Daily Murli for Saturday 31 December 2016

⁰31/12/16 praatahmurli om shanti "baapdaada"' madhuban ¹``meethe bachche - shreemat par tumhein sabki roohaani khaatiri karni hai, khushi ki khuraak khaana aur khilaana yahi hai sachchi khaatiri karna'' ²prashn:- gyaan mein spreechulti ka jauhar bharne ki vidhi kya hai, usse kaun-kaun se phaayde honge?

³uttar:- jab kisi ko bhi gyaan sunaate ho to aatma samajhkar aatma ko gyaan do, isse spirituality ka jauhar bhar jaayega। ⁴is nai aadat se kisi ko bhi gyaan sunaayenge to use jhat teer lag jaayega। ⁵shareer ka bhaan bhi khatma hota jaayega।

⁶phir maaya ke toofaan va bure sankalp bhi nahin aayenge। ⁷criminal aai bhi nahin rahegi। ⁸om shanti।

⁹gyaan ka teesra netra dene vaala ruhaani baap baith ruhaani bachchon ko samjhaate hain। ¹⁰gyaan ka teesra netra sivaae baap ke aur koi de nahin sakta। ¹¹abhi tum bachchon ko gyaan ka teesra netra mila hai।

¹²abhi tum jaante ho ki yeh puraani duniya badalne vaali hai। ¹³bichaare manushya nahin jaante ki kaun badlaane vaala hai aur kaise badlaate hain kyonki unhon ko gyaan ka teesra netra hi nahin hai। ¹⁴tum bachchon ko abhi gyaan ka teesra netra mila hai jisse tum srishti ke aadi madhya ant ko jaan gaye ho।

¹⁵yeh hai gyaan ki saccharin saccharin ka ek boond bhi kitna meetha hota hai। ¹⁶gyaan ka bhi ek hi akshar hai manamnaabhav yeh akshar sabhi se kitna meetha hai। ¹⁷apne ko aatma samajh aur baap ko yaad karo।

¹⁸baap shantidham aur sukhdhaam ka raasta bata rahe hain। ¹⁹baap aaye hain bachchon ko svarga ka varsa dene। ²⁰to bachchon ko kitni khushi rahni chaahiye।

²¹kehte bhi hain khushi jaisi khuraak nahin।

²²jo sadaiv khusheemauj mein rehte hain unke liye woh jaise khuraak hoti hai। ²³21 janma mauz mein rahne ki yeh jabardasta khuraak hai। ²⁴yeh khuraak sadaiv ek do ko khilaate raho।

²⁵ek do ki jabardasta khaatiri yeh karni hai। ²⁶aisi khaatiri aur koi manushya, manushya ki kar na sake। ²⁷tum bachche shreemat par sabhi ki ruhaani khaatiri karte ho।

²⁸sachchi-sachchi khush khairaafat bhi yeh hai kisko baap ka parichay dena। ²⁹meethe bachche jaante hain behad ke baap dvaara hamko jeevanmukti ki khuraak milti hai। ³⁰satayug mein bhaarat jeevanmukta tha, paavan tha।

³¹baap bahut badi oonchi khuraak dete hain। ³²tab to gaayan hai ateendriy sukh poochhna ho to gop-gopiyon se poochho। ³³yeh gyaan aur yog ki kitni first class wonderful khuraak hai aur yeh khuraak ek hi roohaani surgeon ke paas hai aur kisko is khuraak ka maaloom hi nahin hai।

³⁴baap kehte hain meethe bachchon tumhaare liye tiri (hatheli) par saugaat le aaya hoon। ³⁵mukti, jeevanmukti ki yeh saugaat mere paas hi rehti hai। ³⁶kalpa-kalpa main hi aakar tumko deta hoon।

³⁷phir raavan chheen leta hai।

³⁸to abhi tum bachchon ko kitna khushi ka paara chadha rehna chaahiye। ³⁹tum jaante ho hamaara ek hi baap, teacher aur sachcha-sachcha satguru hai jo hamko saath le jaate hain। ⁴⁰most beloved baap se vishwa ki baadshaahi milti hai।

⁴¹yeh kam baat hai kya!

