Daily Murli for Sunday 4 October 2020

04-10-20 praatahmurli om shanti ''avyakt-baapdaada'' revise 29-03-86 madhuban

double videshi bachchon se baapdaada ki rooh-rihaan

aaj baapdaada chaaron or ke double videshi bachchon ko vatan mein emerge kar sabhi bachchon ki visheshtaaon ko dekh rahe the kyonki sabhi bachche vishesh aatmaayen hain tab hi baap ke bane hain arthaat shreshtha bhaagyavaan bane hain। vishesh sabhi hain phir bhi nambarvaar to kahenge। to aaj baapdaada double videshi bachchon ko vishesh roop se dekh rahe the। thode samay mein chaaron or ke bhinna-bhinna reeti-rasam va maanyata hote hue bhi ek maanyata ke ekmat vaale ban gaye hain। baap-daada vishesh do visheshtaayen majority mein dekh rahe hain। ek to sneh ke sambandh mein bahut jaldi bandh gaye hain। sneh ke sambandh mein, eeshvareey parivaar ka banne mein, baap ka banne mein achha sahayog diya hai। to ek sneh mein aane ki visheshta, doosra sneh ke kaaran parivartan-shakti sahaj practical mein laaya। sva-parivartan aur saath-saath hamjinsa ke parivartan mein achhi lagan se aage badh rahe hain। to sneh ki shakti aur parivartan karne ki shakti in donon visheshtaaon ko himmat se dhaaran kar achha hi saboot dikha rahe hain।

aaj vatan mein baapdaada aapas mein bachchon ki visheshta par rooh-rihaan kar rahe the। abhi is varsha ke avyakt ka vyakta mein milne ka season kaho va milan mela kaho samaapta ho raha hai, to baapdaada sabhi ki result ko dekh rahe the। vaise to avyakt roop se avyakt sthiti se sada ka milan hai hi aur sada rahega। lekin saakaar roop dvaara milan ka samay nishchit karna padta hai aur ismen samay ki had rakhni padti hai। avyakt roop ke milan mein samay ki had nahin hai, jo jitna chaahe milan mana sakte hain। avyakt shakti ki anubhooti kar svayan ko seva ko sada aage badha sakte hain। phir bhi nishchit samay ke pramaan is varsha ki yeh season samaapta ho rahi hai। lekin samaapta nahin hai sampanna ban rahe hain। milna arthaat samaan banna। samaan bane na। to samaapti nahin hai, bhale season ka samay to samaapta ho raha hai lekin svayan samaan aur sampanna ban gaye isliye baapdaada chaaron or ke double videshi bachchon ko vatan mein dekh harshit ho rahe the kyonki saakaar mein to koi aa sakta, koi nahin bhi aa sakta, isliye apna chitra athva patra bhej dete hain। lekin avyakt roop mein baapdaada chaaron or ke sang"na ko sahaj emerge kar sakta hai। agar yahaan sabhi ko bulaaven phir bhi rahne aadi ka sab saadhan chaahiye। avyakt vatan mein to in sthool saadhnon ki koi aavashyakta nahin। vahaan to sirf double videshi kya lekin saare bhaarat ke bachche bhi ikatthe karo to aise lagega jaise behad ka avyakt vatan hai। vahaan bhale kitne bhi laakh hon phir bhi aise hi lagega jaise chhota-sa sangathan dikhaai de raha hai। to aaj vatan mein sirf double videshiyon ko emerge kiya tha।

