Avyakt murli for Thursday 6 April 1995

>

06-04-95 om shanti avyakt baapdaadaamdhuban

purity ki roohaani personality ki smriti swaroop dvaara maayaajeet bano

aaj sneh ke saagar baapdaada chaaron or ke sarva snehi bachchon ko dekh rahe aa hain। har ek snehi bachchon ke moorat mein roohaani personality ki jhalak dekh rahe hain। baahar ke roop mein to saadhaaran personality vaale hain lekin roohaani personality mein sabse number one hain। duniya mein anek prakaar ki parsanaaliteej gaai jaati hain। shareer ki bhi personality, koi visheshta ki bhi personality aur koi vishesh position ki bhi personality, lekin aap sabke chehre par, chalan mein kaun­si personality hai? purity ki personality। purity hi personality hai। jitna jitna jo pure hain utni unki personality na sirf dikhaai deti hai lekin anubhav hoti hai। sabhi apne roohaani personality ko anubhav karte ho? aap jaisi personality satayug se ab tak koi ki hai? saare kalpa mein chakkar lagaao to aap jaisi personality hai? nahin hai na! to aapko apne roohaani personality ka nasha hai! anaadi kaal mein to paramdham mein bhi aap vishesh aatmaon ki personality sabse oonchi hai। chaahe aatmaayen sab chamakti hui jyoti hain lekin aap roohaani personality vaali aatmaon ki chamak anya sab aatmaon se nyaari aur pyaari hai। apne anaadi kaal ki personality ko smriti mein laao। aai smriti mein? dekh rahe ho? baapdaada ke saath­saath kaise roohaani personality mein dikhaai de rahe hain। apne aapko dekh sakte ho? to chale jaao anaadi kaal mein। kitne time mein ja sakte ho? jaane mein kitna time lagega? second se kam na! ki ek din, ek ghanta chaahiye? second se bhi kam jahaan chaaho vahaan pahunch sakte ho। to anaadi kaal ki apni personality dekh li? abhi anaadi kaal se aadi kaal mein aa jaao। aa gaye ya abhi chal rahe ho? pahunch gaye? to anaadi kaal se aadi kaal mein apni roohaani personality dekho-kitni shreshtha personality hai! tan ki bhi to man ki bhi to dhan ki bhi aur sambandh ki bhi। sab prakaar ki personality kitni shreshtha hai! to aadi kaal ki personality dekh rahe ho? kitne sundar lagte ho, kitne saje hue ho, kitne sukh, shanti, prem, aananda swaroop ho to aadi kaal mein bhi apni personality ko dekho। spashta dikhaai deti hai va 5 hajaar varsha ho gaye to thoda spashta nahin hai? sabhi ko spashta hai? hoshiyaar ho sabhi। to aadi kaal bhi apna dekh liya। abhi aao madhya kaal mein to madhya kaal mein bhi aapki personality kya rahi? aapke jad chitra kitne vidhipoorvak pooje aur gaaye jaate hain। chaahe kitne bhi dharmaatma, mahaatma, netaayen personality vaale gaaye jaate hain lekin aapke jad chitron ki personality ke aage unki personality kuchh bhi nahin hai। jaise aap sabki pooja hoti hai vaise koi mahaatma ya neta ki, dharma aatma ki vidhipoorvak pooja hoti hai? kabhi dekhi hai? aapke jad chitron jaise shrringaar kiska hota hai? to madhya kaal mein bhi aap aatmaon ke purity ki personality ki visheshta kitni shreshtha hai! apna chitra dekha? aapki pooja hoti hai ki nahin? sirf bade­badon ki hoti hai, hamaari nahin! double videshiyon ke mandir hain? dekha hai, usmein aapka chitra hai? ki suna hai to kehte ho ki haan honge! smriti mein hai? to madhya kaal bhi aapka ati shreshtha hai aur ab last janma mein jo marjeeva brahman janma hai uski personality dekho kitni badi hai! gaayan kitna hai-koi bhi shreshtha kaarya ab tak bhi aapke naamdhaari brahman hi karte hain। chaahe brahman abhi brahman rahe nahin hain lekin naam ke to brahman hai na! aapke naam se aapki personality ke kaaran vo bhi shreshtha gaaye jaate hain। to brahman janma ki personality kitni shreshtha hai! aadi kaal, anaadi kaal, madhya kaal aur ab ant kaal-saare kalpa mein aapki personality sada hi mahaan rahi hai।

