Avyakt murli for Friday 15 December 2006

>

15-12-06 om shanti avyakt baapdaada madhuban

‘‘smriti swaroop, anubhvi moorta ban second ki teevragti se parivartan kar paas with honour bano’’

aaj baapdaada chaaron or ke bachchon mein teen vishesh bhaagya ki rekhaayen mastak mein chamakti hui dekh rahe hain। sabhi ke mastak bhaagya ki rekhaaon se chamak rahe hain। ek hai parmaatma paalna ke bhaagya ki rekha। doosri hai shreshtha shikshak dvaara shiksha ke bhaagya ki rekha। teesri hai satguru dvaara shreemat ke bhaagya ki rekha। vaiso bhaagya aapka athaah hai phir bhi aaj yeh vishesh teen rekhaayen dekh rahe hain। aap bhi apne mastak mein chamakti hui rekhaayen anubhav kar rahe ho na! sabse shreshtha hai parmaatma pyaar ke paalna ki rekha। jaise baap oonche te ooncha hai to parmaatma paalna bhi oonche te oonchi hai। yeh paalna kitne thodon ko praapta hoti hai, lekin aap sab is paalna ke paatra bane ho। yeh paalna saare kalpa mein aap bachchon ko ek hi baar praapta hoti hai। ab nahin to kab praapta nahin ho sakti। yeh parmaatma paalna, parmaatma pyaar, parmaatma praaptiyaan koton mein koi aatmaon ko hi anubhav hoti hain। aap sabhi to anubhvi ho na! anubhav hai?paalna ka bhi anubhav hai, padhaai ka bhi aur shreemat ka bhi। anubhvi moorta ho। to sada apne mastak mein yeh bhaagya ka sitaara chamakta hua dikhaai deta hai,sada? ki kabhi chamakta hua sitaara dull bhi ho jaata hai kya! dheela nahin hona chaahiye। agar chamakta hua sitaara dheela hota hai, uska kaaran kya hai?jaante ho?

