Avyakt murli for Saturday 15 December 2001

>

15-12-2001 om shanti avyakt baapdaadaamdhuban

"ekavrata ban pavitrata ki dhaarna dvaara roohaaniyat mein rah mansa seva karo"

aaj roohaani baap chaaron or ke roohaani bachchon ki roohaaniyat ko dekh rahe hain। har ek bachche mein roohaaniyat ki jhalak kitni hai?roohaaniyat naynon se pratyaksha hoti hai। roohaaniyat ki shakti vaali aatma sada naynon se auron ko bhi roohaani shakti deti hai। roohaani muskaan auron ko bhi khushi ki anubhooti karaati hai। unki chalan, chehra farishton ke samaan double light dikhaai deta hai। aisi roohaaniyat ka aadhaar hai pavitrata। jitni-jitni man-vaani-karma mein pavitrata hogi utna hi roohaaniyat dikhaai degi। pavitrata brahman jeevan ka shringaar hai। pavitrata brahman jeevan ki maryaada hai। to baapdaada har bachche ki pavitrata ke aadhaar par roohaaniyat ko dekh rahe hain। roohaani aatma is lok mein rehte hue bhi alaukik farishta dikhaai degi।

to apne aapko dekho,check karo - hamaare sankalp, bol mein roohaaniyat hai?roohaani sankalp apne mein bhi shakti bharne vaale hain aur doosron ko bhi shakti dete hain। jisko doosre shabdon mein kehte ho roohaani sankalp mansa seva ke nimitta bante hain। roohaani bol svayan ko aur doosre ko sukh ka anubhav karaate hain। shanti ka anubhav karaate hain। ek roohaani bol anya aatmaon ke jeevan mein aage badhne ka aadhaar ban jaata hai। roohaani bol bolne vaala vardaani aatma ban jaata hai। roohaani karma sahaj svayan ko bhi karmayogi sthiti ka anubhav karaate hain aur doosron ko bhi karmayogi banaane ke sample ban jaate hain। jo bhi unke samparka mein aate hain woh sahajyogi, karmayogi jeevan ka anubhvi ban jaate hain। lekin sunaaya roohaaniyat ka beej hai pavitrata। pavitrata svapna tak bhi bhang na ho tab roohaaniyat dikhaai degi। pavitrata sirf brahmacharya nahin, lekin har bol brahmaachaari ho, har sankalp brahmaachaari ho,har karma brahmaachaari ho। jaise laukik mein koi-koi bachche ki soorat baap samaan hoti hai to kaha jaata hai ki ismen baap dikhaai deta hai। aise brahmaachaari brahman aatma ke chehre mein roohaaniyat ke aadhaar par brahma baap samaan anubhav ho। jo samparka vaali aatmaayen anubhav karen -yeh baap samaan hai। chalo 100 percent nahin bhi ho to samay anusaar kitni percent dikhaai de? kahaan tak pahunche hain? 75 percent, 80percent, 90percent, kahaan tak pahunche hain? yeh aage ki line bataao,dekho baithne mein to aapko number aage mila hai। to brahmaachaari banne mein bhi number aage honge na! hain aage ki nahin?

