Avyakt murli for Wednesday 14 December 1994

>

14-12-94 om shanti avyakt baapdaadaamdhuban

samay­sankalp­bol dvaara kamaai jama karne ka aadhaar - teen bindi lagaana

aaj baapdaada kis sabha mein aaye hain? ye saari sabha kin aatmaon ki hai? aa baapdaada dekh rahe hain ki har ek highest (Highest), richest (Richest) hain। duniya vaale to kehte hain richest in di world lekin aap sabhi hain richest in kalpa। is samay ka jama kiya huaakhzaana saara kalpa saath mein chalta hai। saare kalpa mein aisa koi bhi nahin milega jo ye soche ki is janma mein to richest hoon lekin bhavishya mein bhi anek janma saahookaar se saahookaar rahoonga। aur aap sabhi nishchay aur nashe se kehte ho ki hamaara ye khazaana anek janma saath rahega। guarantee hai na? to aisa richest saare kalpa mein dekha? to aaj baapdaada apne shaahan ke bhi shaah, raajaaon ke bhi raaja bachchon ko dekh rahe hain। ek­ek din mein kitni kamaai jama karte ho? hisaab nikaalo, jama ka khaata kitna teevra gati se badhta ja raha hai? aur badhaane ka saadhan kitna sahaj hai! ismen mehnat hai kya? aapki kamaai va jama khaata badhne ka sabse sahaj saadhan hai - bindi lagaate jaao aur badhaate jaao। aap bhi bindi, baap bhi bindi aur drama mein bhi beeti ko bindi lagaana। to kamaai ka aadhaar hai bindi lagaana। aur koi maatra hai hi nahin। kya, kyon, kaise-ye question mark ki maatra, aashcharya ki maatra, kisi ki aavashyakta nahin hai। kyonki master knowledgeful ban gaye। to ‘kaise’ shabd ‘aise’ mein badal gaya। badal gaya ya abhi bhi ‘kaise­kaise’ kehte ho? ‘pata nahin’ ye shabd sankalp mein bhi badal gaya?trikaaldarshi ye svapna mein bhi nahin soch sakte to mukh se to bolne ka savaal hi nahin hai। sangam par saara khel hi teen bindiyon ka hai। sabse sahaj bindi hoti ya question mark sahaj hai? bindi sahaj hai na? bindi lagaane mein kitna time lagta? second se bhi kam। bindi lagaana aata hai ki kalam khisak jaati hai? kai baar bindi ke bajaay kalam bhi lambi lakeer kheench leti hai। bindi lagaane se ek second mein aapke kitnekhzaane bach jaate hain। khazaanon ki list to jaante ho na? agar bindi ke bajaay aur koi maatra lagaate ho va lag jaati hai, to socho gyaan kaakhzaana gaya, shaktiyon ka khazaana gaya, gunon ka khazaana gaya, sankalp ka khazaana gaya, inarja gai, shvaas saphal ke bajaay asphalta mein gaya, samay gaya! kitna gaya? lambi list ho gai na? to ye kabhi bhi nahin socho ki ek­do second hi to gaya। lekin ek second mein ganvaaya kitna? ek second bhi kitna bhaari ho gaya? har samay apne jama ka khaata badhaate chalo। kamaaya kya aur ganvaaya kya? in sabhi khazaanon mein se kitne khazaaneganvaaye? baapdaada bhi bachchon ke jama ke khaate check karte rehte hain। jab khaata dekhte hain to muskaraate rehte hain। kya dekhte honge jo muskaraate hain? amritvele milan bhi manaate, roohrihaan bhi karte, vaayde bhi bahut achhe karte ki ye karenge, ye karenge, bahut achhi­achhi baaten karte hain lekin chalte­chalte saare din mein koi na koeekhzaana ganva bhi dete hain। phir aadhaar kya banaate hain? baapdaada ko bhi apni achhi­achhi baaten sunaane lagte hain। agar vyartha sankalp chala to kya ye jama hua ya ganvaaya? to phir baaten kya karte hain? sirf sankalp mein chala na-vo to theek ho jaayega, baap ko bhi dilaase dilaate hain ki theek ho jaayega,purooshaarthi hain na, sampoorn to nahin hue hain, ho jaayega…। to baapdaada kehte hain ki ye ga­ga ke geet saare din mein bahut sunte hain lekin ye bhi kab tak? kya ant mein sampoorn hona hai? ki bahut kaal ke abhyaas se bahut kaal ka varsa paana hai? varsa avinaashi chaahte ho? sampoorn varsa chaahte ho ki adhoora chalega? aur purooshaartha mein adhoora purooshaartha chalega? to purooshaartha ke samay to karenge, dekhenge, banenge, kar hi lenge, ho hi jaayega… ye sochte ho aur praapti ke samay ge­ge karenge? usmein to sampoorn praapti chaahiye, sampoorn varsa chaahiye। sabhi lakshmi­naaraayan banne mein haath uthaate ho। maaloom bhi hai ki lakshmi­naaraayan ki bhi aath gaddiyaan chalengi lekin haath to lakshmi­naaraayan mein uthaate ho na? to lakshmi­naaraayan ka arth hai number one paas with honour hona। baapdaada bachchon ki himmat ko dekhkar khush bhi hote hain। raam­seeta mein koi nahin haath uthaata। himmat achhi hai aur himmat vaale ko madad bhi milti hai। sirf purooshaartha ke samay bhi jaise baap ke aage sankalp karte ho vaise hi ye bol aur karma mein laao।

