Avyakt murli for Saturday 16 December 2000

> 16-12-2000 om shanti avyakt baapdaadaamdhuban

saakshaat brahma baap samaan karmayogi pharishta bano tab saakshaatkaar shuru ho

aaj brahman sansaar ke rachta baapdaada apne brahman sansaar ko dekh-dekh harshit ho rahe hain। kitna chhota sa pyaara sansaar hai। har ek brahman ke mastak par bhaagya ka sitaara chamak raha hai। nambarvaar hote hue bhi har ek ke sitaare mein bhagwan ko pahchaanne aur banne ke shreshtha bhaagya ki chamak hai। jis baap ko rishi, muni,tapasvi neti-neti kahke chale gaye,us baap ko brahman sansaar ki bholi-bhaali aatmaon ne jaan liya,pa liya। yeh bhaagya kin aatmaon ko praapta hota hai? jo saadhaaran aatmaayen hain। baap bhi saadhaaran tan mein aate hain, to bachche bhi saadhaaran aatmaayen hi pahchaanti hain। aaj ki is sabha mein dekho,kaun baithe hain? koi arab-kharbapti baithe hain? saadhaaran aatmaon ka hi gaayan hai। baap gareeb-nivaaj gaaya hua hai। arab- kharbapti nivaaj nahin gaaya hua hai। buddhivaanon ka buddhi kya kisi arab-kharbapti ki buddhi ko nahin palta sakta? kya badi baat hai! lekin drama ka bahut achha kalyaankaari niyam bana hua hai, parmaatma kaarya mein phuri-phuri (boond-boond) talaav hona hai। anek aatmaon ka bhavishya banna hai। 10-20ka nahin, anek aatmaon ka saphal hona hai। iseelie gaayan hai - ‘boond-boond se talaab’। aap sabhi jitna tan-man- dhan saphal karte rehte ho utna hi saphalta ke sitaare ban gaye ho। sabhi saphalta ke sitaare bane ho?bane ho ya abhi banna hai,soch rahe ho?socho nahin। karenge, dekhenge,karna to hai hi…yeh sochna bhi samay ganvaana hai। bhavishya aur vartamaan ki praapti ganvaana hai।

baapdaada ke paas koi-koi bachchon ka ek sankalp pahunchta hai। baahar vaale to bichaare hain lekin brahman aatmaayen bichaare nahin,vichaarvaan hain, samajhdaar hain। lekin kabhi-kabhi koi-koi bachchon mein ek kamzor sankalp uthta hai, bataayen। bataayen? sabhi haath utha rahe hain, bahut achha। kabhi-kabhi sochte hain ki kya vinaash hona hai ya hona nahin hai! 99 ka chakkar bhi poora ho gaya, 2000 bhi poora hona hi hai। ab kab tak?baapdaada sochte hain - hansi ki baat hai ki vinaash ko sochna arthaat baap ko vidaai dena kyonki vinaash hoga to baap to paramdham mein chale jaayenge na! to sangam se thak gaye hain kya? heere tulya kehte ho aur golden ko jyaada yaad karte ho, hona to hai lekin intajaar kyon karte?kai bachche sochte hain saphal to karen lekin vinaash ho jaae kal parson to,hamaara to kaam mein aaya hi nahin। hamaara to seva mein laga nahin। to karen, soch kar karen। hisaab se karen,thoda-thoda karke karen। yeh sankalp baap ke paas pahunchte hain। lekin maanon aaj aap bachchon ne apna tan seva mein samarpan kiya, man vishwa-parivartan ke vibration mein nirantar lagaaya, dhan jo bhi hai, hai to praapti ke aage kuchh nahin lekin jo bhi hai, aaj aapne kiya aur kal vinaash ho jaata hai to kya aapka saphal hua ya vyartha gaya? socho,seva mein to laga nahin, to kya saphal hua?aapne kiske prati saphal kiya? baapdaada ke prati saphal kiya na? to baapdaada to avinaashi hai,woh to vinaash nahin hota! avinaashi khaate mein, avinaashi baapdaada ke paas aapne aaj jama kiya, ek ghanta pahle jama kiya, to avinaashi baap ke paas aapka khaata ek ka padamguna jama ho gaya। baap bandha hua hai,ek ka padam dene ke liye। to baap to nahin chala jaayega na! puraani srishti vinaash hogi na! iseelie aapka dil se kiya hua, majboori se kiya hua,dekhaadekhi mein kiya hua, uska poora nahin milta hai। milta zaroor hai kyonki daata ko diya hai lekin poora nahin milta hai। isliye yeh nahin socho - achha, abhi vinaash to 2001tak bhi dikhaai nahin deta hai,abhi to programme ban rahe hain, makaan ban rahe hain। bade-bade plan ban rahe hain,to 2001 tak to dikhaai nahin deta hai, dikhaai nahin dega। kabhi bhi in baaton ko apna aadhaar banaake albele nahin hona। achaanak hona hai। aaj yahaan baithe hain,ghante ke baad bhi ho sakta hai। hona nahin hai, dar nahin jaao ki pata nahin ek ghante ke baad kya hona hai! sambhav hai। itna ever ready rehna hi hai। shivraatri tak karna hai, yeh socho nahin। samay ka intajaar nahin karo। samay aapki rachna hai, aap master rachta ho। rachta - rachna ke adheen nahin hota hai। samay rachna aapke order par chalne vaali hai। aap samay ka intajaar nahin karo,lekin abhi samay aapka intajaar kar raha hai। kai bachche sochte hain, 6 maas ke liye baapdaada ne kaha hai to 6maas to hoga hi। hoga hi na! lekin baapdaada kehte hain yeh had ki baaton ka aadhaar nahin lo, ever ready raho। niraadhaar,ek second mein jeevanmukti। challenge karte ho ek second mein jeevanmukti ka varsa lo। to kya aap ek second mein svayan ko jeevanmukta nahin bana sakte hain? isliye intajaar nahin,sampanna banne ka intajaam karo।