baapdaada ne dekha hai ki kaaran yeh hota hai, smriti swaroop nahin bane ho। sochte ho main aatma hoon, lekin sochta swaroop bante ho, smriti swaroop kam bante ho। jab tak smriti swaroop sada nahin bante to smriti hi samarthi dilaati hai। smriti swaroop hi samartha swaroop hai। isliye bhaagya ka sitaara kam chamakta hai। apne aapse poochho ki jyaada samay soch swaroop bante ho va smriti swaroop bante ho? soch swaroop banne se sochte bahut achha ho, main yeh hoon, main yeh hoon, main yeh hoon… lekin smriti na hone ke kaaran sochte,vyartha sankalp saadhaaran sankalp bhi mix ho jaate hain। vaastav mein dekha jaae to aapka anaadi swaroop smriti so samartha swaroop hai। sochne vaala nahin, swaroop hai। aur aadi mein bhi is samay ke smriti swaroop ki praalabdha praapta hoti hai। to anaadi aur aadi smriti swaroop hai aur is samay ant mein sangam samay par bhi smriti swaroop bante ho। to aadi anaadi aur ant teenon kaalon mein smriti swaroop ho। sochna swaroop nahin ho। isliye baapdaada ne pahle bhi kaha ki vartamaan samay anubhvi moorta banna shreshtha stage hai। sochte ho aatma hoon,parmaatma praapti hai,lekin samajhna aur anubhav karna ismen bahut antar hai। anubhvi moorta kabhi bhi na maaya se dhokha kha sakta,na duhkh ki anubhooti kar sakta। yeh jo beech-beech mein maaya ke khel dekhte ho, ya khel khelte bhi ho,uska kaaran hai anubhvi moorta ki kami hai। anubhav ki authority sabse shreshtha hai। to baapdaada ne dekha ki kai bachche sochte hain lekin swaroop ki anubhooti kam hai। aaj ki duniya mein majority aatmaayen dekhne aur sunne se thak gaye hain lekin anubhav dvaara praapti karne chaahte hain। to anubhav karaana, anubhvi hi kara sakta hai। aur anubhvi aatma sada aage badhti rahegi,udti rahegi kyonki anubhvi aatma mein umang-utsaah sada emerge roop mein rehta hai। to check karo har point ke anubhvi moorta bane hain? anubhav ki authority aapke har karma mein dikhaai deti hai? har bol,har sankalp anubhav ki authority se hai ya sirf samajhne ke aadhaar par hai?ek hai samajhna,doosra hai anubhav karna। har subject mein, gyaan ki points varnan karna,woh to baahar ke speaker bhi bahut speech kar lete hain। lekin har point ka anubhvi swaroop banna,yeh hai gyaani tu aatma। yog lagaane vaale bahut hain, yog mein baithne vaale bahut hain,lekin yog ka anubhav arthaat shakti swaroop banna aur shakti swaroop ki parakh yeh hai ki jis samay jis shakti ki aavashyakta hai, us samay us shakti ko aahvaan kar nirvighna swaroop ban jaae। agar ek bhi shakti ki kami hai, varnan hai lekin swaroop nahin hai to bhi samay par dhokha kha sakte hain। chaahiye sahanshakti aur aap use karo saamna karne ki shakti, to yogayukta anubhvi swaroop nahin kahenge। chaar hi subject mein smriti swaroop va anubhvi swaroop ki nishaani kya hogi? sthiti mein nimitta bhaav, vritti mein sada shubh bhaav, aatmik bhaav, nihsvaartha bhaav। vaayumandal mein va sambandh-samparka mein sada nirmaan bhaav,vaani mein sada nirmal vaani। yeh visheshtaayen anubhvi moorta ki har samay natural nature hogi। natural nature। abhi kai bachche kabhi-kabhi kehte hain ki ham chaahte nahin hain yeh karen lekin meri puraani nature hai। nature natural kaam vahi karti hai,sochna nahin padta, lekin nature natural kaam karti hai। to apne ko check karo- meri natural nature kya hai? agar koi bhi puraani nature ansh maatra bhi hai,to har samay woh kaarya mein aate-aate pakka sanskaar ban jaata hai। usko samaapta karne ke liye puraani nature, puraana svabhaav, puraana sanskaar ko samaapta karne ke liye chaahte ho lekin kar nahin paate ho, uska kaaran kya hai?knowledgeful to sabmen ban gaye ho, lekin jo chaahte ho hona nahin chaahiye lekin ho jaata hai, kaaran kya hai? parivartan karne ki shakti kam hai। majority mein dikhaai deta hai ki parivartan ki shakti, samajhte hain, varnan bhi karte hain,agar sabhi ko parivartan shakti ki topic par likhne ke liye kahen ya bhaashan karne ke liye kahen to baapdaada samajhte hain sabhi bahut hoshiyaar hain, bahut achha bhaashan bhi kar sakte hain,likh bhi sakte hain aur doosra koi aata hai usko samjhaate bhi bahut achha hai - koi harja nahin, parivartan kar lo। lekin svayan mein parivartan karne ki shakti aur vartamaan samay ke mahatva ko jaante hue parivartan karne mein samay nahin lagaana chaahiye। second mein parivartan ki shakti, kyonki jab samajhte ho - hona nahin chaahiye, samajhte hue bhi agar parivartan nahin kar paate ho, uska kaaran hai - sochte ho lekin swaroop nahin bane ho।