laukik personality vaalon ka agar naam bhi aata hai to koi vishesh book mein unhon ka naam aata hai-phalaane­phalaane hain। lekin aapka naam kismen aata hai? saadhaaran book mein nahin aata hai,shaastra mein aata hai। jo bhi aadi kaal se shaastrabne usmein kiske charitra hain? kiska gaayan hai? kiski kahaaniyaan hain? to laukik personality vaalon ka gaayan vishesh book mein hota hai aur aapka gaayan shaastra mein hota hai aur shaastrako kitna regard dete hain। bade vidhipoorvak shaastrako sambhaalte hain, usko bhi bade poojya ke roop mein dekhte hain। jo sachche bhakta hain vo shaastrako vidhipoorvak rakhte bhi hain aur padhte bhi hain। aise rivaaji kitaabon ke maaphik nahin rakhte। to apni pavitrata ki personality ko sada hi emerge roop mein smriti mein rakho। jaante hain… ya hain to ham hi… aise merge nahin।

smriti swaroop mein rakho। jiske buddhi mein ye emerge roop mein smriti rehti hai to smriti hi samartheeka aadhaar hai। aur jahaansamarthi hai vahaan maaya aa sakti hai? samartha aatma ke paas maaya ka aana asambhav hai। mehnat karne ki aavashyakta hi nahin hai। maaya ka kaam hai aana lekin aapka kaam abhi samay pramaan bhagaana nahin hai। maaya aai aur bhagaaya। nahin, aapka kaam hai sada maayaajeet rehna। to maayaajeet ho va maaya ko baar­baar bhagaane vaale ho?abhi bhagaana padta hai, thoda­thoda vo darshan dene ke liye aa jaati hai! nahin na! double foreigners ne maaya ko sada ke liye bhaga diya? ya bhagaate hi rehte hain? kya haal hai? maaya sada ke liye bhaag gai? abhi nahin aayegi na? ki thoda­thoda aaye, koi harja nahin? phir bhi aadha kalpa ki dosti hai, phrend hai na! usko aise hi chhod denge, aave hi nahin! sunaaya na ki samay samaapta hone ke pahle bahut kaal ka maayaajeet banne ka abhyaas chaahiye। ant mein nahin ho sakega। agar ant mein maayaajeet banne ka purooshaartha bhi karenge to kya haal hoga? baapdaada tote ki kahaani sunaate hain na ki tote ko kaha nalke par nahin baithna, par nalke par baithkar hi bol raha tha। aise hi ant kaal mein agar bahut kaal ka abhyaas nahin hoga to man mein sochte rahenge ki main aatma hoon, main aatma hoon, lekin maaya ka prabhaav bhi hota rahega, aur koshish bhi karenge main aatma hoon, main aatma hoon lekin hoga hi nahin। iseeliye kya karna hai? abhi se maayaajeet banne ka abhyaas karo। aur uska sahaj saadhan hai apne roohaani personality ko smriti swaroop mein rakho। personality vaale ki nishaani kya hoti hai? jo oonchi personality vaale hote hain uski kahaan bhi, kisi mein bhi aankh nahin jaayegi। ye aisa hai, ye aisa hai, ye aisa karta, ye aise karti, main kyon nahin karoon, main kyon nahin kar sakti hoon/kar sakta hoon… doosre ke praapti mein aankh nahin jaayegi। kyon? roohaani personality vaala sarva praaptiyon se sampanna hai। svabhaav mein bhi sampanna, sanskaar mein bhi sampanna aur sambandh­samparka mein bhi sampanna, bharpoor। vo kabhi apne praaptiyon ke bhandaar mein koi apraapti anubhav hi nahin karega। kyon? roohaani personality ke kaaran vo sada hi man se bharpoor hone ke kaaran santushta rehta hai। aankh doosre ki praapti mein tab jaati hai jab apne mein apraapti anubhav karte ho। to koi apraapti hai kya? geet kya gaate ho-apraapta nahin koi vastu braahmanon kekhzaane mein। ye geet mukh se nahin, man se gaate ho na? jo gaate hain vo haath uthaao। achha, double videshi bhi geet gaate ho? achha!

