Avyakt murli for Saturday 15 November 2003

>

15-11-03 om shanti avyakt baapdaadaamdhuban

“man ko ekaagra kar, ekaagrata ki shakti dvaara pharishta sthiti ka anubhav karo”

aaj sarva khazaanon ke maalik apne chaaron or ke sampanna bachchon ko dekh rahe hain। har ek bachche ko sarva khazaanon ke maalik banaaya hai। aisa khazaana mila hai jo aur koi de nahin sakta। to har ek apne ko khazaanon se sampanna anubhav karte ho? sabse shreshtha khazaana hai gyaan ka khazaana,shaktiyon ka khazaana, gunon ka khazaana, saath-saath baap aur sarva brahman aatmaon dvaara duaaon ka khazaana। to check karo yeh sarva khazaane praapta hain?sarva khazaanon se jo sampanna aatma hai uski nishaani sada naynon se, chehre se,chalan se khushi auron ko bhi anubhav hogi। jo bhi aatma samparka mein bhi aayegi woh anubhav karegi ki yeh aatma alaukik khushi se,alaukik nyaari dikhaai deti hai। aapki khushi ko dekh doosri aatmaayen bhi thode samay ke liye khushi anubhav karengi। jaise aap brahman aatmaon ki saphed dress sabhi ko kitni nyaari aur pyaari lagti hai। svachchhata,saadgi aur pavitrata anubhav hoti hai। door se hi jaan jaate hain yeh brahmaakumaar kumaari hai। aise hi aap brahman aatmaon ke chalan aur chehre se sada khushi ki jhalak,khushanseeb ki phalak dikhaai de। aaj sarva aatmaayen mahaan duhkhi hain,aisi aatmaayen aapka khushnumahchehra dekh,chalan dekh ek ghadi ki bhi khushi ki anubhooti karen, jaise pyaasi aatma ko agar ek boond paani ki mil jaati hai to kitna khush ho jaata hai। aise khushi ki anchali aatmaon ke liye bahut aavashyak hai। aise sarva khazaanon se sada sampanna ho। har brahman aatma svayan ko sarva khazaanon se sada bharpoor anubhav karte ho va kabhi-kabhi? khazaane avinaashi hain,dene vaala daata bhi avinaashi hai to rehna bhi avinaashi chaahiye kyonki aap jaisi alaukik khushi saare kalpa mein sivaae aap braahmanon ke kisko bhi praapta nahin hoti। yeh abhi ki alaukik khushi aadhaakalpa praalabdha ke roop mein chalti hai, to sabhi khush hain! ismen to sabhi ne haath uthaaya,achha -sada khush hain? kabhi khushi jaati to nahin?kabhi-kabhi to jaati hai! khush rehte ho lekin sada ekras, usmein antar aa jaata hai। khush rehte ho lekin percentage mein antar aa jaata hai।

baapdaada automatic T.vi. se sab bachchon ke chehre dekhte rehte hain। to kya dikhaai deta hai?ek din aap bhi apne khushi ke chart ko check karo -amritvele se lekar raat tak kya ek jaisi percentage khushi ki rehti hai?va badalti hai?check karna to aata hai na, aajkal dekho science ne bhi checking ki machinery bahut tej kar di hai। to aap bhi check karo aur avinaashi banaao। sabhi bachchon ka baapdaada ne bhi vartamaan purooshaartha check kiya। purooshaartha sab kar rahe hain- koi yatha shakti,koi shaktishaali। to aaj baapdaada ne sabhi bachchon ke man ki sthiti ko check kiya kyonki mool hai hi manamnaabhav। seva mein bhi dekho to mansa seva shreshtha seva hai। kehte bhi ho man jeet jagatjeet, to man ki gati ko check kiya। to kya dekha? man ke maalik ban man ko chalaate ho lekin kabhi-kabhi man aapko bhi chalaata hai। man parvash bhi kar deta hai। baapdaada ne dekha man se lagan lagaate hain lekin man ki sthiti ekaagra nahin hoti hai।

