Daily Murli for Tuesday 15 December 2020

15-12-2020 praatahmurli om shanti "baapdaada"' madhuban

“meethe bachche - ab ghar jaana hai isliye deh sahit deh ke sab sambandhon ko bhool maamekam yaad karo aur paavan bano''

prashn:- aatma ke sambandh mein kaun si ek maheen baat maheen buddhi vaale hi samajh sakte hain?

uttar:- aatma par sui ki tarah dheere-dheere junk (kat) chadhti gai hai। woh yaad mein rahne se utarti jaayegi। jab junk utre arthaat aatma tamopradhaan se satopradhaan banen tab baap ki kheench ho aur woh baap ke saath vaapas ja sake। 2- jitna junk utarti jaayegi utna doosron ko samjhaane mein kheechenge। yeh baaten badi maheen hain, jo moti buddhi vaale samajh nahin sakte।

om shanti। bhagvaanuvaach। ab buddhi mein kaun aaya? woh jo geeta paathshaalaayen aadi hain unhon ko to bhagvaanuvaach kahne se shreekrishna hi buddhi mein aayega। yahaan tum bachchon ko to oonch te oonch baap yaad aayega। is samay yeh hai sangamayug, purushottam banne ka। baap bachchon ko baith samjhaate hain ki deh sahit deh ke sab sambandh tod apne ko aatma samjho। yeh bahut zaroori baat hai, jo is sangamayug par baap samjhaate hain। aatma hi patit bani hai। phir aatma ko paavan ban ghar jaana hai। patit-paavan ko yaad karte aaye hain, parantu jaante kuchh nahin। bhaaratvaasi bilkul hi ghor andhiyaare mein hain। bhakti hai raat, gyaan hai din। raat mein andhiyaara, din mein roshni hoti hai। din hai satayug, raat hai kaliyug। abhi tum kaliyug mein ho, satayug mein jaana hai। paavan duniya mein patit ka question hi nahin। jab patit hote hain to paavan hone ka question uthta hai। jab paavan hain to patit duniya yaad bhi nahin। abhi patit duniya hai to paavan duniya yaad padti hai। patit duniya pichhaadi ka bhaag hai, paavan duniya hai pahla bhaag। vahaan koi patit ho na sake। jo paavan the phir patit bane hain। 84 janma bhi unhon ke samjhaaye jaate hain। yeh badi guhya baaten samajhne ki hain। aadha-kalpa bhakti ki hai, woh itna jaldi chhoot na sake। manushya bilkul hi ghor andhiyaare mein hain, koton mein koi hi nikalte hain, mushkil koi ki buddhi mein baithega। mukhya baat to baap kehte hain deh ke sab sambandh bhool maamekam yaad karo। aatma hi patit bani hai, unko pavitra banna hai। yeh samjhaani bhi baap hi dete hain kyonki yeh baap prisimpal, sonaar, doctor, barrister sab kuchh hai। yeh naam vahaan rahenge nahin। vahaan yeh padhaai bhi nahin rahegi। yahaan padhte hain naukri karne ke liye। aage female itna padhti nahin thi। yeh sab baad mein seekhi hain। pati mar jaae to sambhaal kaun kare? isliye female bhi sab seekhti rehti hain। satayug mein to aisi baaten hoti nahin jo chintan karna pade। yahaan manushya dhan aadi ikattha karte hain, aise samay ke liye। vahaan to aise khyaalaat hi nahin jo chinta karni pade। baap tum bachchon ko kitna dhanvaan bana dete hain। svarga mein bahut khazaana rehta hai। heere-javaahraaton ki khaaniyaan sab bharpoor ho jaati hain। yahaan banjar jameen ho jaati hai to woh taakat nahin hoti। vahaan ke phoolon aur yahaan ke phoolon aadi mein raat-din ka pharka hai। yahaan to sab cheezon se taakat hi nikal gai hai। bhal kitna bhi America aadi se beej le aate hain parantu taakat nikalti jaati hai। dharni hi aisi hai, jismen jaasti mehnat karni padti hai। vahaan to har cheez satopradhaan hoti hai। prakriti bhi satopradhaan to sab kuchh satopradhaan hota hai। yahaan to sab cheejen tamopradhaan hain। koi cheez mein taakat nahin rahi hai। yeh pharka bhi tum samajhte ho। jab satopradhaan cheezen dekhte ho, woh to dhyaan mein hi dekhte ho। vahaan ke phool aadi kitne achhe hote hain। ho sakta hai - vahaan ka anaaj aadi sab tumko dekhne mein aaye। buddhi se samajh sakte hain। vahaan ki har cheez mein kitni taakat rehti hai। nai duniya kiski buddhi mein aati hi nahin। is puraani duniya ki to baat mat poochho। gapoda bhi bahut lamba-chauda lagaate hain to manushya bilkul andhiyaare mein so gaye hain। tum bataate ho baaki thoda samay hai to tumhaare par koi hansi bhi karte hain। reality mein to woh samajhte hain jo apne ko brahman samajhte