Avyakt murli for Sunday 26 February 1995

>

26-02-95 om shanti avyakt baapdaadaamdhuban

sangamayug utsav ka yug hai utsav manaana arthaat avinaashi umang­utsaah mein rehna

aaj tridev rachta trimoorti shiv baap apne roohaani diamonds ke saath aa diamond jubilee va diamond jayanti manaane aaye hain। isi vichitra jayanti ko diamond jayanti kehte ho। kyonki baap avatrit hote hi hain kaudi samaan aatmaon ko heere tulya banaane। yahi ek wonderful jayanti hai jo saare kalpa mein, saare vishwa mein sabse nyaari aur pyaari hai। koi bhi jayanti manaate hain to aatmaon ki, dehdhaariyon ki jayanti manaate hain। lekin yeh shiv jayanti shareerdhaari aatma ki nahin hai, niraakaar bindu roop ki jayanti hai। shiv jayanti kahne se jyotibindu roop hi saamne aata hai। to saare kalpa mein ashareeri param aatma ki jayanti nahin manaai jaati। ek hi trimoorti shiv baap ki vichitra jayanti hai, jo ashareeri hai। aur yahi ek shiv jayanti hai jo baap aur bachchon ki saath­saath jayanti hai। aaj sirf baap ki jayanti manaane aaye ho va brahman aatmaon ki bhi jayanti manaane aaye ho? sabhi ko bataate ho na ki shiv jayanti so trimoorti jayanti, brahman jayanti, to itni aatmaon ki paramatma baap ke saath­saath ki jayanti-yeh vichitra hai na। laukik reeti se baap ka janma din aur bachche ka janma din ek nahin hoga। din chaahe ek ho lekin varsha mein antar pad jaayega। to aisi vichitra jayanti, nyaari aur pyaari jayanti manaane kahaan­kahaan se pahunch gaye ho! vishwa ke kone­kone se kislie aaye ho? apni jayanti manaane ya baap ki? ya donon ki? to aap baap ko mubaarak denge ya baap aapko denge? aap baap ko kehte ho mubaarak ho aur baap aapko kehte hain padam­padamguna mubaarak ho। ek­ek brahman aatma heere se bhi moolyavaan ho। yeh sthool heera to aapke aage kuchh bhi nahin hai। is duniya mein heere ka moolya hai isliye heere­jaisa kaha jaata hai। lekin aapke moolya ke aage heera kya hai! kuchh bhi nahin। yahi heere to aapke mahlon mein, deevaaron mein honge। heere se bhi jyaada ek­ek brahman aatma ho। baapdaada chaaron or ke bachchon ko jo heere se bhi amoolya hain, sabko saamne dekh rahe hain। baapdaada ke aage sirf madhuban ki sabha nahin hai lekin vishwa ke chaaron or ke brahman bachchon ki sabha hai। sabke dil ki mubaarak ke sneh bhare geet kaho, bol kaho baap sameep se sun rahe hain। dil ka aavaaj dilaaraam ke paas pahle pahunchta hai। to baapdaada dekh rahe hain ki bachchon ke seva ka pratyaksha pramaan chaaron or se madhuban, baap ke sweet hom tak pahunch raha hai। vaise bhi shiv jayanti ko utsav kehte hain। yathaartha reeti se utsav aap brahman hi manaate ho। kyonki utsav ka arth hi hai-sarva utsaah­umang mein rahen। to aap jo bhi baithe ho, sabhi ke dil mein utsaah aur umang kitna hai? avinaashi hai ya aaj ke liye hai? avinaashi hai na? isliye baapdaada is shreshtha sangamayug ko utsav ka yug kehte hain। har din aapke liye utsaah sampanna hai। har din utsav hai।

