Avyakt murli for Tuesday 30 November 2010

30-11-10 om shanti avyakt baapdaada madhuban

“har ghante man ki exercise kar use shaktishaali banaao jab baba hi sansaar hai to sanskaar bhi baap jaise banaao”

aaj baapdaada sabhi bachchon ko ek deshi jo original sabka desh hai jaante ho na ek desh kitna pyaara hai! baapdaada bhi usi desh se sarva bachchon se milne aaye hain। bachchon ko baap se milne ki khushi hai aur baap ko bachchon se milne ki khushi hai। aaj baapdaada sabhi bachchon ke svaroopon ko vishesh 5roopon ko dekh rahe hain isliye5 mukhi brahma ka bhi gaayan hai। to apne 5 roopon ko jaante ho na! pahla sabhi ka jyoti bindu roop aa gaya aapke saamne! kitna chamakta hua pyaara roop hai। doosra devta roop woh roop bhi kitna pyaara aur nyaara hai। teesra roop madhya mein poojyaneey roop chautha roop brahman roop sangamvaasi woh bhi kitna mahaan hai aur paanchava roop pharishta roop। yeh 5 hi roop kitne pyaare hain। baapdaada aaj bachchon ko man ki exercise sikhaate hain kyonki man bachchon ko kabhi-kabhi apne taraph kheench leta hai। to aaj baapdaada man ko ekras banaane ki exercise sikha raha hai। saare din mein in 5 roopon ki exercise karo aur anubhav karo jo roop socho uska man mein anubhav karo। jaise jyotibindu kahne se hi woh chamakta roop saamne aa gaya! aise 5 hi roop saamne laao aur us roop ka anubhav karo। har ghante mein 5second is drill mein lagaao। agar second nahin to5 minute lagaao। har ek roop saamne laao anubhav karo। man ko is roohaani exercise mein busy karo to man exercise se sada theek rahega। jaise shareer ki exercise shareer ko tandaroosta rakhti hai aise yeh exercise man ko shaktishaali rakhega। ek second bhi man mein us roop ko laao samajhte ho sahaj hai na yeh ki mushkil lagta hai? mushkil nahin lagega kyonki yeh exercise aapne anek baar ki hui hai। har kalpa ki hai। apna hi roop saamne laana yeh mushkil nahin hota। ek-ek roop ke saamne aate hi har roop ki visheshta ka anubhav hoga। kabhi-kabhi kai bachche kehte hain ki ham inheen roop mein anubhav karne chaahte lekin man doosre taraph chala jaata। jitna samay jahaan man lagaate chaahte hain utna samay ke bajaae vyartha aythaartha sankalp bhi aa jaate hain। kabhi man mein albelaapan bhi aa jaata to baapdaada har ghante 5second ya 5 minute is exercise mein anubhav karaane chaahte hain। 5minute karke man ko is taraph chalaao। chalna to achha hota hai na! phir apne kaam mein lag jaao kyonki kaarya to karna hi hai। kaarya ke bina to chalna nahin hai। yagya seva vishwa seva to sabhi kar rahe ho aur karni hi hai। yeh 5 minute ki drill karne ke baad jo apna kaarya hai usmein lag jaao। aisa koi hai jisko chaahe 5 second lagaao chaahe 5 minute lagaao lekin koi aisa hai jisko itna time bhi nahin milta hai! hai koi haath uthaao। jisko 5minute bhi nahin hain। koi nahin hai। hai koi?sab nikaal sakte hain। to baar-baar yeh exercise karo to kaarya karte bhi yeh nasha rahega kyonki baap ka mantra bhi hai manamnaabhav। isi mantra ko man ke anubhav se man yantra ban jaayega maayaajeet banne mein kyonki baapdaada ne bata diya hai ki jitna samay aage badhega us anusaar ek second mein stop lagaana hoga। to yeh exercise karne se manamnaabhav hone mein madad milegi kyonki baapdaada ne dekha ki jo bhi bhaashan karte ho ya kisko bhi sandesh dete ho to kya kehte ho? ham vishwa ko parivartan karne vaale hain । to jab vishwa ko parivartan karna hai to pahle apne man ko aisa shaktishaali banaao jo jis samay jo sankalp karne chaahe vahi man sankalp kar sakta hai। second mein order karo jaise is shareer ki aur karmendriyon ko order karte ho oopar ho neeche ho to karti hain na! aise man vyartha aythaartha se bach jaaye man ke maalik ho mera man kehte ho na! to mera man itna order mein rahe uske liye yeh man ki exercise bataai।