baapdaada ne dekha samay kekhzaane ka mahatva jitna rakhna chaahiye utna kai bachche nahin rakhte hain। ek din ka bhi chart check karen to majority ka samay vesta ke khaate mein jaata dikhaai deta hai। dvaapar kaal se vyartha sunne, dekhne aur phir sochne ki aadat na chaahte bhi aakarshitkar leti hai aur isi kaaran samay ka khazaana vesta ke khaate mein chala jaata hai। pahle bhi sunaaya ki second ka bhi kitna mahatva hai! doosri baat, majority vyartha bol mein bhi samay vesta karte hain। ek ghante ke andar bhi check karo ki jo bhi bol bola, har bol mein aatmik bhaav aur shubh bhaavna hai? bol se bhaav aur bhaavna donon anubhav hoti hai। agar har bol mein shubh bhaavna, shreshtha bhaavna nahin hai to avashya maaya ki bhaavnaayen hain। vo to anek hain, eershya, hashad, ghrina, ye bhaavnaayen chaahe kisi bhi percent mein samaai hui hoti hai। kai baar bol ke tape record baapdaada sunte hain। har ek ki automatic tape bharti jaati hai aur jis ghadi jiski bhi sunna chaahe vo sun sakte hain। har bol ka saar nahin hota। kai baar kehte bhi ho meri bhaavna, mera bhaav kharaab nahin tha, aise hi nikal gaya va bol diya lekin jis bol mein aatmik bhaav aur shubh bhaavna nahin, vo kis khaate mein jama hoga? vesta mein hua na? to kamaai ka khaata jyaada hoga ya ganvaane ka khaata jyaada hoga? ye to ganvaaya na? to bol mein bhi ganvaane ka khaata jyaada hota hai। to bol ko bhi check karo। aise hi bol diya-ye bhaasha badli karo। samartha bol ka arth hi hai-jis bol mein kisi aatma ko praapti ka bhaav va saar ho। agar saar nahin hai to jama ka khaata to nahin hoga na? jitna ek din mein jama kar sakte ho, to baapdaada ne dekha jitne ke hisaab se utna nahin hai। to kya karna padega? lakshmi­naaraayan to banna hi hai na? ki nahin bane to bhi harja nahin! pahle janma se lekar shreshtha praalabdha paani hai ki doosre­teesre janma se shuru karenge? pahle janma mein nahin aao, doosre­teesre mein aao, pasanda hai? nahin pasanda hai na? to itna jama ka khaata hai? agar khaata kam jama hoga to praalabdha kya khaayenge? utna hi khaayenge jitna jama kiya hai। to aaj baapdaada ne sabhi ke jama ke khaate dekhe। doosron ko samay ka mahatva bahut achha sunaate ho, sangamayug ki mahima kitni achhi karte ho! to svayan bhi sada samay ke mahatva ko saamne rakho। samay ke pahle apne shreshtha bhaagya ke aadhaar se praaptiyon ka khaata full jama karo।

