Avyakt murli for Thursday 26 January 1995

>

26-01-95 om shanti avyakt baapdaadaamdhuban

brahma baap ke aur do kadam - pharmaanbardaar­vaphaadaar

aaj baapdaada chaaron or ke snehi aur sahayogi bachchon ko aur shakti­aa shaali samaan bachchon ko dekh rahe hain। snehi sabhi bachche hain lekin shaktishaali yathaashakti hain। snehi bachchon ko sneh ka ritarnapdam guna sneh aur sahayog praapta hota hai। shaktishaali samaan bachchon ko sada sahaj vijayi bhav ka return milta hai। milta sabhi ko hai। snehi bachche yatha shaktishaali hone ke kaaran sada sahaj vijay ka anubhav nahin kar paate। kabhi sahaj, kabhi mehnat। baapdaada snehi bachchon ko bhi mehnat ko sahaj karne ka sahayog dete hain kyonki snehi aatmaayen sahayogi bhi rehti hi hain। to sahayog ke return mein baapdaada sahayog zaroor dete hain lekin yog yathaartha na hone kaaran sahayog milte bhi praapti ka anubhav nahin kar paate। yog dvaara hi sahayog ka anubhav hota hai aur shaktishaali samaan bachche sada yogayukta hain isliye sahayog ka anubhav karte sahaj vijayi ban jaate hain। lekin baap ko donon hi bachche pyaare hain। pyaar aur sada vijayi rahne ki shubh chaahna sabhi bachchon mein rehti hai lekin shakti kam hone ke kaaran samay par aur sarva shaktiyaan kaarya mein nahin laga sakte। baap varse ke adhikaar mein sarva shaktiyon ka adhikaar sabhi bachchon ko dete hain। adhikaar dene mein baapdaada antar nahin rakhte, sabhi ko sampoorn adhikaari banaate hain lekin lene mein nambarvaar ban jaate hain। baapdaada kisko special, kisko alag tuition dete hain kya? nahin dete। padhaai sabki ek hai, paalna sabki ek hai। paandavon ko alag paalna ho, shaktiyon ko alag ho-aise hai kya? sabko ek jaisi paalna aur padhaai hai। lekin lene mein, result mein kitna antar ho jaata hai! kahaan ashta ratna aur kahaan 16108 ratna-kitna antar hai! yeh antar kyon hua? padhaai aur paalna ko, vardaanon ko dhaaran karna aur kaarya mein lagaana-ismen antar ho jaata hai। kai bachche dhaaran bhi kar lete hain lekin samay pramaan kaarya mein lagaana nahin aata hai। buddhi tak bahut bharpoor honge lekin karma mein aane mein pharka pad jaata hai।

brahma baap number one kyon bana? do kadam pahle sunaaye na! teesra-sada baap, shikshak aur sadguru ke pharmaanbardaar banen। har pharmaan ko ji haajar kiya। baap ka pharmaan hai sada sarva khazaanon ke varse mein sampanna banna aur banaana। to pratyaksha dekha ki sarva khazaane-gyaan, shaktiyaan, gun, shreshtha samay, shreshtha sankalpon ka khazaana pahle din se lekar last din tak kaarya mein lagaaya। last din bhi samay, sankalp bachchon prati lagaaya। gyaan ka khazaana, yaad ki shakti aur sahansheelta ke gun ka swaroop-yeh sabakhzaane last samay tak, shareer ko bhi bhool seva mein practical mein lagaakar dikhaaya। to isko kaha jaata hai pharmaanbardaar number one bachcha। kyonki baap ka vishesh pharmaan yahi hai ki yaad aur seva mein sada baap samaan raho। to aadi se lekar ant ghadi tak donon hi pharmaan practical mein dekha na? sneh ki nishaani hai pholokarna। to check karo-aadi se ab tak sarva khazaanon ko sva ke saath­saath seva mein lagaaya hai? baap ka pharmaan ek shvaas va sankalp, second vyartha nahin ganvaana hai। to saare din mein ye pharmaan practical mein laaya? va kabhi laaya, kabhi nahin laaya? agar kabhi­kabhi pharmaanbardaar bane aur kabhi nahin bane to kis list mein jaayenge? agar baapdaada pharmaanbardaar ki list nikaale to aap kis list mein honge? apne ko to jaante ho na? kyonki aap sabhi sarva khazaanon ke trustee, maalik ho। to ek sankalp bhi bina baap ke pharmaan ke use nahin kar sakte ho। ya sochte ho ki ham baalak so maalik hain, isliye vyartha ganvaayen ya kya bhi karen, ismen baap ka kya jaata hai! baap ne de diya, abhi hisaab kyon lete hain? nahin। aap roj baap ke aage kehte ho ki sab tera hai, mera nahin hai। kehte ho na! ki time par mera aur time par tera! jab hamaara matlab ho to mera, vaise tera… aisi chaturaai to nahin karte ho? brahma baap ko dekha-apna aaraam ka samay bhi vichaar saagar manthan kar bachchon ke prati lagaaya। raatri bhi jaagkar bachchon ko yog ki shakti dete rahe। ye charitra to sune hain na? brahma ki kahaani suni hai na? pholophaadar kiya ki sirf sun liya? sunna arthaat karna।

