Avyakt murli for Thursday 6 September 2007

> 06-09-07 om shanti avyakt baapdaadaamdhuban

‘‘daadi ke haath mein pratyakshata ka parda kholne ka button hai, ismen aap sab sahayogi bano’’

aaj baalak so maalik bachchon ke bulaave par baapdaada hajoor haajar ho gaye hain। baapdaada har bachche ko apne sir ka taaj dekhte hain। baapdaada ne dekha aap sabki pyaari daadi apne ichchha kaaran, bahut pyaar se nirsankalpa samaadhi mein va saadhna mein rehte hue sva-ichchha se baap samaan teevra behad ki seva ka anubhav karne ke liye,saathi, saakshi aur samaan sthiti ka anubhav karne ke liye baap ke saath vatan mein pahunch gai। saath-saath yeh bhi sabhi ne anubhav kiya ki aadi se ant tak nihsvaartha pyaar,nirvikalp saadhna, paristhiti aur stuti donon se nyaari aur sarva ki pyaari jeevan ka prabhaav chaaron or bina mehnat ke, bina kahne ke desh videsh mein pavitra pyaar ka vibration svatah sahaj phail gaya। na bulaate bhi sabke dil mein pyaar ka respond dene ka umang-utsaah svatah hi pragat ho raha hai। yeh hai pratyaksha snehi sahayogi, samaan sthiti ka prabhaav। daadi ki jeevan ka ek hi sankalp raha ki ab jaldi se jaldi baap ki pratyakshata ka aavaaj phailaayen। to pratyakshata,daadi ki pratyakshata dvaara eeshvareey vishwa vidyaalay aur baapdaada ki pratyakshata ka first chaiptar, chhota sa chaiptar aarambha hua hai। yeh kaun hai, yeh aadhyaatmik vidyaalay kya hai, sabki drishti mein,man mein, dil mein question mark ke roop mein utpanna hua hai। pahle kya hai, kya hai… yeh question hota, phir yeh hai, yeh hai ka uttar saamne aayega। daadi ka ek hi umang tha koi naveenta karen,seva ka vishaal roop ho, to svatah hi sahaj hi vishaal parichay ka jhanda lahar raha hai। ab aap sabko pyaar ka swaroop pratyaksha roop mein dikhaakar is pratyakshata ke jhande ko ooncha lahraana hai। daadi ne pratyakshata ke jhande ka,pratyakshata ke parde ka switch on karne ke liye button haath mein pakda hai, to aap sab saathi ho na। bahut pyaar hai na daadi se, to jaise daadi sva-ichchha se ever ready, nashtomoha ban gai। sabhi saamne khade the,phir bhi nirmohi moorta ud gai। aise, jaise daadi ne follow brahma baap kiya। achaanak ke part mein paas ho gai। yeh antim paath ka aap snehi premi aatmaon ko bhi ishaara dekar gai। ab aap apne liye socho, jo daadi ne pratyakshata ka parda kholne ka button haath mein uthaaya hai, us part mein humein kaise sahayogi banna hai! button kholne mein deri nahin lagegi lekin pratyakshata ke jhande ko ooncha lahraane vaale pratyakshata ka parda kholne ke pahle vishesh paartadhaari saathi ever ready hain? ab yeh nahin samjho ki ham centre