Daily Murli for Thursday 25 June 2020

25-06-2020 praatahmurli om shanti "baapdaada"' madhuban

“meethe bachche - behad ke sukhon ke liye tumhein behad ki knowledge milti hai, tum phir se raajayog ki shiksha se raajaai le rahe ho''

prashn:- tumhaara eeshvareey kutumba kis baat mein bilkul hi niraala hai?

uttar:- is eeshvareey kutumba mein koi ek roz ka bachcha hai, koi 8 roz ka lekin sab padh rahe hain। baap hi teacher bankar apne bachchon ko padha rahe hain। yeh hai niraali baat। aatma padhti hai। aatma kehti hai baba, baba phir bachchon ko 84 janmon ki kahaani sunaate hain।

geet:- doordesh ka rahne vaala…

om shanti। vrikshapti vaar, uska naam rakh diya hai brihaspati। yeh tyohaar aadi to varsha-varsha manaate hain। tum har haphte brihaspati de manaate ho। vrikshapti athva is manushya srishti roopi jhaad ka jo beejroop hai, chaitanya hai, vahi is jhaad ke aadi-madhya-ant ko jaante hain, aur jo bhi vriksha hain woh sab jad hote hain। yeh hai chaitanya, inko kaha jaata hai kalpavriksha। inki aayu hai 5 hazaar varsha aur yeh vriksha 4 bhaag mein hai। har cheez 4 bhaag mein hoti hai। yeh duniya bhi 4 bhaag mein hai। ab is puraani duniya ka ant hai। duniya kitni badi hai, yeh gyaan koi bhi manushya maatra ki buddhi mein nahin hai। yeh hai nai duniya ke liye nai shiksha। aur phir nai duniya ka raaja banne ke liye athva aadi sanaatan devi-devta banne ke liye shiksha bhi nai hai। bhaasha to hindi hi hai। baba ne samjhaaya hai jab doosri raajaai sthaapan hoti hai to unki bhaasha alag hoti hai। satayug mein kya bhaasha hogi? so bachche thoda-thoda jaante hain। aage bachchiyaan dhyaan mein jaakar batlaati thi। vahaan koi sanskrit nahin hai। sanskrit to yahaan hai na। jo yahaan hai woh phir vahaan nahin ho sakti। to bachche jaante hain yeh hai vrikshapti। unko father rachta bhi kehte hain jhaad ka। yeh hai chaitanya beejroop। woh sab hote hain jad। bachchon ko srishti ke aadi-madhya-ant ko bhi jaanna chaahiye na। is samay knowledge na hone kaaran manushyon ko sukh nahin hai। yeh hai behad ki knowledge, jisse behad ka sukh hota hai। had ki knowledge se kaag vishta samaan sukh milta hai। tum jaante ho, ham behad ke sukh ke liye abhi purooshaartha kar rahe hain phir se। yeh ‘phir se' akshar sirf tum sunte ho। tum hi phir se manushya se devta banne ke liye yeh raajayog ki shiksha praapta kar rahe ho। yeh bhi tum jaante ho gyaan ka saagar baap niraakaar hai। niraakaari to bachche aatmaayen bhi hain, lekin sabko apna-apna shareer hai, inko alaukik janma kaha jaata hai। aur koi manushya aise janma le nahin sakte। jaise yeh lete hain aur inki bhi vaanaprastha avastha mein pravesh karte hain। bachchon (aatmaon) ko sammukh baith samjhaate hain, aur koi aatmaon ko bachche-bachche kah na saken। koi bhi dharma vaala ho-jaante hain shivbaaba ham aatmaon ka baba hai, woh to zaroor bachche-bachche hi kahenge। baaki koi bhi manushyaatma ko eeshvar nahin kah sakte, baba nahin kah sakte। yoon to gaandhi ko bhi baapu kehte the। municipality ke mayor ko bhi father kah dete। parantu woh father hain sab dehdhaari। tum jaante ho hamaari aatmaon ka baap hamko padhaate hain। baap ghadi-ghadi kehte hain apne ko aatma samjho। woh baap aakar padhaate bhi aatmaon ko hain। yeh hai eeshvareey kutumba। baap ke itne dher bachche hain। tum bhi kehte ho baba ham aapke hain। tum bachche ho gaye। kehte hain baba ham ek roz ka bachcha hoon, 8 roj ka bachcha hoon, maas ka bachcha hoon। pahle zaroor chhota hi hoga। bhal 2-4 din ka bachcha hi hai parantu organs to bade hain na isliye sab bade bachchon ko padhaai chaahiye। jo bhi aate hain sabko baap padhaate hain। tum bhi padhte ho। baap ke bachche bane phir baap samjhaate hain, tumne 84 janma kaise liye hain? baap kehte hain main bhi bahut janmon ke ant mein inmen pravesh karta hoon aur phir padhaata hoon। bachche jaante hain yahaan ham bade te bade teacher ke paas aaye hain। jisse hi phir yeh teachers nikle hain jinko pande kehte hain। woh bhi sabko padhaate rehte hain। jo-jo jaante jaayenge, padhaate rahenge।

