Avyakt murli for Monday 20 October 2008

> 20-10-08 om shanti avyakt baapdaadaamdhuban

‘‘santushtamni ban vishwa mein santushtata ki light phailaao, santushta raho aur sabko santushta karo’’

aaj baapdaada apne sada santushta rahne vaale santushta maniyon ko dekh rahe hain। ek-ek santushtamni ki chamak se chaaron or kitni sundar chamak chamak rahi hai। har ek santushtamni kitni baap ki pyaari har ek ki pyaari apni bhi pyaari hai। santushtata sarva ko pyaari hai। santushtata sada sarva praapti sampanna hai kyonki jahaan santushtata hai vahaan apraapta koi vastu nahin। santushta aatma mein santushtata ka natural nature hai। santushtata ki shakti svatah aur sahaj chaaron or vaayumandal phailaati hai। unka chehra unke nayan vaayumandal mein bhi santushtata ki lahar phailaate hain। jahaan santushtata hai vahaan aur visheshtaayen svatah hi aa jaati hain। santushtata sangam par vishesh baap ki den hai। santushtata ki sthiti parasthiti ke oopar sada vijayi hai। parasthiti badalti rehti hai lekin santushtata ki shakti sada pragti ko praapta karti rehti hai। kitni bhi paristhiti saamne aaye lekin santushtamni ke aage har samay prakriti ek papetsho maaphik dikhaai deti hai maaya aur prakriti ka puppet show। isliye santushta aatma kabhi pareshaan nahin hoti। paristhiti ka show manoranjan anubhav hota hai। yeh manoranjan anubhav karne ke liye apne sthiti ki seat sada saaksheedrishta mein sthit rahne vaali yeh manoranjan anubhav karti hai। drishya kitna bhi badalta lekin saakshi drishta ki seat par sthit rahne vaali santushta aatma saakshi ho har paristhiti ko sva sthiti se badal deti hai। to har ek apne ko check kare ki main sada santushta hoon?sada? sada hain va kabhi kabhi hain?