jo gaayan hai, aap log topic rakhte ho ‘anekta mein ekta’ to practical mein anek desh, anek bhaashaayen, anek roop­rang lekin anekta mein bhi sabke dil mein ekta hai na! kyonki ek baap hai। chaahe America se aaye ho, chaahe aphreeka se aaye ho lekin dil mein ek baap hai। ek shreemat par chalne vaale ho। to baapdaada ko achha lagta hai ki anek bhaashaaon mein hote hue bhi man ka geet, man ki bhaasha ek hai। chaahe kisi bhi bhaasha vaale ho, kaala taaj to mila hai (sabhi headphone se apni­apni bhaasha mein sun rahe hain), abhi yahi kaala taaj badalkar golden ho jaayega। lekin sabke man ki bhaasha ek hai aur ek hi shabd hai, ‘mera baba’। sabhi bhaasha vaale bolo ‘mera baba’। haan, yeh ek hi hai। to anekta mein ekta hai na!

to utsaah mein rahne vaale arthaat sada utsav manaane vaali shreshtha aatmaayen ho। kabhi bhi utsaah kam nahin hona chaahiye। pahle bhi sunaaya tha-brahman jeevan ka saans hai umang­utsaah। agar saans chala jaaye to jeevan second mein khatma ho jaayegi na! to brahman jeevan mein yadi umang­utsaah ka saans nahin to brahman jeevan nahin। jo sada umang­utsaah mein hoga, vo phalak se kahega ki brahman hain hi utsaah­umang ke liye। aur jiska umang­utsaah kam ho jaata hai uske bol hi badal jaate hain। vo kahega-hain to sahi…, hona to chaahiye…, ho jaayega… to ye bhaasha aur us bhaasha mein kitna antar hai! uske har bol mein ‘to’ zaroor hoga-hona to chaahiye… to ye jo ‘to­to’ hota hai na, ye umang­ utsaah ka pressure kam hone se hi aise bol,kamzori ke bol nikalte hain। to umang­utsaah kabhi kam nahin hona chaahiye। umang­utsaah kam kyon hota hai? baapdaada kehte hain sada vaah­vaah kaho aur kehte hain why­why (Why, Why)। agar koi bhi paristhiti mein why shabd aa jaata hai to umang­utsaah ka pressure kam ho jaata hai। baapdaada ne agle saal bhi vishesh double foreigners ko kaha tha ki why shabd ko brahman dictionary mein change karo, jab why shabd aaye to fly shabd yaad rakho to why khatma ho jaayega। koi bhi paristhiti chhoti bhi jab badi lagti hai to why shabd aata hai-ye kyon, ye kya… aur fly kar lo to paristhiti kya hogi? chhota­saakhilauna। to jab bhi why shabd man mein aave to kaho brahman dictionary mein why shabd nahin hai, fly hai। kyonki why­why, haay­haay kara deta hai। baapdaada ko hansi bhi aati hai, ek taraph kahenge-nahin, hamaare jaisa shreshtha bhaagya kiska nahin hai। abhi­abhi yeh kahenge aur abhi­abhi utsaah kam hua to kahenge-pata nahin mera bhaagya hi aisa hai! mere bhaagya mein itna hi hai! to haay­haay ho gaya na! to jab bhi haay­haay ka najaara aave to vaah­vaah kar lo to najaara bhi badal jaayega aur aap bhi badal jaayenge।

