Avyakt murli for Sunday 25 November 2001

>

25-11-2001 om shanti avyakt baapdaadaamdhuban

"duaayen do-duaayen lo,kaaran ka nivaaran kar, samasyaaon ka samaadhaan karo"

aaj pyaar ke saagar baapdaada apne pyaar swaroop bachchon ke pyaar ki dori mein kheenchakar milan manaane aaye hain। bachchon ne bulaaya aur hazoor haazir ho gaye। avyakti milan to sada manaate rehte hain,phir bhi saakaar mein bulaaya to baapdaada bachchon ke vishaal mele mein pahunch gaye hain। baapdaada ko bachchon ka sneh,bachchon ka pyaar dekh khushi hoti hai aur dil hi dil mein chaaron or ke bachchon ke liye geet gaate hain–“vaah! shreshtha bhaagyavaan bachche vaah! bhagwan ke pyaar ke paatra aatmaayen vaah”!itna bada bhaagya aur itna saadhaaran roop mein sahaj praapta hona hai, yeh svapna mein bhi nahin socha tha। lekin aaj saakaar roop mein bhaagya ko dekh rahe ho। baapdaada dekh rahe hain ki door baithe bhi bachche milan mela mana rahe hain। baapdaada unhon ko dekh milan mana rahe hain। majority maataaon ko golden chance mila hai aur baapdaada ko bhi vishesh shakti sena ko dekh khushi hoti hai ki chaar deevaaron mein rahne vaali maataayen baap dvaara vishwa kalyaankaari ban, vishwa ki raajya adhikaari ban gai hain। ban gaye hain ya ban rahe hain,kya kahenge?ban gaye hain na!vishwa ke raajya ka maakhan ka gola aap sabke haath mein hai na! baapdaada ne dekha ki jo bhi maataayen madhuban mein pahunchi hain unhon ko ek baat ki bahut khushi hai,kaun-si khushi hai? ki baapdaada ne ham maataaon ko vishesh bulaaya hai। to maataaon se vishesh pyaar hai na!nashe se kehti hain- baapdaada ne bulaaya hai। hamko bulaaya hai, ham kyon nahin aayenge! baapdaada bhi sabki roohroohaan sunte rehte hain,yeh khushi ka nasha dekhte rehte hain। vaise to paandav bhi kam nahin hain,paandavon ke bina bhi vishwa ke kaarya ki samaapti nahin ho sakti। lekin aaj vishesh maataaon ko paandavon ne bhi aage rakha hai।

baapdaada sabhi bachchon ko bahut sahaj purooshaartha ki vidhi suna rahe hain। maataaon ko sahaj chaahiye na!to baapdaada sab maataaon, bachchon ko kehte hain,sabse sahaj purooshaartha ka saadhan hai – “sirf chalte-phirte sambandh-samparka mein aate har ek aatma ko dil se shubh bhaavna ki duaayen do aur doosron se bhi duaayen lo”। chaahe aapko koi kuchh bhi de,baddua bhi de lekin aap us baddua ko bhi apne shubh bhaavna ki shakti se dua mein parivartan kar do। aap dvaara har aatma ko dua anubhav ho। us samay anubhav karo jo baddua de raha hai woh is samay koi-na-koi vikaar ke vasheebhoot hai। vasheebhoot aatma ke prati va parvash aatma ke prati kabhi bhi baddua nahin niklegi। uske prati sada sahayog dene ki dua niklegi। sirf ek hi baat yaad rakho ki humein nirantar ek hi kaarya karna hai – “sankalp dvaara, bol dvaara, karmana dvaara, sambandh-samparka dvaara dua dena aur dua lena। agar kisi aatma ke prati koi bhi vyartha sankalp va negative sankalp aave bhi to yeh yaad rakho mera karttavya kya hai! jaise kahaan aag lag rahi ho aur aag bujhaane vaale hote hain to woh aag ko dekh jal daalne ka apna kaarya bhoolte nahin,unhon ko yaad rehta hai ki ham jal daalne vaale hain,aag bujhaane vaale hain, aise agar koi kisi bhi vikaar ki aag vash koi bhi aisa kaarya karta hai jo aapko achha nahin lagta hai to aap apna karttavya yaad rakho ki mera karttavya hai- kisi bhi prakaar ki aag bujhaane ka,dua dene ka। shubh bhaavna ki bhaavna ka sahayog dene ka। bas ek akshar yaad rakho, maataaon ko sahaj ek shabd yaad rakhna hai –“dua dena,dua lena”। maataayen yeh kar sakti ho? (sabhi maataayen haath utha rahi hain)kar sakti ho ya karna hi hai?paandav kar sakte hain? paandav kehte hain - karna hi hai। gaaya hua hai paandav arthaat sada vijayi aur shaktiyaan sada vishwa kalyaankaari naam se prasiddha hain।