baapdaada aaj chaaron or ke bachchon ki purity ki personality check kar rahe the। purity ki paribhaasha ko bhi achhi tarah se jaante ho। purity sirf brahmacharya vrat nahin, brahmacharya vrat mein to aajkal ke circumstance anusaar kai agyaani bhi rehte hain। gyaan se nahin lekin haalaaton ko dekhkar। kai bhakta bhi rehte hain। vo koi badi baat nahin hai। lekin purity ko saare din mein check karo-pavi­trata ki nishaani hai svachchhata, satyata। agar saare din mein chaahe uthne mein, chaahe baithne mein, chaahe bolne mein, chaahe seva karne mein, chaahe sthool seva ki va sookshm seva ki lekin agar vidhipoorvak nahin ki, vidhi mein bhi agar jara­sa antar rah gaya to vo bhi svachchhata arthaat pavitrata nahin। vyartha sankalp bhi apvitrata hai। kyon? aap sochenge ki hamne paap to kiya hi nahin, kisko duhkh to diya hi nahin lekin agar vyartha chala, samay gaya, sankalp gaya, santushtata gai to aapke pavitrata ki final stage ke degree mein pharka pad jaayega। 16 kala nahin ban sakenge। 15 kala, 14 kala, saadhe pandrah kala… nambarvaar ho jaayega। to apvitrata sirf kisko duhkh dena ya paap karma karna nahin hai lekin svayan mein satyata, svachchhata vidhipoorvak agar anubhav karte ho to pavitra ho। nikal gaya, bolna nahin tha lekin bol liya, to isko kya kahenge? maalik hain? iseeliye amritvele se lekar raat tak apne sankalp, bol, karma, seva-sabko check karo। mote roop se nahin check karo। agar mote roop se check karenge to dekho chandravanshi ko moti nishaani teer­kamaan diya hai aur sooryavanshi ko kitni chhoti­si murli de di hai। murli kitni halki hai! aur teer kamaan kitna mehnat ka hai। pahle to nishaana lagaate raho, doosra bojh uthaate raho! aur murli dekho-naacho, gaao, hanso, khelo। to iseeliye mote­mote roop na purooshaartha ka rakho, na checking ka rakho। abhi maheen buddhi bano। kyonki samay samaapta achaanak hona hai, bataakar nahin hona hai। baapdaada ne to pahle hi kah diya hai ki koi ulahna nahin dena-baba, aapne bataaya kyon nahin? baap kabhi bhi time conscious nahin banaayega। abhi poora diamond banna hai na! ye vaayda kiya hai na? diamond jubilee manaani hai ya diamond banna hai? kya karna hai? banna bhi hai aur manaana bhi hai। donon saath­saath karna hai। to baapdaada agle varsha mein check karenge-vaayda nibhaaya ya sirf mukh meetha kiya? to kaun ho? sirf bolne vaale ho ya nibhaane vaale ho? achha! dekho, T.vi. mein aap sabka photo aa raha hai, phir badal nahin jaana-main tha hi nahin, mainne nahin kaha tha! banna to achha hai na, to jo achhi baat hai usko jaldi karna chaahiye ya deri se? jaldi karna chaahiye na!

