Daily Murli for Monday 5 October 2020

05-10-2020 praatahmurli om shanti "baapdaada"' madhuban

“meethe bachche - ekaanta mein baith ab aisa abhyaas karo jo anubhav ho main shareer se bhinna aatma hoon, isko hi jeete ji marna kaha jaata hai''

prashn:- ekaanta ka arth kya hai? ekaanta mein baith tumko kaun-sa anubhav karna hai?

uttar:- ekaanta ka arth hai ek ki yaad mein is shareer ka ant ho arthaat ekaanta mein baith aisa anubhav karo ki main aatma is shareer (chamdi) ko chhod baap ke paas jaati hoon। koi bhi yaad na rahe। baithe-baithe ashareeri ho jaao। jaise ki ham is shareer se mar gaye। bas ham aatma hain, shiv baba ke bachche hain, is practice se deh bhaan tootta jaayega।

om shanti। bachchon ko baap pahle-pahle samjhaate hain ki meethe-meethe bachchon jab yahaan baithte ho, to apne ko aatma samajh baap ko yaad karte raho aur koi taraph buddhi nahin jaani chaahiye। yeh tum bachche jaante ho ham aatma hain। part ham aatma bajaati hain is shareer dvaara। aatma avinaashi, shareer vinaashi hai। to tum bachchon ko dehi-abhimaani ban baap ki yaad mein rehna hai। ham aatma hain chaahen to in organs se kaam leven va na leven। apne ko shareer se alag samajhna chaahiye। baap kehte hain apne ko aatma samjho। deh ko bhoolte jaao। ham aatma indipindent hain। hamko sivaae ek baap ke aur koi ko yaad nahin karna hai। jeete ji maut ki avastha mein rehna hai। ham aatma ka yog rehna hai ab baap ke saath। baaki to duniya se, ghar se mar gaye। kehte hain na aap muye mar gai duniya। ab jeete ji tumko marna hai। ham aatma shivbaaba ke bachche hain। shareer ka bhaan udaate rehna chaahiye। baap kehte hain apne ko aatma samjho aur mujhe yaad karo। shareer ka bhaan chhodo। yeh puraana shareer hai na। puraani cheez ko chhoda jaata hai na। apne ko ashareeri samjho। abhi tumko baap ko yaad karte-karte baap ke paas jaana hai। aise karte-karte phir tumko aadat pad jaayegi। abhi to tumko ghar jaana hai phir is puraani duniya ko yaad kyon karen। ekaanta mein baith aise apne saath mehnat karni hai। bhakti maarga mein bhi kothri mein andar baith maala pherte hain, pooja karte hain। tum bhi ekaanta mein baith yeh koshish karo to aadat pad jaayegi। tumko mukh se to kuchh bolna nahin hai। ismen hai buddhi ki baat। shivbaaba to hai sikhlaane vaala। unko to purooshaartha nahin karna hai। yeh baba purooshaartha karte hain, woh phir tum bachchon ko bhi samjhaate hain। jitna ho sake aise baithkar vichaar karo। abhi hamko jaana hai apne ghar। is shareer ko to yahaan chhodna hai। baap ko yaad karne se hi vikarma vinaash honge aur aayu bhi badhegi। andar yeh chintan chalna chaahiye। baahar mein kuchh bolna nahin hai। bhakti maarga mein bhi brahm tatva ko ya koi shiv ko bhi yaad karte hain। parantu woh yaad koi yathaartha nahin hai। baap ka parichay hi nahin to yaad kaise karen। tumko ab baap ka parichay mila hai। savere-savere uthkar ekaanta mein aise apne saath baaten karte raho। vichaar saagar manthan karo, baap ko yaad karo। baba ham abhi aaya ki aaya aapki sachchi god mein। woh hai roohaani god। to aise-aise apne saath baaten karni chaahiye। baba aaya hua hai। baba kalpa-kalpa aakar hamko raajayog sikhlaate hain। baap kehte hain - mujhe yaad karo aur chakra ko yaad karo। svadarshan chakradhaari banna hai। baap mein hi saara gyaan hai na chakra ka। woh phir tumko dete hain। tumko trikaaldarshi bana rahe hain। teenon kaalon arthaat aadi-madhya-ant ko tum jaante ho। baap bhi hai param aatma। unko shareer to hai nahin। abhi is shareer mein baith tumko samjhaate hain। yeh wonderful baat hai। bhaageerath par viraajmaan honge to zaroor doosri aatma hai। bahut janmon ke ant ka janma inka hai। number one paavan vahi phir number one patit bante hain। woh apne ko bhagwan, vishnu aadi to kehte nahin। yahaan ek bhi aatma paavan hai nahin, sab patit hi hain। to baba bachchon ko samjhaate hain, aise-aise vichaar saagar manthan karo to isse tumko khushi bhi rahegi, ismen ekaanta bhi zaroor chaahiye। ek ki yaad mein shareer ka ant hota hai, unko kaha jaata hai ekaanta। yeh chamdi chhoot jaayegi। sanyaasi bhi brahm ki yaad mein va tatva ki yaad mein rehte hain, us yaad mein rehte-rehte shareer ka bhaan chhoot jaata hai। bas hamko brahm mein leen hona hai। aise baith jaate hain। tapasya mein baithe-baithe shareer chhod dete hain। bhakti mein to manushya bahut dhakke khaate hain, ismen dhakke khaane ki baat nahin। yaad mein hi rehna hai। pichhaadi mein koi yaad na rahe। grihastha vyavhaar mein to rehna hi hai। baaki time nikaalna hai। student ko padhaai ka shauk hota hai na। yeh padhaai hai, apne ko aatma na samajhne se baap-teacher-guru sabko bhool jaate hain। ekaanta mein baith aise-aise vichaar karo। grihasthi ghar mein to vibration theek nahin rehta hai। agar alag prabandha hai to ek kothri mein ekaanta mein baith jaao। maataaon ko to din mein bhi time milta hai। bachche aadi school mein chale jaate hain। jitna time mile yahi koshish karte raho। tumko to ek ghar hai, baap ko to kitne dher ke dher dukaan hain, aur hi vriddhi hoti jaayegi। manushyon ko to dhandhe aadi ki chinta hoti hai to neend bhi fit jaati hai। yeh vyaapaar bhi hai na। kitna bada sharraaph hai। kitna bada matta-satta karte hain। puraane shareer aadi lekar naya dete hain, sabko raasta bataate hain। yeh bhi dhandha unko karna hai। yeh vyaapaar to bahut bada hai। vyaapaari ko vyaapaar ka hi khyaal rehta hai। baba aise-aise practice karte hain phir batlaate hain - aise-aise karo। jitna tum baap ki yaad mein rahenge to svatah hi neend fit jaayegi। kamaai mein aatma ko bahut maza aayega। kamaai ke liye manushya raat mein bhi jaagte hain। season mein saari raat bhi dukaan khula rehta hai। tumhaari kamaai raat ko aur savere ko bahut achhi hogi। svadarshan chakradhaari banenge, trikaaldarshi banenge। 21 janma ke liye dhan ikattha karte hain। manushya saahookaar banne ke liye purooshaartha karte hain। tum bhi baap ko yaad karenge to vikarma vinaash honge, bal milega। yaad ki yaatra par nahin rahenge to bahut ghaata pad jaayega kyonki sir par paapon ka bojha bahut hai। ab jama karna hai, ek ko yaad karna hai aur trikaaldarshi banna hai। yeh avinaashi dhan aadhaakalpa ke liye ikattha karna hai। yeh to bahut valuable hai। vichaar saagar manthan kar ratna nikaalne hain। baba jaise khud karte hain, bachchon ko bhi yukti batlaate hain। kehte hain baba maaya ke toofaan bahut aate hain।

