Daily Murli for Friday 23 December 2016

⁰23/12/16 praatahmurli om shanti "baapdaada"' madhuban ¹``meethe bachche - deh-abhimaan tumhein bahut duhkhi karta hai isliye dehi-abhimaani bano, dehi-abhimaani banne se hi paapon ka bojha khatma hoga'' ²prashn:- satayug mein saahookaari ka pad kis aadhaar par praapta hota hai?

³uttar:- saahookaar bante hain gyaan ki dhaarna ke aadhaar par। ⁴jo jitna gyaan dhan dhaaran karte hain aur daan karte hain utna woh saahookaar pad paayenge, ever wealthy banenge। ⁵padhaai padhni aur padhaani hai।

⁶baaki vishwa mahaaraajan banne ke liye bahut royal service karni hai। ⁷sab khaamiyaan nikaal deni hai। ⁸poora dehi-abhimaani banna hai।

⁹bade dhairya aur gambheerta se baap ko yaad karna hai। ¹⁰geet:- dheeraj dhar manuva… ¹¹om shanti।

¹²yeh kisne kaha? ¹³baap ne kaha bachchon ko, dheeraj dharo। ¹⁴saari duniya ko nahin kaha।

¹⁵bhal bachche to sabhi hain parantu sab baithe to nahin hain। ¹⁶bachche hi jaante hain barobar yeh duhkhadhaam badli ho raha hai। ¹⁷sukhdhaam ke liye ham padh rahe hain va shreemat par chal rahe hain।

¹⁸bachchon ko dheeraj bhi dete hain। ¹⁹vaastav mein saari duniya ko gupta dheeraz mil raha hai। ²⁰tum samajhte ho ham sammukh sunte hain।

²¹sab to sunte nahin। ²²woh behad ka baap hai, behad ka duhkh harta sukh karta hai। ²³duhkh harkar sukh ka raasta bataata hai।

²⁴tumko jab sukh hoga to duhkh ka naam nahin ho sakta। ²⁵sukh ki duniya ko satayug, duhkh ki duniya ko kaliyug kaha jaata hai। ²⁶yeh bhi bachche hi jaante hain।

²⁷satayug mein sampoorn sukh hai, so bhi 16 kala sampoorn। ²⁸jaise chandrama bhi 16 kala sampoorn hota hai phir kala kam hote-hote amaavas par kitni chhoti kinaari rah jaati hai। ²⁹praayah andhiyaara ho jaata hai।

³⁰16 kala sampoorn, to sampoorn sukh bhi hoga। ³¹kaliyug mein hai 16 kala apoorna to phir duhkh bhi hota hai। ³²is saari duniya ko maaya roopi grahan lag jaata hai isliye ab baap kehte hain tumhaare mein jo deh-abhimaan hai, pahle-pahle unko chhodo।

³³yeh deh-abhimaan tumko bahut duhkh deta hai। ³⁴aatma-abhimaani raho to baap ko bhi yaad kar sakenge। ³⁵deh-abhimaan mein rahne se baap ko yaad nahin kar sakte।

³⁶yeh aadhaakalpa ka deh-abhimaan hai। ³⁷is antim janma mein dehi-abhimaani banne se ek to paapon ka bojha khatma hoga aur phir 16 kala sampoorn satopradhaan banenge। ³⁸bahut deh-abhimaan ki baat ko bhi samajhte nahin hain।

³⁹manushya ko duhkhi karta hi hai deh-abhimaan। ⁴⁰peechhe hain aur vikaar।

⁴¹dehi-abhimaani banne se yeh sab vikaar chhootte jaayenge। ⁴²nahin to chhootna mushkil hai। ⁴³deh-abhimaan ki practice pakki ho gai hai to apne ko dehi-abhimaani (aatma) samajhte hi nahin।

⁴⁴ismen sab vikaar daan dena pade। ⁴⁵pahle-pahle deh-abhimaan ko chhodna hai। ⁴⁶kaam, krodh aadi sab peechhe aate hain।

⁴⁷tumhaara baap woh hai। ⁴⁸deh-abhimaan ke kaaran laukik baap ko hi baap samajhte aaye hain। ⁴⁹ab mukhya baat hai ki ham paavan kaise banen।

⁵⁰patit duniya mein hain hi sab patit; paavan koi ho nahin sakte। ⁵¹ek baap hi sabko paavan banaakar khushi-khushi se vaapis le jaate hain। ⁵²ab tum bachchon ko to yog ka chintan laga hua hai।

⁵³jeete ji marna hai। ⁵⁴deh-abhimaan todna maana marna। ⁵⁵ham aatma baba ko yaad kar patit se paavan ban jaayen।

