Avyakt murli for Tuesday 2 January 1990

> 02-01-90 om shanti avyakt baapdaadaamdhuban

saare gyaan ka saar - smriti

avyakt baapdaada apne samartha bachchon prati bole –

aaj samartha baap apne chaaron or ke sarva samartha bachchon ko dekh rahe hain। har ek samartha bachcha apni samarthi pramaan aage badh rahe hain। is samartha jeevan arthaat sukhmay shreshtha saphalta sampanna alaukik jeevan ka aadhaar kya hain?aadhaar hai ek shabd- smriti'। vaise bhi saare drama ka khel hai hi vismriti aur smriti' ka। is samay smriti ka khel chal raha hai । baapdaada ne aap brahman aatmaon ko parivartan kis aadhaar par kiya?sirf smriti dilaai ki aap aatma ho, na ki shareer। is smriti ne kitna alaukik parivartan kar liya। sab kuchh badal gaya na! maanav jeevan ki visheshta hai hi 'smriti'। beej hai smriti, jis beej se vritti,drishti,kriti saari sthiti badal jaati hai। isliye gaaya jaata hai - jaisi 'smriti vaisi sthiti'। baap ne foundation smriti ko hi parivartan kiya। jab foundation shreshtha hua to svatah hi poori jeevan shreshtha ho gai । kitni chhoti-si baat ka parivartan kiya ki tum shareer nahin aatma ho - is parivartan hote hi aatma master sarvashaktivaan hone ke kaaran smriti aate hi samartha ban gai । ab yeh samartha jeevan kitna pyaara lagta hai! svayan bhi smriti-swaroop bane aur auron ko bhi yahi smriti dilaae kya se kya bana dete ho! is smriti se sansaar hi badal liya। yeh eeshvareey sansaar kitna pyaara hai । chaahe seva arth sansaari aatmaon ke saath rehte ho lekin man sada alaukik sansaar mein rehta hai । isko hi kaha jaata hai ‘smriti swaroop' । koi bhi paristhiti aa jaae lekin smriti-swaroop aatma samartha hone kaaran paristhiti ko kya samajhti? yeh to khel hai। kabhi ghabraayegi nahin। bhal kitni bhi badi paristhiti ho lekin samartha aatma ke liye manzil par pahunchne ke liye yeh sab raaste ke side scenes hain arthaat raaste ke nazaare hai। side scenes to achhi lagti hai na | kharcha karke bhi side scene dekhne jaate hain। yahaan bhi aajkal aabu-darshan karne jaate ho na! agar raaste mein side scenes na ho to woh raasta achha lagega? bor ho jaayenge । aise smriti-swaroop,samartha-swaroop aatma ke liye paristhiti kaho, paper kaho, vighna kaho, problems kaho, sab side scenes hain । smriti mein hai ki yeh manzil ke side scenes anginat baar paar ki hai । nothing new iska bhi foundation kya hua? 'smriti'। agar yeh smriti bhool jaati arthaat foundation hila to jeevan ki poori building hilne lagti hai । aap to achal hai na!

