Avyakt murli for Monday 11 March 2002

>

11-03-2002 om shanti avyakt baapdaadaamdhuban

visheshtaayen parmaatma-den hain - inhen vishwa seva mein arpan karo

aaj great-great grand father brahma baap aur shiv baap apne vishwa ke chaaron or ke shreshtha bhaagyavaan brahman kul ko bahut-bahut arab-kharab baar divya alaukik janma ki mubaarak de rahe hain। saath-saath ati sneh ke,dil ke pyaar ke roohaani pushpon se janma ki badhaai de rahe hain। har ek brahman aatma ki visheshta dekh-dekh harshit ho rahe hain। dil hi dil mein geet ga rahe hain - vaah bachche vaah! aaj ke din amritvele se sabhi ke dil mein yahi khushi ki lahren dikhaai de rahi hain - vaah baap ka aur hamaara alaukik janma! baap bhi sabhi bachchon ki amritvele se badhaaiyon ki maalaayen dekh-dekh khush ho rahe hain। yeh birth de saare kalpa mein is sangamayug mein hi manaate hain। satayug mein bhi aisa alaukik janma din nahin manaayenge। vahaan bhi aisa vichitra janma din nahin hoga,jo baap aur bachchon ka ek hi saath janma ho। ab tak suna hai kya ki baap aur bachche ka janma ek din hua? lekin aaj ka din aap bachchon ka aur baapdaada ka janma ek din mana rahe ho। to vaah-vaah! ke geet ga rahe ho na!

aaj baapdaada amritvele ek maala bana rahe the। kaun-si maala? 108 ki final maala nahin bana rahe the jo aap socho hamaara naam tha,hamaara naam tha… lekin aaj aadi se, sthaapna ke samay se ab vinaash ke sameep samay tak kaun-se,kaun-se bachche amar bhav ke vardaani rahe hain! unhon ki maala bana rahe the। yeh bhi drama anusaar un aatmaon ko oonche-te- oonche bhagvan ke saath sarva charitra dekhne,sunne ka shreshtha part hai lekin woh kitne thode hain! aap sabka bhi part hai,kyon? baapdaada brahman vanshaavli bana rahe hain। isliye vishwa ke hisaab se jo bhi brahman aatmaayen hain woh bahut bahut-bahut bhaagyavaan hain,kyon?koton mein koi ki line mein aur koi mein bhi koi, ek taraph vishwa ki koton aatmaayen, doosre taraph aap har ek brahman ek ho। to janma din par baapdaada har ek bachche ko,koi-koi ko nahin sabhi bachchon ki janmapatri dekh har ek ke visheshtaaon ki maalaayen gale mein daal rahe the। aap sabhi chaahe naye hain,chaahe aadi ke hain, chaahe madhya ke hain lekin vishesh hain aur vishesh rahenge hi। saara kalpa vishesh rahenge। saara kalpa vishwa ki sarva aatmaon ki aap shreshtha aatmaon ke oopar mahaanta ki nazar rehti hai। to aap har ek apni visheshtaaon ko jaante ho? agar haan to ek haath uthaao। bahut achha। us visheshtaaon ko kya karte ho?jaante ho bahut achha,maante ho bahut achha lekin un visheshtaaon ko kya karte ho? (seva mein lagaate hain) aur reeti se use to nahin karte na? yeh visheshtaayen parmaatma-den hain। parmaatma-den sada vishwa seva mein arpan karni hai। visheshtaayen agar negative roop mein use kiya to abhimaan ka roop ban jaata hai kyonki gyaan mein aane ke baad, brahman jeevan mein aane ke baad baap dvaara visheshtaayen bahut praapta hoti hain kyonki baap ka banne se visheshtaaon ke khazaane ke adhikaari ban jaate ho। ek do visheshtaayen nahin hain, bahut visheshtaayen hain। jo yaadgaar mein bhi aapki visheshtaaon ka varnan hai - 16 kala sampanna, to sirf 16 nahin hain, 16 maana sampoorn। sarva gun sampanna। sampoorn nirvikaarita ka detail hai। kahne mein aata hai sampoorn nirvikaari lekin sampoorn mein kai detail hain। to visheshtaayen to baap dvaara har brahman ko varse mein praapta hoti hi hain। lekin un visheshtaaon ko dhaaran karna aur phir seva mein lagaana। meri yeh visheshta hai,nahin, parmaatma-den hai। parmaatma-den samajhne se visheshta mein parmaatma shaktiyaan bhar jaati hain। meri kahne se abhimaan aur apmaan donon ka saamna karna padta hai। kisi bhi prakaar ka abhimaan, chaahe gyaan ka, chaahe yog ka, chaahe seva ka, chaahe buddhi ka, chaahe koi gun ka, jismen bhi abhimaan hoga uski nishaani hai - usko apmaan bahut jaldi feel hoga।