nivaasi, madhuban nivaasi had ke sevaadhaari hain,nahin, lekin vishwa ki stage ke vishesh paartadhaari hain। saare vishwa ki nazar ab daadi ki pratyakshata ke saath aap sabke taraph hai। vishwa ki nazar jo bhi brahmaakumaar kumaari kahlaate hain,chhota hai, bada hai, kisi bhi kaarya ke arth nimitta hai, chaahe chhote kaarya ke bhi nimitta hai lekin ek ek ke oopar, vishwa ke aatmaon ki nazar aapke oopar hai। samajhte ho itni jimmevaari hamaare oopar hai,ya badon ko dekhte hain? bade jaanen,ismen sangathan ki shakti chaahiye। yeh roohaani kila hai। kile ki ek ek eet jimmevaar hai। brahmaakumaar-brahmaakumaari maanna arthaat is roohaani kile ki pratyakshata ke nimitta aatmaayen ho,ek ek kile ki eet jimmevaar hai। chaahe neeche ki eet ho, chaahe beech ki ho, chaahe oopar ki ho, lekin ek eet bhi hilti hai to uska prabhaav padta hai। to abhi daadi se to pyaar hai lekin daadi ka pyaar kisse hai! baapdaada ne dekha daadi ko apne pyaar ke moorta ka return behad pyaar mila lekin abhi daadi ka pyaar kis baat mein hai? daadi kehti hai kal ki baaten chhodo,aaj bhi nahin,ab… pratyakshata ka jhanda ooncha karne vaale oonchi sthiti ka apna sampanna swaroop dikhaao। to jo bhi abhi baithe hain, to daadi kah rahi thi, aap sabhi se poochhna ki mere sankalp ko ya baba ke sankalp ko sab poorn karne ke liye kuchh bhi parivartan karna pade, sahan karna pade, raham ki bhaavna rakhni pade, nirmal vaani banaani pade, shubh bhaavna, shubh kaamna ki natural nature banaani pade, to daadi ne kaha aap poochhna meri is baat ko, mere samaan banne ke liye taiyaar hain?to aap bataao taiyaar hain? aise haath nahin uthaana,dil ka haath uthaana। yeh baanhon ka haath koi badi baat nahin hai lekin nishaani phir bhi yahi haath uthaana padta hai। kuchh bhi ho jaae mujhe badalna hai। badalke baatembadli karaana hai, yeh aisa, yeh aisa, yeh karte, yeh bolte nahin,woh to hoga lekin mujhe kya karna hai?daadi ke samaan to banna hai na, daadi ne itnon ko chalaake dikhaaya,kitne varsha,ek do varsha nahin, chaahe bade chaahe chhote,chaahe karmana vaale,chaahe bhaashan vaale, chaahe zone vaale, chaahe daadiyaan, daadaaon ko bhi। nirmohi ban gai na, last mein kisi ko yaad kiya? kiya?aap saamne khade the, agar kisko bhi koi smriti ho to shvaans pragat ho jaata hai,anubhav kiya - jaise shanti ki devi rahi,sam bhaavna,shreshtha bhaavna, pratyaksha roop dikhaaya। aise saans kiska bhi nahin gaya hai jo saare aaspaas khade hain aur dekh rahe hain ja rahe hain,ja rahe hain,yeh history mein pahla example hai। baapdaada to dil mein raha lekin saakaar mein saamne sab the,aisi chhutti kisne bhi nahin li hai।

