Avyakt murli for Thursday 6 March 1997

>

06-03-97 om shanti avyakt baapdaadaamdhuban

shivjayanti ki gift- mehnat ko chhod muhabbat ke jhoole mein jhoolo

aaj svayan shiv pita apne chaaron or ke aaye hue bachchon se apni jayanti manaane aaye hain। kitna bachchon ka bhaagya hai jo svayan baap milne aur manaane aaye hain। duniya vaale to pukaarte rehte hain - aao,kab aayenge,kis roop mein aayenge, aahvaan karte rehte hain aur aap bachchon se svayan baap manaane ke liye aaye hain। aisa vichitra drishya kabhi svapna mein bhi nahin socha hoga, lekin aaj saakaar roop mein manaane ke liye bhaag-bhaag kar pahunch gaye ho। baap bhi chaaron or ke bachchon ko dekh harshit hote hain - vaah saaligraam bachche vaah! vaah saakaar svaroopdhaari hovanhaar pharishta so devta bachche vaah! bhakta bachchon aur aap gyaani tu aatma bachchon mein kitna antar hai। bhagat bhaavna ka, alpakaal ka phal paakar khush ho jaate hain। vaah-vaah ke geet gaate rehte hain aur aap gyaani tu aatmaayen bachche thoda sa alpakaal ka phal nahin paate lekin baap se poora varsa le,varse ke adhikaari ban jaate ho। to bhakta aatmaayen aur gyaani tu aatma bachchon mein kitna antar hai! manaate bhakta bhi hain aur manaane aap bhi aaye hain lekin manaane mein kitna antar hai! shiv jayanti manaane aaye ho na! bhaag-bhaag kar aaye hain koi America se,koi london se, koi Australia se, koi eshiya se, kitna sneh se aakar pahunche hain। to baapdaada,baap ki jayanti saath mein bachchon ki bhi jayanti hai, to baap ke saath bachchon ke bhi jayanti ki mubaarak ho, mubaarak ho,mubaarak ho। kyonki akela baap is saakaar duniya mein sivaae bachchon ke koi bhi kaarya kar nahin sakta। itna bachchon se pyaar hai। akela kar hi nahin sakta। pahle bachchon ko nimitta banaate phir backbone hokar va combined hokar,karaavanhaar hokar nimitta bachchon se kaarya karaate hain। saakaar duniya mein akela,bachchon ke bina nahin pasanda karta। niraakaari duniya mein to aap bachche baap ko akela chhodkar chale jaate ho। baap ki aagya se hi jaate ho lekin saakaar duniya mein baap bachchon ke bina rah nahin sakte। bachche zaroor saath chaahiye। bachchon ka bhi vaayda hai saath rahenge,saath chalenge - sirf niraakaari duniya tak।

baapdaada dekh rahe the ki sabhi bachchon ko baap ki jayanti manaane ka kitna umang-utsaah hai। to baap bhi dekho bachchon ke sneh mein aapke saath saakaar shareer ka loan lekar pahunch gaye hain। isko kehte hain alaukik pyaar। bachche baap ke bina nahin rah sakte aur baap bachchon ke bina nahin rah sakte। pyaar bhi ati hai aur phir nyaare bhi ati hain, iseelie baap ki mahima hi hai nyaara aur pyaara। bachche baap ke liye bahut prakaar ki gift chaahe card, chaahe koi cheeze, chaahe dil ke umang ke patra, jo bhi laaye hain baap ke paas aaj ke din vatan mein sab gift ka museum laga hua hai। aapka museum hai seva ka aur baap ka museum hai sneh ka। to jo bhi sabhi laaye hain va bheje hain sabka sneh sampanna gift baap ke paas abhi bhi museum laga hua hai। jinhon ko dekh-dekh baap harshaate rehte hain। cheez badi nahin hai lekin jab cheez mein sneh bhar jaata hai to woh chhoti cheez bhi bahut mahaan ban jaati hai। to baapdaada cheez ko nahin dekhte hain, kaagaj ke card ko ya patra ko nahin dekhte hain lekin usmein samaaye hue dil ke sneh ko dekhte hain। iseelie kaha ki baap ke paas sneh ka museum hai। aisa museum aapke world mein nahin hai। hai aisa museum?nahin hai। jab baap ek- ek pyaar ki gift ko dekhte hain to dekhte hi bachche ki soorat usmein dikhaai deti hai। aisa camera hai aapke paas? nahin hai। gift ko dekhte hue baapdaada ko ek shubh sankalp utha, bataayen?karna padega। karenge, taiyaar hain? sochna nahin।

