Avyakt murli for Tuesday 31 December 1991

>

31-12-91 om shanti avyakt baapdaadaamdhuban

yathaartha chart ka arth hai - pragti aur parivartan

nav varsha par avyakt baapdaada apne bachchon prati bole h

aaj baapdaada apne vishwa nav-nirmaata bachchon ko dekh rahe hain। aaj ke din naye varsha ke aarambha ko duniya mein chaaron or manaate hain। lekin vo manaate hain naya varsha aur aap brahman aatmaaen naye sangamayug mein har din ko naya samajh manaate rehte ho। vo ek din manaate hain aur aap har din ko naya anubhav karte ho। vo had ke varsha ka chakra hai aur ye behad srishti chakra ka naya sangamayug hai। sangamayug saare yugon mein sarva prakaar ki naveenta laane ka yug hai। aap sabhi anubhav karte ho ki sangamayugi brahman jeevan naya jeevan hai। nai knowledge dvaara nai vritti, nai drishti aur nai srishti mein aa gaye ho। din-raat, har samay, har second naya lagta hai। sambandh bhi kitne naye ban gaye! puraane sambandh aur brahman sambandh mein kitna antar hai! puraane sambandhon ki list smriti mein laao kitni lambi hai! lekin sangamayugi naye yug ke naye sambandh kitne hain? lambi list hai kya? baapdaada aur bhaai-behen aur kitne nisvaartha pyaar ke sambandh hain! woh hai anek svaartha ke sambandh। to naya yug, chhota sa naya brahman sansaar hi ati pyaara hai।

duniya vaale ek din ek do ko mubaarak dete hain aur aap kya karte ho?baapdaada kya karte hain?har second,har samay,har aatma ke prati shubh-bhaavna, shubh-kaamna ki mubaarak dete hain। jab bhi kisi ko,kisi bhi utsav ke din ki mubaarak dete hain to kya kehte hain? khush raho, sukhi raho, shaktishaali raho, tandaroosta raho। to aap har samay kya seva karte ho? aatmaon ko nai jeevan dete ho। aap sabko bhi baapdaada ne nai jeevan di hai na! aur is nai jeevan mein yeh sabhi mubaarken sada ke liye mil hi jaati hain। aap jaise khushanseeb,khushi ke khazaanon se sampanna, sada sukhi aur koi ho sakta hai! is naveenta ki visheshta aapke devtaai jeevan mein bhi nahin hai। to har samay svatah hi baapdaada dvaara mubaarak, badhaaiyaan va greetings milti hi rehti hain। duniya vaale naachenge,gaayenge aur kuchh khaayenge। aur aap kya karte ho? har second naachte aur gaate rehte ho aur har roj brahma bhojan khaate rehte ho। log to khaas paartaaz arenj karte hain aur aapki sada hi sangathan ki paartaaz hoti rehti hain। paartaaz mein milan hota hai na। aap braahmanon ki amritvele se paarta shuru ho jaati hai। pahle baapdaada se manaate ho, ek mein anek sambandh aur svaroopon se manaate ho। phir aapas mein brahman jab class karte ho to sangathan mein milan manaate ho na, aur murli sunte-sunte naachte ho, gaate ho। aur har samay utsaah bhare jeevan mein udte rehte ho। brahman jeevan ka shvaans hi hai utsaah। agar utsaah kam hota hai to brahman jeevan ke jeene ka maza nahin hota hai। jaise shareer mein bhi shvaans ki gati yathaartha chalti hai to achhi tandaroosti maani jaati hai। agar kabhi bahut tej gati se chale, kabhi slow ho jaaye to tandaroosti nahin maani jaayegi na। brahman jeevan arthaat utsaah, niraasha nahin। jab sarva aashaaen poorn karne vaale baap ke ban gaye to niraasha kahaan se aai? aapka occupation hi hai niraashaavaadi ko aashaavaadi banaana। yahi seva hai na! yeh to duniya ke had ke chakkar anusaar aap bhi din ko mahatva de rahe ho lekin vaastav mein aap sab brahman aatmaon ka sangamayug hi naveenta ka yug hai। nai duniya bhi is samay banaate ho। nai duniya ka gyaan is samay hi aap aatmaon ko hai। vahaan nai duniya mein naye-puraane ka knowledge nahin hoga। naye yug mein nai duniya sthaapan kar rahe ho।

