Avyakt murli for Thursday 15 February 2007

>

15-02-07 om shanti avyakt baapdaada madhuban

“albelepan,aalasya aur bahaane baaji ki neend se jaagna hi shivraatri ka sachcha jaagran hai”

aaj baapdaada vishesh apne chaaron or ke ati laadle,ati sikeeldhe,parmaatma pyaar ke paatra bachchon se milne aur vichitra baap bachchon ka birth de manaane aaye hain। aap sabhi bhi aaj vishesh vichitra birth de manaane aaye ho na! yeh birth de saare kalpa mein kisi ka nahin hota। kabhi bhi nahin suna hoga ki baap aur bachche ka ek hi din mein birth de ho। to aap sabhi baap ka birth de manaane aaye ho va bachchon ka bhi manaane aaye ho? kyonki saare kalpa mein parmaatma baap aur parmaatma bachchon ka itna athaah pyaar hai jo janma bhi saath-saath hai। baap ko akela vishwa parivartan ka kaarya nahin karna hai, bachchon ke saath-saath karna hai। yeh alaukik saath rahne ka pyaar,saathi banne ka pyaar is sangam par hi anubhav karte ho। baap aur bachchon ka itna gahra pyaar hai, janma bhi saath hai aur rehte bhi kahaan ho? akele ya saath mein?har ek bachcha umang-utsaah se kehte hain ki ham baap ke combined hain। combined rehte ho na! akele to nahin rehte ho na! saath janma hai,saath rehte hain aur aage bhi kya vaayda hai?saath hai,saath rahenge, saath chalenge apne sweet hom mein। itna pyaar koi aur baap bachchon ka dekha hai? koi bhi bachcha ho,kahaan bhi hai,kaisa bhi hai,lekin saath hai aur saath hi chalne vaale hain। to aisa yeh vichitra aur pyaare te pyaara janma din manaane aaye hain। chaahe sammukh mana rahe ho, chaahe desh videsh mein chaaron or ek hi samay saath-saath mana rahe hain।

baapdaada chaaron or dekh rahe hain ki kaise sabhi bachche umang-utsaah se dil hi dil mein vaah baba! vaah baba! vaah birth de! ka geet ga rahe hain। agar switch kholte hain to chaaron or ke aavaaj, dil ke aavaaj, umang-utsaah ke aavaaj baapdaada ke kaanon mein sunaai de rahe hain। baapdaada sabhi bachchon ka utsaah dekh bachchon ko bhi apne divya janma ki padam-padam-padamguna badhaaeeyaan de rahe hain। vaastav mein utsav ka arth hi hai umang-utsaah mein rehna। to aap sabhi utsaah se yeh utsav mana rahe hain।naam bhi bhakton ne shivraatri rakha hai। aaj baapdaada us bhagat aatma, jisne aapke is vichitra janma din manaane ko, aap gyaan aur prem roop mein manaate aur us bhagat aatma ne bhaavna, shraddha ke roop mein aapke manaane ki kaapi achhi ki hai, to aaj us bachche ko mubaarak de rahe the ki kaapi karne mein achha part bajaaya hai। dekho har baat ko kaapi ki hai। kaapi karne ka bhi to akla chaahiye na! mukhya baat to is din bhakta log bhi vrat rakhte hain,woh vrat khaane peene ka rakhte hain, bhaavna mein vritti ko shreshtha banaane ke liye vrat rakhte hain,unhon ko har varsha rakhna padta aur aapne kya vrat liya? ek hi baar vrat lete ho, varsha-varsha vrat nahin lete। ek hi baar vrat liya pavitrata ka। sabhi ne pavitrata ka vrat liya hai,pakka liya hai? jinhonne pakka liya hai woh haath uthaao,pakka, thoda bhi kachcha nahin। pakka?achha। doosra bhi prashn hai, achha vrat to liya mubaarak ho। lekin apvitrata ke mukhya paanch saathi hain, theek hai na! kaandh hilaao। achha paanchon ka vrat liya hai?ya do teen ka liya hai?kyonki jahaan pavitrata hai vahaan agar ansh maatra bhi apvitrata hai to kya sampoorn pavitra aatma kaha jaayega?aur aap brahman aatmaon ki to pavitrata brahman janma ki property hai, personality hai, royalty hai। to check karo - ki sampoorn pavitrata mein aise to nahin,mukhya pavitrata ke oopar attention hai lekin aur jo saathi hain,usko halka to nahin chhoda hai? chhoton se pyaar rakha hai aur bade ko theek kiya hai। to kya baap ki chhutti hai ki jo aur chaar hain। pavitrata sirf brahmacharya ko nahin kaha jaata, brahmaachaari। brahmaachaari banna arthaat pavitrata ka vrat paalan kiya। kai bachche roohrihaan mein kehte hain, roohrihaan to sabhi karte hain na। to bahut meethi-meethi baaten karte hain। kehte hain baba mukhya to achha hai na,baaki chhote-chhote aise kabhi mansa sankalp mein aa jaate hain। mansa mein aate hain, vaacha mein nahin aate aur mansa ko to koi dekhta nahin hai। aur koi phir kehte hain ki chhote chhote baal bachchon se pyaar hota hai na। to in chaaron se bhi pyaar ho jaata hai। krodh aa jaata hai, moh aa jaata hai, chaahte nahin hain aa jaata hai। baapdaada kehte hain koi bhi aata hai to aapne darvaaja khola hai tab aata hai na! to darvaaja khola kyon hai? darvaaja khola hai kamzori ka, kamzori ka darvaaja kholna arthaat aahvaan karna। to aaj ke din birth de to baap ka aur apna mana rahe ho lekin jo janmate vrat ka vaayda kiya hai। pahla-pahla vardaan baap ne kya diya, yaad hai? birth de ka vardaan yaad hai? kya diya? pavitra bhav, yogi bhav। sabhi ko yaad hai na vardaan?yaad hai bhool to nahin gaye?pavitra bhav ka vardaan ek ka nahin diya,paanchon ka diya। to aaj baapdaada kya chaahte hain? birth de manaane aaye ho,baap ka bhi manaane aaye ho na। shivraatri manaane aaye ho,to birth de ki saugaat laaye ho ya khaali haath aaye hain?