double videshi aajkal ‘pojitivthinking’ ka course karaate ho na। sabhi videsh mein vishesh course yeh karaate ho? to apne ko bhi karaate ho ya doosron ko karaate ho? jis samay koi aisi paristhiti aa jaaye to apne ko hi student banaakar, khud hi teacher ban karke apne ko yeh course karaao। apne ko kara sakte ho ya sirf doosre ko kara sakte ho? doosre ko karaana sahaj hai। jab yeh natural sthiti ho jaaye ki har vyakti ko, baat ko positive vritti se dekho, suno ya socho to kaisi sthiti rahegi? aajkal ke science dvaara bhi aise saadhan nikle hain jo rough maal ko bhi bahut sundar roop mein badal dete hain। dekha hai na-kya se kya bana dete hain! to aapki vritti kya aisa parivartan nahin kar sakti? aave negative roop mein lekin aap negative ko positive vritti se badal do। agar halchal mein aate hain to uska kaaran hai-negative sunna, sochna va bolna ya karna। ye model banaate ho na-na socho, na dekho, na bolo, na karo। silence ki power kya negative ko positive mein nahin badal sakti! aapka man aur buddhi aisa ban jaaye jo negative touch nahin kare, second mein parivartan ho jaaye। aise teevra gati ki anubhooti kar sakte ho? man aur buddhi aisa teevra gati ka yantra ban jaaye। ban sakta hai ki time lagega? ki negative baat aayegi to kahenge ki thoda sochne to do, dekhen to sahi kya hai! quick speed se parivartan ho jaaye-isko kaha jaata hai brahman jeevan ka maja, mauj। agar jeena hai to mauj se jeeyen। soch­sochkar jeena vo jeena nahin hai। aap log auron ko kehte ho ki raajayog jeene ki kala hai। to aap log raajayogi jeevan vaale ho na! ki kahne vaale ho? jab raajayog jeene ki kala hai to raajayogiyon ki kala kya hai? yahi hai na? to utsav manaana arthaat mauj mein rehna। man bhi mauj mein, tan bhi mauj mein, sambandh­samparka bhi mauj mein।

kai bachche kehte hain apne reeti se to theek rehte hain, apne mauj mein rehte hain lekin sambandh­samparka mein mauj mein rahen, yeh kabhi­kabhi hota hai। lekin sambandh­samparka hi aapke sthiti ka paper hai। yadi student kahe vaise to main paas with honour hoon lekin paper ke time marks kam ho jaati hai to aise ko kya kahenge? to aise to nahin ho na! full paas hone vaale ho na? baapdaada ne sunaaya hai ki jo sada baap ke paas rehte hain vo paas hain। paas nahin rehte to paas nahin hain। to sada kahaan rehte ho? door rehte ho, paas nahin rehte ho! double videshiyon ko to double paas hona chaahiye na! achha।

