Avyakt murli for Wednesday 31 December 2008

31-12-08 om shanti avyakt baapdaada madhuban

‘‘avyakt baapdaada’’ madhuban ‘‘is naye varsha mein parivartan shakti ke vardaan dvaara negative ko positive mein parivartan kar sankalp shvaans samay ko saphal karo saphaltaamoorta bano’’

aaj nav jeevan dene vaale baap apne chaaron or ke nav jeevan dhaaran karne vaale bachchon ko dekh harshit ho rahe hain। yeh nav jeevan hai hi nav yug banaane ke liye। log nav varsha manaate hain aur aap sabhi nav jeevan vaale bachche sabhi aatmaon ko badhaaeeyaan bhi dete ho aur saath mein yahi khushkhabri dete ho nav yug aaya ki aaya। aap sabhi bachchon ko to baap ne varse ke roop mein golden duniya ki gift de di hai। jis golden duniya mein anek golden saugaaten hai hi hain। aap sabhi ko yahi nasha hai na ki yeh golden duniya ki saugaat to hamaara janma siddha adhikaar hai। aaj ki duniya mein koi kisko kitni bhi bade te badi saugaat de, to bade te bada kya denge, taaj va takhta। lekin aapke golden duniya ki gift ke aage woh kya cheez hai? koi badi cheez hai! aapke dil mein khushi hai ki hamaare baap ne humein sabse oonche te oonchi nav yug ki gift de di hai। nishchay hai aur nishchit hai। yeh bhaavi koi taal nahin sakta। yeh atal nishchay sada smriti mein rehta hai! sada rehta hai va kabhi-kabhi kam ho jaata hai? janma siddha adhikaar hai to janma siddha adhikaar kabhi tal nahin sakta।

to aaj aap sabhi alag-alag sthaanon se naya varsha manaane aaye ho। lekin yeh naya varsha bhi mana rahe ho to is naye varsha ka lakshya kya rakha hai? is naye varsha mein kya vishesh karna hai? is naye varsha ki visheshta hai ki baap samaan sampanna aur sampoorn banna hi hai। kuchh bhi purooshaartha karna pade lekin nishchit hai ki baap samaan banna hi hai। bolo, sabke man mein yahi pakka sankalp hai na! hai? kaandh hilaao। baap bhi yahi chaahte hain ki har ek bachcha baap samaan bane। baap to baap hai lekin bachche baap se bhi oonche hain। to baap samaan banne ke lakshya ko poora karne ke liye baap ko follow karna pade। socho, baap, brahma baap sampoorn kaise bana? unki kya visheshta rahi? sampoornata ka vishesh aadhaar kya raha? brahma baap ne apna har samay saphal kiya। shvaans-shvaans, second-second saphal kiya। to baap samaan banne ke liye is varsha ka lakshya kya rakhenge?saphal karna hai aur saphaltaamoorta banna hi hai। saphalta hamaare gale ka haar hai। saphalta hamaare baap ka varsa hai। to is lakshya se check karna - har din apne aapko check karna hai ki saphaltaamoorta ban samay, shvaans,khazaane, shaktiyaan, gun sab saphal kiya? kyonki abhi ki saphalta se bhavishya bhi jama hota hai। 21 janma jo bhi saphal abhi kiya, uska phal jama hota hai। jaante ho na, pahle bhi sunaaya hai ki agar aap samay saphal karte ho to bhavishya mein bhi aapko raajya bhaagya ka full samay, raajya bhaagya ki praapti hoti hai। shvaans saphal karte ho to 21 janma svastha rahenge। kabhi bhi koi bhi svaasthya mein kami nahin rahegi aur saath mein jo khazaane jama karte ho, sabse bada khazaana hai gyaan ka, gyaan ka arth hai samajh। to gyaan ka khazaana saphal karne se bhavishya mein aap aise samajhdaar ban jaate hain jo aapko koi vajeeron ki raay nahin leni padti hai। svayan hi raajya akhanda, atal chalaate ho aur aapke raajya mein koi vighna nahin। nirvighna akhanda, atal hai। yeh hai gyaan ka khazaana jama karne ka phal। ek janma saphal kiya aur anek janma saphalta ka phal khaate ho। aise hi shaktiyaan jo praapta hain unko sva prati va doosron ke prati saphal karte ho to bhavishya mein aapke raajya mein sarva shaktiyaan hain, kabhi shakti kam nahin hoti। koi bhi shakti ki kami nahin hai। aise hi agar gun daan karte ho to aapka antim janma, 84 janma jo jad chitra banaate hain usmein last tak aapki mahima kya karte hain? sarvagun sampanna। to ek-ek saphalta ki praapti ke anek janma ke adhikaari ban jaate ho। to is varsha kya karna hai? lakshya rakhna hai ek shvaans, ek second bhi asphal nahin ho। jama karna hai। jama ka samay ek chhota sa janma aur phal ka samay 21 janma, to is varsha mein baap samaan banne ka lakshya hai? sabhi ko lakshya hai ki baap samaan banna hi hai? banna nahin hai, banna hi hai। banna hi hai underline। achha। bachche bhi banenge? chhote chhote bachche bhi banenge। achha lagta hai bachchon ka taaj। (sabhi bachchon ne taaj pahna hua hai) bahut achha lagta hai। to is varsha ka lakshya bhi rakha aur saath mein baap ko follow karne ka mantra, saphal kar saphalta moorta banna hai। iske liye jyaada mehnat karne ki baapdaada bachchon ko takleeph bhi nahin dete hain, bahut sahaj vidhi bataate hain, sahaj vidhi kya hai? jo bhi sankalp karo, pahle check karo baap ka yeh sankalp raha! bol bolte ho check karo, baap samaan banna hai na! to sankalp, bol aur karma, sambandh-samparka pahle socho, check karo baap ka yeh raha? aur aisa hi swaroop bano। brahma baap ko follow karo।follow father to gaaya hua hai na! kai bachche bahut achhe achhe khel dikhaate hain। pata hai kaun se khel dikhaate hain? follow nahin karte lekin kya kehte hain? chaahta to nahin tha, ho gaya। pahle soch ke, sirf socho nahin swaroop bano। agar swaroop ban jaayenge to yeh nahin kahenge socha nahin tha lekin ho gaya। karne vaala, sochne vaala aap shreshtha aatmaayen ho, maalik ho। ho gaya ka arth hai karmendriyon ke oopar control nahin।