vartamaan samay man ki ekaagrata,ekras sthiti ka anubhav karaayegi। abhi result mein dekha ki man ko ekaagra karne chaahte ho lekin beech-beech mein bhatak jaata hai। ekaagrata ki shakti avyakt pharishta sthiti ka sahaj anubhav karaayegi। man bhatakta hai,chaahe vyartha baaton mein, chaahe vyartha sankalpon mein,chaahe vyartha vyavhaar mein। jaise koi-koi ko shareer se bhi ekaagra hokar baithne ki aadat nahin hoti hai, koi ko hoti hai। to man jahaan chaaho, jaise chaaho, jitna samay chaaho utna aur aisa ekaagra hona isko kaha jaata hai man vash mein hai। ekaagrata ki shakti, maalikpan ki shakti sahaj nirvighna bana deti hai। yuddha nahin karni padti hai। ekaagrata ki shakti se svatahhi ek baap doosra na koi - yeh anubhooti hoti hai। svatahhogi, mehnat nahin karni padegi। ekaagrata ki shakti se svatah hi ekras pharishta swaroop ki anubhooti hoti hai। brahma baap se pyaar hai na- to brahma baap samaan banna arthaat pharishta banna। ekaagrata ki shakti se svatahhi sarva prati sneh, kalyaan,sammaan ki vritti rehti hi hai kyonki ekaagrata arthaat svamaan ki sthiti। pharishta sthiti svamaan hai। jaise brahma baap ko dekha, varnan bhi karte ho jaise sampannata ka samay sameep aata raha to kya dekha? chalta-phirta pharishta roop,dehbhaan rahit। deh ki feeling aati thi? saamne jaate rahe to deh dekhne aati thi ya pharishta roop anubhav hota tha? karma karte bhi, baatcheet karte bhi, direction dete bhi, umang-utsaah badhaate bhi deh se nyaara,sookshm prakaash roop ki anubhooti ki। kehte ho na ki brahma baba baat karte-karte aise lagta tha jaise baat kar bhi raha hai lekin yahaan nahin hai, dekh raha hai lekin drishti alaukik hai, yeh sthool drishti nahin hai। deh-bhaan se nyaara,doosre ko bhi deh ka bhaan nahin aaye, nyaara roop dikhaai de,isko kaha jaata hai deh mein rehte pharishta swaroop। har baat mein,vritti mein,drishti mein,karma mein nyaaraapan anubhav ho। yeh bol raha hai lekin nyaara-nyaara, pyaara-pyaara lagta hai। aatmik pyaara। aise pharishtepan ki anubhooti svayan bhi kare aur auron ko bhi karaaye kyonki bina pharishta bane devta nahin ban sakte hain। pharishta so devta hai। to number one brahma ki aatma ne pratyaksha saakaar roop mein bhi pharishta jeevan ka anubhav karaaya aur pharishta swaroop ban gaya। usi pharishte roop ke saath aap sabhi ko bhi pharishta ban paramdham mein chalna hai। to iske liye man ki ekaagrata par attention do। order se man ko chalaao। karna hai to man dvaara karma ho, nahin karna hai aur man kahe karo,yeh maalikpan nahin hai। abhi kai bachche kehte hain, chaahte nahin hain lekin ho gaya। sochte nahin hain lekin ho gaya, karna nahin chaahiye lekin ho jaata hai। yeh hai man ke vasheebhoot avastha। to aisi avastha achhi to nahin lagti hai na!follow brahma baap। brahma baap ko dekha saamne khade hote bhi kya anubhav hota?pharishta khada hai, pharishta drishti de raha hai। to man ke ekaagrata ki shakti sahaj pharishta bana degi। brahma baap bhi bachchon ko yahi kehte hain- samaan bano। shiv baap kehte hain niraakaari bano, brahma baap kehte hain pharishta bano। to kya samjha?result mein kya dekha? man ki ekaagrata kam hai। beech-beech mein chakkar bahut lagaata hai man, bhatakta hai। jahaan jaana nahin chaahiye vahaan jaata hai to usko kya kahenge?bhatakna kahenge na! to eka-grata ki shakti ko badhaao। maalikpan ke stage ki seat par set raho। jab set hote hain to upset nahin hote,set nahin hain to up-set hote hain। to bhinna-bhinna shreshtha sthitiyon ki seat par set raho,isko kehte hain ekaagrata ki shakti। theek hai? brahma baap se pyaar hai na! kitna pyaar hai? kitna hai?bahut pyaar hai!to pyaar ka respond baap ko kya diya hai?baap ka bhi pyaar hai tab to aapka bhi pyaar hai na!to return kya diya? samaan banna - yahi return hai। achha।

