Daily Murli for Monday 14 September 2020

14-09-2020 praatahmurli om shanti "baapdaada"' madhuban

''meethe bachche - tum abhi sachchi-sachchi paathshaala mein baithe ho, yeh satsang bhi hai, yahaan tumhein sat baap ka sang mila hai, jo paar laga deta hai''

prashn:- hisaab-kitaab ke khel mein manushyon ki samajh aur tumhaari samajh mein kaun sa antar hai?

uttar:- manushya samajhte hain - yeh jo duhkh-sukh ka khel chalta hai, yeh duhkh-sukh sab paramatma hi dete hain aur tum bachche samajhte ho ki yeh har ek ke karmon ke hisaab ka khel hai। baap kisi ko bhi duhkh nahin dete। woh to aate hi hain sukh ka raasta bataane। baba kehte hain - bachche, mainne kisi ko bhi duhkhi nahin kiya hai। yeh to tumhaare hi karmon ka phal hai।

geet:- is paap ki duniya se…

om shanti। meethe-meethe roohaani bachchon ne geet suna। kisko pukaarte hain? baap ko। baba aakar is paap ki kaliyugi duniya se satayugi punya ki duniya mein le chalo। abhi jeev aatmaayen sab kaliyugi hain। unhon ki buddhi oopar jaati hai। baap kehte hain main jo hoon, jaisa hoon, aisa koi nahin jaante hain। rishi-muni aadi bhi kehte hain ham rachayita maalik arthaat behad ke baap aur unki behad ki rachna ke aadi-madhya-ant ko nahin jaante hain। aatmaayen jahaan rehti hain woh hai brahm mahtatva, jahaan soorya chaand nahin hote hain। na mool vatan, na sookshm vatan mein। baaki is maandave mein to bijliyaan aadi sab chaahiye na। to is maandave ko bijli milti hai-raat ko chaand sitaare, din mein soorya। yeh hain battiyaan। in battiyon ke hote hue bhi andhiyaara kaha jaata hai। raat ko to phir bhi batti jalaani padti hai। satayug treta ko kaha jaata hai din aur bhakti maarga ko kaha jaata hai raat। yeh bhi samajh ki baat hai। nai duniya so phir puraani zaroor banengi। phir nai hogi to puraani ka zaroor vinaash hoga। yeh hai behad ki duniya। makaan bhi koi bahut bade-bade hote hain raajaaon aadi ke। yeh hai behad ka ghar, maandava athva stage, inko karmakshetra bhi kaha jaata hai। karma to zaroor karna hota hai। sab manushyon ke liye yeh karmakshetra hai। sabko karma karna hi hai, part bajaana hi hai। part har ek aatma ko pahle se mila hua hai। tumhaare mein bhi koi hain jo in baaton ko achhi reeti se samajh sakte hain। vaastav mein yeh geeta paathshaala hai। paathshaala mein kabhi boodhe aadi padhte hain kya? yahaan to boodhe, javaan aadi sab padhte hain। vedon ki paathshaala nahin kahenge। vahaan koi bhi em object hoti nahin hai। ham itne ved-shaastra aadi padhte hain, inse kya banenge - woh jaante nahin। koi bhi jo satsang hain, em object kuchh nahin hai। ab to unko satsang kahne se lajja aati hai। sat to ek baap hi hai, jiske liye kaha jaata hai sang taare.... kusang bore.....। kusang kaliyugi manushyon ka। sat ka sang to ek hi hai। abhi tumko wonder lagta hai। saare srishti ke aadi-madhya-ant ka gyaan kaise baap dete hain, tumko to khushi honi chaahiye। tum sachchi-sachchi paathshaala mein baithe ho। baaki sab hain jhoothi paathshaalaayen, un satsangon aadi se kuchh bhi bankar nikalte nahin। school-college aadi se phir bhi kuchh bankar nikalte hain kyonki padhte hain। baaki kahaan bhi padhaai nahin hai। satsang ko padhaai nahin kahenge। shaastra aadi to padhkar phir dukaan khol baithte hain, paisa kamaate hain। granth thoda seekhkar, guroodvaara khol baith jaate hain। guroodvaare bhi kitne kholte hain। guru ka dvaar arthaat ghar kahenge na। phaatak khulta hai, vahaan jaakar shaastra aadi padhte hain। tumhaara guroodvaara hai - mukti aur jeevanmukti dhaam, satguru dvaar। satguru ka naam kya hai? akaal moorta। satguru ko akaal moorta kehte hain, woh aakar mukti-jeevanmukti ka dvaar kholte hain। akaal-moorta hain na। jisko kaal bhi kha nahin sakta। aatma hai hi bindi, unko kaal kaise khaayega। woh aatma to shareer chhodkar bhaag jaati hai। manushya samajhte thode hi hain ki ek puraana shareer chhod phir jaae doosra legi phir ismen rone ki kya darkaar hai। yeh tum jaante ho-drama anaadi bana hua hai। har ek ko part bajaana hi hai। baap ne samjhaaya hai - satayug mein hain nashtomoha। mohjeet ki bhi kahaani hai na। pandit log sunaate hain, maataayen bhi sun-sun kar phir granth rakh baith jaati hain - sunaane ke