second mein ever ready ban sakte ho? second mein ashareeri ban sakte ho? ki yuddha karni padegi ki nahin, main shareer nahin hoon, main shareer nahin hoon… aise to nahin na! socha aur hua। sochna aur sthit hona। (baapdaada ne kuchh minute tak drill karaai) achha lagta hai na! to saare din mein beech­beech mein ye abhyaas karo। kitne bhi busy ho lekin beech­beech mein ek second bhi ashareeri hone ka abhyaas avashya karo। iske liye koi nahin kah sakta-main busy hoon। ek second nikaalna hi hai, abhyaas karna hi hai। agar kisi se baaten bhi kar rahe ho, kiske saath kaarya kar rahe ho, to unhon ko bhi ek second ye drill karaao, kyonki samay pramaan ye ashreereepan ka anubhav, yeh abhyaas jisko jyaada hoga vo number aage le lega। kyonki sunaaya ki samay samaapta achaanak hona hai। ashareeri hone ka abhyaas hoga to phauran hi samay ki samaapti ka vibration aayega। isliye abhi se abhyaas badhaao। aise nahin, agle saal mein diamond jubilee hai to ab nahin karna hai, peechhe karna hai। jitna bahut kaal add karenge utna raajya­bhaagya ke praapti mein bhi number aage lenge। agar beech­beech mein yeh abhyaas karenge to svatah hi shaktishaali sthiti sahaj anubhav karenge। ye chhoti­chhoti baaton mein jo purooshaartha karna padta hai vo sab sahaj samaapta ho jaayega।

achha sabhi khushraaji hain hi ya poochhna padega? maataayen khush ho? bahut achha। dekho, kahaan­kahaan se mele mein pahunch gaye ho। achha chance mila na, nahin to date ka intajaar karte rehte hain-hamaara number kab aayega, hamaara number kab aayega? abhi to khula nimantran tha na! sab theek achhi tarah se rah rahe ho? behad anubhav ho raha hai na? ki thodi­thodi takleeph hai? bujurga maataaon ko takleeph nahin hui hai? line mein lago tab hi khaana milega! line mein lagne mein thakaavat nahin hoti? maja aata hai? itna bada parivaar kab milega! to parivaar ko dekhkarharshit hote hain na! bhakti maarga ke mele se to achha mela hai na? aur do din badha den ki bas ka kharcha hoga? ghar nahin yaad aayega? naukri nahin yaad aayegi? ye bhi kuchh naveenta honi chaahiye na to ye mela bhi ek naveenta hui। naveenta ka anubhav kar liya। abhi phir puraani baaten thode hi hogi, nai baaten hogi na! nai baat pasanda aati hai ya puraani? nai baat achhi lagti hai na! achha।

kumaariyon se- kumaariyaan kya kamaal karengi! kumaariyaan teacher banengi? kumaariyaan sabhi apne chehre se, chalan se, pavitrata ki paribhaasha ka bhaashan karengi। mukh se bhaashan to sabhi karte hain lekin aapke sambandh mein jo bhi saamne aaye vo chehre aur chalan se anubhav kare ki pavitrata ki shreshthata kya hai? kabhi bhi koi kumaari kiske bhi saamne jaaye to saadhaaran kumaari nahin dikhaai de। pavitrata ki devi anubhav ho। dekho shuru­shuru mein jab tapasya ke baad seva par nikle to aap sabko kis roop mein dekhte the? deviyaan samajhte the na! unhon ko saadhaaran swaroop nahin dikhaai deta tha, devi roop dikhaai deta tha। deviyaan aai hain, kumaariyaan nahin। to har kumaari apne ko devi swaroop anubhav kare aur doosron ko bhi anubhav karaaye। devi roop ke oopar kabhi bhi koi ki vyartha najar nahin ja sakti। auron ko bhi bacha lenge aur svayan bhi bach jaayenge। aise nahin kah sakte ki iski buri drishti thi na, main to pavitra hoon lekin doosre ki buri drishti thi। agar aapki powerful pavitra drishti hai to jaise soorya andhakaar ko rahne nahin deta, samaapta ho jaata hai, andhakaar roshni mein badal jaata hai, vaise hi aapki pavitradrishti, devi swaroop aasuri sanskaar ko samaapta kar degi। to kumaariyaan kya hain? pavitra deviyaan। to kumaariyaan aise samajhti hain? haan kehte ho to haath uthaao, agar na to haath nahin uthaao। pavitra kumaariyaan hain।

