Avyakt murli for Tuesday 18 January 2011

18-01-11 om shanti avyakt baapdaada madhuban

“brahma baap samaan jeevan mein rehte jeevanmukta sthiti ki maja lo sneh ki saugaat manjeet jagatjeet bankar do”

aaj ka din vishesh brahma baap ke avyakt hone ka smriti ka din hai। sabhi bachchon ke naynon mein brahma baap ka sneh samaaya hua hai। aaj chaar baje se bhi pahle bachchon ka sneh vatan mein pahunch gaya। brahma baap se milan manaane aur sneh ki apne dil ke sneh ki nishaaniyaan maalaayen brahma baap ke paas pahunch gai। har ek maala ke khushbu mein bachchon ka sneh samaaya hua tha। har ek bachche ke nayan aur muskaraahat dil ki baaten bol rahi thi। brahma baap bhi har ek ko sneh ka return de rahe the। baap dekh rahe hain ki abhi bhi har bachcha naynon ki bhaasha mein apne dil ka sneh de rahe hain kyonki yeh parmaatma sneh har bachche ko sahaj baap ka banaane vaala hai। yeh alaukik sneh mera baba ke anubhav se apna banaane vaala hai। yeh sneh baap ke khazaanon ka maalik banaane vaala hai kyonki bachchon ne kaha mera baba to mera baba kehna aur sarva khazaanon ke maalik banna। yeh sneh deh ka bhaan second mein bhulaakar dehi abhimaani bana deta hai। sivaae baap ke aur kuchh bhi aatma ko aakarshit nahin karta। is din ka bahut bada mahatva hai। sirf smriti divas nahin lekin samarthi divas hai kyonki is din baap ne bachchon ko vishwa seva ke liye svayan karaavanhaar ban bachchon ko karanhaar banaane ka tilak diya। san shows father ka karanhaar nimitta banaaya। seva mein saphalta ka saadhan svayan karaavanhaar bana aur bachchon ko karanhaar banaaya kyonki seva mein saphalta ka saadhan main karanhaar hoon karaavanhaar kara raha hai yeh smriti va yeh sthiti bahut aavashyak hai kyonki 63 janma ki smriti main pan deh abhimaan mein le aati hai। karaavanhaar kara raha hai main nimitta karanhaar hoon is smriti se hi apne ko nimitta samajhne se deh abhimaan samaapta ho jaata hai। to bachchon ko iseelie karanhaar banaaya svayan karaavanhaar banen। karanhaar banne se svatah hi nimitta hain nirmaan ban jaate hain। abhi bhi baapdaada bachchon ko seva mein nimitta ban karne ke kaaran baap ne dekha ki jo sevaadhaari hain unhon ke mastak mein seva ka phal sitaara chamak raha hai। majority bachchon ki seva ko dekh baapdaada khush hai isliye aise bachchon ko vishesh brahma baap vaah bachche vaah! kahke mubaarak de rahe hain।

brahma baap vishesh khush bhi ho rahe hain aur aage bhi seva ko nimitta ban aage badhaane ke liye mubaarak de rahe hain। abhi bhi brahma baap bachchon ko aap samaan pharishta sthiti mein rahne ke liye ishaare de rahe hain। baapdaada ne dekha hai ki bachchon ka attention hai ki sada jaise brahma baap jeevan mein rehte jeevanmukta the itni jimmevaari hote bhi itne bade parivaar ko sambhaalna sabhi ko yogi jeevan vaala banaana itni seva ki jimmevaari sambhaalna seva mein sada aage badhaana sab kuchh jimmevaari hote bhi jeevanmukta ke maje mein raha isliye bhakti maarga mein brahma ka aasan kamal aasan dikhaate hain। jeevanmukta ban abhi jeevanmukta ka maja liya aur aap sabhi bachchon ko bhi aisa hi banaaya। abhi bhi aap bachchon ko pharishta banne ki bhinna-bhinna yuktiyaan bataae aap samaan banaane chaahte hain।

