Avyakt murli for Sunday 17 March 1991

>

17-03-91 om shanti avyakt baapdaadaamdhuban

santushtamni ke shreshtha aasan par aaseen hone ke liye prasannachitta,nishchint aatma bano

avyakt baapdaada apne bachchon prati bole:-

aaj baapdaada apne chaaron or ki santushta maniyon ko dekh rahe hain। sangamayug hai hi santushta rahne aur santushta banaane ka yug। brahman jeevan ki visheshta santushtata hai। santushtata hi bade te bada khazaana hai। santushtata hi brahman jeevan ke purity ki personality hai। is personality se vishesh aatma sahaj ban jaate hain। santushtata ki personality nahin to vishesh aatma kahla nahin sakte hain। aajkal do prakaar ki personality gaai jaati hai - ek shaareerik personality,doosri position ki personality। brahman jeevan mein jis brahman aatma mein santushtata ki mahaanta hai - unki soorat mein,unke chehre mein bhi santushtata ki personality dikhaai deti hai aur shreshtha sthiti ke position ki personality dikhaai deti hai। santushtata ka aadhaar hai baap dvaara sarva praapta hue praaptiyon ki santushtata arthaat bharpoor aatma। asantushtata ka kaaran apraapti hoti hai। santushtata ka kaaran hai sarva praaptiyaan। isliye baapdaada ne aap sabhi brahman bachchon ko brahman janma hote hi poora varsa de diya na ya kisko thoda, kisko bahut diya? baapdaada sadaiv sab bachchon ko yahi kehte ki baap aur varse ko yaad karna hai। varsa hai sarva praaptiyaan। ismen sarva shaktiyaan bhi aa jaateen, gun bhi aa jaate, gyaan bhi aa jaata hai। sarva shaktiyaan, sarva gun aur sampoorn gyaan। sirf gyaan nahin,lekin sampoorn gyaan। sirf shaktiyaan aur gun nahin lekin sarva gun aur sarva shaktiyaan hain,to varsa sarva arthaat sampannata ka hai। koi kami nahin hai। har brahman bachche ko poora varsa milta hai, adhoora nahin। sarva gunon mein se do gun aapko,do gun isko aise nahin baanta hai। full varsa arthaat sampannata,sampoornata। jab har ek ko poora varsa milta hai to jahaan sarva praapti hai vahaan santushtata hogi। baapdaada sarva braahmanon ke santushtata ki personality dekh rahe the ki kahaan tak yeh personality aai hai। brahman jeevan mein asantushtata ka naam-nishaan nahin। brahman jeevan ka maja hai to is personality mein hai। yahi maje ki jeevan hai, mauj ki jeevan hai।

