Avyakt murli for Friday 21 October 2005

>

21-10-05 om shanti avyakt baapdaadaamdhuban

"sampoorn aur sampanna banne ki date fix kar samay pramaan ab ever ready bano"

aaj baapdaada chaaron or ke bachchon ke teen roop dekh rahe hain। jaise baap ke vishesh teen sambandh yaad rehte hain vaise bachchon ke bhi teen roop dekh harshit ho rahe hain। apne teenon hi roop jaante ho na। is samay sabhi bachche brahman roop mein hain aur brahman so last stage,brahman so pharishta hai phir pharishta so devta ho। sabse vishesh vartamaan brahman jeevan hai। brahman jeevan amoolya hai। brahman jeevan ki visheshta hai purity। purity hi brahman jeevan ki reality hai। purity hi brahman jeevan ki personality hai। purity hi sukh shanti ki janni hai। jitni purity hogi utni sukh aur shanti jeevan ki natural aur nature hogi। aur pure aatmaon ka lakshya hai brahman so devta nahin lekin pahle pharishta banne ka hai, pharishta so devta hai। to brahman so pharishta,pharishta so devta। yeh teen roop baapdaada sabhi bachchon ka dekh rahe hain। aap sabhi ko apne teen roop saamne aa gaye?aa gaye? brahman to ban gaye, abhi lakshya hai pharishta banne ka। yahi lakshya hai na! hai? pharishta banna hi hai,check karo pharishtepan ki visheshtaayen jeevan mein kitni dikhaai deti hain? pharishta arthaat jiska puraane sansaar aur puraane sanskaar se koi naata nahin। pharishta arthaat sirf samasya ke samay double light nahin, lekin sada mansa-vaacha,sambandh-samparka mein double light,halka। halki cheez achhi lagti hai va bojh vaali cheez achhi lagti hai? kya achha lagta hai?halka pasanda hai na?pharishta arthaat jo sarva ka, thodon ka nahin, sarva ka pyaara aur nyaara ho। sirf pyaara nahin, jitna pyaara utna hi nyaara ho। pharishta ki nishaani hai, woh sarva ka priy hoga। jo bhi dekhenge, jo bhi milenge,jo bhi sambandh mein aayenge,samparka mein aayenge woh anubhav karenge ki yeh mera hai। jaise baap ke liye sabhi anubhav karte hain, mera hai। anubhav karte hain na?aise pharishta arthaat har ek anubhav kare yeh mera hai। apnaapan ka anubhav ho kyonki halka hoga na to halkaapan priy bana deta hai sabka। saara brahman parivaar anubhav kare ki yeh mera hai। bhaareepan nahin ho kyonki pharishte ka arth hi hai double light। pharishta arthaat sankalp, bol,karma, sambandh,samparka mein behad ho। had nahin ho। sab apne hain aur main sabka hoon। jahaan jyaada apnaapan hota hai na vahaan halkaapan hota hai। sanskaar mein bhi halkaapan, to check karo kitna percent pharishta stage tak pahunche hain? check karna aata hai?checker bhi ban gaye ho, maker bhi ban gaye ho। mubaarak ho।