kumaarah­ kumaar bhi pavitra dev hain। aise nahin, ye to pavitra deviyaan ho gai! kumaar bhi pavitra dev hain। kisi bhi taraph, apvitra drishti ki baat to chhodo lekin svapna maatra bhi apvitra vritti nahin ja sakti। kumaar haath uthaao। kumaar bhi bahut hain। to kumaar kaun ho? pavitra dev। dev aatma hoon। main phalaana hoon, nahin। dev aatma hoon, pavitra aatma hoon।

maataaon se - maataayen bahut hain। maataayen kya kamaal karengi? kamaal karna hai na? to maataayen sada eeshvareey sneh se sabhi ko agyaan ki neend se jagaao। jaise chhote bachchon ko uthaati ho na-utho, taiyaar ho, school mein jaao, to aise jagat maataayen ban agyaan ke neend mein soye hue bachchon ko uthaao। aatmaon ko jagaao, kyonki jagat maata ho। jaise apne ko had ki maata samajhne se jimmevaari samajhti ho na। jo bhi bachchen honge, 8 ho ki 6, lekin jimmevaari samajhti ho na aise behad ki jagat maataayen ban bachchon (aatmaon) par raham karo। bachcha maana baap ka bachcha। kai aise bhi kahaaniyaan sunte hain, kehte hain bureedrishti nahin hai lekin isko maa samajhte hain। lekin maa sivaae brahma baap ke aur koi aatma ho nahin sakti। to apna bachcha nahin banaana, baap ka bachcha banaana। to maataayen taiyaar hain? karni hai seva? achha, haath hila rahi hain। kai bachche khel bahut karte hain, saare din mein kahaan na kahaan, koi na koi naya khel zaroor hota hai। aur baaten bhi badi achhi banaate hain। aisi nai­nai achhi baaten banaate hain jo na shaastramen hain na murli mein hain, to abhi ye bachpan ke khel kab tak karenge? ye bachpan ke khel hain। jaise gudiya banaate bhi hain, unko bada bhi karte hain, parivaar vaale bhi bana dete hain, phir khatma kar dete hain। to baaten banaane vaale bhi aise karte hain-baat ko pahle janma dete hain, phir usko vistaar karte hain, phir usmein namak-mirchi daalkar, masaala daalkar bahut tasty karte hain, phir ek­do ko khilaate hain। abhi aap sabka bachpan hai ya vaanaprastha hai? vaanaprastha tak pahunch gaye ho na? abhi to vaani se pare jaane ka samay hai। to vaanaprastha sthiti vaale bachpan ke khel nahin karte lekin kamaal karte hain। jab khel mein lag jaate hain na to ye khel kya kar raha hoon-ye mahsoos bhi kam karte hain। khel mein itne masta ho jaate hain। to abhi vaanaprastha sthiti ka anubhav karo aur karaao। bachpan ke khel khel liye, bahut khele।