baapdaada ko bachchon ke khel dekh karke hansi bhi aati hai। kaun se khel par hansi aati hai? bataayen kya? aaj murli nahin chala rahe hain,samaachaar suna rahe hain। abhi tak kai bachchon ko khilaunon se khelna bahut achha lagta hai। chhoti-chhoti baaton ke khilaune se khelna, chhoti baat ko apnaana,yeh samay ganvaate hain। yeh sidescenes hain। bhinnabhinna sanskaar ki baaten va chalan yeh sampoorn manzil ke beech mein sidescenes hain। ismen rookna arthaat sochna, prabhaav mein aana, samay ganvaana, roochi se sunna, sunaana,vaayumandal banaana… yeh hai rookna, isse sampoornata ki manzil se door ho jaate hain। mehnat bahut, chaahna bahut ‘‘baap samaan banna hi hai’’, shubh sankalp, shubh ichchha hai lekin mehnat karte bhi rookaavat aa jaati hai। do kaan hain, do aankhen hain, mukh hai to dekhne mein bhi aata,sunne mein bhi aata, bolne mein bhi aata,lekin baap ka bahut puraana slogan sada yaad rakho - ‘dekhte hue nahin dekho,sunte hue nahin suno। sunte hue nahin socho, sunte hue andar samaao,phailaao nahin।’yeh puraana slogan yaad rakhna zaroori hai kyonki din-pratidin jo bhi sabhi ke jaise puraane shareer ke hisaab chuktu ho rahe hain, aise hi puraane sanskaar bhi,puraani beemaariyaan bhi sabki nikalke khatma honi hai,iseelie ghabraao nahin ki abhi to pata nahin aur hi baaten badh rahi hain, pahle to thi nahin। jo nahin thi,woh bhi abhi nikal rahi hain,nikalni hain। aapke samaane ki shakti,sahan karne ki shakti, sametne ki shakti, nirnay karne ki shakti ka paper hai। kya 10 saal pahle vaale paper aayenge kya? bi.A. ke class ka paper, em.A. ke class mein aayega kya?isliye ghabraao nahin, kya ho raha hai। yeh ho raha hai, yeh ho raha hai… khel dekho। paper to paas ho jaao,paas-with-honour ho jaao।

