Avyakt murli for Saturday 30 November 2013

> > 30-11-13 om shanti avyakt baapdaadaamdhuban

praanapyaare avyakt baapdaada ke ati snehi,sada avyakt milan ki chaatrak aatmaayen, baapdaada ke pyaar mein samaai hui, sangamayugi sarvashreshtha brahman kul bhooshan bhaagyavaan aatmaayen, eeshvareey sneh sampanna madhur yaad sveekaar karna ji।

baad samaachaar - aaj30 November, 2013ko avyakt milan ke yu .pi.seva tarna mein bhaarat tatha videsh se lagbhag 15000 bhaai bahinen apne shaantivan mein pahunche hue hain। drama ki kalpa pahle ki noondh pramaan aaj avyakt baapdaada ka milan,vyakta mein daadi guljaar ji ke dvaara hona tha,lekin operation ke baad daadi ji ko kaaphi kamzori mahsoos ho rahi thi isliye mumbai se aabu aana nahin hua।

aaj sabhi amritvele se baapdaada ki yaadon mein khoye hue the। bahut achha shant avyakt vaataavran tha। shaam ko 4baje se diamond haal mein sabhi avyakt sthiti dvaara avyakt milan ki anubhooti ke liye pahunch gaye। pahle soorya bhaai ne vishesh yog kamentri ke saath avyakt anubhootiyon ke prati apni prernaayen di। phir 6 se7 baje tak bahut shaktishaali yog chala tatha avyakt baapdaada ki revise murli sabhi ne suni va video dvaara dekhi। 7 baje sabhi daadiyaan mukhya bhaai bahinen stage par aaye, uske pashchaat mumbai mein guljaar daadi ne baapdaada ko bhog sveekaar karaaya(video konphresing dvaara sabhi ne poora drishya dekha)phir sabhi ke prati guljaar daadi ne baapdaada ka sandesh sunaaya -h

om shanti। aap sabki yaadapyaar lete hue main baba ke paas vatan mein pahunchi। baba apne kamre mein gaddi par baithe the aur main jab baba ke saamne gai to baapdaada ne bahut meetha muskuraate milan manaaya aur kaha aao mere dil ka haar, aaj kiski yaad laai ho?mainne kaha baba aaj to aapke sikeeldhe UP vaale bachche aapse milan manaane aaye hain। to aise laga jaise baapdaada apne kamre mein baithe hue bhi vahaan nahin hain। jaise baba sabhi bachchon ko bahut-bahut meethi-meethi drishti dete milan mana rahe the aur baithe hue sab bachche bahut-bahut pyaar se milan mana rahe the। phir baba bole,sabhi bachche baapdaada ke dil ke haar ho। baba jab har ek bachche ko drishti de rahe the, to drishti dete hue aisa laga jaise baba ek-ek ko jisko bhi dekh rahe hain na,unse kuchh bol rahe hain। ham to woh nahin sun saki lekin baba ki jo soorat aur moorat hai, woh ek-ek ko jaise gale bhi laga rahe hain lekin gale lagaate hue jaise apne mein sama rahe hain। yeh scene pahle dekhi। phir baba bole,bachchon ka baap se pyaar aur baap ka bachchon se pyaar yeh bhi sangamayug ka vishesh bhaagya hai। baap har bachche ko dekh chaahe last hai, chaahe first hai lekin baapdaada har bachche ko aise dekh rahe the jaise koi apni cheez hoti hai to usko kitne pyaar se dekhte hain, haath se aise pyaar karte hain। aise baba bhi jaise ek-ek ko drishti dvaara hi aise pyaar kar raha tha,jaise roobru pyaar kar raha hai aur sabhi ko feeling bhi jo aa rahi thi, woh yahi aa rahi thi jaise baba hamse sammukh mil rahe hain। sabke naynon mein paani bhara hua tha। girta nahin tha lekin samaaya hua tha। ham bhi dekh rahe the,baba kaise ek-ek bachche se milan mana rahe hain। uske baad baba ne bola,dekho bachche sangamayug par baap ka part chal raha hai lekin jaanne vaale aap sikeeldhe bachche hain aur ek-ek ko baba nambarvaar aisi meethi drishti de rahe the jaise ek-ek se kuchh baat kar rahe hain। to hamne baba ko kaha baba aap to baaten kar rahe hain lekin ham to sunte nahin। to baba ne kaha, yeh jo aaye hue bachche hain na, unhon ke dil ka aavaaj,dil ki aash baba hi jaane। ek-ek bachcha dekho,baba ko kaise dekh raha hai। jaise koi pyaasi hota hai। baba bole,dekho drama mein yeh bhi noondha hua tha lekin har ek bachche ke dil ka samaachaar baba jaane, aur koi nahin jaan sakte। baba jaane ek-ek bachche ke dil mein abhi kya chal raha hai! baap khush bhi hota hai ki har ek bachche ka baap se kitna jigri pyaar hai aur baap ka to hai hi। baba ne kaha dekho, baba ka pyaar nahin hota to aap logon ko kahaan se dhoondha,koi foreign se aaya hai, koi India ke bhinna-bhinna sthaanon se। sabko baba ne dhoondha na। to itna baba ka pyaar hai jo mere bachche gum ho gaye the,unko dhoondh karke apne paas bula liya। aise kehte baba drishti dete gaye, sabhi sunte hue jaise pyaar mein samaaye hue the। uske baad baba ne kaha bachchi mainne aaye hue group mein ek-ek ko drishti bhi di hai aur hovanhaar bachche kah karke yaadapyaar bhi diya hai। baba chhodta nahin hai,jaise bachche baba ko chhodte nahin hain, vaise baba bhi bachchon ke pyaar ko chhodte nahin hain aur baba dekh raha hai ki aaye hue jo bachche hain,unhon ke dil mein double baaten chal rahi hain। ek to pyaar aa raha hai bas baba mila,baba mila,kyonki scene dekh rahe hain। aur doosri baat yeh hai ki samajh bhi rahe hain ki ham aaye hain,baba kahaan hai,main kahaan hoon। lekin ek-ek ka pyaar baap ke dil mein sama gaya hai। aise baba ne bola phir mere ko kaha bachchi abhi samay ho gaya hai isliye jaana to hoga hi।