sangamayug ke samay ki visheshta hai ki teenon roop ki praapti hai। ek-varse ke roop mein, doosra-padhaai ko source oph income kehte hain to padhaai ki praapti ke aadhaar se aur teesra hai vardaan ke roop mein। varsa bhi hai, income bhi hai aur vardaan bhi hai। praapti bahut bhaari hai, bahut badi hai! sirf sambhaalne vaale bano। varsa bhi behad hai, income bhi behad hai aur vardaan bhi behad ke hain। kabhi socha tha ki roj bhagwan ka vardaan milega? itne vardaan kisi ko bhi, kabhi bhi nahin mil sakte। lekin aap to kehte ho hamaara to adhikaar hai। varse par bhi, padhaai par bhi aur vardaan par bhi। chhoti baat nahin hai, bahut badi hai! teenon hi sambandh se teenon ke oopar apna adhikaar praapta kar liya na? sabhi phakhur se kehte hain na-baap mera hai। ye kehte ho kya ki mera nahin, tera hai? hamaare liye baap padhaane aata hai-ye samajhte ho na? to padhaai par adhikaar hai na? aur vardaata ke paas vardaan hai hi kiske liye? harek sochta hai ki mere liye hi vardaata baap hai। to teenon par adhikaar hai। kahne mein to bahut saadhaaran hai। iseeliye to duniya vaale hansate hain ki, hain kya aur kehte kya hain? to adhikaar ko sada smriti mein rakh kadam uthaao। emerge roop mein rakho, merge roop mein nahin। hain to brahmaakumaar, hain hi baba ke… aise nahin। emerge roop mein, man mein, buddhi mein, karma mein emerge rakho। man mein ye sankalp emerge ho ki main ye hoon, buddhi mein smriti swaroop ho aur karma mein adhikaari ke nishchay aur nashe se har karma ho। aise nahin, amritvele to emerge rehta hai phir saare din mein merge ho jaata hai। nahin, sada emerge roop mein rahe। to jama ka khaata badhaao। teevra gati se badhaana, dheela­dhaala nahin karna। kyonki samay aap master rachayita ke liye rooka hua hai। abhi bhi prakriti ko order karen to kya nahin kar sakti hai? agar paanchon hi tatva halchal machaana shuru kar den to kya nahin ho sakta aur kitne mein ho sakta? to samay, prakriti aur maaya vidaai ke liye intajaar kar rahi hai। aap sampoornata ki badhaaiyaan manaao to vo vidaai lekar hi jaayegi। maaya bhi dekhti hai abhi ye taiyaar nahin hain to chance leti rehti hai। prakriti ko order karen? puroosh taiyaar hain? prakriti to taiyaar ho jaayegi। order karen? ki gyaan sarovar taiyaar ho peechhe order karen? aise ever ready ho, ki ready ho? shaktiyaan ever ready hain? sampoorn ho gaye? thode ko to ever ready nahin kahenge na? ye socho, check karo ki agar is ghadi bhi mahaavinaash ho jaaye to apni tasveer dekho knowledge ke aaine mein, ki main kya banoonga? aaina to sabke paas hai na? clear hai na? to apne takdeer ki tasveer dekho। baap ko kya time lagega? jab brahma ke liye gaayan hai ki sankalp se srishti rach li to kya sankalp se vinaash nahin ho sakta? baap jaante hain raajdhaani chalni hai to usmein ek brahma kya karega? saathi chaahiye na? to brahma baap bhi aap saathiyon ke liye rooke hue hain। to baap bachchon se prashn karte hain, bachche to baap se prashn bahut kar chuke hain। abhi baap bachchon se prashn karte hain ki date fix karo। sabhi kaam ki date fix karte ho na? to iski bhi date fix karo, iska bhi muhoorta hona hai na। gyaan sarovar ki bhi date fix hai, hospital ki bhi date fix hai। iski date kya hai? ye kisko fix karni hai? baap ko nahin karni hai। ye baap ne aap bachchon ke haath mein diya hai। koi kaam to aap bhi karenge, ki sab baap karenge? date fix ka programme banaana। achha!

