Daily Murli for Saturday 12 December 2020

12-12-2020 praatahmurli om shanti "baapdaada"' madhuban

“meethe bachche - apni takdeer oonch banaani hai to koi se bhi baat karte, dekhte buddhi ka yog ek baap se lagaao''

prashn:- nai duniya ki sthaapna ke nimitta banne vaale bachchon ko baap ka kaun sa direction mila hua hai?

uttar:- bachche, tumhaara is puraani duniya se koi connection nahin hai। apni dil is puraani duniya se mat lagaao। jaanch karo ham shreemat ke barkhilaaph karma to nahin karte hain? roohaani service ke nimitta bante hain?

geet:- bholenaath se niraala…

om shanti। ab geet sunne ki koi jaroorat nahin rehti। geet aksar karke bhakta hi gaate hain aur sunte hain। tum to padhaai padhte ho। yeh geet bhi bachchon ke liye hi khaas nikle hue hain। bachche jaante hain-baap hamaari takdeer oonch bana rahe hain। ab hamko baap ko hi yaad karna hai aur daiveegun dhaaran karne hain। apna potaamel dekhna hai। jama hota hai ya na (ghaata) hota rehta hai। hamaare mein koi khaami to nahin hai? agar khaami hai, jisse hamaari takdeer mein ghaata pad jaayega to usko nikaal dena chaahiye। is samay har ek ko apni takdeer oonch banaani hai। tum samjhaate ho ham yeh lakshmi-naaraayan ban sakte hain। agar sivaae ek baap ke aur koi ko yaad nahin karenge to। koi se baat karte, dekhte hue buddhi ka yog vahaan ek ke saath laga rahe। ham aatmaon ko baap ko hi yaad karna hai। baap ka pharmaan mila hua hai। sivaae mere aur koi se dil nahin lagaao aur daiveegun dhaaran karo। baap samjhaate hain, tumhaare abhi 84 janma poore hue hain। ab phir tum jaakar pahla number lo raajaai mein। aisa na ho raajaai se girkar praja mein chale jaao, praja mein bhi neeche chale jaao। nahin, apni jaanch karte raho। yeh samjhaani baap bigar to aur koi de na sake। baap ko, teacher ko yaad karne se dar rahega। aisa na ho hamko koi saja mil jaae। bhakti mein bhi samajhte hain paap karma karne se ham saja ke bhaagi ban jaayenge। bade baba ke direction to abhi hi milte hain, jisko shreemat kehte hain। bachche jaante hain ki shreemat se ham shreshtha bante hain। apni jaanch karni hai। kahaan-kahaan ham shreemat ke barkhilaaph to kuchh karte nahin hain? jo baat achhi na lage woh karni nahin chaahiye। achhe bure ko to ab samajhte ho, aage nahin samajhte the। abhi tum aise karma seekhte ho jo phir janma-janmaantar karma akarma ban jaate hain। is samay to sabmen 5 bhoot pravesh hain। ab achhi reeti purushaartha kar karmaateet banna hai। daiveegun bhi dhaaran karne hain। samay naazuk hota jaata hai, duniya bigadti jaati hai। din pratidin bigadti hi rahegi। is duniya se tumhaara jaise ki connection hi nahin। tumhaara connection hai nai duniya se, jo sthaapan ho rahi hai। tum jaante ho ham nimitta bante hain - nai duniya sthaapan karne। to jo em object saamne hain, un jaisa banna hai। koi bhi aasuri gun andar na ho। roohaani service mein lage rahne se unnati bahut hoti hai। pradarshani, museum aadi banaate hain। samajhte hain bahut log aayenge, unhon ko baap ka parichay denge, phir woh bhi baap ko yaad karne lag padenge। saara din yahi khyaalaat chalte rahen। centre khol service ko badhaayen, yeh ratna sab tumhaare paas hain। baap daiveegun bhi dhaaran karaate hain aur khajaana dete hain। tum yahaan baithe ho buddhi mein hai srishti ke aadi madhya ant ko jaante hain। pavitra bhi rehte hain। mansa-vaacha-karmana koi bura karma na ho, uski poori jaanch karni hoti hai। baap aaye hi hain patiton ko paavan banaane। uske liye yuktiyaan bhi batlaate rehte hain। usmein hi raman karte rehna hai। centre khol bahuton ko nimantran dena hai। prem se baith samjhaana hai। yeh puraani duniya khatma honi hai। pahle to nai duniya ki sthaapna bahut zaroori hai। sthaapna hoti hai sangam par। yeh bhi manushyon ko pata nahi hai ki ab sangamayug hai। yeh bhi samjhaana hai nai duniya ki sthaapna, puraani duniya ka vinaash uska ab sangam hai। nai duniya ki sthaapna shreemat par ho rahi hai। sivaae baap ke aur koi nai duniya ke sthaapna ki mat denge nahin। baap hi aakar tum bachchon se nai duniya ka udghaatan karaate hain। akele to nahin karenge। sab bachchon ki madad lete hain। vo log udghaatan karne liye madad nahin lenge। aakar kainchi se ribbon kaatenge। yahaan to woh baat nahin। ismen tum braahman kul bhooshan madadgaar bante ho। sab manushya maatra raasta bilkul moonjhe hue hain। patit duniya ko paavan banaana yeh baap ka hi kaam hai। baap hi nai duniya ki sthaapna karte hain, jiske liye roohaani knowledge dete hain। tum jaante ho baap ke paas nai duniya ke sthaapna karne ki yukti hai। bhakti maarga mein unko pukaarte hain na - he patit-paavan aao। bhal shiv ki pooja bhi karte rehte hain। parantu yeh jaante nahin hain ki patit-paavan kaun hai। duhkh mein yaad to karte hain he bhagwan, he raam। raam bhi niraakaar ko hi kehte hain। niraakaar ko hi oonch bhagwan kehte hain। parantu manushya bahut moonjhe hue hain। baap ne aakar nikaala hai। jaise foggy mein manushya moonjh jaate hain na। yeh to hai behad ki baat। bahut bade jangal mein aakar pade hain। tumko bhi baap ne feel karaaya hai ham kis jangal mein pade the। yeh bhi ab pata pada hai-yeh puraani duniya hai। inka bhi ant hai। manushya to bilkul raasta jaante hi nahin। baap ko pukaarte rehte hain। tum abhi pukaarte nahin ho। abhi tum bachche drama ke aadi-madhya-ant ko jaante ho। so bhi nambarvaar। jo jaante hain woh bahut khushi mein rehte hain। auron ko bhi raasta bataane mein tatpar rehte hain। baap to kehte rehte hain bade-bade centre kholo। chitra bade-bade honge to manushya sahaj samajh sakenge। bachchon ke liye maps(chitra) zaroor chaahiye। bataana chaahiye - yeh bhi school hai। yahaan ke yeh wonderful maps hain, un school ke nakshe mein to hoti hain had ki baaten। yeh hain behad ki baaten। yeh bhi paathshaala hai, jismen baap hamko srishti ke aadi madhya ant ka raaz bataae aur laayak banaate hain। manushya se devta banne ki yeh eeshvareey paathshaala hai। likha hua hi hai eeshvareey vishwa vidyaalay। yeh hai roohaani paathshaala। sirf eeshvareey vishwa vidyaalay se bhi manushya samajh nahin sakte hain। university bhi likhna chaahiye। aisa eeshvareey vishwa vidyaalay koi hai nahin। baba ne cards dekhe the। kuchh akshar bhoole hue the। baba ne kitna baar kaha hai prajaapita akshar zaroor daalo phir bhi bachche bhool jaate hain। likhat poori honi chaahiye। jo manushyon ko maaloom pade ki yeh eeshvareey bada college hai। bachche jo service par upasthit hain, jo achhe serviceable hain, unhon ko bhi dil mein rehta hai ham phalaane centre ko jaakar uthaayen, thanda pad gaya hai, unko jagaayen kyonki maaya aisi hai jo ghadi-ghadi sula deti hai। main svadarshan chakradhaari hoon, yeh bhi bhool jaate hain। maaya bahut opposition karti hai। tum yuddha ke maidaan mein ho। maaya maatha mood kar ulte taraph na le jaae, uski badi sambhaal karni hai। maaya ke toofaan to bahut sabhi ko lagte hain। chhote athva bade sab yuddha ke maidaan mein ho। pahalvaan ko maaya ke toofaan hila na saken। woh avastha bhi aane vaali hai।