saari padhaai ke chaaron subjects ka aadhaar bhi 'smriti'hai । sabse mukhya subject hai yaad । yaad arthaat smriti – main kaun, baap kaun? doosri subject hai 'gyaan' । rachta aur rachna ka gyaan mila। uska bhi foundation smriti dilaai ke anaadi kya ho aur aadi kya ho aur vartamaan samay kya ho - brahman so pharishta। pharishta so devta aur bhi kitni smritiyaan dilaai hain to gyaan ki smriti hui na?teesri subject hai 'divya gun'। divyagunon ki bhi smriti dilaai ki aap braahmanon ke yeh gun hain। gunon ki list bhi smriti mein rehti hai tab samay pramaan us gun ko kaarya mein,karma mein lagaate ho। koi samay smriti kam hone se kya result hoti! samay par gun use nahin kar sakte ho। jab samay beet jaata phir smriti mein aata hai ki yeh nahin karna chaahta tha lekin ho gaya,aage aisa nahin karenge। to divya gunon ko bhi karma mein laane ke liye samay par smriti chaahiye। abhi-abhi aise apne par bhi hansate ho। vaise bhi koi baat va koi cheez samay par bhool jaati hai to us samay kya haalat hoti hai? cheez hai bhi lekin samay par yaad nahin aati, to ghabraate ho na! aise yeh bhi samay par smriti na hone ke kaaran kabhi-kabhi ghabra jaate ho। to divya gunon ka aadhaar kya hua? sada smriti-swaroop। nirantar aur natural divya gun sahaj har karma mein, kaarya mein lagta rahega। chauthi subject hai 'seva' । ismen bhi agar smriti-swaroop nahin bante ki main vishwa-kalyaankaari aatma nimitta hoon,to seva mein saphalta nahin pa sakte। seva dvaara kisi aatma ko smriti-swaroop nahin bana sakte। saath-saath seva hai hi - svayan ki aur baap ki smriti dilaana।

to chaar hi subjects ka foundation smriti'hua na! saare gyaan ke saar ka ek shabd hua - smriti। isliye baapdaada ne pahle se hi suna diya hai ki last paper ka question bhi kya aane vaala hai? lamba-chauda paper nahin hona hai । ek hi question ka paper hona hai aur ek hi second ka paper hona hai । question kaun-sa hoga' nashtomoha smriti-swaroop। question bhi pahle se hi sun liya hai na phir to sabhi paas hone chaahiye । sabhi number one paas honge ya nambarvaar paas honge?

double videshi kis number mein paas honge? (number one) to maala ko khatma kar den?ya alag maala bana den? umang to bahut achha hai । double phorenar ko vishesh chance hai - last so fast jaane ka। yeh margin hai। alag maala banaayen to jo picnic ke sthaan banenge vahaan jaana padega। yeh pasanda ho to alag maala banaayen ' aap logon ke liye maala mein aane ki margin rakhi hai, aa jaayenge। achha।

sabhi teachers to smriti-swaroop hai na! chaaron hi subjects mein smriti-swaroop। mehnat ka kaam to nahin hai na! teachers ka arth hi hai apne smriti-swaroop features se auron ko bhi smriti-swaroop banaana। aapke features hi auron ko smriti dilaaye ki main aatma hoon,mastak mein dekhe hi chamakti hui aatma va chamakti hui mani। jaise saanp ki mani dekh karke saanp ki taraph koi ka dhyaan nahin jaayenga, mani ke taraph jaayenga। aise avinaashi chamakti hui mani ko dekh dehbhaan smriti mein nahin aaye, attention svatah hi aatma ki taraph jaayen। teachers isi seva ke nimitta ho। vismriti vaalon ko smriti dilaana - yahi seva hai । samartha to ho ya kabhi-kabhi ghabraati ho? agar teachers ghabra jaayengi to stoodainta kya honge?teachers arthaat sada natural, nirantar smriti-swaroop so samartha-swaroop। jaise brahma baap phrant mein raha to teachers bhi aage ho na। nimitta maana aage। jaise seva prati samarpan hone mein himmat rakhi, samartha bani। to yeh smriti kya hai, yeh to tyaag ka bhaagya hai। tyaag kar liya,abhi bhaagya ki kya badi baat hai! tyaag to kiya lekin tyaag, tyaag nahin hai kyonki bhaagya bahut jyaada hai । tyaag kya kiya? sirf safed saadi pahni, woh to aur bhi byooteephul ban gai ho, pharishte,pariyaan ban gai ho aur kya chaahiye । baaki khaana-peena chhoda. .woh to aajkal doctors bhi kehte hai - jyaada nahin khaao,kam khaao,saada khaao। aajkal to doctors bhi khaane nahin dete। baaki kya chhoda? pahanna chhoda… .aajkal to gahnon ke peechhe chor lagte hai । achha kiya jo chhod diya, samajhdaari ka kaam kiya। isliye tyaag ka padma guna bhaagya mil gaya। achha!

