Avyakt murli for Saturday 15 March 2014

> > 15-03-14 om shanti avyakt baapdaadaamdhuban

jeevan ke har din holi (pavitra) ban pavitrata ke vibration chaaron or phailaana, beeti ko beeti kar saphalta ke vardaan ko svarup mein laana

sarva holi bachchon ko holi ki mubaarak ho। aap ek-ek holi bachcha aaj baapdaada ke saath holi manaane aaye hain to baapdaada bhi sarva holi bachchon ko holi ki mubaarak de rahe hain। ek-ek bachcha kitna pyaara hai yeh baap aur bachche jaante hain। holiesta baap har bachche ko ati sneh se holi ki mubaarak de rahe hain। sarva bachche holiesta baap ke holi bachche hain। aaj ke din har ek bachcha apne holi banne ki, holi banaane ki sthiti ko jaante hain। baap bhi ek-ek bachche ko kahaan tak mansa - vaacha-karmana,sambandh-samparka mein holi bane ho,pavitra bane ho,woh baap bhi jaante aap bhi jaante ho kyonki baapdaada ko holiesta bachche bahut pyaare hain। to aaj har ek bachcha holiesta banne ki mubaarak sveekaar kare। har holi bachcha nambarvaar hai lekin baapdaada ke pyaar ka adhikaari hai। to baapdaada chaaron or ke bachchon ko chaahe desh chaahe videsh ek-ek bachche ko bahut dil va jaan, sik va prem se holi banne ki mubaarak de rahe hain। mubaarak ho, mubaarak ho।

yeh bhi din banaaye bhakti vaalo ne hain lekin har din ko mahatva diya hai। manaate aap bhi ho, bhakta bhi hain,saadhaaran bachche bhi hain lekin har bachche apne-apne roop se manaate aate hain। bachche to amritvele se leke baap ko mubaarak ho, mubaarak ho ki laainsa laga dete hain। chaaron or se chaahe desh se, chaahe videsh se, chaahe gaanv se, har bachcha dil se baap ko aur aap sabko bahut-bahut mubaarak dete hain aur baapdaada bachchon ko mubaarak ka respond bahut-bahut sneh se dete hain।

aaj amritvele chaaron or se holi mubaarak, holi mubaarak ke bachchon ke dil ke geet baap ne sune hain। baap bhi abhi sammukh aap ek-ek bachche ko kitne bhi hain,ekdam last bachche ko bhi mubaarak ho,mubaarak ho,mubaarak ho,de rahe hain। sabke chehre is samay baap ke sneh mein lagan mein magan dikhaai de rahe hain। baapdaada chaaron or ke bachchon ko nayno ki drishti dete hue yahi milan mana rahe hain bachche sada har din isi milan ke khushi aur mauj mein aage badhte chalo। jaise din ka naam hain holi,aise jeevan ke har din holi ban arthaat pavitra ban pavitrata ke vibration chaaron or phailaate raho।

baapdaada ek baat par khush hain,kya dekha?ki har bachcha baapdaada ko mubaarak de rahe hain aur bhinna-bhinna sthaan ki mubaarken,mubaarkon ki jholi bhar gai। yeh mubaarak sada yaad rahe, holi mubaarak hain। aaj baapdaada ne chaaron or ke bachchon ko amritvele se leke dil se mubaarken di। har bachcha har subject mein aage badhte chalo,baapdaada har bachche ke saathi hain। abhi aaj ke din baapdaada bhi aaye hue sammukh ek-ek bachche ko dil ki duaaon ke saath mubaarak de rahe hain। mubaarak ho, mubaarak ho। holi, jo second beeta woh second ke liye kya kahenge?holi, ho liya। har ek bachcha amritvele se leke apne-apne samay pramaan mubaarko ke geet, dil ke geet, mukh se gaate nahi lekin dil mein mubaarkon ke geet baapdaada ke kaano mein sunaai diye। to baapdaada bhi ek-ek bachche ko sammukh mubaarak ka respond de rahe hain, har bachche ko dil ki duaaon ke saath,dil ke pyaar ke saath mubaarak ho, mubaarak ho, mubaarak ho।