yeh season ka first tarna hai। to first mein first number aa gaye hain। baapdaada ko bhi jitne jyaada bachche dikhaai dete to achha lagta hai। jitna haal banaaya hai utne hi aate hain। abhi bada haal banaao to bahut aaven। abhi dekho to full ho gaya hai na!full hona ishaara karta hai ki aur bada banaao। haal saj jaata hai na! aur aisi shreshtha aatmaon se haal saja hua hai to kitna achha lagta hai। madhuban vaalon ko bhi,chaahe shaantivan ho, chaahe paandav bhavan ho, agar khaali-khaali hota hai to achha nahin lagta hai na। bhara hua hota hai to achha lagta hai ki madhuban vaalon ko ekaanta chaahiye?ekaanta chaahiye va sangathan, rimjhim achhi lagti hai?phir bhi beech mein ekaanta bhi mil jaati hai। achha।

double videshi bhi aaye hain। achha hai,double videshiyon se bhi madhuban ka shrringaar ho jaata hai। international ho jaata hai na!achha hai,baapdaada ne daadi ka sankalp suna।(aaj savere class mein daadi ji ne sabhi ko desh-videsh mein seva ki dhoom machaane ka sankalp diya tha,bhaarat ka koi bhi gaanv, koi bhi desh is varsha sandesh se vanchit na rahe, aisa plan banaao) sankalp diya hai na -achha hai। dekhenge videsh poora karta hai ya bhaarat poora karta hai! sandesh to milna chaahiye। itni aapko praapti hui, baap mila,khazaana mila,paalna mili,kam se kam apne bhaai-bahinon ko sandesh to pahunchaana chaahiye। ulhana to nahin denge na ki hamko pata hi nahin। to sandesh zaroor dena, aavashyak hai। aur mushkil kya hai?har ek zone apne-apne zone ke side ko baanto, aur kya hai! har zone mein kitne centre hain,ek-ek centre ko bhi baanton to kya badi baat hai। dekho, madhuban mein vargaakran ki seva hoti hai,usse aavaaj chaaron or phailta hai। aap dekhenge jab se yeh vargaakran ki seva shuru ki hai to aai.pi.quality mein aavaaj jyaada phaila hai। vi.vi.aai.pi.ki to baat chhodo,unhon ko phursat kahaan hai। aur bade-bade programme kiye hain usse bhi aavaaj to phailta hai। abhi dehli aur kalkatta kar rahe hain na!achhe plan bana rahe hain। mehnat bhi achhi kar rahe hain। baapdaada ke paas samaachaar pahunchta rehta hai। dehli ka aavaaj foreign tak pahunchna chaahiye। media vaale kya karte hain? sirf bhaarat tak। foreign se aavaaj aaye ki dehli mein yeh programme hua, kalkatta mein yeh programme hua। yeh vahaan ka aavaaj India mein aave। India ke kumbhakran to videsh se jaagne hain na!to videsh ki khabar ka mahatva hota hai। programme bhaarat mein ho aur samaachaar videsh ki akhbaaron se pahunche tab phailega। bhaarat ka aavaaj videsh mein pahunche aur videsh ka aavaaj bhaarat mein pahunche,uska prabhaav hota hai। achha hai। programme jo bana rahe hain,achhe bana rahe hain। baapdaada dehli vaalon ko bhi muhabbat ke mehnat ki mubaarak dete hain। kalkatta vaalon ko bhi inaed-vaans mubaarak hai kyonki sahayog,sneh aur himmat jab teenon baaten mil jaati hain to aavaaj bulanda hota hai। aavaaj phailega,kyon nahin phailega। abhi media vaale yeh kamaal karna,sabhi ne T.vi. mein dekha,yeh T.vi.mein aaya,sirf yeh nahin। woh to bhaarat mein aa raha hai। abhi aur videsh tak pahuncho। abhi dekhenge yeh saal aavaaj phailaane ka kitna himmat aur jor-shor se manaate ho। baapdaada ko samaachaar mila ki double foreigners ko bahut umang hai। hai na? achha hai। ek do ko dekh aur umang aata hai,jo ote woh brahma samaan। achha hai। to daadi ko bhi sankalp aata hai, busy karne ka tareeka achha aata hai। achha hai, nimitta hai na।

