Avyakt murli for Sunday 16 October 2016

> 16-10-16om shanti“avyaktabaapdaada”madhuban

''om shanti shabd ke arth swaroop mein tikkar man ki dance badhaao, man ke maun ki aadat daalo to mukh ke aavaaj se door hote jaayenge aur shanti ki kirnon se seva svatah badhti jaayegi''

om shanti। yeh mahaavaakya kitne sabhi ke pyaare hain। bhale kuchh bhi ho lekin om shanti shabd rone ka vaayumandal ho, to bhi om shanti shabd hamaare ko shanti ki yaad dilaata hai। om shanti kahne se hi kaisa bhi drishya saamne aave lekin om shanti ka arth apna hi roop dikhaata hai। om shanti kehna svatah hi andar shanti ki lahar phailaata hai। sabke dil mein om shanti apna hi arth phailaata hai। jaise baba shabd apna arth phailaata hai, aise om shanti ke shabd se apna hi arth dil mein phailta hai। dil mein phailaata to hai lekin phailaate hue us arth swaroop mein sthit ho jaate, sirf kehte nahin hain lekin chaaron or dekho to om shanti ke arth swaroop mein majority tike hue hain। majority ke roop chamak rahe hain। ek do ko dekh, ek do ke sang ka rang chehre mein chamakta rehta hai isliye baapdaada bhi om shanti hi yaad dilaata hai। har ek ke mukh mein andar om shanti ka arth dikhaai de raha hai। har ek ke dil andar om shanti ka arth swaroop dikhaai de raha hai। aap sabke dil andar arth aa gaya! har ek om shanti ke arth swaroop mein dikhaai de raha hai, koi bol raha hai, dekh raha hai om shanti।

abhi bhi sabhi is ghadi om shanti ke arth swaroop mein bahut arth mein magan hain। to baap bhi kehte hain isi om shanti arth mein tikne se, sabki shaklen majority om shanti ke arth mein magan hain। aage peechhe haath kya uthaayen lekin majority sab is arth swaroop mein samaaye hue hain। sabke mukh se om shanti hi nikal raha hai। sabhi ke dil mein om shanti shabd samaaya hua hai। sabhi ke man mein yeh arth emerge hai। sabhi us om shanti ke arth mein man ki dance kar rahe hain। bhale paanv ki dance nahin kar rahe hain lekin man ki dance majority kar rahe hain aur yeh man ki dance kitni pyaari hai। kisi ko pareshaan nahin karti। har ek apne man ki shanti hone ke kaaran bahut baahar se bhi shant, man se bhi shant। aise double om shanti, baahar mukh se bhi om shanti aur man se bhi om shanti। yeh bhi ek dance hai। yeh man ki dance hai। shanti mein baithe kitni meethi dance kar rahe hain। lekin man ki dance hone ke kaaran baahar ka aavaaj nahin hai। har ek apne man ki dance mein busy hai isliye man ka aavaaj hai lekin mukh ka aavaaj nahin hai। itne log hote bhi najdeek tak koi aave tab sun sakta hai kyonki man ki dance man hi jaane। aur is man ki dance mein itne busy hain jo is man ki dance mein baahar kitne bhi baithe hain lekin man shant hai। man ki masti mein sab magan hain isliye yeh man ki dance mein baahar ka aavaaj nahin karte lekin yeh man ki dance man mein itne rang dikhaati jo bahut pyaare hain। yeh man ka dance jab bhi hota hai to baahar ki aavaaj kuchh nahin। har ek itne baithe hain lekin aavaaj nahin hai kyonki man ki dance mein sab busy hain। yeh dance achhi lagti hai na। baahar ki dance to bahut hi dekhi hai lekin yeh man ki dance bahut ramneek hai। is dance ko jyaada badhaao। man ki dance jaante ho na! jaante ho? jo jaante hain woh haath uthaao। achha, sabhi jaante hain। bahut achha haath bhi utha rahe hain। to abhi is dance mein number aage jaao। yeh man ki dance achhi lagti hai va mukh ki dance achhi lagti hai? abhi aadat daalo man ke dance ki। ismen hi busy rahne se, man ki dance karne ke time yahaan haal mein kitni shanti ho jaati hai। lekin yeh dance abhi jyaada aavashyak hai kyonki dinapratidin baahar ka hangaama to badhta hai, badhna hi hai। aise time par baahar ki dance ya baahar ki aavaaj mein aana woh bhi achha hai lekin man ke dance ki practice bahut chaahiye। iski andar hi andar practice honi chaahiye। saare din mein iska time pahle nikaalo। har ek poore din mein donon hi dance ka time nikaalo aur practice karo। jitna yeh dance karte rahenge to is dance se, man ki dance ka prabhaav, mukh ki dance mein bhi padta rehta hai। to abhi man ka dance badhaao। phir bahut roochi badhti jaayegi। abhi baap ne dekha to kaeeyon ka man ki dance mein interest badhta jaata hai aur chaaron or sachchi shanti ki anubhooti ho rahi hai। kaeeyon ka anubhav ismen bahut achha badhta ja raha hai। yeh abhyaas badhna bahut phaayde vaala hai। jo baahar maun ka programme banaate ho to usmein bhi man ki shanti badhti hai aur man ki shanti badhne se automatically mukh ka bol bhi kam hone laga hai। to har ek ko abhi is samay kya attention dena hai! man ke maun par। man ka maun, man ka maun aap jaante ho! ki itna nahin jaante ho? shauk rakho is par, man ka maun badhta jaae। man ka maun badhne se tan ka maun svatah hi badhta jaata hai। ismen aap sabhi apne andar man ka maun badhaane ka purooshaartha pyaar se badhaate chalo। jitna is taraph koshish karenge, roochi badhegi to svatah hi man ke maun hone se aavaaj se door hote jaayenge aur andar shanti ki kirnen badhti jaayengi। to abhi ek saptaah vishesh man ki shanti ka yeh ek saptaah manaao। mukh ki shanti ghataao, man ki shanti badhaao। to yeh trial karo man ki shanti se sab prakaar ki shanti badhti jaayegi। abhi ek maas man ki shakti ko badhaana hai। man ki shanti badhne se automatically mukh ki shakti badhti rahegi। yeh practice sabhi ko achhi lagti hai! haath uthaao। achha, haath to sabhi ne uthaaya hai majority।