⁴²to sadaiv harshit rehna chaahiye। ⁴³godly student life is di best। ⁴⁴yeh abhi ka hi gaayan hai na।

⁴⁵phir nai duniya mein bhi tum sadaiv khushiyaan manaate rahenge। ⁴⁶duniya nahin jaanti ki sachchi-sachchi khushiyaan kab manaai jaayengi। ⁴⁷manushyon ko to satayug ka gyaan hi nahin hai।

⁴⁸to yahaan hi manaate rehte hain। ⁴⁹parantu is puraani tamopradhaan duniya mein khushi kahaan se aai। ⁵⁰yahaan to traahi-traahi karte rehte hain। ⁵¹kitna duhkh ki duniya hai।

⁰ 31/12/16 Morning Murli Om Shanti BapDada Madhuban

⁵²baap tum bachchon ko kitna sahaj raasta bataate hain। ⁵³grihastha vyavhaar mein rehte kamal phool samaan raho। ⁵⁴dhandha-dhori aadi karte bhi mujhe yaad karte raho।

⁵⁵jaise aashik aur maashuk hote hain। ⁵⁶woh to ek do ko yaad karte rehte hain।

⁵⁷woh unka aashuk, woh unka maashuk ota hai। ⁵⁸yahaan yeh baat nahin hai, yahaan to tum sabhi ek maashuk ke janma-janmaantar se aashuk ho rehte ho। ⁵⁹baap kabhi tumhaara aashik nahin banta।

⁶⁰tum us maashuk se milne ke liye yaad karte aaye ho। ⁶¹jab duhkh jaasti hota hai to jaasti sumiran karte hain। ⁶²gaayan bhi hai duhkh mein sumiran sab karen, sukh mein kare na koy।

⁶³is samay baap bhi sarvashaktivaan hai, to din-pratidin maaya bhi sarvashaktivaan tamopradhaan hoti jaati hai isliye ab baap kehte hain meethe bachche dehi-abhimaani bano। ⁶⁴apne ko aatma samajh mujh baap ko yaad karo aur saath-saath daiveegun bhi dhaaran karo to tum aise lakshmi-naaraayan ban jaayenge। ⁶⁵is padhaai mein mukhya baat hai hi yaad ki।

⁶⁶oonch te oonch baap ko bahut pyaar, sneh se yaad karna chaahiye। ⁶⁷woh oonch te oonch baap hi nai duniya sthaapan karne vaala hai। ⁶⁸baap kehte hain main aaya hoon tum bachchon ko vishwa ka maalik banaane, isliye ab mujhe yaad karo to tumhaare anek janmon ke paap kat jaayen।

⁶⁹patit-paavan baap kehte hain tum bahut patit ban gaye ho isliye ab tum mujhe yaad karo to tum paavan ban aur paavan duniya ka maalik ban jaayenge। ⁷⁰patit-paavan baap ko hi bulaate hain na। ⁷¹ab baap aaye hain, to zaroor paavan banna pade।

⁷²baap duhkhaharta, sukhkarta hai।

⁷³barobrastayug mein paavan duniya thi to sabhi sukhi the। ⁷⁴ab baap phir se kehte hain bachche shantidham aur sukhdhaam ko yaad karte raho। ⁷⁵abhi hai sangamayug khivaiya tumko is paar se us paar le jaate hain।

⁷⁶naeeya koi ek nahin, saari duniya jaise ek bada jahaaj hai, unko paar le jaate hain। ⁷⁷tum meethe bachchon ko kitni khushiyaan honi chaahiye। ⁷⁸tumhaare liye to sadaiv khushi hi khushi hai।

⁷⁹behad ka baap hamko padha rahe hain। ⁸⁰vaah! ⁸¹yeh to kab na suna, na padha।

⁸²bhagvaanuvaach main tum ruhaani bachchon ko raajayog sikha raha hoon, to poori reeti seekhna chaahiye। ⁸³dhaarna karni chaahiye। ⁸⁴poori reeti padhna chaahiye।

⁸⁵padhaai mein nambarvaar to sadaiv hote hi hain। ⁸⁶apne ko dekhna chaahiye main uttam hoon, madhyam hoonva kanishta hoon? ⁸⁷baap kehte hain apne ko dekho main oonch pad paane ke laayak hoon?