baapdaada ko chaaron or ke bachchon se abhi tak ek aash rahi hui hai। har aatma ko dil se shubhbhaavna ki duaayen do aur dulaayen lo bataayen woh kaun-si aash hai? jaan to gaye ho! teachers jaan gai ho na!sabhi bachche yatha shakti purooshaartha to kar rahe ho। baapdaada purooshaartha dekh karke muskaraate hain। lekin ek aash yeh hai ki purooshaartha mein abhi teevragti chaahiye। purooshaartha hai lekin abhi teevragti chaahiye। iski vidhi hai – ‘kaaran’shabd samaapta ho jaae aur nivaaran swaroop sada ban jaayen। kaaran to samay anusaar bante hi hain aur bante rahenge। lekin aap sab nivaaran swaroop bano kyonki aap sabhi bachchon ko vishwa ke nivaaran kar sabhi ko, majority aatmaon ko nirvaandhaam mein bhejna hai। to jab svayan ko nivaaran swaroop banaao tab vishwa ki aatmaon ko nivaaran swaroop dvaara sab samasyaaon ka nivaaran kar nirvaandhaam mein bhej sakenge। abhi vishwa ki aatmaayen mukti chaahti hain to baap dvaara mukti ka varsa dilaane vaale nimitta aap ho। to nimitta aatmaayen pahle svayan ko bhinna-bhinna samasyaaon ke kaaran ko nivaaran kar mukta banaayenge tab vishwa ko mukti ka varsa dila sakenge। to mukta hain? kisi bhi prakaar ki samasya ka kaaran aage nahin aaye, yeh kaaran hai, yeh kaaran hai, yeh kaaran hai… jab koi kaaran saamne banta hai to kaaran ka second mein nivaaran socho,yeh socho ki jab vishwa ka nivaaran karne vaali hoon to kya svayan ki chhoti-chhoti samasyaaon ka svayan nivaaran nahin kar sakti! nahin kar sakta! abhi to aatmaon ki queue aapke saamne aayegi “he muktidaata mukti do” kyonki mukti daata ke direct bachche ho, adhikaari bachche ho। master muktidaata to ho na। lekin queue ke aage aap master mukti daataaon ke taraph se ek rookaavat ka darvaaja banda hai। queue taiyaar hai lekin kaun-sa darvaaja banda hai? purooshaartha mein kamzor purooshaartha ka, ek shabd ka darvaaja hai,woh hai ‘kyon’। question mark,(?)kyon,yeh kyon shabd abhi queue ko saamne nahin laata। to baapdaada abhi deshvidesh ke sabhi bachchon ko yeh smriti dila rahe hain ki aap samasyaaon ka darvaaja “kyon”, isko samaapta karo। kar sakte hain? teachers kar sakti hain?paandav kar sakte hain? sabhi haath utha rahe hain ya koi-koi?foreigners to ever ready hain na!haan ya na?agar haan to seedha haath uthaao। koi aise-aise kar rahe hain। abhi koi bhi sevaakendra par samasya ka naam-nishaan na ho। aise ho sakta hai?har ek samjhe mujhe karna hai। teachers samjhen mujhe karna hai, student samjhen mujhe karna hai, pravritti vaale samjhen mujhe karna hai, madhuban vaale samjhen humein karna hai। kar sakte hain na? samasya shabd hi samaapta ho jaaye, kaaran khatma hoke nivaaran aa jaae, yeh ho sakta hai! kya nahin ho sakta hai,jab pahle-pahle sthaapna ke samay mein sabhi aane vaale bachchon ne kya promise kiya tha aur karke dikhaaya!asambhav ko sambhav karke dikhaaya। dikhaaya na? to abhi kitne saal ho gaye?sthaapna ko kitne varsha ho gaye? (65)to itne varsho mein asambhav se sambhav nahin ho sakta hai? ho sakta hai? mukhya teachers haath uthaao। panjaab nahin utha raha hai, shakya hai kya? thoda soch rahe hain,socho nahin। karna hi hai। auron ka nahin socho, har ek apna soche,apna to soch sakte ho na?doosre ko chhodo,apna sochkar apne liye to himmat rakh sakte ho na?ki nahin?foreigners rakh sakte hain? (haath uthaaya) mubaarak ho। achha, abhi jo samajhte hain, woh dil se haath uthaana,dikhaave se nahin। aise nahin sab utha rahe hain to main bhi utha loon। agar dil se dridh sankalp karenge ki kaaran ko samaapta kar nivaaran swaroop banna hi hai, kuchh bhi ho,sahan karna pade,maaya ka saamna karne pade, ek-do ke sambandh-samparka mein sahan bhi karna pade,mujhe samasya nahin banna hai। ho sakta hai?agar dridh nishchay hai to woh peechhe se lekar aage tak haath uthaao। (baapdaada ne sabhi se haath uthvaaya aur saara drishya T.vi. par dekha) achha hai na exercise ho gai! haath iseelie uthaate hain, jaise abhi ek do ko dekh karke haath uthaane mein umang aata hai na! aise hi jab bhi koi samasya aave to saamne baapdaada ko dekhna, dil se kehna baba,aur baba haajir ho jaayega, samasya khatma ho jaayegi। samasya saamne se hat jaayegi aur mera karttavya hai - kisi bhi prakaar ki aag bujhaane ka, dua dene ka baapdaada saamne haajir ho jaayega।‘‘master sarvashaktivaan’’apna yeh title har samay yaad karo। nahin to baapdaada abhi yaad-pyaar mein master sarvashaktivaan na kahkar sarvashaktivaan kahe? shaktivaan bachchon ko yaad-pyaar,achha lagega? master sarvashaktivaan hain, master sarvashaktivaan kya nahin kar sakte hain! sirf apna title aur karttavya yaad rakho। title hai‘‘master sarvashaktivaan’’aur karttavya hai ‘‘vishwa-kalyaankaari’’। to sada apna title aur karttavya yaad karne se shaktiyaan emerge ho jaayengi। master bano,shaktiyon ke bhi master bano,order karo,har shakti ko samay par order karo। vaise shaktiyaan dhaaran karte bhi ho,hain bhi lekin sirf kami yeh ho jaati hai ki samay par use nahin karne aati। samay beetne ke baad yaad aata hai, aise karte to bahut achha hota। ab abhyaas karo jo shaktiyaan samaai hui hain,usko samay par use karo। jaise in karmendriyon ko order se chalaate ho na, haath ko,paanv ko chalaate ho na! aise har shakti ko order se chalaao। kaarya mein lagaao। sama ke rakhte ho,kaarya mein kam lagaate ho। samay par kaarya mein lagaane se shakti apna kaarya zaroor karegi। aur khush raho,kabhi-kabhi koi bachchon ka chehra bada soch-vichaar mein, thoda zyaada gambheer dikhaai dete hain। khush raho,naacho-gaao,aapki brahman jeevan hai hi khushi mein naachne ki aur apne bhaagya aur bhagwan ke geet gaane ki। to naachne-gaane vaale jo hote hain na woh aisa gambheer hoke naache to kahenge naachna nahin aata। gambheerta achhi hai lekin tu mach gambheerta, thoda-sa sochvi chaar ka lagta hai।