baapdaada ne pahle bhi sunaaya hai ki paas hone ka sabse sahaj saadhan hai,baapdaada ke paas raho, jo aapke kaam ka najaara nahin hai,usko paas hone do, paas raho, paas karo,paas ho jaao। kya mushkil hai? teachers sunaao, madhuban vaale sunaao। madhuban vaale haath uthaao। hoshiyaar hain madhuban vaale aage aa jaate hain, bhale aao। baapdaada ko khushi hai। apna hak lete hain na? achha hai, baapdaada naaraaz nahin hai,bhale aage baitho। madhuban mein rehte hain to kuchh to paas khaatiri honi chaahiye na! lekin paas shabd yaad rakhna। madhuban mein nai-nai baaten hoti hain na, daaku bhi aate hain। kai nai-nai baaten hoti hain, abhi baap general mein kya sunaayen,thoda gupta rakhte hain lekin madhuban vaale jaante hain। manoranjan karo, moonjho nahin। ya hai moonjhana, ya hai manoranjan samajhkar mauj mein paas karna। to moonjhana achha hai ya paas karke mauj mein rehna achha hai?paas karna hai na! paas hona hai na! to paas karo। kya badi baat hai? koi badi baat nahin। baat ko bada karna ya chhota karna, apni buddhi par hai। jo baat ko bada kar dete hain, unke liye agyaankaal mein bhi kehte hain ki yeh rassi ko saamp banaane vaala hai। sindhi bhaasha mein kehte hain ki ‘‘nori ko naag’’ banaate hain। aise khel nahin karo। abhi yeh khel khatma।

aaj vishesh samaachaar to sunaaya na,baapdaada abhi ek sahaj purooshaartha sunaate hain,mushkil nahin। sabhi ko yeh sankalp to hai hi ki ‘baap samaan banna hi hai।’ banna hi hai, pakka hai na! foreigners banna hi hai na?teachers banna hai na?itni teachers aai hain! vaah! kamaal hai teachers ki। baapdaada ne aaj khushkhabri suni,teachers ki। kaun si khushkhabri hai,bataao। teachers ko aaj golden medal (badge) mila hai। jisko golden medal mila hai,haath uthaao। paandavon ko bhi mila hai?baap ki hamjinsa to rahni nahin chaahiye। paandav brahma baap ki hamjinsa hain। (unhon ko aur prakaar ka golden medal mila hai) paandavon ko royal gold medal hai। golden medal vaalon ko baapdaada ki arab-kharab baari mubaarak hai, mubaarak hai,mubaarak hai।

baapdaada,jo desh-videsh mein sun rahe hain,aur golden medal mil chuka hai, woh sabhi bhi samjhen humein bhi baapdaada ne mubaarak di hai,chaahe paandav hain,chaahe shaktiyaan hain,kisi bhi kaarya ke nimitta banne vaalon ko khaas yeh daadiyaan,parivaar mein rahne vaalon ko bhi koi visheshta ke aadhaar par golden medal deti hain। to jisko bhi jis bhi visheshta ke aadhaar par chaahe surrender ke aadhaar par, chaahe koi bhi seva mein vishesh aage badhne vaale ko daadiyon dvaara bhi golden medal mila hai, to door baithe sunne vaalon ko bhi bahut-bahut mubaarak hai। aap sab door baithkar murli sunne vaalon ke liye,golden medal vaalon ke liye ek haath ki taali bajaao, woh aapki taali dekh rahe hain। woh bhi hans rahe hain,khush ho rahe hain।