baapdaada ne dekha lakshya har bachche ka achha hai koi se bhi poochhte hain aapka lakshya kya hai to kya kehte ho?yaad hai kya kehte ho? baap samaan banna hi hai। to baap samaan kya banenge? isi jeevan mein jeevanmukta jeevan ka sample banenge। baapdaada ne dekha hai jo homework dete hain usmein attention to dete hain anubhav bhi karte hain lekin sada nahin karte hain। abhi bhi jo kaam diya tha uski report kai bachchon ne purooshaartha kar ek-ek maas attention diya hai। kai zone ki report ek maas ki result mein achhi bhi aai hai। jinhonne report bheji hai jis zone vaalon ne bheji hai usko baapdaada vaah bachche vaah! kah karke mubaarak de rahe hain lekin baapdaada abhi kya chaahta hai?abhi baapdaada har bachche se yahi chaahta hai ki abhi kabhi-kabhi theek rehte hain lekin baap sada chaahta hai। yogi bhi achhe bane hain lekin sada yogi banaane chaahte hain। aajkal baapdaada ne bachchon ko kaam bhi diya tha sada rahne ke liye har ghante apne oopar koi na koi yukti rakho jo kabhi-kabhi ko badal sada shabd aa jaae। abhi baapdaada yahi chaahte hain jaise kahaavat hai man jeete jagatjeet man ko jo sankalp do vahi kare। kyon? jaise aur karmendriyaan jab chaaho jaise chaaho vaise karti hain na! aise hi man ko bhi jo order karo vahi kare। abhyaas karte ho lekin kabhi-kabhi nahin bhi karte hain। baapdaada abhi yahi chaahte hain ki man ko shaktiyon ki lagaam se jaise chalaane chaaho vaise chalaao। jo gaayan hai man jeete jagatjeet woh kiska gaayan hai?aap bachchon ka hi to gaayan hai। har kalpa kiya hai tabhi gaayan hai kyonki jaise aur karmendriyon ko meri kehte ho vaise hi man ko bhi mera kehte ho। mera kehna arthaat maalik bano। man mein jo sankalp karne chaaho jitna samay woh sankalp karne chaaho woh bandha hua hai kyonki mera hai। to baapdaada is sneh ke din yahi homework dene chaahte hain ki jo sankalp karne chaaho vahi chale agar aap shuddh sankalp karne chaahte ho to vyartha sankalp shuddh sankalp vyartha ko khatma kar de। chaaho yog lagaana aur sanskaar ke kaaran vyartha sankalp chalen ya yog ki siddhi nahin mile yeh control hona chaahiye। agar ek ghanta yog lagaane chaahte ho to man disturb nahin kare। aatma maalik hai man maalik nahin hai man to aatma ka saathi hai। to saathi ko pyaar se order karo manjeet bano kyonki baapdaada ke paas bahut bachchon ka samaachaar aata hai - vyartha sankalp samay prati samay aate hain। nahin chaahte hain to bhi aate hain। to kya yeh maalik kahenge! to brahma baap se sneh hai na to baap aaj sneh mein apne dil ki chaahna suna rahe hain ki abhi manjeet jagatjeet banna hi hai। to brahma baap ko yeh sneh ki saugaat denge?sneh mein kya diya jaata hai? gift di jaati hai na! to aaj brahma baap bachchon se yeh saugaat dene ke liye kah rahe hain। taiyaar hain?taiyaar hain?haath uthaao। to abhi jab bhi order kare to aaj ke din se vyartha sankalp aane nahin dena kar sakte ho? aaj do ghanta chaar ghanta yog ki stage mein karma bhi karo yog bhi lagaao kar sakte ho? kar sakte ho karenge?chalo abhi beeti so beeti lekin ab order karen ki aaj ke din vyartha sankalp ko fullstop to karna padega na।