baapdaada ne aap sabke hom work ki result dekhi। homework ki result likhi hai na sabhi ne। to result mein kya dekha?baapdaada ki shubh aash hai ki kam-se-kam vartamaan samay sabhi baaton mein, saat baaten likhi hai na। kam-se-kam vartamaan samay pramaan majority ki 75 percent zaroor honi chaahiye। saaton hi baaton mein। koi kismen kam hai, koi kismen kam hai lekin baapdaada ki yahi shubh aasha hai ki ab samay ko dekhte hue jo mahaarthi samajhte hain apne ko, unhon ki stage to 95 percent honi chaahiye। honi chaahiye na? paandav honi chaahiye?chalo thoda doosra number hai to bhi 75percent honi chaahiye। kya samajhti hain daadiyaan? 95percent hai?aage line vaale sabhi kya samajhte hain? 95 percent hai?aur aapki kitni honi chaahiye? 75percent? aap bhi 75 samajhte ho? achha kal vinaash ho jaae to? 75percent mein jaayenge? 75percent hoga to one one one mein nahin aayenge। phir kya karenge?chalo, baapdaada aaj ke din, aaj vishesh hai na,to aaj ke din ko beeti so beeti karte hain,theek hai?achha jo kal se 75kah rahe hain na,to chalo 95nahin, 85 tak to aayenge? aayenge। parson agar vinaash karen,to 85 tak honge? peechhe vaale honge?haath uthaao। achha 85percent hoga? (kisi ne kaha 98percent hai) mubaarak hai, mukh mein gulaabjaamun kha lo kyonki dekh to rahe ho,jaante bhi ho,ki ho jaana hi hai। ho jaayenge nahin,hona hi hai। ge, ge nahin karo, ho jaayenge, dekh lenge… koshish karenge… ab yeh bhaasha parivartan karo। jo bhi sankalp karo,check karo kitni percent nishchay aur saphaltaapoorvak hai? abhi check karne ki speed teevra karo। pahle check karo phir karma mein aao। aise nahin jo bhi sankalp aaya,jo bhi bol mein aaya, jo bhi sambandh samparka mein hua, nahin। jo vi.vi. aai.pi. hote hain unki checking kitni hoti hai, pata hai na। har cheez pahle check hoti hai phir kadam rakhte hain। to abhi do ghante chaar ghante ke baad checking nahin chalegi। pahle checking phir kadam kyonki aap to srishti drama ke, aajkal ke vi.vi.aai.pi. jo hain, woh to ek janma ke hain। woh bhi thode samay ke liye hain। aur aap brahman so pharishte kitne bhi vi.vi. laga do,itne ho। dekho, aap apne aage vi.vi.vi. lagaate jaao, aapne apne chitra to dekhe hain na jo pooje ja rahe hain, woh dekhe hai na। chalo mandir nahin dekhe photo to dekhe hain, abhi bhi unhon ki kitni value hai। kitne bade-bade mandir banaate hain aur aapka chitra jo hai woh to teen foot mein aa jaata hai,to kitna aapki value hai। jad chitra ki bhi value hai। hai na! value hai na! aapke chitra ka darshan karne ke liye kitni queue lagti hai। aur chaitanya mein kitne vi.vi.aai. pi. ho। to kadam uthaane ke pahle check karo, karne ke baad check kiya, woh kadam to gaya। woh kadam phir aapke haath mein nahin aayega। agyaankaal mein bhi kehte hain, soch samajhkar kaam karo। kaam karke socho nahin। pahle socho phir karo। to apne svamaan ki seat par raho। jitna position mein rehte to opposition nahin ho sakti। maaya ki opposition tab hoti hai jab position mein nahin rehte ho। to abhi baapdaada ka question hai,sabka lakshya to hai sampoorn banne ka, sampanna banne ka। lakshya hai ya thoda-thoda banne ka hai?lakshya hai?sabko hai to haath uthaao। sampoorn banna hai, achha। kab tak? aap logon se question karte ho na,student se bhi teachers question karti hain na- aapka kya lakshya hai? to aaj baapdaada vishesh teachers se poochhte hain।30 varsha vaale baithe hain na। to 30varsha vaalon ko kal hi aapas mein baithkar programme banaana chaahiye। meeting to bahut karte ho। baapdaada dekhte hain meeting, seating,meeting seating। lekin ab aisi meeting karo,ki kab tak sampanna banenge? aur sab function manaate ho, date fix karte ho,phalaana programme phalaani date, iski date nahin hai?jitne saal chaahiye utne bataao। kyon? baapdaada kyon kehte hain? kyonki baap se prakriti poochhti hai ki kab tak vinaash karen? to baapdaada kya javaab den। baapdaada bachchon se hi poochhenge na। kab tak? aaj ki vishesh topic hai kab tak? double foreigners baithe hain na,to double purooshaartha hoga na। kamaal karo।