to teesra kadam sada ji haajar, sada hajoor haajar aur naazar। kabhi brahma baap se shiv baap alag nahin hue, haajar­naazar rahe na! bachche ne kaha baba aur baap ne kaha meetha bachcha। to man ki sthiti mein sada haajar aurnaazar anubhav kiya। seva mein sada ji haajar kiya। chaahe raat ho, chaahe din ho, seva ka direction mila aur practical kiya aur karma mein sada haan ji kiya। haan ji ka paath padhaaya na? to aap kyaapholokarte ho? kabhi haan ji, kabhi na ji to nahin karte? to pyaar ka saboot dikhaao। aise nahin socho ki jitna baba se mera pyaar hai utna aur kiska nahin। mere dil mein dekh lo, kya dikhaaoon, kya sunaaoon… bachche aise geet gaate hain। lekin saboot dikhaao। saboot hai follow father। to check karo-sthiti mein, seva mein, karma arthaat sambandh­samparka mein, (sambandh aur samparka mein aana hi karma hai) teenon mein sada pholophaadar hain? har pharmaan sirf buddhi tak rehta hai ya karma mein bhi aata hai? result mein dekha jaata hai ki agar buddhi aur vaani mein 100 baaten rehti hai to karma mein 50 hain। to unhon ko follow father kahen? adhoori result vaalon ko follow father ki list mein rakhen? aap kya samajhte hain? ve pharmaanbardaar hain? ki aap aadhe mein raaji hain? thoda­thoda antar pasanda hai! shuru­shuru mein maala bhi banaate the, goldanaysilvar bhi list nikaalte the। to abhi phir se list nikaalen? ki silver mein naam dekhkar copper ban jaayenge?

