Avyakt murli for Sunday 25 October 2009

25-10-09 om shanti avyakt baapdaada madhuban

‘‘sarva khazaanon se sampanna apne chehre va chalan se alaukikta ka saakshaatkaar karaao’’

aaj sarva khazaanon ke daata apne khazaanon ke maalik bachchon ko dekh rahe hain। har ek bachcha sarva khazaanon se sampanna hai kyonki baap ne sarva bachchon ko ek jaisa ek hi samay mein sarva khazaane diye hain। to baapdaada apne baalak so maalik bachchon se milne aaye hain। bachchon ne bulaaya to baap bachchon ke sneh mein pahunch gaye hain। khazaane to bahut hain, sabse pahla khazaana hai gyaan dhan, jis gyaan dhan se maalaamaal ho gaye, mahaadaani ban auron ko bhi baantate rehte ho। jis gyaan ke khazaane se jo bhi bhinna-bhinna bandhan mein aatma phans gai un sab bandhanon se mukta ho gaye। bandhanayukta se bandhanmukta ho gaye। saath mein yog arthaat yaad ka khazaana, jisse shaktiyon ki anek shaktiyaan praapta ki hai, aise hi dhaarna dvaara sarva gunon ki anubhooti arthaat khazaana mila। saath mein dhaarna ki shakti se sarva ke sneh ki shakti, sarva ke pyaare aur nyaarepan ki shakti ka khazaana praapta kiya। sarva ke sneh ka khazaana anubhav kiya। saath mein sarva brahman sambandh se apaar khushi ka khazaana anubhav kiya। lekin sarva khazaanon ke saath jo vishesh khazaana hai woh hai sangam ke samay ka khazaana। jis aatma ko samay ke khazaane ka mahatva hai woh sada anek praaptiyon ke maalik ban jaate hain kyonki sangamayug ka samay hai bahut chhota lekin samay se praaptiyaan jyaada hai। sabse jyaada sangamayug ki shreshtha se shreshtha praapti hai svayan bhagwan baap roop mein, shikshak roop mein, satguru ke roop mein praapta hota hai। sangamayug mein chhote se janma mein 21 janma ki praapti, jismen tan, man, dhan, jan sarva praapti hain aur guarantee hai 21 janma full, aadha nahin, pauna nahin lekin full 21 janma ki guarantee hai। to sabse jyaada jo mahatva hai woh hai sangamayug ka ek-ek second anek varshon ke samaan hai। to bolo, sarva khazaanon se sampanna to hain? sampanna hai na? isliye baapdaada sada samay ki smriti dila rahe hain। kai bachche samajhte hain ki ek do minute agar aur kuchh soch liya, to 2 minute hi to hain। lekin jitna samay ka mahatva hai us anusaar to 2 minute nahin, 2 maas bhi nahin, do varsha ke samaan hain। itna mahatva hai sangam ke samay ka। sarva shaktiyon ki, sarva gunon ki, parmaatma pyaar ki, brahman parivaar ke pyaar ki aur kalpa pahle vaale eeshvareey hak ki। sarva praapti is chhote se yug mein hain aur koi bhi yug mein yeh sarva praapti nahin। raajya bhaagya hoga, aap sabka raajya hoga, sukh shanti sab hoga lekin parmaatma milan ka, ateendriy sukh ka, sarva brahman parivaar ka, aadi madhya ant ki knowledge ka woh ab sangam par hi mila hai, har kalpa milta rahega।

to baapdaada har bachche ke chehre se dekhte hain ki khazaane jama kitne hain। khazaane to mile lekin har ek ne kitna jama ka khaata badhaaya hai, woh har ek ke chehre se, chalan se dikhaai deta hai aur aap sab bhi apne aapko jaante ho ki mainne kitna jama kiya hai? abhi baapdaada ki yahi dil ki aash hai ki khazaane mile to hain lekin ab samay sirf varnan karne ka nahin hai lekin aapka chehra aur chalan pratyaksha anubhav karaaye ki yeh aatmaayen koi vishesh hain, nyaare hain aur parmaatma pyaare hain kyonki aage chalkar samay parivartan hone se aapki seva sirf varnan karne se nahin, samay naajuk hone se itna samay koi nikaal nahin sakega lekin aapke khazaane sampanna chehre se, chalan se aapki alaukikta ka door se hi saakshaatkaar hoga। to aisa purooshaartha abhi apna pratyaksha karo। jaise brahma baap ko dekha, chaahe sangathan ke beech mein bhi raha to bhi door se woh personality chamak anubhav hui। aise abhi vishesh double videshi, baapdaada double purooshaarthi kehte hain to baapdaada nimitta aaj double videshi bachchon ko dekh khush hai। purooshaartha vriddhi ka achha kar rahe hain, paalna bhi sabhi ko bahut achhi mil rahi hai, nimitta bani hui aatmaon se, aur baapdaada ko ek baat sabhi ki bahut achhi lagti hai ki sarva aatmaayen har varsha apna sangathan ka milan madhuban mein vishesh karte hain kyonki madhuban ka vaayumandal refreshment mein bahut sahayog deta hai aur ek hi jimmevaari, sva-parivartan, mansa seva ek do ke anubhvon ka achha chance milta hai। to baapdaada is baat par mubaarak dete hain।

