Daily Murli for Wednesday 6 May 2020

06-05-2020 praatahmurli om shanti "baapdaada"' madhuban

“meethe bachche - apne aapko dekho main phool bana hoon, deh-ahankaar mein aakar kaanta to nahin banta hoon? baap aaya hai tumhein kaante se phool banaane”

prashn:- kis nishchay ke aadhaar par baap se atoot pyaar rah sakta hai?

uttar:- pahle apne ko aatma nishchay karo to baap se pyaar rahega। yeh bhi atoot nishchay chaahiye ki niraakaar baap is bhaageerath par viraajmaan hai। woh humein inke dvaara padha rahe hain। jab yeh nishchay tootta hai to pyaar kam ho jaata hai।

om shanti। kaante se phool banaane vaale bhagvaanuvaach athva baagvaan bhagvaanuvaach। bachche jaante hain ki ham yahaan kaante se phool banne ke liye aaye hain। har ek samajhte hain pahle ham kaante the। ab phool ban rahe hain। baap ki mahima to bahut karte hain, patit-paavan aao। woh khivaiya hai, baagvaan hai, paap kateshvar hai। bahut hi naam kehte hain parantu chitra sab jagah ek hi hai। unki mahima bhi gaate hain gyaan ka saagar, sukh ka saagar… abhi tum jaante ho ham us ek baap ke paas baithe hain। kaante roopi manushya se abhi ham phool roopi devta banne aaye hain। yeh em object hai। ab har ek ko apni dil mein dekhna hai, hamaare mein daiveegun hain? main sarvagun sampanna hoon? aage to devtaaon ki mahima gaate the, apne ko kaante samajhte the। ham nirgun haare mein koi gun naahi....... kyonki 5 vikaar hain। deh-abhimaan bhi bahut kada abhimaan hai। apne ko aatma samjhen to baap ke saath bhi bahut pyaar rahe। abhi tum jaante ho niraakaar baap is rath par viraajmaan hai। yeh nishchay karte-karte bhi phir nishchay toot padta hai। tum kehte bhi ho ham aaye hain shivbaaba ke paas। jo is bhaageerath prajaapita brahma ke tan mein hain, ham sabhi aatmaon ka baap ek shivbaaba hai, woh is rath mein viraajmaan hai। yeh bilkul pakka nishchay chaahiye, ismen hi maaya sanshay mein laati hai। kanya pati ke saath shaadi karti hai, samajhti hai unse bahut sukh milna hai parantu sukh kya milta hai, phat se jaakar apvitra banti hai। kumaari hai to maa-baap aadi sab maatha tekte hain kyonki pavitra hai। apvitra bani aur sabke aage maatha tekna shuru kar deti। aaj sab unko maatha tekte kal khud maatha tekne lagti।