70 varsha sthaapna ke samaapta ho rahe hain। yaad hai na! 70varsha socho, chaahe aap peechhe aaye ho lekin sthaapna ke to70 varsha ho gaye na! chaahe abhi aaye ho,lekin sthaapna ke kartavya mein aap sabhi saathi ho na! saathi to ho na! chaahe aaj pahle baari aaye hain। pahle baari jo aaye hain woh haath uthaao। jo madhuban mein pahli baar milne aaye hain woh haath uthaao। lamba haath uthaao। achha

aap sabhi bhi chaahe abhi ek saal hua hai, do saal hua hai lekin apne ko kya kahlaate ho? brahmaakumaari,brahmaakumaar ya purooshaarthi kumaar? kya kahlaate ho? koi apne ko purooshaarthi kumaar kehte hai kya! brahmaakumaar ka sign lagaate ho na! sabhi bi.ke. likhte ho ya pi.ke. likhte ho? purooshaarthi kumaar। to vaayda kya hai?saathi rahenge, saath chalenge, combined rahenge, to combined mein samaanta to chaahiye na! aaj ke 70 varsha ka utsav to manaate aate ho,baapdaada ne dekha hai, jo bhi zone tarna deta hai woh 70 varsha ka manaate hain। sammaan samaaroh manaate hain। manaate hain na sabhi। bas sirf chhoti chhoti gift de dete hain bas। lekin aaj ek to birth de hai,manaane aaye ho na, pakka hai na? aur doosra 70varsha samaapta hue, to sammaan bhi mana rahe ho, birth de bhi mana rahe ho, usmein saugaat kya denge? tray de denge, chaadar de denge? kya saugaat laaye ho?chalo chaandi ka gilaas de denge! lekin aaj ke din baapdaada ki shubh aasha hai apne aashaaon ke deepak bachchon prati। to bataayen, pahli line bataao bataayen? bataana va sunna maana kya? ek kaan se sunna aur dil mein sama dena, aise?nikaalenge to nahin, itna to nahin hai lekin dil mein hi sama dete hain। to aaj ke din, bataayen pahli line bataao, kaandh hilaao, teachers kaandh hilaao। achha jhanda hila rahe hain। double foreigners bataayen? apne ko baandhana padega, tabhi kaho haan, aise hi nahin। kyonki 70varsha dekho, 70 varsha to baapdaada ne bhi albelepan, aalasya aur bahaane baaji, 70 varsha khel dekh liya। chalo70 nahin to50, 40, 30, 20 lekin itna samay to yeh teen khel to khoob dekhe bachchon ke।