baapdaada ko sankalp utha yeh gift to baap ke paas pahunch gai lekin saath mein baapdaada ko ek aur bhi gift chaahiye। aap logon ki gift bahut achhi hai lekin baapdaada ko aur bhi chaahiye। to denge gift?vaise bhi yeh jo yaadgaar manaate hain, shiv jayanti arthaat kuchh na kuchh arpan karte hain। balihaar jaate hain। to baapdaada ne socha, balihaar to sab bachche gaye hain। balihaar ho gaye hain ya abhi thoda-thoda apne paas sambhaalkar rakha hai? aaj ke din vrat bhi lete hain। to baapdaada ko sankalp aaya ki bachche jo kabhi-kabhi thoda sa chalte-chalte thak jaate hain,mehnat bahut mahsoos karte hain ya nirantar yog lagaana mushkil anubhav karte hain, sochte hain ho to jaayega… baap ko dilaase dete hain - aap phikar nahin karo,ho jaayega। lekin baapdaada ko bachchon ki thakaavat va akelaapan ya kabhi-kabhi, koi-koi thoda sa dilshikasta bhi ho jaate hain,pata nahin hamaara bhaagya hai ya nahin hai … kabhi-kabhi aisa sochte hain to yeh baap ko achha nahin lagta। sabse jyaada baap ko bachchon ki mehnat achhi nahin lagti। maalik aur mehnat! baap ke bhi baalak so maalik hain। bhagwan ke bhi maalik aur phir mehnat karen! to achha lagega?sunna bhi achha nahin lagta। to baap ko sankalp aaya ki bachche birth de ki gift to zaroor dete hi hain to kyon nahin aaj ke din sabhi bachche yeh gift ke roop mein den। woh sthool gift jo di woh to vatan mein emerge ho gai, lekin niraakaari duniya mein to yeh gift emerge nahin hogi। vahaan to sankalp ki gift pahunchti hai। to baap ko sankalp aaya ki aaj ke din sab bachchon se gift leni hai। to gift denge ya dekar phir vahaan jaakar vaapas le lenge?kahenge,madhuban ka madhuban mein raha aur apne desh mein apna desh hai, aise to nahin karenge?bachche bade chatur ho gaye hain। baap ko kehte hain ki ham chaahte to nahin hain vaapas aaye,lekin aa jaati hai। aa jaati hai to aap sveekaar kyon karte ho?aa jaati hai yeh right hai,lekin koi cheez aapko pasanda nahin hai aur koi jabardasti bhi de to aap lenge ya vaapas de denge? vaapas denge na? to sveekaar kyon karte ho? maaya to vaapas laayegi lekin aap sveekaar nahin karo। aisi himmat hai? sochkar kaho। phir vahaan jaakar nahin kehna - baba kya karoon, chaahte nahin hain lekin ho gaya। aise patra to nahin likhenge?aapki himmat aur baap ki madad। himmat kam nahin karna phir dekho baap ki madad milti hai ya nahin। sabhi ko anubhav bhi hai ki himmat rakhne se baap ki madad samay par milti hai aur milni hi hai,guarantee hai। himmat aapki madad baap ki। to sankalp kya hua? chehre dekh rahe hain - himmat hai ya nahin hai! himmat vaale to ho, kyonki agar himmat nahin hoti to baap ke bante nahin। ban gaye - isse siddha hota hai ki himmat hai। sirf chhoti si baat karte ho ki samay par himmat ko thoda sa bhool jaate ho। jab kuchh ho jaata hai na to peechhe himmat va madad yaad aati hai। samay par sab shaktiyaan,samay pramaan use karna isko kaha jaata hai gyaani tu aatma, yogi tu aatma।

baapdaada ko ek baat ki bahut khushi hai,pata hai kis baat ki? bolo।(bahuton ne sunaaya) sab theek bol rahe ho lekin baap ka sankalp aur hai। aap bahut guhya suna rahe ho,knowledgeful ho gaye ho na।