to double videshiyon ne is baari haai jump laga di hai। madhuban mein high jump lagaakar pahunch gaye hain। (is baar har varsha se jyaada sankhya mein double videshi madhuban pahunche hue hain) achha, double videshiyon ko bhi kaiyon ko patraani banne ka chance to achha mila hai। patraani banne mein maja hai ki nahin? aap logon ki to ataichi itni hai jo us par hi so sakte hain। kyonki ek badi laate hain, ek chhoti laate hain, to chhoti ko takiya banaao। jagah bach jaayegi na! achha lagta hai baapdaada scene dekhte hain kaise bhaari­bhaari ataichiyaan ghaseet kar la rahe hain! achhi scene lagti hai na! sangam par ye mehnat bhi thode samay ki hai phir to prakriti bhi aapki daasi hogi to daasiyaan bhi bahut hongi। phir aapko saamaan uthaane ki jaroorat nahin। abhi apna raajya sthaapan ho raha hai, is samay gupta vesh mein ho, sevaadhaari ho phir raajya adhikaari banenge। to sevaadhaariyon ko to sab prakaar ki seva karni padti hai। jitni abhi tan, man, dhan aur samparka se seva karte ho utna hi vahaan sevaadhaari milenge। sabse pahle to ye prakriti ke paanch hi tatva aapke sevaadhaari banenge। apna raajya­bhaagya smriti mein hai na! kitne baari raajya adhikaari bane hain! anginat baar bane hain aur bante hi rahenge। lekin raajya adhikaari se bhi ab ka sevaadhaari jeevan shreshtha hai। kyonki abhi baap aur bachchon ka saath hai। chaahe kisi bhi prakaar ki seva hai lekin seva ka pratyakshaphal abhi milta hai। baap ka sneh, sahayog aur baap dvaara mile hue khazaane pratyakshaphal ke roop mein milte hain। jab bhi koi vishesh seva karte ho aur yuktiyukta seva karte ho to kitni khushi hoti hai! us samay ke chehre ka photo nikaalo to kaisa hota hai! to ek taraph seva karte ho, doosre taraph pratyakshaphal aapke liye sada taiyaar hai hi hai। ek haath se seva karo, doosre haath se phal khaao-aise anubhav hota hai? ki seva mein badi mehnat hai? seva mein halchal hoti hai ya nahin? kabhi­kabhi hoti hai। ye halchal hi paripakva banaati hai, anubhvi banaati hai। halchalmen iseeliye aate ho jo sirf vartamaan ko dekhte ho। lekin vartamaan mein chhipa hua bhavishya jo hai vo spashta nahin dikhaai deta hai, isliye halchal mein aa jaate hain। koi bhi bade te badi naajuk paristhiti vaastav mein aage ke liye bahut bada paath padhaati hai, paristhiti nahin hai lekin woh aapki teacher hai। us najar se dekho ki is paristhiti ne kya paath padhaaya? isko kaha jaata hai negative ko positive mein parivartan karna। sirf paristhiti ko dekhte ho to ghabra jaate ho। aur paristhiti maaya dvaara sada naye­naye roop se aayegi। vaise hi nahin aayegi, jis roop mein aa chuki hai, us roop mein nahin aayegi। naye roop mein aayegi। to usmein ghabra jaate hain-ye to nai baat hai, ye to hota nahin hai, ye to hona nahin chaahiye…। lekin samajh lo ki maaya ant tak bahuroopi ban bahuroop dikhaayegi। maaya ko bahuroopi banna bahut jaldi aur achha aata hai। jaise aapki sthiti hogi na vaisi paristhiti banaakar aayegi। aaj maano aap thoda­sa albele jeevan mein ho to maaya bhi usi albele paristhiti ke roop mein aayegi। aaj mood thodi oph hai, jaise honi chaahiye vaise nahin hai, to mood oph ki paristhiti ke roop mein hi aayegi। phir sochte hain ki pahle hi main soch rahi thi phir ye kya hua? isliye maaya ko dekhne ke liye, jaanne ke liye trikaaldarsheeaur trinetri bano। aage, peechhe, saamne trinetri bano। aap sabhi trinetri aur trikaaldarshi ho na? double phorenarsatrikaaldarshi hain-yes ya no? sab bolo-haan ji ya na ji। (haan ji) apni bhaasha se to ye achha bolte ho। sab khush ho? (haan ji) itne bade sangathan mein maja aa raha hai? (haan ji) koi­koi yeh to nahin soch rahe hain ki agle varsha rash mein nahin aayenge, thoda peechhe aayenge? sangathan ka maja bhi pyaara hai। vaise aana to programme pramaan hi, jyaada nahin aana lekin aadat aisi honi chaahiye jo sabmen edjasta kar sake। edjasta karne ki power sada vijayi bana deti hai। brahma baap ko dekha to bachchon se bachcha bankar edjasta ho jaata, badon se bada bankar edjasta ho jaata। chaahe beggary life, chaahe saadhnon ki life, donon mein edjasta hona aur khushi­khushi se hona, sochkar nahin। yahaan duhkhi to nahin hote ho lekin khushi ke bajaay thoda soch mein pad jaate ho-ye kya hua, kaise hua…। to sochne vaale ko edjasta hone ke maje mein kuchh samay lag jaata hai। apne ko check karo ki kaisi bhi paristhiti ho, chaahe achhi ho, chaahe hilaane vaali ho lekin har samay, har circumstance ke andar apne ko edjasta kar sakte hain? double foreigners ko akelaapan bhi achha lagta hai aur companion bhi bahut achhe lagte hain। lekin company mein ho ya akele ho, donon mein edjasta hona-ye hai brahman jeevan। aise nahin, sangathan ho aur maatha bhaari ho jaaye-nahin, mujhe ekaanta chaahiye, ye ghamsaan mein nahin, mujhe akela chaahiye…। man akela arthaat baaharmukhta se antarmukh mein chale jaao to akelaapan hai। koi­koi kehte hain na-akela kamra chaahiye, do bhi nahin chaahiye। akela mile to bhi mauj se soo aur das ke beech mein bhi sona ho to mauj se soo। foreigners das ke beech mein so sakte hain ki mushkil hai? so sakte hain? (haan ji) achha, abhi agle varsha 20-20 ko sulaayenge। dekho samay badalta rehta hai aur badalta rahega। duniya ki haalten naajuk ho rahi hain aur bhi hongi। honi hi hai। abhi sirf ek sthaan par alag­alag hoti hain, aakhir mein sab taraph ikattheehogi। to naajuk samay to aana hi hai। samay naajuk ho lekin aapki nature naajuk nahin ho। kaiyon ki nature bahut naajuk hoti hai na, thoda­sa aavaaj hua, thoda­sa kuchh hua to disturb ho gaye। isko kehte hain naajuk sthiti, naajuk nature। to naajuk nature nahin ho। jaisa samay vaisa apne ko edjasta kar sako। ye abhyaas aage chalkar aapko bahut kaam mein aayega। kyonki haalten sada ek jaisi nahin rahni hai। aur final paper aapka naajuk samay par hona hai। aaraam ke samay par nahin hona hai। naajuk samay par hona hai। to jitna abhi se apne ko edjasta karne ki shakti hogi to naajuk samay par paas with honour ho sakenge। paper bahut time ka nahin hai, paper to bahut thode samay ka hai lekin chaaron or ki naajuk paristhitiyaan, unke beech mein paper dena hai। isliye apne ko nature mein bhi shaktishaali banaao। kya karen, meri nature ye hai, meri aadat hi aisi hai, ye nahin। isko naajuk nature kaha jaata hai। dekho, baapdaada ne sthaapna ke aadi mein sab anubhav kara liya। jab aadi hui to raajkumaar aur raajkumaariyon se bhi jyaada paalna, saadhan, sab anubhav karaaya aur aage chalkar beggary life ka bhi poora anubhav karaaya। to jinhonne donon anubhav kiya unki aadat ban gai। to aap logon ke aage to aisa samay aaya nahin hai lekin aana hai। jahaan bhi rehte ho, sabhi hilne hain, sab aadhaar tootne hain। to aise time par kya chaahiye? ek hi baap ka aadhaar। aap log to bahut­bahut­bahut lucky ho, jo aane ka samay aapka sahaj saadhnon ka hai। sahaj saadhnon ke saath­saath aapka brahman janma hai। lekin saadhan aur saadhna-saadhnon ko dekhte saadhna ko nahin bhool jaana। kyonki aakhir mein saadhna hi kaam mein aani hai। samjha?