to aaj ke din bhakta jaagran karte hain,sote nahin hain, to aap bachchon ka jaagran kaun sa hai? kaun si neend mein ghadi-ghadi so jaate ho, albelaapan,aalasya aur bahaane baaji ki neend mein aaraam se so jaate hain। to aaj baapdaada in teen baaton ka har samay jaagran dekhne chaahta hai। kabhi bhi dekho krodh aata hai, abhimaan aata hai, lobh aata hai, kaaran kya bataate hain? ek baapdaada ko trademark dikhaai deti hai,koi bhi baat hoti hai na! to kya kehte hain,yeh to chalta hai, pata nahin kisne chalaaya hai? lekin shabd yahi kehte hain yeh to hota hi hai,yeh to chalta hi hai। yeh koi nai baat thode hi hai, yeh hota hi hai। yeh kya hai?albelaapan nahin hai? yeh bhi to karta hai,majority krodh se bachne ke liye yeh kiya tab hua। mainne kiya wrong woh nahin kahenge। yeh kiya na,yeh hua na,isliye hua। doosre par dosh rakhna bahut sahaj hai। yeh na kare to nahin hoga। aur baap ne kaha woh nahin hoga। woh kare to hoga, baap ki shreemat par kya krodh ko nahin khatma kar sakte?aajkal krodh ka bachcha rob,rob bhi bhinna-bhinna prakaar ke hain। to kya aaj chaar ka bhi vrat lenge?jaise pahli baat ka vishesh dridh sankalp majority ne kiya hai। kya aise hi chaar ka sankalp, yeh bahaana nahin dena, isne yeh kiya tab mera hua, aur baap jo baar-baar kehta hai, woh yaad nahin, usne jo kiya woh yaad aa gaya, to yeh bahaanebaaji hui na! to aaj baapdaada birth de ki gift chaahte hain yeh teen baaten, jo chaar ko halka kar deti hain। sanskaar ka saamna to karna hi hai,sanskaar ka saamna nahin,yeh paper hai। ek janma ki padhaai aur saare kalpa ki praapti,aadhaakalpa raajya bhaagya,aadhaakalpa poojya, saare kalpa ki ek janma mein praapti, woh bhi chhota janma,full janma nahin hai, chhota janma hai। to kya himmat hai? jo samajhte hain, himmat rakhenge zaroor,yeh nahin purooshaartha karenge, attention rakhenge… ge ge nahin chaahiye। chhote bachche nahin ho, 70varsha poore ho rahe hain। woh to teen chaar maas ke bachche ge ge karte hain। to aap baap ke saathi ho na! vishwa kalyaankaari ho, usko to 70 varsha poore ho rahe hain। baapdaada haath nahin uthvaate kyonki baapdaada ne dekha hai haath uthaake bhi kabhi kabhi albele ho jaate hain। lekin jo samajhte hain kuchh bhi ho jaae, pahaad jaisa paper bhi aa jaae lekin pahaad ko rooi bana denge, aisa dridh sankalp karne ki, kyonki sankalp bahut achhe karte ho,baapdaada bhi khush ho jaate hain, jis samay sankalp karte ho। lekin hai kya, 70 varsha to halka chhoda lekin baapdaada dekh rahe hain ki samay ka koi bharosa nahin aur is gyaan ke aadhaar par har purooshaartha ki baat mein bahutkaal ka hisaab hai। achha abhi abhi kar lenge, bahutkaal ka hisaab hai। kyonki praapti har ek kya chaahta hai?abhi haath uthvaate hain,raam seeta banega koi? jo raam-seeta banne chaahte hain woh haath uthaao, raajaai milegi। koi haath utha rahe hain। raam seeta banenge, lakshmi naaraayan nahin banenge? utha rahe hain? dekho,aap dekho utha rahe hain। foreigners utha rahe hain? double foreigners mein koi uthaata hai?jab bahutkaal ka bhaagya praapta karne chaahte ho, lakshmi naaraayan banna arthaat bahutkaal ka raajya bhaagya praapta karna। to bahutkaal ki praapti hai। to har baat mein bahutkaal to chaahiye na! abhi 63 janma ke bahutkaal ka sanskaar hai to kehte ho na,hamaara bhaav nahin hai, bhaavna nahin hai, sanskaar hai 63 janma ka। to bahutkaal ka hisaab hai na। iseelie baapdaada yahi chaahte hain ki sankalp mein dridhta ki kami ho jaati hai,ho jaayega… chalta hai, chalne do, kaun bana hai, aur ek to bahut achhi baat sabko aati hai,baapdaada ne note kiya hai baaten, apni himmat nahin chalti na, to kehte hain mahaarthi bhi aise karte hain, hamne kiya to kya hua? lekin baapdaada poochhte hain ki kya jis samay mahaarthi galti karta hai, us samay mahaarthi hai? to mahaarthi ka naam kyon kharaab karte ho?us samay woh mahaarthi hai hi nahin, to mahaarthi kahke apne ko kamzor karna yeh apne ko dhokha dena hai। doosre ko dekhna sahaj hota hai, apne ko dekhne mein thodi himmat chaahiye। to aaj baapdaada hisaab lene aaye hain। lekin hisaab ka kitaab khatma karaane ki gift lene aaye hain। kamzori aur bahaanebaaji ka hisaab kitaab, bahut bada kitaab hai usko khatma karna hai। to har ek jo samajhte hain ham karke dikhaayenge,karna hi hai,jhukna hi hai,badalna hi hai,parivartan ceremony manaani hi hai। jo samajhte hain sankalp karenge woh haath uthaao। dridh ya chaalu? chaalu sankalp bhi hota hai aur dridh sankalp bhi hota hai। to aap sabne dridh uthaaya hai? dridh uthaaya hai? madhuban vaale bada haath uthaao, itna nahin। yahaan madhuban vaale baithte hain। bahut najdeek baithne ka chance hain। madhuban vaale to ekdam saamne baithe hain। pahli seat madhuban vaalon ko milti hai,baapdaada khush hai। pahle baithe ho, pahle hi rehna। to aaj ki gift to badhiya hui na। baapdaada ko bhi khushi hai kyonki aap ek nahin ho। aapke peechhe apni raajdhaani mein aapki royal family,aapki royal praja, phir dvaapar se aapke bhakta, sato rajo tamoguni, teen prakaar ke bhakta, lambi line hai aapke peechhe। jo aap karenge woh aapke peechhe vaale karte hain। aap bahaanebaaji dete ho to aapke bhakta bhi bahut bahaanebaaji karte hain। abhi brahman parivaar bhi aapko dekh ulti kaapi karne mein to hoshiyaar hote hain na। to abhi dridh sankalp karo, sanskaar ka takkar ho,svabhaav ka matbhed ho, teesri baat kamzoron ki hoti hai,koi ne kisi ke oopar jhoothi baat kah di, to kai bachche kehte hain hamko jyaada krodh aata hai, jhooth par। lekin sachche baap se verify karaaya, sachcha baap aapke saath hai, to saari jhoothi duniya ek taraph ho aur ek baap aapke saath hai,vijay aapki nishchit hui padi hai। koi aapko hila nahin sakta, kyonki baap aapke saath hai। kah rahe hain,jhooth hai। to jhooth ko jhootha hi kar do na,badhaate kyon ho! to aaj baap ko bahaanebaaji achhi nahin lagti, yeh hua, yeh hua, yeh hua… yeh yeh ka geet samaapta hona chaahiye। achha hua, achha hoga,achha rahenge, achha sabko banaayenge। achha achha achha ka geet gaao। to pasanda hai? pasanda hai? bahaanebaaji ko khatma karenge? karenge?do-do haath uthaao। do-do haath uthaao। achha। haan achhi tarah se hilaao। achha, dekhne vaale bhi haath hila rahe hain। kahaan bhi dekh rahe hain, haath hilaao। aap to hila rahe ho। achha abhi neeche karo, abhi apne parivartan ki taali bajaao। achha