achha, abhi is varsha ke season ka samay samaapta ho raha hai। to baapdaada ko ek sankalp hai। brahmacharya vrat to sabhi ne bahut sahaj dhaaran kiya lekin agle varsha season mein vahi aayen jo krodh nahin kare। ye ho sakta hai ki fail ho jaayenge? bolenge to sach na। to automatically season kam ho jaayegi। aisa karen? form mein sirf brahmacharya vrat ka nahin likhna, ki 6 maas se ya 6 varsha se brahmacharya mein rahe, lekin krodh kitne samay se nahin kiya? krodh par kadi najar rakhna। kya samajhte hain? pasanda hai? paandavon ko pasanda hai? dekho naam to out ho jaayega-kyon nahin season mein aaye! to maataayen bolo, teachers bolo-karen? haan ji bolo। teachers ko bhi aane ko nahin milega! koi bhi hoga, chaahe mahaarthi ho, chaahe pyaada ho, chaahe ghode savaar ho-madhuban vaale kahenge ham to madhuban mein honge, lekin unhon ko saamne nahin bithaayenge। T.vi. mein jaakar dekhen, sune। ye insult to hai na। kisliye saamne nahin aaye! to madhuban vaalon ko pakka kangan baandhana padega। pahle madhuban vaale haan karte hain? pahle madhuban karega। aise nahin, doosre kahen ki pahle madhuban ko to dekho, ye achha nahin। achha, sabhi taiyaar ho? jo soche ki nahin, bahut mushkil hai to vo khade ho jaao। kyonki peechhe vaalon ka haath dikhaai nahin deta। kahenge ki hamne to haath uthaaya hi nahin tha। to daadiyaan bataao-karen? achha! dekho, sabhi haan­haan kar rahe ho phir kal se sochna shuru nahin karna ki ye kya ho gaya! antarmukhta se mukh ko banda kar dena। mukh khulega tab to krodh hoga na। to is season mein krodh­mukta aatmaon ka mela hoga। pasanda hai na? achha phir bhi baapdaada samajhte hain ki kaiyon ke sanskaar bahut pakke hain, rivaaji bol bhi bolenge to lagta aise hai jaise krodh karte hain। bol aisa hai, aadat pad gai hai। iseeliye abhi jab tak season shuru ho tab tak ke liye agar kabhi galti se krodh ho bhi gaya na to teen baari maaph karenge। teen baar chhutti hai। (sabhi ne taaliyaan bajaai) achha teen baar chhuttiyaan chaahiye tabhi taaliyaan bajaai। baapdaada ne to trial ki, fail ho gaye। kaho, ham karke dikhaayenge, vijay praapta karke dikhaayenge, ye bolo। kuchh to naveenta honi chaahiye na! vahi form aate hain-khaana khaaya, nahin khaaya? brahmacharya mein rahe, nahin rahe? abhi form change karenge। naveenta pasanda hai na? teachers ko bhi niyam mein rehna padega। teachers ko riyaayat nahin karenge। students ko teen baar to teachers ko do baar।

paandavon se - paandav kya kamaal karke dikhaayenge? paandav gaaye jaate hain - vijayi paandav। koi bhi paandav naam lenge to paandavon ki do baaten saamne aati hain ek baap ke saathi aur doosra paandav arthaat vijayi, to jo bhi paandav hain vo sabhi ye sankalp karo ki kisi bhi baat mein haar nahin khaani hai। sada vijayi। aur nishchay rakho vijayi maala mein mujh paandav ka hi part hai। vijayi ratna hoon। sada amritvele apne mastak par vijay ka tilak roj riphreshakro aur amritvele se lekar apne mastak par vijay ka tilak emerge roop mein dekho। aise nahin, main to hoon hi। nahin…। agar hoon to saare din mein vijay praapta ki ya nahin ki-ye check karo। to paandav arthaat vijayi।

teachers se - teachers kya karengi? teachers ne mehnat to ki, basen bhar­bhar kar laai। to teachers kya kamaal karengi? teachers ko vishesh ye lakshya rakhna hai ki sada har paristhiti mein, paristhiti badle lekin sthiti nahin badle। sthiti sadaakhzaanon se sampanna ho aur santushta rahe। paristhiti aayegi aur chali jaayegi। lekin paristhiti ki kya shakti hai jo aapki santushtata ko le jaaye। to paristhiti ka khel bhale dekho lekin saaksheepan, santushtata ki seat par baithkar dekho। to teachers arthaat sada sampanna aur santushta। teachers ka title hai santushtamniyaan। aise hain na? sada santushtamni।