baap samjhaate hain - samay bada kharaab hai, haalten bigdi hui hain। raajaai to sab khatma ho jaani hai। sabko utaar denge। phir praja ka praja par raajya saari duniya mein ho jaayega। tum apni nai raajaai sthaapan karte ho to yahaan raajaai ka naam bhi khatma ho jaayega। panchaayti raajya hota jaata hai। jab praja ka raajya ho tab to aapas mein lade jhagden। svaraajya athva raamraajya to vaastav mein hai nahin isliye saari duniya mein jhagde hi hote rehte hain। aajkal to hangaama sab jagah hai। tum jaante ho - ham apni raajaai sthaapan kar rahe hain। tum sabko raasta bataate ho। baap kehte hain - maamekam yaad karo। baap ki yaad mein rah auron ko bhi yeh samjhaana hai - dehi-abhimaani bano। deh abhimaan chhodo। aise nahin ki tumhaare mein sab dehi-abhimaani bane hain। nahin, banne ka hai। tum purushaartha karte ho auron ko bhi karaate ho। yaad karne ki koshish karte hain phir bhool jaate hain। purushaartha yahi karna hai। mool baat hai baap ko yaad karna। bachchon ko kitna samjhaate hain। knowledge bahut achhi milti hai। mool baat hai pavitra rehna। baap paavan banaane aaye hain to phir patit nahin banna hai, yaad se hi tum satopradhaan ban jaayenge। yeh bhoolna nahin hai। maaya ismen hi vighna daal bhula deti hai। raat-din yeh taat rahe ham baap ko yaad kar satopradhaan banen। yaad aisi pakki honi chaahiye jo pichhaadi mein sivaae ek baap ke aur koi bhi yaad na pade। pradarshani mein bhi pahle-pahle yeh samjhaana chaahiye yeh hai sabka baap oonch te oonch bhagwan। sabka baap patit-paavan sadgati daata yeh hai। yahi svarga ka rachayita hai।