⁸⁸ruhaani service karta hoon?

⁸⁹kyonki baap kehte hain bachche serviceable bano, follow karo। ⁹⁰main aaya hi hoon service ke liye। ⁹¹roz service karta hoon isliye hi to yeh rath liya hai।

⁹²inka rath beemaar pad jaata hai to bhi main inmen baith murli likhta hoon। ⁹³mukh se to bol nahin sakte to main likh deta hoon, taaki bachchon ke liye murli miss na ho to main bhi service par hoonna yeh hai ruhaani service tum bhi baap ki service mein lag jaao। ⁹⁴on god fatherly service।

⁹⁵baap hi tumko saare vishwa ka maalik banaane aaye hain, jo achha purushaartha karte hain unko mahaaveer kaha jaata hai। ⁹⁶dekha jaata hai kaun mahaaveer hain jo baba ke direction par chalte hain। ⁹⁷baap ka pharmaan hai apne ko aatma samajh bhaai-bhaai dekho।

⁹⁸is shareer ko bhool jaao। ⁹⁹baba bhi shareer ko nahin dekhte hain। ¹⁰⁰baap kehte hain main aatmaon ko dekhta hoon।

¹⁰¹baaki yeh to gyaan hai ki aatma shareer bigar bol nahin sakti। ¹⁰²main bhi is shareer mein aaya hoon, loan liya hua hai। ¹⁰³shareer ke saath hi aatma padh sakti hai।

¹⁰⁴baba ki baithak yahaan hai। ¹⁰⁵yeh hai akaal takhta। ¹⁰⁶aatma akaalmoorta hai।

¹⁰⁷aatma kab chhoti badi nahin hoti hai, shareer chhota bada hota hai। ¹⁰⁸jo bhi aatmaayen hain un sabhi ka takhta yeh bhrikuti ka beech hai। ¹⁰⁹shareer to sabhi ke bhinna-bhinna hote hain।

¹¹⁰kiska akaal takhta purush ka hai, kiska akaal takhta stri ka hai। ¹¹¹kiska akaal takhta bachche ka hai। ¹¹²baap baith bachchon ko ruhaani drill sikhlaate hain।

¹¹³jab koi se baat karo to pahle apne ko aatma samjho। ¹¹⁴ham aatma phalaane bhaai se baat karte hain। ¹¹⁵baap ka paigaam dete hain ki shivbaaba ko yaad karo।

¹¹⁶yaad se hi junk utarni hai। ¹¹⁷sone mein jab alloy padti hai to sone ki value hi kam ho jaati hai। ¹¹⁸tum aatmaon mein bhi junk padne se tum valueless ho gaye ho।

¹¹⁹ab phir paavan banna hai। ¹²⁰tum aatmaon ko ab gyaan ka teesra netra mila hai। ¹²¹us netra se apne bhaaeeyon ko dekho।

¹²²bhaai-bhaai ko dekhne se karmendriyaan kab chanchal nahin hongi। ¹²³raaj-bhaag lena hai, vishwa ka maalik banna hai to yeh mehnat karo। ¹²⁴bhaai-bhaai samajh sabhi ko gyaan do।

¹²⁵to phir yeh tev pakki ho jaayegi। ¹²⁶sachche-sachche brothers tum sabhi ho। ¹²⁷baap bhi oopar se aaye hain, tum bhi aaye ho।

¹²⁸baap bachchon sahit service kar rahe hain। ¹²⁹service karne ki baap himmat dete hain। ¹³⁰himmate marda… to yeh practice karni hai - main aatma bhaai ko padhaata hoon।