to is varsha mein yahi slogan yaad rakhna baap samaan karna hi hai, banna hi hai। mushkil to nahin hai na? jaise baap ne kiya vaise karna hai। kaapi karna to sahaj hai na, sochne ki jaroorat hi nahin hai। aur nishchit hai ki aap sabhi ko jaise baap, brahma baap pharishta bana to nishchit hai pharishta so devta banna hi hai। to aapko bhi pharishta so devta banna hi hai। kai bachche kehte hain ki chalte-chalte opposition bahut hoti hai, to opposition ke kaaran position se neeche aa jaate hain। lekin yaad karo baap samaan banna hai to sthaapna ke aadi mein brahma baap ne kitne opposition ko position mein parivartan kiya?har baat nai, challenge thi। abhi to bahut jamaana badal gaya hai lekin akela brahma baap kitna svamaan ki seat par baith position dvaara opposition ka saamna kiya। jahaan position hai vahaan opposition kuchh nahin kar sakti। pahle kya kehte the? dhamaal kar rahe hain aur abhi kya kehte hain? kamaal kar rahe hain। itna pharka ho gaya। kaaran kya? brahma baap ne svayan svamaan ki seat aur dridh nishchay ke shastron dvaara opposition ko samaapta kiya। to aap is varsha mein kya karenge? samaan banna hai na, to sada agar opposition hoti bhi hai to svamaan ki seat par baith jaao to opposition, position mein badal jaaye। hai himmat? brahma baap samaan banna hi hai, usmein to haath uthaaya, lekin itni himmat hai? pahle sva ke parivartan ka, phir hai anek sambandh-samparka vaali aatmaayen aur phir vishwa ki aatmaayen। in sabko apne mansa shubh bhaavna, shubh kaamna dvaara, dridh sankalp dvaara parivartan karna।