abhi kuchh kamaal apne-apne sthaan par jaakar karna, kuchh nyaaraapan jo baap ko pyaara hai woh practical mein anubhav karaana jisse madhuban ki refreshment ka sahayog vahaan bhi anubhav karte rahenge। to aaj vishesh double purooshaarthi group ka milan hai aur dekho aap sabhi se India vaale bachchon ka itna pyaar hai jo pahla chance aapko hi dete hain। to pahle chance ka result pahla number lena hai। achha lagta hai, baapdaada ne pahle bhi sunaaya hai ki double videshi ya double purooshaarthi bachchon ne baap ka ek vishesh title pratyaksha kiya hai। jo videsh mein majority taraph ke baap ke bachchon ko nikaal unki bhi takdeer ki tasveer bana di hai, iseelie lagan se jo chaaron or mehnat kar rahe hain, usse baap ka vishwa kalyaankaari kartavya prasiddha kiya hai। iseelie baapdaada har bachche ko vaah! bachcha vaah! ki mubaarak dete hain। abhi bhi jaise bhaarat mein kone-kone mein sandesh dene ki seva chalti rehti hai aise vahaan bhi umang-utsaah hai ki rahe hue desh mein sandesh de den kyonki samay par koi bharosa nahin। baapdaada ne pahle se hi kaha hai ki achaanak kya bhi ho sakta hai isliye sandesh dene ka va apne progress ka abhi-abhi, kabhi-kabhi nahin, baapdaada ne kaha hi hai ki vaastav mein braahmanon ki dictionary mein kabhi-kabhi shabd shobhta nahin hai, abhi-abhi, sankalp kiya karna hi hai। dekhenge, karenge, yeh ge-ge ka shabd hi nahin hai। isliye aapki mama ne bhi yahi lakshya rakha, yaad dilaane ka ki ab nahin to kab nahin।

to double purooshaarthi bachche abhi-abhi karne vaale hain ya kabhi-kabhi? jo samajhte hain ki abhi-abhi karke dikhaane vaale hain, woh haath uthaao। karna hi hai। karna hi hai। karenge nahin, karna hi hai। yaad rakhna, apne aaphi apna chart rakhna aur baapdaada ne pahle hi sunaaya hai ki har raatri ko baapdaada ko apne saare din ka chart sunaane ke baad apna dimaag khaali karke sone se aapko neend bhi achhi aayegi aur saath mein roz ka haalchaal dene se doosre din yaad rehta hai ki baba ko hamne apna kaha hai, to woh smriti sahayog deti hai। dharmaraajpuri ke liye jaana nahin padega। de diya na aur parivartan kar liya to dharmaraajpuri se bach jaayenge। abhi doosre varsha, dekha to kisne nahin hai lekin abhi lakshya rakho, varsha ko chhodo, kam se kam jitne thode samay mein apne ko jo baap ki aash hai ki chehra dikhaai de, chalan dikhaai de, woh jaldi se jaldi practical mein karke dikhaao। himmat hai, to haath uthaao। himmat hai? himmat hai? achha mubaarak ho। baapdaada to har bachche mein nishchay aur himmat ka umang-utsaah abhi-abhi dekh raha hai। lekin jaate-jaate plen mein thoda kam nahin karna। badhaate rehna। dridh sankalp ki chaabi jo baapdaada ne di hai usko sada hi kaayam rakhna। karna hi hai, abhi-abhi, ge ge nahin। woh samay abhi gaya। ho jaayega, hona hi hai। ho jaayega nahin, hona hi hai। double purooshaarthi ka title baapdaada ne jo diya hai, usko sada yaad rakhna।