liye। bahut manushya jaakar sunte hain। unko kaha jaata hai kanras। drama plan anusaar manushya to kahenge hamaara dosh kya hai। baap kehte hain tum hamko bulaate ho ki duhkh ki duniya se le jaao। ab main aaya hoon to mera sunna chaahiye na। baap bachchon ko baith samjhaate hain, achhi mat milti hai to woh leni chaahiye na। tumhaara bhi koi dosh nahin hai। yeh bhi drama tha। raam raajya, raavan raajya ka khel bana hua hai। khel mein koi haar jaate hain to unka dosh thode hi hai। jeet aur haar hoti hai, ismen ladaai ki baat nahin। tumko baadshaahi thi। yeh bhi aage tumko maaloom nahin tha, abhi tum samajhte ho jo serviceable hain, jiska naam baala hai। dehli mein sabse naameegraami samjhaane vaala kaun hai? to jhat naam lenge jagdeesh ka। tumhaare liye magazine bhi nikaalte hain। usmein sab kuchh aa jaata hai। anek prakaar ki points likhte hain, brijmohan bhi likhte hain। likhna koi maasi ka ghar thode hi hai। zaroor vichaar saagar manthan karte hain, achhi service karte hain। kitne log padhkar khush hote hain। bachchon ko bhi refreshment milti hai। koi koi pradarshani mein bahut maatha maarte hain, koi-koi karmabandhan mein phanse hue hain, isliye itna utha nahin sakte hain। yeh bhi kahenge drama, ablaaon par bhi atyaachaar hone ka drama mein part hai। aisa part kyon bajaaya, yeh prashn hi nahin uthta। yeh to anaadi bana banaaya drama hai। unko kuchh kar thode hi sakte hain। koi kehte hain hamne gunaah kya kiya jo aisa part rakha hai। ab gunaah ki to baat nahin। yeh to part hai। ablaayen koi to nimitta banengi, jin par sitam honge। aise to phir sab kahenge hamko yeh part kyon? nahin, yeh bana-banaaya drama hai। purooshon par bhi atyaachaar hote hain। in baaton mein sahansheelta kitni rakhni padti hai। bahut sahansheelta chaahiye। maaya ke vighna to bahut padenge। vishwa ki baadshaahi lete ho to kuchh mehnat karni pade। drama mein aapdaayen, khitpit aadi kitni hai। ablaaon par atyaachaar likha hua hai। rakta ki nadiyaan bhi bahengi। kahaan bhi safety nahin rahegi। abhi to subah ko class aadi mein jaate ho, centres par। woh bhi samay aayega jo tum baahar nikal bhi nahin sakenge। din-pratidin jamaana bigadta jaata hai aur bigadna hai। duhkh ke din bahut zor se aayenge। beemaari aadi mein duhkh hota hai to phir bhagwan ko yaad karte, pukaarte hain। abhi tumko maaloom hai baaki thode din hain। phir ham apne shantidham, sukhdhaam zaroor jaayenge। duniya ko to yeh bhi pata nahin hai। abhi tum bachche feel karte ho na। abhi baap ko poori reeti jaan gaye hain। woh sab to samajhte hain paramatma ling hai। shivling ki pooja bhi karte hain। tum shiv ke mandir mein jaate the, kabhi yeh khyaal kiya ki shivling kya cheez hai? zaroor yeh jad hai to chaitanya bhi hoga! yeh tab kya hai? bhagwan to rachta hai oopar mein। unki nishaani hai sirf pooja ke liye। poojya honge to phir yeh cheezen nahin hongi। shiv kaashi ke mandir mein jaate hain, kisko pata thode hi hai bhagwan niraakaar hai। ham bhi unke bachche hain। baap ke bachche hokar phir ham duhkhi kyon hain? vichaar karne ki baat hai na। aatma kehti hai ham paramatma ki santaan hain phir ham duhkhi kyon hain? baap to hai hi sukh dene vaala। bulaate bhi hain - he bhagwan, hamaare duhkh mitaao। woh kaise mitaaye? duhkh-sukh yeh to apne karmon ka hisaab hai। manushya samajhte hain sukh ka evja sukh, duhkh ka evja duhkh paramatma hi dete hain। un par rakh dete hain, baap kehte hain main kabhi duhkh nahin deta hoon। main to aadha-kalpa ke liye sukh dekar jaata hoon। yeh phir sukh aur duhkh ka khel hai। sirf sukh ka hi khel hota phir to yeh bhakti aadi kuchh na ho, bhagwan se milne ke liye hi yeh bhakti aadi sab karte hain na। ab baap baith saara samaachaar sunaate hain। baap kehte hain tum bachche kitne bhaagyashaali ho। un rishi-muniyon aadi ka kitna naam hai। tum ho raajarishi, woh hain hathayog rishi। rishi arthaat pavitra। tum svarga ke raaja bante ho to pavitra zaroor banna pade। satayug-treta mein jinka raajya tha unka hi phir hoga। baaki sab peechhe aayenge। tum abhi kehte ho ham shreemat par apna raajya sthaapan kar rahe hain। puraani duniya ka vinaash hone mein bhi samay to lagega na। satayug aana hai, kaliyug jaana hai।