sabhi ne tapasya varsha mein tapasya dvaara apne mein alaukik naveenta laai hai?ki vahi puraani chaal hai?puraani chaal kaun si hai? yog achha hai, anubhav bhi achhe hote hain, aage bhi badh rahe hain,dhaarna mein bhi bahut pharka hai, attention bhi bahut achha hai, seva mein bhi vriddhi achhi hai… lekin, lekin ka poonchh lag jaata hai। kabhi-kabhi, aisa ho jaata hai। yeh kabhi kabhi ka poonchh kab tak samaapta karenge? tapasya varsha mein yahi naveenta laao। purooshaartha va seva ke saphalta ki, santushtata ki percentage kabhi bahut oonchi,kabhi neechi- ismen sada shreshtha percentage ki naveenta laao। jaise aajkal ke doctors jyaada kya check karte hain?sabse jyaada aajkal blood pressure bahut check karte hain। agar blood ka pressure kabhi bahut ooncha ho,kabhi neecha chala jaaye to kya hoga? to baapdaada purooshaartha ka pressure dekhte hain, bahut achha jaata hai,lekin kabhi kabhi jump maarta hai । yeh kabhi kabhi ka shabd samaapta karo। abhi to sabhi inaam lene ki taiyaari kar rahe ho na? is saari sabha mein aise kaun hain jo samajhte hain ki ham inaam ke paatra bane hain?kabhi kabhi vaale inaam lenge?

inaam lene ke pahle yeh visheshta dekho ki in 6 maas ke andar teen prakaar ki santushtata praapta ki hai?pahla- svayan apna saakshi ban check karo- sva ke chart se, svayan sachche man, sachche dil se santushta hain?

doosra- jis vidhi-poorvak baapdaada yaad ke percent ko chaahte hain,us vidhi-poorvak man-vachan-karma aur samparka mein sampoorn chart raha? arthaat baap bhi santushta ho।

teesra- brahman parivaar hamaare shreshtha yogi jeevan se santushta raha? to teenon prakaar ki santushtata anubhav karna arthaat prize ke yogya banna। vidhi-poorvak aagyaakaari ban chart rakhne ki aagya paalan ki? to aise aagyaakaari ko bhi marks milti hai। lekin sampoorn paas marks unko milti hai jo aagyaakaari ban chart rakhne ke saath-saath purooshaartha ki vidhi aur vriddhi ki bhi marks len। jinhonne is niyam ka paalan kiya hai, jo accurate reeti se chart likha hai, woh bhi baapdaada dvaara, brahman parivaar dvaara badhaaiyaan lene ke paatra hain। lekin inaam lene yogya sarva ke santushtata ki badhaaiyaan lene vaala paatra hai। yathaartha tapasya ki nishaani hai karma, sambandh aur sanskaar - teenon mein naveenta ki visheshta svayan bhi anubhav ho aur auron ko bhi anubhav ho। yathaartha chart ka arth hai har subject mein pragti anubhav ho, parivartan anubhav ho। paristhitiyaan vyakti dvaara ya prakriti dvaara ya maaya dvaara aana yeh brahman jeevan mein aana hi hai। lekin sva-sthiti ki shakti ne paristhiti ke prabhaav ko aise hi samaapta kiya jaise ek manoranjan ki scene saamne aai aur gai। sankalp mein paristhiti ke halchal ki anubhooti na ho। yaad ki yaatra sahaj bhi ho aur shaktishaali bhi ho। powerful yaad ek samay par double anubhav karaati hai। ek taraph yaad agni ban bhasma karne ka kaam karti hai,parivartan karne ka kaam karti hai aur doosre taraph khushi aur halkepan ka anubhav karaati hai। aise vidhi-poorvak shaktishaali yaad ko hi yathaartha yaad kaha jaata hai । phir bhi baapdaada bachchon ke umang aur lagan ko dekh khush hote hain। majority ko lakshya achha smriti mein raha hai। smriti mein achhe number liye hain। smriti ke saath samarthi,usmein nambarvaar hain। smriti aur samarthi, donon saath-saath rehna - isko kahenge number one prize ke yogya। smriti sada ho aur samarthi kabhi kabhi va percentage mein rehna - isko nambarvaar ki list mein kahenge । samjha। accurate chart rakhne vaalon ke bhi naamon ki maala banegi। abhi bhi bahut nahin to thoda samay to raha hai, is thode samay mein bhi vidhi-poorvak purooshaartha ki vriddhi kar apne man-buddhi-karma aur sambandh ko sada achal-adol banaaya to is thode samay ke achal-adol sthiti ka purooshaartha aage chalkar bahut kaam mein aayega aur saphalta ki khushi svayan bhi anubhav karenge aur auron dvaara bhi santushtata ki duaaen praapta karte rahenge। isliye aise nahin samajhna ki samay beet gaya,lekin abhi bhi vartamaan aur bhavishya shreshtha bana sakte ho।