tapasya ka arth hi hai santushtata ki personality naynon mein,chain mein, chehre mein, chalan mein dikhaai de। aise santushta maniyon ki maala bana rahe the। kitni maala bani hogi? santushta mani arthaat bedaag mani। santushtata ki nishaani hai - santushta aatma sada prasannachitta svayan ko bhi anubhav karegi aur doosre bhi prasanna honge। prasannachitta sthiti mein prashn chitta nahin hota। ek hota hai prasannachitta,doosra hai prashn-chitta। prashn arthaat question। prasannachitta drama ke knowledgeful hone ke kaaran prasanna rehta,prashn nahin karta। jo bhi prashn apne prati ya kiske prati bhi uthta uska uttar svayan ko pahle aata। pahle bhi sunaaya tha what (what) aur why (why) nahin,lekin dot। kya, kyon nahin, fullstop bindu। ek second mein vistaar, ek second mein saar। aisa prasannachitta sada nishchinta rehta hai। to check karo - aisi nishaaniyaan mujh santushta mani mein hain?baapdaada ne to sabko title diye hain - santushta mani ka। to baapdaada poochh rahe hain ki he santushta maniyo,santushta ho? phir prashn hai - svayan se arthaat svayan ke purooshaartha se, svayan ke sanskaar parivartan ke purooshaartha se,svayan ke purooshaartha ki percentage mein, stage mein sada santushta ho?achha doosra prashn-svayan ke mansa, vaacha aur karma, arthaat sambandh-samparka dvaara seva mein sada santushta ho?teenon hi seva, sirf ek seva nahin। teenon hi seva mein aur sada santushta ho?soch rahe hain,apne ko dekh rahe hain ki kahaan tak santushta hain?achha,teesra prashn- sarva aatmaon ke sambandh-samparka mein svayan dvaara va sarva dvaara sada santushta ho?kyonki tapasya varsha mein tapasya ka,saphalta ka phal yahi praapta karna hai। svayan mein, seva mein aur sarva mein santushtata। chaar ghanta to yog kiya - bahut achha,aur chaar se aath ghanta tak bhi pahunch jaayenge। yeh bhi bahut achha। yog ka siddhi swaroop ho। yog vidhi hai। lekin is vidhi se siddhi kya mili? yog lagaana yeh vidhi hai,yog ki praapti yeh siddhi hai। to jaise 8ghante ka lakshya rakha hai to kam se kam yeh teen prakaar ki santushtata ki siddhi ka spashta shreshtha lakshya rakho। kai bachche svayan ko miyaan mitthu maaphik bhi santushta samajhte hain। aise santushta nahin banna। ek hai dil maane,doosra hai dimaag maane। dimaag se apne ko samajhte santushta hain hi, kya parvaah hai। ham to beparvaah hain। to dimaag se svayan ko santushta samajhna - aisi santushtata nahin,yathaartha samajhna hai। santushtata ki nishaaniyaan svayan mein anubhav ho। chitta sada prasanna ho,personality ho। svayan ko personality samjhen aur doosre nahin samjhen isko kaha jaata hai – miyaan mitthu । aise santushta nahin। lekin yathaartha anubhav dvaara santushta aatma bano। santushtata arthaat dil-dimaag sada aaraam mein honge। sukh-chain ki sthiti mein honge। bechain nahin honge। sukh chain hoga। aisi santushta maniyaan sada baap ke mastak mein mastak maniyon samaan chamakti hain। to svayan ko check karo। santushtata baap ki aur sarva ki duvaaen dilaati hai। santushta aatma samay prati samay sada apne ko baap aur sarva ki duvaaon ke vimaan mein udta hua anubhav karega। yeh duvaaen unka vimaan hai। sada apne ko vimaan mein udta hua anubhav karega। duva maangega nahin, lekin duvaaen svayan uske aage svatah hi aayegi। aise santushta mani arthaat siddhi swaroop tapasvi। alpa kaal ki siddhiyaan nahin, yeh avinaashi aur roohaani siddhiyaan hain। aisi santushta maniyon ko dekh rahe the। harek apne aapse poochhe - main kaun?

tapasya varsha ka umang-utsaah to achha hai। har ek yatha shakti kar bhi rahe hain। aur aage ke liye bhi utsaah hai। yeh utsaah bahut achha hai। abhi tapasya dvaara praaptiyon ko svayan apne jeevan mein aur sarva ke sambandh-samparka mein pratyaksha karo। apne aapmen anubhav karte ho lekin anubhav ko sirf man-buddhi se anubhav kiya,yahaan tak nahin rakho। unko chalan aur chehre tak laao,sambandh-samparka tak laao। tab pahle svayan mein pratyaksha honge, phir sambandh mein pratyaksha honge phir vishwa ki stage par pratyaksha honge। tab pratyakshata ka nagaada bajega। jaise aapke yaadgaar shaðaan mein kehte hain - shankar ne teesri aankh kholi aur vinaash ho gaya। to shankar arthaat ashareeri tapasvi roop। vikaaron roopi saamp ko gale ka haar bana diya। sada oonchi sthiti aur oonche aasandhaari। yeh teesri aankh arthaat sampoornata ki aankh, sampannata ki aankh। jab aap tapasvi sampanna, sampoorn sthiti se vishwa parivartan ka sankalp karenge to yeh prakriti bhi sampoorn halchal ki dance karegi। upadrav machaane ki dance karegi। aap achal honge aur woh halchal mein hogi kyonki itne saare vishwa ki saphaai kaun karega? manushyaatmaaen kar sakti hain?yeh vaayu, dharti,samudra,jal - inki halchal hi saphaai karegi। to aisi sampoornata ki sthiti is tapasya se banaani hai। prakriti bhi aapka sankalp se order tab maanegi jab pahle aapke svayan ke, sada ke sahayogi karmendriyaan man-buddhi-sanskaar order maanen। agar svayan ke,sada ke sahayogi order nahin maante to prakriti kya order maanegi?itni powerful tapasya ki oonchi sthiti ho jo sarva ke ek sankalp, ek samay par utpanna ho। second ka sankalp ho - ‘‘parivartan'',aur prakriti haajir ho jaaye। jaise vishwa ki brahman aatmaon ka ek hi time world pees ka yog karte ho na। to sabhi ka ek samay aur ek hi sankalp yaadgaar rehta hai। aise sarva ke ek sankalp se prakriti halchal ki dance shuru kar degi। isliye kehte hi ho - sva parivartan se vishwa parivartan। yeh puraani duniya se nai duniya parivartan kaise hogi? aap sarva ke shaktishaali sankalp se sangathit roop se sabka ek sankalp utpanna hoga। samjha kya karna hai?tapasya isko kaha jaata hai। achha।