to vishesh aatmaayen ho arthaat parmaatma-den ke adhikaari ho। to aaj aap sabhi baapdaada ka birth de manaane aaye ho na! aur baapdaada aap sabka birth de manaane aaye hain। aap to sirf baapdaada ka birth de manaayenge lekin baapdaada saare brahman kul ka birth de manaane aaye hain। chaahe desh mein door baithe hain, chaahe videsh ke kone mein door mein baithe hain lekin jo bhi brahman aatma, brahman kul ki ban gai,un sabka birth de baapdaada bhi mana rahe hain,aap bhi mana rahe hain। sabka mana rahe ho ya sirf yahaan baithne vaalon ka mana rahe ho?sabhi yaad hain na! sabhi dekh rahe hain ki hamaara bhi mana rahe hain ya nahin? to sabka mana rahe hain। sabko mubaarak, mubaarak,mubaarak ho। manaana arthaat umang-utsaah mein aana। to dil mein utsaah hai na, vaah! hamaara alaukik janma din!

to aaj amritvele se janma din ka utsaah-umang sabhi mein bahut-bahut raha na! baapdaada ne card bhi dekhe,aap in aankhon se dekhte ho,baapdaada to sookshm mein hi aapse pahle hi dekh lete hain। lekin baapdaada ne dekha sabhi apne dil ka umang dikhaane ke liye kitna umang-utsaah rakhte hain। aajkal to ee-mel bahut sasta hai na! to ee-mel bhi sabhi bahut karte hain। baapdaada ke paas sab pahunchta hai। chaahe ee-mel ho, chaahe card ho, chaahe patra ho, chaahe dil ke sankalp hon। amritvele se vatan mein agar chaaron or ke card, patra,ee-mel, sankalp sab ikatthe karo to dekh-dekhkar bada maja aayega। yeh egjeevishan vichitra hoti hai। to birth de par bhavishya ke liye sankalp kiya jaata hai। jaise birth ka number aage badhta hai, 65 se 66 par gaya na! to jaise varsha aage badhta hai aise hi purooshaartha mein va apne amoolya jeevan mein, man mein arthaat sankalp mein,buddhi ke nirnay shakti mein, vaani mein, second mein saphalta moorta banaane ki shakti mein,sambandh-samparka mein har samay samparka-sambandh vaale ko koi-na-koi praapti ki anubhooti ho,aisa apne bhavishya varsha ke liye dridh sankalp ka vrat liya? kyonki vishesh shiv jayanti ke din do lakshya brahman aatmaon ke rehte hain - ek svayan se pratigya ka aur doosra baap ki pratyakshata ka jhanda lahraane ka, yeh do vishesh lakshya is din har ek ke andar rehta hai। to baapdaada ne aap sabki ki hui pratigyaaon ka (jo beete hue samay mein ki hain) potaamel dekha। har saal har ek ne vidhipoorvak sankalp se, vaani se pratigya ki hai। bahut achha kiya hai। lekin abhi aaj ke baad arthaat janma din manaane ke baad ek shabd ko vishesh underline karna। common shabd hai, naya nahin hai। woh shabd hai -nirantar dridhta। kabhi dridhta aur kabhi dridhta mein bhi albelaapan, nahin। agar nirantar dridhta hai to uski nishaani hai - nirantar har sankalp, bol,karma dvaara sva mein, seva mein aur sambandh mein 100 percent saphalta। jab tak in sabhi baaton mein braahmanon mein sada saphalta kam hai tab tak pratyakshata drama anusaar rooki hui hai। saphalta pratyakshata ka aadhaar hai। har bol saphalta poorvak ho, har sankalp saphaltaapoorvak ho। isliye aajkal ke yaadgaar mein bhi guru kahlaane vaalon ko sat vachan mahaaraaj kaha jaata hai। chaahe jhooth bhi bol rahe hon lekin bhakta kehte hain sat vachan। to yeh aapke vachan ka gaayan hai। mahaaraaj, mahaan to aap hi bante ho na! iseelie sat vachan mahaaraaj maana mahaan aatmaayen। aise kabhi nahin socho ki mera bhaav nahin tha lekin bol diya, nikal gaya, bina bhaav ke, bhaavna ke bol nahin nikalte hain,yeh to chalaane ki baat hai। kabhi kehte hain nikal gaya, kyon nikal gaya? kyon,controlling power nahin hai kya jo nikal gaya? ho gaya, to raaja nahin hain?koi-koi karmendriyon ke vasheebhoot ho gaye na - jo nikal gaya, ho gaya!