abhi yeh man ki shakti kya hai! aur usko kaise badhaana hai, yeh bhi andar hi andar abhyaas karte raho, aur yeh man ki shanti ka lesson badhaate raho। jitni man ki shanti badhegi utni hi man ki shanti ka prabhaav mukh ki shanti par bhi padega aur jitni man ki shanti badhegi utni mukh ki shakti baahar ki woh kam hogi। aajkal beech mein bahut achhi yeh race chali thi, man ki shanti sabki badh gai thi, chaahe mansa sochne ki shakti, chaahe mukh dvaara chaahe sookshm shakti badhne ke abhyaas dvaara jitna badhaayenge utna hi shakti badh karke mukh ki shakti kam hogi to kaaphi bol mein jo neeche oopar hota hai, ya bol ke liye purooshaartha karte hain woh dekha gaya ki kam hota hai। to woh karte chalen, yahi baapdaada ka kehna hai।

seva ka tarna, panjaab aur raajasthaan ka hai, total 22000 aaye hain:- vaise totli abhi jo subject chali hai, seva aur yaad, yeh do subject hain। abhi seva ko bhi badhaana hi hai। aap kya samajhte ho, seva ko badhaayen? haath uthaao। seva bhi zaroori hai। agar seva nahin karenge to yahaan vahaan time aise hi chala jaayega kyonki time to paas karna hi hai aur achha time paas karna hai, jo aaya so kiya, nahin। kaayde mujeeb jaise programme mile usi anusaar result nikalni chaahiye।

