Avyakt murli for Friday 15 November 2019

> 15-11-2019 Avyakt BapDada 15-11-2019

praaneshvar avyakt baapdaada ke ati snehi, sada teevra purushaartha dvaara sampanna aur samaan ban saath chalne vaale, roohaani phakhur mein rah sada bephikra baadshaah ki sthiti ka anubhav karne vaale sarva brahman kul bhooshan bhaai bahinon prati,

eeshvareey sneh sampanna madhur yaad sveekaar ho।

baad samaachaar - aaj pyaare avyakt baapdaada ke avatran ki is season ka yeh doosra tarna Indore-chhatteesgadh (kamla behen) ka hai। kareeb 15-16 hajaar bhaai bahinen pyaare baapdaada se mangal milan manaane, apni jholi vardaanon se bharne ke liye pahunche hue hain। saath mein double videshi baba ke bachchon ko to har group mein vishesh lottery hai hi। unke liye gyaan sarovar mein kuchh din retreat evan gyaan yog ki gahri classes hoti hain। baapdaada ke avatran din par sabhi diamond haal mein sangathit roop mein shaam ke samay vishesh yog tapasya ke saath pyaare baapdaada ka aahvaan karte hain phir video dvaara jab avyakt mahaavaakya sunte hain to sabhi aise hi anubhav karte jaise baba ham sabke sammukh haazir naazir hai aur samay anusaar woh hamaare sankalpon ko catch kar vishesh vardaan dete shakti bhar rahe hain।

baba ka muskaraata hua chehra, unki roohaani drishti har bachche ko nazar se nihaal kar deti hai। aise lagta jaise direct aakaari roop dvaara yeh aakaari so niraakaari milan ho raha hai। sabhi tripta bharpoor hokar jaate hain। yeh bhi us pyaare jaadoogar baba ki jaadoogri hai jo saakaar mein na aate bhi vatan se apne bachchon ki paalna kar rahe hain। saath-saath anubhvi bhaai bahinon ki classes bhi milti hain। har ek gahan yog tapasya bhi karte hain। baapdaada ke avatran din par to bahut shaktishaali vaayumandal ban jaata hai। hamaari meethi daadi jaanki ji bhi roz shaam ke samay sabse milan manaati, sabmen umang-utsaah bhar deti hain। sangam par in daadiyon ki paalna bhi bahut shreshtha aur shaktishaali hai, jo sabhi bhaagyavaan aatmaon ko mil rahi hai। sabhi apni pyaari daadi guljaar ji ko bhi dil se duaayen dete hain, kaise baba ne daadi ji ke dvaara ham sabko anmol ratnon ka itna shreshtha khajaana diya hai। daadi ji bhal abhi tak mumbai mein hain lekin unki sookshm sakaash aur shubh bhaavnaayen shaantivan ke vaayumandal mein chaaron or phail jaati hain।

aaj jo ham sabne video dvaara mahaavaakya sune hain, woh aapke paas bhi bhej rahe hain, poore class ko refresh karna ji। achha - sabhi ko yaad… om shanti।

15-11-19 om shanti revise - video 15-12-11 madhuban

“sada phakhur mein rah bephikra baadshaah bano, teevra purushaartha dvaara sampanna aur samaan ban saath chalne ki taiyaari karo''

aaj baapdaada bephikra baadshaahon ki sabha dekh rahe hain। yeh sabha is samay hi lagti hai kyonki sabhi bachchon ne apne phikar baap ko dekar baap se phakhur le liya hai। yeh sabha abhi hi lagti hai। aap bhi har ek savere se uthte karma karte bhi bephikra aur baadshaah ban chalte ho na! yeh bephikra ka jeevan kitna pyaara lagta hai। bephikra ki nishaani kya dikhaai deti hai? har ek ke mastak mein light, aatma chamakti hui dikhaai deti hai। yeh bephikra jeevan kaise bani? baap ne sabhi bachchon ke jeevan se phikar lekar phakhur de diya hai, jinke jeevan mein phakhur nahin phikar hai unke mastak mein light nahin chamakti hai। unke mastak mein bojh ki rekhaayen dekhne mein aati hain। to bataao aapko kya pasanda hai? light ya bojh? agar koi bojh bhi aata hai to bojh arthaat phikar baap ko dekar phakhur le sakte hain। aap sabko bephikra life pasanda hai na! dekhne vaale bhi bephikra life pasanda karte hain।