foreigners example bano। bas brahman parivaar ke aage, vishwa ke aage sampanna aur sampoorn। sarva shaktiyaan,sarvagun se sampanna arthaat sampoorn, sarva ho। mansa, vaacha, sambandh-samparka। chaar hi mein। chaar mein se agar ek mein bhi kamzor rah gaye, to sampanna nahin kahenge। chaar baaten yaad hai na - mansa, vaacha,sambandh-samparka mein karma aa gaya। chaar hi baaton mein। aise nahin mansa vaacha mein to ham theek hain, sambandh-samparka mein thoda hai। sunaaya na - jiske saamne bhi jaayen, chaahe jiske bhi samparka mein jaayen woh anubhav kare ki yeh mera hai। mere ke oopar hujjat hoti hai na। doosre ke oopar itna halkaapan nahin hota hai, thoda bhaari hota hai lekin apne ke oopar halkaapan hota hai। to sabse halke, aise nahin sirf apne zone mein halke, apne centre mein halke, nahin। agar zone mein halke ya centre mein halke, to vishvaraajan kaise banenge?na vishvakalyaankaari ban sakte hain,na vishvaraajan ban sakte hain। raajan ka arth yeh nahin hai ki takhta par baithen,raajdhaani mein royal family mein bhi raajya adhikaar hai, raajya ka। to kya karenge? kab tak ke prashn ka uttar denge na ? meeting karenge? meeting karke final karna। theek hai?achha।