abhi bhi vishesh smriti maas extra vardaan praapta karne ka maas hai। jaise tapasya varsha ka chance mila aise smriti maas ka vishesh chance hai। is maas ke 30 din bhi agar sahaj, svatah,shaktishaali,vijayi aatma ka anubhav kiya,to yeh bhi sada ke liye natural sanskaar banaane ki gift praapta kar sakte ho। kuchh bhi aave, kuchh bhi ho jaaye,paristhiti roopi bade te bada pahaad bhi aa jaaye, sanskaar takkar khaane ke baadal bhi aa jaayen, prakriti bhi paper le,lekin angad samaan man-buddhi roopi paanv ko hilaana nahin,

achal rehna। beeti mein agar koi halchal bhi hui ho usko sankalp mein bhi smriti mein nahin laana। full stop lagaana। vartamaan ko baap samaan shreshtha, sahaj banaana aur bhavishya ko sada saphalta ke adhikaar se dekhna। is vidhi se siddhi ko praapta karna। kal se nahin, abhi se karna। smriti maas ke thode samaay ko bahut kaal ka sanskaar banaao। yeh vishesh vardaan vidhi-poorvak praapta karna। vardaan ka arth yeh nahin ki albele bano। albela nahin banna, lekin sahaj purushaarthi banna। achha-

achha- kumaariyon ka sangathan baitha hai। aage baithne ka chance mila kyon mila hai?sada aage rehna hai isliye yeh aage baithne ka chance mila hai। samjha! paka hua phal banke nikalna, kachcha nahin gir jaana। sabhi padhaai poori kar centre par jaayengi ya ghar mein jaayengi?agar maa baap kahe aao to kya karengi?agar apni himmat hai to koi kisko rok nahin sakta hai। thoda-thoda aakarshan hoga to rokne vaale rokenge।

achha- nav varsha manaane ke liye sabhi bhaagkar aa gaye। naya varsha manaana arthaat har samay ko naya banaana। har samay apne mein roohaani naveenta ko laana hai।

achha- chaaron or ke sabhi snehi aur sahayogi bachche bhi aaj ke din ke mahatva ko jaan vishesh dil se ya patron se ya card dvaara vishesh yaad kar rahe hain aur baapdaada ke paas post karne ke pahle hi pahunch jaata hai। likhne ke pahle hi pahunch jaata hai। sankalp kiya aur pahunch gaya। isliye kai bachchon ke sahayogiyon ke card peechhe pahunchenge lekin baapdaada pahle se hi sabhi ko naye yug mein naye din manaane ki mubaarak de rahe hain। jaise koi vishesh programme hota hai na to aajkal ke log kya karte hain?apna T.vi. kholkar baith jaate hain। to sabhi roohaani bachche apne buddhi ka doordarshan ka switch on karke baithe hain। baapdaada chaaron or ke muba-rak-paatra bachchon ko har second ki mubaarak ki duaaen respond mein de rahe hain। har samay ki yaad aur pyaar yahi duaaen bachchon ke dil ki umang-utsaah ko badhaati rehti hain। to sada svayan ko sahaj purushaarthi aur sada purushaarthi,sada vidhi se vriddhi ko praapta karne vaale yogya aatmaaen banaae udte raho।

aise sada vartamaan ko baap samaan banaane vaale aur bhavishya ko saphalta swaroop banaane vaale shreshtha badhaaiyon ke paatra aatmaon ko baapdaada ka yaadapyaar aur namaste।