¹³¹aatma padhti hai na।

¹³²isko spiritual knowledge kaha jaata hai, jo ruhaani baap se hi milti hai। ¹³³sangam par hi baap aakar yeh knowledge dete hain ki apne ko aatma samjho। ¹³⁴tum nange aaye the phir yahaan shareer dhaaran kar tumne 84 janma part bajaaya hai।

¹³⁵ab phir vaapis chalna hai isliye apne ko aatma samajh bhaai-bhaai ki drishti se dekhna hai। ¹³⁶yeh mehnat karni hai। ¹³⁷tum bachchon ko apni mehnat karni hai, doosre mein hamaara kya jaata।

¹³⁸charity begins at hom arthaat pahle khud ko aatma samajh phir bhaaeeyon ko samjhaao to achhi reeti teer lagega। ¹³⁹yeh jauhar bharna hai। ¹⁴⁰mehnat karenge tab hi oonch pad paayenge।

¹⁴¹baap aaye hi hain phal dene liye to mehnat karni pade। ¹⁴²kuchh sahan bhi karna padta hai। ¹⁴³tumhein koi ulti-sulti baat bole to tum chup raho।

¹⁴⁴tum chup rahenge to phir doosra kya karega। ¹⁴⁵taali do haath se bajti hai। ¹⁴⁶ek ne mukh ki taali bajaai, doosra chup kar de to woh aapehi chup ho jaayenge।

¹⁴⁷taali se taali bajne se aavaaj ho jaata hai। ¹⁴⁸bachchon ko ek do ka kalyaan karna hai। ¹⁴⁹baap samjhaate hain bachche sadaiv khushi mein rahne chaahte ho to manamnaabhav apne ko aatma samajh baap ko yaad karo।

¹⁵⁰bhaaeeyon (aatmaon) taraph dekho। ¹⁵¹bhaaeeyon ko bhi yeh knowledge do।

¹⁵²yeh tev (aadat) pad jaane se phir kabhi criminal aai dhokha nahin degi। ¹⁵³gyaan ke teesre netra se teesre netra ko dekho। ¹⁵⁴baba bhi tumhaari aatma ko hi dekhte hain।

¹⁵⁵koshish yeh karni hai sadaiv aatma ko hi dekhen। ¹⁵⁶shareer ko dekhen hi nahin। ¹⁵⁷yog karaate ho to bhi apne ko aatma samajh bhaaeeyon ko dekhte rahenge to service achhi hogi।

¹⁵⁸baba ne kaha hai bhaaeeyon ko samjhaao bhaai sabhi baap se varsa lete hain। ¹⁵⁹yeh ruhaani knowledge ek hi baar tum brahman bachchon ko milti hai। ¹⁶⁰tum brahman hi phir devta banne vaale ho।

¹⁶¹is sangamayug ko thode hi chhodenge, nahin to paar kaise jaayenge, koodenge thode hi। ¹⁶²yeh wonderful sangamayug hai। ¹⁶³to bachchon ko ruhaani yaatra par rahne ki tev (aadat) daalni hai।

¹⁶⁴tumhaare hi phaayde ki baat hai। ¹⁶⁵baap ki shiksha bhaaeeyon ko deni hai।

¹⁶⁶baap kehte hain main tum aatmaon ko gyaan de raha hoon। ¹⁶⁷aatma ko hi dekhta hoon। ¹⁶⁸manushya-manushya se baat karega to unke munh ko dekhega na।

¹⁶⁹tum aatma se baat karte ho to aatma ko hi dekhna hai। ¹⁷⁰bhal shareer dvaara gyaan dete ho parantu ismen shareer ka bhaan todna hota hai। ¹⁷¹tumhaari aatma samajhti hai paramatma baap hamko gyaan de rahe hain।

¹⁷²baap bhi kehte hain aatmaon ko dekhta hoon, aatmaayen bhi kehti hain ham paramatma baap ko dekh rahe hain। ¹⁷³unse knowledge le rahe hain, isko kaha jaata hai spiritual gyaan ki len-den - aatma ki aatma ke saath। ¹⁷⁴aatma mein hi gyaan hai।