sabhi theek hain, umang aata hai ki karna hi hai hona hi hai?baapdaada umang ullaas dilaata hai। maaya dekhti hai umang ullaas mein hain to kuchh-na-kuchh kar leti hai kyonki uska bhi abhi antimkaal najdeek hai na। to woh apne astra-shastra jo bhi hain woh use karti hai aur aisi paalna karti hai jo samajh nahin sakte hain ki yeh maaya ki paalna hai, maaya ki mat hai ya baap ki mat hai,usmein mix kar dete hain। yeh pharishtepan mein ya purooshaartha mein vishesh jo rookaavat hoti hai, uske do shabd hi hain jo common shabd hain, mushkil bhi nahin hain aur sabhi use bhi karte hain anek baar। woh kya hai?main aur mera। baapdaada ne bahut sahaj vidhi pahle bhi bataai hai, is main aur mere ko parivartan karne ki। yaad hai? dekho,jis samay aap main shabd bolte ho na,us samay saamne main hoon hi aatma, main shabd bolo aur saamne aatma roop ko laao। main shabd aise nahin bolo, main, aatma। yeh natural smriti mein laao, main shabd ke peechhe aatma laga do। main aatma। jab mera shabd bolte ho to pahle kaho mera baba, mera roomaal, meri saadi, mera yeh। lekin pahle mera baba। mera shabd bola, baba saamne aaya। main shabd bola aatma saamne aai, yeh nature aur natural banaao। sahaj hai, na ki mushkil hai। jaante hi ho main aatma hoon। sirf us samay maante nahin ho। jaanna 100percent hai,maanna percentage mein hai। jab body conscious natural ho gaya,yaad karna padta hai kya main body hoon ?natural yaad hai na। to main shabd mukh ke pahle to sankalp mein aata hai na। to sankalp mein bhi main shabd aave to phauran aatma swaroop saamne aaye। sahaj nahin hai yeh abhyaas karna। sirf main shabd nahin bolna, aatma saath mein bolna,pakka ho jaayega। hai na pakka। doosre ko bhi koi bulaayega to aap aise aise karenge। to main aatma hoon। aatma ka sansaar baapdaada। aatma ka sanskaar brahman so pharishta,pharishta so devta। to kya karenge,yeh man ki drill। aajkal doctors bhi kehte hain drill karo, drill karo। exercise। to yeh exercise karo। main aatma। mera baba। kyonki samay ki gati ko draamaanusaar slow karna padta hai। hona chaahiye creator ko teevra, creation ko nahin lekin abhi ke pramaan samay tej ja raha hai। pravriti ever ready hai sirf order ke liye rooki hui hai। drama ka samay hi order karega na। sthaapna vaale agar ever ready nahin honge to vinaash ke baad kya pralay hogi? honi hai pralay? ki vinaash ke baad sthaapna honi hi hai? to sthaapna ke nimitta bane hue abhi samay pramaan ever ready hone chaahiye। baapdaada yahi dekhne chaahte hain, jaise brahma baap arjun bana na,example bana na। aise brahma baap ko follow karne vaale kaun bante hain? svayan ko bhi dekho,samay ko bhi dekho। baapdaada ne pahle bhi kaha ki vartamaan samay aap sabhi brahman so pharishte aatmaon ko nimittabhaav aur nimaarkanbhaav,in donon shabdon ko underline karna hai। ismen body conscious ka maimpan khatma ho jaayega। meraapan bhi khatma ho jaayega। nimitta hoon aur nimaarkan svabhaav। jitna nimaarkan hote hain na utna maan milta hai। kyonki jo nimaarkan hota hai na woh sabka pyaara ban jaata hai। aur jab pyaara ban jaata hai to maan to automatically milega। to nimitta aur nimaarkanbhaav aur bhaavna, shubhbhaavna। bhaav aur bhaavna do cheezen hoti hain to nimitta aur nimaarkanbhaav aur bhaavna har ek ke prati shubhbhaavna, shubhkaamna। kaisa bhi ho,aapke nimitta nimaarkanbhaav aur shubhbhaavna vaayumandal aisa banaayegi,jo saamne vaala bhi vibration se badal jaayega। kai bachche roohrihaan karte hain na to kehte hain hamne ek maas se shubh bhaavna rakhi, woh badalta hi nahin hai। phir thak jaate ho, dilshikasta ho jaate hain। abhi us bichaare ki jo vritti hai ya drishti hai woh hai hi patthar jaisi,usmein thoda to time lagega na। achha maano woh nahin badalta hai to aap apne ko to theek rakho na। aap to apni position mein raho na। aap kyon dilshikasta ho jaate ho। dilshikasta nahin ho। achha woh nahin badla to main bhi uske saath badal na jaaoon। dilshikasta ho jaana, woh powerful hua jo usne aapko badal liya। aap apne svamaan ki seat kyon chhodte ho? vesta thoughts bhi nahin uthna chaahiye,kyon? kyon kaha aur vesta thoughts ka darvaaja khula। woh darvaaja banda bahut mushkil hota hai। iseelie kyon nahin socho, powerful hokar vibration dete raho। aap apni seat chhodkar kyon dilshikasta ho jaate ho? yaad rakha na position se neeche nahin aao, phir bahut opposition ho jaati hai। vyakti-vyakti mein opposition ho jaati hai,svabhaav sanskaar mein opposition ho jaati hai, vichaaron mein opposition ho jaati hai isliye position mein raho। to kal kya karenge? yaad hai? baapdaada ka pyaar hai na, to baapdaada samajhte hain sab brahma baap samaan ban jaayen। kya baap ke aage opposition nahin aai, brahma baap ke aage opposition nahin hui, maaya ki bhi hui, aatmaon ki bhi hui, prakriti ki bhi hui, lekin brahma baap ne position chhodi? nahin chhodi na। tabhi pharishta bana na। to abhi ek do ko apne ko to phirishta samajhkar chalo। main pharishta hoon,sab pharishte hain। na mera,puraane sansaar sanskaar se naata, na in koi braahmanon ka। bas khatma। yeh bhi pharishta yeh bhi pharishta usi najar se dekho। vaayumandal phailaao। achha।