pahle-pahle to samjhaana hi yeh hai, do baap hain na। ek laukik aur doosra paarlaukik। bada to zaroor paarlaukik baap ho gaya, jisko bhagwan kaha jaata hai। tum jaante ho abhi hamko paarlaukik baap mila hai, aur kisi ko pata nahin। dheere-dheere jaante jaayenge। tum bachche jaante ho ham aatmaon ko baba padhaate hain। ham aatmaayen hi ek shareer chhod phir doosra lengi। oonch se oonch devta banengi। oonch se oonch banne ke liye aaye hain। kai bachche chalte-chalte oonche se oonchi padhaai ko chhod dete hain, kisi na kisi baat mein sanshay aa jaata hai ya maaya ka koi toofaan sahan nahin kar sakte hain, kaam mahaashatru se haar kha lete hain, inheen kaarnon se padhaai chhoot jaati hai। kaam mahaashatru ke kaaran hi bachchon ko bahut sahan karna padta hai। baap kehte hain kalpa-kalpa tum ablaayen maataayen hi pukaarti ho। kehte hain baba hamko nangan hone se bachaao। baap kehte hain yaad ke sivaae aur koi raasta nahin। yaad se hi bal aata jaayega। maaya balvaan ki taakat kam hoti jaayegi। phir tum chhoot jaayenge। aise bahut bandhan se chhootkar aate hain। phir atyaachaar hona banda ho jaata hai phir aakar shivbaaba se brahma dvaara baatcheet karte hain। yeh bhi aadat pad jaani chaahiye। buddhi mein yeh rehna chaahiye ki ham shivbaaba paas jaate hain। woh is brahma tan mein aate hain। ham shivbaaba ke aage baithe hain। yaad se hi vikarma vinaash honge। apne ko aatma samajh baap ko yaad karna hai। yahi shiksha milti hai। baap se milne aao to bhi apne ko aatma samjho। aatma-abhimaani bhav। yeh gyaan bhi tumko abhi milta hai। yeh hai mehnat। us bhakti maarga mein to kitne ved shaastra aadi padhte hain। yeh to ek hi mehnat hai-sirf yaad ki। yeh bahut sahaj te sahaj hai, bahut difficult te difficult bhi hai। baap ko yaad karna-isse sahaj koi baat hoti nahin। bachcha paida hua aur mukh se baba-baba niklega। bachchi ke mukh se maa niklega। aatma ne female ka shareer dhaaran kiya hai। female maa ke paas hi jaayegi। bachcha aksar karke baap ko yaad karta hai kyonki varsa milta hai। abhi tum aatmaayen to sab bachche ho। tumko varsa milta hai baap se। aatma ko baap se varsa milta hai, yaad karne se। deh-abhimaani honge to varsa paane mein mushkilaat hogi। baap kehte hain main bachchon ko hi padhaata hoon। bachche bhi jaante hain ham bachchon ko baap padhaate hain। yeh baaten baap ke sivaae koi bata na sake। unke saath hi bhakti maarga mein tumhaara pyaar tha। tum sab aashik the, us maashook ke। saari duniya aashik hai ek maashook ki। paramatma ko sab parampita bhi kehte hain। baap ko aashik nahin kaha jaata। baap samjhaate hain tum bhakti maarga mein aashik the। abhi bhi hain bahut, parantu paramatma kisko kaha jaae, ismen bahut moonjhate hain। ganesh, hanoomaan aadi ko paramatma kah ekdam soot munjha diya hai। sivaae ek ke koi theek kar na sake। koi ki taakat nahin। baap hi aakar bachchon ko samjhaate hain। bachche phir nambarvaar purooshaartha anusaar samajhte hain aur samjhaane ke laayak bante hain। raajdhaani sthaapan ho rahi hai। hoobhu kalpa pahle misal tum yahaan padhte ho। phir praalabdha nai duniya mein paayenge unko amarlok kaha jaata hai। tum kaal par vijay paate ho। vahaan kabhi akaale mrityu hoti nahin। naam hi hai svarga। tum bachchon ko is padhaai mein bahut khushi honi chaahiye। baap ki yaad se baap ki property bhi yaad aayegi। second mein saare drama ka gyaan buddhi mein aa jaata hai। mool vatan, sookshm vatan, sthool vatan, 84 ka chakra bas, yeh naatak saara bhaarat par hi bana hua hai। baaki sab hain by-plat। baap knowledge bhi tumko sunaate hain। tum hi oonch se oonch phir neench bane ho। double sirtaaj raav aur phir bilkul hi rank। ab bhaarat rank bhikhaari hai। praja ka praja par raajya hai। satayug mein tha double sirtaaj mahaaraaja-mahaaraani ka raajya। sab maante hain aadi dev brahma ko naam bahut diye hain। mahaaveer bhi unko kehte hain, mahaaveer hanoomaan ko bhi kehte hain। vaastav mein tum bachche hi sachche-sachche mahaaveer hanoomaan ho kyonki tum yog mein itna rehte ho jo maaya ke bhal kitne bhi toofaan aayen lekin tumhein hila nahin sakte। tum mahaaveer ke bachche mahaaveer bane ho kyonki tum maaya par jeet paate ho। 5 vikaar roopi raavan par har ek jeet paate hain। ek manushya ki baat nahin। tum har ek ko dhanush todna hai arthaat maaya par jeet paani hai। ismen ladaai aadi ki koi baat nahin। yooropvaasi kaise ladte hain, bhaarat mein kaurvon aur yauvnon ki ladaai hai। gaaya bhi hua hai rakta ki nadiyaan bahti hain। doodh ki bhi nadiyaan bahengi। vishnu ko ksheersaagar mein dikhaate hain, lakshmi-naaraayan hai paarasnaath। unka phir nepaal taraph pashupti naam rakh diya hai। hai ek hi vishnu ke do roop, paarasnaath paarasnaathini। woh hai pashuptinaath pati, pashuptinaath patni। usmein vishnu ka chitra banaate hain। lake bhi banaate hain। ab lake mein ksheer (doodh) kahaan se aaya। bade din par us lake mein doodh daalte hain, phir dikhaate hain ksheersaagar mein vishnu soya pada hai। arth kuchh bhi nahin। 4 bhuja vaala manushya to koi hota nahin।