hain। yeh nai bhaasha, roohaani padhaai hai na। jab tak spiritual father na aaye, koi samajh na sake। spiritual father ko tum bachche jaante ho। vo log jaakar yog aadi sikhaate hain, parantu unhon ko sikhlaaya kisne? aise to nahin kahenge spiritual father ne sikhaaya। baap to sikhlaate hi roohaani bachchon ko hain। tum sangamayugi brahman hi samajhte ho। brahman banenge bhi woh jo aadi sanaatan devi-devta dharma ke honge। brahman tum kitne thode ho। duniya mein to kisma-kisma ki athaah jaatiyaan hain। ek kitaab zaroor hoga jisse pata lagega ki duniya mein kitne dharma, kitni bhaashaayen hain। tum jaante ho yeh sab nahin rahenge। satayug mein to ek dharma, ek bhaasha hi thi। srishti chakra ko tumne jaana hai। to bhaashaaon ko bhi jaan sakte ho ki yeh sab rahenge nahin। itne sab shantidham chale jaayenge। yeh srishti ka gyaan abhi tum bachchon ko mila hai। tum manushyon ko samjhaate ho phir bhi samajhte thode hi hain। koi bade aadmiyon se opening bhi isliye karaate hain kyonki naameegraami hain। aavaaz phailega vaah! president, prime minister ne opening ki। yeh baba jaaye to manushya thode hi samjhenge parampita paramatma ne opening ki, maanenge nahin। koi bada aadmi kamishnar aadi aayega to unke peechhe aur bhi bhaagenge। inke peechhe to koi nahin bhaagega। abhi tum brahman bachche to bahut thode ho। jab majority honge tab samjhenge। abhi agar samajh jaayen to baap ke paas bhaagen। ek ne bachchi ko kaha tha ki jisne tumko yeh sikhaaya ham direct kyon na unke paas jaayen। parantu sui par kat lagi hui hai to chumbak ki kashish kaise ho? kat jab poori nikle tab chumbak ko pakad sake। sui ka ek kona bhi kat chadhi hui hogi to utna kheechengi nahin। saari kat utar jaaye woh to pichhaadi mein jab aise banenge phir to baap ke saath vaapis jaayenge। abhi to phurna (pha) hai ki ham tamopradhaan hain, kat chadhi hui hai। jitna yaad karenge utna kat saaph hoti jaayegi। aahiste-aahiste kat nikalti jaayegi। kat chadhi bhi aahiste-aahiste hai na, phir utregi bhi aise। jaise kat chadhi hai vaise saaph honi hai to uske liye baap ko yaad bhi karna hai। yaad se koi ki jaasti kat utri hai, koi ki kam। jitna jaasti kat utri hui hogi utna woh doosre ko samjhaane mein kheechenge। yeh badi maheen baaten hain। moti buddhi vaale samajh na saken। tum jaante ho raajaai sthaapan ho rahi hai। samjhaane ke liye bhi din-pratidin yuktiyaan nikalti rehti hain। aage thode hi pata tha ki pradarshaniyaan, museum aadi banaayenge। aage chal ho sakta hai aur kuchh nikle। abhi time to pada hai, sthaapna honi hai। heartfail bhi nahin hona hai। karmendriyon ko vash nahin kar sakte hain to gir padte hain। vikaar mein gaye to phir sui par bahut kat lag jaayegi। vikaar se jaasti kat chadhti jaati hai। satayug-treta mein bilkul thodi phir aadhaakalpa mein jaldi-jaldi kat chadhti hai। neeche gir padte hain isliye nirvikaari aur vikaari gaaya jaata hai। viceless devtaaon ki nishaani hai na। baap kehte hain devi-devta dharma praayah lop ho gaya hai। nishaaniyaan to hain na। sabse achhi nishaani yeh chitra hain। tum yeh lakshmi-naaraayan ka chitra uthaae parikrama de sakte ho kyonki tum yeh bante ho na। raavan raajya ka vinaash, raam raajya ki sthaapna hoti hai। yeh raam raajya, yeh raavan raajya, yeh hai sangam। dher ki dhar points hain। doctor logon ki buddhi mein kitni davaaiyaan yaad rehti hain। barrister ki buddhi mein bhi anek prakaar ki points hain। dher topics ka to bahut achha kitaab ban sakta hai। phir jab bhaashan par jaao to points nazar se nikaalo। shrewd buddhi vaale jhat dekh lenge। pahle to likhna chaahiye ham aise-aise samjhaayenge। bhaashan karne ke baad bhi yaad aata hai na। aise samjhaate the to achha tha। yeh points auron ko samjhaane se buddhi mein baithegi। topics ki list bani hui ho। phir ek topic uthaae andar mein bhaashan karna chaahiye ya likhna chaahiye। phir dekhna chaahiye sab points likhi hain? jitna maatha maarenge utna achha hai। baap to samajhte hain na yeh achha surgeon hai, inki buddhi mein bahut points hain। bharpoor ho jaayenge to service bigar maza nahin aayega।