double foreigners hain na to double nasha chadha rahe hain। aaj chance mila hai na! yeh bhi dekho bhaaratvaasiyon ki sahaanubhooti hai aapse। aapko chance deke khud neeche baithe hain,dekho। neeche baithne vaalon ko baapdaada tyaag ka bhaagya jama kar hi raha hai। achha। abhi kya karna hai? sabhi jaise abhi abhi bahut meetha muskura rahe ho। aise hi sada rehna। kabhi bhi kisi se bhi baat karo na,muskuraao zaroor। aapke muskuraane se uska aadha dukh to door ho jaayega। charity begins at hom। kisi se bhi bolo, saathi se brahman se chaahe agyaani se,muskuraata chehra, roohe gulaab। serious hoke nahin bolo, kya kar rahe ho, kyon kar rahe ho, nahin। muskuraake bolo। muskuraane ka stock hai?khatma to nahin ho gaya?muskuraaya hua chehra, kitna achha lagta hai। josh vaala chehra doosra dekhke hi hat jaana chaahta hai। aur muskuraane vaale chehre ke najdeek jaane chaahenge। to aapko abhi ka muskuraata hua chehre ka photo nikaalkar deven। woh photo apne saath rakhenge, kaagaj ka rakhenge ya dil ka? achha।

(76 deshon se aaye hain - kai group bhi hain - jaise sarva aphreeka core group) -achhi seva kar rahe hain, baapdaada ko samaachaar mila tha ki nirvighna fast seva ho rahi hai। jaise aphreeka ne sandesh dene ka fast kiya hai, taali to bajaao। mubaarak ho। aise sabhi ko karna aavashyak hai। plan banaao sevaaka। banaao lekin seva karo to bojhvaali seva nahin karo। kai bachche seva ke baad itne thak jaate hain to koi maalish-paalis vaala chaahiye। seva yathaartha woh hai jismen khushi mile, halkaapan ho। praapti hoti hai na। praapti mein thakaavat hoti hai kya? kai bachche purooshaartha bhi aisa karte hain bhaari purooshaartha mehnat ka। foundation hai muhabbat sneh। baap aur bachche ka sneh, seva se aatmaon ko baap se sneh ka phal milta hai। to seva bhi karte hain to bhaari roop nahin,halka। seva bojhvaali nahin hai seva halka banaane vaali hai। purooshaartha bhi mehnat se nahin karo। baapdaada ko mehnat achhi nahin lagti। hain maastarsarvashaktivaan aur mehnat kar rahe hain। achha lagta hai?na purooshaartha mein na seva mein। to baapdaada ne dekha, inhon ki result ka samaachaar suna। umang-utsaah se kar rahe hain aur visheshta yeh hai ki apne aapas mein hi hands nikaalke aage badh rahe hain। nahin to kai kehte hain seva bahut hain, hands nahin hain। hands hoven to seva badh jaaye lekin inhonne yeh maangani nahin ki, yeh visheshta hai। apne hi hand taiyaar kiye,kaise bhi kiye, kiye। apne hi hands taiyaar kiye aur badhte ja rahe hai। fast vriddhi ki hai na? kya visheshta sunaai thi, jitni zone mein seva nahin hui hai utni abhi hui hai। fast hui hai na, mubaarak ho। achha kar rahe hain।