to is varsha mein baapdaada vishesh ek shakti ka vardaan bhi de rahe hain। mera baba dil se kahenge to shakti haajir, aise hi mera baba nahin, dil se kaha, adhikaar rakha, mera baba aur shakti aapke aage haajir ho jaayegi। woh kaun si shakti? parivartan ki shakti। parivartan ki shakti mein vishesh negative ko positive mein change karo। negative sankalp, negative chalan ko dekhte hue positive mein change karo। positive dekhna, bolna, karna, sirf shubh bhaavna aur shubh kaamna dvaara sahaj ho jaayega kyonki yeh opposition aayegi, lekin aapke parivartan ki shakti aapko sahaj saphalta dilaayegi। to samjha is varsha ka vishesh vardaan parivartan shakti ko dridh sankalp se kaarya mein lagaana। kar sakte ho na parivartan?challenge hai aapki, yaad hai na! vishwa parivartak ho na! jab title hi vishwa parivartak ka hai to kya sva ko parivartan karna mushkil hai kya! dil mein koi bhi mushkil baat aaye, vaise mushkil baat nahin hoti lekin aap bana dete ho। master sarvashaktivaan uske aage mushkil kya hai? lekin aap ek galti karte ho aur mushkil bana dete ho। jaise dekho achaanak yahaan andhakaar ho jaata hai to agar koi galti se andhakaar ko bhagaane lage to andhakaar bhaagega? sahi vidhi hai aap roshni ka switch on karo to andhakaar second mein bhaag jaayega। to aap bhi yeh galti karte ho jo baat ho gai na, uske kyoon, kya, kab kaise… is queue kyoon mein chale jaate ho। chhoti si baat badi kar dete ho aur badi baat to mushkil hoti hai। chhoti baat kar lo to sahaj ho jaaye। baap ne koi bhi shakti ko kaarya mein lagaane ki vidhi bahut sahaj bataai hai - apne master sarvashaktivaan hoon, is smriti ki seat par baith jaao, agar is seat par baithenge to upset nahin honge। bina seat ke upset hote hain, seat hai to upset nahin honge। 63 janma ke sanskaar emerge ho jaate hain। 63 janma kya raha? abhi abhi set, abhi abhi upset। to sada svamaan ki seat par set raho। aur is varsha mein kya karenge? naye varsha mein gift to sabko denge na। to kaun si gift denge? badhaai bhi denge aur saath mein gift kya denge? gift to aapke paas bahut hai। jitna dene chaaho utna de sakte ho। sthool gift to alpakaal ke liye chalegi lekin aap avinaashi baap samaan banne vaale avinaashi gift do। mansa dvaara shaktiyon ki gift do, vaacha dvaara gyaan ki gift do aur karmana dvaara gunon ki gift do। hai na sabke paas? hai to kaandh hilaao। khazaane bahut hain na, kam to nahin hain na। koi se bhi kaarya mein aao, kaarya mein to aana padega na। usko khoob is varsha mein saugaaten do। lekin avinaashi saugaat। sunaaya na koi ko bhi khaali jaane nahin do, chaahe mansa ki saugaat do, chaahe vaani ki, chaahe karma ki। iske liye aapko sada ek attention rakhna padega, har samay mansa mein shaktiyon ka stock emerge rakhna padega, kitni shaktiyaan hain? list to hai na! vaacha ke kaaran sada man mein manan shakti, gyaan ko manan karne ki shakti, smriti mein rakhni padegi। chalan mein, chehre mein, karma mein, gunon ka swaroop banna padega। sada apne ko gunmoorta, gyaan moorta, shakti swaroop emerge rakhna padega। aise nahin shaktiyaan to hain hi, gyaan to hai hi… lekin swaroop banna padega। har ek ko eeshvareey parivaar ki drishti vritti se dekhna padega। is varsha jab samaan banna hi hai, usmein haath utha liya hai, baapdaada ke vatan mein sabka haath dikhaai de dega। vahaan yeh chhoti T.vi. nahin hai, bahut badi hai। ek second mein sarva centres ki result ko dekh sakte hain। to baapdaada aapka jo umang hai, baap samaan banna hi hai, iske liye khush hai। khushanseeb ho, khush chehre vaale ho, kabhi rob ka chehra nahin banaana। sada khush, koi bhi aapko chaahe jitna bhi kaam mein busy ho, galti ko theek kar rahe ho, samjha rahe ho lekin rob ka chehra, bol nahin ho। is varsha mein yeh parivartan karke dikhaao। prize denge। saare varsha mein jo sada muskaraata rahega, koi bhi baat aaye, kai bhaai bahinen kehte hain, roohrihaan to karte hain na sabhi, to kehte hain agar rob se nahin kahenge na to samjhega nahin। badlega hi nahin। pahle hi aapne bhaavna rakh di ki yeh badlega hi nahin to usko aapka vibration pahle hi pahunch gaya। isliye is varsha mein krodh ya baal-bachcha isko vidaai deni hai। ho sakta hai? rob bhi nahin। baap poochhta hai jo bhi samay prati samay krodh karte hain, kaam banaane ke liye, sudhaarne ke liye, lekin woh sudharta hai? krodh karne se koi sudhra hai? woh list bataao। aur hi chidh jaata hai, sudharta nahin hai। opposition karta hai man mein। agar bada hai to man mein opposition karta hai, bol to sakta nahin aur chhota hai to rone lag jaata hai। to is varsha kya-kya karna hai, woh saara suna rahe hain। pasanda hai? karna hai? abhi haath uthaao। karna hai? yeh T.vi. vaale yeh photo nikaalo। haath uthaao, thoda khada rakho। T.vi. vaale nikaal rahe hain।

baapdaada har ek se jo bhi baaten sunaai hain, is varsha karni hai, har maas ki last taareekh, har ek apna potaamel, jo vardaan milta hai chhota sa, ismen O.ke. likho। agar jo bhi baaten sunaai, in sabhi baaton mein do baaten hui, do baaten nahin hui, agar nahin hui to O.ke. ke beech mein line lagaana। bas itna result likhna, bada kaagaj nahin likhna। agar bada kaagaj likhenge to padhne vaale ka aadha time to ismen jaayega। isliye O.ke. likhna chhoti si chitki hogi na to sahaj padh sakenge। to O.ke likhna aur line lagaana, sahaj hai na! vishesh yeh krodh ka bhoot jo hai woh is varsha bhagaana hai। rob bhi nahin, kai aankhon se bhi krodh karte hain, dekha hai? chehre se bhi krodh karte hain। to kya karenge? kuchh to talaak denge na। denge? madhuban vaale denge? madhuban vaale haath uthaao। achha itne baithe hain। achha yahaan baithe hain। to pahle madhuban vaalon ko baapdaada kehte hain ismen pahle main, pahle madhuban se vidaai denge aur madhuban ka prabhaav centre par bhi automatically jaayega। madhuban beej hai, tana hai। lekin aap sabki permanent address kaun si hai? madhuban hai na। to aap samajh rahe ho sirf madhuban nivaasi karenge। aap sabhi madhuban nivaasi ho। kyonki permanent address aapki madhuban hai, yeh to seva ke liye bhinna-bhinna sthaan par gaye hain। foreign mein jaane vaale apne janma ke gaanv ko bhoolte hain? baapdaada ne dekha hai foreign se jo jinhon ke India mein gaanv hain, sthaan hain, unhonne foreign mein rehte bhi apne janma bhoomi, chaahe gaanv hai, chaahe shahar hai lekin centre sthaapan kiya hai, baapdaada un bachchon ko bahut-bahut punya aatma ka title dete hain। kamaal ki hai aur phir poochhte bhi rehte hain koi takleeph to nahin, theek hai। yeh hai punya aatma ka kartavya। parivaar hai। ek parivaar hai। do parivaar nahin hain, ek parivaar hai। aaj aap london mein jaate ho, koi bhi kaaran se, to aap kya kahenge? hamaara centre hai ki kahenge london vaalon ka hai? hamaara hai na! hamaara bhaav ka arth yeh nahin ki vahaan jaake rah jaao। woh to baba ne har ek ko apni seva ka sthaan de diya hai। to suna kya karna hai? madhuban vaale aur sabhi ko apna certificate lena hai। achha। bahut kaam de diya hai na lekin baapdaada aapka saathi hai, jahaan bhi mushkil aave na bas dil se kehna, baba, mera baba, mera saathi aa jaao, madad karo। to baba bhi bandha hua hai। sirf dil se kehna। kyonki samay aur svayan donon ko dekhna hai। samay challenge kar raha hai aur aap maaya ko challenge karo kya karegi।