baapdaada double videshi bachchon ko dekh sada harshit rehte hain। aise nahin ki bhaaratvaasiyon ko dekh harshit nahin hote। abhi double videshiyon ka tarna hai isliye kehte hain। bhaarat par to baap sada prasanna hain। tab to bhaarat mein aaye hain। aur aap sabko bhi bhaaratvaasi bana diya hai। is samay aap sabhi videshi ho ya bhaaratvaasi ho। bhaaratvaasi mein bhi madhuban vaasi। madhuban vaasi banna achha lagta hai। abhi jaldi-jaldi seva poori karo to madhuban vaasi ban hi jaayenge। saare videsh mein sandesh jaldi jaldi dekar poora karo। phir yahaan aayenge to phir bhejenge nahin। tab tak sthaan bhi ban jaayenge। dekho maidaan to lamba-chauda (pees park) pada hi hai,vahaan pahle se prabandha kar lenge phir aapko takleeph nahin hogi। lekin jab aisa samay aayega us samay apni ataichi par bhi so jaayenge। khatiya nahin lenge। woh samay hi aur hoga। yeh samay aur hai। abhi to seva ka ek hi samay par, mansa-vaacha-karmana ikaththa sankalp ho tab hai seva ki teevra gati। mansa dvaara powerful, vaani dvaara knowledgeful, sambandh-samparka arthaat karma dvaara loveful। yeh teenon anubhootiyaan ek hi samay par ikatthi hon। isko kaha jaata hai - teevra gati ki seva।

achha tan se theek hain,man se theek hain? phir bhi door-door se aate hain to baapdaada bhi door se aaye hue bachchon ko khush dekh khush hote hain। phir bhi door se aane vaale achhe ho। kyonki vimaan mein aate ho। jo is kalpa mein pahli baar aaye hain unhon ko baapdaada vishesh yaadapyaar de rahe hain। phir bhi himmat vaale achhe hain। yahaan se jaate hi ticket ka ikaththa karte hain aur aa jaate hain। yeh bhi ek yaad ki vidhi hai। jaana hai, jaana hai, jaana hai…। yahaan aate ho to sochte ho - videsh jaana hai। phir jaane ke saath aana sochte ho। aisa bhi time aana hi hai, jo government bhi samjhegi ki aabu ki shobha yeh brahman aatmaaen hi hai। achha।

chaaron or ki sarva mahaan santushta aatmaon ko,sada prasannachitta nishchinta rahne vaali shreshtha aatmaon ko,sada ek hi samay teen seva karne vaale teevra gati ke sevaadhaari aatmaon ko,sada shreshtha sthiti ke aasandhaari tapasvi aatmaon ko baapdaada ka yaadapyaar aur namaste।