baba kehte hain jitna ho sake apni kamaai karni hai, yahi kaam aani hai। ekaanta mein baith baap ko yaad karna hai। phursat hai to service bhi mandiron aadi mein bahut kar sakte ho। badge zaroor laga rahe। sab samajh jaayenge yeh roohaani military hai। tum likhte bhi ho - ham svarga ki sthaapna kar rahe hain। aadi sanaatan devi-devta dharma tha, ab nahin hai jo phir sthaapan karte hain। yeh lakshmi-naaraayan em-object hai na। koi samay yeh translight ka chitra battery sahit uthaakar parikrama denge aur sabko kahenge, yeh raajya ham sthaapan kar rahe hain। yeh chitra sabse first class hai। yeh chitra bahut naameegraami ho jaayega। lakshmi-naaraayan sirf ek to nahin the, unhon ki raajdhaani thi na। yeh svaraajya sthaapan kar rahe hain। ab baap kehte hain man-manaabhav। baap ko yaad karo to vikarma vinaash honge। kehte hain ham geeta ka saptaah manaayenge। yeh sab plan kalpa pahle muaaphik ban rahe hain। parikrama mein yeh chitra lena pade। inko dekhkar sab khush honge। tum kahenge baap ko aur varse ko yaad karo, manamnaabhav। yeh geeta ke akshar hain na। bhagwan shivbaaba hai, woh kehte hain mujhe yaad karo to vikarma vinaash hon। 84 ke chakra ko yaad karo to yeh ban jaayenge। literature bhi tum saugaat dete raho। shivbaaba ka bhandaara to sada bharpoor hai। aage chalkar bahut service hogi। em object kitni clear hai। ek raajya, ek dharma tha, bahut saahookaar the। manushya chaahte hain ek raajya, ek dharma ho। manushya jo chaahte hain so ab aasaar dikhaai padte hain phir samjhenge yeh to theek kehte hain। 100 pratishat pavitrata, sukh, shanti ka raajya phir se sthaapan kar rahe hain phir tumko khushi bhi rahegi। yaad mein rahne se hi teer lagega। shanti mein rah thode akshar hi bolne hain। jaasti aavaaz nahin। geet, kavitaaen aadi kuchh bhi baba pasanda nahin karte। baahar vaale manushyon se rees nahin karni hai। tumhaari baat hi aur hai। apne ko aatma samajh baap ko yaad karna hai, bas। slogan bhi achhe hon jo manushya padhkar jaagen। bachche vriddhi ko paate rehte hain। khajaana to bharpoor rehta hai। bachchon ka diya hua phir bachchon ke kaam mein hi aata hai। baap to paise nahin le aate hain। tumhaari cheejen tumhaare kaam mein aati hain। bhaaratvaasi jaante hain ham bahut sudhaar kar rahe hain। 5 varsha ke andar itna anaaj hoga jo anaaj ki kabhi takleeph nahin hogi। aur tum jaante ho - aisi haalat hogi jo anna khaane ke liye nahin milega। aise nahin anaaj koi sasta hoga।