baaki baapdaada ne result suni, baapdaada ne jo seva ka plan diya, usmein bhaarat ne bhi kam nahin kiya aur videsh ne bhi kam nahin kiya hai। is vardaan ko majority sthaanon mein umang-utsaah se kiya hai aur result bhi alag-alag sthaan ki aa rahi hai। to baapdaada chaahe bhaarat ke bachchon ko, chaahe videsh ke bachchon ko padam-padam guna practical laane mein mubaarak de rahe hain।

abhi is varsha mein vishesh kaun si baat practical mein karni hai, woh suna diya ki abhi chehre mein chamak dikhaai de, jo bhi dekhe, pratyakshata ke nimitta banna hai, baap ko pratyaksha karna hai to kya karna hai? sada muskaraata hua chehra, koi chintan mein, koi uljhan mein nahin, baapdaada ne sunaaya tha ki abhi do shabd yaad karo maaya ko ishaara karo get out aur apne ko guest house mein anubhav karo। yeh duniya aapki nahin hai, guest house hai, ab to ghar jaana hi hai। ghar ke najaare man mein buddhi mein dikhaai den। to automatically ghar aaya ki aaya, aapka ek geet hai, ab ghar chalna hai। to yeh lahar har ek chaahe bhaarat, chaahe videsh, ab yeh anubhav pratyaksha karke dikhaao। behad ka vairaagya, guest house mein dil nahin lagti। jaana hai, jaana hai, yaad rehta hai। to behad ka vairaagya yeh koi bhi prakaar ka, man ke sankalpon ka aapas mein sangathan ke maaya ke vighnon ka ekdam samaapta kar dega। yeh maaya ke toofaan aapke liye tohpha ban jaayenge। yeh jo chhote-mote paper aate hain yeh paper nahin lagenge lekin ek anubhav badhaane ki lift lagenge। gift aur lift। samjha।

abhi lakshya rakho behad ke vairaagi aur himmat umang-utsaah ke pankhon se udte raho aur udaate raho। abhi udne ka samay hai, pankh apne sada check karo kamzor to nahin ho rahe hain! to baapdaada double videshiyon ka vistaar dekh khush hai, abhi kya dekhne chaahte hain? har bachcha baap samaan sampanna aur sampoorn, sarva khazaanon se sampanna aur har shreemat jo milti rahi hai, usmein sampoorn। pasanda hai? pasanda hai to taali bajaao। achha। yeh taali har din yaad karna, apne aap hi man mein bajaana, baahar se nahin man mein bajaana। yeh hom work hai। achha।

90 deshon se 2300 bhaai bahinen aaye hue hain:- (paanchon khandon ke bhaai bahinon ko alag-alag group mein khada kiya)

1- America, Canada aur caribbean ke bhaai bahinen, 2- Australia, eshiya, NewZealand Fiji, 3- Europe, yu.ke., MiddleEast 4- aphreeka, south aphreeka, Mauritius, 5- Russia, si.aai.S., Baltic region

sabhi taraph aage badhne ka sankalp aur aapas mein roohrihaan bhi ki hai, baapdaada ke paas samaachaar aata rehta hai। abhi ever ready group banaao। jo desh jitne bhi aaye hain, un deshon mein baapdaada prize denge, kya prize denge woh to dekhenge us samay। lekin baapdaada double purooshaarthi bachchon ke har area ke group ko yahi kehte hain ki koi bhi group jo number one, ek desh ke ek-ek shahar mein jitne bhi centre hain, maanon America hai, America ke connection mein jo bhi desh hain, woh sabhi desh aapas mein raay kar programme banaayen ki yahaan sabhi nirvighna rahenge, ever ready rahenge, maayaajeet rahenge, snehi aur seva mein sahayogi rahenge। jo number one ho usko baapdaada prize dega। chalo ek nahin to teen vo denge। ek do teen। teen number। vaise to ek ko diya jaata hai lekin double purooshaarthi hain na to teen ko chance denge। pasanda hai? haan haath hilaao। pasanda hai? kitna time chaahiye? yeh teacher sunaaven, kitna time chaahiye prize lene mein? bataao। (February tak) sabhi deshon ki teachers haath uthaao। theek hai? taiyaar honge na! phir baapdaada prize denge। bahut achha। iski taali to bajaao। achha।

bhaarat ka bhi tarna aayega। abhi to aap logon ka tarna hai। baapdaada bhi khush hote hain vaah teevra! purooshaarthi bachche vaah!achha, abhi kya karna hai? achha।