to samay ke pramaan baapdaada dekh rahe the ki samay ki raphtaar is samay teevra hai। to samay ko saamna kaun karega?aap hi to karenge। baapdaada ne dekha ki duhkhiyon ki pukaar, bhakton ki pukaar, samay ki pukaar itna sunte kam hain। bichaare himmatheen hain, unhon ko pankh lagaao to ud to saken। himmat ke pankh, umang-utsaah ke pankh lagaao। achha।

baapdaada ne sab taraph ke aaye hue card, email, mubaarken sveekaar bhi ki aur yahaan bhi dekhi। aapke dil ki mubaarken baapdaada ke liye heeron se bhi padamguna jyaada baapdaada ne sveekaar ki। door baithe hue bachche baap ke to dil ke saamne hain। baapdaada jab drishti dete hain to sirf is haal mein nahin dete, baapdaada ke saamne sabhi sthaan ke bachche, dil ke saamne haajir hote hain। to padamguna badhaaeeyaan bhi hain aur golden gift to baapdaada ne sabhi bachchon ko adhikaari bana hi diya hai। jis golden gift mein anek gift samaai hui hain। jo socho woh haajir। yahaan ke hisaab se to 12 baje new year shuru hoga aur hamaare liye to sada naynon mein, dil mein kya yaad rehta hai? golden world, abhi abhi aaya ki aaya। aise lagta hai na! aaj yahaan hain bas thode hi samay mein apni duniya mein jaayenge। achha, abhi bolo।

seva ka tarna dilli aur aagra ka hai:- bahut achha, sundar drishya dikhaai de raha hai। seva ka punya jama karne se man khushi mein naachta rehta hai na! achha। teachers bhi bahut hain। teachers haath hilaao। achha hai, sangathan achha hai। abhi dilli kya karegi? pahle bhi sunaaya ki yeh mela karna, programme karna, yeh abhi common ho gaya hai। reeti pramaan ho gaya hai, season khatma hoti hai aur vargo ka programme chaalu hota hai। lekin abhi baapdaada ne do baaton ka ishaara diya hai vi.aai.pi ki seva achhi ki hai, samay par sahayogi bhi ban jaate hain, achha sahayog bhi dete hain lekin abhi aise sahayogi se vaaris banaao। vaise dilli mein bhi jo bahut samay ki vaaris quality nikli hai lekin pahle, abhi mike bhi ho aur vaaris quality bhi ho, sahayogi nahin, sahayogi to banaayenge hi, ban rahe hain lekin vaaris quality। abhi chaaron or se mike bhi ho, madadgaar bhi ho, lekin vaaris quality ho। bhale gupta rahe lekin vaaris gupta rehte bhi pratyaksha hai hi। aisa koi group kahaan se bhi nikle, kisi varga ka bhi ho, desh ka ho, videsh ka ho, kahaan ke bhi ho lekin aisi quality ki chalo maala nahin, kangan to banaao। aur vaise bhi jo pahle jamaane mein phataaphat vaaris nikle hain, vaise abhi aur sab qualification hain lekin vaaris quality har shreemat, har direction par man se gupta roop se bhi chalne vaale। baapdaada ki yeh aasha hai ki aise koi nimitta banen jo bhinna-bhinna sthaan se bhi group banaaven। yeh naveenta koi bhi centre hai ya varga hai, karke dikhaave। sahayogi hain baapdaada jaante hain, samay par sahayog de dete hain lekin vaaris ho। chaahe gupta ho। dilli kya karegi? aisa kangan taiyaar karegi? baapdaada maala nahin kah rahe hain kangan banaake laaye। is varsha mein koi kamaal karke dikhaao na। chaahe foreign se nikle, chaahe bhaarat se nikle, ho sakta hai na! ho sakta hai! teachers bolo ho sakta hai? haath uthaao। dilli vaale। vaah! baapdaada mubaarak dete hain। himmat achhi rakhi, abhi himmat ki mubaarak dete hain aur jab practical karenge na to phir kaun si mubaarak denge? vaah! murbi bachche vaah! koi bhi kare, baambe kare, mahaaraashtra kare, aandhra kare, koi bhi kare, madhuban kare, theek hai na! achha hai, dilli mein brahma baap ki, brahma baap ke saath shiv baap to hai hi lekin vishesh brahma baap ki dilli, baambe, kalkatta, kalkatta vaale bhi kar sakte hain, shuru se baapdaada ummeeden rakhe hue hai। achha। abhi kamaal karke doosre varsha aao to taiyaari karke aana। theek hai? sabhi paandav haath uthaao। dekho kitne paandav hain। to dilli ke paandav kamaal karke aayenge na! karenge? baapdaada hamesha baar-baar dilli ka naam kehta hai aur sabhi ke liye itne jo bhi brahman hain, unke liye dilli mein darbaar banaayenge na। raajya karenge na। raajya sabha dilli mein hogi na। to dilli vaalon ko dilli ko bahut taiyaar karna padega। sabhi ko mahal denge na। mahal milega dilli mein। achha dekhenge kamaal। koi naveenta karo na। abhi sabhi dekh chuke hain baar-baar function hota hai, mela hota hai, achha।

