Daily Murli for Wednesday 16 December 2020

16-12-2020 praatahmurli om shanti "baapdaada"' madhuban

“meethe bachche - paapon se halka hone ke liye vaphaadaar, honest ban apni karma kahaani baap ko likhkar do to kshama ho jaayegi''

prashn:- sangamayug par tum bachche kaun-sa beej nahin bo sakte ho?

uttar:- deh-abhimaan ka। is beej se sab vikaaron ke jhaad nikal padte hain। is samay saari duniya mein 5 vikaaron ke jhaad nikle hue hain। sab kaam-krodh ke beej bote rehte hain। tumhein baap ka direction hai bachche yogbal se paavan bano। yeh beej bona banda karo।

geet:- tumhein pa ke hamne jahaan pa liya hai …

om shanti। meethe-meethe roohaani bachchon ne geet suna! abhi to thode hain, anekaanek bachche ho jaayenge। is samay thode practical mein bane ho phir bhi is prajaapita brahma ko jaante to sab hain na। naam hi hai prajaapita brahma। kitni dher praja hai। sab dharma vaale inko maanenge zaroor। un dvaara hi manushya maatra ki rachna hui hai na। baba ne samjhaaya hai laukik baap bhi had ke brahma hain kyonki unka bhi sijra banta hai na। surname se sijra chalta hai। woh hote hain had ke, yeh hai behad ka baap। inka naam hi hai prajaapita। vo laukik baap to limited praja rachte hain। koi nahin bhi rachte। yeh to zaroor rachenge। aise koi kahenge ki prajaapita brahma ko santaan nahin hai? inki santaan to saari duniya hai। pahle-pahle hai hi prajaapita brahma। musalmaan bhi Adam beebi jo kehte hain so zaroor kisko to kehte honge na। Adam Eve, aadi dev, aadi devi yeh prajaapita brahma ke liye hi kahenge। jo bhi dharma vaale hain sab inko maanenge। barobar ek hai had ka baap, doosra hai behad ka। yeh behad ka baap hai behad ka sukh dene vaala। tum purooshaartha bhi karte ho behad svarga ke sukh ke liye। yahaan behad ke baap se behad ke sukh ka varsa paane aaye ho। svarga mein behad ka sukh, narka mein behad ka duhkh bhi kah sakte hain। duhkh bhi bahut aane vaale hain। haay-haay karte rahenge। baap ne tumko saare vishwa ke aadi-madhya-ant ka raaz samjhaaya hai। tum bachche saamne baithe ho aur purooshaartha bhi karte ho। yeh to maat-pita donon hue na। itne dher bachche hain। behad ke maat-pita se kabhi koi dushmani rakhenge nahin। maat-pita se kitna sukh milta hai। gaate bhi hain tum maat-pita.... yeh to bachche hi samajhte hain। doosre dharma vaale sab father ko hi bulaate hain। maat-pita nahin kahenge। sirf yahaan hi gaate hain tum maat-pita ham...... tum bachche jaante ho ham padhkar manushya se devta, kaante se phool ban rahe hain। baap khivaiya bhi hai, baagvaan bhi hai। baaki tum brahman sab anek prakaar ke maali ho। mugal garden ka bhi maali hota hai na। unki pagaar bhi kitni achhi hoti hai। maali bhi nambarvaar hain na। koi-koi maali kitne achhe-achhe phool banaate hain। phoolon mein ek king oph flower bhi hota hai। satayug mein king queen flower bhi hain na। yahaan bhal mahaaraaja-mahaaraani hain parantu flowers nahin hain। patit banne se kaante ban jaate hain। raaste chalte-chalte kaanta lagaakar bhaag jaate hain। ajaamil bhi unko kaha jaata hai। sabse jaasti bhakti bhi tum karte ho। vaam maarga mein girne vaale chitra dekho kaise-kaise gande banaaye hue hain। devtaaon ke hi chitra diye hain। ab woh hain vaam maarga ke chitra। abhi tum bachchon ne yeh baaten samajh li hain। tum abhi brahman bane ho। ham vikaaron se bahut door-door jaate hain। braahmanon mein bhaai-behen ke saath vikaar mein jaana - yeh to bahut bada criminal assault ho jaae। naam hi kharaab ho jaata hai, isliye chhotepan se hi kuchh kharaab kaam kiya hai to woh bhi baba ko sunaate hain to aadha maaph ho jaata hai। yaad to rehta hai na। phalaane samay yeh hamne ganda kaam kiya। baba ko likhkar dete hain। jo bahut vaphaadaar honest hote hain woh baba ko likhte hain - baba hamne yeh-yeh ganda kaam kiya। kshama karo। baap kehte hain kshama to hoti nahin, baaki sach bataate ho to woh halka ho jaayega। aise nahin, bhool jaata hai। bhool nahin sakta। aage phir aisa koi kaam na ho uske liye khabardaar karta hoon। baaki dil khaati zaroor hai। kehte hain baba ham to ajaamil the। is janma ki hi baat hai। yeh bhi abhi tum jaante ho। kab se vaam maarga mein aakar paap aatma bane ho? ab baap phir hamko punya aatma banaate hain। punya aatmaon ki duniya hi alag hai। bhal duniya ek hi hai parantu samajh gaye ho ki do bhaag mein hai। ek hai punya aatmaon ki duniya jisko svarga kaha jaata hai। doosri hai paap aatmaon ki duniya jisko narka duhkhadhaam kaha jaata hai। sukh ki duniya aur duhkh ki duniya। duhkh ki duniya mein sab chillaate rehte hain hamko liberate karo, apne ghar le jaao। yeh bhi bachche samajhte hain ki ghar mein jaakar baithna nahin hai, phir part bajaane aana hai। is samay saari duniya patit hai। abhi baap dvaara tum paavan ban rahe ho। em object saamne khadi hai। aur koi bhi yeh em object nahin dikhaayenge ki ham yeh ban rahe hain। baap kehte hain bachche tum yeh the, ab nahin