abhi-abhi baapdaada ko ethensa vaale yaad aa rahe hai (ethensa mein seva ka bada kaaryakram chal raha hai) woh bhi bahut yaad kar rahe hain । jab bhi koi vishaal kaarya hota hai,behad ke kaarya mein behad ka baap aur behad ka parivaar yaad zaroor aata hai। jo bhi bachche gaye hain, himmat vaale bachche hain। jo nimitta bane hai,unhon ki himmat kaarya ko shreshtha aur achal bana deti hain । baap ke sneh aur vishesh aatmaon ki shubh bhaavna, shubh kaamna bachchon ke saath hai। buddhivaanon ki buddhi kisi dvaara bhi nimitta banaae apna kaarya nikaal dete hai । isliye bephikra baadshaah ban light-house, might-house ban shubh bhaavna,shubh kaamna ke vibration phailaate raho । har ek serviceable bachche ko baapdaada naam aur visheshta sahit yaadapyaar de rahe hai । achha!

sada nirantar smriti-swaroop samartha aatmaon ko,sada smriti-swaroop ban har paristhiti ko side scene anubhav karne vaale vishesh aatmaon ko, sada baap samaan chaaron or smriti ki lahar phailaane vaale mahaaveer bachchon ko, sada teevragti se paas-with-honour hone vaale mahaarthi bachchon ko baapdaada ka yaadapyaar aur namaste।

dilli zone se avyakt baapdaada ki mulaakaat

sada apne bhaagya ko dekh harshit hote ho! sada 'vaah-vaah' ke geet gaate ho? 'haay-haay' ke geet samaapta ho gaye ya kabhi duhkh hi lahar aa jaati hai? duhkh ke sansaar se nyaare ho gaye aur baap ke pyaare ho gaye, isliye duhkh ki lahar sparsha nahin kar sakti। chaahe seva arth rehte bhi ho lekin kamal samaan rehte ho। kamal pushpa keechad se nikal nahin jaata, keechad mein hi hota hai, paani mein hi hota hai lekin nyaara hota hai । to aise nyaare bane ho?nyaare banne ki nishaani hai - jitna nyaare utna baap ke pyaare banenge, svatah hi baap ka pyaar anubhav hoga aur woh parmaatma-pyaar chhatrachhaaya ban jaayengi। jiske upar chhatrachhaaya hoti hai woh kitna safe rehta hai! jiske oopar parmaatma-chhatrachhaaya hai usko koi kya kar sakte hain! isliye phakhur mein raho ki ham parmaatma-chhatrachhaaya mein rahne vaale hai। abhimaan nahin hai lekin roohaani fakhur hai । body-konses hoga to abhimaan aayega,aatma-abhimaani honge to abhimaan nahin aayega lekin roohaani phakhur hoga aur jahaan phakhur hota hai vahaan vighna nahin ho sakta। ya to hai phikra ya hai phakhur। donon saath nahin hote। daal-roti achhe te achhi dene ke liye baapdaada bandha hua hai। roz 36 prakaar ke bhojan nahin denge lekin daal-roti pyaar ki zaroor milegi । nishchit hai,isko koi taal nahin sakta। to phikra kis baat ka! duniya mein phikra rehta hai ki ham bhi khaayen , peechhe vaale bhi khaayen । to aap bhi bhookhe nahin rahenge, aapke peechhe vaale bhi bhookhe nahin rahenge। baaki kya chaahiye? Dunlop ke takiye chaahiye kya! agar Dunlop ke takiye va bistar mein phikra ki neend ho to neend aayegi? bephikra honge to dharni par bhi soyenge to neend aa jaayengi। boho ko apna takiya bana lo to bhi neend aa jaayengi। jahaan pyaar hai vahaan sookhi roti bhi ३६ prakaar ka bhojan lagegi। isliye bephikra baadshaah ho । yeh bephikra rahne ki baadshaahi sab baadshaahiyon se shreshtha hai । agar taaj pahankar baith gaye aur phikra karte rahe to takhta hua ya chinta hui? to bhaagya vidhaata bhagwan ne aapke mastak shreshtha bhaagya ki lakeer khinch di hai। bephikra baadshaah ho gaye ho! woh topi ya kursi vaale baadshaah nahin । bephikra baadshaah । koi fikra hai' potro-dhotro ka phikra hai?aapka kalyaan ho gaya to un logon ka zaroor hoga। to sada apne mastak par shreshtha bhaagya ki lakeer dekhte raho - vaah mera shreshtha eeshvareey bhaagya! dhan-daulat ka bhaagya nahi, eeshvareey bhaagya। is bhaagya ke aage dhan to kuchh nahin hai, woh to peechhe-peechhe aayega। jaise parchhaai hoti hai woh aapehi peechhe-peechhe aati hai ya aap kehte ho pichhe aao । to yeh sab parchhaai hain lekin bhaagya hai - 'eeshvareey bhaagya' । sada isi nashe mein raho - agar paana hai to sada ka paana hai। jab baba aur aatma avinaashi hai to praapti vinaashi kyon? praapti bhi avinaashi chaahiye ।