to is varsha mein mubaarak ke saath nirantar har baat mein dridhta ko underline karna। aaj birth de hai isliye baapdaada aaj nahin sunaate hain lekin sabhi ke chart se baapdaada ne ek baat note ki,lekin last baari mein sunaayenge। aaj to manaana hai, sunaana nahin hai। 15 din ke baad sunaayenge। (baapdaada sunaaye to 15 din mein sab theek ho jaayenge) achha pahle kaho 15 din mein correction ho jaayegi phir to sunaana theek hai। agar 15 din mein parivartan ho jaae to baapdaada to pata nahin kya kar denge! to sunaayen kya?to 15 din mein 80 avyakt sandesh parivartan ho jaayega? sankalp karenge? achha,paandav karenge sunaayen? sunna to sahaj hai, karenge?karna padega। (baapdaada ne peechhe vaalon se,maataaon se,teachers se,double foreigners sabse poochha, sabhi ne haath hilaaya) haath to sab bahut achha utha lete hain।

double foreigners ke teen group hain na?

(antarmukhi, mastaana, shakti group)

achha,antarmukhi group haath uthaao। antarmukhi mein thode hain। doosra group hai mastaana,achha mastaana group vaale khade ho jaao। sada masta rahne vaale na! mastaana ka arth kya hua?sada masta rahne vaale na! teesra group - shakti। shakti group shaktishaali hai na! naam to bahut achhe rakhe hain। dekho shuru-shuru mein jab bhatthi thi to aapke groups ke naam kya the? (divine unity,manohar party, supreme party) naam to sundar hain na? to yeh bhi group achhe bane hain। naam yaad rahega to naam ke saath karttavya bhi yaad rahega। achha double foreigners kumaar utho। achha, yeh kumaaron ka group hai। achha kiya hai,baapdaada ne double foreigners ke refreshment ka samaachaar bahut achha suna hai। baapdaada dil se mubaarak bhi de rahe hain lekin sabhi groups ko jo aaj underline kiya hai, woh yaad bhi dila rahe hain।

double foreign ki teachers bahut hain। teacher banna bahut-bahut shreshtha bhaagya ki nishaani hai kyonki baapdaada teachers ko guru-bhaai ke roop mein dekhte hain, itna samaan roop mein dekhte hain kyonki baap ke aasan par baithte hain, teachers ko yeh hak milta hai। jaise guru ki gaddi hoti hai na to yeh murli ka takhta,murli dhaaran karaana aur murli sunaana। sunaana sirf nahin lekin murli dhaaran karaana, yeh teachers ko baapdaada ne guroobhaai ka takhta diya hai aur foreign mein to dekha jaata hai ki bahut jaldi se jaldi takhtansheen ho jaate hain। baapdaada khush hote hain, jimmevaari ka taaj dhaaran kar lena, himmat rakhna, yeh bhi koi kam baat nahin hai lekin guroobhaai arthaat baap samaan। vaise to sabhi ko baap samaan banna hi hai lekin phir bhi teachers ko vishesh jimmevaari ka taaj hai। baapdaada ko bhi teachers ka sangathan bahut achha lagta hai। lekin aaj ka vishesh shabd ‘‘nirantar attention’’।