baapdaada har bachche ki pavitrata ke aadhaar par roohaaniyat dekhne chaahte hain। baapdaada ke paas sabka chart hai। bolte nahin hain lekin chart hai,kya-kya karte hain, kaise karte hain, sab baapdaada ke paas chart hai। pavitrata mein bhi abhi koi-koi bachchon ki percentage bahut kam hai। samay ke anusaar vishwa ki aatmaayen aap aatmaon ko roohaaniyat ka sample dekhne chaahti hain। iska sahaj saadhan hai - sirf ek shabd attention mein rakho, baar-baar us ek shabd ko apne aap underline karo, woh ek shabd hai - ekavrata bhav। jahaan ek hai vahaan ekaagrata svatah hi aa jaati hai। achal, adol svatah hi ban jaate hain। ekavrata banne se ekmat par chalna bahut sahaj ho jaata hai। jab hai hi ekavrata to ek ki mat se ekamti sadgati sahaj ho jaati hai। ekras sthiti svatahhi ban jaati hai। to check karo -ekavrata hain?saare din mein manbuddhi ekavrata rehta hai? hisaab mein bhi aadi hisaab ek se shuru hota hai। ek bindi aur ek shabd,ek ank lagaate jaao, ek bindi lagaate jaao to kitna badhta jaayega!to aur kuchh bhi yaad nahin aave,ek shabd to yaad rahega na! samay,aatmaayen aap ekavrata aatmaon ko pukaar rahe hain। to samay ki pukaar,aatmaon ki pukaar- he dev aatmaayen sunne nahin aati?prakriti bhi aap prakritipti ko dekh-dekh pukaar rahi hai - he prakritipti roohaani sankalp svayan mein va doosron mein shakti bharne vaale hain aatmaayen,ab parivartan karo। yeh to beech-beech mein chhote-chhote jhatke lag rahe hain। bichaari aatmaon ko baar-baar duhkh ke,bhay ke jhatke nahin khilaao। aap mukti dilaane vaali aatmaayen master muktidaata kab in aatmaon ko mukti dilaayenge?kya man mein raham nahin aata?ki samaachaar sun karke chup ho jaate ho, bas, ho gaya, sun liya। isliye baapdaada har bachche ka abhi merciful swaroop dekhne chaahte hain। apni had ki baaten abhi chhod do,merciful bano। mansa seva mein lag jaao। sakaash do,shanti do,sahaara do। agar merciful ban auron ko sahaara dene mein busy rahenge to had ki aakarshanon se, had ki baaton se svatah hi door ho jaayenge। mehnat se bach jaayenge। vaani ki seva mein bahut samay diya,samay saphal kiya,sandesh diya। aatmaon ko sambandh samparka mein laaya,draamaanusaar ab tak jo kiya woh bahut achha kiya। lekin abhi vaani ke saath mansa seva ki jyaada aavashyakta hai। aur yeh mansa seva har ek naya,puraana,mahaarthi,ghodesvaar,pyaada sab kar sakte hain। ismen bade karenge,ham to chhote hain,ham to beemaar hain, ham to saadhnon vaale nahin hain…koi bhi aadhaar nahin chaahiye। yeh chhote-chhote bachche bhi kar sakte hain। bachche, mansa seva kar sakte hain na? (haan ji)isliye abhi vaacha aur mansa seva ka balance rakho। mansa seva se aap karne vaalon ko bhi bahut phaayda hai। kyon?jis aatma ko mansa seva arthaat sankalp dvaara shakti denge,sakaash denge woh aatma aapko dua degi। aur aapke khaate mein sva ka purooshaartha to hai hi lekin duaaon ka khaata bhi jama ho jaayega। to aapka jama khaata double reeti se badhta jaayega। isliye chaahe naye hain,chaahe puraane hain, kyonki is baari naye bahut aaye hain na!naye jo pahle baari aaye hain, woh haath uthaao। pahle baari aaye hue bachchon se bhi baapdaada poochhte hain ki aap aatmaayen mansa seva kar sakti ho? (baapdaada ne paandavon se,maataaon se sabse alag-alag poochha aap mansa seva kar sakte ho?) yeh to bahut achha haath uthaaya, chaahe koi T.vi. se dekh sun rahe hain,chaahe sammukh sun rahe hain,abhi baapdaada sabhi bachchon ko jimmevaari dete hain ki roz saare din mein kitne ghante mansa seva yathaartha reeti se ki, uska har ek apne paas chart rakhna। aise nahin kehna haan kar li। yathaartha roop mein kitne ghante mansa seva ki, woh har ek chart rakhna। phir baapdaada achaanak chart mangaayenge। date nahin bataayenge। achaanak mangaayenge,dekhenge ki jimmevaari ka taaj pahna ya hilta raha hai?jimmevaari ka taaj pahanna hai na! teachers ne to jimmevaari ka taaj pahna hua hai na! abhi usmein yeh add karna। theek hai na! double foreigners haath uthaao। yeh jimmevaari ka taaj achha lagta hai, to aise haath uthaao। teachers bhi haath uthaao aapko dekhkar sabko prerna milegi। to chart rakhenge? achha,baapdaada achaanak ek din poochhega,apna- apna chart likhkar bhejo,phir dekhenge kyonki vartamaan samay bahut aavashyakta hai। apne parivaar ka duhkh,pareshaani aap dekh sakte ho! dekh sakte ho? duhkhi aatmaon ko anchali to do। jo aapka geet hai -ek boond ki pyaasi hain ham… aaj ke samay mein sukh shanti ke ek boond ki aatmaayen pyaasi hain। ek sukh-shanti ke amrit ki boond milne se bhi khush ho jaayengi। baapdaada baar-baar sunaate rehte hain - samay aapka intajaar kar raha hai। brahma baap apne ghar ka get kholne ka intajaar kar raha hai। prakriti teevragti se saphaaya karne ka intajaar kar rahi hai। to he farishte, abhi apne double light se intajaar ko samaapta karo। ever ready shabd to sab bolte ho lekin sampanna aur sampoorn banne mein ever ready bane ho? sirf shareer chhodne ke liye ever ready nahin banna hai,lekin baap samaan bankar jaane mein ever ready banna hai।