baapdaada khush ho rahe the ki kai bachchon ne patra aur chitki likhi hai ki ham 108 mein aayenge, bahut chitkiyaan aai hain। baapdaada ne socha jab itne108 mein aayenge, to108 ki maala paanch ladiyon ki banaani padegi। to 5- 6-7-8 ladiyon ki maala banaayen na? jinhonne sankalp kiya hai, lakshya rakha hai bahut achha hai। lekin sirf is sankalp ko beech-beech mein dridh karte rehna। dheela nahin karna। aise to nahin kahenge maaya aa gai - ab pata nahin aayenge ya nahin! pata nahin, pata nahin…nahin karna। pata kar liya, aana hi hai। dridhta ka thappa lagaate rehna। haan mujhe aana hi hai, kuchh bhi ho jaae, mera nishchay atal hai,akhanda hai। aisa atal-akhanda nishchay hai? to maaya ko hilaane ke liye bhejen? nahin?darte ho?maaya aapse darti hai aur aap maaya se darte ho?maaya apne darvaaje dekhti hai, yahaan khula hua hai,yahaan khula hua hai। dhoondhati rehti hai। aap ghabraate kyon ho? maaya kuchh nahin hai। kuchh nahin kaho to kuchh nahin ho jaayegi। aa nahin sakti, aa nahin sakti,to aa nahin sakti। kya karen…? to maaya ka darvaaja khola,aahvaan kiya। to achhi baat hai ki bahut bachchon ne 108 mein aane ki promise kiya hai। kiya hai na? jinhonne kaha hai ki ham 108 mein aayenge - woh lamba haath uthaao। achhi tarah se drill karo। bahut achha,mubaarak ho। yeh nahin socho ki 108 mein kitne aayenge,ham kahaan aayenge - yeh nahin socho। pahle ginti karne lag jaate hain - daadi aayengi,deedi aayengi, phir daade bhi aayenge, advance party vaale bhi aayenge। hamaara number aayega ya nahin, pata nahin! baapdaada ne kaha ki baapdaada 8-10 ladon ki maala bana denge, isliye aap yeh chinta nahin karo। auron ko nahin dekho,aapko number mil hi jaana hai, yeh baap ki guarantee hai। aap kinaara nahin karna। maala ke beech mein dhaaga khaali nahin karna। ek daana beech se toot jaae, nikal jaae to maala achhi nahin lagegi। sirf yeh nahin karna,baaki baba ki guarantee hai aap zaroor aayenge।

aaj to manaane aaye hain, murli chalaane thode hi aaye hain। to aur jo bhi ho woh maala mein aa jaao, 108 ki maala mein sabko welcome hai। yeh to bhakti maarga vaalon ne 108ki maala bana li। baapdaada to kitni bhi badha sakta hai। sirf ismen gift to baap zaroor lega, gift ko nahin chhodega। chhoti si gift hai koi badi nahin hai, kyonki baap ne sabhi bachchon ka 6 maas ka chart dekha। to kya dekha?agar koi bhi bachche thoda bhi neeche-oopar hote hain, achal se halchal mein aate hain to uska kaaran sirf 3baaten mukhya hain, vahi teen baaten bhinna-bhinna samasya ya paristhiti bankar aati hain। woh teen baaten kya hain?