ho। poojya the ab pujaari ban gaye ho phir poojya banne ke liye purooshaartha chaahiye। baap kitna achha purooshaartha karaate hain। yeh baba samajhte hain na ham prince banoonga। number one mein hai yeh, phir bhi har vakta yaad nahin thaharti hai। bhool jaate hain। kitna bhi koi mehnat kare parantu abhi woh avastha hogi nahin। karmaateet avastha tab hogi jab ladaai ka samay hoga। purooshaartha to sabko karna hai na। inko bhi karna hai। tum samjhaate bhi ho chitra mein dekho baba ka chitra kahaan hai? ekdam jhaad ke pichhaadi mein khada hai, patit duniya mein aur neeche mein phir tapasya kar rahe hain। kitna sahaj samjhaaya jaata hai। yeh sab baaten baap ne hi samjhaai hain। yeh bhi nahin jaante the। baap hi knowledgeful hai, usko hi sab yaad karte hain - he parampita paramatma aakar hamaare duhkh haro। brahma-vishnu-shankar to devtaayen hain। mool vatan mein rahne vaali aatmaon ko devta thode hi kaha jaata hai। brahma-vishnu-shankar ka bhi raaz baap ne samjhaaya hai। brahma, lakshmi-naaraayan yeh to sab yahaan hi hain na। sookshm vatan ka sirf tum bachchon ko abhi saakshaatkaar hota hai। yeh baba bhi pharishta ban jaate hain। yeh to bachche jaante hain jo seedhi ke oopar mein khada hai vahi phir neeche tapasya kar rahe hain। chitra mein bilkul clear dikhaaya hai। woh apne ko bhagwan kahaan kahlaate hain। yeh to kehte hain ham worth not A penny the, tatatvam। abhi worth pound ban rahe ho tatatvam। kitni sahaj samajhne ki baaten hain। kabhi koi bole to kaho dekho yeh to kaliyug ke ant mein khada hai na। baap kehte hain jab jadajdeebhoot avastha, vaanaprastha hoti hai tab main inmen pravesh karta hoon। abhi raajayog ki tapasya kar rahe hain। tapasya karne vaale ko devta kaise kahenge? raajayog seekhkar yeh banenge। tum bachchon ko bhi aisa taaj vaala banaate hain na। yeh so devta bante hain। aise to 10-20 bachchon ke chitra bhi rakh sakte hain। dikhlaane ke liye ki yeh bante hain। aage sabke aise photo nikle hue hain। yeh samjhaane ki baat hai na। ek taraph saadhaaran, doosre taraph double sirtaaj। tum samajhte ho ham yeh ban rahe hain। banenge woh jinki line clear hogi aur bahut meetha bhi banna hai। is samay manushyon mein kaam-krodh aadi ka beej kitna ho gaya hai। sabmen 5 vikaar roopi beej ke jhaad nikal pade hain। abhi baap kehte hain aisa beej nahin bona hai। sangamayug par tumko deh-abhimaan ka beej nahin bona hai। kaam ka beej nahin bona hai। aadhaakalpa ke liye phir raavan hi nahin rahega। har ek baat baap baith bachchon ko samjhaate hain। mukhya to ek hi baat hai manamnaabhav। baap kehte hain mujhe yaad karo। sabse pichhaadi mein yeh hai, phir sabse pahle bhi yeh hai। yogbal se kitna paavan bante hain। shuru mein to bachchon ko bahut saakshaatkaar hote the। bhakti maarga mein jab naudha bhakti karte hain tab saakshaatkaar hota hai। yahaan to yeh baithe-baithe dhyaan mein chale jaate the, isko jaadu samajhte the। yeh to first class jaadu hai। meera ne to bahut tapasya ki, saadhu-santa aadi ka sang kiya। yahaan saadhu aadi kahaan hain। yeh to baap hai na। sabka baap hai shivbaaba। kehte hain guru ji se milen। yahaan to guru hai nahin। shivbaaba to hai niraakaar phir kisse milna chaahte ho? un gurooon ke paas to jaakar bhenta rakhte hain। yeh to baap behad ka maalik hai। yahaan bhenta aadi chadhaane ki baat nahin। yeh paisa kya karenge? yeh brahma bhi samajhte hain ham vishwa ka maalik bante hain। bachche jo kuchh paisa aadi dete hain to unhon ke liye hi makaan aadi bana dete hain। paise to na shivbaaba ke kaam ke hain, na brahma baba ke kaam ke hain। yeh makaan aadi banaaya hi hai bachchon ke liye, bachche hi aakar rehte hain। koi gareeb hain, koi saahookaar hain, koi to do roopaye bhi bhej dete hain - baba hamaari ek eet laga do। koi hajaar bhej dete hain। bhaavna to donon ki ek hai na। to donon ka equal ban jaata hai। phir bachche aate hain jahaan chaahen rahen। jisne makaan banvaaya hai woh agar aate hain to unko zaroor sukh se rahaayenge। kai phir kah dete baba ke paas bhi khaatiri hoti hai। are woh to zaroor karni padegi na। koi kaise hain, koi to kahaan bhi baith jaate hain। koi bahut naazuk hote hain, vilaayat mein rahne vaale, bade-bade mahlon mein rahne vaale hote hain, har ek nation mein bade-bade saahookaar nikalte hain to makaan aadi aise banaate hain। yahaan to dekho kitne dher bachche aate hain। aur kisi baap ko aise khyaalaat thode hi honge। karke 10-12-20 potre-potriyaan hon। achha, kisko 200-500 bhi hon inse jaasti to nahin honge। is baba ki family to kitni badi hai, aur hi vriddhi ko paani hai। yeh to raajdhaani sthaapan ho rahi hai। baap ki family kitni banengi। phir prajaapita brahma ki family kitni ho gai। kalpa-kalpa jab aate hain tab hi wonderful baaten tumhaare kaanon mein padti hai। baap ke liye hi kehte ho na - he prabhu tumhaari gati-mat sabse nyaari shuru hoti hai। bhakti aur gyaan mein farka dekho kitna hai।

