Avyakt murli for Sunday 15 December 2013
Saving in progress..
You can now read this murli without Internet.
You can read this murli without Internet.
in order to be able to read it without internet.
This view uses everyday Hindi spelling in Latin characters without diacritics, generated automatically from the Hindi text.
How is Hinglish generated?
The site generally uses aa, ee and oo for long vowels (a, i and u at the end of a word), ch and chh, sh and ri. English words recognised by the dictionary keep their English spelling. Rules for dropping some inherent vowels and a list of common words produce familiar spellings such as aatma, shanti, main and hoon.
Informal spelling is not standardised: these conventions produce a consistent version, but some spellings may differ from those you know. The “Transliterated Hindi” view retains the distinctions of adapted ISO 15919.
| Hindi | Hinglish |
|---|---|
| आत्मा | aatma |
| शान्ति | shanti |
| मैं | main |
| हूँ | hoon |
> > 15-12-13 om shanti avyakt baapdaadaamdhuban
praanapyaare avyakt moorta maat pita baapdaada ke ati laadle,sada baapdaada ke pyaar mein samaaye hue desh videsh ke sarva brahman kul bhooshan bhaai bahinen eeshvareey sneh sampanna yaad sveekaar karna ji।
baad samaachaar- aap sabhi aaj vishesh baapdaada ka aahvaan karne nimitta apne-apne sthaanon par chaatrak ban saakaar mein avyakt milan manaane ki aash lagaakar baithe honge। lekin drama ki bhaavi,baapdaada samay prati samay ham bachchon ki sthiti ko achal adol banaane aur avyakt vatanvaasi ban avyakt roop se milan manaane ka vishesh ishaara dete aa rahe hain to usi pramaan aaj ham sab anubhav kar rahe hain। daadi gullaar ka svaasthya theek hote bhi kaaphi kamzori mahsoos kar rahi thi, phir bhi bahut himmat karke sabha ke beech mein padhaari aur baapdaada ke aahvaan ka geet bhi baja, lekin thode samay mein daadi ne us almighty ko svayan mein dhaaran karne ki asmarthi mahsoos ki, to daadi ko stage se kamre mein lekar gaye। phir ham sabhi baapdaada ke avatran ka pichhla video dekhte rahe। jo aap direct dekhne,sunne vaalon ne bhi dekha hoga। sabhi daadiyaan aur mukhya bhaai stage par yog karaate rahe। gujraat ke bhaai bahinon ki seva ka tarna tha,desh videsh se kareeb 20-21 hajaar bhaai bahinen shaantivan mein pahunche hue the। donon hall full the। sabhi bahut ekaagrachit ho,powerful vaayumandal mein baapdaada ke avyakt mahaavaakya video dvaara sun rahe the। thodi der ke baad phir se sandesh aaya ki daadi ji sabha mein aa rahi hain। daadi ji phir se jab sabha mein padhaari to saara haal taaliyon se goonjane laga। sabhi khushi mein jhoomne lage। phir daadi ne baapdaada ko bhog sveekaar karaaya aur baapdaada sabha ke beech aa gaye aur bahut pyaar se haath lahraate sabhi ko vardaani drishti di। uske baad madhur mahaavaakya uchchaaran kiye।
"sada khushnuma rahne vaale khushkismat bachchon ko bahut-bahut-bahut-bahut yaadapyaar। sada khush rehna aur khoob khushi baantana। ek ek ko baapdaada vishesh pyaar de rahe hain aur sada sarva ke pyaare dehbhaan se nyaare baap ko dil mein samaate har kadam uthaana। desh chaahe videsh sabke, ek ek bachche ko baapdaada ka yaadapyaar sveekaar ho। sarva ke saath gujraat nivaasiyon ko bhi saare vishwa ki aatmaon ke saath yaadapyaar।"
om shanti।