tum pradarshani karte ho kahaan se 2-4, kahaan se 6-8 nikalte hain। kahaan to ek bhi nahin nikalta hai। hazaaron ne dekha, nikle kitne thode isliye abhi bade-bade chitra bhi banaate rehte hain। tum hoshiyaar hote jaate ho। bade-bade aadmiyon ka kya haal hai, woh bhi tum dekhte ho। baba ne samjhaaya hain jaanch karni hai kisko yeh knowledge deni chaahiye। rag dekhni chaahiye jo mere bhakta hon। geeta vaalon ko mukhya baat ek hi samjhaao - bhagwan oonch te oonch ko hi kaha jaata hai। woh hai niraakaar। koi bhi dehdhaari manushyon ko bhagwan nahin kah sakte। tum bachchon ko abhi saari samajh aai hai। sannyaasi bhi ghar ka sannyaas kar bhaagte hain। koi brahmachaari hi chale jaate hain। phir doosre janma mein bhi aise hota hai। janma to zaroor maata ke garbha se hi lete hain। jab tak shaadi nahin ki hai to bandhanmukta hain, itne koi sambandhi aadi yaad nahin aayenge। shaadi ki to phir sambandh yaad aayenge। time lagta hai, jaldi bandhanmukta nahin hote। apni jeevan kahaani ka maaloom to sabko rehta hai। sannyaasi samajhte honge pahle ham grihasthi the phir sannyaas kiya। tumhaara hai bada sannyaas isliye mehnat hoti hai। woh sannyaasi bhabhoot lagaate, baal utaarte, vesh badalte। tumhein to aisa karne ki darkaar nahin। yahaan to dress badalne ki bhi baat nahin। tum saphed saadi nahin pahno to bhi harja nahin। yeh to buddhi ka gyaan hai। ham aatma hain, baap ko yaad karna hai isse hi kat niklegi aur ham satopradhaan ban jaayenge। vaapis to sabko jaana hai। koi yogbal se paavan ban jaayenge, koi saza khaakar jaayenge। tum bachchon ko junk utaarne ki hi mehnat karni padti hai, isliye inko yog agni bhi kehte hain। agni se paap bhasma hote hain। tum pavitra ho jaayenge। kaam chita ko bhi agni kehte hain। kaam agni mein jalkar kaale ban gaye hain। ab baap kehte hain gora bano। yeh baaten tum braahmanon ke sivaae koi ki buddhi mein baith nahin sakti। yeh baaten hi nyaari hain। tumko kehte hain yeh to shaastron ko bhi nahin maante। naastik ban pade hain। bolo, shaastra to ham padhte the phir baap ne gyaan diya hai। gyaan se sadgati hoti hai। bhagvaanuvaach, ved-upnishad aadi padhne, daan-punya aadi karne se koi bhi mere ko praapta nahin karte। mere dvaara hi mere ko praapta kar sakte hain। baap hi aakar laayak banaate hain। aatma par junk chadh jaati hai tab baap ko bulaate hain ki aakar paavan banaao। aatma jo tamopradhaan bani hai use satopradhaan banna hai, tamopradhaan se tamo rajo sato phir satopradhaan banna hai। agar beech mein gadbad hui to kat chadh jaayegi।