ab tum bachche sangam par purooshottam ban rahe ho। kal kahaan honge? aaj yeh ghar-ghaat kya hai! kitna gand laga hua hai! isko kaha hi jaata hai veshyaalay। sab vish se paida hote hain। tum hi shivaalay mein the, aaj se 5 hazaar varsha pahle bahut sukhi the। duhkh ka naamnishaan nahin tha। ab phir aisa banne ke liye aaye ho। manushyon ko shivaalay ka pata hi nahin hai। svarga ko kaha jaata hai shivaalay। shivbaaba ne svarga ki sthaapna ki। baba to sabhi kehte hain parantu poochho father kahaan hai? to kah dete sarvavyaapi hai। kutte-billi, kachchha-machchha mein kah dete hain to kitna farka hua! baap kehte hain tum purooshottam the, phir 84 janma bhogkar tum kya bane ho? narkavaasi bane ho isliye sab gaate hain - he patit-paavan aao। abhi baap paavan banaane aaye hain। kehte hain - yeh antim janma vish peena chhodo। phir bhi samajhte nahin। sabhi aatmaon ka baap ab kehte hain pavitra bano। sab kehte bhi hain baba, pahle aatma ko woh baba yaad aata hai, phir yeh baba। niraakaar mein woh baba, saakaar mein phir yeh baba। supreme aatma in patit aatmaon ko baith samjhaati hai। tum bhi pahle pavitra the। baap ke saath mein rehte the phir tum yahaan aaye ho part bajaane। is chakra ko achhi reeti samajh lo। abhi ham satayug mein nai duniya mein jaane vaale hain। tumhaari aash bhi hai na ki ham svarga mein jaayen। tum kehte bhi the ki krishna jaisa bachcha mile। abhi main aaya hoon tumko aisa banaane। vahaan bachche hote hi hain krishna jaise। satopradhaan phool hain na। abhi tum krishnapuri mein chalte ho। aap to svarga ke maalik bante ho। apne se poochhna hai - ham phool bana hoon? kahaan deh-ahankaar mein aakar kaanta to nahin banta hoon? manushya apne ko aatma samajhne badle deh samajh lete hain। aatma ko bhoolne se baap ko bhi bhool gaye hain। baap ko baap dvaara hi jaanne se baap ka varsa milta hai। behad ke baap se varsa to sabhi ko milta hai। ek bhi nahin rehta jisko varsa na mile। baap hi aakar sabko paavan banaate hain, nirvaandhaam mein le jaate hain। woh to kah dete hain - jyoti jyot samaaya, brahm mein leen ho gaya। gyaan kuchh bhi nahin। tum jaante ho ham kiske paas aaye hain? yeh koi manushya ka satsang nahin hai। aatmaayen, paramatma se alag hui, ab unka sang mila hai। sachcha-sachcha yeh sat ka sang 5 hazaar varsha mein ek hi baar hota hai। satayug-treta mein to satsang hota nahin। baaki bhakti maarga mein to anek dher ke dher satsang hain। ab vaastav mein sat to hai hi ek baap। abhi tum unke sang mein baithe ho। yeh bhi smriti rahe ki ham godly student hain, bhagwan hamko padhaate hain, to bhi aho saubhaagya।

hamaara baba yahaan hai, woh baap, teacher phir guru bhi bante hain। teenon hi part abhi baja rahe hain। bachchon ko apna banaate hain। baap kehte yaad se hi vikarma vinaash honge। baap ko yaad karne se hi paap katte hain phir tumko light ka taaj mil jaata hai। yeh bhi ek nishaani hai। baaki aise nahin ki light dekhne mein aati hai। yeh pavitrata ki nishaani hai। yeh knowledge aur koi ko mil na sake। dene vaala ek hi baap hai। unmein full knowledge hai। baap kehte hain main manushya srishti ka beejroop hoon। yeh ulta jhaad hai। yeh kalpa vriksha hai na। pahle daivi phoolon ka jhaad tha। abhi kaanton ka jangal ban gaya hai kyonki 5 vikaar aa gaye hain। pahla mukhya hai deh-abhimaan। vahaan deh-abhimaan nahin rehta। itna samajhte hain ham aatma hain, baaki paramatma baap ko nahin jaante। ham aatma hain, bas। doosri koi knowledge nahin। (sarpa ka misaal) abhi tumhein samjhaaya jaata hai ki janma-janmaantar ki puraani sadi hui yeh khaal hai jo abhi tumko chhodni hai। abhi aatma aur shareer donon patit hain। aatma pavitra ho jaayegi to phir yeh shareer chhoot jaayega। aatmaayen sab bhaagengi। yeh gyaan tumko abhi hai ki yeh naatak poora hota hai। abhi hamko baap ke paas jaana hai, isliye ghar ko yaad karna hai। is deh ko chhod dena hai, shareer khatma hua to duniya khatma hui phir naye ghar mein jaayenge to naya sambandh ho jaayega। woh phir bhi punarjanma yahaan hi lete hain। tumko to punarjanma lena hai phoolon ki duniya mein। devtaaon ko pavitra kaha jaata hai। tum jaante ho ham hi phool the phir kaante bane hain phir phoolon ki duniya mein jaana hai। aage chal tumko bahut saakshaatkaar honge। yeh hai khelpaal। meera dhyaan mein khelti thi, unko gyaan nahin tha। meera koi vaikuntha mein gai nahin। yahaan hi kahaan hogi। is brahman kul ki hogi to yahaan hi gyaan leti hogi। aise nahin, dance kiya to bas baikuntha chali gai। aise to bahut dance karte the। dhyaan mein jaakar dekhkar aate the phir jaakar vikaari banen। gaaya jaata hai na - chadhe to chaakhe baikuntha ras....... baap bheeti dete hain - tum baikuntha ke maalik ban sakte ho agar gyaan-yog seekhenge to। baap ko chhoda to gaye gutter mein (vikaaron mein)। aashcharyavat baba ka bananti, sunanti, sunaavanti phir bhaaganti ho padte hain। aho maaya kitni bhaari chot lag jaati hai। abhi baap ki shreemat par tum devta bante ho। aatma aur shareer donon hi shreshtha chaahiye na। devtaaon ka janma vikaar se nahin hota hai। woh hai hi nirvikaari duniya। vahaan 5 vikaar hote nahin। shivbaaba ne svarga banaaya tha। abhi to narka hai। abhi tum phir svargavaasi banne ke liye aaye ho, jo achhi reeti padhte hain vahi svarga mein jaayenge। tum phir se padhte ho, kalpa-kalpa padhte rahenge। yeh chakra phirta rahega। yeh bana-banaaya drama hai, inse koi chhoot nahin sakta। jo kuchh dekhte ho, machchhar uda, kalpa baad bhi udega। is samajhne mein badi achhi buddhi chaahiye। yeh shooting hoti rehti hai। yeh karmakshetra hai। yahaan paramdham se aaye hain part bajaane।