party se mulaakaat

group nan.1- bhaarat desh ki mahaanta kiske kaaran hai? aap logon ke kaaran hai। kyonki desh mahaan banta hai mahaan aatmaon dvaara। to bhaarat ki sarva mahaan aatmaon mein se mahaan kaun?aap hain ki doosre hain? itni mahaan aatmaayen hain jo ab chakkar ke samaapti mein bhi bhaarat mahaan, aap mahaan aatmaon ke kaaran gaaya jaata hai। aur koi bhi desh mein itni mahaan aatmaon ka gaayan ya poojan nahin hota। chaahe kitne bhi naameegraami dharmaatmaaen ho gai hon ya raajnetaayen hokar gaye hon va aajkal ke jamaane ke hisaab se vaigyaanik bhi naameegraami hain lekin kisi bhi desh mein us desh ki itni mahaan aatmaon ke mandir hon,yaadgaar hon,poojan ho,gaayan ho - woh kahaan bhi nahin hoga। chaahe vigyaan mein videsh bahut aage hai lekin gaayan aur poojan mein nahin hai। vaigyaanikon ka ya raajneetigyon ka gaayan bhi hota hai lekin us gaayan aur devaatmaaon ke gaayan mein kitna antar hai! aisa gaayan vahaan nahin hota। to itni bhaarat ki maha-nata badhaane vaale ham mahaan aatmaayen hain - yeh nasha kitna shreshtha hai! yahaan gali- gali mein mandir dekhenge। to itna nasha sada smriti mein rakho। sunaaya na aaj ki kabhi-kabhi ka bhi shabd samaapta karo। agar kabhi-kabhi bahut achhe aur kabhi-kabhi halchal,to aapke yaadgaar ka poojan bhi kabhi-kabhi hoga। kai mandiron mein har samay poojan hota hai,har din hota hai aur kahaan-kahaan jab koi tithi- taareekh aati hai tab hota hai। to kabhi-kabhi ho gaya na। lekin kiska sada hota hai, kiska kabhi-kabhi, kyon hota hai? kyonki is samay ke purooshaartha mein jo kabhi-kabhi laata hai uska poojan bhi kabhi-kabhi hota hai। jitna yahaan vidhipoorvak apna shreshtha jeevan banaate hain utna hi vidhipoorvak pooja hoti hai। to main kaun?yeh harek svayan se poochhe। agar doosra koi aapko kahega ki aapka purooshaartha tej nahin lagta to maanenge?ya usko is baat se hataane ki koshish karenge। lekin apne aapko to jo ho jaise ho vaise jaan sakte ho। isliye sada apne vidhipoorvak purooshaartha mein lage raho। aisa nahin kaho - purooshaartha to hai hi। purooshaartha ka pratyaksha swaroop anubhav ho, dikhaai de। aise mahaan ho! bhaarat ki mahima ko sunte kya sochte ho?yeh kiski mahima ho rahi hai? aise mahaan anek baar bane ho tab to gaayan hota hai। ab usko repeat kar rahe hain। bane the aur banna hi hai। sirf repeat karna hai। to sahaj hai na। chaahe samparka mein aate ho, chaahe sva ke prati karma karte ho,donon mein sahaj ho। bhaareepan na ho। jo mushkil kaam hota hai woh bhaari hota hai। bhaari ke kaaran hi mushkil hota hai aur jahaan sahaj hoga vahaan halkaapan hoga। to double light ho ya aasingal light?chaahe vyavhaar ho,chaahe parmaartha ho,vyavhaar mein bhi sahaj, parmaartha maana apna purooshaartha usmein bhi sahaj। laukik mein bhi sahaj, alaukik mein bhi sahaj,bojh nahin। aise ho ya pravritti ka thoda bojh hai?agar meri pravritti samajhte ho to bojh hai। mera-mera maana bojh aur tera-tera arthaat halka। sangamayug hai hi khushiyon ka yug। to jab khushi mein koi bhi hota hai to man halka hota hai।

koi alpakaal ki khushi mein bhi honge to us samay halkaapan hoga। agar bhaareepan hoga to khushi mein nahin rahega। aartaaphishal khushi ki aur baat hai। to sada khushi mein rahne vaale ho na। yeh smriti rakho ki hamaare jaisa mahaan na koi bana hai, na banega! vaah mera shreshtha bhaagya!