achha -sabhi udti kala vaale ho? udti kala fast kala hai। chalti kala,chadhti kala yeh fast kala nahin hai। udti kala fast bhi hai aur first laane vaali bhi hai। achha -

maataayen kya karengi?maataayen apne hamjinsa ko jagaao। kam se kam maataayen koi ulhana dene vaali nahin rah jaayen। maataaon ki sankhya sada jyaada hoti hai। baapdaada ko khushi hoti hai aur is group mein sabhi ki sankhya achhi aai hai। kumaaron ki sankhya bhi achhi aai hai। dekho,kumaar apne hamjinsa ko jagaao। achha hai। kumaar yeh kamaal dikhaaven ki svapna maatra pavitrata mein paripakva hain। baapdaada vishwa mein challenge karke bataaye ki brahmaakumaar youth kumaar, double kumaar hain na। brahmaakumaar bhi ho aur shareer mein bhi kumaar ho। to pavitrata ki paribhaasha practical mein ho। to order karen,aapko check karen pavitrata ke liye। karen order?ismen haath nahin utha rahe hain। masheenen hoti hain check karne ki। svapna tak bhi apvitrata himmat nahin rakhe। kumaariyon ko bhi aise banna hai, kumaari arthaat poojya pavitra kumaari। kumaar aur kumaariyaan yeh baapdaada ko promise karen ki ham sabhi itne pavitra hain jo svapna mein bhi sankalp nahin aa sakta,tab kumaar aur kumaariyon ki pavitrata ceremony manaayenge। abhi thoda-thoda hai,baapdaada ko pata hai। apvitrata ki avidya ho kyonki naya janma liya na। apvitrata aapke past janma ki baat hai। marjeeva janma, janma hi brahma mukh se pavitra janma hai। to pavitra janma ki maryaada bahut aavashyak hai। kumaar kumaariyon ko yeh jhanda lahraana chaahiye। pavitra hain, pavitra sanskaar vishwa mein phailaayenge,yeh naara lage। suna kumaariyon ne। dekho kumaariyaan kitni hain। abhi dekhenge kumaariyaan yeh aavaaj phailaati hain ya kumaar?brahma baap ko follow karo। apvitrata ka naam nishaan nahin,brahman jeevan maana yeh hai। maataaon mein bhi moh hai to apvitrata hai। maataayen bhi brahman hain na। to na maataaon mein, na kumaariyon mein, na kumaaron mein, na adhar kumaar kumaariyon mein। brahman maana hi hai pavitra aatma। apvitrata ka agar koi kaarya hota bhi hai to yeh bada paap hai। is paap ki saja bahut kadi hai। aise nahin samajhna yeh to chalta hi hai। thoda bahut to chalega hi, nahin। yeh first subject hai। naveenta hi pavitrata ki hai। brahma baap ne agar gaaliyaan khaai to pavitrata ke kaaran। ho gaya,aise chhootenge nahin। albele nahin bano ismen। koi bhi brahman chaahe surrender hai,chaahe sevaadhaari hai, chaahe pravritti vaala hai, is baat mein dharmaraaj bhi nahin chhodega,brahma baap bhi dharmaraaj ko saath dega। isliye kumaar kumaariyaan kahaan bhi ho,madhuban mein ho,centre par ho lekin iski chot,sankalp maatra ki chot bahut badi chot hai। geet gaate ho na - pavitra man rakho, pavitra tan rakho… geet hai na aapka। to man pavitra hai to jeevan pavitra hai ismen halke nahin hona, thoda kar liya kya hai!thoda nahin hai,bahut hai। baapdaada official ishaara de raha hai, ismen nahin bach sakenge। iska hisaab-kitaab achhi tarah se lenge,koi bhi ho। isliye saavdhaan, attention। suna - sabhi ne dhyaan se। donon kaan khol ke sunna। vritti mein bhi touching nahin ho। drishti mein bhi touching nahin। sankalp mein nahin to vritti drishti kya hai!kyonki samay sampannata ka sameep aa raha hai, bilkul pure banne ka। usmein yeh cheez to poora hi saphed kaagaj par kaala daag hai।

