Daily Murli for Friday 18 January 2019

18-01-19 praatahmurli om shanti ''avyakt-baapdaada'' madhuban

"meethe bachche perfect banna hai to eemaandaari aur sachchaai se dekho ki mere mein kya-kya khaami hai, baap se raay lete un khaamiyon ko nikaalte jaao''

om shanti। abhi tum aatmaon ka pyaar va muhabbat ek baap se hai। jis aatma ke liye kehte hain ki inko aag jala nahin sakti, paani dubo nahin sakta। aisi aatma ka ab yog laga hai baap se। usko shama bhi kehte hain jis par parvaane jaakar jal marte hain। koi to pheri pahan naach karte hain, koi to jalkar bali chadh jaate hain। bali to shama par saari srishti ko chadhna hai। us baap shama ke saath tum bachche bhi madadgaar ho। jahaan-jahaan centres hain sabhi aakar tum bachchon dvaara shama par kurbaan jaate hain। baap kehte hain jo mujh par kurbaan hote hain, main phir un par 21 baar kurbaan hota hoon। ab yeh to bachche jaan gaye hain ki jhaad dheere-dheere badhta hai। deepmaala par dekha hai chhote-chhote parvaane kaise phida hote hain। jitna-jitna tum bachche yog lagaayenge, shakti dhaaran karenge utna tum bhi shama ke samaan ban jaayenge। abhi to sabhi ki jyoti bujhi hui hai। koi mein bhi taakat nahin rahi hai। aatmaayen sabhi jhoothi ho gai hain। aajkal nakli sona bhi aisa dikhaai padta hai jaise real hai lekin uski value kuchh bhi nahin। aise aatmaayen bhi jhoothi ban gai hain। sachche sone mein hi khaad daalte hain। to aatma mein khaad pad gai hai is kaaran bhaarat aur saari duniya bahut duhkhi hai। ab tumko yog agni se khaad ko bhasma kar pavitra banna hai।

harek bachche ko apne se poochhna hai baap se humein sab kuchh mila hai? kisi cheez ki mere mein kami to nahin hai? apne andar dekhna hota hai। jaise naarad se poochha na ki lakshmi ko varne ke laayak apne ko samajhte ho? baap bhi poochhte hain lakshmi ko varne laayak bane ho? kya kya khaami hai, jisko nikaalne liye bahut purushaartha karna hai। kai to jara bhi purushaartha nahin karte। koi-koi achhi tarah purushaartha karte hain। naye-naye bachchon ko samjhaaya jaata hai bataao tumhaare mein koi khaami to nahin hai! kyonki tumhein ab perfect banna hai, baap aate hi hain perfect banaane। to apne andar jaanch karo ki ham in lakshmi-naaraayan jaise perfect bane hain? tumhaari em object hi yeh hai। agar koi khaamiyaan hain to baap ko bataana chaahiye। yeh-yeh khaamiyaan hamaare se nikalti nahin hain, baba humein iska koi upaay bataao। beemaari surgeon dvaara hi nikal sakti hai। to eemaandaari se sachchaai se dekho mere mein kya khaami hai! jisse samajhte hain yeh pad ham nahin pa sakenge। baap to kahenge haan tum in jaisa hoobhu ban sakte ho। khaamiyaan bataayenge tab to baap raay denge। khaamiyaan bahuton mein hain। koi mein krodh hai ya lobh hai ya phaaltu chintan hai, to usko gyaan ki dharna ho nahin sakti। vo phir kisko dhaaran kara bhi nahin sakte। baap roz-roz samjhaate hain, vaastav mein itna samjhaane ki darkaar nahin hai, yeh to dhaaran karne ki baat hai, mantra hai bahut achha, jiska arth baap samjhaate rehte hain। itne dinon se samjhaate rehte hain baat ek hi hai, behad ke baap se hamko aisa banna hai। 5 vikaaron ko jeetne ki baat abhi ki hi hai। jo bhoot duhkh dete hain unhein nikaalne ki yukti baap bataayenge, parantu pahle varnan kiya jaata hai ki yeh bhoot humein aise-aise tang karte hain। tum jaante ho tumhaare mein koi woh bhoot nahin hai, yeh vikaar hi janma-janmaantar ke bhoot hain jinhonne duhkhi kiya hai। to baap ke paas ant kholna chaahiye - mere mein yeh-yeh bhoot hain, unko kaise nikaalen! kaam roopi bhoot ke liye to roz samjhaaya jaata hai। okhe bahut dhokha deti hain isliye aatma ko dekhne ki practice achhi reeti daalni chaahiye। main aatma hoon, yeh bhi aatma hai। bhal shareer hai parantu beemaari se chhootne ke liye samjhaate hain। tum aatmaayen to bhaai-bhaai ho na। to is shareer ko nahin dekhna hai। ham aatmaayen sab vaapas ghar jaane vaali hain। baap aaye hain le jaane ke liye, baaki yeh dekhna hai ham sarvagun sampanna bane hain! kaun sa gun kam hai? aatma ko dekh bataaya jaata hai is aatma mein yeh khaami hai। to phir baithkar current den ki inse yeh beemaari nikal jaaye। chhipaana nahin chaahiye, avgun bataate rahenge to baap samjhaani denge। baap se baaten karni chaahiye, baba aap aise ho! baba aap kitne meethe ho। to baap ki yaad se, baba ki mahima karne se yeh bhoot bhaagte jaayenge aur tumko khushi bhi rahegi। kisam-kisam ke bhoot hain। baap sanmukh baithe hain to sab kuchh bataao। baba main samajhta hoon is haalat mein hamko ghaata pad jaayega। main feel karta hoon। baap ko taras padta hai। maaya ke bhooton ko bhagaane vaala ek bhagwan baap hi hai। us bhoot ko nikaalne ke liye kitnon ke dar par jaate hain। yeh to ek hi hai। bhal bachchon ko bhi sikhaaya jaata hai ki 5 vikaaron roopi bhoot nikaalne ki yukti sabhi ko bataao। tum bachche jaante ho ki yeh jhaad bahut dheere-dheere vriddhi ko paata hai। maaya to chaaron taraph se aisa gheraav daalti hai jo ekdam gum ho jaate hain। baap ka haath chhod dete hain। tum harek ka connection baap ke saath hai। bachche to sab nambarvaar nimitta hain।

