Daily Murli for Saturday 12 September 2020

12-09-2020 praatahmurli om shanti "baapdaada"' madhuban

''meethe bachche - sada yahi smriti rahe ki ham shreemat par apni satayugi raajdhaani sthaapan kar rahe hain, to apaar khushi rahegi''

prashn:- yeh gyaan ka bhojan kin bachchon ko hazam nahin ho sakta hai?

uttar:- jo bhoolen karke, chhi-chhi (patit) bankar phir class mein aakar baithte hain, unhein gyaan hazam nahin ho sakta। woh mukh se kabhi bhi nahin kah sakte ki bhagvaanuvaach kaam mahaashatru hai। unka dil andar hi andar khaata rahega। woh aasuri sampradaay ke ban jaate hain।

om shanti। baap baith roohaani bachchon ko samjhaate hain, woh kaun-sa baap hai, us baap ki mahima tum bachchon ko karni hai। gaaya bhi jaata hai sat shivbaaba, sat shiv teacher, sat shiv guru। sach to woh hai na। tum bachche jaante ho hamko satya shivbaaba mila hai। ham bachche ab shreemat par ek mat ban rahe hain। to shreemat par chalna chaahiye na। baap kehte hain ek to dehi-abhimaani bano aur baap ko yaad karo। jitna yaad karenge, apna kalyaan karenge। tum apni raajdhaani sthaapan kar rahe ho phir se। aage bhi hamaari raajdhaani thi। ham devi-devta dharma vaale hi 84 janma bhog, antim janma mein abhi sangam par hain। is purooshottam sangamayug ka sivaae tum bachchon ke aur koi ko pata nahin hai। baba kitni points dete hain-bachche, agar achhi reeti yaad mein rahenge to bahut khushi mein rahenge। parantu baap ko yaad karne ke badle aur duniyaavi baaton mein pad jaate hain। yeh yaad rahni chaahiye ki ham shreemat par apna raajya sthaapan kar rahe hain। gaaya bhi hua hai oonch te oonch bhagwan, unki hi oonch te oonch shreemat hai। shreemat kya sikhlaati hai? sahaj raajayog। raajaai ke liye padha rahe hain। apne baap ke dvaara srishti ke aadi-madhya-ant ko jaankar phir daiveegun bhi dhaaran karne hain। baap ka kabhi saamna nahin karna chaahiye। bahut bachche apne ko serviceable samajh ahankaar mein aa jaate hain। aise bahut hote hain। phir kahaan-kahaan haar kha lete hain to nasha hi ud jaata hai। tum maataayen to anapdhi ho। padhi hui hoti to kamaal kar dikhaati। purooshon mein phir bhi padhe likhe kuchh hain। tum kumaariyon ko kitna naam baala karna chaahiye। tumne shreemat par raajaai sthaapan ki thi। naari se lakshmi bani thi to kitna nasha rehna chaahiye। yahaan to dekho paai paise ki padhaai mein jaan kurbaan kar rahe hain। are tum gore bante ho phir kaale, tamopradhaan se kyon dil lagaate ho। is kabristaan se dil nahin lagaani hai। ham to baap se varsa le rahe hain। puraani duniya se dil lagaana maana jahannum (narka, dozak) mein jaana hai। baap aakar dozak se bachaate hain phir bhi munh dozak taraph kyon kar dete। tumhaari yeh padhaai kitni sahaj hai। koi rishi-muni nahin jaante। na koi teacher, na koi rishi-muni samjha sakte hain। yeh to baap-teacher-guru bhi hai। vo guru log shaastra sunaate hain। unko teacher nahin kahenge woh koi aise nahin kehte ki ham duniya ki history-geography sunaate hain। woh to shaastron ki baaten hi sunaayenge। baap tumko shaastron ka saar samjhaate hain aur phir world ki history-geography bhi batlaate hain। ab yeh teacher achha ya woh teacher achha? us teacher se tum kitna bhi padho, kya kamaayenge? so bhi naseeb। padhte-padhte koi accident ho jaae, mar jaae to padhaai khatma। yahaan tum yeh padhaai jitni bhi padhenge, woh vyartha jaayegi nahin। haan, shreemat par na chal kuchh ulta chal padte ya gutter mein jaakar gir padte to jitna padha woh koi chala nahin jaata, yeh padhaai to 21 janmon ke liye hai। parantu girne se kalpa-kalpaantar ka ghaata bahut-bahut pad jaata hai। baap kehte hain - bachche, kaala munh nahin karo। aise bahut hain jo kaala munh karke, chhi-chhi bankar phir aakar baith jaate hain। unko kabhi yeh gyaan hazam nahin hoga। bad-haajma ho jaata hai। jo sunega woh bad-haajma ho jaayega, phir mukh se kisko kah na sake ki bhagvaanuvaach kaam mahaashatru hai, un par jeet paani hai। khud hi jeet nahin paate to auron ko kaise kahenge! andar khaayega na! unko kaha jaata hai aasuri sampradaay, amrit peete-peete vish kha lete hain to 100 guna kaale ban jaate hain। haddi-haddi toot jaati hai।