yeh din, yeh samay,sangathan ka chitra sada apne saamne rakhna। kabhi bhi kamzori aa jaae, aane nahin dena, get banda। get to pata hai na! banda karo। double banda karo,double taala lagaana, aajkal single taala nahin chalta। ek yaad ka, ek man ko seva mein busy rakhne ka। yeh do almighty taale laga dena। gaadrej ka nahin god ka। pakka jaagran karna, pakka vrat rakhna। baapdaada ko har bachche se ati pyaar hai। chaahe last number bhi ho phir bhi baapdaada ka us bachche par bhi ati pyaar hai। kyon? aise bachche koi baap ko milne hain?ek hi baapdaada hai,jisko brahman bachche milte hain। koi bhi mahaatma ho,mahaamandeshvar ho, dharmapita ho, koi ko bhi aise bachche mile hain? jo har bachcha kahe mera baba। hai koi, history mein hai? iseelie baapdaada har bachche ke mahatva ko jaante hain। bachche kehte hain ham geet gaate hain vaah baba vaah! baap kehte hain aapse bhi 100guna jyaada baap geet gaata hai, vaah bachche vaah! theek hai na! vaah vaah ho na! madhuban vaale vaah vaah bachche ho na! peechhe vaale vaah vaah bachche ho na! achha।