party ke saath avyakt baapdaada ki mulaakaat

pratham group :- sabhi apne ko holi hans samajhte ho?holeehans ka vishesh karma kya hai? (harek ne sunaaya) jo visheshtaaen sunaai woh practical mein karma mein aati hain? kyonki sivaae aap braahmanon ke holeehans aur kaun ho sakta hai? isliye phalak se kaho। jaise baap sada hi pure hain,sada sarvashaktiyaan karma mein laate hain, aise hi aap holeehans bhi sarvashaktiyaan practical mein laane vaale aur sada pavitra hain। the aur sada rahenge। teenon hi kaal yaad hai na? baapdaada bachchon ka anek baar bajaaya hua part dekh harshit hote hain। is-liye mushkil nahin lagta hai na। master sarvashaktivaan ke aage kabhi mushkil shabd svapna mein bhi nahin aa sakta। braahmanon ki dictionary mein mushkil akshar hai? kahaan chhote aksharon mein to nahin hai? maaya ke bhi knowledgeful ho gaye ho na? jahaan full hai vahaan fail nahin ho sakte। fail hone ka kaaran kya hota hai?jaante hue bhi fail kyon hote ho? agar koi jaanta bhi ho aur fail bhi hota hai to use kya kahenge? koi bhi baat hoti hai to fail hone ka kaaran hai ki koi na koi baat feel kar lete ho। feeling flu ho jaata hai। aur flu kya karta hai - pata hai? kamjor kar deta hai। usse baat chhoti hoti hai lekin badi ban jaati hai to abhi full bano। fail nahin hona hai, paas hona hai। jo bhi baat hoti hai use paas karte chalo to paas with honour ho jaayenge। to paas karna hai,paas hona hai aur paas rehna hai। jab phalak se kehte ho ki baapdaada se jitna mera pyaar hai utna aur kisi ka nahin hai। to jab pyaar hai to paas rehna hai ya door rehna hai? to paas rehna hai aur paas hona hai। yu.ke. vaale to baapdaada ki sarva aashaaon ko poorn karne vaale ho na। sabse number one baap ki shubh aasha kaun si hai?khaas yu.ke. vaalon ke liye kah rahe hain। bade bade mike laane hain। jo baap ko pratyaksha karne ke nimitta banen aur baap ke najdeek aaen। abhi yu.ke. mein,America mein aur bhi videsh ke deshon mein mike nikle zaroor hai lekin ek hain sahayogi aur doosre hain sahayogi-sameep vaale। to aise mike taiyaar karo। vaise seva mein vriddhi achhi ho rahi hai, hoti bhi rahegi। achha- Russia vaale chhote bachche hain lekin lucky hain। aapka baap se kitna pyaar hai! achha hai baapdaada bhi bachchon ki himmat par khush hain। abhi mehnat bhool gai na। achha।

group nan.2:- baapdaada ke sameep aatmaaen hain - aisa anubhav karte ho?jo sameep aatmaaen hoti hain to sameep ki nishaani kya hoti hai? sameepta ki nishaani hai - samaan। to sada har karma mein apne ko baap samaan anubhav karte ho? brahma baap ka shreshtha sankalp kya tha? jo baap kehte hain, woh karna। to aapka bhi sankalp aisa hai? har sankalp mein dridhta hai? ya kisme hai, kismen nahin hai? kyonki jaise brahma baap ne dridh sankalp se har kaarya mein saphalta praapta ki,to dridhta saphalta ka aadhaar bana। aise follow father karo। unke bol ki visheshta kya thi? to apne mein check karo - woh visheshtaaen hamaare mein hain?aise hi karma mein visheshta kya rahi? karma aur yog saath-saath raha?aise karma mein bhi check karo? phir dekho - sankalp,bol aur karma mein kitna sameep hain? jitna sameep honge utna hi samaan honge। jaise brahma baap ne ek baap,doosra na koi - yeh practical mein karma karke dikhaaya। aise baap samaan banne vaalon ko bhi isi karma ko follow karna hai। tab kahenge baap samaan। itni himmat hai? kabhi dilshikasta to nahin bante? past is past, future nahin karna। future ke liye yahi brahma baap ke samaan dridh sankalp karna ki kabhi dilshikasta nahin banna hai, sada dilkhush rehna hai। future ke liye itni himmat hai na? maaya hilaaye to bhi nahin hilna। agar maayaajeet banne ka dridh sankalp hoga to maaya kuchh nahin karegi। sadaiv yeh smriti rakho ki kitne bhi bade roop se maaya aaye lekin naathing new। kitne baar vijayi bane ho? to phir se banna badi baat nahin hogi। agar maaya himaalay jitne bade roop se aaye to kya karenge?us samay raasta nahin nikaalna, ud jaana। second mein udti kala vaale ke liye pahaad bhi rooi ban jaayegi। to kitna bhi bada pahaad ka roop ho, lekin darna nahin, ghabraana nahin। yeh kaagaj ka sher hai, kaagaj ka pahaad hai। aise powerful aatmaaen brahma baap ko follow kar sameep aur samaan ban jaayengi। achha।