baapdaada hamesha har shakti ke liye khushi ke liye double light ban udne ke liye yahi bachchon ko kehte ki sada shabd sada yaad rahe। kabhi-kabhi shabd brahman jeevan ke dictionary mein hai hi nahin kyonki santushtata ka arth hi hai sarva praapti। jahaan sarva praapti hai vahaan kabhi-kabhi shabd hai hi nahin। to sada anubhooti karne vaale ho va purooshaartha kar rahe ho? har ek ne apne aapse poochha check kiya?kyonki aap sabhi vishesh baap ke snehi sahayogi laadle meethe meethe sva-parivartak bachche ho। aise ho na? hai aise? jaise baap dekh rahe hain aise hi apne ko anubhav karte ho? haath uthaao jo sada kabhi-kabhi nahin sada santushta rehte hain। sada shabd yaad hai na। thoda dheere dheere utha rahe hain। achha। bahut achha। thode thode utha rahe hain aur soch-soch ke utha rahe hain। lekin baapdaada ne baar-baar attention khinchavaaya hai ki ab samay aur svayan donon ko dekho। samay ki raphtaar aur svayan ki raphtaar donon ko check karo। paas with honour to hona hi hai na। har ek socho ki main baap ki raajdulaari ya raajdulaara hoon। apne ko raajdulaara samajhte ho na! roz baapdaada aapko kya yaad pyaar dete hain? laadle। to laadla kaun hota hai? laadla vahi hota hai jo follow father karta hai aur follow karna bahut bahut bahut sahaj hai koi mushkil nahin hai। ek hi baat ko follow kiya to sahaj sarva baaton mein follow ho hi jaayega। ek hi line hai jo baap har roz yaad dilaate hain। woh yaad hai na? apne ko aatma samajh mujh baap ko yaad karo। ek hi line hai na aur yaad karne vaali aatma jisko baap ka khazaana mil gaya woh seva ke bina rah hi nahin sakta kyonki athaah praapti hai akhut khazaane hain। daata ke bachche hain woh dene ke bina rah nahin sakte aur majority aap sabko title kya mila hai? double foreigners। to title hi double hai। baapdaada ko bhi aap sabko dekh khushi hoti hai aur sada automatic geet gaate rehte ki vaah mere bachche vaah! achha hai bhinna-bhinna desh se kaun se vimaan mein aaye ho? sthool mein to kisi bhi vimaan mein aaye ho lekin baapdaada kaun sa vimaan dekh rahe hain? ati sneh ke vimaan mein apne pyaare-pyaare ghar mein pahunch gaye ho। baapdaada har bachche ko aaj vishesh yahi vardaan de rahe hain ki he laadle pyaare bachche sada santushtamni ban vishwa mein santushtata ki light phailaao। santushta rehna aur santushta karna। kai bachche kehte hain santushta rehna to sahaj hai lekin santushta karna yeh thoda mushkil lagta hai। baapdaada jaante hain agar har ek aatma ko santushta karna hai to uski vidhi bahut sahaj saadhan hai agar koi aapse asantushta hota hai ya asantushta rehta hai to woh bhi asantushta lekin aapko bhi uski asantushtata ka prabhaav kuchh to padta hai na। vyartha sankalp to chalta hai na। jo baapdaada ne shubh bhaavna shubh kaamna ka mantra diya hai agar apne aapko is mantra mein smriti swaroop rakho to aapke vyartha sankalp nahin chalenge। apne ko jaante hue bhi ki yeh aisa hai yeh vaisa hai lekin apne ko sada nyaara uske vibration se nyaara aur baap ka pyaara anubhav karo। to aapke nyaare aur baap ke pyaare pan ki shreshtha sthiti ke vibration agar us aatma ko nahin bhi pahunche to vaayumandal mein phailega zaroor। agar koi parivartan nahin hota aur aapke andar bhi usi aatma ka prabhaav padta rehta vyartha sankalp ke roop mein to vaayumandal mein sabke sankalp phailte hain। isliye aap nyaara ban baap ka pyaara ban us aatma ke bhi kalyaan ke prati shubh bhaavna shubh kaamna rakho। kai baar bachche kehte hain ki usne galti ki na to hamko bhi force se kehna padta hai thoda apna svabhaav bhi mukh bhi force vaala ho jaata hai। to usne galti ki lekin aapne jo force dikhaaya kya woh galti nahin hai? usne aur galti ki aapne apne mukh se jo force se bola jisko krodh ka ansh kahenge to woh right hai? kya galat galat ko theek kar sakta hai?aajkal ke samay anusaar apne bol ko phorsaphul banaana yeh bhi vishesh attention rakho kyonki jor se bolna ya tang hoke bolna woh to badalta nahin lekin yeh bhi doosre number ke vikaar ka ansh hai। kaha jaata hai - mukh se bol aise nikle jaise phoolon ki varsha ho rahi hai। meetha bol muskaraahat chehra meethi vritti meethi drishti meetha sambandh-samparka yeh bhi service ka saadhan hai। isliye result dekho agar maano koi ne galti ki galat hai aur aapne samjhaane ke lakshya se aur koi lakshya nahin hai lakshya aapka bahut achha hai ki isko shiksha de rahe hain samjha rahe hain lekin result mein kya dekha gaya hai? woh badalta hai? aur hi aage ke liye aage aane se darta hai। to jo lakshya aapne rakha woh to hota nahin hai isliye apne mansa sankalp aur vaani arthaat bol aur sambandh-samparka sada meetha madhurta arthaat mahaan banaao kyonki vartamaan samay log practical life dekhne chaahte hain agar vaani se seva karte ho to vaani ki seva se prabhaavit ho nazdeek to aate hain yeh to phaayda hai lekin practical madhurta mahaanta shreshtha bhaavna chalan aur chehre ko dekh svayan bhi parivartan ke liye prerna le lete hain aur jaise jaise aage samay ki haalaaten parivartan honi hain to aise samay par aap sabko chehre aur chalan se jyaada seva karni padegi। isliye apne aapko check karo - aatmaon ke prati shubh bhaavna shubh kaamna ki vritti aur drishti ke sanskaar nature aur natural hain?