jurist wing cultural wing aur media wing vaale aaye hain:- pahle jurist vaale utho। jurist ka kaam hai law and order ko majboot banaana। to aap sabhi is puraani duniya mein baith nai duniya ka jo law and order hai usko bana rahe ho। plan achhe banaaye hain। lekin abhi aisa chaaron or kyonki is department mein bhi bhinna-bhinna sthaan ke saathi hain sab taraph ke milke karte hain to aisa vaayumandal vaani dvaara bhaashnon dvaara vaayumandal banaao jo kai log aapke saathi banke pahle yeh sahayog den ki ashaanti ke samay mein ham shanti banaake rakhenge। shanti sthaapak ban aapke saathi banen। aisi sign karaao। jagah jagah par apni seva dvaara likhaao ki ham shant rahenge law and order mein chalenge aur doosron ko bhi chalaayenge। aisi list taiyaar karo aur woh government ko dikhaao to ham kya kar rahe hain? aur unhon ke group practical mein law and order mein chal rahe hain ya nahin uska beech beech mein check karo aisa sahayogi group chaahe youth ho chaahe bujurga ho chaahe bachche ho lekin samajhdaar bachche sankhya ikatthi karo aur inhon ka samay prati samay yaatra nikaalne ki baat nahin hai lekin kahaan na kahaan jahaan sthaan bada ho vahaan unhon ka sangathan karte raho aur aisa sangathan taiyaar karo jismen sab varga vaale hon। to government dekhe ki yeh kya kaarya kar rahe hain। government chaahti hai lekin kar nahin paati hai aap karke dikhaao। achha hai। sangathan achha hai aur karte bhi rehte ho lekin abhi thoda bulanda aavaaj karo। phir bhi jo nimitta bante hain unko baapdaada dil se mubaarak dete hain karte chalo badhte chalo badhaate chalo। abhi government ke kaanon mein thoda kaanon ko hilaao। jitne varga hain apne apne seva dvaara unhon ko pratyaksha proof dikhaao। apni uljhan mein busy rehte hain to unko thoda jagaao। baaki jo bhi kar rahe hain woh achha hai lekin abhi aur achhe te achha karo। baaki baapdaada ka vishesh yaadapyaar bhi group ko hai aur mubaarak bhi hai।

media wing:- media vaalon ne thoda-thoda abhi logon ke kaan khole hain। abhi sunna achha lagta hai koi-koi banna shuru bhi kiya hai lekin jitne sunte hain utne hi agar ban jaayen to kya ho jaayega? baapdaada saakaar mein bhi kehte the ki media kamaal kar sakti hai lekin abhi avyakt roop mein dekh rahe hain thoda deri se kiya hai lekin der mein bhi durasta hai। aavaaj phailaane ka saadhan ghar baithe yeh media hi kar sakti hai kyonki aajkal manushya aatmaayen samay hote bhi yahi bahaana dete hain achha hai lekin time nahin milta। to yeh bahaana bhi media vaale samaapta kar sakte hain। sirf achha laga nahin achha banaake dikhaao। shuru hua hai prabhaav achha hai mehnat bhi achhi ki hai lekin aavaaj thoda abhi aur bada karo। naye-naye plan banaao। aise bhi nikaalo jo aapko sahayog de aavaaj phailaane mein। aise bhi taiyaar karo aur saath mein bhinna-bhinna station se aavaaj phailaao। aise bhi saathi taiyaar karo। kar sakte hain। baaki phaila rahe hain mehnat ki hai mehnat ki mubaarak hai lekin aur badhaao। sab reeti se saathi banaao। koi karaane vaala koi karne ke nimitta banne vaala baaki achha hai। media ke kai prakaar seva ke hain to bhinna bhinna prakaar se aavaaj phailta rahe। sambandh-samparka mein laate raho। to media department ko bhi baapdaada jitna kiya hai achha kiya hai mubaarak de rahe hain। baapdaada to sunke khush ke dekh karke khush hote hain kyonki taras padta hai duhkhi aatmaon ka duhkh dekhkar taras padta hai। phir bhi bachche hain na sage hai ya lage hain lekin hain to bachche isliye aur plan badhaate chalo। achha।