aaj yog mein yahi lakshya rakho usi pramaan saare din ka purooshaartha karna padega na! baap se sneh mein jo baap kahe woh karna hai। sankalp vyartha banda iski yukti hai brahma baap ke sneh ko dil se yaad karo। chaahe saakaar mein dekha chaahe nahin dekha lekin buddhibal dvaara to sabhi ne dekha hai na! dekha hai ya nahin dekha hai?jo kehte hain mainne baba ka pyaar dekha mainne brahma baap ki paalna dekhi to kya usi se chal raha hoon woh haath uthaao। achha। haath uthaake to khush kar diya। baapdaada ko khushi hai himmat to rakhi hai na। lekin jab bhi koi taakat kam ho jaae na to sada baap ke sambandh kitne sambandh hain kabhi baap kabhi bachcha bhi ban jaata hai। kabhi baap to kabhi sakha bhi ban jaate hain isliye ya sambandh yaad karo ya praaptiyaan yaad karo। praaptiyaan aur sambandh jaise aaj dil se yaad kar rahe ho na! aise yaad karne se pyaar paida ho jaayega। aaj bhi sabke dil mein brahma baap ka pyaar aa raha hai na! to jab kuchh neeche oopar ho to sambandh aur praaptiyaan yaad karna। baap har bachche ke saath sahayogi hai sirf aap yaad karna। to samjha aaj kya karna hai? manjeet jagatjeet jo gaayan hai woh swaroop dhaaran karna hai। order se chalaao। abhi thoda free chhod diya hai na to woh apna kaam karta hai। abhi attention do। man mere order mein chale na ki aap man ke order mein chalo। chaahte ho gyaan ki baaton ka raman karen aur aa jaati phaaltu baat। to kya hua? man maalik bana ya aap maalik banen?to sabhi ne yeh homework samjha! man jeet banna hai। jo order karen woh maanega zaroor maanega attention dena padega bas। maataayen ya teachers ho sakta hai? ho sakta hai? teachers haath uthaao। teachers haath utha rahe hain। agar samajhte hain ho sakta hai to haath hilaao। pahli line to hilaao। bhaai haath hilaao। vaah! phir to brahma baap ko sneh ki saugaat di iski mubaarak ho mubaarak ho।

achha hai baapdaada se sneh bahut sahayog deta hai। mera baba kaha dil se to mera baba kaha to main kaun?baap ka sikeeldha bachcha। sabhi kitne baari kehte ho mera baba mera baba kitne baar kehte ho?baap sunta hai na sab note karta hai। double foreigners bhi sun rahe hain na। baapdaada ne dekha ki full season mein double foreigners ne haajiri bhari hai। madhuban mein har time haajir rahe hain। abhi bhi 350 se hain। apne tarna mein bhi aate hain lekin har tarna mein bhi thode-thode kahaan na kahaan se aate hain। to abhi yeh result baapdaada bhi dekhte rahenge aur aap sab bhi saakshi hokar apne aapki result dekhte rehna। yahi yaad rakhna ki baapdaada ko maalik banne ka vaayda kiya hai। baapdaada abhi bachchon ko kam se kam ek ek zone ko to yeh kaarya de sakte hain ki yeh zone is saptaah ya 15 din result de ki vyartha sankalp nahin lekin jo vishay man ko diya woh kiya ya nahin kiya? yeh manjoor hai teachers? manjoor hai? zone ko kaarya deven?haath uthaao। teachers। mahaaraashtra hai na। to mahaaraashtra ko to mahaan kaam denge na। baapdaada ko har ek zone ke liye pyaar hai aur sada yeh nishchay rakhte hain ki yeh bachche baap ne kaha aur bachchon ne kiya। aisa hai? mahaaraashtra jo baap ne kaha woh kiya aisa hai? mahaaraashtra vaale haath uthaao। bahut hain। pauna class hai। to har ek zone baap ke aagyaakaari hain kaandh hila rahe hain sabhi। baap ko bhi nishchay hai ki yeh mere bachche hain hi nishchaybuddhi।