meethe-meethe bachchon ko baba baar-baar samjhaate hain bachche apne ko aatma samjho, yeh shareer mera nahin, yeh bhi khatma hona hai। hamko baap ke paas jaana hai। aise gyaan ki masti mein rahne se tumhaare mein kashish bahut aayegi। yeh to jaante ho yeh puraana chola chhodna hai, yahaan rehna nahin hai। is shareer se mamatva nikal jaae। is shareer mein sirf service ke liye hi hain, inmen mamatva nahin hai। bas ghar jaayen। yeh sangam ka samay bhi purushaartha ke liye bahut aavashyak hai। abhi hi samajhte hain hamne 84 ka chakra lagaaya hai, baap kahat s yaad ki yaatra par raho, jitna yaad ki yaatra par rahenge to tumhaari prakriti daasi banegi। sanyaasi log kabhi kisi se kuchh maangate nahin hain। woh yogi to hai na! nishchay hai hamko brahm mein leen hona hai। unhon ka dharma hi aisa hai, bahut pakke rehte hain, bas ham jaate hain, yeh shareer chhod jaayenge। parantu unhon ka raasta hi wrong hai, ja nahin sakte। badi mehnat karte hain। bhakti maarga mein devtaaon se milne liye kai to apna jeevghaat tak kar lete hain। aatmaghaat to nahin kahenge, woh to hota nahin। baaki jeevghaat hota hai। to tum bachche service ka bahut shauk rakho। service karenge to baap bhi yaad rahega, service to sab jagah hai, kahaan bhi tum jaakar samjhaao kuchh bhi karenge nahin। yog mein ho to jaise tum amar ho। kabhi doosra koi bhi khyaal nahin aayega, parantu woh avastha majboot ho। pahle to apne andar dekhna hai hamaare mein koi khaami to nahin hai! khaami nahin hogi to service bhi achhi kar sakenge। father shows san, san shows father। baap ne tumko laayak banaaya aur tum bachchon ko phir naye-naye ko baap ka parichay dena hai। bachchon ko baap ne hoshiyaar kar diya hai। baba jaante hain bahut achhe-achhe bachche hain jo service karke aate hain। chitron par kisko bhi samjhaana bahut sahaj hai, bigar chitron ke samjhaana kathin hai। raat-din yahi khyaalaat chalta rahe ki ham inka jeevan kaise banaayen, isse hamaara jeevan bhi unnati ko paayega। khushi hoti hai, harek ko umang rehta hai ham apne gaanv vaalon ka uddhaar karen। apne hamjinsa ki seva karen। baap bhi kehte hain charity begins at hom। ek jagah par baith nahin jaana chaahiye, bhraman karna chaahiye। sanyaasi log bhi koi ko gaddi par bithaakar khud raman karte hain na। aise karte-karte vriddhi ko paaya hai। bahut naye-naye bhi nikal padte hain - jinki kuchh mahima hoti hai, to kuchh taakat usmein aa jaati hai। puraane patte bhi chamak padte hain। kisi mein koi aisi aatma pravesh karti hai jo unki bhi unnati ho jaati hai। baap baith shiksha dete hain ki bachche tumko sadaiv apni unnati karni hai।

laadle bachche, aage chal tumhaare mein yogbal ki taakat aa jaayegi - phir tum kisko thoda hi samjhaayenge to jhat samajh jaayenge। yeh bhi gyaan baan hain na। baan lagta hai to ghaayal kar deta hai। pahle ghaayal hote hain phir baba ke bante hain। to ekaanta mein baith yuktiyaan nikaalni chaahiye। aise nahin raat ko soya subah ko utha, nahin। savere jaldi uthkar baba ko bahut prem se yaad karna chaahiye। raat ko bhi yaad mein sona chaahiye। baba ko yaad hi nahin karenge to baap phir pyaar kaise karenge। kashish hi nahin hogi। bhal baba jaante hain drama mein sab prakaar ke nambarvaar banne hain phir bhi chupkar baith thode hi jaayenge। purushaartha to karaayenge na, nahin to phir bahut pachhtaana padega। baba hamko kitna samjhaate the! bahut pachhtaayenge naahek aisa kiya! maaya ke vash ho gaya! baap ko to taras padta hai। nahin sudharte hain to unki kya gati hogi, royenge, peetenge, sajaayen khaayenge isliye baap bachchon ko baar-baar shiksha dete hain ki bachche tumhein perfect zaroor banna hai। baar-baar apni checking karni hai। achha!