bhopaal zone ki seva ka tarna hai:-haan jhanda hilaao to pata pade। achha hai,bhopaal bhi madhyapradesh mein hai aur madhyapradesh bahut bada hai। seva to ki hai, shuru-shuru mein achhe-achhe governor aur vi.aai.pi. laaye hain lekin abhi itna koi nahin laaya hai। laaye hain, lekin aise governor ya koi vishesh nahin laaye hain। to bhopaal ko vishesh baapdaada,teachers sunna dhyaan se, do sevaayen dena chaahte hain। bataayen kaun si?ek to koi aisa vi.aai.pi laayen jaise abhi abhi example dekha raajasthaan ki governor aai aur daivi family hai, yeh anubhav achha karke gai। aur saath-saath jimmevaari bhi seva ki uthaake gai। sirf achha hai, achha hai, bahut achha kaam kar rahe hain, nahin। apne oopar jimmevaari uthaake gai। aise koi vishesh vi.aai.pi madhya pradesh mein hain, baapdaada jaante hain, chhipe hue hain, sirf usko maidaan par laana hai। aur doosra jo bhi bade-bade sevaakendra hain, jisko aap bade kehte ho woh list dena। to har ek bade centre jiske andar chhote upsevaakendra geeta paathshaalaayen bahut bahut hain। kyonki geeta paathshaalaaon ki list baapdaada poochhte hain to bahut-bahut geeta paathshaalaayen bhi hain। un bade centre ko kam se kam ek saal ke andar,bahut time de rahe hain,itna dena nahin chaahiye। lekin ek saal ke andar kam se kam bade centre ko apna ek vaaris quality saamne laana hai। chaahe abhi ho bhi, lekin yagya ke andar woh vaaris quality prasiddha ho। aise nahin hain to bahut। kai centre kehte hain hamaare paas vaaris hain, lekin vaaris chhip nahin sakte। vaaris ki quality hogi to woh chhip nahin sakta। baapdaada gupta vaaris ko nahin maanta hai। uska connection uska relation kaayde pramaan hona hi chaahiye। aisa vaaris harek bada centre saamne laaye। la sakte hain na bade centres? ismen nahin kehna ham to chhote hain। chhote nahin banna। chhote bhi bade banna। theek hai teachers? theek bola। haath uthaao jo samajhte hain chhote bhi bade bankar dikhaayenge,woh jhanda hilaao। dil se hila rahe ho na! to yeh do kaarya bhopaal ko karna hai,theek hai। bhopaal vaale,aapmen se hi to koi vaaris banenge na। to dekhenge, vaise to 6 maas mein taiyaar hona chaahiye lekin phir bhi baapdaada ek varsha ki chhutti dete hain। theek hai। baaki seva ka yeh golden chance lete ho,yeh achha hai। baapdaada sada hi sunaate hain, ki bahut sva unnati ke liye achha chance hai kyonki seva ki jimmevaari bhi alag nahin hai, yagya seva ki jimmevaari hai। vahaan to phir bhi samay aur attention dena padta hai yahaan to ek hi attention hai sva unnati ya yagya seva। yagya seva ka punya agar har samay jama karo to aapke punya ka khaata bahut bahut jaldi badh sakta hai। to achha kiya hai,sankhya bhi achhi laaye hain। chance achha liya hai। abhi aage ki result dekhenge। achha।

60 deshon ke 700 double videshi aaye hain:-baapdaada ko double videshiyon ko dekh ek baat ki vishesh khushi hoti hai, extra khushi hoti hai। woh is baat ki ki shuru shuru mein jab double foreigners aaye the, teachers ko yaad hoga to bhinna-bhinna culture se transfer hone mein badi mehnat lagti thi