ramesh bhaaeeki tabiyat dheeli hai unhein hospital lekar ja rahe hain, woh baapdaada se mil rahe hain, ramesh bhaai ne baapdaada ko nai pustaken bhent ki:- om shanti। saarvis ka to chal hi raha hai aur saarvis bhi zaroori hai। saarvis ke bina aap bhi free ho jaayenge na to aapko bhi aur aur sankalp chalenge ki kuchh hona chaahiye lekin pahle abhi jo saarvis ke plan ke baare mein nikla hai, to baapdaada ka yahi vichaar hai ki pahle jo seva rahi hui hai unko poora karo। aise shuru karte hain phir kuchh samay ke baad woh josh jo hai saarvis karne ka woh kam ho jaata hai।

achha hai, ramesh aapka vichaar to badhiya hai lekin ismen karne ke samay kuchh vishesh dhyaan bhi rakhna padega, woh thoda aapas mein baithkar iske baare mein charcha karo, to woh kaise chalaayen aur kaise uski vriddhi ho। jyaada too much mein bhi nahin jaana hai aur na ekdam kam kar dena hai। beech mein chaahiye donon taraph isliye pahle ek chhoti meeting karo, usmein idea banaao kya-kya karna hai, kya nahin karna hai, woh har ek apna vichaar deve us par pahle plan banaao kyonki saarvis sabhi ki badhaayen ya nahin, yeh pata pad jaayega।

double videshi 75 deshon se 900 aaye hain:- (baapdaada ko saarvis ka plan bheja hai, baapdaada us par apne mahaavaakya uchchaaran kar rahe hain) inka saarvis ka plan badhiya hai। jitna saarvis mein aage badhte hain utna hi phir aur subject mein bhi peechhe nahin rahen। uska phir milkar plan banaayenge tabhi final karenge। pahle jinhonne saarvis ka plan banaaya hai usko pahle suno aur use final kar sako to karo, nahin to addition karni ho to addition ki bhi rooprekha bataao phir uska sochkar saarvis ka bhi banaao aur yog ka bhi banaao। yeh donon topic zaroori hai usko banaakar phir yeh plan jo hai usko final karo to ismen kya karna hai, kya nahin karna hai। jo samajhte ho ki yeh seva zaroori hai woh plan banaake pahle paas karaao phir out karna। (daadiyaan baapdaada se mil rahi hain)

baba aapka to pahle saarvis bhi aapki, kyonki baba ko shauk hai seva ka। seva ki taraph hi attention jaata hai isliye seva bhi karni hai aur saath mein yeh jo seva hai, usko badhaana bhi hai। ek taraph baba kehte hain badhaao, doosre taraph kehte hain itni seva nahin karo jo sambhaal nahin sako। yeh bhi pahle system theek karo। system theek ho jaayegi to phir automatically sab department mein woh theek hogi। lekin dhyaan jaae to ek-ek department ko jaise aap nikaalenge vaise hi karna hai ya kuchh add karna hai ya kat karna hai। woh bhi pahle final karna hai।

videsh ki badi bahinon se:- sabhi aaye hain। to aapas mein baithe hain! aapne apna plan bana diya hai? (abhi banaayenge) to pahle banaao phir baapdaada dekhenge ki kya-kya ho sakta hai aur phir is seva ko, jaise itna time aapne diya na, to itna time sabhi ko nikaalna hi padega kyonki woh repeat to karenge na। usmein bhi bahut karke em rakho saarvis jo mukhya hai woh bata do phir double baari nahin baithen। jo saarvisaebul hain jo saarvis ke liye sochte hain, aaye bhi saarvis ke plan ke liye hain। to jitna saarvis ke oopar attention dena hai utna saarvis ka phaayda utha saken। aapas mein baithkar koi naveenta nikaalo। yeh sab jo chalta hai usko thoda theek karo aur koi naveenta nikaalo।

jarmani mein retreat centre mila hai, sudesh behen baba ko uska naksha dikha rahi hain:- bhale sabhi dekho, phir final karo।

(Newyork ki mohini behen ne sabhi ki yaad baapdaada ko di, mohini behen ki platinum jubilee hai, baapdaada unhein haar pahna rahe hain।)

Bangalore ki sarla daadi baapdaada ko guldasta de rahi hain:- tabiyat theek hai। achha hai।