achha -sabhi jahaan-jahaan se bhi aaye hain, sab taraph se aaye hue bachchon ko mubaarak ho।

seva ka tarna karnaatak ka hai:- achha chance hai। karnaatak ke sevaadhaari utho। bahut sevaadhaari aa gaye hain। aadhi sabha to karnaatak hai। bahut achha।(2500 karnaatak ke hain) achha hai, vriddhi achhi hai। to vidhi aur vriddhi donon ka balance rakhne vaale। abhi karna-tak ne naatak mein hero part nahin bajaaya hai। karnaatak naam hi hai, naatak karne vaale, naatak mein bhi hero part karne vaale। to hero part nahin bajaaya hai। sankhya achhi hai,uski mubaarak hai। abhi koi hero part bajaao jo kisi zone ne nahin kiya ho। laakh ko ikattha karna yeh to common ho gaya। koi naveenta karke dikhaao jo sabhi hear-hear karen। kar sakte hain lekin abhi gupta hain,pratyaksha nahin hue hain। to teachers karna hai na!koi hero part karke dikhaao। centre khola, geeta paathshaala kholi- yeh to common ho gaya। nai baat karke dikhaao। paandav karenge na nai baat। nai baat karenge na! haan,achhe achhe puraane-puraane serviceable hain। karo kamaal। jo saare zone taaliyaan bajaaven। baapdaada ki karnaatak mein ummeeden bahut hain। lekin abhi ummeedon ke hi taare hain, abhi ummeedon ke taare se saphalta ke taare pratyaksha ho jaao। hona hai, theek hai? teachers bhi bahut hain। sirf teachers haath uthaao। dekho, kitni teachers hain। paandav bhi hain। zone ke head bhi hain na,woh bhi haath uthaao। dekho kitne hands hain। bahut achhe-achhe hands hain sirf abhi parde ke andar hain, stage par nahin aaye hain। achha - mubaarak ho।

Indore kanya chhaatraavaas ki kumaariyon se :- kumaariyaan abhi kamaal karengi ya sirf dance karengi?abhi jitni chhoti utni kamaal karke dikhaao। chhoti kumaari challenge kare। anubhav ke aadhaar se challenge kare to sab log prabhaavit ho jaate hain। achha hai apni jeevan ko safe to kar liya hai। duniya ke sang se bach gai ho। abhi aapas mein aise plan banaao। koi seva ka naya plan socho, chhote hote bhi kamaal ka plan banaake dikhaao। kar sakte hain। dekho,jab sthaapna hui to chhoti-chhoti kumaariyon ne hi to kamaal ki na। aap bhi koi kamaal ka plan banaao। achha hai। sang achha hai, vaataavran achha hai, safety bhi hai, samay bhi hai, abhi plan banaana। theek hai na। banaayengi plan?aisa plan banaao jo bade to bade rahen chhote subhaanaalla ho jaaen। achha।

achha -man ko order se chalaao। second mein jahaan chaaho vahaan man lag jaaye,tik jaaye। yeh exercise karo।(drill) achha- kai jagah bachche sun rahe hain। yaad bhi kar rahe hain,sun bhi rahe hain। yeh sunkar khush bhi ho rahe hain ki science ke saadhan vaastav mein sukh-daai aap bachchon ke liye hain।