baapdaada har ek bachche ko maala ka manka vijayi maala ka manka dekhne chaahte hain। to aap sabhi bhi apne ko samajhte ho ki ham maala ke manke banne hi vaale hain। kai bachche sochte hain ki 108 ki maala mein to jo nimitta bane hue bachche hain vahi aayenge lekin baapdaada ne pahle bhi kaha hai yeh to 108 ka gaayan bhakti ki maala ka hai lekin agar aap har ek vijayi daana banenge to baapdaada maala ke andar bahut ladi laga dega। baap ke dil ki maala mein aap har ek vijayi bachchon ko sthaan hai yeh baap ki guarantee hai। sirf svayan ko mansa-vaacha-karmana aur chalan chehre mein vijayi banaao। hai pasanda hai, banenge?baapdaada ki guarantee hai vijay maala ka manka banaayenge। kaun banenge?achha to baapdaada maala ke andar maala banaane shuru kar denge। double foreigners ko pasanda hai na! vijayi maala mein laana baap ka kaam hai lekin aapka kaam hai vijayi banna। sahaj hai na! ki mushkil hai?mushkil lagta hai? jisko mushkil lagta hai woh haath uthaao। lagta hai?thode-thode koi-koi hain। baapdaada kehta hai - jab baapdaada kehte ho to baba kahne se kya baap ka varsa nahin milega! jab sabhi varse ke adhikaari ho aur kitna sahaj baap ne varsa diya second ki baat hai aapne maana jaana mera baba aur baap ne kya kaha? mera bachcha। to bachcha to svatah hi varse ke adhikaari hai। baba kehte ho na sabhi ek hi shabd bolte ho mera baba। hai aise? mera baba hai? ismen haath uthaao। mera baba hai to mera varsa nahin hai? jab mera baba hai to mera varsa bhi bandha hua hai aur varsa kya hai? baap samaan banna। vijayi banna। baapdaada ne dekha ki double foreigners mein majority haath mein haath leke chalenge। haath mein haath dena chalna yeh fashion hai। to abhi bhi baap kehte hain baap shivbaaba ka haath kya hai?yeh haath to hai nahin to shivbaaba ka haath pakda to haath kaun sa hai?shreemat baap ka haath hai। to jaise sthool mein haath mein haath dekar chalna pasanda aata hai to shreemat ke haath mein haath deke chalna yeh kya mushkil hai! brahma baap ko dekha practical saboot dekha ki har kadam shreemat pramaan chalne se sampoorn pharishtepan ki manzil mein pahunch gaya na! avyakt pharishta ban gaya na। to follow father har ek shreemat uthne se lekar raat tak har kadam ki shreemat baapdaada ne bata di hai। utho kaise chalo kaise karma kaise karo man mein sankalp kya-kya karo aur samay ko kaise shreshtha bitaao। raat ko sone tak shreemat mili hui hai। sochne ki bhi jaroorat nahin yeh karoon ya nahin karoon follow brahma baap। to baapdaada ka jigri pyaar hai baapdaada ek bachche ko bhi vijayi nahin banen raaja nahin banen yeh nahin dekhne chaahte। har ek bachcha raaja bachcha hai। svaraajya adhikaari hai। isliye apna svaraajya bhool nahin jaana। samjha।

baapdaada ne kai baar ishaara diya hai ki samay achaanak aur naazuk aa raha hai isliye ever ready ashreereepan ka anubhav aavashyak hai। kitna bhi busy ho lekin busy hote hue bhi ek second ashareeri banne ka abhyaas abhi se karke dekho। aap kahenge ham bahut busy rehte hain agar maano kitne bhi busy ho aapko pyaas lagti hai kya karenge? paani piaayenge na! kyonki samajhte ho pyaas lagi hai to paani peena zaroori hai। aise beech-beech mein ashareeri aatmik sthiti mein sthit rahne ka abhyaas bhi zaroori hai kyonki aane vaale samay mein chaaron or ki halchal mein achal sthiti ki aavashyakta hai। to abhi se bahutkaal ka abhyaas nahin karenge to ati halchal samay achal kaise rahenge! saare din mein ek-do minute nikaalke bhi check karo ki samay pramaan aatmik sthiti dvaara ashareeri ban sakte hain? check karo aur change karo। sirf check nahin karna change bhi karo। to baar-baar is abhyaas ko check karne se revise karne se natural sthiti ban jaayegi। baapdaada se sneh hai ismen to sabhi haath uthaate hain। hain na sneh! full sneh hai full ki adhoora? adhoora to nahin hai na। to sneh hai to vaayda kya hai? kya vaayda kiya hai?saath chalenge?ashareeri ban saath chalenge ki peechhe-peechhe aayenge? saath chalenge? aur thoda time saath rahenge bhi vatan mein thoda। aur phir brahma baap ke saath first janma mein aayenge। hai yeh vaayda? hai na? haath nahin uthvaate hain aise sir hilaao। haath uthaate thak jaayenge na। jab saath chalna hi hai peechhe nahin rehna hai to baap bhi saath kisko leke jaayenge?baap samaan ko saath leke jaayenge। baap ko bhi akela jaana pasanda nahin hai bachchon ke saath jaana hai। to saath chalne ke liye taiyaar hai na! kaandh hilaao। hain? sabhi chalenge? achha sabhi chalne ke liye taiyaar hain?jab baap jaayenge tab jaayenge na। abhi nahin jaayenge abhi to foreign mein jaana hai na laut ke। baap order karega nashtomoha smriti labdha ka bel bajaayega aur saath chal padenge। to taiyaari hai na! sneh ki nishaani hai saath chalna। achha।