baapdaada ne dekha har ek bachcha yahi chaahta hai ki humein man jeet jagatjeet banna hai isliye aane vaale samay ke pahle yeh abhyaas jahaan chaahe vahaan man sahaj tik jaae। to aaj baapdaada yahi chaahte hain ki har bachcha aisa shaktishaali bane jo jo sankalp kare vahi man buddhi sanskaar order mein ho। jiska yeh abhyaas hoga woh jagatjeet avashya banega। baapdaada se parivaar se pyaar to sabka hai। jitna bachchon ka baap se pyaar hai usse jyaada baap ka bachchon se pyaar hai। to bachchon ne chaturaai achhi ki hai mera baba mera baba kahkar mera bana liya hai। har ek bachcha yahi nishchay se kehta“mera baba”। aur baap bhi kehta mera bachcha। is mere shabd ne kamaal kar diya। har ek ke dil mein kitna umang aata hai mera baba pyaara baba aur baap bhi baar-baar kehte mere bachche। koi bhi maaya ka vaar ho kyonki aadhaakalpa maaya ko apna banaaya hai na! to maaya ka bhi aap logon se pyaar to hoga na! to woh baar-baar aane ki koshish karti hai lekin jo dil se mera baba kehta hai to baap ka sahayog milta hai। ek baar dil se kaha mera baba to hajaar baar baap bandha hua hai shaktishaali sahayog dene ke liye। anubhav hai na! sirf samay par is anubhav ko practical mein laao।