pees aaph mind group -achha kiya। abhi jo group aaya unko paalna karna। jaise sthaapna ki na to paalna bhi karte rehna। connection nahin todna, kuchh na kuchh unhon ko bhejte raho,connection jodte raho। theek hai na। baapdaada ne samaachaar suna hai to yeh jo karte hain - call aaph time,call aaph time vaale kuchh na kuchh bhejte rehte hain। to connection rakh rahe hain na,aise aap sabhi bhi connection rakhte raho। chalo pahle samparka mein aaye, phir sambandh mein aave,phir sambandh mein aate-aate brahman ban jaayenge। to aage badhaate raho unhon ko। beech-beech mein unhon ko bulaake chaahe bhinna-bhinna desh ke vahaan bulaaya lekin aap uski jimmevaari lo,bulaaya kya uski result hai, tab aage badhenge। programme achhe karte ho lekin paalna kam haati hai। paalna na milne se,kya hai janma to le liya lekin badhte nahin hain। aayu bichaaron ki vahi rehti hai,aayu aage badhti nahin hai to aise karna। lekin kiya achha hai। baapdaada to vatan mein baithe bhi dekhte hain samaachaar bhi sunte hain। samaachaar baapdaada ko bahut achha lagta hai,thakta nahin hai। to mubaarak ho। sandesh dene vaale sandeshvaahak banen, iski mubaarak ho। taali bajaao। (pees aaph mind ke kuchh sample baithe hain, baapdaada ne sabko aage bulaaya - total 6 hain।) yeh dekho kitna achha example hai, to dil se aap sabhi ko yeh sab brahman aatmaayen peaceful banne ki mubaarak de rahe hain। peaceful banne ki mubaarak। abhi naya janma hua na। to birth de ho gai aaj। to aapke birth de ki mubaarak de rahe hain। achha,to dekho seva ki to phal bhi mila। achha।

intarpheth core group -achha intarpheth vaale। achha hai। yeh sevaadhaari hoke aaye hain। achha hai sabko sandesh dene mein yeh bhi kyon rah jaaen। to achha kiya। is group ko bhi bulaaya। aur vishesh baapdaada ne dekhi ki international roop mein kiya। desh aur videsh ne milke ek sankalp leke kiya yeh bahut achha kiya। aur success bhi hua to international programme success kiya iski mubaarak hai। aur aage bhi is group ko badhaate rehna kyonki yeh to aapke saathi hain na,aadhyaatmik to hai na। inhon mein se ek bhi parivartan hoke mike banen to bahut seva kar sakta hai। to achha kiya baapdaada khush hai। aur sabhi bhi khush, tabhi to taali bajaai। aage badhaate rehna। chhod nahin dena। jaise yeh call aaph time karte rehte hain na aise karte rehna। aage badhaate rehna। achha।

jaanki foundation aur value training group - bahut achha baapaddaada ne dekha naye-naye vidhi dvaara sandesh pahunchaane ka kaarya achha hai kyonki aajkal health conscious to sabse jyaada hain। to is vidhi se ek kitaab bhi dikhaaya tha baapdaada ko,woh bhi achha seva ke nimit banega। lekin jaise naam hai foundation,vaise hi yaad aur seva ka foundation combined karte hue jaanki foundation ko aage badhaate rehna। theek hai na। haan kyonki aapki seva vistaar mein bahut aage badh sakti hai। badh rahi hai aur badhti rahegi। value ka book dekha tha। achhe umang-utsaah se seva karne ka phal pratyaksha milta hai। jitna aage badhte jaayenge utne najdeek aate jaayenge। yeh sab taraph kiya hai। jo bhi foundation hai alag-alag woh is foundation mein sameep aate jaayenge। thakte to nahin hain na। double seva karte ho na job bhi karte ho, yeh bhi karte ho। to double seva,double videshi iski double mubaarak ho। bahut achha।

aai.T.group-achha yeh desh videsh ikaththa hai। koi naya plan banaaya hai? naya website banaaya hai aur murli ka naya system shuru kiya hai। uske alaava naya email ka system banaaya hai। kyonki isse aavaaj to chaaron or phail sakta hai। isko ekaagra hoke naye-naye plan banaate jaao aur badhte jaao। kyonki desh videsh donon ka connection hai na। jitna is department ko aage badhaate jaayenge utna ek sthaan par baithe bahuton ko sandesh de sakenge। yeh bahut achha saadhan mila hai। saadhan dvaara sandesh dene ka kaarya yahi aapke department ki saadhna ho jaayegi। achha kiya hai। yeh mohini handle karti hai, achha hai। dekho woh pees vaala karti,woh call aaph time karti, achhi seat li hai। baapdaada double videshiyon ko bhinna-bhinna seva ki mubaarak ke saath duaayen bhi de rahe hain। duaayen hon। (daadi bhi duaayen de rahi hain।)