to suna, abhi kya karna hai?suna। dhyaan se suna। peechhe vaalon ne suna,achha jo samajhte hain kuchh bhi ho jaayega,kitna bhi sahan karna padega, parivartan hona hi hai,woh haath uthaao। achha pakka haath hai ya thoda aise aise hai, andar ka? dekhenge,trial karenge, nahin। koshish karenge,ge ge to nahin hai na?ge ge hai, nahin?bahut achha। daadi ko aapka sandesh diya,daadi kehti hai main khaas aaoongi, roohrihaan karoongi, baaki aap sabka pyaar bhaavna, sab daadi ke aage aisa spashta hai,jaise saamne dikhaai de raha hai। kiske man ki sthiti bhi real kya hai,woh bhi sabhi ka chakkar lagaake note kiya hai। kehti thi ki main aakar sunaaoongi। kitna bhi koi chhipaave na, vatan mein chhip nahin sakta hai। vahaan ka yantra roohaani yantra hai। achha।

chaaron or ke daadi ke pyaar ka pratyaksha swaroop dikhaane vaale,jaise daadi ne follow brahma baap saakaar jeevan mein pholokarke dikhaaya, aise baap aur murabbi bachche daadi ko follow kar pratyakshata ka parda pratyakshata ka jhanda lahraane kesaathi aatmaon ko,baapdaada dekh rahe hain, desh videsh ke bachche samaan banne ke umang-utsaah ke plan bana rahe hain,woh din ab sameep laana hai, samay aane par nahin,samay ko aapko sameep laana hai। to aise sva-parivartak,dridhsankalpadhaari chaaron or ke bachchon ko, chaahe dekh rahe hain ya saamne hain ya nahin hain, lekin baapdaada aur daadi chaaron or ke geeta paathshaalaaon ke bachchon ko bhi dekh rahe hain। to sabhi baap ke saathi,daadi ke saathi, brahman aatmaon ko baapdaada aur daadi ki taraph se ek ek ko naam aur visheshta sampanna yaadapyaar aur namaste।

daadi aapke class mein aati rehti hai, aise nahin,nahin aati hai। aapne jo samaadhi banaai hai,usmein bhi chakkar lagaati rehti hai। lekin aapse bahut-bahut roohrihaan karne chaahti hai isliye thoda samay chaahiye। baaki daadi ke 12 din samaapta ho rahe hain,daadi ko saakaar vatan mein vishesh nyaara aur pyaara isenshiyal kaarya ke liye nimittamaatra part bajaana pad raha hai। lekin daadi ka janma, kaarya ati nyaara hai,woh phir aakar vistaar sunaayenge। baapdaada ko bhi drama ka noondha hua part bajaana padta hai,bajvaana padta hai। alaukikta kya hai, woh sunaayenge phir। theek hai। sabhi pahli line theek hai, daadiyaan theek hai? paandav bhi theek hain?sab paandav theek hain na। double follow। teen shabd daadi ke sada yaad karna - nimitta, nirmaan aur nirmal vaani। yeh teen shabd har ghadi,har kaarya aarambha karne ke pahle, kaarya bhale badle lekin yeh teen shabdon ki smriti nahin badle, kaisa bhi kathin kaarya ho lekin yeh teen shabd aise samajhna jaise abhi baapdaada, deedi,daadi teen hain na, to yeh teen shabd bhoolna nahin,har kaarya shuru karne ke pahle yeh yaad karna phir kaarya shuru karna। to bahut jaldi daadi ke samaan,sahaj samaan ban jaayenge। achha - abhi kya karna hai?

(sabhi daadiyaan baapdaada se mil rahi hain,pahle nirmalshaanta daadi mili phir doosri daadiyaan) daadi shaantaamni:-gallop achha kiya, jo lakshya rakha,woh practical mein aa raha hai,iski mubaarak ho।

manohar daadi:- yagya ki aadi sahayogi aatma ho। sahayogi hoon,sahayogi rahoongi, underline kyonki daadiyaan to shrringaar hain to aap ek daadi bhi miss nahin honi chaahiye। haan ji karo,taakat aa jaayegi, haan ji karke dekhna,karna hi hai,koi kitna bhi roke mujhe karna hi hai। daadi ki sakhi hai na। to daadi ne na kabhi nahin kiya,har kaarya mein haan ji,haan ji, haan ji kiya। aise hi karna। ratanmohini daadi:- aap to all-rounder hain, abhi daadiyon ko,sabhi ko apna part vishesh sangathan ke aage dikhaana hai। sabki nazar paandav aur daadiyon ke taraph natural jaati hai। hain,kar rahi hain,karti rahengi। achha hai।