baapdaada khush hote hain ki double foreigners sandesh dene mein bahut achha part baja rahe hain। centres bhi achhe umang­utsaah se khol rahe hain। to baapdaada aaj aap sabko utsav manaane ki mubaarak bhi de rahe hain aur saath­saath seva ki bhi mubaarak de rahe hain। sirf aur underline kara rahe hain ki seva aur svaysthiti donon mein teevra gati ho। svaysthiti aur seva donon ka balance sada smriti mein rahe। kabhi­kabhi baapdaada sunte hain, dekhte bhi hain, jab koi seva ka bahut bada bhaagdaud ka kaarya karte hain na, to kaarya ke umang mein kaarya to kar lete hain lekin kabhi­kabhi koi kehte hain-seva mein gaye na to apni sthiti thodi dheeli ho gai। vo nahin hona chaahiye। bas, abhi yog mein baithe, seva nahin karenge, yog mein hi baithenge! yog aur seva ikattha­ikatthaahona chaahiye।

baapdaada aap sabke patra samaachaar padhte hain! kai bachche kehte hain 6-6 page likha, uttar to aaya hi nahin। itne card bheje, uttar to aaya nahin। lekin baapdaada sabhi ko respond zaroor karte hain। aapko likhne ka sankalp chalta hai aur baap ke paas vahaan pahunch jaata hai। lekin achha karte ho, sirf lamba nahin likho, short mein likho। kyonki likhne se jo man mein chalta rehta hai vo khatma ho jaata hai, halka ho jaata hai। isliye likho zaroor lekin short mein likho। aap sabke card vagairah ki sab ekjeebishan vatan mein bhi lagti hai। (sabhi ke card stage par bahut sundar dhang se sajaakar rakhe gaye hain) yahaan bhi ekjeebishan lagaai hai na। to pahuncha ya nahin pahuncha, aise nahin socho। pahunchta hi hai। aur baapdaada ek­ek ke samaachaar ko, chaahe seva ka, chaahe sthiti ka, dekhte hain aur dekhkar shaktiyon ka vibration dete hain। achha!