⁵⁶yeh paavan banne ki yukti baba ne hi samjhaai thi। ⁵⁷ab phir se samjha rahe hain। ⁵⁸kalpa-kalpa phir bhi samjhaayenge।

⁵⁹duniya bhar mein aur koi bhi samjha nahin sakte। ⁶⁰mool baat hai shiv ko yaad karne ki। ⁶¹so bhi jab yahaan aakar bi.ke. dvaara sunen kyonki daade ka varsa milna hai।

⁶²to baap zaroor chaahiye jis dvaara milen। ⁶³direction to zaroor lene hain saakaar dvaara। ⁶⁴bahut bachche hain jo samajhte hain ham shivbaaba se yog lagaayen, brahma ko chhod den।

⁶⁵parantu shivbaaba se sunenge kaise? ⁶⁶kehte hain hamaara brahma baba ke saath koi connection nahin hai। ⁶⁷achha tum apne ko aatma samjho shivbaaba ko yaad karo।

⁶⁸ghar jaakar baitho।

⁶⁹parantu yeh jo knowledge milti hai srishti chakra ki, woh kaise sunenge। ⁷⁰yeh samajhne bina sirf yaad kaise kar sakenge। ⁷¹gyaan to in dvaara hi lena padega na।

⁷²phir kabhi bhi gyaan to mil nahin sakta। ⁷³roz nai-nai baaten baap dvaara hi milti hain। ⁷⁴bina brahma aur brahmaakumaariyon ke kaise samajh sakenge।

⁷⁵yeh sab seekhna pade।

⁷⁶baap kehte hain jo ghar baithkar purooshaartha kare karmaateet avastha ko paane ka, to ho sakta hai mukti mein jaaye। ⁷⁷jeevanmukti mein ja na saken। ⁷⁸gyaan dhan dhaaran kar aur daan karenge to dhanvaan banenge।

⁷⁹nahin to ever wealthy kaise banenge। ⁸⁰murli ka bhi aadhaar zaroor lena pade। ⁸¹padhaai to padhni hai na।

⁸²aise bahut aayenge sipaar lakshya lekar jaayenge mukti mein। ⁸³tum sab manushya maatra ko samjhaate ho ki tum sirf baap ko yaad karo to satopradhaan pavitra ban jaayenge। ⁸⁴phir jab gyaan dhan len tab satayug mein saahookaar banen।

⁸⁵nahin to mukti mein jaakar phir bhakti maarga ke samay aakar bhakti karenge। ⁸⁶kiska kalyaan kar nahin sakenge kyonki manushya ko devta banne ke liye gyaan zaroor chaahiye। ⁸⁷gyaan sunkar phir sunaana bhi hai।

⁸⁸pradarshani mein dekho kitna maatha maarte hain। ⁸⁹phir bhi kiski buddhi mein baithta nahin hai। ⁹⁰aatma kitni chhoti bindi hai। ⁹¹har aatma ko apna-apna part mila hua hai।

⁰ 23/12/16 Morning Murli Om Shanti BapDada Madhuban

⁹²yeh tum abhi jaan gaye ho। ⁹³sab manushya maatra paartadhaari hain। ⁹⁴yeh bana banaaya khel hai।

⁹⁵puraani duniya ka vinaash bhi hona hai। ⁹⁶gaaya hua hai raam gayo raavan gayo ... koi bhi jaayega parantu bachchon ko duhkh nahin ho sakta। ⁹⁷tum jaante ho yeh bana banaaya drama hai, sabka vinaash to hona hi hai।

⁹⁸king queen, saadhu santa sab marenge phir kaun baith unki mitti uthaayenge। ⁹⁹yeh to kiska naam baala karne ke liye karte hain, ismen koi phaayda nahin rakha hai। ¹⁰⁰na koi unki aatma ko sukh milta hai।

¹⁰¹manushya to bhakti maarga mein jo kuchh karte hain, sab besamjhi se। ¹⁰²abhi tumko baap kitna sensible banaate hain। ¹⁰³ghadi-ghadi in chitron ko aakar dekhna chaahiye।

¹⁰⁴to hamko baba padhaakar kya bana rahe hain, parantu kiski takdeer mein nahin hai to amal nahin karte। ¹⁰⁵baba bahut kuchh samjhaate hain, jis par amal karna chaahiye। ¹⁰⁶baap ka bachcha bankar service nahin kar sakte।

¹⁰⁷baap to hai hi kalyaankaari।

¹⁰⁸kai bachche to bahuton ka aur hi akalyaan karte rehte hain। ¹⁰⁹jinki kuchh bhaavna bhi hoti - yahaan ke liye, unki bhaavna bhi uda dete hain। ¹¹⁰aise-aise vikarma bhi karte hain।