baapdaada sahaj purooshaartha suna rahe the - abhi samay to achaanak hona hai,ek ghanta pahle bhi baapdaada announce nahin karega, nahin karega, nahin karega! number kaise banenge?agar achaanak nahin hoga to paper kaise hua?paas with honour ka certificate,final certificate to achaanak mein hi hona hai। isliye daadiyon ka ek sankalp baapdaada ke paas pahuncha hai। daadiyaan chaahti hain ki abhi baapdaada saakshaatkaar ki chaabi khole,yeh inhon ka sankalp hai। aap sab bhi chaahte ho? baapdaada chaabi kholenge ya aap nimitta banenge? achha,baapdaada chaabi khole, theek hai। baapdaada haan ji karte hain, (taali baja di) pahle poora suno। baapdaada ko chaabi kholne mein kya deri hai, lekin karaayega kis dvaara?pratyaksha kisko karna hai?bachchon ko ya baap ko? baap ko bhi bachchon dvaara karna hai kyonki agar jyotibindu ka saakshaatkaar bhi ho jaae to kai to bichaare…,bichaare hain na! to samjhenge hi nahin ki yeh kya hai। ant mein shaktiyaan aur paandav bachchon dvaara baap ko pratyaksha hona hai। to baapdaada yahi kah rahe hain ki jab sab bachchon ka ek hi sankalp hai ki baap samaan banna hi hai, ismen to do vichaar nahin hain na! ek hi vichaar hai na। to brahma baap ko follow karo। ashareeri, bindi automatically ho jaayenge। brahma baap se to sabka pyaar hai na! sabse jyaada dekha gaya hai,vaise to sabhi ka hai lekin foreigners ka brahma baap se bahut pyaar hai। is netra dvaara dekha nahin hai lekin anubhav ke netra dvaara foreigners ne majority brahma baba ko dekha hai aur bahut pyaar hai। aise to bhaarat ki gopikaayen,gop bhi hain phir bhi baapdaada foreigners ki kabhi-kabhi anubhav ki kahaaniyaan sunte hain, bhaaratvaasi thoda gupta rakhte hain, woh brahma baba ke prati sunaate hain to unhon ki kahaaniyaan baapdaada bhi sunte hain aur auron ko bhi sunaate hain,mubaarak ho foreigners ko। landan, America,Australia,aphreeka,eshiya, Russia,jarmani… matlab to chaaron or ke foreigners ko jo door baithe bhi sun rahe hain, unhon ko bhi baapdaada mubaarak dete hain, khaas brahma baba mubaarak de rahe hain। bhaarat vaalon ka thoda gupta hai, prasiddha itna nahin kar sakte hain, gupta rakhte hain। abhi pratyaksha karo। baaki bhaarat mein bhi bahut achhe-achhe hain। aisi gopikaayen hain, agar unhon ka anubhav aajkal ke prime minister,president bhi sunen to unki aankhon se bhi paani aa jaae। aise anubhav hain lekin gupta rakhte hain itna kholte nahin hain, chance bhi kam milta hai। to baapdaada yeh kah rahe hain ki brahma baap se sabka pyaar to hai, iseelie to apne ko kya kahlaate ho? brahmaakumaari ya shiv kumaari?brahmaakumaari kahlaate ho na,to brahma baap se pyaar to hai hi na। to chalo ashareeri banne mein thodi mehnat karni bhi padti hai lekin brahma baap abhi kis roop mein hai? kis roop mein hai?bolo? (pharishta roop mein hai) to brahma se pyaar arthaat pharishta roop se pyaar। chalo bindi banna mushkil lagta hai, pharishta banna to usse sahaj hai na! sunaao, bindi roop se pharishta roop to sahaj hai na! aap account ka kaam karte bindi ban sakte ho? pharishta to ban sakte ho na! bindi roop mein karma karte hue kabhi-kabhi vyakta shareer mein aa jaana padta hai lekin baapdaada ne dekha ki science vaalon ne ek light ke aadhaar se robat banaaya hai, suna hai na! chalo dekha nahin suna to hai! maataaon ne suna hai? aapko chitra dikha denge। woh light ke aadhaar se robat banaaya hai aur woh sab kaam karta hai। aur fast gati se karta hai, light ke aadhaar se। aur science ka pratyaksha pramaan hai। to baapdaada kehte hain kya silence ki shakti se, silence ki light se aap karma nahin kar sakte? nahin kar sakte? engineer aur science vaale baithe hain na! to aap bhi ek roohaani robat ki sthiti taiyaar karo। jisko kahenge roohaani karmayogi, pharishta karmayogi।pahle aap taiyaar ho jaana। engineer hain, science vaale hain to pahle aap anubhav karna। karenge?kar sakte hain?achha,aise plan banaao। baapdaada aise roohaani chalte phirte karmayogi pharishte dekhne chaahte hain। amritvele utho,baapdaada se milan manaao, rooh-roohaan karo, vardaan lo। jo karna hai woh karo। lekin baapdaada se roj amritvele‘karmayogi pharishta bhav’ka vardaan leke phir kaamkaaj mein aao। yeh ho sakta hai?

aap logon ki department (account ki) sabse dimaag chalaane vaali hai,ho sakta hai?madhuban vaale haath uthaao। jo samajhte hain ho sakta hai woh bada haath uthaao। madhuban ki bahnon ne uthaaya! madhuban ka vibration to chaaron or phailega hi। ismen pharishte swaroop mein karmayogi, double light, light ke shareer se,light ban karma kar rahe hain। bolo to bhi pharishte roop mein, kaam karo pharishte roop mein। jisse kaam hai vahi ek sune doosra sune hi nahin। vaataavran kyon banta hai?