sochna swaroop jyaada saare din mein bante ho, smriti so samartha swaroop woh majority kam hai। abhi teevragti ka samay hai, teevra purooshaartha ka samay hai, saadhaaran purooshaartha ka samay nahin hai,second mein parivartan ka arth hai - smriti swaroop dvaara ek second mein nirvikalp,vyartha sankalp nivritta ho jaae, kyon?samay ko samaapti ko sameep laane vaale nimitta ho। to abhi ke samay ke mahatva pramaan jab jaante bhi ho ki har kadam mein padam samaaya hua hai, to badhaane ka to buddhi mein rakhte ho lekin gavone ka bhi to buddhi mein rakho। agar kadam mein padam banta bhi hai to kadam mein padam ganvaate bhi to ho, ya nahin? to abhi minute ki baat bhi gai, doosron ke liye kehte ho one minute silence mein raho lekin aap logon ke liye second ki baat honi chaahiye। jaise haan aur na sochne mein kitna time lagta hai? second। to parivartan shakti itni fast chaahiye। samjha theek hai,nahin theek hai,na theek ko bindi aur theek ko practical mein laana hai। abhi bindi ke mahatva ko kaarya mein lagaao। teen bindiyon ko to jaante ho na! lekin bindi ko samay par kaarya mein lagaao। jaise science vaale sab baat mein teevragti kar rahe hain, aur parivartan ki shakti bhi jyaada kaarya mein laga rahe hain। to silence ki shakti vaale abhi lakshya rakho agar parivartan karna hai, knowledgeful ho to abhi powerful bano,second ki gati se। kar rahe hain, ho jaayenge… kar lenge…, nahin। ho sakta hai ya mushkil hai?kyonki last samay second ka paper aana hai,minute ka nahin, to second ka abhyaas bahutkaal ka hoga tab to second mein paas with honour banenge na! parmaatma student hain, parmaatma padhaai padh rahe hain, to paas with honour banna hi hai na! paas marks liya to kya hua। paas with honour। kya lakshya rakha hai?jo samajhte hain paas with honour banna hai woh haath uthaao,paas with honour,honour shabd underline karna। achha।

to abhi kya karna padega? minute motor to common hai, second ka kaam hai abhi। haan panjaab vaale,second ka maamla hai abhi। ismen number one kaun hoga?panjaab। kya badi baat hai। jitna phalak se kehte ho,bahut achha kehte ho, phalak se kehte ho,baapdaada jab sunte hain bahut khush hote hain, kehte ho - kya badi baat hai, baapdaada saath hai। to saath to authority hai,to kya karna hai abhi?teevra banna padega abhi। seva to kar rahe ho, aur seva ke bina aur karenge bhi kya? khaali baithenge kya?seva to brahman aatmaon ka dharma hai, karma hai। lekin abhi seva ke saath-saath samartha swaroop, jitna seva ka umang-utsaah dikhaaya hai, baapdaada khush hai, mubaarak bhi dete hain। lekin jaise seva ka taaj mila hai na, taaj pahna hua hai dekho kitna achha lag raha hai। abhi smriti swaroop banne ka taaj pahanke dikhaana। youth group hai na! to kamaal kya karenge? seva mein bhi number one aur samartha swaroop mein bhi number one। sandesh dena bhi brahman jeevan ka dharma aur karma hai lekin abhi baapdaada ishaara de raha hai ki parivartan ki machinery teevra karo। nahin to paas with honour hone mein mushkil ho jaayega। bahutkaal ka abhyaas chaahiye। socha aur kiya। sirf sochna swaroop nahin bano, samartha smriti so samartha swaroop bano। vyartha ko teevra gati se samaapta karo। vyartha sankalp, vyartha bol, vyartha karma, vyartha samay aur sambandh-samparka mein bhi vyartha vidhi, reeti sab samaapta karo। jab brahman aatmaayen teevragti se yeh sva ke vyartha ki samaapti karenge tab aatmaon ki duaayen aur apne punya ka khaata teevragti se jama karenge।

baapdaada ne pahle bhi sunaaya ki baapdaada teen khaate check karte hain। purooshaartha ki gati ka khaata,duaaon ka khaata, punya ka khaata lekin majority ke khaate abhi bharpoor kam hain। isliye baapdaada aaj yahi slogan yaad dila rahe hain ki ab teevra bano, teevra purooshaarthi bano। teevra gati se samaapti vaale bano। teevra gati se mansa dvaara vaayumandal parivartan vaale bano। baapdaada ek baat mein sabhi bachchon par bahut khush bhi hai। kis baat mein? pyaar sabka baap se jigri hai, iski mubaarak hai। lekin boloon kya karo! is season ki samaapti tak,abhi to time pada hai, is season ke samaapta tak teevra gati ka kuchh na kuchh jalva dikhaao। pasanda hai? pasanda hai? jo samajhte hain lakshya aur lakshan donon hi smriti mein rakhenge woh haath uthaao। lakshya aur lakshan donon saamne rakhenge woh haath uthaao। double foreigners bhi rakhenge, teachers bhi rakhenge aur youth bhi rakhega,aur pahli line vaale bhi rakhenge। to padam, padam,padamguna in advance mubaarak ho। achha abhi kya karna hai?