ashubh va vyartha sochna। ashubh va vyartha bolna aur ashubh va vyartha karna। sochna, bolna aur karna - ismen time vesta bahut hota hai। abhi vikarma kam hote hain,vyartha jyaada hote hain। vyartha ka toofaan hila deta hai aur pahle soch mein aata hai, phir bol mein aata hai, phir karma mein aata hai aur result mein dekha to kisi ka bol aur karma mein nahin aata hai lekin sochne mein bahut aata hai। jo samay banaane ka hai, woh sochne mein beet jaata hai। to baapdaada aaj yeh teen baaten sochna, bolna aur karna - inki gift sabhi se lene chaahte hain। taiyaar hain? jinhonne de di woh haath uthaao। haath ka video achhi tarah se ek-ek side ka nikaalo। bada haath uthaao। drill nahin karte ho iseelie mote ho jaate ho। achha-sabhi ne yeh de diya। vaapas nahin lena। yeh nahin kehna ki mukh se nikal gaya,kya karen?mukh par dridh sankalp ka button laga do। dridh sankalp ka button to hai na? kyonki baapdaada ko bachchon se pyaar hai na। to pyaar ki nishaani hai, pyaar vaale ki mehnat dekh nahin sakte। baapdaada to us samay yahi sochte ki baapdaada saakaar mein jaakar inko kuchh bole,lekin ab to aakaari, niraakaari hai। bilkul sabhi mehnat se door muhabbat ke jhoole mein jhoolte raho। jab muhabbat ke jhoole mein jhoolte rahenge to mehnat samaapta ho jaayegi। mehnat ko khatma karen, khatma karen nahin socho। sirf muhabbat ke jhoole mein baith jaao, mehnat aapehi chhoot jaayegi। chhodne ki koshish nahin karo, baithne ki, jhoolne ki koshish karo।

shiv jayanti arthaat bachchon ke mehnat samaapta ki jayanti। theek hai na? baap ko bhi bachchon par faith hai। pata nahin kaise koi-koi kinaara kar lete hain jo baap ko bhi pata nahin padta। chhatrachhaaya ke andar baithe raho। brahman jeevan ka arth hi hai jhoolna, maaya mein nahin। maaya bhi jhulaati hai। amritvele dekho maaya aise jhulaati hai jo sookshm vatan mein aane ke bajaae, niraakaari duniya mein aane ke bajaae nidraalok mein chale jaate hain। kehte hain yog double light banaata hai lekin maatha bhaari ho jaata hai। to maaya bhi jhoola jhulaati hai lekin maaya ke jhoole mein nahin achaanak ke paper mein paas hona hai to albelepan ko chhod alert bano। 42 jhoolna। aadhaakalpa to maaya ke jhoole mein khoob jhoolkar dekha hai na। kya mila? mila kuchh?thak gaye na! abhi ateendriy sukh ke jhoole mein jhoolo, khushi ke jhoole mein jhoolo। shaktiyon ki anubhootiyon ke jhoole mein jhoolo। itne jhoole aapko mile hain jo yahaan ke prince-princess ko bhi nahin honge। chaahe jis jhoole mein jhoolo। abhi prem ke jhoole mein jhoolo, abhi aanand ke jhoole mein jhoolo। abhi gyaan ke jhoole mein jhoolo। kitne jhoole hain! anginat। to jhoole se utro nahin। jo laadle hote hain na to maambaap yahi chaahte hain ki bachche ka paanv mitti mein nahin pade ya godi mein ho ya jhoole mein ho ya galeechon mein ho। mitti mein paanv nahin jaaye। aise hota hai na?to aap kitne laadle ho! aap jaisa laadla koi hai? parmaatma laadle bachche agar dehbhaan mein aate hain to deh kya hai? mitti hai na! deh ko kya kehte hain?mitti,mitti mein mil jaayegi। to yeh mitti hai na। mitti mein paanv kyon rakhte ho? mitti achhi lagti hai?kai bachchon ko mitti achhi lagti hai,kai mitti khaate bhi hain। lekin aap nahin khaana, paanv bhi nahin rakho। sankalp aana arthaat paanv rakhna। sankalp mein bhi deh-bhaan nahin aave। socho, yaad rakho ki ham kitne laadle hain, kiske laadle hain! satayug mein bhi parmaatma laadle nahin honge। divya aatmaon ke laadle honge। lekin is samay parmaatma baap ke laadle ho। to bachchon ne himmat ke haath se gift di isliye baapdaada uski thanks karte hain, shukriya,dhanyavaad।

achha - aaj double videshiyon ka vishesh din hai। aaye bhi bahut hain। jo double videshi baithe hain woh haath uthaao। haal mein pauna hissa double videshi hain। baap bhi svaagat karte hain bhale aaye,sada aao। dekho, bachche badhte jaate hain aur prithvi chhoti hoti jaati hai। jab yeh haal bana tha to sochte the itna haal bharega?abhi haal to kya lekin kitni neeche geeta paathshaalaayen ban gai hain। bahut bachche neeche baithe hain। (madhuban mein murli sun rahe hain) abhi dekho neeche (shaantivan) ka haal banaaya to bhi kehte hain ki sankhya deni padegi। itna bada haal kyon banaaya?sankhya dene ke liye ya freedom dene ke liye?isse kya siddha hota hai? aap sabhi ko vishwa ka maalik banna hai। to vishwa ka maalik banne vaale itne bade,unke liye sab chhota ho jaata hai। haal to kuchh bhi nahin hai,saari vishwa aapko milni hi hai।