ab is padhaai mein koi to bahut hoshiyaar ho jaate hain, koi abhi padh rahe hain। koi padhte-padhte puraane se bhi teekhe ho jaate hain। gyaan saagar to sabko padhaate rehte hain। baap ka bana aur vishwa ka varsa tumhaara hai। haan, tumhaari aatma jo patit hai unko paavan zaroor banaana hai, uske liye sahaj te sahaj tareeka hai behad ke baap ko yaad karte raho to tum yeh ban jaayenge। tum bachchon ko is puraani duniya se vairaagya aana chaahiye। baaki muktidhaam, jeevanmuktidhaam hai aur kisko bhi ham yaad nahin karte sivaae ek ke। savere-savere uthkar abhyaas karna hai ki ham ashareeri aaye, ashareeri jaana hai। phir koi bhi dehdhaari ko ham yaad kyon karen। savere amritvele uthkar apne se aisi-aisi baaten karni hai। savere ko amritvela kaha jaata hai। gyaan amrit hai gyaan saagar ke paas। to gyaan saagar kehte hain savere ka time bahut achha hai। savere uthkar bahut prem se baap ko yaad karo - baba, aap 5 hazaar varsha ke baad phir mile ho। ab baap kehte hain mujhe yaad karo to paap kat jaayenge। shreemat par chalna hai। satopradhaan zaroor banna hai। baap ko yaad karne ki aadat pad jaayegi to khushi mein baithe rahenge। shareer ka bhaan tootta jaayega। phir deh ka bhaan nahin rahega। khushi bahut rahegi। tum khushi mein the jab pavitra the। tumhaari buddhi mein yeh saara gyaan rehna chaahiye। pahle-pahle jo aate hain zaroor woh 84 janma lete honge। phir chandravanshi kuchh kam, islaami unse kam। nambarvaar jhaad ki vriddhi hoti hai na। mukhya hai deity dharma phir unse 3 dharma nikalte hain। phir taal-taaliyaan nikalti hain। abhi tum drama ko jaante ho। yeh drama joon misal bahut dheere-dheere phirta rehta hai। second by second tik-tik chalti rehti hai isliye gaaya jaata hai second mein jeevanmukti। aatma apne baap ko yaad karti hai। baba ham aapke bachche hain। ham to svarga mein hone chaahiye। phir narka mein kyon pade hain। baap to svarga ki sthaapna karne vaala hai phir narka mein kyon pade hain। baap samjhaate hain tum svarga mein the, 84 janma lete-lete tum sab bhool gaye ho। ab phir meri mat par chalo। baap ki yaad se hi vikarma vinaash honge kyonki aatma mein hi khaad padti hai। shareer aatma ka jevar hai। aatma pavitra to shareer bhi pavitra milta hai। tum jaante ho ham svarga mein the, ab phir baap aaye hain to baap se poora varsa lena chaahiye na। 5 vikaaron ko chhodna hai। deh-abhimaan chhodna hai। kaam-kaaj karte baap ko yaad karte raho। aatma apne maashook ko aadhaakalpa se yaad karti aai hai। ab woh maashook aaya hua hai। kehte hain tum kaam chita par baith kaale ban gaye ho। abhi ham sundar banaane aaye hain। uske liye yeh yog agni hai। gyaan ko chita nahin kahenge। yog ki chita hai। yaad ki chita par baithne se vikarma vinaash honge। gyaan ko to knowledge kaha jaata hai। baap tumko srishti ke aadi-madhya-ant ka gyaan sunaate hain। oonch te oonch baap hai phir brahma-vishnu-shankar, phir sooryavanshi-chandravanshi phir aur dharmon ke by-plot hain। jhaad kitna bada ho jaata hai। abhi is jhaad ka foundation hai nahin isliye banyan tree ka misaal diya jaata hai। devi-devta dharma praayah lop ho gaya hai। dharma bhrashta, karma bhrashta ban gaye hain। abhi tum bachche shreshtha banne ke liye shreshtha karma karte ho। apni drishti ko civil banaate ho। tumhein ab bhrashta karma nahin karna hai। koi kudrishti na jaaye। apne ko dekho - ham lakshmi ko varne laayak bane hain? ham apne ko aatma samajh baap ko yaad karte hain? roz potaamel dekho। saare din mein deh-abhimaan mein aakar koi vikarma to nahin kiya? nahin to sau guna ho jaayega। maaya chart bhi rakhne nahin deti hai। 2-4 din likhkar phir chhod dete hain। baap ko ona (khyaal) rehta hai na। raham padta hai - bachche, hamko yaad karen to unke paap kat jaayen। ismen mehnat hai। apne ko ghaata nahin daalna hai। gyaan to bahut sahaj hai। achha!