cultural wing:- cultural aur culture donon milte hain। to cultural dvaara culture ban jaae yahi seva kar rahe hain। baapdaada har ek varga ka umang utsaah dekhte bhi hain har ek apne apne vidhi se seva ko badha to rahe hain lekin abhi nimitta cultural hai lekin banaana kya hai? culture। jab manushya aatmaon ka culture badal jaayega to abhi to aap cultural dikhaate ho lekin culture badalne se woh bhi apne kaarya mein rehte khushi ki dance shuru kar denge। jaise aap dance karke dikhaate ho na to kahaan bhi rahe kuchh bhi karen lekin man mein khushi ka dance karen। ghar-ghar mein dance ho। lakshya to achha hai aur lakshya ko leke seva ko badhaate bhi chalte ho lekin baba chaahta hai abhi dekhna chaahta hai kaun kangan taiyaar karke laata hai। kaun sa varga ismen chaahe number one hove chaahe number one mein sahayogi ho। abhi kuchh naveenta chaahta hai kyonki beej daala hai। sabhi vargo ne beej to achha daala hai lekin ab phal dikhaai de। kam se kam 9 laakh se aur badhna chaahiye na। to achha hai sabhi bachche bhinna-bhinna varga ke kaaran jimmevaar to bane hain। attention bhi gaya hai abhi vriddhi thoda jaldi karo kayonki samay ki pukaar bahut hai duhkh ashaanti bahut badh rahi hai bhay badh raha hai। aur aap khushi ki dance karo bhaybheet se bachaao। achha hai। har ek seva ke kshetra mein busy bhi rehta hai yeh bhi achha hai। iseelie badhte chalo apne saathiyon ko jo kalpa kalpa vaale hain unhon ko dhoondhake nikaalo। achha। bahut achha hai aur achha rahega aur badhta rahega।

international youth aur children retreat chal rahi hai:- bachchon ko aage karo। baapdaada ne bachchon ka bhi samaachaar suna, achha hai agar bachche sva parivartan dvaara vishwa parivartan ke liye taiyaar ho rahe hain to baapdaada ko khushi hai ki bachche subhaan alla bachche hain। lekin jo vaayda kiya hai na, baapdaada ne dekha hai jo likha hai, jo kamal ka phool banaaya hai woh aage dikhaao। government bhi youth group ko parivartan karte hue dekhna chaahti hai kyonki youth mein ek visheshta hoti hai, youth group jo chaahe, agar man se sankalp kare, to kar sakti hai। chaahe ulte mein lag jaaye, chaahe sulte mein lekin aap youth group kamaal karne vaale ho। dhamaal nahin, kamaal। to government bhi youth group pasanda karti hai aur baap ke aage apne vaayde bhi is kamal pushpa ke andar achhe likhe hain abhi in vaaydon ko, parivartan ko sada amritvele baapdaada se roohrihaan karte, baapdaada ko result sunaate rehna aur jis bhi sevaasthaan par ho vahaan apne teacher ko vaayda aur phaayda, jo vaayda kiya, uska phaayda kitna hai woh result dete rehna। teachers baapdaada ke paas aapehi pahunchaati rahengi। baaki baapdaada ne suna to training ki rooprekha bahut achhi banaai hai aur sabne roochi se kiya, iske liye youth group ko baapdaada padam padamguna mubaarak de rahe hain। pakke rehna, kachcha nahin banna। kachcha hota hai to usko chidiya kha jaati hai, pakke ko nahin khaati hai। to sada udte rehna, pharishte banke। is deh roopi dharni par paanv nahin rakhna, udte rehna। achha hai, kumaariyaan bhi himmat vaali hain। bhatthi karne vaale nahin, bhatthi mein jo suna woh karke dikhaane vaale। aise ho na। haath uthaao jo karke dikhaayega। karke dikhaane vaale, achha। bahut achha। jaise foreign kehte hain na vaise phauran karne vaale। baapdaada khush hai। bachchon ke oopar bhi khush hai। bachchon ne bhi apne umang utsaah se samay bhi diya hai aur promise bhi kiya hai। achha। mubaarak ho, mubaarak ho, mubaarak ho।

double videshi:- double teevra purooshaarthi। abhi double foreigner nahin double teevra purooshaarthi। double foreigners ki visheshta hai woh haath mein haath deke jyaada chalte hain। to aap sabhi ne baapdaada ko pakka haath mein haath dena arthaat saathi banaana friend banaana lovely friend to friend banaaya hai? friend ka naata jaldi yaad aata hai koi bhi mushkil aati hai na to baap ko nahin bataayenge friend ko bataayenge to aapne khuda ko dosta banaaya hai। hai na khuda dosta hai! achha hai baapdaada ko foreigners ko dekh khushi hoti hai kyonki kaaran kya hai? baap ka ek naam foreign vaalon ne siddha kiya vishwa pita vishwa kalyaankaari। pahle bhaarat kalyaankaari the lekin videsh ne baap ka vishwa kalyaankaari naam pratyaksha kiya hai। pahle vishwa ki seva sirf mansa dvaara karte the abhi nimitta bane hain vishwa ki sab tarah se seva karne ke। aur dekho kone-kone mein bichhude hue bachche kitne vaah vaah! bachche nikal aaye। aur aapko nasha hoga to ham har kalpa ke saathi hain। the bhi hain bhi aur honge bhi। hai na! nasha hai na! dekho baap ki nazar aapko kone kone mein hote bhi pahchaan liya baap ne bhi pahchaana aapne bhi pahchaana। log bichaare aayega aayega aayega karte aur aap kya kehte? aa gaye। geet gaate ho na mera baba aa gaya। to bahut achha sabko baap dil ka dulaar yaadapyaar aur dil ki duaayen vishesh de rahe hain। achha sindhi group bhi aa gaya hai। baapdaada vishesh aap donon ko mubaarak de rahe hain ki nimitta ban abhi fast chalne ka sankalp achha kiya hai to vishesh mubaarak mubaarak ho। abhi fast hi rehna dheela nahin banna ek do ko madad karke udna। haan taali bajaao। is ek varsha mein kitne baar aaye ho aaye ho na achha laga। abhi auron ko bhi nimitta banaao kyonki baapdaada sindha mein aaya hai to sindha vaalon ko to aage hona chaahiye।