(baapdaada ne drill karaai) man ke maalik ho na! to second mein stop, to stop ho jaae। aisa nahin aap kaho stop aur man chalta rahe, isse siddha hai ki maalikpan ki shakti kam hai। agar maalik shaktishaali hai to maalik ke direction bina man ek sankalp bhi nahin kar sakta। stop, to stop। chalo,to chale। jahaan chalaane chaaho vahaan chale। aise nahin ki man ko bahut samay ki vyartha taraph chalne ki aadat hai, to aap chalaao shuddh sankalp ki taraph aur man jaaye vyartha ki taraph। to yeh maalik ko maalikpan mein chalaana nahin aata। yeh abhyaas karo। check karo stop kahne se,stop hota hai? ya kuchh chalkar phir stop hota hai? agar gaadi mein brake lagaani ho lekin kuchh samay chalkar phir brake lage, to woh gaadi kaam ki hai? draaiv karne vaala yogya hai ki accident karne vaala hai? brake,to phauran second mein brake lagni chaahiye। yahi abhyaas karmaateet avastha ke sameep laayega। sankalp karne ke karma mein bhi full paas। karmaateet ka arth hi hai har subject mein full paas। 75 percent, 90 percent bhi nahin, full paas। yeh avastha tab aayegi jab apne anubhav mein sarva shaktiyon ka stock practical use mein aave। pahle bhi sunaaya - sarva shaktiyaan baap ne di, aapne li lekin samay par use hoti hain ya nahin,sirf stock hi hai! sirf stock hai lekin samay par use nahin hua to hona ya na hona ek hi baat hai। yeh anubhav karo paristhiti bahut naajuk hai lekin order diya man buddhi ko ki nyaare hokar khel dekho to paristhiti aapke is achal sthiti ke aasan ke neeche dab jaayegi। saamna nahin karegi। aasan nahin chhodo,aasan mein baithne ka abhyaas hi sinhaasan praapta karaayega। agar aasan par baithna nahin aata hai,kabhi-kabhi baithna aata hai to sinhaasan mein bhi kabhi-kabhi baithenge। aasan hi sinhaasan praapta karaata hai। ab aasan hai phir sinhaasan hai। halchal vaala aasan par ekaagra hokar baith nahin sakta। iseelie kaha vyartha samaapta, ashubh samaapta - to achal ho jaayenge aur achal sthiti ke aasan par sahaj aur sada sthit ho sakenge। dekho aap sabka yaadgaar yahaan achalghar hai। achalghar dekha hai na?yeh kiska yaadgaar hai? aap sabke sthiti ka yaadgaar yeh achalghar hai। anubhav karo, trial karte jaao, use karte jaao। aise nahin samajh lena,haan sab shaktiyaan to hain hi। samay par use hon। use nahin karenge to laukik kaarya karte samay par dhokha mil sakta hai। isliye chhoti-moti paristhiti mein use karke dekho। paristhitiyaan to aani hi hain,aati bhi hain। pahle bhi baapdaada ne kaha hai ki vartamaan samay anubhav karte hue chalo। har shakti ka anubhav karo, har gun ka anubhav karo। aise anubhvi moorta bano jo koi bhi aave to aapke anubhav ki madad se us aatma ko praapti ho jaae। din-pratidin aatmaayen shaktiheen ho rahi hain, hoti rahengi। aisi aatmaon ko aap apni shaktiyon ki anubhooti yon se sahaara ban anubhav karaayenge। achha। maalik hain na! to maalekam salaam,baap kehte hain - maalikon ko salaam। achha।

(66 deshon se baba ke bachche aaye hain) 66 deshon ke bachchon ko padamguna mubaarak ho। aakhir to vishwa mein aap hi chaaron or phail jaayenge। jahaan dekhenge vahaan saphed vastradhaari pharishte dikhaai denge। achha।