dekho,baba ne apne ek-ek sikeeldhe bachche ko kaha yeh bhatthi mein aaye hain na। to baba ek-ek ko bhatthi ka tilak lagaata hai। to baba ne tilak leke khade hokar jaise ek-ek ke mastak mein woh tilak lagaaya। baba ne kaha aapki bhatthi ka udghaatan ho gaya। phir jo naye aaye hain unhon ko bhi baba ne vishesh pyaar diya। aaj kaun aaye hain naye! (naye bhaai bahinon ko khada kiya)naye bachche to baba ke bahut sikeeldhe hain। baba unhein sikeeldha, sikeeldha kehte hain। to baba ne aap ek-ek bachche ko bahut meethi drishti di aur yaadapyaar bhi diya aur kaha ek-ek bachche ko meri taraph se aise (bhaaki) karke yaadapyaar dena। sabhi ko baap ki taraph se bhaaki pahan rahe hain kyonki hamne vahaan dekha, to main yahaan hi kar sakti hoon। to sabhi ko baap ki taraph se meethi meethi bhaaki।

hailo। hamaari meethi daadi jaanki bhi baithi hain, ratanmohini daadi bhi baithi hain। madhuban vaale bhi sabhi bahut sneh mein baithe hain। woh shaklen unki bol rahi hain।

(daadi jaanki ne kaha) daadi kya bataaoon,baba wonderful hai, aap bhi kam nahin ho। kaise bhi karke aapne hamaare dil ki bhaavna ko,pyaar ko baba ke paas lekar gai aur baba ne hamaare saath pyaar se milan manaaya। baba kehta drama mein jo ho raha hai, us sabmen kalyaan hai। ham kehte baba aap kitne meethe pyaare ho। baba meetha hai aur hamko meetha banaane ke liye itni meethi baaten sunaakar hamko moh leta hai, shant kar deta hai। daadi aapne baba ka sandesh sunaakar hamaare dil ko taakat de di। abhi daadi kya bataaoon dil ka haal। aap baambe mein baithi hain। aap vahaan baithe bhi baba ko chhoda nahin, hamne bhi nahin chhoda। baba ko pyaar karo na।