grap nan. 3 :- is drama ke shreshtha yug sangam ki shreshtha aatmaaen hain - aise anubhav karte ho?sangamayug ki mahima achhi tarah se smriti mein rehti hai?kyonki sangamayug ko vardaan mila hua hai - sangamayug mein hi vardaata vardaanon se jholi bharte hain। aap sabki buddhi roopi jholi vardaanon se bhari hui hai?khaali to nahin hai? thodi khaali hai ya itna bhara hua hai jo auron ko bhi de sakte ho?kyonki vardaanon ka khazaana aisa hai,jo jitna auron ko denge,utna aapmen bharta jaayega। to dete jaao aur badhta jaata hai। jitna badhaane chaahte ho utna dete jaao। dene ki vidhi aati hai na? kyonki jaante ho - yeh sab apna hi parivaar hai। aapke brothers hai na?apne parivaar ko khaali dekh rah nahin sakte hain। aisa raham aata hai? kyonki jaisa baap, vaise bachche। to sadaiv yeh check karo ki mainne merciful baap ka bachcha ban kitni aatmaon par raham kiya hai?sirf vaani se nahin, mansa apni vritti se vaayumandal dvaara bhi aatmaon ko baap dvaara mili hui shaktiyaan de saka। to mansa seva karne aati hai?jab thode samay mein saare vishwa ki seva sampanna karni hai to teevra gati se seva karo। jitna svayan ko seva mein busy rakhenge utna svayan sahaj maayaajeet ban jaayenge। kyonki auron ko maayaajeet banaane se un aatmaon ki duvaaen aapko aur sahaj aage badhaati rahegi। maayaajeet banna sahaj lagta hai ya kathin? aap jab kamjor ban jaate hain tab maaya shaktishaali banti hai। aap kamjor nahin bano। baba to sadaiv chaahte hain ki har ek bachcha maayaajeet banen। to jisse pyaar hota hai, vo jo chaahta hai,vahi kiya jaata hai। baap se to pyaar hai na? to karo। jab yeh yaad rahega ki baap mere se yahi chaahta hai to svatah hi shaktishaali ho jaayenge aur maayaajeet ban jaayege। maaya aati tab hai, jab kamjor bante ho। isliye sada master sarvashaktivaan bano। master sarvashaktivaan banne ki vidhi hai - chalte-phirte yaad ki shakti aur seva ki shakti dene mein busy raho। busy rehna arthaat maayaajeet rehna। roj apne man ka timetable banaao। man busy hoga to manjeet maayaajeet ho hi jaayenge।

group nan.4 :-sabhi apne ko is samay bhi takhtansheen aatmaaen anubhav karte ho? double takhta hai ya single? aatma ka aka-latakhta bhi yaad hai aur diltakhta bhi yaad hai। agar akaal takhta ko bhoolte ho to body kaanshes mein aate ho। phir parvash ho jaate ho। sadaiv yahi smriti rakho ki main is samay is shareer ka maalik hoon। to maalik apni rachna ke vash kaise ho sakta hai? agar maalik apni rachna ke vash ho gaya to mohtaaj ho gaya na! to abhyaas karo aur karma karte hue beech-beech mein check karo ki main maalikpan ki seat par set hoon? ya neeche to nahin aa jaata? sirf raat ko check nahin karo। karma karte beech-beech mein check karo। vaise bhi kehte hain ki karma karne se pahle socho,phir karo। aise nahin ki pahle karo, phir socho। phir nirantar maalikpan ki smriti aur nashe mein rahenge। sangamayug par baap aakar maalikpan ki seat par set karta hai। svayan bhagwan aapko sthiti ki seat par bithaata hai। to baithna chaahiye na! achha- om shanti।