seva ka tarna panjaab ka hai:- aadha class to panjaab hai। bahut achha kiya hai। seva mein ever ready ban pahunch gaye ho, iski mubaarak hai। achha, panjaab vaale kya koi naya plan bana rahe hain? jo kisne nahin kiya ho, koi aisa plan touch hota hai? hota hai। subah ko ho jaayega। aisa karke dikhaao, jo sab brahman thanks bhi den,mubaarak bhi den, vaah! vaah! ke geet bhi gaayen। abhi tak jo kiya hai,woh to kar hi rahe hain, achha kar rahe hain। baapdaada seva ke samaachaar sunte rehte hain aur sunkar dil mein dil ka pyaar bhi dete hain। abhi kuchh aur naveenta karke dikhaao। panjaab ko sher kaha jaata hai na। to aisi koi gajghor karke dikhaao jo sabki nazar baapdaada ki taraph sahaj hi aa jaae। ho jaayega। baapdaada ko sankalp hai,panjaab koi naveenta karega hi। abhi bhi golden chance mila hai, seva ka golden chance liya aur har saal lete bhi rehte hain aur achhe himmat umang se sabhi mil karke kar bhi rahe hain। sankhya to bahut achhi aai hai। achhe-achhe mahaaveer hain। dekho brahma baap ka bhi panjaab se pyaar raha to panjaab mein pahunch gaye the। to brahma baap ka bhi vishesh pyaar dekha। sabhi mahaarthiyon ka bhi panjaab mein paanv pada hai। koi aisi naveenta karke dikhaao। kar sakte hain। panjaab ki paanch nadiyaan mashhoor hain। baapdaada to dekh rahe hain ki achhe brahma baap ki paalna vaale bhi hain। to paalna ka return to dena padega na। achha hai baapdaada ki bahut badhiya ummeend hai panjaab mein। karenge na! koi aisa kaarya karke dikhaao jo sabki nazar baap ki taraph pad jaae। hai paandavon mein himmat hai? paandav himmat vaale hain? achha hai, maataaon ki sankhya bhi kaaphi hai, teachers bhi bahut hain। achha - plan banaana aapas mein। paandav plan banaana। kamaal ka plan banaana। achha।