abhi tum bachche jaante ho baap aate hi hain sangamayug par। baap hi raajayog sikhlaate hain। patit-paavan ek ke sivaae doosra koi ho nahi sakta। pahle-pahle to baap ka parichay dena padta hai। ab ek-ek ko aise ek chitra par baith samjhaao to itni bheed ko kaise samjha sakenge। parantu pahle-pahle baap ke chitra par samjhaana mukhya hai। samjhaana padta hai - bhakti hai athaah, gyaan to hai ek। baap kitni yuktiyaan bachchon ko batlaate rehte hain। patit-paavan ek baap hai। raasta bhi bataate hain। geeta kab sunaai? yeh bhi kisko pata nahin। dvaapar yug ko koi sangamayug nahin kaha jaata। yuge-yuge to baap nahin aate hain। manushya to bilkul moonjh pade hain। saara din yahi khyaalaat chalte hain, kaise-kaise samjhaaya jaae। baap ko direction dene padte hain। tape par bhi murli poori sun sakte hain। koi-koi kehte hain tape dvaara ham sun rahe hain, kyon na direct jaakar sunen, isliye sammukh aate hain। bachchon ko bahut service karni hai। raasta bataana hai। pradarshani mein aate hain। achha-achha bhi kehte hain phir baahar jaane se maaya ke vaayumandal mein sab ud jaata hai। simran nahin karte hain। unki phir peeth karni chaahiye। baahar jaane se maaya kheench leti hai। gorakhdhandhon mein lag jaate hain isliye madhuban ka gaayan hai। tumko to abhi samajh mili hai। tum vahaan bhi jaakar samjhaayenge। geeta ka bhagwan kaun hai? aage to tum bhi aise hi jaakar maatha jhukaate the। abhi to tum bilkul badal gaye ho। bhakti chhod di hai। tum abhi manushya se devta ban rahe ho। buddhi mein saari knowledge hai। aur kya jaane prajaapita brahmaakumaar, kumaariyaan kaun hain। tum samjhaate ho, vaastav mein tum bhi prajaapita brahmaakumaar kumaari ho। is samay hi brahma dvaara sthaapna ho rahi hai। brahman kul bhi zaroor chaahiye na। sangam par hi brahman kul hota hai। aage braahmanon ki choti mashhoor thi। choti se ya janeu se pahchaante the ki yeh hindu hai। ab to woh nishaaniyaan bhi chali gai hain। abhi tum jaante ho ham brahman hain। brahman banne ke baad phir devta ban sakte hain। braahmanon ne hi nai duniya sthaapan ki hai। yogbal se satopradhaan ban rahe hain। apni jaanch rakhni hai। koi bhi aasuri gun na ho। loonpaani nahin banna hai। yeh to yagya hai na। yagya se sabki sambhaal hoti rehti hai। yagya mein sambhaalne vaale trustee bhi rehte hain। yagya ka maalik to hai shivbaaba। yeh brahma bhi trustee hai। yagya ki sambhaal karni padti hai। tum bachchon ko jo chaahiye yagya se lena hai। aur koi se lekar pahnenge to woh yaad aata rahega। ismen buddhi ki line badi clear chaahiye। ab to vaapis jaana hai। samay bahut thoda hai isliye yaad ki yaatra pakki rahe। yahi purushaartha karna hai। achha!

meethe meethe sikeeldhe bachchon prati maat pita baapdaada ka yaadapyaar aur good morning। roohaani baap ki roohaani bachchon ko namaste।

dhaarna ke liye mukhya saar:-

1) apni unnati ke liye roohaani service mein tatpar rehna hai। jo bhi gyaan ratna mile hain unhein dhaaran karke doosron ko karaana hai।

2) apni jaanch karni hai - hamaare mein koi aasuri gun to nahin hain? ham trustee bankar rehte hain? kabhi loon-paani to nahin bante hain? buddhi ki line clear hai?

vardaan:- kehna, sochna aur karna - in teenon ko samaan banaane vaale gyaani tu aatma bhav

abhi vaanaprastha avastha mein jaane ka samay sameep aa raha hai - isliye kamjoriyon ke mere pan ko va vyartha ke khel ko samaapta kar kehna, sochna aur karna samaan banaao tab kahenge gyaan swaroop। jo aise gyaan swaroop gyaani tu aatmaayen hain unka har karma, sanskaar, gun aur kartavya samartha baap ke samaan hoga। ve kabhi vyartha ke vichitra khel nahin khel sakte। sada parmaatma milan ke khel mein busy rahenge। ek baap se milan manaayenge aur auron ko baap samaan banaayenge।

slogan:- sevaaon ka umang chhoti-chhoti beemaariyon ko merge kar deta hai, isliye seva mein sada busy raho।