baapdaada bachchon ki ek baat dekhkar dil mein bachchon ke oopar muskaraata hai। jaante ho kaun si baat?sabhi kehte hain ki baba hi mera sansaar hai kehte hain na baap hi hamaara sansaar hai! kehte ho jo kehta hai baap hi mera sansaar hai woh haath uthaao। achha baap hi sansaar hai। doosra to koi sansaar nahin hai na! sansaar doosra nahin hai lekin doosra kya hai! sanskaar। jab baap hi mera sansaar hai doosra koi sansaar hai hi nahin। sansaar nahin hai lekin sanskaar kaise paida ho jaata?aajkal baapdaada samay pramaan sanskaar shabd ko mitaane chaahte hain। mit sakta hai?mit sakta hai?jo samajhte hain ki sanskaar vighna roop nahin ban sakta yeh dridh sankalp kar sakte hain dridh purooshaartha dvaara aaj bhi dridh purooshaartha kar sakte hain ki khatma karna hi hai। karenge sochenge dekhenge… yeh nahin। karna hi hai। sanskaar ka kaam hai aana aur bachchon ka kaam hai samaapta karna hi hai। hai himmat? hai himmat? pahle bhi haath uthaaya tha lekin check karo jo sankalp kiya woh ho raha hai? jo samajhte hain ki baap ne kaha baap ka kaarya hai lakshya dena aur bachchon ka kaarya hai jo baap ne kaha woh karna hi hai। iski bhi ek date fix karo jaise bhakta logon ne date fix ki hai shivraatri to manaani hai। to iski date bhi fix karo। achha sabki ikaththa nahin ho to pahle ek-ek apne liye to date fix kar sakte hain na! kar sakte hain! kar sakte hain to haath uthaao। to kiya! kar sakte hain to kiya?double videshi date fix kiya! achha saamne vaale kiya fix! jo date fix ki na woh baapdaada ko likhke dena। baapdaada bhi bachchon ko paper paas karne ki bahaaduri to denge na। phir geet gaayenge vaah bachche vaah! ceremony manaayenge jisne sankalp kiya aur usi anusaar practical kiya uski ceremony manaayenge kyonki pharka to aata rahega na! jo date fix karenge usmein aage badhne ke liye sameep to aayenge na। pharka to hona shuru hoga। to jiska date anusaar sampanna hoga uski baapdaada ceremony manaayenge। andar jo karenge to dekhne vaale bhi verify karenge kyonki samparka mein to aayenge na! sanskaar kisi na kisi ke saath nikalta hai na! kyonki baapdaada ne dekha ki har ek bachche ko yeh shuddh nasha to hai ki main master sarvashaktivaan hoon। master to ho na? jab sarvashaktivaan hain to sankalp ko poora karna yeh bhi shakti hai na! achha। jo aaj pahli baari aaye hain woh utho। dekho kitne aaye hain। baapdaada mubaarak dete hain। madhuban mein aane ki mubaarak hai mubaarak hai mubaarak hai। baapdaada phir bhi aise samajhte hain ki toolate ka board lagne ke pahle aa gaye ho isliye saare parivaar ki baapdaada ki to hai saare parivaar ki bhi aap sabhi mein yahi shubh aasha hai ki sada double purooshaartha kar last aate hue bhi fast ja sakte ho। hai himmat! jo aaj aaye hain unhon mein yeh himmat hai! ki last aate bhi fast jaakar first aa jaao। first number mein। ek first nahin first class mein first aao ho sakta hai! jo samajhte hain ham fast jaake first ho sakte hain woh haath uthaao। apne mein nishchay hai?achha। peechhe vaale haath ooncha karo ho sakta hai to! achha। thode hain। phir bhi saara parivaar aur baapdaada aapko sahayog deke aage badhaane chaahte hain isliye jis bhi centre ke taraph se aaye ho us centre par yeh apna vaayda baar-baar yaad karna। ho sakta hai asambhav nahin hai hai sambhav lekin double attention। agar last aur fast jaake dikhaayenge to centre par aapka teevra purooshaartha ka din manaayenge। function karenge। sabhi ke dil mein umang to hai ki jaldi se jaldi baap samaan banke hi dikhaayen। baapdaada bhi amritvele jab bachche baap se baaten karte hain to khush hote hain। vaah bachche vaah! aur baap har bachche ko chaahe puraana hai chaahe naya hai har bachche ko bahut-bahut dil ki duaayen dete hain। ek kadam aapka hajaar kadam baap ki madad ka kyonki ab samay ka parivartan fast gati mein ja raha hai। achha।

seva ka tarna dilli aur aagra zone ka hai:- baapdaada ne suna ki dehli shuru se leke seva ki nai-nai baaten karti aai hai। ki hai na! dehli ne ki hai। to abhi koi nai invention nikaalo seva ki। jo bhaashan chalte hain programme chalte hain woh bhi achhe hain kyonki usse vriddhi hoti hai aur sambandh mein aate hain। jo abhi chal rahe hain woh bhi achhe hain lekin abhi yeh programmes bahut samay chale hain। abhi koi nai baat nikaalo jo seva mein karne vaalon ko naya umang naya utsaah aaye। karenge na! achha hai। sabhi utsaah mein laakar sabhi ko usmein busy karo। yeh jo bade programme hote hain usmein bhaashan karne vaale to busy hote hain lekin doosre sirf saath dete hain। woh bhi hai zaroori lekin aisa koi kaarya nikaalo jismen har ek quality vaale khud karke busy rahen kyonki dehli ko hi raajdhaani banna hai। to dehli vaalon ko aisi koi invention nikaalni chaahiye। theek hai! theek hai sabhi karenge? haath uthaao। achha hai। koi bhi nikaal sakte hain। naye bhi nikaal sakte hain। agar doosre koi ko bhi koi sankalp aave to woh bhi yahaan head office mein madhuban office mein likh sakte hain। sabko chance hai। achha। dehli vaale purooshaartha mein bhi number one len। baapdaada ne bahut samay se yeh kaha hai ki koi bhi centre chaahe desh chaahe videsh centre uske connection mein centre nirvighna 6maas rah koi bhi vighna nahin aaye। nirvighna। agar number one banega to uski bhi nirvighna bhav ki de manaayenge। abhi 6 maas kah rahe hain 6 maas ka abhyaas hoga to aage bhi aadat ho jaayegi। lekin inaam lene ke liye 6 maas ka time dete hain। to dehli kya number lega? pahla number। baapdaada ko khushi hai। saare parivaar ko bhi khushi hai। santushtata ka bolbaala ho। chaahe seva mein chaahe jo niyam bane hue hain us niyam mein to dekhenge baapdaada ne kaha hai lekin abhi tak naam nahin aaya hai। zone nahin to jo bhi bade centre hain uske connection vaale centre itna bhi karenge to baapdaada dekhenge। abhi jaldi jaldi kadam ko aage karna kyon?achaanak kya bhi ho sakta hai। taareekh nahin bataayenge। achha dehli vaale baith jaao।