achha - bhaarat ki teachers utho,bhaarat ki teachers bhi kam nahin hain। to suna, teachers ko baba kis nazar se dekhte hain। yeh class ki, murli sunaane ki seat… bahut bhaagyavaan hain। bahut-bahut-bahut lucky ho kyonki saakaar roop mein nimitta kaun hain? achha daadiyaan to ek foreign rehti hai ek madhuban rehti hai lekin har sthaan par saakaar roop mein nimitta teachers hain ya nimitta paandav bhi hain। aise nahin sirf teachers (bahnen) hain,paandav bhi hain, jisko bade bhaai kehte ho na। paandav to zaroori hain hi। shaktiyaan aur paandav donon ke saath se hi aadi se kaarya chala hai,chaahe thode paandav the lekin vishvakishor to the na। aanandakishor,vishvakishor shuru ke hain। to paandavon ka saath to hai na। lekin majority teachers jyaada hain jo nimitta ban jaati hain। aap backbone ho, teachers ke bhi backbone ho। har ek ka part hai। lekin videsh mein yeh visheshta hai ki paandav bhi teacher bante hain, bhaarat mein kam bante hain। to teachers ko sada baapdaada kehte hain teacher arthaat apne features dvaara baap ka saakshaatkaar karaane vaali। features dvaara future spashta dikhaane vaali। to aisi teachers ho na? jo aapko dekh baapdaada ke paalna ki anubhooti ho। parmaatma-gun,parmaatma-shaktiyaan aapke chehre se dikhaai den, bol se dikhaai den। aise nahin phalaani teacher ne bola, nahin। baapdaada ne teachers ke features dvaara anubhav karaaya। baap se har ek ka connection jodna - yahi hai teachers ka karttavya। har ek ke dil se har samay baba nikle।

yeh groups bhi achhe banaaye hain kyonki personal refreshment milne se anubhooti achhi karte hain। groups mein result achhi nikli na! achha hai।

seva ka chance yu.pi. ka hai:- achha,golden chancellor utho। paandav bhi hain,shaktiyaan bhi hain, to aap sabko is seva ka title mila hai, golden chancellor। to abhi yu.pi. kamaal karke dikhaayegi na! dhoom machaao yu.pi. mein। yu.pi. mein puraane-puraane bhi achhe hain,naye bhi kaaphi aaye hain। abhi aisa koi programme banaao jo desh-videsh ke braahmanon ki nazar yu.pi. ki taraph ho jaaye। yu.pi. mein nishaani hai - jo brahma baap ne bhi dekhi। brahma ne beej daala tha,us sthaan mein saakaar roop mein koshish ki thi, jameen leke kuchh banaane ki, lekin abhi tak bana nahin hai। kamaal karo,ban jaayega। (banaaras vaale museum bana rahe hain, aagra vaale bhi bana rahe hain।) dekhenge, kitne vaaris nikalte hain aur kitne sahayogi nikalte hain, kitne regular student nikalte hain! result dekhenge। baaki achha hai,himmat achhi rakhi hai,madad milti rahegi। to yu.pi. vaale kya kamaal karenge? kamaal karna hai ya nahin? karna hai na, to dekhenge yu.pi. vaale kya kamaal karte hain। sab kahenge yu.pi. mein chalo, yu.pi. mein chalo। woh vinaashkaari vinaash karen,sthaapna vaale sthaapna। to dekhenge, plan banaana। theek hai na! plan banega na।

media vaalon ki meeting hai -media vaale kya kar rahe hain? media ka arth hi hai har baat ko pratyaksha karne vaale। to media vaalon ne kya pratyakshata ka plan banaaya? is saal pratyakshata ho jaayegi? media vaale channel banaao ya kuchh bhi banaao lekin yeh aana chaahiye ki yahi hai, yahi hai,yahi hai…। abhi tak to yeh bhi hai, yahi hai, nahin aaya hai। yeh bhi achhe hain…,achhe-te-achhe yahi hain, woh akhbaar mein nikle। channel mein aave tab baap kahenge media hai। phir bhi badh to raha hai, jitna bhi kiya hai,vriddhi to hui hai lekin lakshya to woh hai na? mehnat achhi kar rahe hain, naam to ho gaya hai lekin abhi kaam nahin hua hai। ho jaayega, zaroor। achha।