samay ki soochna baap to de hi rahe hain lekin prakriti bhi de rahi hai। prakriti bhi challenge kar rahi hai to samay ke pramaan aap log auron ko bhi soochna dete rehte ho। bhaashnon mein sabko kehte ho ki samay aa gaya hai, samay aa gaya hai। to apne ko bhi kehte ho ya sirf doosron ko kehte ho? doosron ko kehna to sahaj hota hai na? to svayan bhi ye challenge smriti mein laao। samay ke pramaan apne purooshaartha ki gati kya hai? baapdaada ek baat par andar hi andar muskaraate rehte hain। kis baat par muskaraate hain, jaante ho? ek taraph majority bachche kabhi­kabhi ek second ye sochte hain ki samay pramaan purooshaartha mein teevrata honi chaahiye aur doosre taraph jab maaya apna prabhaav daal deti hai to doosre second ye sochte hain ki yeh to sab chalta hi hai, ye to mahaarthiyon se bhi parampara chala aata hai। to baapdaada kya karenge? gussa to nahin karenge na! muskaraayenge। aur iska vishesh kaaran hai ki samay prati samay purooshaartha ko bahut sahaj kar diya hai, easy kar liya hai। svabhaav ko easy nahin karte, svabhaav mein tight hote hain aur purooshaartha mein easy ho jaate hain। phir sochte hain sahaj yog hai na! lekin jeevan mein, purooshaartha mein easy rehna-isko sahaj yog nahin kaha jaata। kyonki easy rahne se shaktiyaan merge ho jaati hain, emerge nahin hoti। aap sabhi apne brahman jeevan ke aadi ka samay yaad karo। us samay kaisa purooshaartha raha? easy purooshaartha raha ya attention vaala purooshaartha raha? attention vaala raha, umang­utsaah vaala raha aur abhi albelepan ke Dunlop ke takiye aur bistare mil gaye hain। saadhnon ne aaraam pasanda jyaada bana diya hai। to apne aadi ke purooshaartha, aadi ki seva aur aadi ke umang­utsaah ko check karo-kya tha? aaraam pasanda the? (nahin) aur abhi thoda­thoda hain? saadhan seva ke prati hain, saadhan svayan ko aaraam pasanda banaane ke liye nahin hain। to abhi Dunlop ka takiya aur bistara nikaalo। patraaniyaan bano, patraane bano। bhale palang par soo lekin sthiti patraani­patraane ki ho। dekho, aadi seva ke samay mein saadhan nahin the, lekin saadhna kitni shreshtha rahi। jis aadi ki saadhna ne ye saari vriddhi ki hai। to saadhna ke beej ko vistaar mein chhipa nahin do। jab vistaar hota hai to beej chhip jaata hai। to saadhna hai beej, saadhan hai vistaar। to saadhna ka beej chhipne nahin do, abhi phir se beej ko pratyaksha karo।

baapdaada ne is season mein kaam diya tha lekin kiya nahin। yaad hai kya diya tha? ki kaapiyon mein hai! kaam diya tha ki behad ke vairaagya vritti par svayan se bhi charcha karo aur aapas mein bhi charcha karo aur practical mein is saadhna ke beej ko pratyaksha karo। to kiya? ki ek din sirf debate kar li, workshop to ho gai lekin work mein nahin aai। to vartamaan samay ke pramaan abhi apni seva va seva­sthaanon ki dincharya behad ke vairaagya vritti ki banaao। abhi aaraam ki dincharya mix ho gai hai। ye albelaapan shareer ki chhoti­chhoti beemaariyon ke bhi bahaane banaata hai। pahle bhi to beemaari hoti thi na, lekin seva ka umang beemaari ko merge kar deta hai। jab koi aapke dil pasanda seva hoti hai to beemaari yaad aati hai? agar aapko incharge behen kahe-nahin, aapki tabiyat theek nahin hai, doosre ko karne do, to karne denge? us samay bukhaar va sir darda kahaan chala jaata hai? aur jab seva koi pasanda nahin hogi to kya hoga? sir darda bhi aa jaayega to pet darda bhi aa jaayega। sunaaya hai na ki agar bahaanebaaji mein bukhaar kahengi to teacher kahegi ki tharma meter lagaao lekin pet darda aur sir darda ka tharma meter to hai hi nahin। mood theek nahin hoga aur kahenge ki pet darda hai! to ye albelepan ke bahaane hain। behad ki vairaagya vritti merge ho gai hai aur bahaanebaaji emerge ho gai hai।

baapdaada dekh rahe the ki sabhi bachche bahut sneh se madhuban mein pahunch gaye hain। to sneh to dikhaaya, uski mubaarak ho। baapdaada ko bhi bachchon ki khushi dekhkar khushi hoti hai lekin aage kya karna hai? sirf madhuban tak pahunchna hai ya sneh ka saboot dikhaane ke liye pharishte roop mein vatan mein pahunchna hai? kya karna hai? madhuban mein pahunche uski mubaarak hai lekin pharishta ban vatan mein kab pahunchenge?chalte phirte aap sabhi ko pharishta hi dekhen। bol­chaal, rahan­sahan sab pharishton ka ban jaaye। aur pharishte ka arth hi hai double light। to dincharya mein light nahin banna hai lekin sambandh­samparka mein, sthiti mein light। to light banna aata hai ki bojh kheenchata hai? baapdaada sneh ka saboot dekhna chaahte hain aur jab sneh ka saboot denge to aapko taaliyaan bajaane ki jaroorat nahin padegi lekin maaya, prakriti sab taaliyyaan bajaayyenge। maaya bhi taali bajaayegi- vaah vijayi vaah, prakriti bhi taali bajaayegi। to abhi kuchh parivartan karo।