baapdaada yahi chaahte hain ki jo roj ke mahaavaakya sunte ho woh hom work hai। agar roj ki murli jo baap ne kaha aur bachchon ne kiya to usko kaha jaata hai baap ke sikeeldhe bachche aagyaakaari bachche। kya karna hai woh roj ki murli padh lo। kyonki baapdaada ne dekha hai majority bachche murli se pyaar rakhte hain। agar koi nahin bhi rakhta ho to baapdaada ko koi bachcha kahe baba aapse mera bahut pyaar hai lekin baap ka pyaar kisse hai?murli se। murli ke liye kitna door se aate hain। koi teacher aisa hoga jo itna door se padhaai padhaane aaye। to jab baap ka pyaar murli se hai to jo mera baba kehta hai uska pahla pyaar baap ke saath baap ki murli se hona chaahiye। dekho brahma baap ne ek din bhi murli miss nahin ki। chaahe baambe bhi jaate rahe kaarne akaarne to murli likhte the aur maateshvari woh murli sunaati thi। last de tabiyat thodi dheeli thi savere ka class nahin karaaya lekin shaam ko class karaane ke baad avyakt hue। to brahma baap ka pyaar kisse hua? murli se। jo koi samajhte hain ki mera baba se pyaar hai to baap ka jisse pyaar raha bachche ka rehna chaahiye na! isliye aap samajhte ho ki murli padhna ya class mein padho agar majboori hai bahaana nahin hai sahi kaaran hai to kisse suno। jo samajhte hain ki murli ka itna mahatva rakhoonga woh haath uthaao। achha yahaan to sab dikhaai de raha hai baap aap peechhe vaalon ko bhi dekh raha hai। achha bahut achha। baap beech-beech mein paper lega। aaj kisne murli nahin suni woh teacher likhke bheje। pasanda to hai na। achha।

aaj brahma baap har bachchon se milkar bahut-bahut naynon dvaara har bachche ko sneh se naynon dvaara sneh de rahe hain। achha –

chaaron or se bachchon dvaara sandesh aaye hain। chaaron or ke aaye hue pyaar ke meethe-meethe bhaav ya bhinna-bhinna shabdon ki yaad chaaron or se bhinna-bhinna patra aaye hain sabhi ko baapdaada respond kar rahe hain har bachcha sneh mein baap ke dil mein samaaya hua hai aur yeh avinaashi sneh sada baap ka aur bachchon ka anaadi avinaashi hai aur saara sangamayug yeh baap bachchon ka milan nishchit hi hai। achha।