baapdaada ne to abhi suna ki dehli ka udghaatan ho raha hai (9December ko dehli mein om shanti retreat centre ka udghaatan rakha gaya hai) lekin baapdaada abhi kaun-sa udghaatan dekhne chaahta hai? woh date to fix karo,yeh chhote-mote udghaatan to ho hi jaayenge। lekin baapdaada udghaatan chaahte hain ‘‘sab vishwa ki stage par baap samaan saakshaat pharishte saamne aa jaaen aur parda khul jaae।’’ aisa udghaatan aap sabko bhi achha lagta hai na! roohroohaan mein bhi sabhi kehte rehte hain, baap bhi sunte rehte hain, bas abhi yahi ichchha hai- baap ko pratyaksha karen aur baap ki ichchha hai ki pahle bachche pratyaksha hon। baap bachchon ke saath pratyaksha hoga। akela nahin hoga। to baapdaada woh udghaatan dekhne chaahte hain। umang bhi achha hai,jab roohroohaan karte hain to roohroohaan ke samay sabke umang bahut achhe hote hain। lekin jab karmayogi bante hain to thoda pharka pad jaata। to maataayen kya karengi?bada jhunda hai maataaon ka। aur maataaon ko dekh baapdaada ko bahut khushi hoti hai। kisne bhi maataaon ko itna aage nahin laaya hai lekin baapdaada maataaon ko aage badhte dekh khush hote hain। maataaon ka vishesh yeh sankalp hai ki jo kisi ne nahin karke dikhaaya woh ham maataayen baap ke saath karke dikhaayenge। karke dikhaayengi?abhi ek haath ki taali bajaao। maataayen,sab kuchh kar sakti hain। maataaon mein umang achha hai। kuchh bhi nahin samjhen lekin yeh to samajh liya hai na ki main baba ki hoon,baba mera hai। yeh to samajh liya hai na! mera baba to sab kehte hain na? bas dil se yahi geet gaate raho - mera baba,mera baba,mera baba…