baap tumko samjhaate hain - svarga mein jaana hai to daiveegun bhi dhaaran karne chaahiye। abhi to kaante hain na। gaate rehte hain main nirgun haare mein koi gun naahi। baaki 5 vikaaron ke avgun hain, raavan raajya hai। abhi tumko kitni achhi knowledge milti hai। woh knowledge itni khushi nahin deti hai, jitni yeh। tum jaante ho ham aatmaayen oopar mool vatan mein rahne vaali hain। sookshm vatan mein brahma-vishnu-shankar, woh bhi sirf saakshaatkaar hota hai। brahma bhi yahaan, lakshmi-naaraayan bhi yahaan ke hain। yeh sirf saakshaatkaar hota hai। vyakta brahma so phir sookshmavtanvaasi brahma pharishta kaise ban jaate hain, woh nishaani hai। baaki hai kuchh nahin। abhi tum bachche sab baaten samajhte jaate ho, dhaarna karte jaate ho। nai baat nahin hai। tum anek baar devta bane ho, deity raajya tha na। yeh chakra phirta rehta hai। woh vinaashi drama hota hai, yeh hai anaadi avinaashi drama। yeh tumhaare sivaae aur koi ki buddhi mein nahin hai। yeh sab baap baith samjhaate hain। aise nahin ki parampara se chala aaya hai। baap kehte hain yeh gyaan abhi tumko sunaate hain। phir yeh praayah lop ho jaata hai। tum raajaai pad praapta kar lete ho phir satayug mein yeh knowledge hoti nahin। achha!

meethe-meethe sikeeldhe bachchon prati maat-pita baapdaada ka yaad-pyaar aur good morning। roohaani baap ki roohaani bachchon ko namaste।

dhaarna ke liye mukhya saar:-

1) sada smriti rahe ki ham abhi brahman hain isliye vikaaron se bahut-bahut door rehna hai। kabhi bhi criminal assault na ho। baap se bahut-bahut honest, vaphaadaar rehna hai।

2) double sirtaaj devta banne ke liye bahut meetha banna hai, line clear rakhni hai। raajayog ki tapasya karni hai।

vardaan:- eeshvareey nashe dvaara puraani duniya ko bhoolne vaale sarva praapti sampanna bhav

jaise woh nasha sab kuchh bhula deta hai, aise yeh eeshvareey nasha dukhon ki duniya ko sahaj hi bhula deta hai। us nashe mein to bahut nuksaan hota hai, adhik peene se khatma ho jaate hain lekin yeh nasha avinaashi bana deta hai। jo sada eeshvareey nashe mein masta rehte hain woh sarva praapti sampanna ban jaate hain। ek baap doosra na koi - yeh smriti hi nasha chadhaati hai। isi smriti se samarthi aa jaati hai।

slogan:- ek do ko copy karne ke bajaae baap ko copy karo।