aaj is season ka last mela hai। foreigners ki season alag hai lekin indian programme ke pramaan to aaj last hai, mele ki baat bhi alag hai। vo to choongi mein rakh diya hai। lekin baapdaada dekh rahe the ki saare season mein milna, bahalna, khushi manaana-ye to bahut achha, lekin saboot kya hai! to centres par va pravritti mein rehte hue bhi apne time table, dincharya ko parivartan karo। aur parivartan kya karo? bas, sirphapholo father। brahma baap ne kya kiya? brahma baap albele rahe? saboot hai na-last din tak aaraam kiya kya? to sneh hai na? kitna sneh hai? (tu mach) aur saboot kitna hai? ismen tu mach nahin kaha! to abhi svayan ko sneh ke saath shaktishaali banaao। svayan ke parivartan mein shaktiroop bano। sahaj yogi, sahaj yogi karke albelaapan nahin laao। baapdaada dekhte hain ki sva prati, chaahe seva prati, chaahe auron ke sambandh­samparka prati albelaapan jyaada aa gaya hai। aise nahin socho ki sab chalta hai। ek­do ko copy nahin karo, baap ko copy karo। doosron ko dekhne ki aadat thodi jyaada ho gai hai। apne ko dekhne mein albelaapan aa gaya hai। baapdaada ne sunaaya tha na ki najdeek ki najarkamzor ho gai hai aur door ki najar tej ho gai hai। to abhi kya karenge? season ka phal kya denge? ki sirf baap aaya, mila, manaaya, murli suni-ye phal hai? har season ka phal hota hai na? to is season ka phal baapdaada ko kya bhog lagaayenge? bhog lagaate ho to phal bhi rakhte ho na? vo to baajaar mein mil jaata hai, koi badi baat nahin। ab is season ka phal kya bhent karenge ya bhog lagaayenge? lagaana hai ya mushkil hai? to dekhenge ki number one bhog kahaan se aata hai। vaayda to bahut achha karke jaate ho, kabhi bhi na nahin karte ho, haan hi karte ho! khush kar dete ho। lekin abhi kya karenge? teachers number one bhog lagaayengi na? sabhi centres ka bhog dekhenge। pravritti vaale bhi bhog to lagaate ho na ki khud hi kha jaate ho? to ye nahin sochna ki sirf centres vaalon ka kaam hai। sabhi ka kaam hai। to pharmaanbardaar ka kadam practical mein laana hai।

chautha kadam hai - vaphaadaar। kabhi bhi man se, buddhi se, sankalp se baap ke bevpha nahin banna। vaphaadaar ka arth hi hai sada ek baap, doosra na koi। sankalp mein bhi deh, deh ke sambandh, deh ke padaartha va dehdhaari vyaktiaakarshit nahin karen। jaise jab pati­patni ek­do ke vaphaadaar bante hain to svapna mein bhi agar par (doosre) ki yaad aa gai to vaphaadaar nahin kaha jaata। to brahma baap ko dekha, sankalp bhi doosre ke taraph nahin। ek baap sab kuchh hai, isko kaha jaata hai vaphaadaar। agar padaartha ki bhi aakarshan hai, saadhnon ki bhi aakarshan hai to saadhna khandit ho jaati hai, vaphaadaari khandit ho jaati hai। aur khandit kabhi bhi sampanna, poojya nahin gaaya jaata hai। to check karo ki sankalp mein bhi koi aakarshan bevpha to nahin bana deti? agar jara bhi kisi ke prati vishesh jhukaav hai, thoda bhi personal jhukaav hai, chaahe gun ke oopar, chaahe seva ke oopar, chaahe achhe sanskaaron ke oopar bhi agar extra prabhaavit hain to vaphaadaar nahin kaha jaayega। sabki visheshta, behad ki visheshta par aakarshit hai, vo doosri baat hai lekin kisi vishesh vyakti ya vaibhav ke oopar aakarshit hai to vaphaadaar ki list mein khandit gaaya jaayega। to check karo ki khandit moorti to nahin hai? poojya hai? kahaan extra lagaav va jhukaav to nahin hai? sankalp maatra bhi jhukaav nahin। vaacha­karmana ki to baat hi chhodo। lekin sankalp maatra bhi hai to khandit ke list mein aa jaayenge। to check karna aata hai na? achha।