mahaaraashtra baambe aandhra pradesh:- (14hajaar aaye hain):-sabhi ko vishesh baapdaada ka snehi din par sneh hai aur sada yeh sneh amar rahega। baaki aane vaale to sab uthe hi hain tarna by tarna aane ka jo chance milta hai woh pasanda hai na! pasanda hai?koi ka bhi ulhana nahin rah sakta। har zone ko tarna milta hai। to yeh system pasanda hai? pasanda hai? yeh system pasanda hai na! achha hai। dekha gaya har ek zone khuli dil se apne taraph ke saathi le aate hain। yagya seva ka chance bhi hai aur milne ka chance bhi hai। yeh yagya seva chaahe thode se din milte hain lekin yagya seva karke jaane ke baad aapke jeevan mein yagya ki aakarshan anubhav ho jaati hai isliye parivaar kya hai yahaan itna parivaar ikaththa hota hai zone mein bhi itna parivaar ikaththa nahin hoga lekin madhuban mein aana baapdaada se milna saath mein parivaar se bhi milna hota hai। ek baar yagya seva ki to sada yagya naynon mein aata rahega। dekhi hui cheej aur suni hui cheej mein pharka ho jaata hai na। madhuban har ek bachche ka ghar hai। yeh to seva arth bhinna-bhinna sthaan mein bheja gaya hai kyonki vishvasevak banna hai na। ulhana nahin rah jaae hamko pata nahin pada hamaara baap aaya varsa deke gaya aur humein pata nahin pada yeh ulhana rah nahin jaae iseelie baapdaada har samay yahi kehte adosi-padosi gaanv-gaanv area-area mein yeh sandesh zaroor do ki aapka baap aa gaya maanen na maanen unhon ka apna bhaagya hai lekin ulhana nahin rah jaae। sandesh dena aapka kaam hai maanna bhaagya banaana woh unhon ke haath mein hai। lekin aapke taraph se koi ulhana nahin rehna chaahiye। to bahut achha hai mahaaraashtra mein seva ka vistaar bahut achha hai। iske liye baapdaada teachers ya seva karne vaalon ko vishesh mubaarak de raha hai। jaisa naam hai vaise hi kaam hai vistaar kiya hai। baaki naye-naye plan jaise abhi dilli vaale plan bana rahe hain baap ne hi kaha aur practical mein la rahe hain aise mahaaraashtra bhi koi na koi naya plan vahi nahin lekin koi naye roop se seva ka plan banaae aur chaaron or aavaaj phailaaye। mahaaraashtra mein to phaila rahe hain lekin chaaron or phailaane ke liye koi na koi plan banaao। jisse bhinnabhinna desh mein aapke dvaara seva ka aavaaj jaaye। achha lagta hai। busy rehna arthaat maayaajeet banna। to baapdaada khush hai mahaaraashtra par। teachers bhi khush hain na! achha।

double videshi bhaai bahinen:-double videshi jab sunte hain to dil mein sabke bahut pyaar hota hai। brahman parivaar mein bhi pyaar ki lahar ghoom jaati hai। kitna bhi door ho lekin door ko dil ke sneh se najdeek banaana yeh double videshiyon ki visheshta hai। seva bhi phaila rahe hain। yeh bhi samaachaar baapdaada sunte rehte hain। abhi-abhi koi bhi sankhya rah nahin jaae ulhana nahin de hamko to sandesh mila nahin। to baapdaada ne dekha ki abhi foreign vaale India vaalon se milke chaaron or sandesh dene mein achhe practical la rahe hain। koi bhi dharma rehna nahin chaahiye। sandesh dena chaahiye aur foreign ki seva shuru se vaayumandal mein phailne ka saadhan yeh hai jo shuru mein hi sab ek stage par ek samay mein ikaththe baithte the Christian bhi muslim bhi hai jo bhi sabhi hain bhinna-bhinna woh sab ek samay stage par ikaththe baithte the to yeh sarva ka pita hai iska pratyaksha swaroop dikhaai deta hai to koi bhi aise rehna nahin chaahiye। aise hi bhaarat mein bhi videsh mein bhi। koi bhi chaahe shaakhaayen hain lekin sandesh zaroor pahunchna chaahiye kyonki abhi samay bhi sabka dimaag thoda badal raha hai। duhkh ashaanti ki lahar videsh mein bhi phail rahi hai। bhaarat mein to hai hi। isliye abhi sunne ki ichchha badh rahi hai। abhi dekho nimantran dete hain to aapka hall to bhar jaata hai lekin aur bhi rah jaate hain। to logon ki chaahna bhi badh rahi hai isliye khoob seva phailaao। chance bhi mil rahe hain to videsh vaalon ko seva ka umang utsaah hai yeh dinapratidin dekhne mein aata hai। lekin baap chaahe gaanv se koi aaye hain chaahe videsh se chaahe kahaan se bhi aaye ho sabhi ko baapdaada yahi kehta hai ki seva khoob karo। kabhi bhi samay badal sakta hai। jo chaaho seva karne lekin kar bhi nahin paao aisa samay bhi aane vaala hai। isliye jo karna hai woh ab karo। kab nahin ab। baapdaada hamesha kehte hain ki kal par nahin chhodo। aaj par bhi nahin ab। kyonki samay paanchon tatva baap ke paas aate hain hamko bataao kab tak duhkh chalega! khud duhkhi ho rahe hain to kya karenge?manushyaatmaaon ko bhi duhkhi karenge na। isliye jo bhi aaye hain usko sankalp karna hai ki jaise brahman jeevan aavashyak hai vaise abhi ke samay anusaar har ek ko seva bhi zaroori hai। karo ya karaao। to double foreigners ko dekh saara parivaar bhi khush aur svayan bhi khush aur baapdaada bhi khush। baaki jo baapdaada ne homework diya manjeet jagatjeet banna hi hai। aapka hi gaayan hai usko repeat karna hai। achha।