baapdaada dekh rahe the ki bhinna rasam-rivaaz hote hue bhi dridh sankalp se pragti achhi ki hai। majority umang-utsaah mein chal rahe hain। koi-koi khel dikhaane vaale hote hi hain lekin result mein yeh antar dekha ki agle varsha tak confuse jyaada hote the। lekin is varsha ki result mein kai bachche pahle se majboot dekhe। koi-koi baapdaada ko khel dikhaane vaale bachche bhi dekhe। confuse hone ka bhi khel karte hain na। us samay ka video nikaal baith dekho to aapko bilkul drama lagega। lekin pahle se antar hai। abhi anubhvi bane hue gambheer bhi ban rahe hain। to yeh result dekhi ki padhaai se pyaar aur yaad mein rahne ka umang bhinna reeti-rasam maanyata ko sahaj badal deta hai। bhaaratvaasiyon ko parivartan hone mein sahaj hai। devtaaon ko jaante hain, shaastron ke mix knowledge ko jaante hain to maanyataayen bhaaratvaasiyon ke liye itni naveen nahin hai। phir bhi total chaaron or ke bachchon mein aise nishchay buddhi, atal, achal aatmaayen dekheen। aise nishchay buddhi auron ko bhi nishchaybuddhi banaane mein ekjaampul bane hue hain। pravritti mein rehte bhi powerful sankalp se drishti, vritti parivartan kar lete। woh bhi vishesh ratna dekhe। kai aise bhi bachche hain jo jitna hi apni reeti pramaan alpakaal ke saadhnon mein, alpakaal ke sukhon mein masta the, aise bhi raat-din ke parivartan mein achhe teevra purooshaarthiyon ki line mein chal rahe hain। chaahe jyaada andaaj na bhi ho lekin phir bhi achhe hain। jaise baapdaada jhaatku ka drishtaanta dete hain। aise man se tyaag ka sankalp karne ke baad phir okh bhi na doobe aise bhi hain। aaj total result dekh rahe the। shaktishaali aatmaon ko dekh baapdaada muskaraate hue rooh-rihaan kar rahe the ki brahma ki rachna do prakaar ki gaai hui hai। ek brahma ke mukh se brahman nikle। aur doosri rachna-brahma ne sankalp se srishti rachi। to brahma baap ne kitne samay se shreshtha shaktishaali sankalp kiya! hain to baap-daada donon hi phir bhi rachna ke liye shiv ki rachna nahin kahenge। shiv vanshi kahenge। shiv-kumaar shivkumaari nahin kahenge। brahmaakumaar kumaari kahenge। to brahma ne vishesh shreshtha sankalp se aahvaan kiya arthaat rachna rachi। to yeh brahma ke shaktishaali sankalp se, aavaahna se saakaar mein pahunch gaye hain।

sankalp ki rachna bhi kam nahin hai। jaise sankalp shaktishaali hai to door se bhinna pardon ke andar se bachchon ko apne parivaar mein laana tha, shreshtha shaktishaali sankalp ne prer kar sameep laaya, isliye yeh shaktishaali sankalp ki rachna bhi shaktishaali hai। kaeeyon ka anubhav bhi hai - jaise buddhi ko vishesh koi prer kar sameep la raha hai। brahma ke shaktishaali sankalp ke kaaran brahma ke chitra ko dekhte hi chetanyata ka anubhav hota hai। chaitanya sambandh ke anubhav se aage badh rahe hain। to baapdaada rachna ko dekh harshit ho rahe hain। abhi aage aur bhi shaktishaali rachna ka pratyaksha saboot dete rahenge। double videshiyon ki seva ke samay ke hisaab se ab bachpan ka samay samaapta hua। abhi anubhvi ban auron ko bhi achal adol banaane ka, anubhav karaane ka samay hai। abhi khel karne ka samay samaapta hua। ab sada samartha ban nirbal aatmaon ko samartha banaate chalo। aap logon mein nirbalta ke sanskaar honge to doosron ko bhi nirbal banaayenge। samay kam hai aur rachna jyaada-se-jyaada aane vaali hai। itni sankhya mein hi khush nahin ho jaana ki bahut ho gaye। abhi to sankhya badhni hi hai। lekin jaise aapne itna samay paalna li aur jis vidhi se aap logon ne paalna li, ab woh parivartan hota jaayega।