achha -teachers haath uthaao। teachers bahut aai hain (1300 teachers aai hain) teachers maataaon ko achhi tarah se le aai na!yeh bhi apne punya ki poonji jama kar li। aapko phaayda hua na। aapke punya ka khaata badh gaya। achha - double foreigners haath uthaao। double foreigners ki special ek visheshta baapdaada ne dekhi hai। koi aisa group nahin hota jismen double foreigners nahin hon। sarvavyaapi ho gaye hain। madhuban nivaasi aur baapdaada aap double foreigners ko dekhkar khaas khush hote hain isliye bhale aao। achha। ismen jo saari sabha mein kumaariyaan hain, woh haath uthaao। bahut kumaariyaan hain। kumaariyaan to kamaal karne vaali hain na? kumaariyon ko extra luck mila hua hai। yeh paandav hansate hain,ulahna dete hain ki kumaari agar centre par aati to deedi kaaran shabd ko samaapta kar nivaaran swaroop bano ban jaati aur paandav centre par aate to daada nahin bante hain, to dekho kumaariyon ko vishesh yeh ek lift hai,surrender man se hui aur baapdaada ka murli bajaane ka takhta mil jaata hai। yeh takhta kam nahin hai। paandav bhi murli sunaate hain lekin majority bahinen। to yeh kumaariyon ka luck hai। kumaari apni gift jitni chaahen utni le sakti hain। achha – kumaar kitne hain? kumaar bhi kam nahin hain। kumaar abhi sukumaar ban gaye hain। aur kumaaron ke bina centre nahin chal sakta hai। teachers bataao kumaaron ke bina centre chal sakta hai?nahin chal sakta। kumaaron ki ek visheshta bahut achhi hai, kumaar jo dridh sankalp karen woh practical mein la sakte hain kyonki sukumaar ulta to karenge nahin, sulta hi karenge। to kumaaron mein dridh sankalp ki gift hai, jo chaahte hain woh kar sakte hain - yeh gift hai। baaki use karna aapke haath mein hai। government bhi chaahti hai ki sukumaaron ka group bade te bada bane, kumaaron ka nahin। abhi baapdaada ka yeh ishaara practical mein nahin laaya hai, saare vishwa ke kumaaron ka group madhuban mein ikattha ho aur prime minister, minister yahaan aaven। aa sakte hain। achha hai। kumaar apna jalva dikha sakte hain। kumaaron ka aisa group saath le jaao,koi kahaan ka,koi kahaan ka…aur direct nimantran deven,sab deshon ke hon aur nimantran deven, date fix karen। kumaaron mein to baapdaada ki bahut-bahut-bahut shubh ummeeden hain aur poorn honi hi hain। achha।

