Avyakt murli for Friday 18 January 2019

> om shanti 18-1-19 madhuban

praanapyaare avyakt baapdaada ke ati snehi, sada lavleen sthiti mein rah buddhi ke vimaan se, madhuban ke chaaron dhaamon ki tatha avyakt vatan ki sair karne vaale double light pharishta swaroop nimitta teachers bahinen tatha sarva brahman kul bhooshan bhaai bahinen,

eeshvareey sneh sampanna madhur yaad sveekaar karna ji।

baad samaachaar - sabhi brahma vatsa pyaare brahma baba ka yeh 50 vaan smriti divas so samarthi divas bahut sneh aur shraddha ke saath mana rahe hain। chaaron taraph baba ke sabhi bachche amritvele se hi vishesh yog abhyaas mein bahut meetheemeethi roohrihaan karte, vardaanon se apni jholi bharte hain। is din madhuban ka nazaara to bahut alaukik aakarshan karne vaala hota hai। hajaaron bhaai bahinen savere se hi chaaron dhaamon ki parikrama lagaate pyaar ke saagar mein lavleen rehte hain। is baar baba milan ke is seva tarna mein mahaaraashtra - aandhra pradesh, telangaana ke bhaai bahinen pahunche hue hain। unke saath anya zone ke bhaai bahinen bhi vishesh smriti divas nimitta aaye hue hain। double videshi bhaai bahinen bhi 400 ke kareeb hain। is prakaar 18-19 hajaar bhaai bahinon ka vishaal sangathan hai। usmein se 5-6 hajaar bhaai bahinen savere-savere apne-apne saadhnon se paandav bhavan pahunch gaye। sarva pratham pyaare baapdaada ke vishesh saakaar va avyakt madhur mahaavaakya class mein sune। phir pyaare baapdaada ko shashi behen ne bhog lagaaya। sandesh sunne ke baad sabhi mukhya daadiyaan tatha varishtha bhaai bahinen om shanti bhavan mein baba ke kamre se hote hue shanti stambha par pahunche। jahaan baba ki yaadon ke madhur geet, madhur vaani group ne gaakar sabhi ko bhaav vibhor kar diya। phir to lambi kataar mein sabhi chaaron dhaamon ki yaatra karte praanapyaare baba ko apne sneh suman arpit karte, unki sakaash evan vardaanon se apni jholi bharte rahe। har varsha ki bhaanti is varsha bhi kalkatta baangur sevaakendra ke 700 bhaai bahinen phoolon se shringaar karne madhuban pahunche hain। sabhi ne bahut pyaar se madhuban ke chaaron dhaamon ko sundar dijaain mein sugandhit phoolon se sajaaya hai। iske alaava anya sabhi baba ke darshaneey sthalon ko bhi sundar phool maalaaonse sajaaya gaya hai।

shaantivan mein bhi amritvele se hi sabhi bhaai tapasya dhaam mein aur bahnen baba ke kamre mein nambarvaar jaate rahe। uske baad sabhi halka naashta karke diamond haal mein pahunche, jahaan yog abhyaas ke saath aadarneey nirvair bhaai ji ne saakaar baba ke ang-sang ke bahut sundar anubhav sunaaye tatha baba ke jeevan charitron par vishesh prakaash daala। uske baad pyaare baapdaada ko bhog sveekaar karaaya gaya phir sabhi ne brahma bhojan kiya। paandav bhavan mein dophar tak sabhi chaaron dhaamon ki yaatra karte shaantivan vaapas aa gaye। aaj smriti divas par jo pyaare baapdaada ke mahaavaakya ham sabne video dvaara sune hain, woh aap sabke paas bhej rahe hain। apni classes mein sabko refresh karna ji।