madhuban nivaasiyon se -madhuban vaale kya karenge? madhuban vaalon ko baapdaada seva ki mubaarak sada dil se padamguna dete hain, ab bhi de rahe hain। ab madhuban vaalon ko aage kya karna hai? vishesh ye paath pakka karna hai ki madhuban nivaasi har karma mein, har sankalp mein vishesh hero paartadhaari hain। madhuban ki stage par nahin, lekin vishwa ki stage par sankalp, bol aur karma mein hero paartadhaari। to hero actor ke oopar na chaahte bhi sabki najar hoti hai aur hero actor thoda bhi neeche oopar karta hai to haahaakaar ho jaata hai। aur achha karta hai to vaah­vaah ho jaati hai। to madhuban vaale zero ke saath rahne vaale sada hero part bajaane vaale। madhuban mein sab aa gaye, hospital bhi aa gai to gyaan sarokar bhi aa gaya, talahti bhi aa gai, sab aa gaye, jo bhi aath bhujaayen hain sab aa gaye। samjha? madhuban nivaasi naam sunkar sab kitna aapko pyaar karte hain, kahaan bhi chale jaao, kahaan se aaye hain? madhuban vaale hain। jaise madhuban vaala baba mashhoor hai aise madhuban vaale bhi mashhoor hain। aise samajhte ho na! achha hai, nasha to hai madhuban vaalon ko।

achha, mela nirvighna ho gaya? kal to chalaachli ka mela shuru hoga। milan ka mela samaapta ho gaya, abhi chalaachli ka mela hoga। dekho, kya nahin aap kar sakte ho! jo chaahe vo kar sakte ho! dekh liya na! jo sun karke samajhte the pata nahin kya hoga, kaise hoga…? aur abhi kya kehte hain? ye to kuchh bhi nahin hai। abhi ye common ho gaya na! ki gujraat vaalon ko bahut mehnat lagi? mehnat karni padi? nahin, achha laga। prize milne yogya kaarya kiya hai। baapdaada dil ke yaad­pyaar ki prize gujraat ko de rahe hain। achha, ismen jo maataayen savere se lekar roti banaati hain, haath thak jaate honge, to baap­daada donon aise sevaadhaari maataaon ke baahon ki masaaj kar rahe hain। roti banaane vaale khade ho jaao। haan, bahut taali bajaao। sabji kaatne vaale bhi hain। sabji kaatne vaale utho। sabse mushkil kaam jo hai vo hai garmeemen itna samay gas ke aage thaharkar roti pakaana। to mubaarak ho, mubaarak। khaane vaale nahin hote to ye kya karte! dekho khaane vaalon se hi to raunak hai। jaise mandiron mein ghante bajte hain na, jo jaata hai ghante bajaata hai to is mele mein bartanon ke ghante bajte rehte hain। achhi scene hoti hai, jab bartan dhulaai karte hain na to bahut ghante bajte hain bartanon ke। to kamaal to khaane vaalon ki hai na!

madhuban vaalon ne bhi bahut mehnat ki। gujraat ko bhi sahayog dene vaale to madhuban vaale hain। bahut sahayog diya hai na। mela nirvighna samaapta ho jaaye - is dridh sankalp se bahut kiya hai। madhuban vaalon ne sahayog diya hai na ya tang kiya hai? madhuban vaale tang nahin karte, sabko khush karte hain।

baapdaada to T. vi. mein dekhte hain na, to ye dekha ki koi ki shakla ke poj is baari jyaada badli nahin hue hain। majority theek rahe hain, khushi khushi se seva ki hai। agar thoda bahut hua bhi hai to sahan shakti, samaane ki shakti achhi use ki hai isliye mubaarak hai। achha, garmeelgi? ki pata hi nahin pada, aap baapdaada ke yaad ki lahron mein lahra rahe the। tent mein sote ho ya baapdaada ki godi mein sote ho? tent mein to nahin na! tent ud jaaye to bhi koi harja nahin, godi to hai na! lekin pahle thoda daraaya abhi prakriti bhi samajh gai ye hatne vaale nahin hain। agar chhat ud jaayegi to doosri chhat aa jaayegi।