achha - aaj to 12 bajaana hai na। aap sabhi bhi 12 ka intajaar kar rahe ho। achha hai। baap ke saath bachchon ka milna va manaana kitna achha hai। achha।

jo pahli baari aaye hain woh uthkar khade ho jaao। to pahli baari aane vaalon ko apna janma din manaane ki mubaarak ho। abhi jaise pahle baari aaye ho aise hi number bhi pahla lena hai। baapdaada ka vaayda hai ki bhale abhi last mein aaye hain lekin abhi let ka board laga hai toolate ka nahin laga hai। to koi bhi last is fast aur fast is first le sakte ho। yeh nahin samjho to ham to bahut deri se aaye hain lekin agar abhi bhi double teevra purooshaartha lakshya aur lakshan donon samaan banaayenge lakshya ooncha aur lakshan kam to first nahin ho sakte। lekin agar lakshya aur lakshan samaan banaate chalenge to aap example ban sakte ho last aur first ka। iseelie purooshaartha ka lakshya rakho। phir agar toolate ka board lag gaya to first number nahin aa sakenge। baapdaada khush hai phir bhi himmat rakhkar umang utsaah se sammukh pahunch gaye। aur abhi bhi sada kahaan bhi raho lekin maryaadaapoorvak chalte chalo aur baap ke dil ke sameep raho to bahut thode samay mein bhi anubhav kar sakte ho। abhi golden chance hai koi bhi kar sakta hai। chaahe bhaarat mein hain chaahe videsh mein hain। to samjha double triple purooshaartha karna padega। sada baap ke saath combined rehna padega। koi bhi mushkil aaye bojh aave to baap ko dene aata hai to bephikar baadshaah ban udte rahenge। dil mein bojh nahin rakho। kai bachche kehte hain ek maas ho gaya hai 15 din ho gaye hain chalta hi rehta hai aur us 15 din mein agar aapka kaal aa jaae to? usi samay bojh baap ko de do dena aata hai? dena zaroor seekho। lena to aata hai dena bhi seekho। to kya karenge? dena seekha hai? baapdaada aaya hi kislie hai? bachchon ka bojh lene ke liye। kaun hai jo itni himmat rakhta hai woh haath uthaao। shareer ka haath utha rahe ho ya man ka haath utha rahe ho? man ka haath uthaana। achha। baapdaada aise bachchon ko padam padamguna mubaarak de rahe hain। achha।

is varsha ka homework baapdaada ne de diya hai। varsha ko is vidhi se manaana। aur baapdaada ne jo is taareekh ke liye homework diya tha woh bhi baapdaada ne dekha aur suna। sirf jo sankalp kiya hai usmein dridh rehna। albelaapan nahin laana। baapdaada ne sunaaya tha albelepan ke shabd kaun se hain? ek ge ge aur doosra to to… karna to hai yeh donon shabd albelepan ke hain। to jo bhi sankalp kiya hai usmein abhi to apni sign ki hai lekin usmein dridh sankalp ki government ki stamp lagaana jo koi nahin mita sakta। dridhta apne janma ka sabse bada gift samajhna। achha।

sada dridhta saphalta ki chaabi ko sambhaalke rakhna kyonki yeh chaabi maaya ko bhi bahut pyaari hai। iseelie dil ki dibbi mein is chaabi ko sambhaalke rakhna। dridhta hi saphalta ki chaabi hai aur saphalta baap ke samaan banne ka sahaj saadhan hai। sada nishchay aur nishchit bhaavi hai svaraajya adhikaari aur vishwa raajya adhikaari yeh donon nishchit hai। aise nashe mein phakhur mein sada udte raho। is varsha ki jaise aaj vidaai aur badhaai manaayenge na aise roz apne andar ki kamjoriyon ko vidaai do aur baapdaada se vishesh badhaaeeyaan lo। yeh sangamayug vidaai aur badhaai ka hai। to sangamayug ka har din badhaaeeyon ke paatra bante jaao। baapdaada ko har bachcha dil ka dulaara hai। chaahe nambarvaar hai number one nahin hai lekin nambarvaar hai to bhi baapdaada ka har kalpa ka sikeeldha bachcha hai iseelie apne sikeeldhe banne ke bhaagya ko sada yaad rakho। chhoti si baat hai sirf koi bhi mushkil aave dil se order karo mera baba baap avashya bandha hua hai lekin dil mein aur baaten nahin rakhna mera baba bhi kaho aur dil mein kamzori bhi ho to baap sahayog nahin dega। dil saaph muraad haansil। kichde vaali dil mein baap nahin aata। aur sneh se yaad karo। sirf gyaan ke aadhaar se yaad nahin karo sunaaya tha gyaan hai beej aur sneh hai paani। sirf gyaan se jaana lekin dil ke pyaar ka anubhav nahin kiya pyaar se baap ko yaad nahin kiya to practical phal nahin nikalta arthaat anubhav nahin hota। anubhvi swaroop hai phal lekin paani nahin dete to sookha ganna ho jaata। bhale course karaao bhaashan karke aao aur inaam bhi leke aao din mein chaar chaar bhaashan karo lekin dil ka sneh nahin kyonki baap se dil ke sneh ki nishaani hai har brahman parivaar se bhi sneh। sneh nahin to maaya ke vighna jyaada aate hain kyonki paani daala hi nahin to phal kaise milega। kai bachche kehte hain gyaan to samajh gaye hain baba se sarva sambandh bhi hain lekin anubhav nahin hota। anubhav hai phal sookha gyaani nahin bano snehi baap ka snehi parivaar ka snehi svatah hi ban jaata hai kyonki baap samaan hai na। to baap ka last bachche se bhi dil ka pyaar hai। har ek ko sneh ki vritti se dekhte। to sirf gyaani nahin bano bhaashan vaale nahin bhaasna swaroop bano। apne aapse poochho baap se dil ka sneh hai? ki jis samay aavashyakta hai us samay ka sneh hai! woh ho gaye gyaani bhakta। to is varsha kya karenge? sneh ka vaayumandal ek ek ko dekhke chaahe kamzor hai lekin purooshaarthi to hai na! parivaar ka to hai na। gire hue ko giraao nahin umang-utsaah badhaao। sneh ka vaayumandal banaao। achha।