jaise 50 varshon ki paalna vaale golden jubilee vaalon mein aur silver jubilee vaalon mein antar raha hai na। aise peechhe aane vaalon mein antar hota jaayega। to thode samay mein unhein shaktishaali banaana hai। svayan unhon ki shreshtha bhaavna to hogi hi। lekin aap sabhi ko bhi aise thode samay mein aage badhne vaale bachchon ko apne sambandh aur samparka ka sahayog dena hi hai, jisse unhon ko sahaj aage badhne ka umang aur himmat ho। abhi yeh seva bahut honi hai। sirf apne liye shaktiyaan jama karne ka samay nahin hai। lekin apne saath auron ke prati bhi shaktiyaan itni jama karni hain jo auron ko bhi sahayog de sako। sirf sahayog lene vaale nahin lekin dene vaale banna hai। jinhon ko do varsha bhi ho gaya hai unhon ke liye do varsha bhi kam nahin hain। thode time mein sab anubhav karna hai। jaise vriksha mein dikhaate ho na, last aane vaali aatmaayen bhi 4 stages se paas zaroor hoti hain। phir chaahe 10-12 janma bhi hon ya kitne bhi hon। to peechhe aane vaalon ko bhi thode samay mein sarvashaktiyon ka anubhav karna hi hai। student life ka bhi aur saath-saath sevaadhaari ka bhi anubhav karna hai। sevaadhaari ko sirf course karaana ya bhaashan karna nahin hai। sevaadhaari arthaat sada umang-utsaah ka sahayog dena। shaktishaali banaane ka sahayog dena। thode samay mein sarva sabjektsa paas karni hain। itna teevragti se karenge tab to pahunchenge na, isliye ek do ka sahayogi banna hai। ek do ke yogi nahin banna। ek do se yog lagaana nahin shuru karna। sahayogi aatma sada sahayog se baap ke sameep aur samaan bana deti hai। aap samaan nahin lekin baap samaan banaana hai। jo bhi apne mein kamjori ho unko yahaan hi chhod jaana। videsh mein nahin le jaana। shaktishaali aatma ban shaktishaali banaana hai। yahi vishesh dridh sankalp sada smriti mein ho। achha!

chaaron or ke sabhi bachchon ko vishesh sneh sampanna yaadapyaar de rahe hain। sada snehi, sada sahayogi aur shaktishaali aisi shreshtha aatmaon ko baapdaada ka yaad pyaar aur namaste।

sabhi ko yeh khushi hai na ki variety hote hue bhi ek ke ban gaye। abhi alag-alag mat nahin hai। ek hi eeshvareey mat par chalne vaali shreshtha aatmaayen hain। braahmanon ki bhaasha bhi ek hi hai। ek baap ke hain aur baap ki knowledge auron ko bhi de sarva ko ek baap ka banaana hai। kitna bada shreshtha parivaar hai। jahaan jaao, jis bhi desh me jaao to yeh nasha hai ki hamaara apna ghar hai। seva sthaan arthaat apna ghar। aisa koi bhi nahin hoga jiske itne ghar hon। agar aap logon se koi poochhe - aapke parichit kahaan-kahaan rehte hain? to kahenge saare world mein hain। jahaan jaao apna hi parivaar hai। kitne behad ke adhikaari ho gaye। sevaadhaari ho gaye। sevaadhaari banna arthaat adhikaari banna। yeh behad ki roohaani khushi hai। abhi har ek sthaan apni shaktishaali sthiti se vistaar ko praapta ho raha hai। pahle thodi mehnat lagti hai। phir thode ekjaampul ban jaate to unhon ko dekh doosre sahaj aage badhte rehte।

baapdaada sabhi bachchon ko yahi shreshtha sankalp baar-baar smriti mein dilaate hain ki sada svayan bhi yaad aur seva ke umang-utsaah mein raho, khushi-khushi se aage teevragti se badhte chalo aur doosron ko bhi aise hi umang utsaah se badhaate chalo, aur chaaron or ke jo saakaar mein nahin pahunche hain unhon ke bhi chitra aur patra sab pahunche hain। sabke respond mein baapdaada sabhi ko padmaapdam guna dil se yaad-pyaar bhi de rahe hain। jitna abhi umang-utsaah, khushi hai usse aur padmaguna badhaao। koi-koi ne apni kamjoriyon ka samaachaar bhi likha hai, unhon ke liye baapdaada kehte, likha arthaat baap ko diya। di hui cheez phir apne paas nahin rah sakti। kamjori de di phir usko sankalp mein bhi nahin laana। teesri baat kabhi bhi kisi bhi svayan ke sanskaar va sangathan ke sanskaaron va vaayumandal ki halchal se dilshikasta nahin hona। sada baap ko combined roop mein anubhav kar dil-shikasta se shaktishaali ban aage udte raho। hisaab-kitaab chuktu hua arthaat bojh utra। khushi-khushi se pichhle bojh ko bhasma karte jaao। baapdaada sada bachchon ke sahayogi hain। jyaada socho bhi nahin। vyartha soch bhi kamjor kar deta hai। jiske vyartha sankalp jyaada chalte hain to do chaar baar murli padho। manan karo, padhte jaao। koi na koi point buddhi mein baith jaayegi। shuddh sankalpon ki shakti jama karte jaao to vyartha khatma ho jaayega। samjha।