paandav kya karenge?teenon hi aao। (nirvair bhaai, ramesh bhaai, brijmohan bhaai) aap teenon ko abhi kya karna hai? teen shabd vishesh daadi ki visheshta rahi,chhota bada apna maanta tha,apnepan ki bhaasna sabse jyaada daadi ne di hai, yeh daadiyaan hain lekin daadi mein yeh visheshta rahi,to aap logon ka bhi aisa kartavya ho,aisa milan ho jo har ek anubhav kare yeh apne hain, apnaapan mahsoos karen,duty vaale nahin। apnaapan jitna laate hain utna, daadi ko itna pyaar ka respond kyon mila?chaahe vi.aai. pi. chaahe koi bhi ho lekin apnaapan mahsoos karta tha, hamaari daadi hai abhi bhi dekho daadi maa, daadi maa… koi kehta nahin hai lekin jigar se kehte hain, to yeh hai apnepan ki anubhooti karaane ki result। to jaise daadiyon ki taraph sabki nazar hai, aise vishesh nimitta paandavon ki taraph bhi hai। to karna padega। padega na। karna padega na?karna hi hai। abhi har ek ki chaahe media vaale chaahe vi.aai. pi. chaahe saadhaaran janta,sabne shradhaanjali ghar baithe bhi di hai,chaahe aaye nahin hain lekin T.vi. dvaara sabne majority ne dekha bhi hai aur sahayogi bhi bane hain shrandhaajli dene mein, to ab yeh eeshvareey vishwa vidyaalay chhipa hua nahin rahega, ek ek activity taraph khuli nazar ho gai hai, ulte vaale ulta dekhenge, sulte vaale sulta dekhenge, lekin vishesh nazar pad gai। to usi anusaar aap sabko milkar sabhi sthaanon ke vaayumandal ko powerful banaana hoga,kyonki daadi ne vishwa ki nazar mein laaya hai। ek - pahle jo president banni thi uske kaaran sabki nazar mein aaya aur phir daadi ke kaaran jyaada nazar mein aaya to sabki nazar abhi vishesh is vidyaalay ki taraph hai। isliye underline। suna।

munni behen:- (baba daadi ka kvotej soona-soona lagta hai) abhi bhi vahaan seva ka saadhan banaakar rakhna। (ham kis baat ka dhyaan rakhen) jaise daadi karti thi vaise muskaraate shaktishaali najar, merciful bhaavna, santushtata ki bhaavna, santushtata ka sev khilaate rehna। khaali haath nahin bhejna। (daadi ki bahut yaad aati hai) woh to aayegi na, aise kaise hoga ki bhool jaae, kuchh din to zaroor yaad aayegi saakaar ke hisaab se, kyonki24 ghanta saath rahi ho। to yaad to aayegi। daadi milne aayegi taareekh nahin fix kiya hai,aayegi zaroor!

daadi jaanki:- (kal videsh ja rahi hai) chhutti di hai lekin short kat,bana hua hai na। mohini behen:- (abhi humein kya karna hai) daadi ki bhaasna dena। daadi ka aisa hi part hai jab chaahegi aa jaayegi, aapko bhaasna aayegi। aap bhi to vatan ki anubhvi ho na,bhaasna aayegi aapko। baapdaada achhe te achha part bajvaayega, sirf yeh teen shabd har karma ke pahle yaad karna। seva karo, all-round seva mein busy raho, yahaan bhi busy raho,chaaron or ki seva mein time nahin milta tha,abhi time do,achhi seva hogi, phikar nahin karo, baap saath hai।