baap hamko itna oonch banaate hain to woh khushi rahni chaahiye na। vilaayat mein padhne ke liye khushi se jaate hain na। abhi tum kitna samajhdaar bante ho। kaliyug mein kitna tamopradhaan besmajh ban padte hain। jitna pyaar karo utna aur hi saamna karte। tum bachche samajhte ho ki hamaari raajdhaani sthaapan hoti hai। jo achhi reeti padhenge, yaad mein rahenge woh achha pad paayenge। sapling bhaarat se hi lagta hai। din-pratidin akhbaar aadi se tumhaara naam baala hota jaayega। akhbaaren to sab taraph jaati hain। vahi akhbaar vaala kabhi dekho to achha daalega, kabhi kharaab kyonki woh bhi suni-sunaai par chalte hain na। jisne jo sunaaya woh likh denge। suni-sunaai par bahut chalte hain, usko parmat kaha jaata hai। parmat aasuri mat ho gai। baap ki hai shreemat। koi ne ulti baat bataai to bas aana hi chhod dete hain। jo service par rehte hain, unhon ko sab maaloom rehta hai। yahaan tum jo bhi seva karte ho, yeh hai tumhaari number one seva। yahaan tum seva karte ho, vahaan phal milta hai। kartavya to yahaan baap ke saath karte ho na। achha!

meethe-meethe sikeeldhe bachchon prati maat-pita baapdaada ka yaad-pyaar aur good morning। roohaani baap ki roohaani bachchon ko namaste।

dhaarna ke liye mukhya saar:-

1) aatma roopi sui par junk chadhi hai, use yogbal se utaar satopradhaan banne ki mehnat karni hai। kabhi bhi suni-sunaai baaton par chalkar padhaai nahin chhodni hai।

2) buddhi ko gyaan ki points se bharpoor rakh service karni hai। rag dekhkar gyaan dena hai। bahut shrewd (teekshna) buddhi banna hai।

vardaan:- aadi aur anaadi swaroop ki smriti dvaara apne niji svadharma ko apnaane vaale pavitra aur yogi bhav

braahmanon ka niji svadharma pavitrata hai, apvitrata pardharma hai। jis pavitrata ko apnaana log mushkil samajhte hain woh aap bachchon ke liye ati sahaj hai kyonki smriti aai ki hamaara vaastavik aatma swaroop sada pavitra hai। anaadi swaroop pavitra aatma hai aur aadi swaroop pavitra devta hai। abhi ka antim janma bhi pavitra brahman jeevan hai isliye pavitrata hi brahman jeevan ki personality hai। jo pavitra hai vahi yogi hai।

slogan:- sahajyogi kahkar albelaapan nahin laao, shakti roop bano।