baapdaada har ek bachche ko door se bhi najdeek anubhav kar raha hai। jab science ke saadhan door ko najdeek kar sakta hai dekh sakta hai bol sakta hai to baapdaada bhi door baithe hue bachchon ko sabse najdeek dekh rahe hain। door nahin ho dil mein samaaye hue ho। to baapdaada vishesh tarna ke anusaar aaye hue bachchon ko apne dil mein naynon mein samaate hue ek-ek ko saath chalne vaale saath rahne vaale saath raajya karne vaale dekh rahe hain। to aaj se saare din mein baar-baar kaun si drill karenge? abhi abhi ek second mein aatma-abhimaani apne shareer ko bhi dekhte hue ashareeri sthiti mein nyaara aur baap ka pyaara anubhav kar sakte ho na! to abhi ek second mein ashareeri bhav! achha। (drill) aise hi beech-beech mein saare din mein kaise bhi ek minute nikaal is abhyaas ko pakka karte chalo।

baaki bachchon ne chaahe videsh vaalon ne chaahe desh vaalon ne donon ne milkar jo bhi plan programme banaaye to baapdaada ne dekha bhi suna bhi। baapdaada ne beech-beech mein aapke programmes ke beech mein chakkar lagaakar dekha bhi। to baapdaada khush hai ki sabhi ne milkar jo bhavishya teevra purooshaartha parivartan ka plan banaaya hai woh baapdaada ko pasanda hai। lekin jo plan banaaye hain woh doosre saal mein usko practical mein laane vaalon ko baapdaada vishesh ek gupta saugaat denge। to aage badho is baari ke donon ke sangathan mein par-upkaar sahayogi banne ka umang achha dekha gaya। double videshiyon ko baapdaada ne pahle bhi kaha hai ki abhi double videshi ke bajaae double teevra purooshaarthi kaho। baapdaada aap sab bachchon ko is vishwa ki stage par hero part bajaane vaala vishwa ke aage hero dikhaane chaahte hain। sabhi umang- utsaah se aaye bhi hain aur patra bhi bahut aaye hain har ek group ne bhi apna yaad nishaaniyaan bheji hai। baapdaada ne dekha hai jinhonne bhi yaadapyaar ya email ya patra bheje hain un sabko baapdaada naam sahit sammukh dekh padamguna yaadapyaar de rahe hain। chaahe door hain lekin dil mein samaaye hue hain। aur sabhi brahman parivaar ko khushi hoti hai ki ek hi samay 100 deshon ke ikatthe hue hain। yeh sangathan kitna achha lagta hai। kahaan-kahaan se aaye aur apne ghar aur parivaar baapdaada se bhi milan manaaya। isliye baapdaada double foreigners ka tarna hai vishesh dekho double foreigners ka alag tarna banaaya hai to vishesh udna padega। chalna nahin udna। aur double teevra purooshaarthi naam hi aapka yeh hai double teevra purooshaarthi group। vaise bhi variety cheeje achhi lagti hain to yeh bhi variety deshon se ek sthaan mein sangathan ka drishya bhi bahut achha lag raha hai। abhi aap to dekh nahin sakte baap to dekh rahe hain na। achha T.vi. mein dekh rahe hain। science aap logon ki seva ke liye purooshaartha ke liye nikli hai aur aap sampanna ho jaayenge to science samaapta ho jaayegi। refine hoke phir hamaare raajya mein aayegi। science ke saadhan aap sabki seva karenge lekin nirvighna। jinhonne bhi nimitta banke plan banaaya practical laaye woh nimitta teachers uthke khade ho yahaan hi। jo seva mein foreigners teachers nimitta banen woh utho। to baapdaada nimitta bane hue serviceable group ko vishesh yaadapyaar de rahe hain। ji haajir kiya uske liye bahut-bahut mubaarak hai। achha।