kalkatta ke bhaai bahinon ne phoolon ka shrringaar kiya hai:- achha hai mehnat bahut karni padti hai lekin yeh mehnat aapki dil ka sneh phoolon mein dikhaai deta hai। chaahe haath se mehnat karo chaahe utsaah dilaane ki mehnat karo lekin mehnat ka bal aur mehnat ka phal milta zaroor hai। to bahut-bahut sneh baapdaada khaas kalkatte vaalon ko de rahe hain kyonki brahma baap mein praveshta bhi kalkatta mein hi hui hai। isliye kalkatta vaale hi nimitta bane hain sneh ka respond dene ke liye। achhe pyaar se karte hain iski mubaarak ho mubaarak ho mubaarak ho। aap sabko bhi pasanda aata hai na! parivartan to chaahiye na। to yeh apna sneh pratyaksha roop mein karte hain। achha।

abhi jo bachche sammukh hai ya door baithe bhi dekh rahe hain baapdaada ne suna ki abhi to chaaron or yeh koshish ki hai ki har ek desh mein centre par bhi jaake dekhte hain sunte hain chaahe raat ka kitna bhi bajta hai to bhi dekhte hain yeh bhi science ka saadhan aapke liye hi nikle hain aur aapko hi laabh ho raha hai। agar science dvaara vinaash hoga to bhi aapke raajya ke liye kar rahe hain। to chaaron or ke snehi bachchon ko vishesh brahma baap ka yaadapyaar dil ka dulaar dil ka pyaar sveekaar ho।

daadiyon se:- bhaagya seva ke bina rahne nahin deta। jiska jitna bhaagya hai woh bhaagya usko le hi jaata hai। bhaagya hai na। achha hai abhi samay jo bhi bhaagyavaan hain unhon ko la raha hai। baap ne kah diya hai na to samay achaanak hona hai to samay koi na koi aatmaon ko jagaata hi rahega। bahut achha।

pardaadi se:- (beti baap se mil rahi hai) abhi to baap samaan banne vaali hai। abhi seva shuru karengi। isko seva karaao busy rakho। itne sab aate hain unmein se koi na koi ko anubhav sunaati rahe seva karti rahe। bahut achha।

nirmala deedi se:-(tabiyat neeche oopar rehti hai) samajh gai ho kyon hoti hai kyon ka kaaran samajh lo to us kaaran ko aane nahin do। jaanti to ho gyaani tu aatma ho। jaan jaao aur usse kinaara karo aane nahin do।

teenon bhaaeeyon se:-paandavon se milte rehte hain yeh bahut achha hai aur aap teenon ko seva ka dhyaan naye naye plan aur kya saadhan ho jisse jaldi se jaldi sabko koi bhi taraph rah nahin jaaye yeh plan banaao। bhale jo hain centre zone bhi banaate hain lekin aap logon ki bhi buddhi chalni chaahiye kya naveenta seva mein karen aur saath-saath saare yagya jo chal rahe hain unka beech-beech mein chakkar lagaao। sab sthaan mein service ka umang-utsaah dilaao। kai zone to seva mein karte rehte hain kai sthaan aise hain jo kabhi bhi bade programme nahin karte hain unhon ko umang dilaake nimitta banaao kyonki aapas mein jab milte ho to yahaan hi plan pahle bana lo। phir kahaan-kahaan hai har ek apne najdeek jo bhi hain usme chakkar lagaake karo। matlab samjho seva ki jimmevaari aap logon ko karaana hai। karaane ke saath karna bhi padta hai। to theek hai। plan aapka suna tha theek hai।

