Daily Murli for Saturday 5 September 2020

05-09-2020 praatahmurli om shanti "baapdaada"' madhuban

''meethe bachche - is behad ke naatak mein tum aatmaon ko apna-apna part mila hua hai, abhi tumhein yeh shareer roopi kapde utaar ghar jaana hai, phir naye raajya mein aana hai''

prashn:- baap koi bhi kaarya prerna se nahin karte, unka avatran hota hai, yeh kis baat se siddha hota hai?

uttar:- baap ko kehte hi hain karnakraavanhaar। prerna ka to arth hai vichaar। prerna se koi nai duniya ki sthaapna nahin hoti hai। baap bachchon se sthaapna karaate hain, karmendriyon bigar to kuchh bhi kara nahin sakte isliye unhein shareer ka aadhaar lena hota hai।

om shanti। roohaani bachche roohaani baap ke saamne baithe hain। goya aatmaayen apne baap ke sammukh baithi hain। aatma zaroor jisma ke saath hi baithegi। baap bhi jab jisma lete hain tab hi sammukh hote hain isko hi kaha jaata hai aatma-paramatma alag rahe… tum bachche samajhte ho oonch te oonch baap ko hi eeshvar, prabhu, paramatma bhinna naam diye hain, parampita kabhi laukik baap ko nahin kaha jaata hai। sirf parampita likha to bhi harja nahin hai। parampita arthaat woh sabhi ka pita hai ek। bachche jaante hain ham parampita ke saath baithe hain। parampita paramatma aur ham aatmaayen shantidham ke rahne vaale hain। yahaan part bajaane aate hain, satayug se lekar kaliyug ant tak part bajaaya hai, yeh ho gai nai rachna। rachta baap ne samjhaaya hai ki tum bachchon ne aise part bajaaya hai। aage yeh nahin jaante the ki hamne 84 janmon ka chakra lagaaya hai। abhi tum bachchon se hi baap baat karte hain, jinhonne 84 ka chakra lagaaya hai। sab to 84 janma nahin le sakte hain। yeh samjhaana hai ki 84 ka chakra kaise phirta hai। baaki laakhon varsha ki to baat hi nahin। bachche jaante hain ki ham har 5 hazaar varsha baad part bajaane aate hain। ham paartadhaari hain। oonch te oonch bhagwan ka bhi vichitra part hai। brahma aur vishnu ka vichitra part nahin kahenge। donon hi 84 ka chakra lagaate hain। baaki shankar ka part is duniya mein to hai nahin। trimoorti mein dikhaate hain - sthaapna, vinaash, paalna। chitron par samjhaana hota hai। chitra jo dikhaate ho us par samjhaana hai। sangamayug par puraani duniya ka vinaash to hona hi hai। prerak akshar bhi wrong hai। jaise koi kehte hain aaj hamko baahar jaane ki prerna nahin hai, prerna yaani vichaar। prerna ka koi aur arth nahin hai। paramatma koi prerna se kaam nahin karta। na prerna se gyaan mil sakta hai। baap aate hain in karmendriyon dvaara part bajaane। karnakraavanhaar hai na। karaayenge bachchon se। shareer bigar to kar na saken। in baaton ko koi bhi jaante nahin। na eeshvar baap ko hi jaante hain। rishi-muni aadi kehte the ham eeshvar ko nahin jaante। na aatma ko, na paramatma baap ko, koi mein gyaan nahin hai। baap hai mukhya creator, director, direction bhi dete hain। shreemat dete hain। manushyon ki buddhi mein to sarvavyaapi ka gyaan hai। tum samajhte ho baba hamaara baba hai, vo log sarvavyaapi kah dete hain to baap samajh hi nahin sakte। tum samajhte ho yeh behad ke baap ki family hai। sarvavyaapi kahne se family ki khushbu nahin aati। unko kaha jaata hai niraakaari shivbaaba। niraakaari aatmaon ka baba। shareer hai tab aatma bolti hai ki baba। bigar shareer to aatma bol na sake। bhakti maarga mein bulaate aaye hain। samajhte hain woh baba duhkh harta sukh karta hai। sukh milta hai sukhdhaam mein। shanti milti hai shantidham mein। yahaan hai hi duhkh। yeh gyaan tumko milta hai sangam par। puraane aur naye ke beech। baap aate hi tab hain jab nai duniya ki sthaapna aur puraani duniya ka vinaash hona hai। pahle hamesha kehna chaahiye nai duniya ki sthaapna। pahle puraani duniya ka vinaash kehna wrong ho jaata hai। abhi tumko behad ke naatak ki knowledge milti hai। jaise us naatak mein actors aate hain to ghar se saadhaaran kapde pahankar aate phir naatak mein aakar kapde badalte hain। phir naatak poora hua to woh kapde utaar kar ghar jaate hain। yahaan tum aatmaon ko ghar se ashareeri aana hota hai। yahaan aakar yeh shareer roopi kapde pahante ho। har ek ko apna-apna part mila hua hai। yeh hai behad ka naatak। abhi