(bhaarat ke kone-kone se do maas maataaon ke abhiyaan nikle) tab to maataayen itni aai hain,pauna haal to maataayen hain। (13 hazaar maataayen aai hain)saare haal ki shobha maataayen hain। achha, maataayen ya kanyaayen jo abhiyaan mein gai theen, woh utho। thode aaye hain। unhon ko yaad mil jaayegi। baapdaada unhon ko bhi T.vi mein dekh rahe hain। un sabko bhi mubaarak hai। achhi yaatra nikaali aur chaaron or seva bhi bahut achhi hui, isliye bahut-bahut mubaarak ho। pravritti vaale adharkumaar haath uthaao। achha,adharkumaaron ki visheshta kya hai? adharkumaaron ne vishwa ke aatmaon ki ek vishesh bhraanti mitaai hai, log samajhte the ki brahman banna arthaat ghar grihastha chhodna lekin jab se adharkumaar aur adhar kumaariyon ko dekhte hain to woh prerna lete hain ki ham bhi brahman ban sakte hain isliye pahli jo bhraantiyaan thi, brahmaakumaariyon ke paas koi jaave nahin, to adhar kumaaron ne seva ki vriddhi ka darvaaja khola hai। (sabhi ne taaliyaan bajaai)bhale khoob taali bajaao। adharkumaar bhi kam nahin hain। har ek varga ka baapdaada ke paas brahman jeevan mein mahattva hai।

achha -chhote bachche kitne aaye hain। chhote bachchon ko dekhkar sab khush hote hain kyonki chhotepan mein kitna bada bhaagya pa liya hai। har ek chhota bachcha phalak se kehta hai main brahmaakumaar hoon। aur chhote bachche anubhav bahut achha sunaate hain,ham bhagwan se milte hain, baaten karte hain। to chhote bachchon ki baaten sabko bahut achhi lagti hain isliye chhote nahin ho lekin aap chhote bachche bhi seva karne nimitta bahut achhe ho। isliye baapdaada chhote bachchon ko bahut-bahut,bahut-bahut pyaar karte hain। achha।

sevaadhaariyon se - yeh system bahut achhi banaai hai, har ek ko seva ka, khaata jama karne ka chance milta hai। centre par seva karte ho,woh to karte hi ho। lekin yagya ki seva ka vishesh mahattva hai,to abhi yeh mahattva panjaab, hariyaana,himaachal aur jammu-kashmeer ko mila hai, bahut bada zone liya hai। achal,prem,raaj yeh jo bhi baithi hain,panjaab ki mukhya teachers utho। first aur second ke bina gati nahin hai। achha,baapdaada ko to panjaab ko dekh karke panjaab ki sherni(daadi chandramni)yaad aa rahi hai। panjaab ko bhi yaad aati hai। to bahut achha, mehnat jyaada karni padi na। paanch zone milkar panjaab kahlaate hain,panjaab mein paanch nadiyaan bhi mashhoor hain। to aapko bada group mila hai aur pahla group mila hai, to pahla number le liya na। achha aur jo panjaab ke sevaadhaari aaye hain woh utho। bahut sevaadhaari hain। bahut achha seva ki mubaarak ho, mubaarak ho। yagya seva ka mahattva kyon hai? kamzor purooshaartha ka ek shabd ka darvaaja hai woh hai kyon vaise to centre bhi yagya hi hai na!lekin madhuban ko mahaayagya kaha jaata hai। hain to sabhi yagya, mahaayagya ka mahaan seva ka prasaad milta hai kyonki mahaayagya mein kitni mahaan aatmaayen aati hain। to itni mahaan aatmaon ki seva ka chance milta hai isliye mahaayagya ki seva ka mahattva hai। panjaab zone ne ek to kamaal ki hai। bataao, kaun-si kamaal ki hai?yaad aata hai,kya kamaal ki hai? bolo। aatankavaad khatma kar diya। chhota-mota to chhodo। woh to jahaan-tahaan hai lekin jitna hi aatankavaad ka chakkar chala,utna chakkar ko chhota kar diya। to yeh bhi achhi kamaal hai, aapke kone-kone ki tapasya ki। abhi dar to nahin hai na!baaki to vishwa mein hi aatankavaad hai। foreign mein bhi hai। achha foreign vaale, foreign ki visheshta hai- jo bhi baap ne kaha woh phauran karne vaale। foreign maana phauran। baap ne kaha aur double foreigners ne phauran kiya। yeh hai foreign ki nishaani। theek hai na! achha- abhi koi rah gaya?sab aa gaye। sabhi sochte hain hamse baapdaada mila hi nahin। ab to sabse mil liya na। ek sthaan par baithkar sabse mil gaye।