brahman-jeevan hai hi khushi ki। khushi se khaana, khushi se rehna, khushi se bolna, khushi se kaam karna। uthte hi aankh khuli aur khushi ka anubhav hua। raat ko okh band hui, khushi se aaraami ho gaye-yahi brahman jeevan hai। achha!

gaayatri modi tatha modi-parivaar se baapdaada ki mulaakaat

aaj isko bahut khushi ho rahi hai । apne parivaar ko dekhkar naach rahi hai । baapdaada is parivaar ki ek baat dekhkar ke bahut khush hain । kaun-si baat?aagyaakaari parivaar hai । itna door se pahunch to gaye na! yeh bhi duaayen milti hai। jo aagya paalan karta hai। chaahe kisi ki bhi, ek ne kaha doosre ne maana, to khushi hoti hai। dil se ek do ke prati duaayen nikalti hai। koi achha dosta ya bhaai ho, agar kehte yeh bahut achha hai। to yeh duaayen hui na! kisi ko bhi'haan ji '' karna va aagya maanna,iski gupta duaayen milti hai । to duaayen samay par bahut madad deti hai । us samay pata nahin padta hai। us samay to saadhaaran baat lagti hai - chalo ho gaya। lekin yeh gupta duaayen aatma ko samay par madad deti hai। yeh jama ho jaati hai। isliye baapdaada dekhkar khush hai। chaahe kisi bhi kaarya ke liye aaye, aaye to hai na aur yeh bhi yaad rakhna ki parmaatma-sthaan par kisi bhi kaaran se chaaho dekhne ke hisaab se bhi aa gaye, jaanne ke hisaab se bhi aa gaye - to bhi paanv rakha, uska bhi phal jama ho jaayenga। yeh bhi kam bhaagya nahin hai। yeh bhaagya bhi aage chalkar ke anubhav karenge। us samay apne ko bahut bhaagyavaan samjhenge- kisi bhi kaaran se hamne paanv to rakh liya,abhi to pata nahin padega। abhi sochte honge-pata nahin kya hai। lekin baap jaante hain ki jaane-anjaane bhaagya jama ho gaya। jo samay par aapko bhi pata padega aur kaam mein aayega। achha।

Russia ke bhaai-bahnon ki yaad chakradhaari behen ne di -

achha hai, thode samay mein saphalta achhi aur achhi-achhi pyaasi aatmaayen nikli hai। unka sneh baap ke paas pahunch gaya। sabhi ko yaadapyaar likhna aur kehna ki baapdaada ka sneh sabhi bachchon ko sahayog de aage badha raha hai। achhi seva hai,badhaate chalo। achha।