tum bachche jaante ho ham 21 janma ke liye apna raajya-bhaagya pa rahe hain। yeh thodi bahut takleeph to sahan karni hi hai। kaha jaata hai khushi jaisi khuraak nahin। ateendriy sukh gop-gopiyon ka gaaya hua hai। dher bachche ho jaayenge। jo bhi sapling vaale honge woh aate jaayenge। jhaad yahaan hi badhna hai na। sthaapna ho rahi hai। aur dharmon mein aisa nahin hota hai। woh to oopar se aate hain। yeh to jaise ki jhaad sthaapan hua hi pada hai, ismen phir nambarvaar aate jaayenge, vriddhi ko paate jaayenge। takleeph kuchh nahin। unhon ko to oopar se aakar part bajaana hi hai, ismen mahima ki kya baat hai। dharma sthaapak ke pichhaadi aate rehte hain। woh shiksha kya denge sadgati ki? kuchh bhi nahin। yahaan to baap bhavishya devi-devta dharma ki sthaapna kar rahe hain। sangamayug par naya sapling lagaate hain na। pahle paudhon ko gamle mein lagaakar phir neeche laga dete hain। vriddhi hoti jaati hai। tum bhi ab paudha laga rahe ho phir satayug mein vriddhi ko paae raajya-bhaagya paayenge। tum nai duniya ki sthaapna kar rahe ho। manushya samajhte hain - ajun kaliyug mein bahut varsha pade hain kyonki shaastron mein laakhon varsha likh diye hain। samajhte hain kaliyug mein abhi 40 hazaar varsha pade hain। phir baap aakar nai duniya banaayenge। kai samajhte hain yeh vahi mahaabhaarat ladaai hai। geeta ka bhagwan bhi zaroor hoga। tum batlaate ho krishna to tha nahin। baap ne samjhaaya hai - krishna to 84 janma lete hain। ek features na mile doosre se। to yahaan phir krishna kaise aayenge। koi bhi in baaton par vichaar nahin karte hain। tum samajhte ho krishna svarga ka prince woh phir dvaapar mein kahaan se aayega। is lakshmi-naaraayan ke chitra ko dekhne se hi samajh mein aa jaata hai - shiv-baba yeh varsa de rahe hain। satayug ki sthaapna karne vaala baap hi hai। yeh gola, jhaad aadi ke chitra kam thode hi hain। ek din tumhaare paas yeh sab chitra translight ke ban jaayenge। phir sab kahenge hamko aise chitra hi chaahiye। in chitron se phir vihang maarga ki service ho jaayegi। tumhaare paas bachche itne aayenge jo phursat nahin rahegi। dher aayenge। bahut khushi hogi। din-pratidin tumhaara force badhta jaayega। drama anusaar jo phool banne vaale honge unko touch hoga। tum bachchon ko aise nahin kehna padega ki baba inki buddhi ko touch karo। touch koi baba thode hi karte hain। samay par aapehi touch hoga। baap to raasta bataayenge na। bahut bachchiyaan likhti hain - hamaare pati ki buddhi ko touch karo। aise sabki buddhi ko touch karenge phir to sab svarga mein ikatthe ho jaayen। padhaai ki hi mehnat hai। tum khudaai khidmatgaar ho na। sachchi-sachchi baat baba pahle se hi bata dete hain - kya-kya karna hai। aise chitra le jaane padenge। seedhi ka bhi le jaana pade। drama anusaar sthaapna to honi hi hai। baba service ke liye jo direction dete hain, us par dhyaan dena hai। baba kehte hain badges kisma-kisma ke laakhon banaao। train ki ticket lekar 100 mile tak service karke aao। ek dibbe se doosre mein, phir teesre mein, bahut sahaj hai। bachchon ko service ka shauk rehna chaahiye। achha!

meethe-meethe sikeeldhe bachchon prati maat-pita baapdaada ka yaad-pyaar aur good morning। roohaani baap ki roohaani bachchon ko namaste।

dhaarna ke liye mukhya saar:-

1) vichaar saagar manthan kar achhe-achhe ratna nikaalne hain, kamaai jama karni hai। sachcha-sachcha khudaai khidmatgaar ban seva karni hai।

2) padhaai ka bahut shauk rakhna hai। jab bhi samay mile ekaanta mein chale jaana hai। aisa abhyaas ho jo jeete ji is shareer se mare hue hain, is stage ka anubhav hota rahe। deh ka bhaan bhi bhool jaae।

vardaan:- bhinnata ko mitaakar ekta laane vaale sachche sevaadhaari bhav

brahman parivaar ki visheshta hai anek hote bhi ek। aapki ekta dvaara hi saare vishwa mein ek dharma, ek raajya ki sthaapna hoti hai isliye vishesh attention dekar bhinnata ko mitaao aur ekta ko laao tab kahenge sachche sevaadhaari। sevaadhaari svayan prati nahin lekin seva prati hote hain। svayan ka sab kuchh seva prati svaaha karte hain, jaise saakaar baap ne seva mein haddiyaan bhi svaaha ki aise aapki har karmendriy dvaara seva hoti rahe।

slogan:- parmaatma pyaar mein kho jaao to duhkhon ki duniya bhool jaayegi।