18-1-19 om shanti ''avyakt-baapdaada'' revise video 18-01-07

''ab svayan ko mukta kar master muktidaata ban sabko mukti dilaane ke nimitta bano''

aaj sneh ke saagar baapdaada chaaron or ke snehi bachchon ko dekh rahe hain। do prakaar ke bachche dekh-dekh harshit ho rahe hain। ek hain lavleen bachche aur doosre hain lovely bachche, donon ke sneh ki lahren baap ke paas amritvele ke bhi pahle se pahunch rahi hain। har ek bachche ke dil se automatic geet baj raha hai - ''mere baba''। baapdaada ke dil se bhi yahi geet bajta -''mere bachche, laadle bachche, baapdaada ke bhi sirtaaj bachche''। aaj smriti divas ke kaaran sabke man mein sneh ki lahar jyaada hai। anek bachchon ki sneh ke motiyon ki maalaayen baapdaada ke gale mein piro rahi hain। baap bhi apne snehi baanhon ki maala bachchon ko pahna rahe hain। behad ke baapdaada ki behad ki baanhon mein sama gaye hain। aaj sab vishesh sneh ke vimaan mein pahunch gaye hain aur door-door se bhi man ke vimaan mein avyakt roop se, pharishton ke roop se pahunch gaye hain। sabhi bachchon ko baapdaada aaj smriti divas so samartha divas ki padmaapdam yaad de rahe hain। yeh divas kitni smritiyaan dilaata hai aur har smriti second mein samartha bana deti hai। smritiyon ki list second mein smriti mein aa jaati hai na। smriti saamne aate samarthi ka nasha chadh jaata hai। pahli-pahli smriti yaad hai na! jab baap ke bane to baap ne kya smriti dilaai? aap kalpa pahle vaali bhaagyavaan aatma ho। yaad karo is pahli smriti se kya parivartan aa gaya? aatma-abhimaani banne se parmaatma baap ke sneh ka nasha chadh gaya। kyon nasha chadha? dil se pahla sneh ka shabd kaun sa nikla? ''mera meetha baba'' aur is ek golden shabd nikalne se nasha kya chadha? saari parmaatma praaptiyaan mera baba kahne se, jaanne se, maanne se aapki apni praaptiyaan ho gai। anubhav hai na! mera baba kahne se kitni praaptiyaan aapki ho gai! jahaan praaptiyaan hoti hain vahaan yaad karni nahin padti lekin svatah hi aati hai, sahaj hi aati hai kyonki meri ho gai na! baap ka khajaana mera khajaana ho gaya, to meraapan yaad kiya nahin jaata hai, yaad rehta hi hai। mera bhulaana mushkil hota hai, yaad karna mushkil nahin hota। jaise anubhav hai mera shareer, to bhoolta hai?bhulaana padta hai, kyon? mera hai na! to jahaan meraapan aata hai vahaan sahaj yaad ho jaati hai। to smriti ne samartha aatma bana diya - ek shabd ''mera baba'' ne। bhaagya vidhaata akhut khajaane ke daata ko mera bana liya। aisi kamaal karne vaale bachche ho na! parmaatma paalna ke adhikaari ban gaye, jo parmaatma paalna saare kalpa mein ek baar milti hai, aatmaayen aur dev aatmaaonki paalna to milti hai lekin parmaatma paalna sirf ek janma ke liye milti hai। to aaj ke smriti so samarthi divas par parmaatma paalna ka nasha aur khushi sahaj yaad rahi na! kyonki aaj ka vaayumandal sahaj yaad ka tha। to aaj ke din sahajyogi rahe ki aaj ke din bhi yaad ke liye yuddha karni padi? kyonki aaj ka din sneh ka din kahenge na, to sneh mehnat ko mita deta hai। sneh sab baaten sahaj kar deta hai। to sabhi aaj ke din vishesh sahajyogi rahe ya mushkil aai? jisko aaj ke din mushkil aai ho woh haath uthaao। kisko bhi nahin aai? sab sahajyogi rahe। achha jo sahajyogi rahe woh haath uthaao। (sabhi ne uthaaya) achha - sahajyogi rahe? aaj maaya ko chhutti de di thi। aaj maaya nahin aai? aaj maaya ko vidaai de di? achha aaj to vidaai de di, uski mubaarak ho, agar aise hi sneh mein samaaye raho to maaya ko to vidaai sada ke liye ho jaayegi। baapdaada is varsha ko nyaara varsha, sarva ka pyaara varsha, mehnat se mukta varsha, samasya se mukta varsha manaane chaahte hain। aap sabhi ko pasanda hai? pasanda hai? mukta varsha manaayenge? kyonki muktidhaam mein jaana hai, anek duhkhi ashaanta aatmaaonko muktidaata baap se saathi ban mukti dilaana hai। to master muktidaata jab svayan mukta banenge tab to mukti varsha manaayenge na! kyonki aap brahman aatmaayen svayan mukta ban anekon ko mukti dilaane ke nimitta ho। ek bhaasha jo mukti dilaane ke bajaae bandhan mein baandhati hai, samasya ke adheen banaati hai, woh hai aisa nahin, vaisa। vaisa nahin aisa। jab samasya aati hai to yahi kehte hain baba aisa nahin tha, vaisa tha na। aisa nahin hota, aisa hota na। yeh hai bahaane baaji karne ka khel। baapdaada ne sabka file dekha, to file mein kya dekha? majauriti ka file pratigya karne ke paper se bhara hua hai। pratigya karne ke time bahut dil se karte hain, sochte bhi hain lekin abhi tak dekha ki file bada hota jaata hai lekin final nahin hua hai। dridh pratigya ke liye kaha hua hai - jaan chali jaae lekin pratigya na jaae। to baapdaada ne aaj sabke file dekhe। bahut pratigyaayen achhi-achhi ki hai। man se bhi ki hai aur