(baapdaada ne sabhi deshon ke bhaai­bahinon se alag­alag group mein haath uthvaaye)

south aur north America haath uthaao। America kya jalva dikhaayegi? koi nai baat karenge na! kya karenge? aaj shivraatri ka jhanda lahraayenge na to pratyakshata ka jhanda pahle dekhen America mein lahraate hain ya aphreeka mein, ya bhaarat mein? pahle kahaan lahraayega? America mein? yu.N. ki building par shiv baba ka jhanda lahraana। jaise bhaarat vaale samajhte hain na laal kile par jhanda lahraayenge to sabki najar hogi na, to yu.N. ki building par jhanda lahraayenge to sab kya bolenge? vansa mor, vansa mor। woh bhi din aana hi hai। aur Europe kahaan jhanda lahraayega? london ke mahal mein। jaise vahaan ki pared dekhne aate hain na to aise is jhande ko dekhne aave। hona hai na! aur hi aapko aarjiyaan karke le jaayenge-aao। thoda­sa halchal hone do, unhon ki halchal hogi, apna jhanda lahraayenge auraaphreekaakhaan jhanda lahraayega?aphreeka mein jo naameegraami sthaan ho vahaan jhanda lahraana। abhi us military ki pared nikaalte hain aur phir brahmaakumaariyon ki yaatra nikle। ostreliya vaale kya karenge? achha! is baari ostreliya kam aaya hai। nahin to sabse number to ostreliya lete hain। is baari kisko jyaada chance diya hai? yu.ke. ko। yu.ke. vaale bahut aaye hain। yu.ke. to lucky hua। shivraatri ka chance yu.ke. ko mila hai। yu.ke. vaalon ne mehnat bhi achhi ki hai। Malaysia ki seva bhi achhi vriddhi ko praapta kar rahi hai। achhe hain। yu.ke. to hai hi foundation aur America hai sarviske vriddhi ki aavaaj phailaane ka bada mike। America ki yeh visheshta hai। aur aphreeka ki visheshta kya hai?aphreeka vaalon ki kamaal hai jo duniya bhay mein hai aur ye nirbhay hain। real mein shyaam se sundar banaane vaala toaphreeka hai na! nirbhayta ki kamaal inhon ki hai। dekho, do­do bahnen rehti hain lekin nirbhay hokar rehti hain। himmat rakhte hain na to baap ki madad hai।aphreeka ki bhi seva achhi vriddhi ko pa rahi hai। vaise videsh mein bhi is samay sab taraph seva ka umang­utsaah aur vriddhi achhi hai। abhi tareeka, vidhi aa gai hai। dharni bhi badli hai aur vidhi bhi aa gai hai। dekho sabse peechhe Russia khula hai, vahaan ki bhi seva dekho kitni hai! Russia vaale bhi aaye hain na! ye to ek hi taraph baithte hain। inhon ki unity bahut achhi hai, jahaan ek jaayega na vahaan sab jaayenge। achha hai, last so first ho rahe hain। achhi result hai। dekho, abhi to sthaan bhi mil rahe hain। abhi government ko aur apna banaate jaao। achha umang­utsaah hai। aur ostreliya mein baapdaada ki bahut­bahut­bahut shreshtha aashaaon ke deepak jag rahe hain। ostreliya aisi kamaal karenge jo koi ne nahin ki। kyon kamaal karenge? kaaran bataao? kyonki ostreliya mein sab prakaar ki buddhi vaale hain। inventor bhi hain, kaarya ko, plan ko practical mein laane vaali buddhi bhi hai, isliye aadi mein bhi ostreliya ne bahut apni kamaal dikhaai। abhi beech mein thoda plan bana rahe the। aur aage chalkar practical mein aana hi hai। to ostreliya ki taraph baapdaada ki vishesh shreshtha seva ke aashaaon ki najar hai। samjha? is baari kam aaye hain lekin sabhi sunenge। achha, jo dialogue mein aaye the vo haath uthaao। (aabu dialogue mein aaye hue kuchh mehmaan bhi baapdaada ki murli sun rahe hain) ye thodi­si aatmaayen mahaanbhaagyavaan hain। to doylaag mein aaye aur bahut achhe shreshtha mike bankar ja rahe hain। messenger bankar ja rahe hain। sabhi ke man mein, saare group ke man mein ye umang hai ki jyaada se jyaada message dekar anek aatmaon ko parichay den aur sweet hom mein pahunchaaye। aisa umang hai? jinhonne haath uthaaya unhon ko umang hai? achha, sabhi ne dekha hai kaun­si bhaagyavaan aatmaayen hain? real mein to inhon ka birth de ho gaya। to messenger banne ke birth de ki mubaarak।