ab koi naveenta dikhaao। naya varsha to shuru ho gaya। baapdaada ko aadi ka behad vairaagya sada yaad aata hai। usi samay ka phal aap log ho। agar behad ki vairaagya vritti nahin hoti to sthaapna ki vriddhi itni nahin ho sakti। brahma baap ne ant tak badi aayu hote hue bhi, tan ka hisaab chuktu karte hue bhi behad ke vairaagya ki sthiti pratyaksha dikhaai। saadhnon ko sva prati sveekaar nahin kiya। seva ke prati alag cheezhai। sva prati sveekaar karna aur seva prati kaarya mein lagaana-antar to jaante ho na? sva prati behad ka vairaagya ho, seva prati saadhan ko kaarya mein lagaao। lekin saadhan albelaapan nahin laaye। to ye follow father karna hi hai na ki jo aur aane hain unko karna hai? aap logon ko karna hai। achha!

bachchon ko sada kya kaha jaata hai? kul deepak। to brahman kul ka sada jagamgaata hua deepak ho na? baap ki shreshtha aashaaon ka deepak jagaane vaale kul deepak। aise ho na?

achha, aaj teachers ne aage baithne ka chance liya hai - to sirf baithne ke chance mein khush nahin ho jaana। ismen bhi number one chance lena। abhi aapas mein aisi dincharya banaao to sab parivartan ho jaayega। jo aaya vo kiya, jaise aaya vo kiya, nahin, dincharya ko tight karo। yeh achha hai na ki sahaj yogi ke bajaay mushkil yogi ho jaayenge?

achha, aaj sabhi zone ko baapdaada yahi vishesh vardaan va seva dete hain ki sada baap ko follow karne mein number one bano aur baapdaada dekhenge ki kaun­sa centre kaun­se zone mempholo father mein number one hain। aise nahin sochna ki main to number one raha lekin doosre nahin rahe, to number one ki prize nahin milegi। abhi jis zone mein jo number one sevaakendra hoga usko bahut badhiya prize denge। to centres ko result dikhaani hai। centre mein aane vaale student bhi aa jaate hain। ek centre saathi aur doosre aane vaale student donon hi number one hon। to kitne time mein inaam lenge? jitna kahenge utna denge। agar do saal kahenge to do saal bhi denge। bolo, do saal chaahiye? ek saal chaahiye? kitna chaahiye? (6 maas) achha chalo 6 maas hi sahi। kyonki doosri season 6 maas ke baad hi honi hai। to pahli baari mein baapdaada result vaalon ko vishesh bahut achha rahne ka prabandha denge। kunj bhavan achha hai na! ek kamre mein do­do sona।

madhuban vaale to ote so arjun hain hi। madhuban ka vibration sab taraph phailta hai। to madhuban vaale to sada hi ji haajar hain। haan ji karne vaale hain na ya thoda­thoda beech mein na ji bhi achha lagta hai? bahut achhi prize denge। bilkul behad ki vairaagi aatma anubhav ho, miya mitthoonheen banna। doosre sarteephiketden ki haan ye number one hai। teen sarteephikethain na, ek man pasanda, doosra baap pasanda aur teesra lok pasanda। to teenon sarteephiketjo lenge unko extra rahne ka bhi prabandha denge, brahma bhojan bhi extra karaayenge। sabse pahle to vijayi announce honge, ye kitna badhiya hoga। vijayi ratnon ki maala ban jaayegi। sabhi number le sakte hain। aise nahin sirf teachers। pravritti vaalon ko bhi teachers sarteephiketdengi to number milenge ya ye sochte ho ki meri teachers to dengi nahin! agar aisi koi baat ho to daadiyon se verify karaana।