abhi tum bachche social worker ho, roohaani baap ke bachche ho na। baap sab baaten samjhaate hain, ismen koi sanshay nahin aana chaahiye। sanshay maana maaya ka toofaan। tum hamko bulaate hi ho he patit-paavan aao, aakar hamko paavan banaao। baap kehte hain maamekam yaad karo to tum paavan ban jaayenge। 84 ke chakra ko bhi yaad karna hai। baap ko kaha jaata hai patit-paavan, gyaan ka saagar, do cheez ho gai। patiton ko paavan banaate aur 84 ke chakra ka gyaan sunaate hain। yeh bhi tum bachche jaante ho 84 ka chakra chalta hi rahega, inki end nahin hai। yeh bhi tum nambarvaar purooshaartha anusaar jaante ho-baap kitna meetha hai, unko patiyon ka pati bhi kehte hain। baap bhi hai। ab baap kehte hain mere se tum bachchon ko bada bhaari varsa milta hai। parantu aise mujh baap ko bhi phaarakti de dete hain। yeh bhi drama mein noondh hai, padhaai ko hi chhod dete। goya phaarakti de dete, kitne besmajh hain। jo aklamand bachche hain woh sahaj hi sab baaton ko samajhkar doosron ko padhaane lag padenge। woh phauran nirnay lenge ki us padhaai se kya milta hai aur is padhaai se kya milta hai। kya padhna chaahiye। baba bachchon se poochhte hain, bachche samajhte bhi hain ki yeh padhaai bahut achhi hai। phir bhi kehte kya karen, jismaani padhaai nahin padhenge to mitra-sambandhi aadi naaraaz honge। baap kehte hain-din-pratidin time bahut thoda hota jaata hai। itni padhaai to padh nahin sakenge। bade zor se taiyaariyaan ho rahi hain। har prakaar se taiyaari hoti hai na। din-pratidin ek-do mein dushmani badhti jaati hai। kehte bhi hain aisi-aisi cheezen banaai hain jo phat se sabko khalaas kar denge। tum bachche jaante ho drama anusaar ab ladaai lag nahin sakti, raajaai sthaapan honi hai tab tak ham bhi taiyaari kar rahe hain। yeh bhi taiyaari karte rehte hain। tumhaara pichhaadi mein bahut prabhaav nikalne ka hai। gaaya bhi jaata hai aho prabhu teri leela। yeh isi samay ka gaayan hai। yeh bhi gaaya hua hai tumhaari gati mat nyaari। sab aatmaon ka part nyaara hai। abhi baap tumko shreemat de rahe hain ki maamekam yaad karo to vikarma vinaash honge। kahaan shreemat, kahaan manushyon ki mat। tum jaante ho vishwa mein shanti sivaae parampita paramatma ke koi kar na sake। 100 percent pavitrata-sukh-shanti 5 hazaar varsha pahle muaaphiphak drama anusaar sthaapan kar rahe hain। kaise? so aakar samjho। tum bachche bhi madadgaar bante ho। jo bahut madad karenge woh vijay maala ke daane ban jaate। tum bachchon ke naam bhi kitne ramneek the। woh naam ki list album mein rakh deni chaahiye। tum bhatti mein the, gharbaar chhod baap ke aakar bane। ekdam bhatti mein aakar pade। aisi pakki bhatti thi jo andar koi aa na sake। jab baap ke ban gaye to phir naam zaroor hone chaahiye। sab kuchh surrender kar diya, isliye naam rakh diye। wonder hai na-baap ne sabke naam rakhe। achha।