America:-America ke kitne deshon se aaye hain? (19) 19 deshon ke haath uthaao। America kya jalva dikhaayenge?dekho naam bahut achha hai- America maana aa mere aa। to America sabhi khoye hue bachchon ko aa mere, aa mere kahke baap ka bana denge। aise hai na? badh rahe hain na vahaan? badhte rahenge।

aphreeka:-(aphreeka ke 13 desh vaale aaye hain) sab haath uthaao। isme south aphreeka,Mauritius bhi hai? aphreeka kya karenge?aphreeka aaphreen ke laayak banenge। seva ka aisa nagaada bajaayenge jo chaaron or se yahi nikle aaphreen hai, aaphreen hai।

eshiya:-(eshiya ke 13 deshon se aayen hain) eshiya kya karega? sarva aatmaon ki aashaayen poori kare। jab sab aatmaon ki aashaayen poori hongi to sab kahenge vaah eshiya vaah!

Europe:-(Europe ke 17 deshon se aaye hain) usmein london bhi hai? Europe to videsh ka foundation hai। to foundation sada hi sabki nazron mein aata hai ki foundation kitna pakka hai! Europe se hi foundation phaila hai aur bhinna-bhinna shaakhaayen phaili hain। pahle number mein do patte nikalte hain,jab beej daalte hain to do patte nikalte hain। to pahle centre kaun se nikle? london aur saath mein haangakaang। to do patton ki hi kamaal hui na। do patton se tana nikla,tana se daaliyaan nikli, daaliyon se shaakhaayen nikli aur double videsh ka vriksha hara bhara ho gaya। to Europe ke do patte london aur haangakaang ko bahut-bahut padamguna mubaarak ho। (Europe vaale haath uthaao) pahle patte hain to vistaar to hoga na।

middle east:- (3deshon se aaye hain) yeh achhe hain, abhi-abhi aage badh rahe hain। abhi thode hain, abhi middle ko model lena chaahiye। itni seva badhaao jo sab desh vaale aapko middle nahin,model lene vaale kahen। badhaayenge na?vishwa ka kalyaan hona hai to middle vaalon ka kalyaan to karna hi hai। nahin to vishwa ka ek kona chhoota rah jaayega to achha nahin hai। iseelie jab bhi koi aapko kahe na middle east hai to kaho nahin model east hai।

Russia:-Russia ke total haath uthaao। achhe hain। Russia vaale kya karenge?Russia mein jyaada samay kamyunista ka raajya raha hai aur abhi Russia mein devtaaon ka raajya hoga kyonki bhaarat ke najdeek hai na। to bhaarat ke aaspaas aa jaayega, svarga ban jaayega। jo door door desh hain, woh door honge। Russia najdeek hai, to devtaaon ka raajya abhi to nahin hai lekin bahut samay kamyunista ka raha hai na,abhi svatantra hai। abhi phir raaja-raani ka raajya hoga। raaja-raani ka raajya pasanda hai? bahut achha। vriddhi bahut jaldi-jaldi ho rahi hai। baapdaada seva se khush hain। Russia vaalon ne kaha tha na ki ham baapdaada ko phoolon ki pankhudiyaan daalenge, to aise haath kar lo,dull gai aur hi khushbu aa gai। dil ke sneh ke pushpa baap ke paas pahunch gaye। achha।

Australia-Australia haath uthaao। Australia ke kam aaye hain। Australia ko abhi first jaana hai। Australia mein baapdaada ke bahut achhe aadi ratna hain lekin abhi thode gupta ho gaye hain। bhatthi mein chale gaye hain। abhi retreat house mila hai na to abhi baahar aayenge। phir Australia ka jhunda dikhaai dega। Australia nakshe mein bahut bada hai to brahman parivaar mein bhi bada hoga। thoda bhatthi mein pak rahe hain। Australia se baapdaada ka bahut pyaar hai kyonki london aur Australia ki race thi, london se bhi jyaada sankhya Australia ki thi, abhi gupta ho gaye hain। pratyaksha honge। abhi unknown hain, velnon ho jaayenge। achha।

double videshi refresh ho gaye? aapke liye khaas baapdaada aaye hain। double videshiyon se double pyaar hai।

first time vaalon se:- first time vaale haath uthaao। bahut hain। aaj baap ki jayanti hai to aap jo pahli baari aaye hain,to baap unhon ka bhi vishesh aaj ke din naya birth de mana rahe hain। birth de ka geet gaao। achha hai। alaukik birth de ki padamguna mubaarak ho, badhaai ho। achha।