likh karke bhi ki hai। to is varsha kya karenge? file ko badhaayenge ya pratigya ko final karenge? kya karenge? pahli line vaale bataao, paandav sunaao, teachers sunaao। is varsha jo baapdaada ke paas file bada hota jaata hai, usko final karenge ya is varsha bhi file mein kaagaj add karenge? kya karenge? bolo paandav, final karenge? jo samajhte hain - jhukna pade, badalna pade, sahan karna bhi pade, sunna bhi pade, lekin badalna hi hai, woh haath uthaao। dekho T.vi. mein sabka photo nikaalo। sabhi ka photo nikaalna, do teen chaar T.vi. hain, sab taraph ke photo nikaalo। yeh record rakhna, baap ko yeh photo nikaal ke dena। kahaan hai T.vi. vaale? baapdaada bhi file ka phaayda to uthaave। mubaarak ho, mubaarak ho, apne aapke liye hi taali bajaao। dekho, jaise ek taraph science, doosre taraph bhÏshtaachaari, teesre taraph paapaachaari, sab apne-apne kaarya mein aur vriddhi karte ja rahe hain। bahut naye-naye plan banaate jaate hain। to aap to world creator ke bachche ho, to aap is varsha aisi naveenta ke saadhan apnaao jo pratigya dridh ho jaae kyonki sabhi pratyakshata chaahte hain। kitna kharcha kar rahe hain, jagah-jagah par bade-bade programme kar rahe hain। har ek varga mehnat achhi kar rahe hain lekin abhi is varsha yeh addition karo ki jo bhi seva karo, maano mukh ki seva karte ho, to sirf mukh ki seva nahin, mansa vaacha aur sneh sahayog roopi karma ek hi samay mein teen sevaayen ikatthi hon। alag-alag nahin hon। ek seva mein dekha jaata hai ki jo baapdaada result dekhne chaahte hain woh nahin hoti। jo aap bhi chaahte ho ki pratyakshata ho jaae। abhi tak pahle se yeh result bahut achhi hai - sab achha-achha, bahut achha kahke jaate hain। lekin achha banna arthaat pratyakshata hona। to ab addition karo ki ek hi samay par mansa-vaacha, karmana mein snehi sahayogi banna, har ek saathi chaahe brahman saathi hain, chaahe baahar vaale seva ke nimitta jo bante hain, woh saathi hon lekin sahayog aur sneh dena - yeh hai karmana seva mein number lena। yeh bhaasha nahin kehna, yeh aisa kiya na, tabhi aisa karna pada। sneh ke bajaae thoda-thoda kehna pada, baba shabd nahin bolta। yeh karna hi padta hai, kehna hi padta hai, dekhna hi padta hai… yeh nahin। itne varshon mein dekh liya, baapdaada ne chhutti de di। aisa nahin vaisa karte rahe, lekin abhi kab tak? baapdaada se sabhi roohrihaan mein majauriti kehte hain baba aakhir bhi parda kab kholenge? kab tak chalega? to baapdaada aapko kehte hain ki yeh puraani bhaasha, puraani chaal, albelepan ki, kaduvepan ki kab tak? baapdaada ka bhi question hai kab tak? aap uttar do to baapdaada bhi uttar dega kab tak vinaash hoga kyonki baapdaada vinaash ka parda to abhi bhi isi second mein khol sakta hai lekin pahle raajya karne vaale to taiyaar hon। to ab se taiyaari karenge tab samaapti sameep laayenge। kisi bhi kamjori ki baat mein kaaran nahin bataao, nivaaran karo, yeh kaaran tha na। baapdaada saare din mein bachchon ka khel to dekhte hain na, bachchon se pyaar hai na, to baar-baar khel dekhte rehte hain। baapdaada ki T.vi. bahut badi hai। ek samay par world dikhaai de sakti hai, chaaron or ke bachche dikhaai de sakte hain। chaahe America ho, chaahe gudgaanv ho, sab dikhaai dete hain। to baapdaada khel bahut dekhte hain। taalne ki bhaasha bahut achhi hai, yeh kaaran tha na, baba meri galti nahin hai, isne aisa kiya na। usne to kiya lekin aapne samaadhaan kiya? kaaran ko kaaran hi banne diya ya kaaran ko nivaaran mein badli kiya? to sabhi poochhte hain na ki baba aapki kya aasha hai? to baapdaada aasha suna rahe hain। baapdaada ki ek hi aasha hai - nivaaran dikhaai deve, kaaran khatma ho jaae। samasya samaapta ho jaae, samaadhaan hota rahe। ho sakta hai? ho sakta hai? pahli line - ho sakta hai? kaandh to hilaao। peechhe vaale ho sakta hai? (sabhi ne haath uthaaya) kyonki saath chalna hai na। akela baap jaane chaahe to chala jaae lekin baap ja nahin sakta। saath chalna hai। vaayda hai baap ka bhi aur aap bachchon ka bhi। vaayda to nibhaana hai na! nibhaana hai na! yeh madhuban vaale baithe hain na! madhuban mein jo bhi charge ke heads hain, chaarjez to bahut hain na, shaantivan, gyaan sarovar, paandav bhavan sab jagah hain। to jo charge vaale hain unke naamon ki list baapdaada ko dena, unse hisaab lenge। aur jo sabhi teachers incharge hain, centre incharge hain ya zone incharge hain, unhon ka ek din sangathan karenge, hisaab-kitaab to poochhenge na! kyonki baapdaada ke paas bahut duhkh aur ashaanti ke aavaaj aate hain। pareshaani ke aavaaj aate hain। aap logon ke paas nahin sunne aate? aapke bhi to bhakta honge na! to bhakton ki pukaar aap ishta devon ko nahin aati? teachers ko bhakton ki aavaaj sunaai deti hai। achha।