meethe-meethe sikeeldhe bachchon prati maat-pita baapdaada ka yaad-pyaar aur good morning। roohaani baap ki roohaani bachchon ko namaste।

dhaarna ke liye mukhya saar:-

1) kisi bhi baat mein sanshay buddhi nahin banna hai, maaya ke toofaanon ko mahaaveer ban paar karna hai, aisa yog mein raho jo maaya ka toofaan hila na sake।

2) aklamand ban apni jeevan eeshvareey seva mein lagaani hai। sachcha-sachcha roohaani social worker banna hai। roohaani padhaai padhni aur padhaani hai।

vardaan:- sankalp roopi beej ko kalyaan ki shubh bhaavna se bharpoor rakhne vaale vishwa kalyaankaari bhav

jaise saare vriksha ka saar beej mein hota hai aise sankalp roopi beej har aatma ke prati, prakriti ke prati shubh bhaavna vaala ho। sarva ko baap samaan banaane ki bhaavna, nirbal ko balvaan banaane ki, duhkhi ashaanta aatma ko sada sukhi shant banaane ki bhaavna ka ras va saar har sankalp mein bhara hua ho, koi bhi sankalp roopi beej is saar se khaali arthaat vyartha na ho, kalyaan ki bhaavna se samartha ho tab kahenge baap samaan vishwa kalyaankaari aatma।

slogan:- maaya ke jhmelon se ghabraane ke bajaae parmaatma mele ki mauj manaate raho।