trevlar film group-yeh film bana rahe hain। achha hai kyonki aajkal cultural programme bhi sabko pasanda aata hai। poora course kara lete ho,cultural mein hi saara course ho jaata hai। yeh bahut achha hai। baapdaada ko pasanda hai। dekha bhi hai। achha kar rahe ho। aap kahenge abhi dikhaayenge। lekin baapdaada ne dekh liya hai। in saadhnon dvaara to phir bhi dekh lenge lekin baapdaada ke paas aapse bhi bahut badi machinery hai usmein dekh liya hai। achha kar rahe hain karte rahenge, baap ko pratyaksha karte hi rahenge। bahut achha, mubaarak ho।

middle east seva mein bahut aage ja rahe hain:-bahut achhe-achhe ratan hain। ek-ek ki visheshta apni apni hai। karaavanhaar kara raha hai aur aap bachche nimitta banke kar rahe hain। sab achhe umang-utsaah ka certificate daadiyon dvaara mila hai iski to bahut-bahut mubaarak ho। lekin iska kaaran kya?jis bhi seva sthaan ka seva ka vriddhi hoti hai aur nirvighna hote hain uska kaaran kya hota hai? jaante ho? paalna। kai centres mein vi.aai.pi ki seva bahut achhi karte hain lekin student ki paalna kam karte hain| iseelie student badhte nahin hain। aur student regular seva ke umang-utsaah mein nahin rahenge,class karenge, jo kahenge woh karenge lekin apne umang-utsaah mein nahin aayenge। to yeh result hai paalna ki। mubaarak ho। sabhi jo bhi teachers nimitta baithi hain woh jitni vi.aai.pi. ka attention rakhte ho, utni paalna student ki bhi rakho। student mein naveenta laao,koi na koi naveenta laane se umang-utsaah badhega। bahut busy ho jaate ho seva mein phir thak jaate ho,phir paalna itni roochi se nahin karte ho। pahle to raajdhaani taiyaar karo। woh to student se hi hogi na। dil se paalna karo। ek-ek ki kamzori hataane ki mehnat karo। khushi ki mehnat karo, bojh vaali nahin kyonki class ke student jitna jyaada badhenge utni raajdhaani jaldi taiyaar hogi। jo sahayogi hain, unko sambandh mein laao student banaao। achha hai,teachers ki mahima suni thi bahut achhi seva kar rahe hain, achhe plan bana rahe hain। teachers haath uthaao। achha,aapko laakh guna badhaai ho।

abhi ek minute aisa powerful sarvashaktiyaan sampanna vishwa ki aatmaon ko kirnen do jo chaaron or aapke shaktiyon ka vibration vishwa mein phail jaaye। achha। chaaron or ke brahman so pharishte bachchon ko,sada svadarshan dvaara sva ko check aur change karne vaale, brahma baap ko follow karne vaale pharmaanbardaar bachchon ko, sada double light ban seva aur purooshaartha karne vaale pharishte aatmaon ko,sada apni position ki seat par set ho opposition ko samaapta karne vaale master sarvashaktivaan bachchon ko, sangamayug ka pratyaksha phal anubhav karne vaale baap ke sameep bachchon ko baapdaada ka yaadapyaar aur namaste।