mahaaraashtra zone, bambai aur aandhrapradesh ke sevaadhaari:- achha sabhi chance achha le lete hain। naam hi mahaaraashtra hai। achhi sankhya aai hai। to mahaaraashtra arthaat mahaan aatmaaonka raashtra hai। achha hai, mahaaraashtra mein bhi vriddhi achhi ho rahi hai। abhi mahaaraashtra ka tarna hai to mahaaraashtra kyon nahin number one mein baap ke sneh ka return deve। baapdaada ne suna diya hai - baapdaada ke sneh ka return hai - svayan ko aur vishwa ko tarna karna। bas return mein ri nikaal do to tarna ho jaayega kyonki baapdaada ko bachchon mein bahut-bahut, achchheeachchhi ummeeden hain, ummeendavaar ho। to kya karega mahaaraashtra? return dega? achha hai, achhe achhe mahaarthi hain mahaaraashtra mein। sangathit roop mein meeting karo, baapdaada ne dekha hai chaaron or mahaaraashtra mein ummeendavaar sitaare hain। jo chaahe woh kar sakte hain। to aise sangathit roop mein programme karna aur naya koi plan banaana, kar sakte hain। mahaaraashtra kar sakta hai। karenge na! are naam hi mahaaraashtra hai to mahaan kaarya karna hi hai na! kya samajhte hain paandav? karenge? paandav sena karenge, shakti sena karenge? teachers bhi bahut hain। bahut achha hai।