to baapdaada aaj chaaron or ke bachchon ke chaahe sammukh hain, chaahe jahaan bhi baithe hain, bachchon ke mastak beech chamakti hui light hi dekh rahe hain। to sada bephikra rehte hain ya kabhi koi phikra bhi aata hai? hai koi phikar? jab baap ne prakritijeet, vikaaron jeet bana diya to phikar kaise aa sakta hai? to haath uthaao bephikar bane ho? bane ho sada? sada bane ho ya kabhi-kabhi? kabhi-kabhi vaale bhi hain? haath to nahin uthaate, baapdaada bhi nahin dekhne chaahte hain। baapdaada har bachche ko bephikra baadshaah dekhne chaahte hain। agar kabhi-kabhi vaale bhi hain to bahut sahaj vidhi hai jo bhi thoda bahut phikar aata hai to mere ko tere mein badal lo। yeh had ke merepan ko, mere ko tere mein badalne ki bahut sahaj vidhi hai, aap to kehte hi ho mera baba, to ab mera kya raha? had ka mera to samaapta hua na! mera baba ho gaya। sabhi dil se kehte ho na mera baba! pyaara baba! meetha baba! to mere mein tere ko samaana mushkil hai kya? pharka kya hai? te aur me, itna chhota sa pharka hai। sankalp kar liya sab tera aur mera kya raha? mera baba।

to baapdaada ne dekha majority bachchon ne had ke mere ko tera banaaya hai isliye kya ban gaye? bephikra baadshaah। to aaj baapdaada bachchon ko bephikra baadshaah swaroop mein dekh rahe hain। dekho, bhakti maarga mein bhi aapke chitra banaate hain to double taaj dikhaate hain। ek to light ka taaj hai hi kyonki bephikra aatma ki nishaani hai mastak mein light chamakti hai aur doosra taaj vikaaron par vijayi bane ho isliye taaj dikhaaya hai isliye yeh attention rakho ki jab baapdaada ne phikar lekar phakhur de diya to kya ban gaye? bephikra baadshaah। baadshaah bane hain to takhta bhi chaahiye na! to baapdaada ne teen takhta ke maalik banaaya hai। jaante ho teen takhta kaun se hain? ek takhta bhrikuti ka, yeh to sabko hai hi। doosra takhta hai baapdaada ka diltakhta aur teesra hai vishwa ka takhta, raajya ka takhta। to aap sabko yeh teen takhta praapta hain na! sabse shreshtha hai baapdaada ka diltakhta। to check karo takhta par rehte ho? kyonki baapdaada ke diltakhta par kaun baithta hai? jisne sada svayan bhi baapdaada ko apne diltakhta mein bithaaya hai, jo sada shreshtha sthiti mein master sarvashaktivaan hai। to check karo ki sada takhtansheen hain? ya kabhi mitti mein bhi aa jaate hain। yeh dehbhaan mitti hai। bahut samay mitti mein rahe hain to kabhi-kabhi mitti mein to nahin chale jaate?

to baapdaada sabhi bachchon ko samay ka eeshaara de rahe hain। achaanak ka paath pakka kara rahe hain, iske liye is sangam ke samay ka bahut-bahut mahatva rakhna hai kyonki is ek janma mein anek janmon ki praalabdha banaani hai isliye baapdaada ne ishaara diya tha to sangam ke samay mein do baaton ka har samay attention dena hai। woh do baaten to yaad hongi - samay aur sankalp। baapdaada ko sabhi ne vyartha sankalp, sankalp dvaara dene ki himmat rakhi thi। to check karo himmat sada kaayam hai? kyonki himmate bachche ek baar to baap hajaar baar madadgaar hai। to abhi kya samajhte ho? vyartha sankalp ka jo himmat rakh baap ke aage sankalp kiya woh kaayam hai? kyonki is vyartha sankalpon mein samay bahut jaata hai aur aapka is samay ke pramaan kaarya hai vishwa ki aatmaon ko sandesh dene ka। to vyartha sankalp ko samaapta karna hai tab duhkhi, ashaanta aatmaon ko sukh shanti ka anubhav kara sakenge। baapdaada ko duhkhi bachchon ko dekh taras padta hai। aapko bhi apne bhaai-bahinon ko dekh taras to padta hai na!