kitni badi duniya hai। ek-ek shahar manushyon se kitna bhara hua hai। dhanvaan aadmi duniya ka chakra lagaate hain। parantu yahaan saari duniya ko koi dekh na sake। haan satayug mein dekh sakte hain kyonki satayug mein hai hi ek raajya, itne thode raajaayen honge, yahaan to dekho kitni badi duniya hai। itni badi duniya ka chakra kaun lagaaye। vahaan tumko samudra mein jaane ka nahin hai। vahaan Ceylon, barma aadi honge? nahin, kuchh bhi nahin। yeh karaanchi nahin hogi। tum sab meethi nadiyon ke kinaare par rehte ho। kheti baadi aadi sab hoti hai, srishti to badi hai। manushya bahut thode rehte hain phir peechhe vriddhi hoti hai। phir vahaan jaakar apna raajya sthaapan kiya। dheere-dheere hap karte gaye। apna raajya sthaapan kar diya। abhi to sabko chhodna padta hai। ek bhaarat hi hai, jisne kisi ka bhi raajya chheena nahin hai kyonki bhaarat asul mein ahinsak hai na। bhaarat hi saari duniya ka maalik tha aur sab peechhe aaye hain jo tukde-tukde lete gaye hain। tumne koi ko hap nahin kiya hai, angrejon ne hap kar liya hai। tum bhaaratvaasiyon ko to baap vishwa ka maalik banaate hain। tum kahaan gaye thode hi ho। tum bachchon ki buddhi mein yeh saari baaten hain, boodhi maataayen to itna sab samajh na saken। baap kehte hain achha hai jo tum kuchh bhi padhi nahin ho। padha hua sab buddhi se nikaalna padta hai, ek baat sirf dhaaran karni hai - meethe bachche baap ko yaad karo। tum kehte bhi the na baba aap aayenge to ham vaari jaayenge, kurbaan jaayenge। tumhein phir hamaare par kurbaan jaana hai। len-den hoti hai na। shaadi ke time stri-puroosh ek do ke haath mein namak dete hain। baap ko bhi kehte hain, ham puraana sab kuchh aapko dete hain। marna to hai, yeh sab khatma hona hai। aap hamko phir nai duniya mein dena। baap aate hi hain sabko le jaane। kaal hai na। sindha mein kehte the - yeh kaun sa kaal hai jo sabko bhagaakar le jaate hain, tum bachche to khush hote ho। baap aate hi hain le jaane। ham to khushi se apne ghar jaayenge। sahan bhi karna padta hai। achhe-achhe bade-bade ghar ki maataayen maaren khaati hain। tum sachchi kamaai karte ho। manushya thode hi jaante hain, woh hain hi kaliyugi shoodra sampradaay। tum ho sangamayugi, purooshottam ban rahe ho। jaante ho pahle number mein purooshottam yeh lakshmi-naaraayan hain na। phir degree kam hoti jaayegi। oopar se neeche aate rahenge। phir aahiste-aahiste girte rahenge। is samay sab gir chuke hain। jhaad puraana ho chuka hai, tana sad gaya hai। ab phir sthaapna hoti hai। foundation lagta hai na। kalam kitna chhota hota hai phir unse kitna bada jhaad badh jaata hai। yeh bhi jhaad hai, satayug mein bahut chhota jhaad hota hai। ab kitna bada jhaad hai। variety phool kitne hain, manushya srishti ke। ek hi jhaad mein kitni variety hai। anek variety dharmon ka jhaad hai manushyon ka। ek soorat na mile doosre se। bana-banaaya drama hai na। ek jaisa part koi ka ho nahin sakta। inko kaha jaata hai kudarti bana-banaaya behad ka drama, inmen bhi banaavat bahut hai। jo cheez real hoti hai woh khatma bhi hoti hai। phir 5 hazaar varsha ke baad reality mein aayenge। chitra aadi bhi koi real bane hue thode hi hain। brahma ki bhi shakla phir 5 hazaar varsha baad tum dekhenge। is drama ke raaz ko samajhne mein buddhi badi vishaal chaahiye। aur kuchh na samjho sirf ek baat buddhi mein rakho - ek shivbaaba doosra na koi। yeh aatma ne kaha - baba, ham aapko hi yaad karenge। yeh to sahaj hai na। haathon se karma karte raho aur buddhi se baap ko yaad karte raho। achha!