yeh behad ki saari duniya puraani hai phir hogi nai duniya। woh bahut chhoti hai, ek dharma hai। tum bachchon ko is puraani duniya se nikal phir had ki duniya mein, nai duniya mein aana hai kyonki vahaan hai ek dharma। anek dharma, anek manushya hone se behad ho jaati। vahaan to hai ek dharma, thode manushya। ek dharma ki sthaapna ke liye aana padta hai। tum bachche is behad ke naatak ke raaz ko samajhte ho ki yeh chakra kaise phirta hai। is samay jo kuchh practical mein hota hai uska hi phir bhakti maarga mein tyohaar manaate hain। nambarvaar kaun-kaun se tyohaar hain, yeh bhi tum bachche jaante ho। oonch te oonch bhagwan shivbaaba ki jayanti kahenge। woh jab aaye tab phir aur tyohaar banen। shivbaaba pahle-pahle aakar geeta sunaate hain arthaat aadi-madhya-ant ka gyaan sunaate hain। yog bhi sikhaate hain। saath-saath tumko padhaate bhi hain। to pahle-pahle baap aaya shivjayanti hui phir kahenge geeta jayanti। aatmaon ko gyaan sunaate hain to geeta jayanti ho gai। tum bachche vichaar kar tyohaaron ko nambarvaar likho। in baaton ko samjhenge bhi apne dharma ke। har ek ko apna dharma pyaara lagta hai। doosre dharma vaalon ki baat hi nahin। bhal kisko doosra dharma pyaara ho bhi parantu usmein aa na saken। svarga mein aur dharma vaale thode hi aa sakte hain। jhaad mein bilkul saaph hai। jo jo dharma jis samay aate hain phir us samay aayenge। pahle baap aate hain, vahi aakar raajayog sikhlaate hain to kahenge shivjayanti so phir geeta jayanti phir naaraayan jayanti। woh to ho jaata satayug। vo bhi likhna pade nambarvaar। yeh gyaan ki baaten hain। shiv jayanti kab hui woh bhi pata nahin hai, gyaan sunaaya, jisko geeta kaha jaata hai phir vinaash bhi hota hai। jagat amba aadi ki jayanti ka koi holy de nahin hai। manushya kisi ki bhi tithi-taareekh aadi ko bilkul nahin jaante hain। lakshmi-naaraayan, raam-seeta ke raajya ko hi nahin jaante। 2500 varsha mein jo aaye hain, unko jaante hain parantu unse pahle jo aadi sanaatan devi-devta the, unko kitna samay hua, kuchh nahin jaante। 5 hazaar varsha se bada kalpa to ho na sake। aadha taraph to dher sankhya aa gai, baaki aadha mein inka raajya। phir jaasti varshon ka kalpa ho kaise sakta। 84 laakh janma bhi nahin ho sakte। vo log samajhte hain kaliyug ki aayu laakhon varsha hai। manushyon ko andhiyaare mein daal diya hai। kahaan saara drama 5 hazaar varsha ka, kahaan sirf kaliyug ke liye kehte ki abhi 40 hazaar varsha shesh hain। jab ladaai lagti hai to samajhte hain bhagwan ko aana chaahiye lekin bhagwan ko to aana chaahiye sangam par। mahaabhaarat ladaai to lagti hi hai sangam par। baap kehte hain main bhi kalpa-kalpa sangamayug par aata hoon। baap aayenge nai duniya ki sthaapna puraani duniya ka vinaash karaane। nai duniya ki sthaapna hogi to puraani duniya ka vinaash zaroor hoga, iske liye yeh ladaai hai। ismen shankar ke prerna aadi ki to koi baat nahin। understood puraani duniya khalaas ho jaayegi। makaan aadi to earthquake mein sab khalaas ho jaayenge kyonki nai duniya chaahiye। nai duniya thi zaroor। dehli paristaan thi, jamuna ka kantha tha। lakshmi-naaraayan ka raajya tha। chitra bhi hain। lakshmi-naaraayan ko svarga ka hi kahenge। tum bachchon ne saakshaatkaar bhi kiya hai ki kaise svanyavar hota hai। yeh sab points baba revise karaate hain। achha points yaad nahin padti hain to baba ko yaad karo। baap bhool jaata hai to teacher ko yaad karo। teacher jo sikhlaate hain woh bhi zaroor yaad aayega na। teacher bhi yaad rahega, knowledge bhi yaad rahegi। uddeshya bhi buddhi mein hai। yaad rakhna hi pade kyonki tumhaari student life hai na। yeh bhi jaante ho jo hamko padhaate hain woh hamaara baap bhi hai, laukik baap koi gum nahin ho jaata hai। laukik, paarlaukik aur phir yeh hai alaukik। inko koi yaad nahin karte। laukik baap se to varsa milta hai। ant tak yaad rehti hai। shareer chhoda phir doosra baap milta hai। janma by janma laukik baap milte hain। paarlaukik baap ko bhi duhkh va sukh mein yaad karte hain। bachcha mila to kahenge eeshvar ne bachcha diya। baaki prajaapita brahma ko kyon yaad karenge, inse kuchh milta thode hi hai। inko alaukik kaha jaata hai।