(naye bachchon ko dekhte hue) dekho, aap naye­naye bachche jo aaye hain, aap se sabka kitna pyaar hai? pahla chance aap sabko hi dete hain। sab khushraaji hain? kitne pair prithvi mili hai? do pair ya teen pair? (do pair) do pair mein bhi raaji to ho, takleeph to nahin hai na? khaana­peena to achha mil raha hai na? mele mein aisi paalna aur koi ki ho hi nahin sakti। mele dekhe hain na? aisa brahma bhojan, aisa parmaatma parivaar kahaan milta hai? sardi lagti hai? mausam ki bhi mithaai hoti hai। to yesardi bhi mausam ki mithaai hai, mithaai to khaani chaahiye na? sabko shaalon ki saugaat to milti hai na? koi mele mein aisi saugaat milti hai ya khaali hokar aate ho? achha-nayon ki dil poori hui, madhuban dekh liya? pahle svapna mein tha, abhi saakaar mein ho gaya। kitna bhi sthaan badhaayenge lekin kam hona hi hai। kyon? socho, abhi 9 laakh jama hue hain? pahle janma ki sankhya hi taiyaar nahin hui hai। vo to honi hai na? kitne makaan banaayenge? kitne gyaan sarovar banaayenge? sabhi kehte hain sankhya badhaao। jitna sankhya badhaayenge, utni sankhya doosre varsha aur ho jaayegi to kya karenge? jitna mile utne mein raaji raho। mela bhi karna hai na? (talahti mein braahmanon ka vishaal sangathan hona hai) ye to mele mein aane nahin hain, ye to aa gaye। doosron ke liye itna bada mela pasanda hai? das hajaar soyenge! bheed nahin ho jaayegi? ye to samajhte hain hamko to chance milna nahin hai। intajaar ki ghadiyaan bhi pyaari hoti hain। ek saal ke baad jaana hai-ye intajaar hota hai na? to intajaar mein purooshaartha kitna achha chalta hai! aur jab hokar chale jaayenge to dekh liya, phir kya hoga? phir albelaapan aayega? nahin aayega? aur aage badhenge? ye bhi drama mein jo vidhi bani hai vo bahut hi phaayde vaali hai। ek saal mein pakke to ho jaate ho na? nahin to kachche­kachche aa jaate phir yuddha karni padti।

har saal mein aapke yahaan (madhuban mein) international mele kitne lagte hain? abhi bhi ye mela kya hai? international hai na? deshayvidesh sab taraph ke hain na? duniya vaale to sochte hain international programme paanch saal mein ek kiya to bahut kar liya। aur madhuban mein kitne hote hain, pata padta hai? international mela ho gaya। aur sab khush! maja aata hai na? lekin aana tarna par। abhi to dekho das hajaar mein bhi tent to milega na? aakhir mein ye sab saadhan samaapta ho jaayenge। saare aabu ke pahaadon ko sone ke sthaan bana lo to kitne rah sakte hain? achha!

dilli group - pahle to dilli vaalon ko date fix karni padegi। kyonki dehli ko paristaan banaana hai na? raaj gaddi to dilli mein honi hai na? to pahle dilli vaalon ko taiyaari karni padegi tab to raajya karenge na? to dilli vaale kya taiyaari karenge? dilli vaalon ko extra seva karni padegi। kyonki ek to aatmaon ko yogya aur yogi banaana hai, doosra dharni ko bhi taiyaar karna hai। to vishesh apne vaani ke saath­saath vritti ko aur teevra gati deni padegi। kyonki vritti se vaayumandal banega aur vaayumandal ka prabhaav prakriti par padega, tab taiyaar honge। to dilli vaalon ko double seva ka sada attention rakhna hai। vaani aur vritti donon saath­saath seva mein lage rahen। sabhi powerful vritti vaale ho na? dheela purooshaartha nahin karna। kyonki agar aap deri karenge to raajya bhi deri se sthaapan hoga। isliye dilli vaalon ko sada hi double seva dvaara teevra gati se taiyaari karni hai, raajdhaani banaani hai। banaayenge to najdeek bhi rahenge na? to double seva dvaara aisa powerful vaayumandal banaao jo prakriti bhi daasi ban jaaye, halchal karne ke bajaay daasi bankar seva kare। to dehli nivaasi vishwa parivartak to ho hi lekin vishwa mein bhi raajdhaani parivartan ke vishesh nimitta ho। nasha hai na? to double seva karni hai, tab hi double taaj milega, aise nahin milega। sevaadhaari so taajdhaari। achha।