aagra subzone:- aagra ko aisa koi kaarya ya seva karni hai jo jaise government ki list mein aagra mashhoor hai aise aagra vaalon koi na koi aisi seva dhoondho jo almighty government mein bhi mashhoor ho। to jaise aagra mein taaj hain vaise kuchh karo। hai ummeend hai! ummeend hai uski mubaarak ho। kya karenge?lekin kitne samay mein karenge। (mela karenge mega programme karenge) mega programme to sabhi kar rahe hain lekin koi nai invention nikaalo jo kisi zone ne nahin kiya ho। kyonki aagra sabhi ka dekhne laayak hai। to jaise aajkal ki government ka taaj hai na। agar propaganda hoti hai to aagra usmein mashhoor hai na। aisa koi kaarya karo। sochna amritvele baithna aur sochna to koi na koi touching aa jaayegi। theek hai teachers haath uthaao। bahut hain। to kamaal karna। baaki baapdaada sabhi bachchon ko yahi kehte hain koi naveenta karo abhi। jo chal raha hai samay anusaar woh naveenta hai lekin abhi aur naveenta invention karo koi bhi zone kare lekin naya nikaalo। baaki baapdaada ko har ek bachcha pyaara bhi hai aur baapdaada har ek bachche ki visheshta bhi jaante hain। har ek ki visheshta hai zaroor lekin koi kaarya mein lagaate hain koi ki chhip jaati hai isliye baap kehte hain har bachcha baap ko pyaara hai sikeeldha hai aur baap yahi chaahte ki udte raho udaate raho।

meeting mein aaye hue bhaai bahinon se:- meeting vaale arthaat jimmevaar nimitta aatmaayen। nimitta aatmaon ki taraph sabka pyaar hai aur aap sabhi ka aadhaar hain। jo purooshaartha ki lahar nimitta banne vaalon ki hoti hai use sab follow karte hain। to abhi nimitta mein baapdaada ki ek aasha hai aur sabhi aasha ke deepak hain। to baapdaada yahi aasha rakhte hain ki abhi chehre aur chalan se aise lagna chaahiye ki yeh aatmaayen sabhi ke aage ek sample hain। jaise abhi sabhi maante hain kehte hain agar kadam par kadam rakhna hai to brahma baap ke liye ishaara karte hain। aise jo nimitta hain unhon ke liye ishaara karen agar dekhna ho to is aatma ko dekho। baap samaan drishtaanta banen। ho sakta hai? ho sakta hai ki abhi time chaahiye? to baapdaada ki is group par yeh aasha hai kyonki pahle jo lakshya rakhe baap samaan banne ka baapdaada aisa example chaahte hain। ho sakta hai? karna hi hai na! to yeh is group ko lakshya rakhna hai jo ham karenge woh sab karenge yeh aasheervaad leni hai। nimitta banna hai।