sabhi zone ne kya socha? sabhi number one banenge! achha, Indore number one banega! bhopaal bhi number one, 100% ! aur Indore 100% se bhi 10-20 number jyaada! aur panjaab 1000% ! panjaab ko to chaar laakh ki maala laani thi! pakka hai na! bhool to nahin gaye! dekhenge chaar laakh mein se agle season tak ek laakh to laao। panjaab vaale kya karenge? abhi panjaab ke nimitta (daadi chandramni) mein gyaan sarovar ka beej pad gaya hai, double jimmedaari ho gai hai। to panjaab ki teachers karengi na? haan ji to bolo। karengi? achha। dilli kitna number legi? sabhi number one lenge! dilli vaalon ko kehna chaahiye A­one। dilli ko to nimitta banna chaahiye na? agli baar sabhi zone ko duty di thi, yaad hai kya karna hai? chhote mike nahin laana, bade­bade mike sangathan roop mein laana hai। Indore ko sethon ka jhunda laana hai। bhopaal ko, sangathit roop mein laana hai। panjaab aisa sangathan laaye jo vishwa mein naam ho jaaye। kisse naam hoga? jo bade te bade aatankavaadi hain vo antarmukhi ho jaayen। to government brahmaakumaareej ko inaam dengi। naameegraami aatankavaadi jo prasiddha ho, jiske liye inaam mukrar ho। kamaal to aisi karo na। minister to aate hi rehte hain। panjaab vaale kar sakte hain? ki aatankavaadiyon se darte hain! dekhenge, kaun­sa centre kisko laata hai? koi nai baat karke dikhaao, dekho ek daaku aaya to bhi kitni service ho gai। lekin unhon ko daaku se brahman banaakar laao, aise nahin laana। yahaan aaye aur baahar jaakar aisi koi hinsaaka kaam kare to brahmaakumaariyon ka naam bhi kharaab। isliye parivartan karke laao। achha।

eastern kya karenge? number one lenge? nepaal bolo। number one lenge, pakka? saara eastern lega ya nepaal lega? bihaar vaale kya karenge, number lenge? (baapdaada ne alag­alag state ke bhaai­bahinon se haath uthvaaya) to sabhi kaun­sa number lenge? first ya second? achha!

mahaaraashtra kya karenge? laakh percent inaam lenge ya sau percent! jitna karo utna apna hi vartamaan aur bhavishya shreshtha banaate ho। achha। gujraat sabse aage jaayega na। karnaatak kamaal karke dikhaayega। dhamaal nahin karna। jab sankhya jyaada ho jaati hai na to thodi­thodi dhamaal bhi shuru hoti hai। to sada kamaal karke dikhaana। aandhra vishwa ka second mein andhakaar door kar dega। pahle apna karenge tabhi vishwa ka hoga। achha hai aandhra vaale bhi umang­utsaah mein hain। to sada umang­utsaah se aage badhte rehna। aur taamil kya karega? taamil tamogun ko khatma kar do। sab satopradhaan ho jaayen। kerla aur taamil hai chhota lekin kamaal karne vaale hain। raajasthaan vaale kya kamaal karenge? result mein bhi sabse raaja ban jaana। samjha! raaja banna arthaat number aage lena। raajasthaan hai hi raajya ka sthaan। to result mein bhi raaja ka inaam lena।

yu.pi. vaale kya kamaal karenge? sabhi bhakti maarga ke teerthon ko aabu teertha mein sama lenge। kamaal karenge na, koi bhi teertha karne jaaye to kahaan jaaye? aabu teertha mein aaye, mahaan teertha mein aaye। to sab teertha mahaan teertha mein sama jaayen। aagra hai chhota, lekin baapdaada hamesha kehte hain chhota so shubhaan alla to aagra vaale aisi koi kamaal karke dikhaao। hai chhota lekin kamaal badi karke dikhaao।