meethe-meethe sikeeldhe bachchon prati maat-pita baapdaada ka yaad-pyaar aur good morning। roohaani baap ki roohaani bachchon ko namaste।

dhaarna ke liye mukhya saar:-

1) sahansheelta ka gun dhaaran kar maaya ke vighnon mein paas hona hai। anek aapdaayen aayengi, atyaachaar honge-aise samay par sahan karte baap ki yaad mein rehna hai, sachchi kamaai karni hai।

2) vishaal buddhi ban is bane banaaye drama ko achhi reeti samajhna hai, yeh kudarti drama bana hua hai isliye prashn uth nahin sakta। baap jo achhi mat dete hain, us par chalte rehna hai।

vardaan:- baap samaan vardaani ban har ek ke dil ko aaraam dene vaale master dilaaraam bhav

jo baap samaan vardaani moorta bachche hain woh kabhi kisi ki kamjori ko nahin dekhte, woh sabke oopar merciful hote hain। jaise baap kisi ki kamjoriyaan dil par nahin rakhte aise vardaani bachche bhi kisi ki kamjori dil mein dhaaran nahin karte, ve harek ki dil ko aaraam dene vaale master dilaaraam hote hain isliye saathi ho ya praja sabhi unka gungaan karte hain। sabhi ke andar se yahi aasheervaad nikalti hai ki yeh hamaare sada snehi, sahayogi hain।

slogan:- sangamayug par shreshtha aatma woh hai jo sada bephikra baadshaah hai।