Daily Murli for Tuesday 5 May 2020

05-05-2020 praatahmurli om shanti "baapdaada"' madhuban

“meethe bachche - tumhaara lav ek baap se hai kyonki tumhein behad ka varsa milta hai, tum pyaar se kehte ho - mera baba”

prashn:- kisi bhi dehdhaari manushya ke bol ki bhent baap se nahin ki ja sakti hai - kyon?

uttar:- kyonki baap ka ek-ek bol mahaavaakya hai। jin mahaavaakyon ko sunne vaale mahaan arthaat purooshottam ban jaate hain। baap ke mahaavaakya gul-gul arthaat phool bana dete hain। manushya ke bol mahaavaakya nahin, unse to aur hi neeche girte aaye hain।

geet:- badal jaae duniya…

om shanti। geet ki pahli line mein kuchh arth hai, baaki saara geet koi kaam ka nahin hai। jaise geeta mein bhagvaanuvaach manamnaabhav, madhyaaji bhav yeh akshar theek hain। isko kaha jaata hai aate mein namak। ab bhagwan kisko kaha jaata hai, yeh to bachche achhi reeti jaan gaye hain। bhagwan shivbaaba ko kaha jaata hai। shivbaaba aakar shivaalay rachte hain। aate kahaan hain? veshyaalay mein। khud aakar kehte hain - he meethe-meethe laadle, sikeeldhe roohaani bachchon, sunti to aatma hai na। jaante ho ham aatma avinaashi hain। yeh deh vinaashi hai। ham aatma ab apne parampita paramatma se mahaavaakya sun rahe hain। mahaavaakya ek parampita paramatma ke hi hain jo mahaan puroosh purooshottam banaate hain। baaki jo bhi mahaatmaayen guru aadi hain, unke koi mahaavaakya nahin hain। shivoham jo kehte hain woh bhi sahi vaakya hain nahin। abhi tum baap se mahaavaakya sunkar gul-gul bante ho। kaante aur phool mein kitna farka hai। abhi tum bachche jaante ho hamko koi manushya nahin sunaate hain। is par shivbaaba viraajmaan hain, woh bhi aatma hi hai, parantu unko kaha jaata hai param aatma। abhi patit aatmaayen kehti hain - he param aatma aao, aakar hamko paavan banaao। woh hai hi parampita, param banaane vaala। tum purooshottam arthaat sab purooshon mein uttam puroosh bante ho। woh hain devtaayen। parampita akshar bahut meetha hai। sarvavyaapi kah dete hain to meethaapan aata nahin। tumhaare mein bhi bahut thode hain jo pyaar se andar yaad karte hain, woh stri puroosh to ek-do ko sthool mein yaad karte hain। yeh hai aatmaon ko paramatma ko yaad karna, bahut pyaar se। bhakti maarga mein itna pyaar se pooja nahin kar sakte। woh lav nahin rehta। jaante hi nahin to lav kaise ho। abhi tum bachchon ka bahut lav hai। aatma kehti hai - ‘mera baba'। aatmaayen bhaai-bhaai hain na। har ek bhaai kehte hain baba ne hamko apna parichay diya hai। parantu woh lav nahin kaha jaata hai। jisse kuchh milta hai usmein lav rehta hai। baap mein bachchon ka lav rehta hai kyonki baap se varsa milta hai। jitna jaasti varsa, utna bachche ka jaasti lav rahega। agar baap ke paas kuchh bhi property hai nahin, daade ke paas hai to phir baap mein itna lav nahin rahega। phir daade se lav ho jaayega। samjhenge isse paisa milega। abhi to hai behad ka baap। tum bachche jaante ho hamko baap padhaate hain। yeh to bahut hi khushi ki baat hai। bhagwan hamaara baap hai। jis rachta baap ko koi bhi nahin jaante hain। na jaanne ke kaaran phir apne ko baap kah dete hain। jaise bachche se poochho tumhaara baap kaun? aakhreen kah dete hain ham। abhi tum bachche jaante ho un sab baapon ka baap hai zaroor, hamko jo abhi behad ka baap mila hai, unka koi baap hai nahin। yeh hai oonch te oonch baap। to bachchon ke andar mein khushi rahni chaahiye। un yaatraaon par jaate hain to vahaan itni khushi nahin rahegi kyonki praapti kuchh