¹⁷⁵aatma ko hi gyaan dena hai। ¹⁷⁶yeh jaise jauhar hai।

¹⁷⁷tumhaare gyaan mein yeh jauhar bhar jaayega to kisko bhi samjhaane se jhat teer lag jaayega। ¹⁷⁸baap kehte hain practice karke dekho teer lagta hai ya nahin। ¹⁷⁹yeh nai tev (aadat) daalni hai to phir shareer ka bhaan nikal jaayega।

¹⁸⁰maaya ke toofaan kam aayenge। ¹⁸¹bure sankalp nahin aayenge। ¹⁸²criminal aai bhi nahin rahegi।

¹⁸³ham aatma ne 84 ka chakra lagaaya। ¹⁸⁴ab naatak poora hota hai। ¹⁸⁵ab baba ki yaad mein rehna hai।

¹⁸⁶yaad se hi tamopradhaan se satopradhaan ban, satopradhaan duniya ke maalik ban jaayenge। ¹⁸⁷kitna sahaj hai। ¹⁸⁸baap jaante hain bachchon ko yeh shiksha dena bhi mera part hai।

¹⁸⁹koi nai baat nahin। ¹⁹⁰har 5000 varsha baad hamko aana hota hai।

¹⁹¹main bandhaaymaan hoon, bachchon ko baith samjhaata hoon - meethe bachche roohaani yaad ki yaatra mein raho to ant mate so gati ho jaayegi। ¹⁹²yeh antakaal hai na। ¹⁹³maamekam yaad karo to tumhaari sadgati ho jaayegi।

¹⁹⁴yaad ki yaatra se paaya majboot ho jaayega। ¹⁹⁵yeh dehi-abhimaani banne ki shiksha ek hi baar tum bachchon ko milti hai। ¹⁹⁶kitna wonderful gyaan hai।

¹⁹⁷baba wonderful hai to baba ka gyaan bhi wonderful hai। ¹⁹⁸kab koi bata na sake। ¹⁹⁹abhi vaapas chalna hai isliye baap kehte hain meethe bachchon yeh practice karo।

²⁰⁰apne ko aatma samajh aatma ko gyaan do।

²⁰¹teesre netra se bhaai-bhaai ko dekhna hai। ²⁰²yahi badi mehnat hai। ²⁰³achha - meethe-meethe sikeeldhe bachchon prati maat-pita baapdaada ka yaadapyaar aur good morning roohaani baap ki roohaani bachchon ko namaste।

²⁰⁴dhaarna ke liye mukhya saar:- ²⁰⁵1) gyaan ke teesre netra se teesre netra ko dekhne ka abhyaas karna hai। ²⁰⁶koshish karni hai sadaiv aatma ko hi dekhen, shareer ko nahin to criminal khyaal nahin aayenge।

²⁰⁷bure sankalp khatma ho jaayenge। ²⁰⁸2) taali do haath se bajti hai isliye jab tumhein koi ulti-sulti baat bole to tum chup raho। ²⁰⁹agar tum chup rahenge to doosra aapehi chup ho jaayega।

²¹⁰vardaan:- satyata ki shakti dvaara prakriti va vishwa ko satopradhaan banaane vaale master vidhi-vidhaata bhav ²¹¹jab aap bachche satyata ki shakti ko dhaaran kar master vidhi vidhaata bante ho to prakriti satopradhaan ban jaati hai, yug satayug ban jaata hai। ²¹²sarva aatmaayen sadgati ki takdeer bana leti hai।

²¹³aapki satyata paaras ke samaan hai। ²¹⁴jaise paaras lohe ko paaras bana deta hai, aise satyata ki shakti aatma ko, prakriti ko, samay ko, sarva saamagri ko, sarva sambandh ko, sanskaaron ko, aahaar-vyavhaar ko satopradhaan bana deti hai। ²¹⁵slogan:- :- yogi aatmaayen woh hain jinhen prakriti ki halchal bhi aakarshit na kare।