aaj ke din se roj amritvele apne purushaartha pramaan baap ki duaayen sveekaar karna। baap ki duaayen kya hain?baapdaada har bachche ko teevra purushaarthi swaroop mein dekhne chaahte hain। koi bhi baate aaye,baato ka kaam hain aana lekin aap bachchon ka kaam hain baap ke dil ki duaayen lena। roj amritvele apne ko baap ki duaayen sveekaar karna। saara din aise anubhav karo ki baapdaada hamaare rakshak ban saath mein hain aur baap ke saath ka arth kya hai?baap jo kahe,amritvele jo murli sunte ho usmein yaad pyaar ke saath duaayen hain hi। to roj duaayen lete udte chalo aur udaate chalo। to holi manaana arthaat beeti ko aur vartamaan ko sada saphalta swaroop banaana hain। saphalta swaroop hain,saphalta hamaare janma ka vardaan hai। us smriti se din ko baar-baar yaad karo,baapdaada ka vardaan hai - saphalta har bachche ke saath hai kyonki baapdaada saath hai to saphalta sada ek-ek bachche ke saath hai, sirf usko practical mein laana hai। hai hi saphalta swaroop। swaroop hi saphalta hain। to aaj ke din yahi vardaan smriti mein rakhna ki saphalta hamaara janma siddha adhikaar hai। yeh smriti asphalta ki baat ko bhi saphal bana degi। to aaj ke din ko sada saphalta swaroop hoon,yeh aaj ke din ka baapdaada ka vardaan saphalta menra janma siddha adhikaar hai,yeh sada smriti mein rakhna।

to aaj holi arthaat beeti so beeti। holi arthaat beeti। to jo bhi kuchh kiya usko aaj beeti so beeti kar aage ke liye saphalta menra janma adhikaar hai, amritvele roj is vardaan ko smriti mein rakh saara din check karna aur saphalta swaroop banna। abhi to bahut knowledgeful bane ho,duniya ko paigaam dete ho aur baapdaada bhi har bachche ko yeh vardaan dete hain ki saphalta aapka janma ka adhikaar hai। to amritvele ka saphalta mera janma siddha adhikaar hai, isko roj smriti mein rakhna aur practical mein agar koi bhi baat aave to saphalta ke vardaan ko yaad karna aur practical mein laana।

aaj ke holi ke din ka vishesh vardaan hai

baap samaan,brahma baap samaan sampanna banna hi hai। follow father। kyonki brahma baap saakaar roop mein the, abhi bhi madadgaar hain isliye follow brahma baap। saphalta mera janma adhikaar hain। adhikaari ho na!adhikaari ho?haath uthaao। to jahaan saphalta adhikaar hai vahaan maaya ki kya badi baat hai!maaya ke khel dekhte raho, maaya ka kaam hai aana aapka kaam kya hai? vijay praapta karna। yeh sada yaad rahe, saphalta ke vijayi ratna hoon। ho sakta hai na! ho sakta hai? saphalta ke adhikaari hain na!achha।

aaj ki bahut-bahut-bahut mubaarak ho। sab theek hain। haath uthaao। aise aise uthaao। bahut achha lag raha hain। baapdaada bhi bahut-bahut mubaarkon ka tokra bharke de rahe hain। kuchh bhi ho, yaad rakhna baap ki saugaat chhodna nahin। achha।

chaaron or ke desh videsh ke bachchon ko aaj ke din ki mubaarak ho, mubaarak ho,mubaarak ho।

seva ka tarna dilli aur aagra ka hai:- (is tarna mein total25 hajaar aaye hai, 14 hajaar dilli aagra ke hain)bahut achha। dehli ko yahi vardaan hai, daamaanusaar ki hamaare raajya mein bhi dilli vishesh sthaan rahega। jahaan lakshmi naaraayan ka raajya hoga। phoren vaale kya soch rahe hain?phoren vaale yeh soch rahe hain ki ham bhi dilli ke honge। kahaan bhi ho lekin dilli to mukhya rahega to aana jaana to hoga na। function mein to aayenge na! milte rahenge। dance karte rahegen। maje se raajya karte rahegen। abhi sangamayug ka saath vahaan bhi rahega। jitne najdeek avastha anusaar abhi honge utna hi vahaan bhi parivaar ke najdeek honge। phoren vaale kahaan aayenge? dilli mein aayen। sab mil karke bahut achha raajya karenge। achha।