double videshi:- baapdaada ne pahle bhi kaha to jab double videshi aate hain to madhuban ka shrringaar ho jaata hai। double videshiyon se sabhi ka pyaar bahut hai। jab bhi aapke group ko dekhte hain na to sabhi khush ho jaate hain kyonki aap bhi koton mein koi, koi mein koi nikle ho aur aajkal videsh seva ki achhi news hai। achhe-achhe muslim dharma mein bhi sandesh de rahe hain। double videshiyon ki visheshta ek bahut achhi gaai hui hai ki double videshi agar kisi bhi kaarya mein lagenge to haan to haan, na to na। jis kaarya mein lagenge us kaarya mein vijayi bankar dikhaayenge। to aap jo bhi group mein hain woh vijayi group hai na। vijay ka tilak laga hua hai na। achha hai। to chaaron or ke snehi bachchon ko lovely aur lavleen donon bachchon ko, sada baap ke shreemat pramaan har kadam mein padam jama karne vaale naulejphul powerful bachchon ko, sada snehi bhi aur svamaandhaari bhi, sammaandhaari bhi, aise sada baap ki shreemat ko paalan karne vaale vijayi bachchon ko, sada baap ke har kadam par kadam uthaane vaale sahajyogi bachchon ko baapdaada ka yaadapyaar aur namaste।

nirvair bhaai ji ke udgaar:- daadi jaanki ji ki upasthiti mein mahaaraashtra zone vishesh aur uske alaava desh videsh ke sabhi bhaai bahnon ko aaj ke din ki bahut-bahut mubaarak ho, mubaarak ho। avyakt baapdaada ki murli sunte mera sankalp chal raha tha ki hamaari praan daadi guljaar ji ne 50 varsha se avyakt baapdaada ka rath bankar ham sabko gyaan, yog, dhaarnaaon se itna sajaaya hai। daadi ko saath dene vaali neelu behen aur unki saathi bahnon ne jinhonne daadi ko pyaar se sambhaala hai। sabhi ka bahut-bahut abhinandan। saath-saath hamaari rookamni daadi ne itni badi umra mein poore dilli zone ko sambhaalne ka kaarya bahut achhi tarah se sambhaala। daadi ne 16 taareekh raat ko 12.30 baje 100 ki umÏ poori karke, apna 100 vaambartha de manaakar avyakt baapdaada ki god mein sama gai। unko sambhaalne vaali seva saathi deepa behen aur unke saathiyon ne bhi bahut dil se unki seva ki hai, unke bhi ham aabhaari hain। daadi ji dvaara sikhaai hui jo niyam dhaarnaayen hain unse ham sabhi hamesha laabhaanvit hote rahenge।

aaj ka yeh 18 January ka din bahut mahatvapoorna din hai kyonki aaj avyakt part ki golden jubilee hai। daadi guljaar dvaara avyakt baapdaada ki paalna ka part aaj din tak chal raha hai। daadi jab yahaan aayengi to achhi tarah se ham sab unka sammaan karenge, abhinandan karenge aur apne dil ki bhaavnaayen pragat karenge। sabke dil ki duaayen to daadi ji ko sada mil hi rahi hain। aaj ki murli anusaar jo baba ne homework diya hai, saari murli ke saar mein baba ne ek baat kahi ki sankalp len ki humein baba ki shreemat par accurate chalna hai aur us sankalp mein dridhta laani hai। bina dridhta ke koi sankalp dhaarna mein nahin aata hai। ek baar agar ham dil mein nishchay pakka kar len, baba se nayan mulaakaat karte baba se yeh roohrihaan kar len ki baba aapki aagya sirmaathe। aaj se ham 100 pratishat aapki shreemat anusaar apni jeevan jiyenge aur poora dhaarnaaompar chalenge, aap hamse nishchint rahen aur aapki duaayen sada humein milti rahen। desh videsh ke sabhi bhaai bahinen aapas mein milkar baba ko pratyaksha karne ka mahaan kaarya kar rahe hain isliye sabko mubaarak hai। om shanti।