bambai, mahaaraashtra - bambai vaale kya karenge? dehli vaale raajdhaani taiyaar karenge, aap praja aur raaja­raani taiyaar karenge? baambe vaalon ko vishesh brahma baap ka vardaan hai। (ramesh bhaai se) kaun­sa vardaan hai? (nardesaavar) nardesaavar ka arth hai sada sampoorn, sada bharpoor। kabhi koi kami nahin hogi। nardesaavar arthaat sada kamaane vaale, kamaane mein hoshiyaar। aise nardesaavar, sada bharpoor ho? ya kabhi khaali ho jaate ho? itna bharpoor jo auron ko bhi bharpoor karne vaale। baambe vaale raajdhaani ke raaja­raani aur praja taiyaar karenge। baambe vaalon ka to bahut bada kaam ho gaya! dehli vaalon ko bhi raajya adhikaari to banaane padenge। kyonki abhi bhi dekho last janma mein bhi raajya adhikaari to dehli mein hi hain। to dehli aur baambe donon ko milkar raajdhaani jaldi­jaldi taiyaar karni hai। pasanda hai? date bhi fix karenge na? date nahin bhool jaana। dehli aur baambe vaale jab kahenge raajdhaani taiyaar ho gai tab to kaam hoga na? raajya adhikaari ho nahin aur raajya taiyaar ho jaaye, kaise hoga? baambe mein seva ke ratna bhi achhe­achhe hain। achhe hain ya achhe te achhe hain? baap kehte hain achhe te achhe hain। dekho, ek­ek ratna, puraane­puraane ratna ginti karo to kitne achhe hain। dilli mein bhi hain, baambe mein bhi hain। kyonki aadi se seva ke nimitta bane ho। aise to gujraat bhi kam nahin hain। gujraat last so fast hai aur ye aadi hain। gujraat ne vriddhi bahut jaldi ki hai।

naagpur, poona - naagpur va poona vaale raajdhaani mein vishesh kya karenge? raajdhaani ko sajaayenge? mahaaraashtra sajaane ki duty jyaada leta hai na? kitna bhi taiyaar ho jaaye koi lekin sajaavat nahin to kuchh nahin। to mahaaraashtra vaale raajdhaani ko sajaayenge। sajaane ke liye saadhan taiyaar karne padte hain na? to mahaaraashtra vaale sada apne sahayog se sahayogi aatmaon ko nimitta banaayenge। kyonki jitna aage chalte jaayenge, sahayogi aatmaayen sada hi sahayog ke haath badhaate hue parivartan mein aage badhenge। braahmanon ke zone mein to mahaaraashtra bahut bada hai na? to jaise abhi bhi seva mein, har kaarya mein sahayogi bante ho aur aage bhi anek sahayogi aatmaon dvaara raajdhaani ko sajaane mein sahayogi banenge। to mahaaraashtra vaale sahayog dene mein aur sahayogi banaane mein achhe nimitta hain aur aage bhi rahenge। aise hain na? yog shivir mein bhi sabse jyaada mahaaraashtra ke aate hain na aur brahman parivaar mein sankhya kiski jyaada aati hai? (mahaaraashtra ki) achha hai, vriddhi hai aur sahayog ki vidhi se saphalta ko paate rehna hi hai। samjha? achha!

bhopaal -bhopaal vaale raajdhaani mein kya taiyaari karenge? bhopaal vaale nagaada bajaayenge। vaise bhi jab tak nagaada nahin bajega to taiyaari kaise hogi? to bhopaal vaale bahut jorshor se chaaron or nagaada bajaayenge। kya nagaada bajaayenge? baap aa gaya, varsa le lo-ye nagaada bajaayenge। nakshe ke hisaab se bhi madhya pradesh hai na। vaise bhi jab koi aavaaj phailaana hota hai to beech mein khade hokar phailaayenge na? to khoob nagaada bajaao। baja bhi rahe hain aur bajaayenge bhi। sabko khushanseeb banne ki khushkhabri sunaayenge। khushkhabri sunaane mein hoshiyaar ho na? sabko khushkhabri sunaana, yahi sabse bada shreshtha kartavya hai। kyonki chaaron or duhkh­ashaanti ki khabren sunte rehte hain। to aisi aatmaayen khushkhabri sunkar kitni khush hongi! sabke dil se niklega ki vaah! parmaatma bachche vaah! to aisa shreshtha kaarya karna hi hai। hua hi pada hai, sirf nimitta karna hai। raajdhaani bhi taiyaar hui padi hai, praja bhi taiyaar hai, aap sirf thappa lagaate jaao, bas। achha।