(aaj shivbaaba ke birth de par brahma baba ne kaun si gift baap ko di?)

brahma baap ne sab pahle hi de di hai, kuchh rakha hi nahin। jab sampoorn banen tab sab de di। uske paas kuchh hai hi nahin। bachchon ke paas chhipa hua hai tab to denge। abhi sirf brahma baap aap bachchon ka intajaar kar raha hai। roz baanhe pasaar kar aao bachche, aao bachche kehte hain। to baap samaan bano aur chalo vatan mein। paramdham ka darvaaja hi nahin kholte hain। aapke liye rooka hua hai। brahma baba to beech-beech mein kehte hain, darvaaja kholo, darvaaja kholo। lekin baap kehte hain abhi thoda rooko,thoda rooko।

achha-double videshi sab achhi tarah se mile na! bada parivaar to bade parivaar mein sab baantana padta hai। chhote parivaar mein to chhote mein baanta jaata hai। bada ho gaya to bade ke anusaar hi baanta jaata hai। aap socho bada nahin ho to raajya kis par karenge! 5-10 par karenge kya? itne108 maala ke daane taiyaar ho gaye hain, to log to chaahiye jis par raajya karo। iseelie bada parivaar hona hi hai। achha।

chaaron or ke ati-ati bhaagyavaan bachche jo svayan shiv baap se shivjayanti mana rahe hain, aise padamguna to kya lekin jitna bhi jyaada mein jyaada kaho woh bhi thoda hai। aise mahaan bhaagyavaan aatmaayen, sada baap ki aagya par har kadam rakhne vaale baap ke snehi aur sameep aatmaayen,sada maalikpan ke achal aasan nivaasi so bhavishya sinhaasan nivaasi shreshtha aatmaon ko,sada baap ke saath-saath mauj se muhabbat ke jhoole mein jhoolte hue saath chalne vaale aise baapdaada ke saathi bachchon ko baapdaada ka birth de ki mubaarak aur yaadapyaar sveekaar ho, baap ka sabhi maalikon ko namaste।

daadiyon se:- apne-apne aasan par baith jaao, chhoti si raaj darbaar hai na। svaraajya adhikaari raajaayen apni darbaar mein baith jaao। (sabha se) aap sabhi ko bhi raaj darbaar achhi lagti hai na? yeh sangam ki darbaar hai। aap sabhi bhi neeche nahin baithe ho, oopar baithe ho। dekho yeh sinhaasan par hain aur aap sabhi dil ke sinhaasan par hain। yeh sinhaasan to chhota hai, dil ka sinhaasan to bahut bada hai।

(nirvair bhaai ne baapdaada ko guldasta diya aur mubaarak di)aapko bhi mubaarak। sabhi paandavon ki taraph se yeh aapki yaad le aaye iseelie paandavon ko khaas mubaarak ho। shaktiyon ki taraph se to bahut shaktiyaan aai hi hain isliye bahut-bahut mubaarak।

aap logon ko nasha rehta hai na ki ham sinhaasan ke adhikaari hain?aaj pharishte aur kal takhtansheen। ek ek bachcha takhtansheen banna hi hai। aise nahin samajhna ham shaayad praja mein jaayenge,nahin। royal family mein aana hi hai। jab baap ke bane ho to sangamayug ke varse ke saath chaahe raaja bano,chaahe royal family ke banon। banna hi hai। raajya parivaar mein aana hi hai। samjha।

double videshiyon ke beech mein bhaaratvaasi chhip gaye hain। bhaaratvaasi haath uthaao। bhaaratvaasi to har ek ke mukh par hain hi। bhaarat mahaan hai,bhaarat svarga hai, bhaarat ooncha hai। to bhaaratvaasi to oonche hain hi lekin bhaaratvaasi mahaadaani hain,double videshiyon ko chance dete hain isliye mahaadaani bhavah।

