hai,sirf samay ki baat hai। isliye,sada jaise svayan khush rahe,vaise sabhi ko chaahe laukik sambandhi hain, chaahe alaukik hain - sabhi ko unki khushi ki visheshta sada yaad rakhni hai। jaise woh svayan halke rahe, jaane mein bhi halke rahe, rahne mein bhi halke rahe। isi reeti se sabhi ko aise hi unki visheshta se sneh rakhna hi aatma se sneh hai। to bahut achha part baja ke gaye aur aage bhi achhe te achha part bajaaenge।

iseelie,har aatma ki visheshta yaad rakho, har aatma ka vishesh part yaad rakho। to isse svayan mein, vaataavran mein sada hi shanti aur shakti rahegi। aur woh aisi aatma to hai hi nahin jo usko vishesh bal denge tabhi khush rahegi। woh to khush hai hi। baaki apne sneh ki reeti yaad ki yaatra se sneh ka sahayog dena woh to brahman jeevan ki reeti - rasma hai। baaki aisi aatma nahin hai jo shakti denge to shakti aaegi। shaktishaali hai,baap ke saath sambandh hone ke kaaran baap ke paas hi shaktisvaroop ban anubhav kar rahi hai। isliye jo drama beeta woh achha kahenge। duniya vaale to kahenge ki ‘haay, woh chala gaya!' aur aap kya kahenge?seva par gaya। chala nahin gaya, seva par gaya। seva par koi jaata hai to kya karte ho? khush hote ho ya rote ho? to yeh bhi seva par gaye। isliye,yeh sada harshit aatma thi, sada harshit rahegi। achha! duniya ke hisaab se bhi apna part to sab poora kiya। us hisaab se bhi koi badi baat nahin। braahmanon ke liye to koi chhota bhi jaay to bhi badi baat nahin। yahaan koi javaan chala jaae to royenge?vahaan koi bujurga jaata hai to laddu baantate hain aur yahaan koi javaan bhi jaaega to haluve ka bhog khaayenge। usko bhi khilaaenge, aap bhi khaaenge। kya karte ho?jab sanskaar karke aate ho to kya karte ho? haluva hi khaate ho na! kyonki gyaan ka hai na। isliye nothing new। achha! sabhi ko bahut - bahut yaad aur sabhi ko baapdaada sneh ki shakti sada dete rehte hain aur de rahe hain। achha!