lekin abhi baapdaada ne dekha hai ki iski charcha itni nahin hoti hai, kyon kaaran kya hai?kyonki ek do ke sangathan ko dekh vriddhi achhi hui hai na! aur baapdaada ne suna bhi hai ki majority apne apne aaspaas sandesh dene ka koi na koi saadhan apnaate hain,sandesh dene ka umang achha hai। to uski result mein dekha gaya hai ki har tarna mein videshiyon ka group kam nahin hota hai। quality bhi achhi hai aur quantity bhi badhti jaati hai isliye ek chandan ka vriksha ban gaye hain। to chandan ka vriksha dekh baapdaada khush hote hain। samaachaar to baapdaada ke paas pahunch hi jaata hai। chaahe aap email mein bhejte ho, to baapdaada ke paas to kaapi pahle aati hai। seva ka umang achha hai। abhi sirf aaj ka vrat pakka karna hai। number lenge na videshi? number lena hai? kaun sa number? pahla ki doosra bhi chalega? (pahla) jiska ek baap se pyaar hai woh ek samaan ek hi number banenge। jo slogan hai ek baap hi sansaar hai, jab hai hi ek sansaar to number ek hua na। jaise aapka title double foreigners। to purooshaartha mein sankalp ke dridhta mein bhi double force ka purooshaartha karke dikhaao। attention rakhte hain, sirf antar kya ho jaata hai? teevrata ki dridhta kam ho jaati hai,programme bahut achha banaate ho, baapdaada bhi topic sunte hain, group group ke purooshaartha ke vishay dekhkar bahut khush hote hain lekin kya hai, jab topic shuru karte ya lakshya rakhte ho woh bahut force ka rakhte ho phir kuchh na kuchh paper to aata hi hai, aur aana hi hai bina paper koi paas nahin hota। usmein dridhta ki kami ho jaati hai aur saadhaaran purooshaartha ho jaata hai। sada dridhta rahe iski kami ho jaati hai। to sabmen double purooshaarthi। karke hi dikhaayenge,banke hi dikhaayenge। theek hai na। itna umang-utsaah hai na! hai? hai,sirf dridhta ko check karo, baaton mein nahin jaao। dridhta ko dekho। achha।

double videshi kumaariyon ka group:-achha yeh banner banaaya hai। haath hilaao। yeh achha karte ho kyonki madhuban ke vaayumandal ka bhi prabhaav padta hai। daadiyon ka bhi pyaar aur vrittiyon ke vaayumandal ka saath hota hai to yeh jo special topic rakhte ho aur aapas mein roohrihaan karte ho to ismen samajhte ho ki special madad milti hai। milti hai madad?achha, yeh nasha kitna samay rehta hai? 6-8maas rehta hai ki sada rehta hai? isko revise karo,andar mein revise karo aur realise karo,jo bhi gyaan ki baaten hain na, usko revise bhi karo aur realise bhi karo, ek ek point jo shiksha ki milti hai, ya nashe ki khushi ki milti hai usko realise karo। apne aapse realise karo, ki har baat anubhav mein hai? anubhav kiya hai ya sirf knowledge ke aadhaar se sochte hain, sunte hain,varnan karte hain? baapdaada ne total dekha hai chaahe desh mein, chaahe videsh mein har point ke anubhav mein deep mein jaana yeh thoda attention kam hai। sunne aur sunaane mein attention achha hai, usmein number one hain,lekin anubhvi moorta banna, chalte phirte aatma ka anubhav hona,baap ke combined roop ka anubhav hona, anubhav mein kami hai?isliye realise karo, to real gold ban jaayenge। baaki baapdaada khush hai, attention bhi teachers deti hain, aapki daadi (jaanki daadi) bahut attention deti hai। itna hi attention, jitna yeh aapke oopar deti hai aur ummeeden rakhti hai, utna har ek apne oopar jo baap ki ummeeden hain,woh attention rakhen to number one to hue hi pade ho। apni kami ko realise karte bhi ho lekin parivartan karne mein kami pad jaati hai। usmein baapdaada ne dekha hai ek dridhta ki kami hai aur doosri man ko ekaagra karne ki visheshta jis ghadi chaahe us ghadi man ekaagra ho jaae, jahaan chaaho vahaan ho jaae, iski kami hai। iske oopar attention denge, chaahe bhaarat vaale chaahe foreigners। dridhta aur ekaagrata,abhi tak vesta hai, economy nahin hai। sankalp, vaani,sambandh-samparka mein bhi, har sanskaar svabhaav mein bhi economy se kharcha karo। economy bhi zaroori hai। yagya ki economy, jitni sankalpon ki economy hogi utni yagya ki economy ke bina rah nahin sakenge। yagya ki economy ka nahin aata, sanskaar emerge nahin hota, isse samjho, samay,sankalp khazaane ke economy ki aadat nahin hai isliye yagya economy ka sanskaar emerge nahin hota। to dridhta, ekaagrata aur economy। theek hai। baaki baapdaada khush hai, seva ke plan mein bhi khush hai। achhi seva kar rahi hai na। yeh saamne gaayatri baithi hai na। seva ka umang bahut hai na।