yeh madhuban ke sab aage-aage baithte hain,achha hai। seva bhi karte hain। madhuban vaale ever ready hain?hansate hain,achha pahli line vaale mahaarthi ever ready hain? baap samaan banne mein ever ready?aise jaana to advance party mein jaayenge। advance party to na chaahte badhti jaati hai। abhi vaani aur mansa seva ke jahaan ek hai vahaan ekaagrata svatah hi aa jaati hai balance mein busy ho jaayenge to blessing bahut milengi। double khaata jama ho jaayega- purooshaartha ka bhi aur duaaon ka bhi। to sankalp dvaara, bol dvaara, vaani dvaara, karma dvaara, sambandh-samparka dvaara duaayen do aur duaayen lo। ek hi baat karo bas duaayen deni hain। chaahe koi baddua de to bhi aap dua do kyonki aap duaaon ke saagar ke bachche ho। koi naaraaz ho aap naaraaz nahin ho। aap raazi raho। aise ho sakta hai? 100 jane aapko naaraaz karen aur aap raazi raho,ho sakta hai?ho sakta hai?doosri line vaale bataao ho sakta hai?abhi aur bhi naaraaz karenge, dekhna!paper to aayega na। maaya bhi sun rahi hai na! bas yeh vrat lo,dridh sankalp lo- ‘‘mujhe duaayen deni hain aur leni hain, bas’’। ho sakta hai?maaya bhale naaraaz kare na! aap to raazi karne vaale ho na? to ek hi kaam karo bas। naaraaz na hona hai,nakarna hai। kare to woh kare, ham nahin hoven। ham na karen na hoven। har ek apni jimmevaari le। doosre ko nahin dekhen, yeh karti hai, yeh karta hai, ham saakshi hoke khel dekhne vaale hain, sirf raazi ka khel dekhenge kya, naaraazgi ka bhi to beech-beech mein dekhna chaahiye na। lekin har ek apne aapko raazi rakhe।

maataayen,paandav ho sakta hai? baapdaada naksha dekh lenge। baapdaada ke paas bahut badi T.vi. hai,bahut badi hai। ek ek ka dekh sakte hain, kis samay koi kya kar raha hai, baapdaada dekhta hai lekin bolta nahin hai,aapko sunaata nahin hai। baaki rang bahut dekhte hain। chhip-chhipkar kya karte ho woh bhi dekhta hai। bachchon mein chaalaaki bhi bahut hai na!chaalaak bahut hain। agar baapdaada bachchon ki chaalaakiyaan sunaayen na to sunkar hi aap thoda sa sochne lagenge, isliye nahin sunaate hain। aapko soch mein kyon daalen। lekin karte bahut hoshiyaari se hain। agar sabse hoshiyaar dekhna ho to bhi braahmanon mein dekho। lekin abhi kismen hoshiyaar banenge? mansa seva mein। number aage le lo। peechhe nahin rehna। ismen koi kaaran nahin। samay nahin milta,chance nahin milta,tabiyat nahin chalti,poochha nahin gaya,yeh kuchh nahin। sab kar sakte ho। bachchon ne daud lagaane ka khel khela tha na, abhi ismen daud lagaana। mansa seva mein daud lagaana। achha।

kanaartak ka tarna hai - karnaatak vaale jo seva mein aaye hain, woh utho। itne sab seva ke liye aaye hain। achha hai, yeh bhi sahaj shreshtha punya jama karne ka golden chance milta hai। bhakti mein kaha jaata hai - ek brahman ki bhi seva karo to bada punya hota hai aur yahaan kitne sachche braahmanon ki seva karte ho। to yeh achha chance milta hai na!achha laga ki thakaavat hui? thake to nahin!maza aaya na!agar sachchi dil se punya samajh karke seva karte hain to uska pratyaksha phal hai, usko thakaavat nahin hogi,khushi hogi। yeh pratyakshaphal punya ke jama ka anubhav hota hai। agar thoda bhi kisi kaaran se thakaavat hoti ya thoda sa mahsoos karte to samjho sachchi dil se seva nahin hai। seva arthaat pratyakshaphal,meva। seva nahin karte meva khaate hain। to kanaartak ke sabhi sevaadhaariyon ne apni achhi seva ka part bajaaya aur seva ka phal khaaya।