baapdaada ne dekha hai koi bhi chhoti baat ka vaataavran banne ka kaaran jo baat karte hain na, woh aise karte hain jo jiska us baat se sambandh hi nahin hai, unke bhi kaanon mein padti hai। unka bhi vyartha sankalp chalna shuru ho jaata hai। isliye pharishta arthaat jiska kaam vahi sune। jitna kaam hai utna hi bole, kahaani banaake nahin bole। katha nahin karo। katha hamesha mix bhi hoti hai aur lambi bhi hoti hai। to brahma baap ke pyaar ka return hai - brahma baap samaan karmayogi pharishta bhav।

baapdaada yahi kah rahe hain - is sthiti ki dharni taiyaar karo to baapdaada saakshaat baap bachchon dvaara saakshaatkaar avashya karaayega।‘saakshaat baap aur saakshaatkaar’ - yeh do shabd yaad rakhna। bas hain hi pharishte। seva bhi karte hain, oopar ki stage se pharishte aaye,sandesh diya phir oopar chale gaye arthaat oonchi smriti mein chale gaye।

abhi samay anusaar jaise kahaan-kahaan paani ke pyaasi hain, aise vartamaan samay shuddh, shaantimay,sukhmay vibration ke pyaasi hain। pharishte roop se hi vibration phaila sakte ho। pharishta arthaat sada oonch sthiti mein rahne vaale। pharishta arthaat puraane sansaar aur puraane sanskaar se naata nahin। abhi sansaar parivartan aap sabke sanskaar parivartan ke liye rooka hua hai।

is naye varsha mein lakshya rakho - sanskaar parivartan, svayan ka bhi aur sahayog dvaara auron ka bhi।koi kamzor hai to sahayog do,na varnan karo,na vaataavran banaao। sahayog do। is varsha ki topic ‘‘sanskaar parivartan’’। pharishta sanskaar,brahma baap samaan sanskaar। to sahaj purooshaartha hai ya mushkil hai? thoda-thoda mushkil hai?kabhi bhi koi baat mushkil hoti nahin hai,apni kamzori mushkil banaati hai। iseelie baapdaada kehte hain ‘‘he master sarvashaktivaan bachche, abhi shaktiyon ka vaayumandal phailaao।’’ abhi vaayumandal ko aapki bahut-bahut-bahut aavashyakta hai। jaise aajkal vishwa mein pollution ki problem hai,aise vishwa mein ek ghadi man mein shanti sukh ke vaayumandal ki aavashyakta hai kyonki man ka pollution bahut hai, hava ki pollution se bhi jyaada hai। achha।

chaaron or ke baapdaada samaan banna hi hai, lakshya rakhne vaale, nishchay buddhi vijayi aatmaon ko,sada puraane sansaar aur puraane sanskaar ko dridh sankalp dvaara parivartan karne vaale master sarvashaktivaan aatmaon ko,sada kisi bhi kaaran se circumstance se svabhaav-sanskaar se, kamzor saathiyon ko,aatmaon ko sahayog dene vaale, kaaran dekhne vaale nahin, nivaaran karne vaale aise himmatvaan aatmaon ko, sada brahma baap ke sneh ka return dene vaale karmayogi pharishte aatmaon ko baapdaada ka yaadapyaar aur namaste।

seva ka tarna panjaab ka hai, panjaab vaalon ka brahma baap se achha pyaar hai।

achha hai, brahma baap ki paalna bhi li hai, to jaise aajkal prize dene ka programme bana rahe hain,to baapdaada samajhte hain ki jaise culture aaph pees mein number one prize koi bhi zone vaale ne liya hai, centre ne liya hai,aise yeh karmayogi pharishte swaroop ki stage mein number one prize panjaab leve। ho sakta hai? panjaab vaale haath uthaao। lenge first prize? panjaab vaale jo first prize lenge woh ek haath ki taali bajaao। panjaab ki teachers ek haath ki taali bajaao। bahut samay baithe ho, drill karo,utho। aur centre se jo mukhya paandav hain woh bhi utho। first prize lenge?achha,abhi dekhenge teen prize kaun leta hai। first, second,third, teen prize baapdaada denge। kitne time mein prize denge? (daadi ne kaha mai tak) (baapdaada panjaab ki achal behen se poochh rahe hain? (6maas mein poora purooshaartha rahega) teachers bataao 6maas chaahiye?jisko 6maas chaahiye woh haath uthaao। achha baaki ko kya chaahiye 12 maas? kam samay chaahiye। chalo baapdaada last march mein paper lega?phir percentage mein ho ya final ho, us anusaar prize denge। theek hai na! march mein last tarna mein। (abhi last tarna shivraatri par hai) February end ya march baat ek hi hai। lekin iska matlab yeh nahin hai ki sirf panjaab taiyaar ho, sabhi zone, sabhi centre ko taiyaar hona hai। ho sakta hai panjaab se aage koi first se bhi aage jaae A one। isliye sabhi zone ka paper lenge?madhuban bhi zone hai, aise nahin samajhna ham zone mein nahin hai। pahle madhuban। achha।