achha, double videshi kya karenge? abhi thode ho, sikeeldhe ho। to double videshi sada apne chehre ko, soorat ko chalta phirta myujayam banaayenge। aapke naynon ko koi dekhe to naynon dvaaraaharshit roohaaneeaakarshit moorta ka chitra dekhe। saadhaaran nayan nahin dekhe। divya nayan। jin divya naynon mein sada baap bindu dikhaai de। to aapke nayan chaltaaphirta museum ban jaayen। aapka mastak aatma saakshaatkaar karaaye। aapke onth sarva ko muskaraana sikha den। aise chaaron or chaitanya museum apni seva karte rahen। karne vaale ho na? achha hai। umang­utsaah to achha hai hi aur sada umang­utsaah mein aage badhte rahenge।

double videshiyon ko mele mein milne mein maja aaya? sirf videsh ki season to dekhte hi rehte ho lekin itna parivaar to dekhte nahin ho to double phaayda ho gaya। baapdaada se milna ho gaya aur parivaar se bhi milna ho gaya। to lucky ho। achha, foreign ke koi bhi centres par rahne vaale teachers haath uthaao। jo bhi chaaron or seva mein nimitta rehte hain un sabko baapdaada shreshtha seva ke bhaagyavaan samajhte hain। seva ka bhaagya praapta hona ye bahut bada bhaagya hai। seva mein pratyakshaphal praapta hone ka anubhav bahut sahaj hota hai। abhi­abhi seva ki aur abhi­abhi sthiti mein aage badhte rahe। agar nihsvaartha seva ki to seva ka phal milta hai। svaartha ka phal nahin milta hai। lekin aap sabhi sevaadhaari ho। isliye seva ka phal avashya milta hai। bhavishya to kuchh nahin hai, abhi ka pratyakshaphal aatma ko udti kala ka bal deta hai। isliye baapdaada nimitta sevaadhaariyon ko dekh khush hote hain। to shreshtha bhaagyavaan aatmaayen hain aur sada apne shreshtha bhaagya dvaara anekon ke bhaagya ko jagaate rahenge। achhe hain, athak seva karte hain। baapdaada ke paas sabka record hai। aise nahin, baapdaada ke paas to ham jaate hi nahin, aate hi nahin, pata hi nahin… ye to nahin sochte। jo gupta hain vo sada naynon mein hain। gupta nahin rah sakte ho, baap ke aage pratyaksha ho। chaahe naam ho, nahin ho, saamne aao, nahin aao, lekin saamne ke bajaay nayno mein samaaye ho। samjha?

chaaron or ke sarva roohaani purity ki personality vaale vishesh aatmaon ko, sada aadi se ant tak personality ki jhalak dikhaane vaali shreshtha aatmaayen, sada pavitrata, svachchhata, satyata ke shakti se sva ko aur vishwa ko parivartan karne vaale vishwa parivartak aatmaayen, sada nimitta bhaav se sevaadhaari ban pratyakshaphal anubhav karne vaale anubhvi aatmaon ko baapdaada ka yaad­pyaar aur namaste।

daadiyon se - achha raha mela? koi takleeph to nahin hui na? sabke shubh sankalp aur umang­utsaah ke sankalp se saphalta hai hi hai। yeh sangathan ka sankalp aise hota hai jo asphalta ko mita deta hai। jaise kila hota hai na to kila kamzor tab hota hai jab ek bhi eet hilti hai। aur sab eete majboot hain to kila kabhi hil nahin sakta। vijay hai। to ye bhi sangathan se umang­utsaah aur shreshtha sankalp se, sahayog se saphalta hui padi hai। achha laga aur samay prati samay aur anubhav karte jaate hain। pahle question uthta tha hoga? lekin jo socho usmein saphalta hai hi। to saphalta moorta ka vardaan sangathan ki shakti ko milta hai। baapdaada sadaagudmorning, good night karte hain। achha double videsh ud raha hai na। achha hai।