achha, Europe kya karega? Europe apni anchali yu.ke. mein daalta hai, aise! lekin achha hai, koi bhi aisa vishesh desh rehna nahin chaahiye jo ulahna de ki hamaare desh mein to aapka message pahuncha hi nahin। to jo bhi vishesh desh hai, pahunchna to kone­kone mein hai, lekin kone­kone mein message zaroor dena। ulahna nahin sunna pade। achha! Mauritius desh ke hisaab se jitna hi chhota hai utna hi seva mein bada hai। Mauritius ki ye visheshta hai ki aai.pi. bhi homely hain। chaahe prime minister hai ya minister hain lekin homely roop se milte bhi hain aur sahayogi bhi bante hain। shreelanka vaale haath uthaao। ye bhaasha ke kaarnaikatthe baithe hain। shreelanka to naam hi shri hai। shri ka arth hi mahaan hai। to shreelanka mein jahaan ashaanti hai vahaan shanti sthaapan karna aur shanti ka sandesh dena ye kitna shreshtha kaarya hai to shreelanka sandesh dene ka shri­kaarya kar rahe hain। middle east bhi aaya hai। dubai ke bhi aaye hain। hain thode lekin mahaaveer hain। achha hai shreelanka to kalpa pahle bhi lankaajeet brahman kahlaate hain। to shreelanka par to vijay honi hi hai। middle east bhi dheere­dheere aage badh raha hai। kyonki gupta mein bhi gupta vesh dhaaran karke seva karni padti hai na to double seva karne ki mubaarak। phir bhi baapdaada mubaarak dete hain jo vaayumandal kaisa bhi ho achal­adol­avinaashi ratna hain। ek­ek ratna amoolya hain। aur jagah seva karna sahaj hai lekin yahaan seva double gupta roop mein karna padta hai। phir bhi himmat vaale hain। himmat chhodne vaale nahin। achal­adol aatmaayen hain। isliye baapdaada himmatvaan bachchon ko padamguna madad ki mubaarak dete hain। achha। karebiyan mein foundation to achha pada। abhi kitne centre ho gaye karebiyan mein। (10-12) phir bhi himmat achhi rakhi hai। bhakti ke vistaar mein gyaani tu aatma banaana ismen himmat achhi rakhi hai aur brahman bhi achhe vriddhi ko pa rahe hain। shuru se jo aadi se aaye hain vo bahut achhe chal rahe hain। jyaada halchal mein nahin aaye hain। yeh bhi achha record hai। karebiyan bhi kam nahin hai, kamaal karne vaala hai। achha! jahaan ke bhi ho, sabhi baap ke sameep aur sikeeldhe ho। baapdaada amritvele chaaron or ke amoolya ratnon ko dekh­dekhharshit hote hain। jisko dekhte hain sab ek­do se aage hain। kyon? har ek ki apni­apni visheshta hai।