baapdaada ne dekha ki vartamaan samay sabhi ko roochi hai, plan banaaya bhi hai, practical kiya bhi hai। baapdaada yahi chaahte hain, programme to sab achhe kiye hain, iski mubaarak bhi de rahe hain। lekin abhi samay ke pramaan jaldi-jaldi unhon ko vaaris banaao, jo kuchh na kuchh varse ke adhikaari ban jaayen। achha-achha bahut kehte hain, baapdaada ne bhi bachchon ke seva ki yeh result to dekhi hai aur baap bachchon par khush bhi hai। dil se kar rahe hain aur abhi samay pramaan sunte bhi roochi se hain। itna antar to aaya hai। achha-achha lagta hai lekin achha banaake kuchh na kuchh varse ke adhikaari banaao। iske liye baapdaada ne pahle bhi ishaara diya hai ki abhi samay anusaar teevra purooshaarthi banne ki aavashyakta hai। teevra purushaarthi banne ke liye mukhya purushaartha hai second mein bindi lagaana। second aur bindi, donon samaan। to ab baapdaada bachchon ka to bephikra baadshaah ka roop dekh raha hai। abhi isi roop ko sada anubhav karo। koi bhi kuchh bhi aave to mere ko tere mein sama do।

baapdaada ne sabhi bachchon ko saath le chalne ka vaayda kiya hai। iske liye saath chalne ki taiyaari kya karni hai? baap to second mein ashareeri ban jaayenge lekin aapne jo vaayda kiya hai, baap ne bhi vaayda kiya hai saath chalenge, to check karo uski taiyaari hai? second mein bindi lagaai, sampanna aur sampoorn ban chala। to aisi taiyaari hai? saath to chalna hai na! chalna hai? kaandh hilaao। chalna hai, achha। pakka? haath mein haath dena, iska arth hai samaan banna। to check karo samay to achaanak aana hai, to itni taiyaari hai jo saath mein chalen?

baap ka bachchon se pyaar hai na! to baap ek ko bhi saath chalne mein peechhe chhodne nahin chaahte। saath hai, saath rahenge, saath chalenge aur saath raajdhaani mein raaz gharaane mein aayenge। manjoor hai na! manjoor hai? taiyaari hai? manjoor hai ismen to haath utha lenge, yeh haath nahin uthaao। taiyaari hai, ismen haath uthaao। bada haath uthaao। achha। kal bhi vinaash ho jaae to taiyaar ho? lekin apni seva ko samaapta kiya hai? seva to abhi rahi hui hai ya seva samaapta ho gai hai? sandesh sabko pahunch gaya hai? sirf apne mohalle mein hi dekho, aapne har ek ko baap aa gaya hai, varsa lena ho to le lo, yeh sandesh diya hai? to pasanda hai ki ghar-ghar mein yeh ulhana poora ho jaae। aise na kahen ki hamko to pata nahin pada, baap aaya aur chala bhi gaya, ham vanchit rah gaye! sabhi ko umang hai na! sabko umang hai? seva karke ulhana poora karna hai। umang hai to baapdaada ka sahayog bhi hai। achha।

to baapdaada ke dil ki aash ko to sabhi jaante hi ho। samaan aur sampoorn, yeh do shabd sada check karo to kya baap ki yeh aasha poorn ki? kyonki baapdaada har bachche ko baap ke aashaaon ka sitaara samajhte hain। har ek bachche ka baap se pyaar hai, yeh to baapdaada bhi jaante hain। in sabhi ko madhuban mein laane vaala kya hai? yeh pyaar ki train mein aate hain। pyaar ke plen mein aate hain। to baap bhi bachchon ke pyaar ki subject mein bachchon se khush hai। lekin jo do shabd baap chaahte hain samaan aur sampoorn, isko bhi sampanna karna hi hai। to aaj baapdaada chaaron or ke bachchon ko dil se sneh se dekh ek-ek bachche ko dil ke pyaar ki mubaarak de rahe hain। achha।

seva ka tarna Indore zone ka hai:- yeh bhi chance achha lagta hai na! seva ka bhandaar sahaj mil jaata hai। baapdaada khush hote hain, yeh chance bhi ek to seva ka phal bhi milta hai aur bal bhi milta hai। sabki nazar kahaan jaati hai? abhi kis zone ka tarna hai, woh nazar jaati hai aur seva, madhuban ki seva arthaat seva ka phal aur bal milna। to bahut achha kiya। nirvighna seva ki, sabko santushtata ka phal khilaaya। baapdaada ko khushi hoti hai kyonki vishesh chance milta hai na aur bachche madhuban mein pahunchte hain, madhuban mein aana, itne bade parivaar se milna aur itne bade parivaar ki seva ke nimitta banna, yeh bhi bahut bada bhaagya ban jaata hai।