achha -abhi ek second baapdaada deta hai,sab alert hokar baitho। baapdaada se sabhi ka pyaar100 percent hai na! pyaar to percent mein nahin hai na। 100 percent hai? to 100 percent pyaar ka return dene ke liye taiyaar ho? 100 percent pyaar hai na। jiska thoda sa kam ho,woh haath utha lo। peechhe bach jaayenge। agar kam ho to haath utha lo। 100 percent pyaar nahin hai to vo haath uthaao। pyaar ki baat kar rahe hain। (ek-do ne haath uthaaya)achha pyaar nahin hai, koi harja nahin,ho jaayega। jaayenge kahaan, pyaar to karna hi padega। achha - abhi sabhi alert hokar baithe hain na!abhi sabhi pyaar ke return mein ek second baap ke saamne antarmukhi ho apne aapse dil se, dil mein sankalp kar sakte ho ki ab ham svayan ke prati va auron ke prati samasya nahin banenge। yeh dridh sankalp pyaar ke return mein kar sakte ho?jo samajhte hain- kuchh bhi ho jaae,agar kuchh ho bhi gaya to second mein svayan ko parivartan kar denge, woh dil mein sankalp dridh karen। jo kar sakta hai dridh sankalp,baapdaada madad denge lekin madad lene ki vidhi hai dridh sankalp ki smriti। baapdaada ke saamne sankalp liya hai, yeh smriti ki vidhi aapko sahayog degi। to kar sakte ho?kaandh hilaao। dekho, sankalp se kya nahin ho sakta hai, ghabraao nahin, baapdaada ki extra madad zaroor milegi।

baapdaada ne to sirf apna shubh sankalp sunaaya। abhi karna bachchon ka kaam hai। jo jitna karta hai utna uska khaata jama hota hai। baapdaada samajhte hain ki sab bachchon ka khaata saare kalpa ke liye itna jama ho jaae jo raajya bhi karen aur aadha kalpa poojya bhi banen। poojya banne ka khaata aur raajya adhikaari banne ka khaata donon hi jama ho jaayen। kisi bhi bachche ka khaata kam nahin ho। sab bharpoor hon। sampanna hon,sampoorn hon।

achha -aaj science ke saadhan se door-door mein bhi bachche sun rahe hain,dekh rahe hain।(aaj baapdaada ki murli bhaarat mein T.vi.par tatha videsh mein intarnet dvaara sabhi sun va dekh rahe hain) to un sabhi bachchon ko baapdaada bhi dekh rahe hain।

achha,sabhi bachchon ko baapdaada milan mele ki mubaarak de rahe hain। chaahe koi ne patra dvaara milan mela manaaya,chaahe card dvaara milan mela manaaya,chaahe sammukh milan mela mana rahe hain। chaahe apne sthaan par baithe milan mela mana rahe hain। chaaron or ka ek-ek bachcha baap ka ati pyaara hai। baapdaada ek-ek bachche ko dekh bahut harshit hote hain। bachche kehte hain baap ka pyaar ginti karne mein nahin aata,varnan karne mein nahin aata to baap bhi kehte hain ki sikeeldhe, laadle,vishesh aatmaayen bachchon ka pyaar bhi varnan karne mein nahin aata। aise bachche bhi saare kalpa mein kisko nahin milenge।

aise sarva teevra purushaarthi shreshtha aatmaon ko, sada baap ke pyaar ka return karne vaale himmatvaan bachchon ko, sada apne visheshtaaon dvaara auron ko bhi vishesh aatma banaane vaale punya aatmaayen bachchon ko, sada samasya samaadhaan svarup vishesh aage udne vaale bachchon ko baapdaada ka yaad-pyaar aur namaste।

vidaai ke samay

aaj vishesh jo madhuban mein oopar sikyooreti ke kaarya mein busy hain, woh baapdaada ke saamne aa rahe hain। yagya ki rakhvaali karne vaalon ki bahut hi badi duty hai to rakhvaali kar rahe hain, door baithe bhi yaad kar rahe hain, to khaas baapdaada jo oopar koi bhi seva arth baithe hain,chaahe gyaan sarovar mein, chaahe paandav bhavan mein, chaahe shaantivan mein jo bhi rakhvaali karne vaale hain, unhon ko baapdaada vishesh yaad-pyaar de rahe hain। museum vaale, maanesar vaale jo bhi duty mein hain un sabko bhi bahut-bahut yaad। mehnat bahut achhi kar rahe hain।