chaaron or ke amoolya vishesh ratnon ko, sada har din utsaah se utsav manaane vaali shreshtha aatmaon ko, sada svaysthiti aur seva ke unnati mein balance rakhne vaali blessing ke adhikaari aatmaon ko, sada paristhiti ko sahaj paar karne vaali aise achal, adol, mahaaveer aatmaon ko baapdaada ka yaad­pyaar aur namaste।

teachers se - teachers ko vishesh baapdaada mubaarak de rahe hain। kyonki har varsha seva ki result mein teachers ne mehnat achhi ki hai। isliye pratyakshaphal baap ki duaaen hain। samjha! teachers se poochhne ki aavashyakta nahin hai ki khush hain? khush hain aur khush banaane ke nimitta hain। to jo auron ko khush banaate hain vo svayan to zaroor honge। teacher ka arth hi achal­amar। to amar bhi hain aur achal bhi hain। aise hai! ki kabhi­kabhi khushi thodi kam hoti hai? nahin, ho hi nahin sakti। itna nishchay hai।

daadi jaanki se - prakritijeet hai na! prakriti ka kaam hai hilaana aur aapka kaam hai prakriti ko hilaana। achha hai, pyaar se rest nahin karte to majboori se karaate hain। kya hai, inki seva se bahut mohabbat hai। umang hai, koi rah nahin jaaye, koi rah nahin jaaye। aise hai na! (baba ne apne paas bithaaya) saath rehti hai na to saath hi bithaayenge। achha hai, nai­nai invention niklegi। koi baat nahin। rest bhi milti hai to koi naya plan banaane ke liye। isliye aapko koi naya maal milega। daadiyon ko dekh karke sabhi ko bahut khushi hoti hai na। sabhi ka sneh bhi seva ka pratyakshaphal hai। to saare din mein kitne phal milte hain! jo bhi dekhte hain vo kis najar se dekhte hain? sabke dil se vaah daadi vaah, vaah daadi vaah nikalta hai। ye bhi seva ka phal hai। jitna jo sneh se, nisvaartha seva karte hain unko pratyakshaphal sada hi milta hai aur sarva se milta hai। sabke dil se nikalta hai-hamaari daadi, ya kahenge ki ye London ki daadi hai, ye madhuban ki daadi hai? sabki daadiyaan hai। jo vishwa adhikaari bante hain usko abhi se sarva, usmein bhi vishesh brahman apna maanenge। achha, theek hai? sab bahut achha! kharaab to hona hi nahin hai। abhi sirf beech­beech mein thodi rest le lo, baaki achha hai। umang­utsaah rakhne se auron ka bhi umang­utsaah badhta rehta hai। sirf udne vaale nahin ho lekin udaane vaale ho। saptaah mein aadha din ya ek din rest ka rakho phir aapka shareer bahut madad dega। kuchh samay abhi rest chaahiye। itone right hand taiyaar hue hain, sabhi deshon mein right hand hain। to right hand ko karne do। sirf baik bon raho। puraane­puraane aadi ratna bhi bahut aaye hain। 20 saal vaale haath uthaao। jo pahli baar aaye hain vo haath uthaao। first time vaalon ko vishesh mubaarak hai। achhe­achhe aaye hain। abhi amar bhav ke vardaan ko sada saath rakhna। om shanti।

(bachchon ne baapdaada ke saath shiv jayanti manaai, geet gaaye, mombattiyaan jalaai, cake kaati। baapdaada ne stage par khade hokar apne haston se jhanda lahraaya aur sabko badhaaiyaan di)

is jhande ko lahraane ke pahle sabke dilon mein jo sneh ka jhanda lahra rahe hain woh dekh­dekhharshit ho rahe hain। pahle sabke dilon mein sneh ka, seva ka jhanda hai phir yeh nishaani hai aap sabki। sabke khushnumah chehre saare vishwa mein khushiyaan lahra rahe hain। khushiyon ke vibration chaaron or vishwa mein ja rahe hain। aise hi sada khushiyon ke vibration dete rehna aur baap ka practical pratyakshata ka jhanda lahraate rehna। achha।