hai nahin। sirf darshan karne jaate hain। muphta mein kitne dhakke khaate hain। ek to yeh tippad ghisi aur doosra phir paise ki tippad ghisti। paise bahut kharcha karte, praapti kuchh nahin। bhakti maarga mein agar aamadni hoti to bhaaratvaasi bahut saahookaar ho jaate। yeh mandir aadi banaane mein karodon roopaya kharcha karte hain। tumhaara somnaath ka mandir ek nahin tha। sab raajaaon ke paas mandir the। tumko kitne paise diye the - 5 hazaar varsha pahle tumko vishwa ka maalik banaaya tha। ek baap hi aise kehte hain। aaj se 5 hazaar varsha pahle tumko raajayog sikhaakar aisa banaaya tha। abhi tum kya ban gaye ho। buddhi mein aana chaahiye na। ham kitna oonch the, punarjanma lete-lete ekdam pat aakar pade hain। kaudi misal ban pade hain। phir abhi ham baba ke paas jaate hain। jo baba hamko vishwa ka maalik banaate hain। yeh ek hi yaatra hai jabki aatmaon ko baap milte hain, to andar mein woh lav rehna chaahiye। tum bachche jab yahaan aate ho to buddhi mein rehna chaahiye ki ham us baap ke paas jaate hain, jinse hamko phir se vishwa ki baadshaahi milti hai। woh baap hamko shiksha dete hain - bachche, daivi gun dhaaran karo। sarva shaktimaan patit-paavan mujh baap ko yaad karo। main kalpa-kalpa aakar kehta hoon ki maamekam yaad karo to vikarma vinaash honge। dil mein yeh aana chaahiye ham behad ke baap ke paas aaye hain। baap kehte hain main gupta hoon। aatma kehti hai main gupta hoon। tum samajhte ho ham jaate hain shivbaaba ke paas, brahma daada ke paas। jo combined hai unse ham milne jaate hain, jisse ham vishwa ke maalik bante hain। andar mein kitni behad khushi honi chaahiye। jab madhuban mein aane ke liye apne ghar se nikalte ho to andar mein gadgad hona chaahiye। baap hamko padhaane ke liye aaya hai, hamko daiveegun dhaaran karne ki yukti bataate hain। ghar se nikalte samay hi andar mein yeh khushi rahni chaahiye। jaise kanya pati ke saath milti hai to jevar aadi pahanti hai to mukhda hi khil jaata hai। woh mukhda khilta hai duhkh paane ke liye। tumhaara mukhda khilta hai sada sukh paane ke liye। to aise baap ke paas aane samay kitni khushi honi chaahiye। abhi hamko behad ka baap mila hai। satayug mein jaayenge phir degree kam ho jaayegi। abhi to tum brahman eeshvareey santaan ho। bhagwan baith padhaate hain। woh hamaara baap bhi hai, teacher bhi hai, padhaate hain phir paavan banaakar saath mein bhi le jaayenge। ham aatma ab is chhi-chhi raavan raajya se chhootte hain। andar mein athaah khushi honi chaahiye - jabki baap vishwa ka maalik banaate hain to padhaai kitni achhi reeti padhni chaahiye। student achhi reeti padhte hain to achhe marks se paas hote hain। bachche kehte hain - baba ham to shri naaraayan banenge। yeh hai hi satya naaraayan ki katha arthaat nar se naaraayan banne ki katha। woh jhoothi kathaayen janma-janmaantar sunte aaye ho। abhi baap se ek hi baar tum sachchi-sachchi katha sunte ho। woh phir bhakti maarga mein chala aata hai। jaise shivbaaba ne janma liya uski phir varsha-varsha jayanti manaate aaye hain। woh kab aaya, kya kiya kuchh bhi nahin jaante। achha, krishna jayanti manaate hain, woh bhi kab aaya, kaise aaya, kuchh bhi pata nahin hai। kehte hain kansapuri mein aata hai, ab woh patit duniya mein kaise janma lega! bachchon ko kitni khushi honi chaahiye - ham behad baap ke paas jaate hain। anubhav bhi sunaate hain na - hamko phalaane dvaara teer laga, baba aaye hain.....! bas us din se lekar ham baap ko hi yaad karte hain।