double videshi bhaai bahinon se:-double videshi hamesha anubhav karte hain ki ham brahman parivaar aur baapdaada ke vishesh sikildhe hain kyon! jitna hi desh ke hisaab se door hain utna hi baapdaada ke dil ke najdik hain। yeh visheshta hai baba jab kehte hain to baba kahne mein hi sabki shakla aisi pyaar mein lavleen ho jaati hai jo baap bhi dekh-dekh harshit hote hain aur ek baat ki visheshta hai ki jo bhi bhaarat ke niyam hain usko paalan karne mein himmat rakhte hain। shuru mein bhaarat ka culture hai yeh feel karte the lekin abhi baapdaada ne dekha ki abhi yeh kehte hain ki ham bhi pahle bhaarat ke the। bhaarat ka nasha raajdhaani hai na bhaarat woh achha dil mein baith gaya hai। poochhte rehte hain ham yeh to nahin the jo gaye hain unke liye poochhte hain ham bhi aise the kya! bhaarat ke baap bhaarat ke parivaar se pyaar hai। seva bhi ab tak achhi ki hai aur aajkal dekha hai ki apne aaspaas jahaan seva nahin hai vahaan bhi karne ka lakshya rakha hai aur result mein kai jagah success bhi hue hain। aise hai na! kar rahe hain na seva? haath uthaao jo seva aaspaas ki kar rahe hain achha hai। baapdaada khush hai। achha –

chaaron or ke bachche baap ke dil ke dulaare hain har ek bachcha yahi lakshya baar-baar smriti mein laate hain aur laana hai ki humein teevra purooshaartha kar baap ko pratyaksha karna hai। jo sabki dil kahe mera baba aa gaya। aisa umang aur utsaah ka sankalp aajkal baapdaada ke paas pahunch raha hai। yeh umang utsaah majority ke dil mein aa gaya hai। baapdaada ki yahi aash hai ki abhi jaldi se jaldi sabko yeh sandesh pahunchaana hai koi vanchit nahin rahe। kuchh na kuchh varsa le len। chaahe jeevanmukti ka nahin to pyaar se mukti ka varsa to le len kyonki baap ko sabko varsa dena hai। jitnon ko varsa dilaayenge utna aapko bhi apne raajya mein raajya adhikaari banne ka varsa milega। sabhi taraph ke har bachche ko baapdaada ka bahut-bahut pyaar aur duaayen sveekaar ho। achha।

daadi jaanki:- (baba sanskaar banaane padenge kya!) bane pade hain। aapko donon taraph dekhna hai। tabiyat ko bhi dekhna zaroori hai aur seva ko bhi dekhna zaroori hai। aap seva ko dekhte jyaada ho (baba kara rahe hain) kara rahe hain lekin aapko aage chalke bahut kuchh karna hai। (baba madhuban mein hi baith jaaoon) woh bhi time aayega। donon taraph dekho।

ramesh bhaai se:-tabiyat ki sambhaal karo abhi bahut kaam karna hai । jitna government aage ja rahi hai itna aapka kaam bhi aage jaana hai isliye tabiyat ko theek rakho aur baap bhi daadiyaan bhi aapke saath madadgaar hain। koi bhi baat ho madad le lo। (meeting kam hoti hai) meeting bhale karo lekin jab sabhi free hon tab meeting ho na isliye sabhi aapas mein milke yeh bhi date bana do। madhuban mein group aane ke pahle group jaane ke baad soch lo kab meeting karni hai। ek do mein raay karke date bana do kabhi kuchh ho to badli kar lo।

pardaadi se:- beemaari ko hajam kar leti hai। sabhi ko khushi hoti hai। bahut achha hai। shareer ko bhi saakshi hokar chala rahi ho। achha hai। baapdaada khush hai। (rookamni behen se) part achha baja rahi hai। kabhi tang nahin hoti hai। yeh visheshta hai bhi sada auron ko bhi sikhaao।