saare bhaarat se yuva pad yaatri aaye hain:- achha - baapdaada ne svaagat samaaroh bhi dekha aur jo yuva varga vaalon ne seva ki, woh samaachaar bhi suna। to seva to bahut achhi ki hai aur himmat aur umang se athak ban seva ki hai,yeh bhi certificate achha dikhaaya hai। jahaan umang-utsaah hota hai vahaan saphalta hoti hi hai। to dekha gaya ki vishesh sab yaatraaon mein umang-ulhaas achha raha। umang-utsaah ke kaaran nirogi bhi rahe,nirvighna bhi rahe। abhi jaise yaatra ke samay nirvighna rahe, aise is brahman jeevan mein sada nirvighna,nirvikalp,niravyartha sankalp, agar sabhi kumaar ek maas bhi yeh bahut achha chart dikhaayen,to baapdaada aur sunahri pushpon ki varsha karenge। bilkul svapna maatra bhi nirvighna। bol aur karma to badi cheez hai lekin svapna maatra bhi nirvighna ho। sva ko dekho, samay ko dekho, doosre ki kami ko dekho hi nahin,agar dekhte bhi ho to apne man mein nahin rakho। agar kisi ki kamzori man mein rakhenge,to baap kaise yaad aayega! kamzori ke saath baap nahin thaharta। ek second ki teevragti ka,sabhi youth jaise umang utsaah se yaatra mein saphal hue, vaise is vishay par saphal hoke dikhaao, phir ceremony baapdaada manaayega। karenge! aisi himmat hai? pakka?kyonki yahaan se jaane ke baad, maaya sun rahi hai। maaya ko pata hai ki yeh promise kar rahe hain। agar koi bhi kami dekhi to vidhipoorvak apne jo nimitta bade hain unhon ko suna diya lekin peeth nahin karo, usko saja mili, nahin mili, kya kadam uthaaya gaya,kyon nahin uthaaya gaya! is vyartha mein nahin jaao। hisaab-kitaab baapdaada dekh rahe hain, dekhte rehte hain। to nirvighna bhav ka vardaan jeevan mein laayenge?laayenge?T.vi. mein inka photo nikaalo। dekho,sabhi sevaakendra se, majority sab zone se hain। agar aap jo bhi hain, bahnen bhi hain, bhaai bhi hain, agar aap svayan har zone mein karke dikhaayenge to aapki vritti ka vaayumandal phailega। yeh nahin sochna vaayumandal phaila ya nahin phaila, yeh nahin sochna। avashya phailega। to youth aisi kamaal karke dikhaayen to government ko result dikhaayenge। svapna maatra bhi paas with honour ho। baaki jo seva ki,woh achhi ki hai, sabko pasanda bhi aai,aapki seva baap ko bhi pasanda hai lekin aage ke liye koi kamaal karke dikhaao। sankhya bhi achhi hai। dekho yeh anubhav karke dekha ki seva ke umang-utsaah mein rahe to chart theek raha na। koi khitkhit nahin hui na, na shareer ki, na vighna ki, majority। to aise hi umang-utsaah se koi bhi sankalp karenge to vijay hai hi hai। to yaad rakhna - youth ka slogan hai - karna hi hai। bura nahin karna, achha karna। vijayi banna hi hai। saphalta ka sitaara banna hi hai। theek hai। achha।

double videshi:- bahut achha sitaara hila rahe hain। baapdaada kehte hain double videshi madhuban ka vishesh shrringaar hain। double videshi aate hain to madhuban ka shrringaar ho jaata hai। abhi dekhenge teevra gati ke purooshaartha mein number one kaun sa zone jaata hai। madhuban jaayega,madhuban vaale baithe hain na। madhuban vaale utho। achha। madhuban vaale to bahut hain। to kya karega madhuban। teevra purooshaartha mein number one। hai! himmat hai?himmat hai?himmat vaale haath uthaao। abhi madhuban ki koi bhi, aisi koi bhi baat baapdaada ke paas nahin aayegi, yeh hua, yeh hua nahin aayega। achha hua, achha hua, achha hua… theek hai। pakka? pakka?dekho। haath uthaaya hai ya man ka haath uthaaya hai? man ka haath uthaaya hai na? thodon ne abhi haath uthaaya। man ka haath utha rahe ho na। abhi baapdaada har maas ki result poochhenge। poochhen?poochhen?bahut achha। madhuban vaalon ka svamaan, saare videsh mein, India mein hain। madhuban vaasiyon ko bahut oonchi nazar se dekhte hain। ati sneh ki nazar se dekhte hain। to aisa hi result sunte rahenge abhi। man mein to sabhi jaante hain kya karna hai,kya nahin karna hai, baapdaada kya chaahte hain, samajhte to sabhi hain,abhi sirf karna hai। knowledgeful ho lekin abhi powerful banna। achha |double videshi baapdaada ko bahut pyaare lagte hain, pyaare to sabhi hain lekin iseelie pyaar karte ki sachchi dil vaale hain। mahsoos jaldi karte hain lekin parivartan ki shakti abhi aur add karni hai। add karenge na। parivartan ki shakti addition karo। baaki mahsoos karte ho,jaante ho,iseelie baba ka pyaar hai ki sachche hain lekin parivartan karne ki thodi aur addition karo। theek hai sabhi khush hain? khushi mein naachte rehte, aur baap ke gunon ke geet gaate rehte। bahut achha।