(baba bhi bhaarat ka hai) baba vishwa ka hai, sirf bhaarat ka nahin hai। vishwa kalyaankaari hai, bhaarat ka kalyaankaari to chhota ho jaayega। vishwa kalyaankaari arthaat vishwa ka baap hai। bhaarat to had ho jaayegi। isliye baap svarga mein nahin aata, had ho jaayegi na। behad ka baap behad mein hi rehta hai। double videshi sada sarva vardaanon se bharpoor bhavah। baapdaada jaante hain kitni mehnat se ek-ek dollar kaho ya jo bhi mani hai,woh jama karke aate hain। mehnat aur mushkilaat bhaaratvaasiyon ko hai, videshiyon ko to plen mein baithe aur aa gaye। bhaaratvaasiyon ko to train aur bason mein aana padta hai lekin ek-ek dollar jama karne ki jo tact (yukti) hai,woh double videshiyon mein jyaada hai।

shaantivan ke liye bhi apne pet ki roti bachaakar ke bhi kar rahe hain। baapdaada jaante hain khud daal roti khaayenge, shaantivan mein bhejenge। chaahe bhaaratvaasi bhi,chaahe videshi - sabki gyaan sarovar chaahe shaantivan mein jaan lagi hui hai। dil se pyaar hai। (aage kya hona hai?) aage bhi ho jaayega। shaantivan bhi abhi poora bana nahin hai iseelie next nahin kehte hain।

(vinaash ke pahle ek-ek kaanteenent mein ek-ek baar baba aaye)dekho, drama। baap london mein bhi aaye, lekin madhuban ki mahima to madhuban ki hai। aage chalkar kya hota hai, woh bataane se maja khatma ho jaayega। iseelie dekho aage kya hota hai! achha, saugaat ko paarsal kar diya! vaapas nahin lena। achha-double videshi khush hain? double videshi sab aaraam se rahe hue hain? (sabhi bhavan full hain) koi patraani nahin bane hain?abhi patraani banaayenge। aapki jo ataichi hai na, usko bistara banaana, kam se kam takiya to ban sakta hai। yeh bhi drishya achha hoga na, ataichi ka takiya hoga,sab aaraam se vishnu ke maaphik lete hue honge। kitna achha hoga। double videshiyon ko patraani zaroor banaayenge। dekho shuru-shuru mein sthaapna mein pahle yeh sabhi vishesh aatmaayen teen foot ki jagah par soi hain। chaar foot bhi nahin, teen foot, pat mein। vishesh mahaarthi pat mein sote the to jo aadi mein hua woh aap ant mein karenge na! kaaran to nahin bataayenge ki kamar mein darda ho gaya?jab koi bhi darda hota hai na to doctors bhi kehte hain - seedha-seedha pat jaisa soo। bed par nahin soo,sandal par seedha soo to health bhi theek ho jaayegi। yeh to sab ever ready hain। double videshi arthaat double ever ready। achha। khoob manaao।

(baapdaada ne apne haston se jhanda lahraaya tatha sabko shivjayanti ki badhaaeeyaan di)

sabhi bachchon ne shiv pita ka jhanda lahraaya। aise hi jaise is haal mein jhanda lahraaya hai,aise saare vishwa ke haal mein yeh nyaara aur pyaara jhanda jaldi se jaldi lahraayenge। sabke mukh se,dil se yahi geet bajega, aa gaya, aa gaya,hamaara baap aa gaya। sabki dil se khushi ki taaliyaan bajengi। isliye yeh jhanda to nimitta-maatra hai lekin bahut oonche te ooncha baap aa gaya, aa gaya, jo aana tha vo aa gaya। ham sabko le jaane vaala aa gaya, yahi man se jhanda vishwa mein lahrega। aap sab dekhenge aur aap sabko saphed-saphed pharishton ke roop mein dekhenge। baap ke saath aap sabhi ke bhi geet gaayenge। hamaare poojya deveedevta yen aa gaye, aa gaye। sirf aap thoda jaldi taiyaar ho jaao phir bahut jaldi jhanda lahraayenge। phir sabhi pershaani se chhoot jaayenge। achha-sabhi ko pyaare aur nyaare jhande ki mubaarak ho।