double videshi - double videshi kya karenge? india se bhi double kaam karenge। double kamaal dikhaayenge - kaun­si? jo sabheeaakarshitho bhaarat mein baap se milne ke liye। aisi jigyaasa unhon mein utpanna karo jo sabhi bhaarat menaakarshit hokarke aaye। pahle mike laayenge na। videsh ke mike bhi bulanda aavaaj karne vaale hain। isliye videsh ke mike anekon ko bulanda aavaaj se jagaate rahe hain, jagaate rahenge। videsh mein hi brahmaakumaareej ko pees prize mili na! to ye seva ka saboot dikhaaya aur videsh ne baap ki vishesh aasha poorn ki, jo mukhya sthaan par (london mein kal 27 taareekh ko vahaan ke mukhya sthaan par museum ka udghaatan hai) anek aatmaon ko sandesh milna hai। aaj ke din sabhi brahman vishesh seva ke nimitta ban rahe hain। bhaarat mein aise men sthaan par abhi tak nahin kiya hai। ye to gali­gali mein museum khol diya hai lekin men sthaan par museum ho, ismen number one foreign gaya। to number one vaalon ko mubaarak bhi number one। achha!

chaaron or ke sneh ka saboot dene vaale, har pharmaan ko sankalp, bol aur karma mein laane vaale, sada svayan ko baap samaan simple aur sample banaane vaale, brahma baap ke har kadam par kadam rakhne vaale aise shaktishaali baap samaan banne ke dridh sankalpadhaari sarva bachchon ko baapdaada ka yaad­pyaar aur namaste।

daadi ji se - bephikra baadshaah hai isliye kaarya sahaj hota hai। jo svayan samaarpit sthiti mein rehte hain unko sarva ka sahayog svatah hi milta hai। sahayog bhi unke aage samaarpit hota hai। aur dil se jo samaarpit hain to sahayog bhi dil se saamne aata hai। jahaan dil ka sneh hai to sahayog milta hai। sneh nahin to sahayog nahin। to sabka sahayog dil se hai na? harek kya samajhta hai? hamaara kaam hai ya daadiyon ka kaam hai? hamaara madhuban hai ya madhuban vaalon ka madhuban hai? to baap bhi kehte hain pahle aap। achha, sabhi theek hain? aise nahin samajhna sirf daadiyaan aage jaati hain। daadiyon mein aap sab samaaye hue hain। door lagta hai ya sameep lagta hai? sameep hain na। chaahe peechhe vaale bhi hain na, last kursa par jo baithe hain, vo bhi sameep hain। sabhi sada kahaan rehte ho? dil mein rehte ho na? ki foreign mein rehte ho? panjaab mein rehte hain, baambe mein rehte hain, nairobi mein rehte hain, kahaan rehte hain? sabhi dil mein hain to dil kahaan hai, door hai, najdeek hai? to sabhi dil mein hain iseeliye door nahin hai। agar door hote ho to baap ko phir dhoondhakar laana padta hai। agar bachche ghar ke darvaaje se baahar chale jaayen to kya karenge? unko lene jaayenge na? ki chhod denge? to baap bhi dekhte hain ki ye dil ke darvaaje se baahar chale gaye hain। aur kaamon mein busy ho jaate ho na, to thoda darvaaje se baahar nikal jaate ho। phir baap ko bulaana padta hai ya pakadkar laana padta hai।

achha, sabhi khush hai na? koi complaint nahin ki vahaan jaakar kahenge ki thoda­thoda ye hua tha। aap svayan bhi socho ki bade sangathan mein thoda­bahut to hota hi hai। phir bhi kumbha ke mele se to hajaar guna achha hai। badhiya brahma bhojan to milta hai na! bhojan mein to koi mushkilaat nahin hui? naashta nahin mila to kisko bhookh to nahin lagi? achha।