sindhi group bahut bada aaya hai -bahut achha kiya। apne ghar mein aaye ho na?samajhte ho apne ghar mein aaye hain ki brahmaakumaariyon ke paas aaye hain? apna ghar hai kyonki sindha se sthaapna hui,to sthaapna ke nimitta bane hue sthaan se aapka sambandh hai। isliye aaye hain to bahut achha, aaye hain aur aate rehna। apne sambandh-samparka vaalon ko jagaate rehna। baapdaada ne dekha hai seva achhi karte hain, ab tak ki bhi hai। ek do ko parichay dete rehte ho lekin aur seva ko badhaao। abhi itne aaye hain na, phir doosri baari aur jyaada aana। sindhi logon ko dekh karke sabko khushi hoti hai - yeh sindha vaale hain jahaan sthaapna hui thi, aapko dekhkar khush hote hain। to achha kiya hai। vriddhi ho rahi hai na? achhi vriddhi hai। bahut achha kiya। achha,double foreigners ko mubaarak to mili। (50 deshon se 1000 double videshi aaye hain) double videshiyon ne vishwa kalyaan karne ki jo himmat rakhi hai, uski baapdaada vishesh double videshi bachchon ko badhaai dete hain। koi bhi kona chhodne vaale nahin hain। himmat rakh seva mein badhte hi rehte hain। baapdaada ne dekha seva ki result mein jo kaal aaph time,living value, pees aaph mind… jo bhi karte ho woh achha kar rahe hain। achha hai। result bhi achhi hai aur aage badh bhi rahe hain। bhaarat ko to vardaan hai gaanvagaanv mein jhanda lahraana। bhaarat mein mushkil nahin hai lekin double foreigners har desh mein saath-vaat (paristhitiyaan) na dekh karke bhi sthaapna karne ka tareeka bahut achha hai। bhaarat to hai hi baap ka, isliye usko to vardaan hai hi।

tarki se bahut achha group aaya hai -achha, tarki vaale utho - dekho, aapke liye baap ko bahut-bahut pyaar hai, tab to tarki mein pahunch gaya na! achhe masta hain। gupta aur masta। gupta bhi rehna hai aur apni masti mein bhi rehna hai। to achha part baja rahe ho। achha। double videsh ki teachers ne mehnat achhi ki hai। aar.si.O. group utho। double foreign mein aar.si.O. kaun hain, aap sabko pata to hona chaahiye। time bhi diya hai aur mehnat bhi achhi ki hai, mubaarak ho। bahut achha kiya hai। backbone to hai। (daadi jaanki) aap bhi utho, dekho aapke liye sabka pyaar hai na,isliye taaliyaan bajaai। achha hai। (N.si.O. bhi hai) achha hai jo bhi hain woh sab achhe ho। N.si.O, aar.si.O jo bhi hain। samay diya hai। samay dene se saphalta hoti hai। achha।

gujraat ka kya haal hai? achhi himmat hai na?dar to nahin hai na? shaktiyon ko kya dar hai। yeh to hona hi hai। lekin real rooka hua hai,yeh to rehearsal hai। ghabraate to nahin ho na! koi ghabraata hai?nahin। aaraam se drama ki har scene dekhte chalo। sirf saaksheepan ki seat se neeche aakar nahin dekho। seat par achhi reeti se set hokar baitho।

madhuban vaalon se:-achha, madhuban vaale theek hain?bahut seva ki season chal rahi hai। madhuban vaale utho। madhuban vaale sabse pyaar-te-pyaare hain kyonki jo chul par hota hai woh dil par hota hai। baapdaada madhuban nivaasi bachchon ko sada hi emerge kar yaad-pyaar dete hain kyonki itni aatmaon ko baap se milne ka sukh dete hain। seva varna arthaat baap samaan sukhdaai ban sukh dena। madhuban ko seva karne ka bahut-bahut-bahut parmaatma chance hai। madhuban vaalon ke oopar paramatma ki mehar hai, gurookripa hai। to sada chaahe oopar sun rahe hain, chaahe sammukh hain lekin baapdaada sabhi madhuban nivaasi sevaadhaari so baap ke dil par,takhta par baithne vaale bachchon ko bahut-bahut seva ke return mein vardaan de rahe hain - athak bhav। sada athak bhav ka apna chitra sabko dikhaane vaale। aise ho na! sukhdaai ho na? kitni duaayen milti hain। jo sachchi dil vaala hai usko duaayen svatah hi milti hain। madhuban vaalon ko duaayen jama karne ka chance bahut achha hai। jitni chaahe utni karo। to duaaon ka stock ikattha ho raha hai na?madhuban nivaasiyon se baapdaada ka special pyaar hai। alag milte nahin hain lekin dil se sada milte rehte hain। bahut achha। bahnen bhi hain। achha।