group nan.2- apne ko sada sarva khajaanon se sampanna aatmaaen anubhav karte ho? kitne khazaane mile hain? khazaanon ko achhi tarah se sambhaalna aata hai ya kabhi-kabhi andar se nikal jaata hai ? kyonki aap aatmaaen bhi baap dvaara knowledgeful banne ke kaaran bahut hoshiyaar ho lekin maaya bhi kam nahin hai। vo bhi shaktishaali ban saamna karti hai। to sarva khazaane sada bharpoor rahe aur doosra jis samay jis khazaane ki aavashyakta ho us samay vo khazaana kaarya mein laga sako। khazaana hai lekin time par agar kaarya mein nahin laga sake to hote hue bhi kya karenge?jo samay par har khazaane ko kaam mein lagaata hai uska khazaana sada aur badhta jaata hai। to check karo ki khazaana badhta jaata hai ki sirf yahi soch karke khush ho ki bahut khazaane hain। phir aise kabhi nahin kaho ki chaahte to nahin the lekin ho gaya। gyaani ki visheshta hai - pahle soche phir karma kare। gyaani- yogi tu aatma ko samay pramaan touch hota hai aur woh phir catch karke practical mein laata hai। ek second bhi peechhe socha to gyaani tu aatma nahin kahenge।

group nan.3- sada baap ki blessing svatah hi praapta hoti rahe - uski vidhi kya hai?blessing praapta karne ke liye har samay,har karma mein balance rakho। jis samay karma aur yog donon ka bailansa hota hai to kya anubhav hota hai? blessing milti hai na। aise hi yaad aur seva donon ka balance hai to seva mein saphalta ki blessing milti hai। agar yaad saadhaaran hai aur seva bahut karte hain to blessing kam hone se saphalta kam milti hai। to har samay apne karma-yog ka balance check karo। duniya vaale to yeh samajhte hain ki karma hi sab kuchh hai lekin baapdaada kehte hain ki karma alag nahin, karma aur yog donon saath-saath hrin। aise karmayogi kaisa bhi karma hoga usmein sahaj saphalta praapta karenge। chaahe sthool karma karte ho,chaahe alaukik karte ho। kyonki yog ka arth hi hai man-buddhi ki ekaagrata। to jahaan ekaagrata hogi vahaan kaarya ki saphalta bandhi hui hai। agar man aur buddhi ekaagra nahin hain arthaat karma mein yog nahin hai to karma karne mein mehnat bhi jyaada, samay bhi jyaada aur saphalta bahut kam। karmayogi aatma ko sarva prakaar ki madad svatah hi baap dvaara milti hai। aise kabhi nahin socho ki is kaam mein bahut busy the isliye yog bhool gaya। aise time par hi yog aavashyak hai। agar koi beemaar kahe ki beemaari bahut badi hai iseelie davaai nahin le sakta to kya kahenge? beemaari ke samay davaai chaahiye na। to jab karma mein aise busy ho, mushkil kaam ho us samay yog, mushkil karma ko sahaj karega। to aise nahin sochna ki yeh kaam poora karenge phir yog lagaayenge। karma ke saath-saath yog ko sada saath rakho। din- pratidan samasyaayen,sarkam-staansh aur tight hone hain, aise samay par karma aur yog ka balance nahin hoga to buddhi judgement theek nahin kar sakti। isliye yog aur karma ke balance dvaara apni nirnay shakti ko badhaao। samjha। phir aise nahin kehna ki yeh to maaloom hi nahin tha - aise bhi hota hai। yeh pahle pata hota to main yog jyaada kar leta। lekin abhi se yeh abhyaas karo। jis aatma ko baapdaada ki balance ke kaaran blessing praapta hoti hai uski nishaani kya hogi? jo sada hi baap ki blessing ka anubhav karte rehte hain uske sankalp mein bhi kabhi - yeh kya hua, yeh kyon hua, yeh aashcharya ki nishaani nahin hogi। kya hoga - yeh question bhi nahin uthega। sadaiv is nishchay mein pakka hoga ki jo ho raha hai usmein kalyaan chhipa hua hai। kyonki kalyaankaari yug hai, kalyaankaari baap hai aur aap sabka kaam bhi vishwa kalyaan ka hai, kalyaan hi samaaya hua hai। baahar se kitna bhi koi karma halchal ka dikhaai de lekin us halchal mein bhi koi gupta kalyaan samaaya hua hota hai aur baap ke shreemat taraph, baap ke sambandh taraph attention khinchavaane ka kalyaan hota hai। brahman life mein kya nahin ho sakta?akalyaan nahin ho sakta। itna nishchay hai ya thoda bahut aayega to hil jaayenge?samasyaayen aayen to Mickey mouse ka khel to nahin karenge? Mickey mouse ka khel dekho bhale lekin karna nahin।