abhi jo bhi double purooshaarthi foreigners paandav aaye hain paandav sena utho। double foreigners paandav sena। dekho paandavon ki visheshta kya gaai hui hai? paandavon ki visheshta yahi gaai hui hai ki woh vijayi tab banen jab baap ka saath liya। paandavapti ka saath lene se vijayi ban gaye। to paandav yahi yaad rakhna ki ham paandavapti ke saathi hain saath bhi hain saathi bhi hain। to aapka title kya hai? saadhaaran paandav nahin vijayi paandav। kabhi bhi paandavon ka naam lenge na to yahi prasiddha hai vijayi paandav। to vahi ho na। kitne baar vijay praapta ki hai? anek baar vijayi bane ho aur anek baar bante rahenge। sangathan achha hai।

abhi sabhi chaahe desh ki chaahe videsh ki sabhi shiv shaktiyaan utho। dekho shiv shaktiyon ka jhunda bada hai aur aapki visheshta kya hai? shiv shaktiyon ki visheshta kya hai? dekho aap logon ka itna baap se sambandh hai jo yaadgaar mein bhi shiv shakti kehte hain। baap se naata saara aadhaakalpa bhi shiv shakti ke naam se gaaya jaata hai aur ab bhi shiv baap ke saath ho aur saathi bhi ho। baapdaada jab bhi serviceable bachchon ko ya bachchiyon ko dekhte hain to phakhur aata hai vaah! mere vishwa parivartak saathi vaah! to sabse mile na। yeh to samay par kuchh to badli hota hi hai।

baapdaada ko tan ko bhi chalaana to padega na। dekhna to padega। phir bhi baapdaada donon ko samaane ka part bachchi ne bhi achha bajaaya hai। 40 varsha part bajaane ko ho raha hai abhi 39 varsha hue hain kamaal hai avyakt part ki। baapdaada in donon ko (aao neelu aur hansa) aur saathi bhi hain lekin in donon ne shareeron ki nabja ko jaankar achha shareer ko chalvaana sikhaaya। aur saathi bhi hain saathi bhi haath uthaao। shareer ke nabja ko jaankar yogayukta hokar chalaane ka bahut achha part bajaaya aur bajaate rehna। achha। abhi bhaarat ki jo vishesh nimantran par aai woh utho paandav bhi aaye hain jo paandav vishesh nimantran par aaye woh bhi utho। achha। bhaarat vaale to apne ko bhi aur baap bhi samajhte hain ki in aatmaon ka bhi vishesh part hai jo paalna li bhi hai aur paalna de bhi rahe hain aur jo bhi paalna ke nimitta bante hain unhon ko extra bhaagya bhi milta hai chaahe paandav hain chaahe shaktiyaan hain lekin vishesh part bajaane vaalon ke vishesh bhaagya ki lakeer mastak mein chamakti hai। baapdaada ab bhaarat ki season mein homework poochhega kaun sa zone number one hua? zone centre nahin। kaun sa zone?chaahe madhuban madhuban bhi is race mein hai। number one kaun hai? yeh homework jo diya uski result poochhenge। chaahe abhi thoda samay hai lekin parivartan aane mein laane mein koi deri nahin lagti। sirf dridh sankalp ho madhuban vaalon ko bhi chance hai number lene ka। baaki achha hai baapdaada khush hai double lottery mil gai। sangathan bhi aur itne kahaan kahaan se 100deshon se aaye hue hain to ek hi samay itne parivaar se milna aur baap se bhi milna programmes bhi banaana to lucky ho। achha। to sabse mile na। kahenge nahin mile? sabse mil liya na।

aap sabki shubh bhaavna aur shubh duaaon se yeh rath bhi chal raha hai। aap sabke sneh ki jo khuraak hai woh part ko chala rahi hai। bachchi chalte phirte kehti hai ki kahaavat hai - raaste chalte brahman phans gaya। to main bhi phans nahin gai lekin nimitta ban gai। lekin thoda sa dekhna bhi padta hai। aap log to santushta hai na। santushta hain?sirf group-group se nahin mil sakte। baapdaada bhi is part ko dekhke muskaraate rehte hain daadi ne himmat se nimitta banaaya।