(rozi behen ne vishesh yaad di hai) jinhonne bhi khaas yaad di hai un sabko khaas-khaas-khaas yaad। baaki maanesar mein bhi achhi mehnat kar rahe hain। dilli vaale jalva dikhaayenge। dikhaayenge na jalva?seva ki nai jhalak dikhaayenge। achhi mehnat hai aur man se mehnat kar rahe hain। jo engineer nimitta hain,abhi taiyaar kar rahe hain, unhon ki himmat par bhi baapdaada balihaar ja rahe hain। dikhaai nahin deta hai lekin dikhaayenge,yeh bhi to himmat hai na। to baapdaada ne jo dilli ko gift di hai us gift ko sahayog diya hai, iske liye bahut-bahut mubaarak ho। aap sabki dilli hai। sirf dilli vaalon ki nahin, aap sabki dilli hai। raajya to karna hai na। dilli mein raajya karenge ya foreign mein raajya karenge, foreigners?

(abhi soneepat ka bhi kaarya shuru karna hai)sab ho jaayega। sabmen saphalta hai hi। (haidraabaad ki jameen ka bhi final ho gaya hai) thoda-bahut to jameenon ke oopar khitkhit hoti hai, yeh to vardaan hai braahmanon ko khitkhit ka bhi lekin saphalta saath hai। khitkhit ke saath, saphalta ka bhi vardaan saath hai isliye thoda time lag jaata hai। hona to hai hi। hua hi pada hai। jo haidraabaad ke nimitta bane hain chief ministers ya jo bhi aaphisarsa un sabko yaad bhejna,toli bhejna। himmat achhi rakhi hai। abhi to sabmen himmat aa gai hai। chaahe chhote hain,chaahe bade hain lekin himmat se kar rahe hain। achha kar rahe hain। jahaan bhi ban raha hai,baapdaada, drama, sarva parivaar ki duaayen hain hi hain। isliye saphalta hai hi।(saarnaath, aagra, london aadi mein bhavan ban rahe hain) jahaan bhi ban raha hai,seva pahle hi taiyaar hai। aap sabke,sarva ke anguli dene se chaaron or kaarya chal raha hai, saphalta ho rahi hai। aur aage badhke aur saphalta honi hi hai। to aap sab bana rahe ho ya vahaan banaane vaale bana rahe hain। aap sab bhi saathi ho na! jahaan bhi jo bhi banta hai,hamaara ban raha hai। aise nahin dilli mein ban raha hai,haidraabaad mein ban raha hai। hamaare baba ka hai,hamaara hai। hamaara pan sab taraph hona chaahiye। isko kaha jaata hai behad parivaar,behad ki bhaavna aur isi bhaavna ka phal milta hai।(boreevli mein bhi jameen ka sign hua hai) achha hai na - samaachaar sunke khushi hoti hai na। achha।

(bahut hi maataayen tent mein rahi hui hain) tent mein rahne vaalon ko tent to mila na aur neeche kuchh bichhauna to mila na। bhakti mein to mitti mein sote hain,aapko mitti to nahin mili na। kambal to mila na, woh to thanda mein sote hain। aapko bahut-bahut mauj hain bas baap ki godi mein so jaao। tent nahin dekho, baap ki godi dekho। baapdaada pahle-pahle tent mein hi chakkar lagaata hai kyonki dekho tent vaalon ne sahan to kiya na। to sahan karne ka phal milta hai। achha hai tent mein sone vaale haath uthaao। achha hai, baapdaada tent vaalon ko apne vatan mein bulaake massage karenge। khush hain। dekho, sabki nazar,daadiyon se poochho sabse jyaada kisko yaad kiya? tent vaalon ko yaad kiya na। (daadiyon ne sab tent mein chakkar lagaaya)iseelie aap bhaagyavaan ho। achha। sabhi desh-videsh vaalon ne, jisne bhi yaad bheji hai,woh samjhen hamko vishesh roop se baapdaada ne yaad di hai। achha।