international mother group:-chitra bahut achha bana lete hain,yeh inhon ki visheshta hai। achha banaate hain। dekho itni mothers agar ek ek mother jagatmaata ban jaae, vritti se har samay, har sankalp mein har maata jagat maata ke swaroop mein sthit ho jaae to kitne vibration world mein milenge। kyonki maa ki bhaavna jaldi pahunchti hai। to jitni bhi mothers khadi hui hain, har samay apne jagat ke bachchon ko,bhaaeeyon ko vibration deti raho। jaise maa pyaar se bachche ki paalna karti,aise aap sabhi ko bachche samajhke paalna karo। vibration phailaao। theek hai। abhi dekhenge, saare din mein har maata ne jagatmaata ban vibration phailaaye! ismen sva-unnati automatic hai,yeh karke dikhaana। achhi hain maataayen, baapdaada ki nazar mein hain, aur himmat vaali hain, kar sakti hain। to aage badhte rehna। achha।

Russia vaalon ne project banaaya hai, jismen 50hajaar kilometre ka saphar tay karke 150 shahron ki seva karenge:-achha hai,baapdaada ne bachchi dvaara bhi samaachaar suna tha aur baapdaada ko ek baat yeh bhi achhi lagi, jo baapdaada ne kaha tha to O.ke. mein result bhejna,woh bhi achhi tarah se bheji thi, to mubaarak ho। aur yeh bhi plan suna tha, achha umang-utsaah se banaaya hai aur vidhi bhi jo banaai hai woh sahaj ho jaayegi। to umang-utsaah mein saphalta samaai hui hai। hands bhi achhe hain। sankhya bhi achhi hai। to baapdaada ko pasanda hai। aur sabki shubh bhaavna, abhi sabhi sun rahe hain to sabhi ki shubh bhaavna bhi aapke is programme ke saath hai, mubaarak ho।

mohni behen ne sunaaya- baambe se daadi ji ne aur saath mein sabhi seva saathiyon ne bahut-bahut yaad bheji hai:-daadi to sabke dil ki pyaari daadi hai। sabhi dil se apne pyaar ki bahut shubh lahren bhej rahe hain। aur baapdaada ne sunaaya tha,ki chaahe daadi ke liye kahenge aise ki patient hai,lekin woh practical mein doctors bhi aashcharya khaate hain, ki yeh patient nahin hai lekin patience mein rahne vaali, patient hote bhi patience ka swaroop kya hota hai, woh dikha rahi hai। aapko lagega daadi ko kuchh ho raha hai, lekin daadi se poochhenge, to kahegi kuchh nahin hai। to yeh patient nahin hai, patience swaroop dikha rahi hai। beemaari bhi hai lekin nyaari aur pyaari hai। beemaari chal rahi hai lekin woh apni masti mein hai। yeh shareer purify ho raha hai। apni last stage, bhavishya aur bhakti ki stage ban rahi hai। abhi hai jeevan mein hote mukta aur last samay mein hai ashta devta prasiddha hona aur bhakti mein hai ishta dev banna। teenon hi sanskaar ka part baja rahi hai। baaki jo bhi sevaadhaari seva karte hain,woh bhi dil se kar rahe hain,lekin sirf unhon ke liye nahin hai, woh to din raat apne dil se kar rahe hai lekin saare brahman parivaar mein bhi koi vesta thoughts nahin chalaao। daadi aapki hai, aapki hi rahegi। baapdaada ne dekha hai jab brahma baap avyakt hue aur daadi ko drishti di us drishti ki will power se bahut sarva snehi,sarva samartha,sarva kaaryakarta nimitta aur nirmaan ismen brahma baap ko poora-poora follow karte hue saare brahman parivaar mein shakti bhari aur baapdaada ke apni daadiyon ke saath-saath rahke bahut achha part bajaaya, abhi bhi sookshm mein aapke saath part baja rahi hai। baapdaada bhi daadi ki kamaal gaate hain। sabko sangathan ke bandhan mein, sneh aur sahayog ke aadhaar se baandha aur yeh amar vardaan hai। sabka pyaar achha hai, yeh dekh karke bhi baapdaada ko khushi hai। baaki baapdaada dekh rahe hain - jo bhi sabhi ne card bheje hain, patra bheje hain, greetings bheje hain, woh baapdaada ne sveekaar ki aur return mein ek ek ko naam aur visheshta sahit yaadapyaar aur duaayen de rahe hain। jinhonne card aur patra dvaara nahin lekin dil se,sankalp se bhi apna umang-utsaah bheja hai, un sabhi bachchon ko bahut-bahut padamguna yaadapyaar aur baap ke dil ki duaayen। baaki aap sabhi sammukh baithe ho, sammukh ka maja apna hi hai। science ke saadhnon dvaara chaahe kitna bhi spashta ho, kitna bhi achha lagta ho,lekin sammukh madhuban mein unnati ka dvaar apna hi anubhav karaata hai। achha abhi jo baapdaada ne kaha woh harek ek minute ke liye dridh sankalp swaroop mein baitho ki bahaanebaaji,aalasya, albelaapan ko har samay dridh sankalp dvaara samaapta kar bahutkaal ka hisaab jama karna hi hai। kuchh bhi ho, kuchh nahin dekhna hai lekin baap ke diltakhtansheen banna hi hai, vishwa ke takhtansheen banna hi hai। is dridh sankalp swaroop mein sabhi baitho। achha।