tum maataaon ka sangathan to bahut achha hona chaahiye। em object to saamne hain। tum jaante ho in lakshmi-naaraayan ke raajya mein ek devi-devta dharma tha। ek raajya, ek bhaasha, 100 percent purity, pees, prosperity thi। us ek raajya ki hi baap abhi sthaapna kar rahe hain। yeh hai em object। 100 percent pavitrata, sukh, shanti, sampatti ki sthaapna ab ho rahi hai। tum dikhaate ho vinaash ke baad shreekrishna aa raha hai। clear likh dena chaahiye। satayugi ek hi devi-devtaaon ka raajya, ek bhaasha, pavitrata, sukh, shanti phir se sthaapan ho rahi hai। government chaahti hai na। svarga hota hi hai satayug-treta mein। parantu manushya apne ko narka-vaasi samajhte thode hi hain। tum likh sakte ho - dvaapar-kaliyug mein sab narkavaasi hain। abhi tum sangamayugi ho। aage tum bhi kaliyugi narkavaasi the, ab tum svargavaasi ban rahe ho। bhaarat ko svarga bana rahe hain shreemat par। parantu woh himmat, sangathan hona chaahiye। chakkar par jaate hain to yeh chitra lakshmi-naaraayan ka le jaana pade। achha hai। ismen likh do aadi sanaatan devi-devta dharma, sukh-shanti ka raajya sthaapan ho raha hai - trimoorti shivbaaba ki shreemat par। aise-aise bade-bade akshar mein bade-bade chitra hon। chhote bachche chhote chitra pasanda karte hain। are, chitra to jitna bada ho utna achha। yeh lakshmi-naaraayan ka chitra to bahut achha hai। ismen sirf likhna hai ek hi satya trimoorti shivbaaba, satya trimoorti shiv teacher, satya trimoorti shiv guru। trimoorti akshar nahin likhenge to samjhenge paramatma to niraakaar hai, woh teacher kaise ho sakta hai। gyaan to nahin hai na। lakshmi-naaraayan ka chitra teen ki seat par banaakar har ek jagah par rakhna hai, yeh sthaapna ho rahi hai। baap aaye hain brahma dvaara ek dharma ki sthaapna baaki sabka vinaash kara denge। yeh bachchon ko sadaiv nasha rehna chaahiye। thodi-thodi baat mein ek mat nahin milti hai to jhat bigad jaate hain। yeh to hota hi hai। koi kis taraph, koi kis taraph, phir majority vaale ko uthaaya jaata hai, ismen ranj hone ki baat nahin। bachche rooth padte hain। hamaari baat maani nahin gai। are, ismen roothne ki kya baat hai। baap to sabko rijhaane vaala hai। maaya ne sabko roosa diya hai, sab baap se roothe hue hain, roothe bhi kya - baap ko jaante hi nahin। jis baap ne svarga ki baadshaahi di unko jaante hi nahin। baap kehte hain main tum par upkaar karta hoon। tum phir mujh par apkaar karte ho। bhaarat ka haal dekho kya hai। tumhaare mein bhi bahut thode hain jinko nasha rehta hai। yeh hai naaraayni nasha। aise thode hi kehna chaahiye ki ham to raam-seeta banenge। tumhaari em object hi hai nar se naaraayan banna। tum phir raam seeta banne mein khush ho jaate ho, himmat dikhaani chaahiye na। puraani duniya se bilkul dil nahin lagaani chaahiye। koi se dil lagaai aur mare। janma-janmaantar ka ghaata pad jaayega। baba se to svarga ke sukh milte hain phir ham narka mein kyon paden। baap kehte hain tum jab svarga mein the to aur koi dharma nahin tha। abhi drama anusaar tumhaara dharma hai nahin। koi bhi apne ko devta dharma ka nahin samajhte hain। manushya hokar bhi apne dharma ko na jaanen to kya kaha jaae। hindu koi dharma thode hi hai। kisne sthaapan kiya, yeh bhi nahin jaante। tum bachchon ko kitna samjhaaya jaata hai। baap kehte hain main kaalon ka kaal ab aaya hoon - sabko vaapis le jaane। baaki jo achhi reeti padhenge woh vishwa ka maalik banenge। ab chalo ghar। yahaan rahne laayak nahin hai, bahut kichda kar diya hai - aasuri mat par chalkar। baap to aise kahenge na। tum bhaaratvaasi jo vishwa ke maalik the, ab kitne dhakke khaate rehte ho। lajja nahin aati hai। tumhaare mein bhi koi hain jo achhi reeti samajhte hain। nambarvaar to hain na। bahut bachche to neend mein rehte hain। woh khushi ka paara nahin chadhta hai। baba hamko phir se raajdhaani dete hain। baap kehte hain - in saadhuon aadi ka bhi main uddhaar karta hoon। woh khud na apne ko, na doosre ko mukti de sakte hain। sachcha guru to ek hi satguru hai, jo sangam par aakar sabki sadgati karte hain। baap kehte hain main aata hoon kalpa ke sangam yuge yuge, jabki hamko saari duniya ko paavan banaana hai। manushya samajhte hain baap sarvashaktimaan hai, woh kya nahin kar sakte। are, mujhe bulaate hi ho ki ham patiton ko paavan banaao to main aakar paavan banaata hoon। baaki aur kya karunga। baaki to riddhi-siddhi vaale bahut hain, mera kaam hi hai narka ko svarga banaana। woh to har 5 hazaar varsha ke baad banta hai। yeh tum hi jaante ho। aadi sanaatan hai devi-devta dharma। baaki to sab peechhe-peechhe aaye hain। arvinda ghos to abhi aaye to bhi dekho kitne unke aashram ban gaye hain। vahaan koi nirvikaari banne ki baat thode hi hai। woh to samajhte hain grihastha mein rehte pavitra koi rah nahin sakta। baap kehte hain grihastha vyavhaar mein rehte sirf ek janma pavitra raho। tum janma-janmaantar to patit rahe ho। ab main aaya hoon tumko paavan banaane। yeh antim janma paavan bano। satayug-treta mein to vikaar hote hi nahin।