jaise nimitta bane ho aur to koi nahin aate hain aap hi aate ho na। to nimitta ho to nimitta mein dhaarna bhi sikhaao aur pyaar bhi do। pyaar koi aisa pyaar nahin jo aavashyakta kiski ho usko dilaana ya dena yeh bhi pyaar hai। aise nimitta bano। theek hai na। (ramesh bhaai se)tabiyat theek ho jaayegi। jyaada socho nahin। jo ho raha hai uska ek second mein plan socho bas। yeh ho yeh ho nahin। ek second mein plan banaao। abhi kaha na to time jo hai woh har cheej mein kam do thode mein final karo। kyonki aajkal time ki value hai ek-ek brahman ki value hai।

aphreeka mein retreat centre ban raha hai naksha baapdaada ko dikhaaya:-sabhi jo bhi nimitta bachche bane hain unka umang yahaan tak pahunch raha hai। baapdaada khush hai jitne centre badhenge utne bichhude hue bachche apna bhaagya banaayenge। to aap udghaatan nahin kar rahe ho lekin anekon ke bhaagya khulne ke nimitta bane ho।

hansa behen se:-samaachaar jo likha woh mila abhi jo aaj kaam kaha hai na kitna socho kya socho yeh kaam karna ismen number one jaana।

haidraabaad shanti sarovar ke core committee members prati avyakt baapdaada ke mahaavaakya-

aap sabhi seva ke prati nimitta bane ho। yeh seva vishwa seva hai। sirf haidraabaad ki nahin hai lekin vishwa ki seva hai। to vishwa ki seva karne se aatma mein khushi hoti hai kyonki punya ka kaam kar rahe ho na। to jahaan punya hota hai vahaan duaayen milti hain। woh duaayen apni jeevan ke liye bahut ooncha udaati hain। to baapdaada ko samaachaar mila ki yeh sab seva ke nimitta hain। to bahut achha karte chalo aur duaayen lete chalo kyonki duaayen milna is kaarya ke liye bahut badi praapti sookshm mein hoti hai। isliye jo bhi jahaan seva karte hain woh seva nahin samjho lekin apna punya jama kar rahe hain aur punya jama hone se automatically aapko sevaabhaav ka phal milta hai bal milta hai। to khushi-khushi se aahvaan karte chalo aur un aatmaon ke prati bhi shubh bhaavna karte chalo jo bhi aave vo maalaamaal hoke jaaye। aisi shubh bhaavna shubh kaamna se seva mein aage badhte jaao। badhte jaao badhaate jaao to saphalta aapka janma siddha adhikaar milega। lekin shubh bhaavna aur shubh kaamna seva ki rakhenge to seva se bal milta hai। aapko bhi khushi hogi aur jis kaarya ke prati karte ho us kaarya mein aane vaali aatmaon ko bhi khushi ki praapti hogi। to bahut achha jo bhi seva karte ho baapdaada ke yagya ki seva karte ho। yagya ki seva karne mein bahut punya hai। bahut achhe hain। aage badhte chalo aur auron ko bhi badhaate chalo। achha achha hai sabhi jahaan bhi hain achhe hain aage badhte chalo badhaate chalo।

vidaai ke samay - geet gaaya - abhi chhodkar nahin jaao dil abhi bhara nahin…

dil to bharne vaala hai hi nahin। sada saath hain saath rahenge saath chalenge। (84 janma hi baba ke saath rahenge) rehna। achha hi hai। brahma baap ki taraph se sabhi ko bahut-bahut pyaar। (baba aapko jaane ka man karta hai) drama mein hai। achha।