¹¹¹bhooton ki praveshta hoti hai na isliye gaayan bhi hai satguru ke nindak thaur na paayen। ¹¹²ismen baapdaada donon aa jaate hain। ¹¹³niraakaar ko to koi kuchh kar na sake।

¹¹⁴unko kya kahenge! ¹¹⁵yeh to bhakti maarga mein kah dete the bhagwan hi duhkh dete hain... so bhi agyaan ke kaaran aise samajhte the। ¹¹⁶ab to bachche jaante hain agyaan vash kitna baap ka tiraskaar karte hain।

¹¹⁷aisa koi nahin jo tamopradhaan ko satopradhaan banaaye aur hi ulti mat dete hain ki paramatma sarvavyaapi hai। ¹¹⁸manushya kitna moonjh jaate hain। ¹¹⁹tab kehte brahma ke tan mein paramatma kaise aa sakta hai।

¹²⁰phir kiske tan mein aaye? ¹²¹krishna ke tan mein aaye?

¹²²to phir brahmaakumaar kumaariyaan kaise banen? ¹²³woh to phir daivi kumaar, kumaariyaan ban jaayenge। ¹²⁴brahman to zaroor brahmaakumaar aur kumaariyaan honge।

¹²⁵braahmanon ke bina to baba kuchh kar na sake isliye inka chitra to zaroor dena pade। ¹²⁶yeh brahma bhi brahman hai। ¹²⁷prajaapita brahma to chaahiye bhaarat mein।

¹²⁸din-pratidin brahma ka saakshaatkaar ghar baithe bahuton ko hota rehta hai। ¹²⁹vriddhi hoti jaayegi। ¹³⁰jinka part hoga to phir bahut bhaagenge।

¹³¹bahut log samajhte hain bhagwan koi roop mein hoga zaroor। ¹³²saakshaatkaar bhi parampita paramatma ke sivaae koi kara nahin sakta। ¹³³shivbaaba brahma dvaara hi sthaapna karte hain।

¹³⁴gyaan dete hain aur brahman dharma bhi rachte hain। ¹³⁵braahmanon ka dharma zaroor chaahiye। ¹³⁶woh hai oonche te oonch।

¹³⁷prajaapita brahma to bahut ooncha hai na। ¹³⁸unko kahenge next god। ¹³⁹sookshm vatan mein doosra koi to hai nahin।

¹⁴⁰brahma dvaara sthaapna hogi, bas। ¹⁴¹brahma phir devta ban jaate।

¹⁴²84 janmon ke baad phir brahma ban jaate hain। ¹⁴³brahma sarasvati so phir lakshmi-naaraayan bante hain। ¹⁴⁴gyaan-gyaaneshvari phir raaj-raajeshvari banti hai।

¹⁴⁵brahma so vishnu, vishnu so brahma kaise banen - yeh badi first class point hai, is par achhi tarah samjha sakte ho। ¹⁴⁶yeh gyaan ek baap dvaara milta hai। ¹⁴⁷pradarshani mein achhi tarah samjhaao ki tum brahma par moonjhate kyon ho।

¹⁴⁸itne sab brahman braahmaniyaan hain - pahle jab koi brahman banen tab hi vishnupuri ke maalik devta banen। ¹⁴⁹brahma ka din, brahma ki raat mashhoor hai na। ¹⁵⁰abhi hai raat।

¹⁵¹aise-aise chitron ke saamne baith practice karo। ¹⁵²jisko service karni hai unko service ke sivaae koi vichaar nahin aayega। ¹⁵³service par ekdam bhaagte rahenge।

¹⁵⁴buddhi mein gyaan tapakta ho, achhi reeti jholi bhari hui ho tab to uchhal aayegi। ¹⁵⁵service par ekdam bhaagte rahenge। ¹⁵⁶gyaan ho aur samjha na sake - yeh to ho hi nahin sakta।

¹⁵⁷tab gyaan kislie lete hain? ¹⁵⁸lena hai to daan karna hai। ¹⁵⁹daan nahin karte, aap samaan nahin bana sakte to brahman hi kya thahra!

¹⁶⁰third grade। ¹⁶¹first grade braahmanon ka dhandha hi yeh hai। ¹⁶²baba roz bachchon ko samjhaate hain।

¹⁶³service aur dis-service yeh bachchon se hi hota hai। ¹⁶⁴agar service nahin kar sakte to zaroor dis-service karte honge। ¹⁶⁵achhe-achhe bachche kahaan bhi jaayenge to zaroor service hi karenge।

¹⁶⁶jab gyaan complete ho jaayega to koi ananya bachchon se bhool nahin hogi tab hi maala ke daane banenge। ¹⁶⁷mukhya hain 8 daanen। ¹⁶⁸imtahaan bhi bada bhaari hai na।

¹⁶⁹bade imtahaan mein hamesha thode paas hote hain kyonki government ko phir naukri deni padti hai। ¹⁷⁰baba ko bhi vishwa ka maalik banaana pade, isliye thode hi paas hote hain। ¹⁷¹praja to laakhon ho jaati hai isliye baba poochhte hain mahaaraaja banenge ya praja mein saahookaar banenge?