jagdeesh bhaai se:- theek hai na! (jyaada to aap jaante hain) achha hai। abhi natural saadhan se hi theek hai। seva to aapne aadi se bahut ki hai, (pharja ada kiya hai apna bhaagya banaaya hai) abhi bhi chaahe shareer dvaara jyaada nahin kar sakte, lekin jin aatmaon ne jis seva ke nimitta ban seva ki invention ke nimitta bane hain, unhon ko us seva ki saphalta ke share jama hote hain। jaise pradarshani ki invention hui, to us dvaara quantity ko sandesh mil raha hai, mela hua yeh bhi quantity ki seva, vi.aai.pi aata hai to koi koi, lekin conference hui to conference ki seva se speech ki aakarshan se vi.aai.pi. aate hain unhon ki seva hoti hai,lekin usmein bhi koi- koi। abhi jo vargaakran ki seva ho rahi hai, ismen bhinna-bhinna varga ke vi.aai.pi. ka aana ho raha hai aur vargaakran ki seva se najdeek sahayog mein bhi aate hain, kyon?ek to 15varga hain, vistaar hai। to 15varga hi alag-alag seva kar rahe hain,alag- alag vi.aai.pi. ko invaait karte hain aur doosra 2-3 din rahne ka saadhan milta hai। conference mein aate hain lekin vi.aai.pi. jo hain woh bhaashan karke majority chale jaate hain phir bhi saadhan hai, aakarshan hai, vi.aai.pi ko speech karne ki। to jinhonne bhi jo bhi invention ki hai, nimitta bane hain unko unki seva ka share milta hai। isliye aap phikar nahin karo ki main seva nahin kar sakta,nahin, seva ho rahi hai। bhinna-bhinna seva ke nimitta bane na। yeh (ramesh bhaai) pradarshani ke bane, woh (nirvair bhaai) seedhi ke bane, koi na koi seva ke nimitta bane,koi conference ke nimitta bante hain aur daadiyaan to sabhi mein hain। aap wings ke nimitta hain। daadiyon ki bhi chhatrachhaaya hai। haan videsh mein bhi seva ki। to foundation daalne mein mehnat hoti hai। isliye phikar nahin karo aapka share ikaththa ho raha hai। thoda fikar hai। (baba ko pratyaksha nahin kiya hai,yeh fikar hai) yeh vaayumandal se ho jaayega। samay intajaar kar raha hai, parda khulne ke liye। abhi is varsha mein pharishta roop ban jaaen,chaaron or saakshaatkaar shuru ho jaayenge। dekhenge yeh kaun aaya, yeh brahma baba ko jaise pahle-pahle dekha, aise brahma baap ke saath-saath aap paandav shaktiyon ko dekhenge। dhoondhenge yeh kaun hain, kahaan hain। pahli-pahli aatma nikli ho dilli seva mein। aur aate hi seva shuru kar di,pahla-pahla kitaab yaad hai kaun-sa likha tha? kumbha ke mele ke liye likha tha। to aate hi seva ki hai na! isliye aapko phal milega। to karo dance। ganapti dance,karo। (jagdeesh bhaai ne ganapti dance ki)

achha hai, nimitta seva hai lekin bhaagya ki lakeer lambi kheench rahi hai। (tanjaaniya se jagdeesh bhaai ke liye nechropaithi ki doctor aai hai) achha hai nimitta banne ka golden chance mila hai। aise anubhav karti ho?

achha hai, sahayog dena, sahayogi banna arthaat svayan ka khaata badhaana। achha- om shanti।

murli daada, rajni behen se (jayanti behen ke laukik maat-pita) –

baapdaada ka haath aur saath sada aadi se hai aur ant tak hai hi hai। (daadi jaanki kah rahi hain kabhi-kabhi dil chhoti kar dete hain) nahin। baapdaada ka haath aur saath donon ke oopar hai hi। kyon?kaaran? aapke share ka khaata bahut bada hai। jo kanyaadaan kiya hai uski seva ka share aapke khaate mein jama hai,isliye khush raho। bephkar baadshaah। bephkar baapdaada hain na! sahayog milta rahega। achha। koi fikar nahin karo, baapdaada koi-na-koi ko nimitta banaata hai। bahut achha kiya।