double videshi:- double videshiyon ne to aadha haal bhar diya hai। achha hai। abhi bhaarat vaalon jaisa videshi bhi har desh se aate apna laabh uthaate hain। achha hai। bhale aaye, aur jaake auron ko bhi saath laayenge। achha।

achha -ek-ek bachche ko baapdaada dil ka pyaar dete hue good night kar rahe hain। achha hai, double foreigners ne unnati achhi ki hain। purushaartha mein bhi kahaan-kaho bahut achhe atensan mein hain,baapdaada un bachchon ko khaas ek-ek ko yaad aur pyaar de rahe hain।

daadiyaan - sabhi achha sambhaal rahe hain। nimitta banke kaarya kar rahe hain, achha kar rahe hain,karte rahenge।

mohini vahan:- ek-ek ko vardaan hai। vardaan chala raha hai aur pahuch jaayenge saath mein। raajya karenge na saath mein। aaj sab taraph ki daadiya aai hain।

rookamni daadi:- abhi bhale nahi dekhti ho lekin buddhi saalim hain iseelie abhi bhi jo kuchh chalta hai woh jaanti bhi ho,chalti bhi ho,chalaati bhi ho। theek hai। mubaarak ho। achha।

teenon bade bhaaeeyon se:- trimoorti saare yagya ka dhyaan rakhte hain। yeh trimoorti yagya ki rekh-dekh karne ke nimitta bane hue hain aur saathi bhi hain,yeh bhi hain। saathi bhi bahut achhe hain। jaise chala rahe ho woh bhi theek hai aur ek do ke najdeek aao।

sanskaar mein najdeek aao। vaise najdeek ho lekin sanskaar milaane mein yeh bhi dhyaan rakho। aise lage teen nahi hain lekin ek hain। saathi to aur bhi bahut achhe hain। baapdaada ke paas koi report nahi hain, achhe hain lekin aur bhi achha banaana hai। yagya ki kaarobaar ekdam achhi chal rahi hai, koi baat nahi hain,atensan de rahe hain aur aage bhi dete rahenge। har ek ne jo duty li hai, woh achhi sambhaal rahe hain। baapdaada khush hai।

haridvaar mein santa sammelan hone vaala hain,aapki koi prerna ho:- kabhi bhi aise dhaarmik sthaan par jaate hain to unhon ke prati shubh bhaavna rakh unki mahima bhi karni chaahiye, jo woh samjhen yeh hamaare ko regard dete hain। achha hai।

ramensh bhaai ne bahuton ki yaad di:- sabhi ko kehna baapdaada ne yaad diya hai।

gujraat mein sarla deedi ka amrit mahotsav sabhi ne khoob dhoomdhaam se manaaya hai:- achha hai। janma se hi vardaani rahi ho। abhi vardaan to aapke gale ka haar ho gaye hain isliye jaise nimitta banke chal rahe hain vaise aur bhi aage badhaate jaao,badhaate jaao,badhaate jaao। achha।

amar behen:- yeh bhi achha saath de rahi hai। achha hai, dono hi achhe hain।

achha -ek-ek ko baapdaada yaad pyaar vishesh de rahe hain। stage par aayenge to ghamsaan ho jaayega lekin baapdaada door se hi ek-ek ko drishti aur pyaar de raha hai।

(baba agli season mein aayenge na)

sangamayug hai saath rahne ka,saath chalne ka,saath raajya karne ka। baap chaahe saakaar mein saath nahin rahegen(shivbaaba satayugi raajya mein saath nahin rahege)lekin saath mein aapke raajya ki prernaayen dete rahegen। (rath ko bhi theek rakhna)rath ko theek rakhenge। achha।

rukamni behen ne deedi nirmalshaanta ji ki yaad di, aaj deedi ka punyasmriti divas hai:- jahaan bhi hai, bachchi khush hai aap bhi khush raho। (baba patna seva par ja rahi hoon) achha hai aage badhti raho।

"the future aaph power ke programme bhaarat ke 35 shahro mein hue hain,is uplakshya mein bahut sundar cake banaaya hai,jise baapdaada aur varishtha daadiyaan va bhaaeeyon ne kaata।"