yeh hai tumhaari bade te bade baap ke paas aane ki yaatra। baba to chaitanya hai, bachchon ke paas jaate bhi hain। woh hain jad yaatraayen। yahaan to baap chaitanya hai। jaise ham aatma bolti hain, vaise woh paramatma baap bhi bolte hain shareer dvaara। yeh padhaai hai bhavishya 21 janma shareer nirvaah ke liye। woh hai sirf is janma ke liye। ab kaun-si padhaai padhni chaahiye va kaun-sa dhandha karna chaahiye? baap kehte hain donon karo। sannyaasiyon misal gharbaar chhod jangal mein nahin jaana hai। yeh to pravritti maarga hai na। donon ke liye padhaai hai। sab to padhenge bhi nahin। koi achha padhenge, koi kam। koi ko ekdam jhat teer lag jaayega। koi to tavaai misal bolte rahenge। koi kehte hain - haan, ham samajhne ki koshish karenge। koi kahenge yeh to ekaanta mein samajhne ki baaten hain। bas, phir gum ho jaayenge। koi ko gyaan ka teer laga to jhat aakar samjhenge। koi phir kahenge - hamko phursat nahin। to samjho teer laga nahin। dekho, baba ko teer laga to phat se chhod diya na। samjha baadshaahi milti hai, unke aage yeh kya hai! hamko to baap se raajaai leni hai। abhi baap kehte hain woh dhandha aadi bhi karo sirf ek haphta yeh achhi reeti samjho। grihastha vyavhaar bhi sambhaalna hai। rachna ki paalna bhi karni hai। woh to rachkar phir bhaag jaate hain। baap kehte hain tumne racha hai to phir achhi reeti sambhaalo। samjho stri athva bachcha tumhaara kehna maante hain to sapoot hain। nahin samajhte hain to kapoot hain। sapoot aur kapoot ka pata pad jaata hai na। baap kehte hain tum shreemat par chalenge to shreshtha banenge। nahin to varsa mil na sake। pavitra ban, sapoot bachcha ban naam baala karo। teer lag gaya phir to kahenge - bas, abhi to ham sachchi kamaai karenge। baap aaye hain shivaalay mein le jaane। to shivaalay mein jaane liye phir laayak banna hai। mehnat hai। bolo, ab shivbaaba ko yaad karo, maut saamne khada hai। kalyaan to unka bhi karna hai na। bolo, ab yaad karo to vikarma vinaash honge। tum bachchiyon ka farja hai piyar ghar aur sasurghar ka uddhaar karna jabki tumhein bulaava hota hai to tumhaara farja hai unka kalyaan karna। merciful banna chaahiye। patit tamopradhaan manushyon ko satopradhaan banne ka raasta bataana hai। tum jaante ho har cheez nai se puraani zaroor hoti hai। narka mein sab patit aatmaayen hain, tab to ganga mein snaan kar paavan hone jaate hain। pahle to samjhen ki ham patit hain isliye paavan banna hai। baap aatmaon ko kehte hain mujhe yaad karo to tumhaare paap nashta ho jaayenge। saadhu-santa aadi jo bhi hain - sabko yeh mera paigaam do ki baap kehte hain mujhe yaad karo। is yog agni se athva yaad ki yaatra se tumhaari khaad nikalti jaayegi। tum pavitra ban mere paas aa jaayenge। main tum sabko saath le jaaoonga। jaise bichchhu hota hai, chalta jaata hai, jahaan narma cheez dekhta hai to dank maar deta hai। patthar ko dank maar kya karega! tum bhi baap ka parichay do। yeh bhi baap ne samjhaaya hai - mere bhagat kahaan rehte hain! shiv ke mandir mein, krishna ke mandir mein, lakshmi-naaraayan ke mandir mein। bhagat meri bhakti karte rehte hain। hain to bachche na। mere se raajya liya tha, ab poojya se pujaari ban gaye hain। devtaaon ke bhagat hain na। number one hai shiv ki avyabhichaari bhakti। phir girte-girte abhi to bhoot pooja karne lage hain। shiv ke pujaariyon ko samjhaane mein sahaj hoga। yeh sab aatmaon ka baap shivbaaba hai। svarga ka varsa dete hain। abhi baap kehte hain mujhe yaad karo to vikarma vinaash hon। ham tumko paigaam dete hain। ab baap kehte hain patit-paavan, gyaan ka saagar main hoon। gyaan bhi suna raha hoon। paavan banne ke liye yog bhi sikha raha hoon। brahma tan se message de raha hoon mujhe yaad karo। apne 84 janmon ko yaad karo। tumko bhagat milenge mandiron mein aur phir kumbha ke mele mein। vahaan tum samjha sakte ho। patit-paavan ganga hai ya paramatma?