tum jaante ho ham brahma dvaara shivbaaba se varsa le rahe hain। jaise ham padhte hain, yeh rath bhi nimitta bana hua hai। bahut janmon ke ant mein inka shareer hi rath bana hai। rath ka naam to rakhna padta hai na। yeh hai behad ka sanyaas। rath kaayam hi rehta hai, baaki ka thikaana nahin hai। chalte-chalte phir bhaaganti ho jaate। yeh rath to mukrar hai drama anusaar, inko kaha jaata hai bhaagyashaali rath। tum sabko bhaagyashaali rath nahin kahenge। bhaagyashaali rath ek maana jaata hai, jismen baap aakar gyaan dete hain। sthaapna ka kaarya karaate hain। tum bhaagyashaali rath nahin thahre। tumhaari aatma is rath mein baith padhti hai। aatma pavitra ban jaati isliye balihaari is tan ki hai jo ismen baith padhaate hain। yeh antim janma bahut valuable hai phir shareer badal ham devta ban jaayenge। is puraane shareer dvaara hi tum shiksha paate ho। shivbaaba ke bante ho। tum jaante ho hamaari pahli jeevan worth not A penny thi। ab pound ban rahi hai। jitna padhenge utna oonch pad paayenge। baap ne samjhaaya hai yaad ki yaatra hai mukhya। inko hi bhaarat ka praacheen yog kehte hain jisse tum patit se paavan bante ho, svargavaasi to sab bante hain phir hai padhaai par madaar। tum behad ke school mein baithe ho। tum hi phir devta banenge। tum samajh sakte ho oonch pad kaun pa sakte hain। unki qualification kya honi chaahiye। pahle hamaare mein bhi qualification nahin thi। aasuri mat par the। ab eeshvareey mat milti hai। aasuri mat se ham utarti kala mein jaate hain। eeshvareey mat se chadhti kala mein jaate hain। eeshvareey mat dene vaala ek hai, aasuri mat dene vaale anek hain। maa-baap, bhaai-behen, teacher-guru kitnon ki mat milti hai। abhi tumko ek ki mat milti hai jo 21 janma kaam aati hai। to aise shreemat par chalna chaahiye na। jitna chalenge utna shreshtha pad paayenge। kam chalenge to kam pad। shreemat hai hi bhagwan ki। oonch te oonch bhagwan hi hai, jisne krishna ko oonch te oonch banaaya phir neech te neech raavan ne banaaya। baap gora banaate phir raavan saanvara banaate। baap varsa dete hain। woh to hai hi viceless। devtaaon ki mahima gaate hain sarvagun sampanna...... sanyaasiyon ko sampoorn nirvikaari nahin kahenge। satayug mein aatma aur shareer donon pavitra hote hain। devtaaon ko sab jaante hain, vo sampoorn nirvikaari hone ke kaaran sampoorn vishwa ke maalik bante hain। abhi nahin hain, phir tum bante ho। baap bhi sangamayug par hi aate hain। brahma ke dvaara brahman। brahma ke bachche to tum sab thahre। woh hai great great grand father। bolo, prajaapita brahma ka naam nahin suna hai? parampita paramatma brahma dvaara hi srishti rachenge na। brahman kul hai। brahma mukh vanshaavli bhaai-behen ho gaye। yahaan raaja-raani ki baat nahin। yeh brahman kul to sangam ka thoda samay chalta hai। raajaai na paandavon ki hai, na kaurvon ki। achha!

meethe-meethe sikeeldhe bachchon prati maat-pita baapdaada ka yaad-pyaar aur good morning। roohaani baap ki roohaani bachchon ko namaste।

dhaarna ke liye mukhya saar:-

1) 21 janma shreshtha pad ka adhikaari banne ke liye sab aasuri maton ko chhod ek eeshvareey mat par chalna hai। sampoorn viceless banna hai।

2) is puraane shareer mein baith baap ki shikshaaon ko dhaaran kar devta banna hai। yeh hai bahut valuable jeevan, ismen worth pound banna hai।

vardaan:- sarva sambandhon ke sahayog ki anubhooti dvaara nirantar yogi, sahajyogi bhav

har samay baap ke bhinna-bhinna sambandhon ka sahayog lena arthaat anubhav karna hi sahaj yog hai। baap kaise bhi samay par sambandh nibhaane ke liye bandhe hue hain। saare kalpa mein abhi hi sarva anubhvon ki khaan praapta hoti hai isliye sada sarva sambandhon ka sahayog lo aur nirantar yogi, sahajyogi bano kyonki jo sarva sambandhon ki anubhooti va praapti mein magna rehta hai woh puraani duniya ke vaataavran se sahaj hi upraam ho jaata hai।

slogan:- sarva shaktiyon se sampanna rehna yahi brahman swaroop ki visheshta hai।