achha। jo pahli baari aaye hain woh haath uthaao। khade ho jaao। achha - bahut aaye hain। pahle baari vaale bahut hain। baapdaada pahle baari aane vaalon ko yahi kehte hain ki jaise pahle baari aaye ho vaise har subject mein pahla number aana। aane mein dekho umang utsaah se aaye ho na। pyaar ke vimaan mein chadhke pahunch gaye ho। abhi umang aur utsaah ke pankhon se sab subject mein number one aana hai, yeh dridh sankalp rakho। achha hai mubaarak ho। achha।

abhi-abhi abhyaas karo - ek second mein nirvikalp, niravyartha sankalp ban ekaagra, ek baap doosra na koi, is ek hi sankalp mein ekaagra hokar baith sakte ho! aur koi sankalp nahin ho। ek hi sankalp ki ekaagrata shakti ke anubhav mein baith jaao। time nahin lagaana,ek second mein। achha।

chaaron or ke bachchon ke jinhonne bhi vishesh yaad pyaar bheja hai,woh har ek bachcha apne naam se yaadapyaar aur dil ki duaayen sveekaar karna। baapdaada dekh rahe hain ki sabhi ke dil mein aata hai hamaari bhi yaad,hamaari bhi yaad, lekin aap bachche sankalp karte ho aur baapdaada ke paas usi samay hi pahunch jaata hai। isliye sabhi bachchon ko har ek ko naam aur visheshta sampanna yaadapyaar de rahe hain। to sabhi sada smriti swaroop, samartha swaroop, anubhav swaroop shreshtha bachchon ko, sada jo socha shubh, woh turat kiya, jaise turat daan ka mahatva hai vaise turat parivartan ka bhi mahatva hai। to turat parivartan karnevaale vishwa parivartak bachchon ko, sada parmaatma paalna, parmaatma pyaar, parmaatma padhaai aur parmaatma shreemat ko har karma mein laane vaale mahaaveer bachchon ko, sada himmat aur ekaagrata,ekta dvaara number one teevra purooshaartha karne vaale bachchon ko baapdaada ka dil ka yaadapyaar aur dil ki duaayen aur namaste।

daadi ji se:- vijay praapta karke dikha rahi hai। daadiyon se:- sabhi achha part baja rahe hain। baap daada har ek ke part ko dekh khush hote hain। chhote chhote bhi achha part baja rahe hain। aise nahin samajhna ham to chhote hain। chhote subhaan allaah hain। shaktiyon ka apna part hai, paandavon ka apna part hai। paandav nahin hon to bhi kaam nahin chale, shaktiyaan nahin ho to bhi kaam nahin chale,iseelie bhaarat mein chaturbhuj ka yaadgaar hai। aur koi bhi dharma mein chaturbhuj nahin dikhaate lekin bhaarat ke yaadgaar mein chaturbhuj ka mahatva hai। to donon achha part baja rahe hain lekin abhi jaldi karna hai,bas। kabhi-kabhi thoda dheela pad jaate hain। abhi dheele padne ka samay nahin hai। baaten to bhinna-bhinna hoti hi hain lekin humein baaton ka raaz samajh raazayukta,yogayukta,snehayukta,sahayog yukta ban chalna hai। achha hai na। (daadi ji se) bahut achha lagta hai na? dekho kitne aaye hain। kyon aaye hain? yeh sabhi kyon aaye hain! aap se milne aaye hain। baapdaada se to milne aaye hain lekin saath mein daadiyaan nahin hon to kehte hain na maja nahin aata। aur aap sabhi nahin ho to bhi maja nahin hota।

(shaantaamni daadi beemaar hai,ahamdaabaad hospital mein hai, pardaadi bhi ahamdaabaad mein hain):- theek hai, hisaab chuktu karne ka kuchh samay hai।