(jinhonne daadi ji ki seva ki hai woh saara group baapdaada ke saamne hai)bahut achha - kitna achha group hai। dekho sabhi ne draamaanusaar har ek ne apna apna part bajaaya। aur sabne achha part bajaaya hai lekin abhi svaprivartan se vaayumandal parivartan। aapmen baap ke lakshan dikhaai den। jaise laukik mein bhi kai bachchon mein baap ke lakshan,baap jaisi shakla dikhaai deti hai, to aap har ek mein baap ke lakshan dikhaai den। lakshan aane se kya hoga, lakshya spashta ho jaayega। aajkal lakshya ooncha rakhte hain lekin lakshan nahin hote, aap lakshan dvaara lakshya ko spashta karo kyonki sabki nazar lakshan par padti hai। to jitna lakshandhaari chalan hogi to lakshya automatically siddha hoga - yeh kaun hain,kya karne chaahte hain। chalo koi ki bhi baat ho jaae, baaten to hongi, maala hai na, nambarvaar hain na, to yeh nahin bolo yeh kya karte hain, yeh kyon hota hai! nahin। mujhe kya karna hai, main kya madad aisi haalat mein kar sakta hoon, nahin kar sakte ho to kinaara karo lekin usmein bah nahin jaao,vaayumandal mein। aap nimitta aatmaayen aisi sthiti mein rahengi to automatically vaayumandal ban jaayega। mehnat nahin lagegi sirf apne ko karna bas, pakka। theek hai na। shakti sena kam thode hi hai। shaktiyaan bhi kam nahin hai। mujhe vaayumandal shreshtha banaana hai। koi bhi halki si baat ho, repeat nahin karo। ek ko varnan karna,maana anekon ke kaanon mein jaana। antarmukhi sada sukhi। jaise daadi ne roohaani apnaapan diya,shaareerik nahin, apnaapan ka yeh result hai, ek upraam, ek apnaapan। ishaara bhi diya lekin dil mein nahin, jabaan par aaya khatma,dil mein nahin rakha। aise aap nimitta ho,to nimitta ko daadi ko follow karna bahut zaroori hai। shakti to sabhi mein nahin hai na, nambarvaar hai na, sahayog do, shakti do, raham karo, aatmik pyaar do kyonki sabki nazar abhi desh videsh ki nimitta aatmaon par hai kyonki yeh media ne chaaron or spashta kar liya hai, abhi sabki nazar hai। kya ho raha hai, kya ho raha hai, aur hi jyaada sochenge। kya hai, kaisa hai, iseelie kile ko majboot karna, aap nimitta ho। chaahe thodi aai ho lekin sunenge to sabhi। phir bhi pahunch gaye |mubaarak hai। ever ready to ho gai na। daadi ke saath aap logon ne bhi ever ready ka paath to padh liya na। to theek hai। sabhi ko samajhna chaahiye main nimitta hoon,vaayumandal ko powerful banaane ke liye main nimitta hoon, doosre nahin, doosre to nambarvaar hain aap to nimitta ho। bahut achha,theek hai।

(daadi ki seva karne vaali bahnon se) bahut achhi seva ki, (daadi bahut yaad aati hai) yaad to aayegi,baapdaada ke vatan se jaayegi to baapdaada ko yaad nahin aayegi, aayegi। lekin seva hai na, jag ki daadi hai na sirf madhuban ki to nahin hai na। baaki sabhi ne seva pyaar se ki aur abhi bhi samaan banne ki seva karna। pyaar ka return yahi hota hai, achha। paandav bhi seva mein rahe। paandavon ne bhi seva achhi ki। pyaar ka swaroop dikhaaya। sabhi ne apne apne seva anusaar achha sahayog diya। abhi vaayumandal ko powerful banaane ki seva mein aise hi saathi banna, jaise daadi ki seva mein saathi rahe kyonki sabki nazar to hai na,yeh kya karenge abhi। dekhenge kya karte hain, sabki nazar to hai na। to aap aisa karke dikhaana jo vaah vaah ke geet bajne lage। daadi ka pratyaksha sneh aapki chalan se dikhaai dega। dega,kyonki pyaar tha na। pyaar mein to sabhi paas ho gaye hain। pyaar ka certificate to bahut achha hai। achha।

baapdaada sabhi se vidaai lekar vatan mein gaye aur daadi guljaar vatan se jab vaapas aai to vatan ka drishya sunaaya:-

vaise daadi ki vidaai shaam ko honi hai, isliye baba ne kaha main milkar aaya hoon, main bhi daadi bhi mili, daadi ne kaha mujhe baba bhej raha hai lekin mainne jo 12din mein anubhav kiya woh bahut bahut badhiya,anubhav kiya hai aur bahut baaten jo vaise na dekhne vaali,jo nahin dekh sakti thi woh dekhi hai। yeh sunaaya aur kaha baba abhi bhej raha hai aur mujhe yahi hai,mera sankalp tha ki main janma nahin loon lekin baba ne mujhe rahasya samjhaaya hai, isliye main khushi se ja rahi hoon। ham logon ko bhi tha ki daadi ko baba aise kaise bhej raha hai। to daadi ne kaha main baba ke raaz ko samajh gai hoon isliye main khushi se ja rahi hoon। doosri baat - daadi ne kaha phir shaam ko vidaai hogi woh dekhkar phir sabko sunaana। baaki mere taraph se sabhi ko ek ek ko kehna aapko naam sahit daadi ne yaad di hai। yaad ke saath pyaar to hota hi hai। vidaai ka sandesh phir sunaayenge।

achha - om shanti।