to naye varsha ka yahi vardaan yaad rakhna hai ki sada balance se har ghadi blessing lete hue udte rehna hai aur udaate rehna hai। udti kala vaale hain, neeche oopar hone vaale nahin। side scene dekhne ke liye neeche nahin aana। neeche aayenge na to phans jaayenge। isliye sada udte rehna। achha।

naya varsha praarambha hote hi raatri 12bajne ke turanta baad baapdaada ne sarva bachchon ko mubaarak di

naya varsha arthaat sada mubaarak lene aur dene ka varsha। master daata ban har aatma ko koi na koi shakti,gun, shubh-bhaavna,shubh-kaamna dene vaale daata banna। lene ka sankalp nahin karna। le aur phir de usko duaaen nahin kaha jaayega, usko business kaha jaayega। to aap daata ke bachche master daata hain, koi de, na de lekin aapko dena hi hai। agar koi aisi cheez bhi aapko de jo aapko pasanda nahin aave to kya karenge? usko sveekaar nahin karo yaani apne paas nahin rakho। lekin usko do zaroor। aise nahin usne kankad diya to main kya doon?kankad ko chhod do lekin aap ratna de do। kyonki aap ratnaagar baap ke bachche ho। to duaaen dena aur duaaen lena - yahi vishesh lakshya is naye varsha ka har samay jeevan mein laana hai। jaise geet gaaya na - puraane sanskaaron ko vidaai di, to aap sabne vidaai de di? achhi tarah se usko taata kar diya ya phir aa jaayenge? achha- vidaai ki badhaai। jab bhi koi baat aaye to yeh vaayda yaad karna। mainne boy boy kar liya to phir kaise haath mila sakte hain। usko door se hi shubh-bhaavna shubh-kaamna ki drishti de do।

group nan.4- sabhi fast jaakar first aane vaale ho na? number one jaane vaali aatmaon ki visheshta kya hogi? jo baap ki vishesh shreemat hai ki vyartha ko dekhte hue bhi nahin dekho, vyartha baaten sunte hue bhi nahin suno - is vidhi vaala fast aur first siddhi ko praapta kar leta hai। to aise practical dhaarna anubhav hoti hai ya thoda-thoda kabhi sun lete ho?kabhi dekh lete ho? teevra puru-shaartha ke saamne sada manzil hoti hai। vo yahaan- vahaan kabhi nahin dekhega। sada manzil ki or dekhega। follow kisko karna hai?brahma baap ko। kyonki brahma baap saakaar karmayogi ka symbol hai। koi kitna bhi busy ho lekin brahma baap se jyaada busy aur koi ho hi nahin sakta। kitni bhi jimmevaari ho lekin brahma baap jitni jimmevaari koi ke oopar nahin hai। isliye koi bhi kitna bhi busy ho, kitni bhi jimmevaari ho, lekin brahma baap jitna nahin। to brahma baap karmayogi kaise bane? brahma baap ne apne ko karanhaar samajhkar karma kiya, karaavanhaar nahin samjha। karaavanhaar baap ko samajhne se jimmevaari baap ki ho jaati hai aur svayan sada kitne bhi kaarya kare, kaisa bhi kaarya kare - halke rahenge। to aap sabne apni buddhi ki taar baapdaada ko de di hai ya kabhi-kabhi apne haath mein le lete ho?chalaane vaala chala raha hai,karaane vaala kara raha hai aur aap nimitta karma kya karte ho? dance kar rahe ho। kitna bhi bada kaarya ho lekin aise samjho jaise nachaane vaala nacha raha hai aur ham naach rahe hain to thakenge nahin। confuse nahin honge। ever happy rahenge। isliye baapdaada sada kehte hain ki sada naacho aur gaao। kyonki brahman jeevan mein koi bojh nahin hai। brahman jeevan ati shreshtha hai। laukik job bhi karte ho to direction pramaan karte ho, bojh nahin hai। kyonki baap daayre-kshan ke saath-saath extra madad bhi dete hain। achha - om shanti।