yaadapyaar to baapdaada ne chaaron or ke bachchon ko de hi diya hai। chaaron or ke bachche ab baapdaada ke homework ko practical mein karke saboot dene vaale sapoot bachche ka apna prabhaav dikhaayenge। to chaaron or ke bachchon ko bahut-bahut dil ka dulaar aur dil ki padamguna yaadapyaar sveekaar ho। aur aise laayak bachche shreshtha bachchon ko baapdaada ka namaste।

daadiyon se:- bahut pyaar bhi hai aur ummeeden bhi hain jo chaahe woh kar sakte ho। jaise aap sabki daadi nimitta bani na। koi kahe na kahe lekin nimitta paalna ke bani to automatic yaad aati hai। baapdaada ki to baat chhodo lekin daadi to aap jaise hi thi। lekin karke dikhaaya। sabse bada paper daadi ne brahma baap ke avyakt hone ke time diya। aise vaayumandal achaanak aur itni himmat rakhna aur sabhi ko madadgaar banaana yeh to kamaal ki na। bhale saath to sabne diya lekin nimitta to bani। daadi ki visheshta kya rahi? dil saaph muraad haansil। kisi ki bhi baat dil mein nahin rakhi। aur albelaapan dekhte bhi usko umang dilaaya। albela hai chhod do nahin। himmat dilaai। to sabhi ke dil se nikalta hai meri daadi। dil se kehte hain na sabhi meri daadi। isliye aap log bhi group banaao jo lakshya rakhe chalo baap samaan to banna hi hai lekin kam se kam daadi ke samaan bhaasna de। aisa group chaahiye। ek nahin। ek do ke saathi ban aisa pratyaksha swaroop dikhaana। phir baapdaada us group ko vishesh gift denge। kya denge woh nahin bataayenge। lekin denge। lena hi hai। aisi roohrihaan karo। meeting karte hain woh bhi zaroori hai lekin aise umang utsaah ki roohrihaan bhi karo tabhi theek hai। group banaana hi hai। jaise dekho yeh 6-7 apna time nikaalke antarmukhi rahi na (bahnon ne bhatthi ki thi) nikal gaya na time practical karke dikhaaya na। to kya nahin ho sakta। aur uska prabhaav bhi hai practical mein saboot bhi hai। to yeh zaroori hai। aap to (daadi jaanki se) roohrihaan karne mein hoshiyaar hain। ek do ke sahayogi to hain hi। matlab kuchh naveenta karke dikhaao jaise chal raha hai vaise chal raha hai nahin। isse samay sameep aayega। abhi dekho bhay mein bhi chilla rahe hain lamba kar rahe hain jo karna hai kar leve nahin koi na koi kaaran banke thanda ho jaata hai। isliye yeh karna hai yeh saal shuru hoga to plan banaana।

daadi jaanki ne baapdaada ko uncle aunty ki yaad di:- jaise baapdaada ne aaj kaha na vi.aai.pi ho mike bhi ho aur vaaris bhi ho aisa practical nimitta bana aur parivaar ka bhi kalyaan kiya aur ratna bhi aise nikaale।

bade bhaaeeyon se:- ek akela brahma baap ne kamaal karke dikhaai na। to aap to kitne ho। ho jaayega hua pada hai sirf nimitta bana rahe hain। nimitta banne vaale ko hi praapti hoti hai vishesh। saadhaaran to sabko hoti hai lekin jo nimitta banta hai usko vishesh praapti hoti hai। to inhon ko (daadiyon ko) kaha hai aapas mein roohrihaan karo। meeting bhale karo lekin roohrihaan bhi karo। time nikaalna padega woh to chalta hi rahega। apne time ko set karna padega। achha

2008 ki vidaai 2009 ki badhaai - raatri 12 baje ke baad baapdaada ne sabhi bachchon ko naye varsha ki badhaaeeyaan di:-

sabhi ne naya varsha manaaya aur is saal ka har din sva-parivartan aur vishwa parivartan ke roop se manaate rehna। har din naya parivartan। har din nai seva har din sada umang aur utsaah ek din bhi chinta chintan ka nahin hamesha umang utsaah se din aur raat bitaana is naye varsha mein har din kuchh na kuchh naya sva ke prati ya vishwa ke prati seva ke prati karna hi hai aisa dridh sankalp kar samay ko sameep laate hue sampoorn baap samaan ban udna hai aur udaana hai। good night। achha।