(guljaar daadi) sabhi pyaar de rahe hain,woh baba dekh rahe hain। baba ke saath aap bhi saath-saath yaad rehti hain। mohini behen aap bahut achhi tarah se apne ko theek thaak karke baithi hain। ham aapki tabiyat mein aage badhte badhte dekh bahut khush hote hain। jinda raho,aabaad raho।

nirvair bhaai ne mumbai se sabko yaad di:- om shanti। sabhi bahinon aur bhaaeeyon ko om shanti। jo sabha mein upasthit hain jo desh videsh mein sun rahe hain sabko om shanti। daadi aapka shubh sankalp baba ne suna aur daadi ji ko aisi himmat bhi de di,svaasthya bhi de diya jo daadi khaas taiyaar ho karke yahaan aapke saamne aa gai। bahut achha lag raha hai, sabhi bhaai bahinon ko dekh karke। jo aaye hain unko dekh karke। eeshvareey parivaar kitna vishesh parivaar hai। eeshvareey parivaar ka sangathan kitna vishesh hai। is sangathan ke phal swaroop hi saare vishwa ka kalyaan hona hai,yahi baba bachchon se chaahte hain। to sabhi ko mubaarak ho, mubaarak ho। karoona bhaai ko vishesh thanks jo yahaan bhaaeeyon ko bheja jo ham yahaan se mil rahe hain।

daadi jaanki ne kaha:- shukriya aapka aur shukriya neelu behen ka, yogini behen neelu behen sabka shukriya।

do. ashok mehta:- om shanti। hamaari bahut pyaari daadi ekdam achhi hai aur aapke saamne milan mana rahi hain। daadi ji ekdam svastha hain aur bahut achhi rikavri hai। daadi ji jaldi aapke beech pahunch jaayengi।

yogini behen:- daadi ham aise feel kar rahe hain jaise baapdaada yahaan padhaare hain। poora diamond haal yahaan dikhaai de raha hai। daadi jaanki ne kaha baba ne aapko nimitta banaakar ham sabko mulaakaat kara di। neelu behen daadi ka bahut dhyaan rakhti hai। (yahaan baba ke liye 21prakaar ka bhog banaaya hai)

guljaar daadi ne kaha:- sabhi bhaai bahinen jo madhuban nivaasi hain, un ek-ek bhaagyavaan madhuban nivaasi bhaai bahinon ko yaadapyaar।

nirvair bhaai:- daadi sabhi ki jo dil hai na,jo sab chaahte hain avashya baba sun raha hai aur baba bachchon ki baat sada rakhta hai। daadi ji bilkul svastha hokar madhuban vaapas aa jaayengi। baba ke sabhi programme bahut bahut sundar honge। daadi sabhi doctors ne daadi ke svaasthya ke baare mein bataaya hai ki svaasthya bahut achha hai। daadi bahut varshon tak eeshvareey seva ka kaarya aage badhaayengi।

guljaar daadi:- aap sabko duaaon se, aap sabke shubh sankalp se, baba ki madad se ham jaldi se jaldi theek hoke madhuban pahuchengi। daadi aapko gale laga rahe hain।

vishwa ke sabhi bhaai bahinon prati bade bhaaeeyon va daadiyon ka sandesh:-

ramesh bhaai:- baba ne ham sabko "nothing new"ka paath pakka karaaya hai। to nothing new ke hisaab se hi aaj ka programme chala। mujhe yeh bahut achha laga। jaise yahaan programme hota tha to doosre centre par dekhte the, aise aaj yahaan vaalon ne mumbai se saara programme dekha। karnakraavanhaar baba ka yeh scene jo dekha woh drama plan anusaar baba ne bahut achha anubhav karaaya। baba kehte rahe hain jo avyakt sthiti mein rahkar baba ko yaad karenge to baba avyakt anubhav karaayenge। to aap sabko bhi aaj ke din ki bahut bahut badhaaeeyaan ho। baba ke gyaan ke hisaab se koi naya nahin hai। kalpa pahle vaale jo bhi baba ke bachche yahaan aaye hain,un sab naye puraane baba ke bachchon ko badhaaeeyaan mubaarak ho।