chaaron or ke sada umang-utsaah ke anubhav mein rahne vaale,sada dridhta saphalta ki chaabi ko kaarya mein lagaane vaale,sada baap ke saath aur har kaarya mein saathi ban rahne vaale, sada eknaami aur economy, ekaagrata swaroop mein aage se aage udte rahne vaale,baapdaada ke ati laadle, sikeeldhe, vishesh bachchon ko baapdaada ka yaadapyaar aur namaste।

daadiyon se:- abhi daadiyaan bhi sikeeldhi ho gai hain। ginti mein aa gai hain। sikeeldhi ho gai hain na। bas geet gaate raho itna pyaar karega kaun! baap kehta hai itna karte hain bachche | bachche nahin hote to baap kya karta। bachche nahin hote to baap kaun kehta! (jaanki daadi ne kaha, baba sansaar to hai lekin sanskaar mein aa jaae, baba yeh karo na) lekin baap karega to paayega kaun?yeh bhi baap kare to baap ko to phal paana nahin hai। sahayog dena yeh baap ka kartavya hai,taang bhi laga de, paanv bhi laga de, lekin chalna to khud ko padega na। achha। bahut achha।

teenon bade bhaaeeyon se:- shivraatri ka yaadgaar baap aur bachchon ke ikatthe janma ka yaadgaar hai,to sangathan ki shakti, baap ne bhi akela kuchh nahin kiya,bachchon ke saath har kaarya kiya, to sangathan ki shakti, usko phir se practical stage par laana chaahiye। ek ne kaha aur doosre ne kiya। ek do ki baaton ko na dekh sangathan ko milaana, yahi aavashyak hai। aap nimitta aatmaon ka yeh kaam hai। sangathan ko stage par pratyaksha karna। yahi aavashyakta hai। theek hai na!

bholi daadi ne 9February ko shareer chhod diya:-bholi se bhi sabka pyaar tha। chaahe kaisi bhi tabiyat rahi lekin bhandaara nahin chhoda, jo brahma baap ne bhandaare mein bithaaya to ant tak bhandaara nahin chhoda। yeh bhi karmana ki vishesh devi rahi। isliye sabhi ka aantarik pyaar achha raha। (abhi meera bhi achha karegi) haan kyon nahin karegi, zaroor karegi। paalna to achhi li hai। achha।

baapdaada ne diamond haal ki stage par apne haston se shivadhvaj phahraaya aur sabko badhaaeeyaan di:-

sabhi ne bahut-bahut pyaar se baap ka birth de aur apna birth de manaaya, iski padam padam padamguna mubaarak ho, badhaai ho। jaise yeh chinha roop ka jhanda lahraaya aur phool barsaaye aise hi har ek aatma ke dil mein baap ki yaad ka jhanda, smriti ka jhanda lahraao। aapke dil mein to hai hi lekin abhi sarva ke dilon mein baap ka jhanda arthaat yaad ka jhanda lahraao to saara vishwa phoolon ka bageecha ban jaayega। kaanton ka jangal khatma ho phoolon ka bageecha ban jaayega। aisa sankalp sada dil mein emerge karo, karna hi hai, hona hi hai, hua hi pada hai, sirf nimitta banna hai। achha।