daadiyon se:- daadiyon ko dekhkar khush hote hain na। bas daadi ki muskuraati moorat aur drishti bahut sukhdaai hai। aap jab muskuraakar milti ho,drishti deti ho na to sab bahut khush ho jaate hain। muskura rahi hai। baapdaada ne to kaha hai sadaiv chehra muskuraana chaahiye sabhi ka। muskuraane ke bina kabhi bhi nahin ho। dekho daadi kah rahi hai muskuraayenge nahin to mushkilaaten aa jaayengi। (daadi sirf ishaara karti hai) daadi pharishta ban rahi hai na, pharishtepan ki stage aa rahi hai। muskuraane mein sabkuchh aa jaata hai। bahut bhaashan kiya hai na, jab se janma liya hai tab se bhaashan kiya hai, class karaaye hain, abhi slogan muaaphik bolti hai। pharishta bankar dance karti hai। pharishta aur kya karta hai?udta hai aur dance karta hai। achha। double foreigners ne kaha hai kal se 85 percent ban jaayenge। daadi to hai 95 percent। kaapi karo bas। koi serious bane na to usko title dena - gas ka gubbaara ban gaya। gas ka gubbaara hota hai na,to jab gambheer ho jaate hain to gas bhar jaata hai vyartha sankalpon ka। koi ko bolna nahin gubbaara,nahin to aur gas bhar jaayega। shubh bhaavna rakhna। inhon ko hi to banna hai aur kaun banega।

teenon bade bhaaeeyon se:- teenon hi aapas mein ek sankalp karke chal rahe hain,ek hi sankalp teenon ka। haan ji,haan ji, sabki duaayen aapko mil rahi hain। milti hain na। achha hai paandavon mein bhi example to hain na। bahut achha। (somnaath vaalon ki yaad di - vahaan bhi seva achhi ho rahi hai)। unhon ko bhi seva ke yaad ki mubaarak। (president hamesha baba ka sandesh poochhta hai ki baba ne kya sandesh diya hai) unko yaad rehta hai ki sandesh aaya hai। dekho yeh ek hi president hain jismen teen satta hain - scientist bhi hai, raajneta bhi hai aur dharma mein bhi roochi hai। jitne bhi president aaye hain, aur president aisa nahin hua hai। to iska bhi part hai। aadhyaatmik raaste mein roochi hai iseelie aadhyaatmik raaste ka saathi hai।

videsh ki badi bahinon se - achha - yeh double sevaadhaariyon ki seva ke nimitta bane hue hain। achha hai। baapdaada ke paas samaachaar to aata hi rehta hai aur sabhi achhi tarah se sambhaal bhi rahe hain। chakkar bhi lagaate rehte ho। baapdaada ko achha lagta hai, aapas mein jab milte ho,plan banaate ho, to sangathan ki shakti ko prayog karte ho, yeh bahut achha hai kyonki har ek ki visheshta apni-apni hai। vichaar koi samay kisi ka bahut achha nikal aata hai,to aapas mein milte rehte ho,meeting karte ho yeh baapdaada ko achha lagta hai। abhi aap logon ko pahle pharishtepan ke najdeek aana padega kyonki aap saakaar roop mein example ho। saakaar mein abhi aap bhi example ho, nimitta ho। to jaisi aapki raphtaar hogi vaise auron ko bhi himmat milegi। umang aayega। sab puraane hain। saakaar baap ki paalna ka return hai follow brahma baba। sabmen avval number,tabhi to avval aatma bani na। saare drama mein avval number aatma। to follow brahma baap। aur sabka pyaar aur duaayen kitni milti hain। apna purooshaartha to hai lekin duaayen bhi milti hain। jiske nimitta bante hain unki duaayen milti hain, yeh bhi lift hai, aap logon ko eeshvareey gift bhi hai। (Mauritius mein retreat place ban raha hai) achha ban raha hai, seva bahut achhi hogi। achha।

(double videshi bhaai bahinon ne baapdaada ke paas nimnalikhit 7 baaton ka chart sandeshi dvaara bheja,jiski result par aage ke purooshaartha ka ishaara diya hai)

(1)sva parivartan ki raphtaar kya hai?

(2)apne svamaan mein nirantar sthit rahkar doosron ko sammaan deta hoon?

(3)sarva se duaayen li aur di?

(4)sarva khazaanon ka stock kahaan tak jama kiya?

(5)apne man ko second mein ekaagra aur nirantar ekras kar sakta hoon?

(6)bindu ban,bindu ko yaad kar second mein fullstop laga sakta hoon?

(7)pichhle 6maheenon se khushi, shanti aur shakti ki kirnen phailaake gyaan soorya bana?