to bachchon ko yeh khushi rahni chaahiye ki ham kiske paas jaate hain! hai kitna saadhaaran। kya badaai dikhaaye! shivbaaba kya kare jo bada aadmi dikhaai pade? sannyaasi kapde to pahan nahin sakte। baap kehte hain main to saadhaaran tan leta hoon। tum hi raay do ki main kya karoon? is rath ko kya shrringaaroon? woh husen ka ghoda nikaalte hain, unko shrringaarte hain। yahaan shivbaaba ka rath phir bail bana diya hai। bail ke mastak mein gol-gol shiv ka chitra dikhaate hain। ab shivbaaba bail mein kahaan se aayega। bhala mandir mein bail kyon rakha hai? shankar ki savaari kehte hain। sookshm vatan mein shankar ki savaari hoti hai kya? yeh sab hai bhakti maarga jo drama mein noondh hai। achha।

meethe-meethe sikeeldhe bachchon prati maat-pita baapdaada ka yaad-pyaar aur good morning। roohaani baap ki roohaani bachchon ko namaste।

dhaarna ke liye mukhya saar:-

1) apne aapse pratigya karni hai ki abhi ham sachchi kamaai karenge। svayan ko shivaalay mein chalne ke laayak banaayenge। sapoot bachcha bankar shreemat par chalkar baap ka naam baala karenge।

2) merciful ban tamopradhaan manushyon ko satopradhaan banaana hai। sabka kalyaan karna hai। maut ke pahle sabko baap ki yaad dilaani hai।

vardaan:- haan ji ke paath dvaara sevaaon mein mahaan banne vaale sarva ki duaaon ke paatra bhav

koi bhi seva khushi aur umang se karte hue sada dhyaan rahe ki jo seva ho usmein sarva ki duaayen praapta hon kyonki jahaan duaayen hongi vahaan mehnat nahin hogi। abhi yahi lakshya ho ki jiske bhi samparka mein aayen uski duaayen lete jaaen। haan ji ka paath hi duaayen lene ka saadhan hai। koi wrong bhi hai to use wrong kahkar dhakka dene ke bajaae sahaara dekar khada karo। sahayogi bano। to usse bhi santushtata ki duaayen milengi। jo duaayen lene mein mahaan bante hain ve svatah mahaan ban jaate hain।

slogan:- hard worker ke saath-saath apni sthiti bhi hard (majboot) banaane ka lakshya rakho।