ati meethe, ati laadle sarva sikeeldhe bachchon prati maat-pita baapdaada ka dil va jaan sik va prem se yaadapyaar aur good morning। roohaani baap ki roohaani bachchon ko namaste।

avyakt mahaavaakya (revise)

jaise science refine hoti jaati hai aise apne aap mein silence ki shakti va apni sthiti refine hoti ja rahi hai? jo refine cheez hoti hai usmein kya-kya visheshta hoti hai? refine cheez quantity mein bhale kam hoti hai, lekin quality powerful hoti hai। jo cheez refine nahin hogi uski quantity jyaada, quality kam hogi। to yahaan bhi jabki refine hote jaate hain to kam samay, kam sankalp, kam energy mein jo kartavya hoga woh sauguna hoga aur halkaapan bhi rahega। halkepan ki nishaani hogi - woh kab neeche nahin aayega, na chaahte bhi svatah hi oopar sthit rahega। yeh hai refine qualification। to apne mein yeh donon visheshtaayen anubhav hoti jaati hain? bhaari hone kaaran mehnat jyaada karni hoti hai। halka hone se mehnat kam ho jaati hai। to aise natural parivartan hota jaata hai। yeh donon visheshtaayen sada attention mein rahen। isko saamne rakhte hue apni riphaaeennes ko check kar sakte ho। refine cheez jaasti bhatakti nahin। speed pakad leti hai। agar refine nahin hogi, kichda mix hoga to speed pakad nahin sakegi। nirvighna chal nahin sakenge। ek taraph jitna-jitna refine ho rahe ho, doosre taraph utna hi chhoti-chhoti baaten va bhoolen va sanskaar jo hain unka fine bhi badhta ja raha hai। ek taraph woh nazaara, doosre taraph refine hone ka nazaara, donon ka force hai। agar refine nahin to fine samjho। donon saath-saath nazaare dikhaai de rahe hain। woh bhi ati mein ja raha hai aur yeh bhi ati pratyaksha roop mein dikhaai deta ja raha hai। gupta ab prakhyaat ho raha hai। to jab donon baaten pratyaksha hon, usi anusaar hi to number banenge।

maala haath se nahin pironi hai। chalan se hi svayan apna number le lete hain। abhi number fix hone ka samay aa raha hai isliye donon baaten spashta dikhaai de rahi hain aur donon ko dekhte hue saakshi ho harshit rehna hai। khel bhi vahi achha lagta hai jismen koi baat ki ati hoti hai। vahi scene ati aakarshan vaali hoti hai। abhi bhi aisi kasmaksa ki scene chal rahi hai। dekhne mein maza aata hai na? va taras aata hai? ek taraph ko dekh khush hote, doosre taraph ko dekh raham padta। donon ka khel chal raha hai। vatan se to yeh khel bahut spashta dikhaai deta hai। jitna jo oonch hota hai unko spashta dikhaai deta hai। jo neeche stage par paartadhaari hain unko kuchh dikhaai de sakta, kuchh nahin। lekin oopar se saakshi ho dekhne se sab spashta dikhaai deta hai। to aaj vatan mein vartamaan khel ki scene dekh rahe the। achha!

vardaan:- oopar se avatrit ho avtaar ban seva karne vaale saakshaatkaar moorta bhav

jaise baap seva ke liye vatan se neeche aate hain, aise ham bhi seva ke prati vatan se aaye hain, aise anubhav kar seva karo to sada nyaare aur baap samaan vishwa ke pyaare ban jaayenge। oopar se neeche aana maana avtaar ban avatrit hokar seva karna। sabhi chaahte hain ki avtaar aayen aur hamko saath le jaayen। to sachche avtaar aap ho jo sabko muktidhaam mein saath le jaayenge। jab avtaar samajhkar seva karenge tab saakshaatkaar moorta banenge aur anekon ki ichchhaayen poorn hongi।

slogan:- aapko koi achha de ya bura aap sabko sneh do, sahayog do, raham karo।

brahma baap samaan banne ke liye vishesh purushaartha

sada parmaatma pyaar mein lavleen raho to pyaar swaroop, master pyaar ke saagar ban jaayenge। pyaar karna nahin padega, pyaar ka swaroop ban jaayenge। saara din pyaar ki lahren svatah hi uchhlengi। jitna-jitna gyaan soorya ki kirnen va prakaash badhta jaayega utna hi jyaada pyaar ki lahren uchhlengi।