achha hai, har ek ke oopar baap ki bhi nazar jaati aur parivaar ki bhi nazar jaati। pratyaksha aatmaon ko khushi bhi milti, khush karte bhi aur milti bhi khushi, donon hi hai। mubaarak ho।

double videshi bhaai bahinon se:- double videshiyon ka yeh sanskaar hai ki jo karenge woh umang-utsaah se karke poora karenge aur purushaartha ke taraph bhi attention hai। to sabhi haath uthaao ki sabhi teevra purushaarthi hain? teevra purushaarthi hain? achha। sabke taraph se bhi bahut-bahut mubaarak hai, kyon? teevra purushaarthi arthaat baapdaada ki aashaaon ko poorn practical karne vaale। to baapdaada teevra purushaartha ki mubaarak de rahe hain। teevra purushaarthi hain aur sada teevra purushaarthi ban auron ko bhi teevra purushaarthi banaayenge। to saara videsh teevra purushaarthi ki list mein aa jaaye। aisa record kuchh hai aur kuchh dikhaana hai। lekin baapdaada purushaartha ki mubaarak de rahe hain।

pahli baar aane vaalon se:- baapdaada bachchon ko dekh khush ho rahe hain। aaye, bhale padhaare aur aage ke liye ab teevra purushaartha kar aage se bhi aage jaane ka dridh sankalp karo। dridhta saphalta ki chaabi hai। to baapdaada jo bhi aaj bachche aaye hain unhon ko vishesh dridhta ke chaabi ki saugaat de rahe hain। dridhta ko kabhi bhi halka nahin karna। dridhta aapko sada sahaj aage badhaati rahegi। to baapdaada khush hai bhale padhaare, apna varsa lene ke liye aaye, iski bahut-bahut mubaarak। achha।

chaaron or ke sarva braahmanon ko baapdaada dil ka pyaar aur sada aage badhne ka shreshtha sankalp de rahe hain। ek-ek bachche ko baap dekh bhi rahe hain aur dekh-dekh dil mein sama rahe hain। najdeek vaale to baapdaada ko saamne dekh rahe hain aur aap sab saadhan dvaara saamne hi dekh rahe ho। baapdaada bhi aap sabhi ko jahaan bhi baithe ho to aise hi dekh raha hai jaise sammukh hi baithe hain aur ek-ek ko dil ka pyaar de rahe hain। badhte chalo, teevra purushaartha kar aage se aage badhte chalo। achha।

sammukh baithne vaalon ko bhi baapdaada ka yaadapyaar aur sada aage badhne ki mubaarak ho, mubaarak ho, mubaarak ho। achha।

daadi jaanki:- aaj sabhi ne achhi bhaasna le li। wonderful baba aur yeh jo aaj abhi baba ke mukh se mahaavaakya sunte rahe, ab dil se nikalta, mera baba। meetha baba… baba mera, main baba ki। mere mein tera, tere mein mera sama liya। wonderful drama, wonderful baba, sabhi ne bahut achha anubhav kiya। aaj jo baapdaada ke mahaavaakya sune, main samajhti hoon ek bhi shabd miss nahin hua, ham baba ke laadle bachche hain na। baba ne hamko light banaake might di hai। baba kehte bachche sada light raho, might le lo to everything right hoga। main saakshi hokar dekh rahi hoon, aap bhi anubhav kar rahe ho। pahle ham sabne saakaar mein paalna li, achhi tarah se, phir avyakt ki paalna li। aaj jo baba ke mahaavaakya sun rahe the woh dil ko lag gaye। baba ne dil le liya, kuchh raha hi nahin hai। baba kehta bachche sada dil mein raho, dilaaraam ko apna saathi bana lo aur saakshi hokar drama ki har scene ko dekhte khushi ka paara chadha rahe। koi bhi baat ho jaae to lagaao bindi। bindi lagaane mein koi mehnat nahin hai, muhabbat ka anubhav hai, second mein bindi। question mark lamba hota, koi question nahin hai, queue mein khada nahin hona hai। saath chalne ka kitna sahaj purushaartha baba ne bata diya hai। achha।