brijmohan bhaai:- hamaara pyaara baba kalyaankaari hai aur samay ke anusaar hamko manzil ke najdeek le jaane ke liye pyaar kar raha hai। ham 44varsha se is aadat me pad gaye hain ki baba aayenge aur ham unse milenge। baba ne bataaya hai main kislie aata hoon? aap oopar chalen। to aaj ka anubhav kitna achha tha। ham sab guljaar daadi ke maadhyam se baba se mile। unhonne bataaya kaise baba har ek bachche se baat kar rahe hain,baba har bachche se mil rahe hain,unko shakti de rahe hain, santushta kar rahe hain aur daadi ne jo yeh bataaya ki har ek ki aankhen geeli thi। to sachmuch anubhav ho raha tha ki ham sabki aankhen geeli ho rahi hain। samay ke anusaar baba yahi chaahte hain ki ham avyakt milan aise manaayen jaise ham saamne mana rahe hain। itne saare bhaai behen jo jagah jagah se aaye hain, unko rinchakmaatra bhi mahsoos na ho ki baba nahin aaye!to baba ne bahut vichitra roop se milan manaaya। yeh bhi anubhav bahut achha tha। saare vishwa ke bhaai behen teleevijan se hi dekhte hain। bahut achha anubhav karaane vaala yeh milan tha। baapdaada jo ishaara de rahe hain samay anusaar humein is prakaar se milan manaana hoga,aur shanti ki shakti ki jo murli suni, uska anubhav ham sabko karna hoga। ham sab aage badhte rahen aur yeh kaarya jaldi se poora karen।

daadi ratanmohini:- abhi to ham sabne anubhav kiya,baba dekho bachchon ki dil kaise bhi poori kar lete hain। to baap ham bachchon par kitna merciful hai। baba ne samjha bachche aaye hain aur aisa na ho bachche niraash hokar jaaen,baba sada bachchon ki aashaaon ko poorn karte hain। baba ne jo hamaare mein aashaayen rakhi hain,baba humein jaldi-jaldi sampanna banaane chaahte hain। baba ko itna pyaar se yaad rakho,itna baba ki baaton ko svayan mein samaao jo baba kehte hain, jaisa kehte hain, aisa ham jaldi se jaldi sampanna bankar baba ko pyaar ka saboot den, to dekho baba hamko kitna pyaar se godi mein bithaakar udaate rahenge। inheen shubh bhaavnaaon ke saath aaj ke din ko yaad karte hue,svayan ko sampanna banaane ka sampoorn purushaartha karte hue sada baap ki shukriya maante chalen।

daadi jaanki:- saari vishwa hamaare saamne hain, ham vishwa ke saamne hain। yeh wonderful drama hai। main baba ka kitna shukriya maanoon। mera baba,meetha baba aapne hamaare jeevan ki yaatra saphal karne ke liye aadi se ab tak kitna saath diya hai। baba ne vardaan mein kaha tha bachchi sada saath hai aur saakshi ho karke part baja rahi ho। yeh do shabd jeevan yaatra mein itna saath de rahe hain, baba mere saath hain,koi minute second bhi aisa nahin hai,akeli nahin hoon। chhoti si aatma hai, usmein84 janmon ka part bhara hua hai।

jo aaj murli mein baba ne seva ke prakaar bataaye, sabhi sevaayen karne ka baba ne bhaagya diya hai jo aaj yeh nahin lagta ki is aatma se baba ne yeh seva nahin karaai hai। jo bhi baba direction deta hai, samjhaata hai, woh jaakar kisko nahin samjhaaya to baba naashta karne nahin dega। gyaan ka bhojan kaanon se suna hai, mukh mein brahma bhojan khaaya hai, uski shakti ham sabko chala raha hai। hamaara saathi,sahaara,sahayogi baba hai, baba ka saath na hota to ham akeli aatma paramdham mein kaise jaati।

jaise ghar jaana hai,saath mein jaana hai, baba ke saath jaayengi,baaraat mein nahin jaayengi। saath mein jaana royalty hai। baba mera saathi hai, main saath jaayengi। abhi time thoda hai, time ki bahut value rakhna hai koi bhi samay vinaashkaal aaya ki aaya। ham vinaashkaale nishchay buddhi se vijayi hokar vaijayanti maala mein aa rahe hain। nishchay buddhi se, nishchit bhaavi par adol rahkar sukh, shanti,aanand, prem sampanna jeevan bana rahe hain। aap sabne anubhav kiya,baba kuchh bhi miss karne nahin deta hai। yeh bhi baba ki kamaal hai। achha।

om shanti।