baapdaada ki vishesh prernaayen

chaaron or chaahe desh, chaahe videsh mein kai aise chhote-chhote sthaan hain। is samay ke pramaan saadhaaran hain lekin maalaamaal bachche hain। to aise bhi kai hain jo nimitta bane bachchon ko apni taraph chakkar lagaane ki aasha bahut samay se dekh rahe hain। lekin aash poorn nahin ho rahi hai। woh bhi baapdaada aash poori kar rahe hain। vishesh mahaarthi bachchon ko plan banaakar chaaron or jinhon ki aasha ke deepak bane hue rakhe hain, woh jagaane jaana hai। aasha ke deepak jagaane ke liye baapdaada vishesh samay de rahe hain। sabhi mahaarthi milkar bhinna-bhinna area baant, gaanv ke bachche, jinhon ke paas samay ke kaaran nahin ja sake hain unhon ki aash poori karni hai। mukhya sthaanon par to mukhya programmes ke kaaran jaate hi hain lekin jo chhote-chhote sthaan hain, unhon ke yathaashakti programme hi bade programme hain। unhon ki bhaavna hi sabse bada function hai। baapdaada ke paas aise kai bachchon ki bahut samay ki arjiyaan file mein padi hui hain। yeh file bhi baapdaada poora karna chaahte hain। mahaarthi bachchon ko chakravarti banne ka vishesh chance de rahe hain। phir aise nahin kehna - sab jagah daadi jaave। nahin, agar ek hi daadi sab taraph jaave phir to 5 varsha lag jaaen। aur phir 5 varsha baapdaada na aave yeh manjoor hai? baapdaada ki season yahaan ho aur daadi chakra par jaaye, yeh bhi achha nahin lagega isliye mahaarthiyon ka programme banaana। jahaan koi nahin gaya hai vahaan jaane ka banaana aur vishesh is varsha jahaan bhi jaave to ek din baahar ki seva, ek din braahmanon ki tapasya ka programme - yeh donon programme zaroor hon। sirf function mein jaae bhaag-daud kar nahin aana hai। jitna ho sake aisa programme banaao jismen braahmanon ki vishesh riphreshmenta ho। aur saath-saath aisa programme ho jisse veeaaeepeej ka bhi samparka ho jaae lekin short programme ho। pahle se hi aisa programme banaaven jismen braahmanon ko bhi vishesh umang-utsaah ki shakti mile। nirvighna banne ka himmat ullaas bhare। to chaaron or ka chakra ka programme banaane ke liye bhi vishesh samay de rahe hain kyonki samay pramaan circumstance bhi badal rahe hain aur badalte rahenge isliye file ko khatma karna hai। achha।

vardaan:- roohaaniyat ki shreshtha sthiti dvaara vaataavran ko roohaani banaane vaale sahaj purooshaarthi bhav

roohaaniyat ki sthiti dvaara apne sevaakendra ka aisa roohaani vaataavran banaao jisse svayan ki aur aane vaali aatmaon ki sahaj unnati ho sake kyonki jo bhi baahar ke vaataavran se thake hue aate hain unhein extra sahayog ki aavashyakta hoti hai isliye unhein roohaani vaayumandal ka sahayog do। sahaj purooshaarthi bano aur banaao। har ek aane vaali aatma anubhav kare ki yeh sthaan sahaj hi unnati praapta karne ka hai।

slogan:- vardaani ban shubh bhaavna aur shubh kaamna ka vardaan dete raho।