global hospital ke trustee bhi aaye hain –

global hospital se sabse jyaada phaayda, baapdaada ne dekha braahmanon ko bahut hai। braahmanon ke liye sahaj saadhan ban gaya। isliye baapdaada hospital vaalon ko bhi khaas yaad de rahe hain। achha - trustee utho। achha hai baapdaada ek hansi ki baat sunaate hain। common baat hai lekin hansane ki hai,sabhi se jyaada hospital ka phaayda baapdaada ne dekha madhuban vaalon ko hai, kyon?koi bhi shareer chhodta hai na,to madhuban vaalon ka naashta band nahin hota hai aur yahaan to har season mein do-chaar to hote hi hain। phaayda hai na madhuban vaalon ko, khaana to band nahin hota hai na! aur bachchon ko bhi phaayda hai। lekin social work ke hisaab se bhi aabu nivaasiyon ki vritti change hona, iske nimitta hospital hai। hospital ke sevaadhaari aaye hain, utho। bahut-bahut seva ki mubaarak ho। achhi seva karte hain aur dinapratidin anubhvi bhi bante jaate hain। phir bhi himmat to rakhi hai na? achha,abhi to baambe mein bhi hospital khul rahi hai। achha hai dekho global hospital ko achha-sa vaaris mil gaya hai। (bhuvneshvar mein bhi ek hospital khuli hai) sabhi ko achha lagta hai?haath to hilaao। teachers ko check karaana sahaj ho gaya hai na! achha hai। desh-videsh mein yeh naam bhi bahut seva karta hai। videsh mein jaanki foundation hai,achha hai,yeh bhi seva ka saadhan hai aur ek-do mein connection jo rakha hai woh bhi achha hai। trustee bhi achhe-achhe hain। achha।

chaaron or ke janma utsav manaane vaale shreshtha brahman aatmaon ko,sada alaukik janma ke alaukik divya karttavya karne vaale shreshtha aatmaon ko,sada ek baap doosra na koi,aise eknaami aur sarva khazaanon ke economy ke avtaar bachchon ko sada har vardaan aur varse ko jeevan dvaara pratyaksha karne vaale umang-utsaah mein rahne vaale bachchon ko, baapdaada ka alaukik janma ke mubaarak sahit yaad-pyaar aur namaste।

daadiyon se

daadi ji ne baapdaada ko birth de ki bahut-bahut badhaai di। aaj maala mein aap sab aaye। maala yaad ki na! aadi ki sthaapna har ek apne ko mukta karo, doosre ko nahin dekho ke ratna, to usmein aap maala ke manke the। achha hai sthaapna mein bhi nimitta bane, paalna mein bhi nimitta bane,abhi baap ke saath chalne mein bhi nimitta banenge। kya darvaaja baapdaada akela kholega? (nahin) aapke liye rooke hue hain। aao to darvaaja kholen। lekin seva poori karni padegi na kyonki saakaar mein aap logon ko nimitta banaaya hai। to saakaar ka kaarya to poora karna padega na। aajkal sab kisko dekhte hain? sabki najar kahaan jaati hai?aap logon ke oopar hi to jaati hai। jo nimitta bane hue hain, unhon ke oopar hi sabki nazar jaati hai। nazron mein to sabhi ko bithaaya kyonki baap ki nazar koi chhoti to hai hi nahin,behad ki nazar hai। to sabhi nazar mein hain। sabhi noore ratna hain। bahut achha। har ek apna-apna part baja rahe hain aur bajaana hi hai। drama mein bandhe hue ho। maja aata hai na! bahut achha hai!

baapdaada ne apne haston se shiv dhvaj phahraaya, cake kaati aur sab bachchon ko badhaaiyaan di

sabhi bachchon ke dil mein baap ki pratyakshata ka jhanda lahra raha hai aur aap sab bachchon ke dil mein lahraaya hua jhanda duniya mein lahraaya jaayega। sabhi ke mukh se yahi niklega - vaah shiv-shakti paandav sena vaah! baapdaada ko sabhi ke khushnumaah chehre dekh bahut-bahut khushi hai। khushanseeb ho aur sada khushnumah chehra hai aur auron ko bhi sada dilkhush mithaai khilaate rehna। amritvele yeh mithaai sabhi yaad se kha lo। to saara din is mithaai ki shakti rahegi,khushi rahegi। achha। sabko mubaarak ho। (sabke taraph se baba ko mubaarak ho, mubaarak ho)

om shanti।