yeh lakshmi-naaraayan ka chitra aur seedhi ka chitra bahut achha hai। inmen likha hua hai - satayug mein ek dharma, ek raajya tha। samjhaane ki badi yukti chaahiye। boodhi maataaon ko bhi sikhlaakar taiyaar karna chaahiye, jo pradarshani mein kuchh samjha saken। koi ko bhi yeh chitra dikhaakar bolo inka raajya tha na। abhi to hai nahin। baap kehte hain-ab tum mujhe yaad karo to tum paavan bankar paavan duniya mein chale jaayenge। ab paavan duniya sthaapan ho rahi hai। kitna sahaj hai। budhiyaan baithkar pradarshani par samjhaayen tab naam baala ho। krishna ke chitra mein bhi likhat bahut achhi hai। bolna chaahiye yeh likhat zaroor padho। inko padhne se hi tumko naaraayni nasha athva vishwa ke maalikapne ka nasha chadhega।

baap kehte hain main tumko aisa lakshmi-naaraayan banaata hoon to tumhein bhi auron par merciful banna chaahiye। jab apna kalyaan tab doosre ka bhi kar sakenge। budhiyon ko aisa sikhlaakar hoshiyaar banaao jo pradarshani par baba kahe ki 8-10 budhiyon ko bhejo to jhat aa jaaen। jo karega so paayega। saamne em object ko dekhkar hi khushi hoti hai। ham yeh shareer chhod jaae vishwa ke maalik banenge। jitna yaad mein rahenge utna paap katenge। dekho liphaaphe par chhapa hai - one religion, one deity kingdom, one language… woh jaldi sthaapan hogi। achha!

meethe-meethe sikeeldhe bachchon prati maat-pita baapdaada ka yaad-pyaar aur good morning। roohaani baap ki roohaani bachchon ko namaste।

dhaarna ke liye mukhya saar:-

1) kabhi bhi aapas mein va baap se roothna nahin hai, baap rijhaane aaye hain isliye kabhi ranj nahin hona hai। baap ka saamna nahin karna hai।

2) puraani duniya se, puraani deh se dil nahin lagaani hai। sat baap, sat teacher aur satguru ke saath sachcha rehna hai। sada ek ki shreemat par chal dehi-abhimaani banna hai।

vardaan:- aadi ratna ki smriti se apne jeevan ka moolya jaanne vaale sada samartha bhav

jaise brahma aadi dev hai, aise brahmaakumaar, kumaariyaan bhi aadi ratna hain। aadi dev ke bachche master aadi dev hain। aadi ratna samajhne se hi apne jeevan ke moolya ko jaan sakenge kyonki aadi ratna arthaat prabhu ke ratna, eeshvareey ratna - to kitni value ho gai isliye sada apne ko aadi dev ke bachche master aadi dev, aadi ratna samajhkar har kaarya karo to samartha bhav ka vardaan mil jaayega। kuchh bhi vyartha ja nahin sakta।

slogan:- gyaani tu aatma woh hai jo dhokha khaane se pahle parakhkar svayan ko bacha le।