karnaatak -karnaatak vaale kya karenge? karnaatak ke dharni ki kya visheshta hai? bhaavna vaale jyaada hain, to bhaavna pradhaan aatmaayen kya karengi? aatmaon mein shreshtha bhaavna paida karne ke nimitta banengi। jaise dharni ki visheshta hai, vaise chaaron or saare vishwa ko taiyaar karne ke liye sabhi mein shreshtha bhaavna, shubh bhaavna utpanna karenge। shreshtha bhaavna kya hai? ham baap ke aur baap hamaara। is shreshtha bhaavna se sabhi bhaavna ka phal sahaj praapta karenge। bhaavna ka phal bahut jaldi milta hai। to aisi sahaj seva karo jo bhaavna utpanna karo aur bhaavna ka phal sahaj praapta karo। to ye seva karna aata hai ki nahin? abhi se pharishte ban gaye hain kyonki bhaasha nahin samajhte hain lekin ishaaron se samajh jaate hain। to samjha, karnaatak vaalon ko kya karna hai? sahaj phal khilaao, mehnat nahin karaao। karnaatak ki dharni mein vriddhi bahut sahaj hoti hai। to jaise aap logon ki dharni hai vaise auron ki dharni ko bhi taiyaar karo aur phal ki praapti karo।

aandhra pradesh - aandhra pradesh kya karenge? aisa koi naya plan banaao, jaise science vaale nai­nai invention nikaalte rehte hain na, to thode samay mein praapti jyaada ho to aandhra pradesh aise hi invention karo jo thode samay mein aatmaayen anubhooti ki praaptiyaan jyaada anubhav karen, uska saadhan kya hai jo samay kam lage aur praapti jyaada ho? iska saadhan hai aandhra pradesh ki har brahman aatma ko light house, might house banna pade। light house kitna jaldi light phailaata hai aur chaaron or phaila deta hai। to aandhra pradesh light house, might house ban aisa prakaash phailaao jo sabko dikhaai de ki main aatma hoon aur baap aa chuka hai। roshni mein dikhaai deta hai na ki main kaun hoon? to aise light aur might house bankar light aur might phailaao।

double videshi - double videshiyon ne baap ka ek title to practical kar liya hai। kaun sa? sarvavyaapi ka। koi aisa programme nahin hota jismen double videshi na ho। to sarva kaarya mein vyaapi ho gaye aur baapdaada ko bhi khushi hoti hai। kyonki double videshiyon se international ho jaata hai। baap ka title bhi vishwa kalyaankaari hai na। bhaarat kalyaankaari to nahin hai na। to jab double videshi aate hain to baap ka bhi vishwa kalyaankaari title siddha kar dete hain। raunak ho jaati hai। double videshiyon ki visheshta hai - har kaarya mein raunak karne vaale। vahaan golden duniya mein bhi kya karenge? chaaron or raunak macha denge। videsh mein vaise bhi light ki sajaavat ki raunak bahut hoti hai na। to brahman parivaar ki roohaani raunak double videshi hain। double videshi kahaan­kahaan se aaye hain? (London, nairobi, NewZealand, jarmani, jaapaan, maiksiko) maiksiko naach raha hai, maiksiko vaalon ki bahaaduri bhi bahut achhi hai, sthaan bhi door hai aur economy system bhi vichitra hi hai। phir bhi bhaavna aur sneh pahuncha deta hai। isliye maiksiko vaalon ko mubaarak। achha, dekho London vaale bhi bahut aage badha rahe hain, samaachaar suna chaabi mil gai hai। (London shahar mein myoojayam ke liye makaan mila hai) isse kya siddha hua ki braahmanon ka dridh sankalp jo chaahe vo kar sakta hai। buddhivaan ban kisi ki bhi buddhi ko badal sakte hain। kaayde bhi badal karke phaayde mein dikhaai dete hain। videsh ke kaayde kitne sakhta hain lekin kaayde ke oopar phaayda vijay praapta kar leta hai। (baba karnakraavanhaar ban kara leta hai) lekin brahman bachche bhi bhujaayen hain। bhujaaon ke bina to koi kaam nahin hota।

jeetu bhaai (gyaan sarovar ke contractor) parivaar sahit baapdaada ke saamne sabha mein baithe hainh­ baap ki bhuja ho na? (right hand hain) mubaarak ho। right hand ki mubaarak ho। parmaatma bhuja banna kitna bada bhaagya hai! seva ke sahayogi banna arthaat bhuja banna। sabhi ka baap se achha pyaar hai। baap ko bhi pyaar hai। baap se jyaada pyaar hai ya pravritti se jyaada pyaar hai? (donon se) javaab dene mein hoshiyaar hain। achha hai kitne sheyarsa aap logon ne ikatthaakiya hai? apna account dekha hai? saare parivaar ko kitne sheyarsa mile hain? agar ghar baithe share mil jaayen, bina mehnat ke to isko bhaagya kahenge na? achha hai, baap se bhi mil liya, mana bhi liya। parivaar hi achha hai।