meethe-meethe sikeeldhe bachchon prati maat-pita baapdaada ka yaad-pyaar aur good morning। roohaani baap ki roohaani bachchon ko namaste।

dhaarna ke liye mukhya saar:-

1) savere amritvele uthkar baap se meethi-meethi baaten karni hai। ashareeri banne ka abhyaas karna hai। dhyaan rahe - baap ki yaad ke sivaae doosra kuchh bhi yaad na aaye।

2) apni drishti bahut shuddh pavitra banaani hai। daivi phoolon ka bageecha taiyaar ho raha hai isliye phool banne ka poora purooshaartha karna hai। kaanta nahin banna hai।

vardaan:- har sankalp, samay, vritti aur karma dvaara seva karne vaale nirantar sevaadhaari bhav

jaise baap ati pyaara lagta hai baap ke bina jeevan nahin, aise hi seva ke bina jeevan nahin। nirantar yogi ke saath-saath nirantar sevaadhaari bano। sote hue bhi seva ho। sote samay yadi koi aapko dekhe to aapke chehre se shanti, aanand ke vibration anubhav kare। har karmendriy dvaara baap ke yaad ki smriti dilaane ki seva karte raho। apni powerful vritti dvaara vibration phailaate raho, karma dvaara karma-yogi bhav ka vardaan dete raho, har kadam mein padmon ki kamaai jama karte raho tab kahenge nirantar sevaadhaari arthaat serviceable।

slogan:- apni roohaani personality ko smriti mein rakho to maayaajeet ban jaayenge।