chaaron or ke teevra purooshaarthi himmat aur umang utsaah se udne vaale, chalne vaale nahin, udne vaale, chaaron or ke baap samaan sampanna aur sampoorn banne vaale baapdaada ke diltakhtansheen, sada baap ke combined roop ka anubhav aur sahayog lene vaale har ek baap ke sikeeldhe, snehi bachchon ko baapdaada ka yaadapyaar aur namaste।

daadiyon se:- baap ke saath aap sabka bhi sahayog raha hai na। bachche aur baap donon ke sahayog se yagya chala hai, chalta rahega। nimitta to aap bhi ho na। saakaar mein ek ne kaha doosre ne kiya। ek do ke sahayogi ban ud rahe ho। baba udte hue dekh khush hote hain। (daadi jaanki ne kaha kamaal hai guljaar daadi ki) woh to saath mein hai hi। baapdaada ki yahi shubh ichchha hai ki aap sabhi jo nimitta hain woh sada ek dikhaai paden। bhinna-bhinna nahin, ek dikhaai den। ek ne kaha doosre ne raay di aur ek ho gaye। tabhi to yagya chal raha hai। aap sabki ekta se hi chal raha hai, chaahe baahar se dikhaai nahin de lekin sankalp mein, vichaaron mein ek rah karke aur aage badhaana hai kyonki abhi aap sabke oopar najar hai। achha।

pardaadi se:- bahut achha part baja rahi ho, shakla se beemaar nahin lagti ho। baapdaada bachchi ko dekh khush hote hain। tabhi to shakla aisi chamakti hai। shakla se beemaar nahin lagti।

ramesh bhaai se:- oosha ki tabiyat theek hai, usko yaad dena।

brijmohan bhaai se:- India mein kiya uska bhi prabhaav achha pada। sabhi ko sandesh mila, interest badha, achha kiya। milkarke ek do mein raay lekarke achha kiya। abhi bhi kai kar rahe hain, achha hai sandesh to mil jaae, T.vi. dvaara bhi achha kiya। mehnat achhi ki।

double videshi mukhya bahinon se:- yahaan sabko ikththa hona achha lagta hai na! free mind। vahaan to seva ka, student ka khyaal rehta hai। yahaan ek hi kaam hai, aapas mein milkar karte ho yeh baapdaada ko bahut achha lagta hai। ek saath ban jaata hai na to ek hi jaisa chalta hai। baapdaada ko bahut pasanda hai।(jayanti behen se) theek hai। tabiyat theek ho gai। sabhi ki tabiyat theek hai। (mohini behen se) iska bhi hisaab poora hua। woh to sabhi ko hota hai। abhi har ek ko apni tabiyat ki nabja ka pata pad gaya hai, kyon hota hai, kya karna hai। knowledgeful ho gaye hain iseelie shareer puraana hai, aatma himmat vaali hai। seva ke liye ever ready। abhi to samay anusaar aap logon ko alert hona padega। (bahut nimantran milte rehte hain) abhi interest lena shuru ho gaya hai। abhi phir peechhe doosre tarna mein sunaayenge, ki abhi aur seva ka kya roop hona chaahiye।

uncle-aunty ne aapko bahut-bahut yaad diya hai:- unko kehna aapko laakh baar, padam padam yaadapyaar। (baba aap hamaari duniya mein dekhne to aaoge) oopar baithkar bhi dekhenge।

nijaar bhaai se:-(haidraabaad mein sarva India ka programme 7-8 November ko hai) yeh bhi ek naye prakaar ki trial ho jaayegi। achha hai, programme achha hai। pahle ek sample ho jaayega। (saari India mein 32 city mein karne ka plan banaaya hai) hote rahenge, abhi to pahla achha ho jaayega।

shaantaamni daadi se:- shesh shaiya par soi hui ho। jaise vishnu ko dikhaate hain na shesh shaiya par aaraam se leta hua, aise aap bhi leti hui ho। bahut andar kamaai ho rahi hai। apni sookshm mansa seva karti raho।

kaartikeyan bhaai tatha anya mehmaanon se:- drama ki point to pakki hai na! jo kuchh hota hai, achha hota hai, apne liye us aatma ka kalyaan aur result bahut achhi hai। achhe mein achhi hai, aap phikar nahin karo, bephikar। baap dekh raha hai, sab achha hai। dekho, seva ka pratyaksha roop to dikhaaya hai। bahut achha kiya, himmat dikhaai na। himmat ka phal bahut achha hota hai। baapdaada ke register mein himmatvaan mein aapka naam registered hai।