(da.ashok mehta se) ye kya manaane aaye hain? birth de manaane aaye hain। janmate hi bhaagya ki lakeer shreshtha lekar aaye ho। geet hai na takdeer jagaakar aaye hain। to janmate mehnat karni padi hai ki sahaj praapti se aage badhte jaate hain? sahaj praapti hai na! to takdeer lekarke hi aaye hain। aur kalam to haath mein hai hi। seva ka bal, parivaar ka sahayog aur baap ka pyaar teenon praapta hain। to teenon sahaj kar rahe hain aur karte rahenge। parivaar ke bhi sameep aane mein deri nahin lagi na? baap ke sameep jaldi aaye to parivaar ke sameep bhi bahut teevra gati se aa rahe ho। dekho, kitne pyaare ho sabke! jiska baap se aur seva se pyaar hai na to baap ka aur parivaar ka pyaar svatah hi milta hai। aise hain na? sab pahchaane hue lagte hain na। kahaan bhi jaao to aapko jaldi pahchaan lenge na? achha, sabhi ne dil khush mithaai khaai?

teachers- dekho, teachers nahin hoti to aap log kaise aate? teachers ka mahatva hai na! phir bhi nimitta teachers to hain। aap sabhi ko paath pakka karaane vaale nimitta hain na? umang­utsaah badhaane vaale nimitta teachers hain। teachers ka vishesh kaarya hi hai umang­utsaah ke pankh lagaae, svayan bhi udne vaale aur doosron ko bhi udaane vaale। yogya teachers ki visheshta hi yeh hai ki aane vaale har student sada hi sahaj purooshaartha dvaara aage se aage udte rahenge। vaise teachers ka bhaagya brahman parivaar mein extra bhi hai। kyonki nimitta banna ye ek extra lift hai। seva ke adhikaari banna-ye extra adhikaar andar bahut madad karta hai। to teachers ko baapdaada sada nimitta aur samaan sevaadhaari samajhte hain। jo baap ka kaarya vo nimitta teachers ka kaarya। to baapdaada sada teachers ko samaan swaroop se dekhte hain। itna sneh aur itna regard baap sada dete hain aur usi najar se dekhte hain ki ye samaan sevaadhaari hain। teachers ke bina to kaam nahin chalega na! aap logon ko thappa to teachers ka lagaana padta hai na? agar teachers aapke form par thappa nahin lagaayengi to kaise aayenge? achha!

chaaron or ke highest aur richest shreshtha aatmaon ko, harakhzaanon ke maalik sampanna aatmaon ko, sada svayan ko ever ready banaane vaale teevra purooshaartheeaatmaaon ko, sada samay, sankalp, bol dvaara shreshtha kamaai ka khaata jama karne vaale ati sameep aatmaon ko baapdaada ka yaad­pyaar aur namaste।

daadi ji se h­

sab sahaj chal raha hai na? mela chal raha hai ya khel chal raha hai? santushtata ka khel chal raha hai। santushta karne vaale santushta karte hain aur santushta hone vaale santushta hote hain। ye santushtata ka khel sabhi ko pyaara lagta hai। aur sab theek hai? (talahti mein do tarna ka socha hai) pahle list dekho, peechhe do baari bhi hoga to koi baat nahin। baap bachchon ki sab aashaayen poorn karta hai। baap ko aane mein to koi takleeph nahin hai na। chaahe madhuban, paandav bhavan mein aaye, chaahe talahti mein aaye, unko aane mein koi takleeph nahin hai। takleeph to bachchon ko hai, lekin vo takleeph nahin lagti। jab bachche himmat rakhte hain ki hamaare liye takleeph nahin hai, manoranjan hai, to baap ko to tan mein hi aana hai na, bas। sangam par karna hi kya hai? mela aur khela। seva hai khel। mela machaao, seva ka khel karo, aur kya karna hai? khaaopiyo, brahma bhojan khaao। achha।