¹⁷²ya gareeb banenge? ¹⁷³bolo kya banenge?

¹⁷⁴mahaaraajaaon ke paas daas-daasiyaan to bahut hoti hain, jo phir dahej mein bhi dete hain। ¹⁷⁵purooshaartha kar achha pad paana chaahiye। ¹⁷⁶aisa hoshiyaar banna chaahiye jo sab koi bulaaven।

¹⁷⁷aksar karke kaiyon ko bulaate hain। ¹⁷⁸yeh to jaante ho na।

¹⁷⁹baaki jinmen lakshan nahin unko to kabhi koi bulaate hi nahin hain। ¹⁸⁰parantu khud thode hi jaante hain ki ham third class hain। ¹⁸¹koi to serviceable hain, jahaan tahaan service par bhaagte hain।

¹⁸²naukri ka bhi khyaal nahin kar service par bhaagte hain। ¹⁸³koi to naukri nahin hote bhi service nahin karte, shauk nahin। ¹⁸⁴takdeer mein nahin hai ya grahchaari hai।

¹⁸⁵service to bahut hai। ¹⁸⁶mehnat bhi lagti hai।

¹⁸⁷thak bhi jaate hain। ¹⁸⁸samjhaate-samjhaate gale bhi ghut jaate hain। ¹⁸⁹aise to third class vaalon ka bhi gala ghut jaata hai।

¹⁹⁰iska matlab yeh nahin ki unhonne bahut achhi service ki। ¹⁹¹baba jaante hain - achhi royal service karne vaale kaun hain। ¹⁹²parantu kaiyon mein khaamiyaan bhi rehti hain।

¹⁹³naam-roop mein phansate rehte hain। ¹⁹⁴phir shiksha dekar sudhaara jaata hai। ¹⁹⁵naam-roop mein kabhi nahin phansana chaahiye।

¹⁹⁶dehi-abhimaani banna hai। ¹⁹⁷aatma chhoti bindi hai। ¹⁹⁸baap bhi bindi hai।

¹⁹⁹apne ko chhoti bindi samajh aur baba ko yaad karna bahut mehnat hai। ²⁰⁰mote hisaab mein to kah dete - shivbaaba ham aapko bahut yaad karte hain। ²⁰¹parantu accurate buddhi mein yaad rahni chaahiye।

²⁰²bada dhairya va gambheerta se yaad karna hota hai। ²⁰³is reeti koi mushkil yaad karte hain। ²⁰⁴ismen bahut mehnat hai।

²⁰⁵achha।

²⁰⁶meethe-meethe sikeeldhe bachchon prati maat-pita baapdaada ka yaad-pyaar aur good morning। ²⁰⁷roohaani baap ki roohaani bachchon ko namaste। ²⁰⁸dhaarna ke liye mukhya saar:-

²⁰⁹1) apni jholi gyaan ratnon se bharpoor kar daan karna hai। ²¹⁰isi dhandhe mein busy rah first class brahman banna hai। ²¹¹2) kalyaankaari baap ke bachche hain isliye sabka kalyaan karna hai।

²¹²kisi ki bhaavna ko todna, ulti mat dena, yeh akalyaan ka kartavya kabhi nahin karna hai। ²¹³vardaan:- kalyaan ki vritti aur shubhchintak bhaav dvaara vishwa kalyaan ke nimitta banne vaale teevra purushaarthi bhav ²¹⁴teevra purushaarthi woh hain jo sabhi ke prati kalyaan ki vritti aur shubhchintak bhaav rakhe।

²¹⁵bhal koi baar-baar giraane ki koshish kare, man ko dagmag kare, vighna roop bane phir bhi aapka uske prati sada shubhchintak ka adol bhaav ho, baat ke kaaran bhaav na badle। ²¹⁶har paristhiti mein vritti aur bhaav yathaartha ho to aapke oopar uska prabhaav nahin padega। ²¹⁷phir koi bhi vyartha baaten dekhne mein hi nahin aayengi, time bach jaayega।

²¹⁸yahi hai vishwa kalyaankaari stage। ²¹⁹slogan:- santushtata jeevan ka shrringaar hai isliye santushtamni ban santushta raho aur sarva ko santushta karo।