achha sabhi teachers theek hain। teachers ko to kitne baari season mein tarna milta hai। yeh tarna milna bhi bhaagya ki nishaani hai। abhi teachers ko mansa seva mein race karni hai। lekin aise nahin karna ki saara din baith jaao, main mansa seva kar rahi hoon। koi course karne vaala aave to aap kaho nahin,nahin main to mansa seva kar rahi hoon। koi karmayog ka time aave to kaho mansa seva kar rahi hoon,nahin। balance chaahiye। koi koi ko jyaada nasha chadh jaata hai na!to aisa nasha nahin chadhaana। balance se blessing hai। balance nahin to blessing nahin। achha।

dilli ke sevaadhaari bhi aaye hain, utho kaun-kaun aaye hain?injeeniyarsa aaye hain। udghaatan to kar liya na!achha kiya। sabhi theek hain। thak to nahin gaye hain?nahin, aur makaan bhi banaane ke liye deven,ever ready hain?aur makaan banaane ka order deven?achha। yeh to ever ready hain,vishvakarma ke samaan jo aap order karo woh ban jaayenge। hain na! brahman parivaar ke sangamayugi vishvakarma ka part bajaane vaale। dvaapar vaale nahin,sangam vaale। bahut achha hai। sabhi bahut khush hue। muhoorta mein sab khush hokar aaye,isliye saphalta hai। thoda-bahut to hota hi hai। lekin majority sab dekh dekh khush hue। isliye aap sabko duaayen mili। aapke khaate mein duaayen jama hui। theek hai na! ek-ek vishesh aatma hai। kisi bhi duty par rahe lekin vishesh aatmaayen hain। iseelie dekho aap logon ko vishesh nimantran mila। bahut achha kiya,baapdaada aur parivaar khush hai। theek hai na?

abhi sabhi ek second mein mansa seva ka anubhav karo। aatmaon ko shanti aur shakti ki anchali do। achha।

chaaron or ke sarva shreshtha roohaaniyat ka anubhav karaane vaale roohaani aatmaon ko,sarva sankalp aur svapna mein bhi pavitrata ka paath padhne vaale brahmaachaari bachchon ko, sarva dridh sankalpadhaari,mansa sevaadhaari teevra purushaarthi aatmaon ko,sada duaayen dene aur lene vaale punya aatmaon ko baapdaada ka, dilaaraam baap ka dil va jaan,sik va prem sahit yaad-pyaar aur namaste।

daadi ji, daadi jaanki ji se personal mulaakaat

baapdaada ne trimoorti brahma ka drishya dikhaaya। aap sabne dekha? kyonki baap samaan, baap ke har kaarya mein saathi ho na!isliye yeh drishya dikhaaya। baapdaada ne aap donon ko vishesh powers ki will ki hai। will power bhi di aur sarva powers ki will bhi ki। isliye woh powers apna kaam kar rahi hain। karaavanhaar kara raha hai,aur aap nimitta ban kar rahe ho। maja aata hai na! karan karaavanhaar baap kara raha hai। isliye karaane vaala kara raha hai, aap bephikar hokar kar rahe hain। phikar nahin rehta hai na! bephikar baadshaah। (daadi jaanki ne kaha ki baapdaada se master degree leni hai)

master degree to paas karna hi hai। hui padi hai। sirf thoda repeat karna hai। paas hui padi hai na! anek kalpa anek baar paas ki hai, abhi sirf repeat karna hai। repeat karne mein mushkil nahin hota hai। nahin to master degree praapta karne vaale kaun honge! aur aapke saathi honge। saathi to chaahiye na!lekin banna to hai hi। paas hua pada hai। kitne baar paas kiya hai? (anek baar)anek baar kiya hai aur hua hi pada hai। achha।

tabiyat ke bhi knowledgeful। thoda-thoda natkhat hota hai। ismen bhi knowledgeful banna hi padega kyonki seva bahut karni hai na। to tabiyat bhi saath deti hai। to double knowledgeful। achha।

om shanti।