achha। drill to yaad hai na। bhool to nahin gaye hain kyonki baapdaada jaante hain aage ka samay ati haahaakaar ka hoga। aap sabko sakaash deni padegi aur sakaash dene mein hi aapka apna teevra purooshaartha ho jaayega। thode samay mein sakaash dvaara sarva shaktiyaan deni padengi aur jo aise naajuk samay mein sakaash denge jitnon ko denge chaahe bahuton ko chaahe thodon ko utne hi dvaapar aur kaliyug ke bhakta unke banenge। to sangam par har ek bhakta bhi bana rahe hain kyonki diya hua sukh aur shanti unke dil mein sama jaayega aur bhakti ke roop mein aapko return karenge। achha।

chaaron or ke baapdaada ke naynon ke noor vishwa ke aadhaar aur uddhaar karne vaali aatmaayen master duhkh harta sukh karta vishwa parivartak bachchon ko bahut-bahut dil ka sneh dil ka yaadapyaar aur padam-padam vardaan sveekaar ho। achha।

daadiyon se:- sab khush hue na। achha। abhi karna kya hai?

achha - saakshi hoke hisaab kitaab chuktu kar rahi hai।

pardaadi se:- dekho sabki pyaari aur nyaari aatma ho। sabhi aap logon ko chaahe bed par bhi ho to bhi aap sabke saath dil ka sneh bahut hai। bed par nahin ho sabhi ke dil mein ho। achha।

videsh ki badi bahinon se:- (ek book baapdaada ko di) mehnat achhi ki hai। achha royal banaaya hai kisko bhi dene ke liye achhi gift ban gai। achhi mehnat bhi ki hai muhabbat bhi dikhaai hai। double videshiyon ko paalna de rahe ho yeh bhi bahut achhi himmat rakh karke aage badh rahe ho aur badhte rahenge। achha sangathan bhi aapas mein achha kiya hai। baapdaada khush hai। umang-utsaah bharne ka ek saadhan hai naveenta chaahiye na sabko। achha hai sirf isko peeth karte rehna। jisse sabmen umang aave ham bhi part len ham bhi karke dikhaaye। ho jaayega।

(sudesh behen ne london ka samaachaar sunaaya)baapdaada ki mubaarak hai, mubaarak hai।

manmohini kaampaleksa vibhaag ke kantrakshan ke nimitta bhaai:- aap braahmanon ke liye baapdaada ki taraph se aap bachchon ki taraph se parivaar ke liye manmohini one mein bhavan ban rahe hain baapdaada ko khushi hai ki sabke sahayog se brahman aatmaon ko aaraam se rahne apne ko riphreshkarne ke liye sabhi pyaar se bana bhi rahe hain aur sahayog bhi de rahe hain to kuchh ban gaya hai aur kuchh ban raha hai to sabke sahayog se braahmanon ke liye jitna banaao utna kam hota jaata hai kyonki brahman badhte rehte hain aur badhte hi rahne hain। isliye aap sabke boond-boond se yeh complete ho raha hai। khushi hoti hai na hamaare bhaai behen aayenge aaraam se rahenge aur saphalta ko praapta karenge। aap sabko khushi hai vaah hamaara ghar badhta ja raha hai। to apna ghar dekh karke kitni khushi hoti hai। abhi to had ka vairaagya hone do phir dekho aapke paas kitni aatmaayen duaayen lene sukh shanti lene ke liye aati hain। to aap sukh daata unhon ko shareer ke aaraam ka sukh bhi denge na to yeh to badhta rahega aur aap badhaate rahenge। vartamaan samay yeh hai phir aur bhi badhega banega ki bahut ho gaya? aap to aavaahan kar rahe ho na jo bhi aave anchali to le le। duaayen kitni niklengi। khushi hai hamaara ghar ban raha hai ki madhuban ka ghar ban raha hai? aapka ban raha hai na। bahut achha। mehnat karne vaale bhi achhi mehnat pyaar se kar rahe hain। achha।

manohar daadi ki yaad di:- aap sabko apni pyaari daadi manohar indra yaad hai na। sada apna part achhe te achha bajaaya hai to abhi bhi sabke sneh aur shubh sankalp se apna part baja rahi hai aur bajaati rahegi। har ek ka fix part hai। woh to vatan mein mauj mana rahi hai is shareer mein nahin hai lekin vatan mein mauj mana rahi hai। uske dil ki aash poori ho rahi hai। achha।