chaaron or ke sarva khazaanon se sada sampanna bachchon ko,sada khushanseeb,khushnumahchehre aur chalan se khushi ki anchali dene vaale vishwa kalyaankaari bachchon ko, sada man ke maalik ban ekaagrata ki shakti dvaara man ko control karne vaale manjeet,jagatjeet bachchon ko, sada brahman jeevan ki visheshta pavitrata ke personality mein rahne vaale pavitra brahman aatmaon ko,sada double light ban pharishta jeevan mein brahma baap ko follow karne vaale,aise brahma baap samaan bachchon ko baapdaada ka yaadapyaar aur namaste। chaaron or sunne vaale, yaad karne vaale sarva bachchon ko bhi bahut-bahut dil ki duaaon sahit yaadapyaar,sarva ko namaste।

daadiyon se:- drama mein har ek ko achha part mila hua hai। achha lagta hai na apna part। baapdaada bhi khush hote hain। aapke(daadi ji ke)achhe sahayogi hain na, right hand hain na। hai na right hand?dekho yeh saara group, yeh sab aap ke right hand hain। kitne achhe right hand hain। dekho, aapke bhi (daadi jaanki ji ke) right hand hain। videsh ki seva ke bhi right hand hain। (teen chaar ko stage par bulaao) aap logon ke oopar,right hands ke oopar jimmevaari hai। nimitta yeh hain lekin jimmevaar aap ho (videsh ki bahnon se)kyonki hand hi to kaam karte hain na। aap dekho shareer mein sabse jyaada kaam kaun karta hai? hand। to aap sab right hands ho aur hands jitna chaahen utna kar sakte hain। inka kaam hai (daadiyon ka) mastak ka kaam, aapka hai hands ka kaam। yeh prerna dengi,raay dengi,direction dengi lekin karne vaale aap hain। abhi yeh thode hi jaake course karaayengi। abhi inka bhi (badi bahnon ka) part poora hua course karaane ka। madhuban ke right hands bhi achhe hain to foreign ke bhi achhe hain। kamaal karne vaale hain। baapdaada khush hote hain dekho,ek-ek kitna achha ratna hai।

(sabha se) aap sabhi bhi right hands ho na?right hand। right hand arthaat sada right karma karne vaale। kabhi bhi vesta karma karne vaale nahin,right karma karne vaale। baapdaada ko achha lagta hai, aap sabhi shrringaar ho। nimitta jitne hain, aur bhi hain। lekin baap-daada jab dekhte hain na sabhi ek do ke sahayogi ban bahut achha kaarya kar rahe hain,khush hote hain। aap nimitta banne vaalon ki unity aur purity donon saare parivaar ko himmat deti hai। paandav bhi hain। paandavon ko stage par bulaaya nahin hai, lekin hain paandav bhi saath। kitna achha chance sabhi ne liya । pahunch gaye to chance le liya। dekho,baapdaada jab dekhte hain na ek-ek ko, to sochte hain inko bulaake baat karen lekin saakaar shareer maana bandhan। saakaar shareer ke bandhan mein aa gaye na, saakaar shareer ke bandhan mein itna kar nahin sakte lekin vatan mein kar sakte hain iseelie to bandhanmukta ho gaye na। vahaan jagah ka savaal nahin, samay ka savaal nahin lekin aapko pata hai, ek gupta baat bataate hain,baapdaada vatan mein group-group ko bulaate hain aur unse roohrihaan bhi karte hain। jaise saakaar mein yaad hai - brahma baap ne ek ek group ko apne paas bhojan par bulaaya tha,yaad hai? (kliphtan par) aise baapdaada vatan mein bulaate zaroor hain lekin saakaar mein nahin kar sakte। achha। madhuban ke kitne achhe-achhe,sevaadhaari baithe hain, dekho kitne achhe-achhe department ke baithe hain। double foreigners dekho kitne achhe-achhe hain। maataayen dekho sabhi achhe te achhi hain,lekin sabhi ko kaise bulaayen। stage par sabhi aa sakte ho? nahin aa sakte। achha hai madhuban ki aakarshan sabhi ko chhatrachhaaya ka kaam karaati hai। jab pahunch jaate hain to kitna achha anubhav karte hain।

om shanti।